8a7 @##/ /rgya gar skad du/ muk+ta ke na a ra pa tsa na sA d+ha naM/ bod skad du/ tshig lhug pa'i a ra pa tsa na'i sgrub thabs/ 'phags pa 'jam dpal la phyag 'tshal lo/ /dang po sngags pas yid mthun pa'i phyogs gcig tu bde ba'i gdan la nye bar gnas la rang gi snying gar yi ge a las byung
8b1 ba'i zla ba las/lnga pa'i bzhi pa sa bon la yi ge i'i mtha' dang / tsheg drag gnyis dang ldan par bsgoms la/ de'i 'od zer gyi tshogs kyis snying la gnas pa'i nyon mongs pa'i mun pa bsal nas byams pa dang snying rje dang dga' ba dang btang snyoms zhes bya ba tshangs pa'i gnas bzhi bsgom par
8b2 bya'o//'og nas 'byung ba'i rim pas byams pa gang zhe na/ sems can thams cad la bu gcig pa lta bu'i sems dga' ba'o/ /snying rje gang zhe na/ sdug bsngal gsum gyis sdug bsngal ba'i sems can rnams 'khor ba'i rgya mtsho las gdon par 'dod pa'o/ /dga' ba gang zhe na/ dge ba'i
8b3 rtsa ba la sogs pa bskyed pas gzhan gyis longs spyod pa'i dbang phyug la sogs pa la sems dga' ba'o//btang snyoms gang zhe na/ gang gi rnam pa thams cad du khong khro ba dang rjes su chags par byed pa dang bral ba'i chos nyid rang gi ngang gis 'jug pa'o zhes bya'o/ /tshangs pa'i gnas bzhi
8b4 bsgoms pa'i rjes su rang gi snying ga'i sa bon nyid las byung ba'i 'od kyis nam mkha'i phyogs ma lus pa khyab pa'i bla ma dang /sangs rgyas dang / byang chub sems dpa' rnams spro ba dang sdud par byed pas/ 'gro ba'i don gyi bya ba gcig tu byed par bltas la/ rang gi snying ga'i sa bon gyi 'od kyis
8b5 lha rdzas kyi dri dang me tog la sogs pa rnam pa'i bye brag phyung ste/maN+Dal sngon du 'gro bas thal mo sbyar te bla ma dang / sangs rgyas dang / byang chub sems dpa' rnams kyi zhabs kyi pad+mo la spyi bos gtugs shing gus pas phyag 'tshal te 'od zer de nyid las byung ba'i me tog dang / bdug pa
8b6 dang /mar me dang / dri dang / phye ma dang / chos gos dang / rgyal mtshan dang / dril bu dang / ba dan la sogs pas de rnams la phyi dang nang gi mchod pas yang dag par mchod pa ni mchod pa'o/ /de nas sdig pa bshags pa la sogs pa byas te/ skye ba thams cad du sdig pa bdag gis
8b7 nye bar bsags pa gang /'dod chags las skyes pa'am/ zhe sdang las skyes pa'am/ gti mug las skyes pa'am/ lus sam yid dam/ ngag gam/ de thams cad kyis byas pa so sor bshags par bgyi'o zhes pa na sdig pa bshags pa'o/ /bsod nams gang de bzhin gshegs
9a1 pa thams cad kyis yang dag par rdzogs pa'i byang chub la mnyam par brten pa gang yin pa dang /rang sangs rgyas dang / bla ma dam pa dang / de thams cad kyi bsod nams nyid la rjes su yi rang ngo / /bsod nams la rjes su yi rang ba'o/ /dus gsum ma lus par gnas pa'i
9a2 sangs rgyas phyogs mtha' med par khyab pa'i snying rje'i yon tan gyi tshogs kyis brgyan pa dang /skyon thams cad spangs pa'i dge 'dun dang / dam pa'i chos shes par bya ba la gus par skyabs su mchi'o/ /gsum la skyabs su 'gro ba'o/ /yongs su dag pa'i rgyal ba'i lam brten te/ tshangs
9a3 pa dbang po drag po la sogs rnyed dka' ba//gang 'dir bsod nams tshogs 'di bdag gis nyer bsags pa/ /byang chub sems 'di rab tu bskyed par bgyi/ /rgyal ba'i lam brten pa dang byang chub kyi sems bskyed pa gnyis so/ /de ltar bla na med pa'i mchod pa rnam pa bdun gyi rjes su bla ma'i
9a4 gsung gis phyi dang nang du bcas pa stong pa nyid du rnam par bsgoms la/yang brtan par bya ba'i don du/ oM swa b+hA wa shud+d+haHsarbad+harmaHswab+hA wa shud+d+hou0f85haM/ zhes bya ba'i tshig gis brjod par bya'o/ /de'i rjes la rang gi sems kyi rnam pa tsam dang zhing thogs pa med pa'i ngo bo nyid du dbyangs yig las b
9a5 yung ba'i zla ba'i dkyil 'khor gyi rnam par bsams la/de'i rjes la sngon du bstan pa'i sa bon no/ /de las zla ba dang / /sa bon yongs su gyur pa las ral gri 'od 'phro ba'i gzugs so/ /de nas 'chang ba'i dbus su ri bong 'dzin pa dang ldan pa sngon du bstan pa'i sa bon te/ ral gri dang sa bon
9a6 de yongs su gyur pa las 'jam pa'i dbyangs ston ka'i zla ba dang mtshungs pa'i 'od phyogs bcu'i 'jig rten gsal bar byed pa'i 'od kyi tshogs 'chang ba/phyag gnyis pa gzhon nu'i rnam pa can g.yas pa na mi shes pa ma lus pa gcig tu gcod par byed pa'i shes rab kyi ral gri phyag na
9a7 bsnams pa'o//g.yon pa na ma lus pa'i thabs su gyur pa'i bstan bcos kyi tshogs kyis gang ba'i po ti gcig phyag na bsnams pa'o/ /rgyan thams cad kyis brgyan pa na bza' dmar po 'chang ba/ bsam gtan la rtse gcig tu gnas pa/ rab tu rgyas pa'i pad+ma'i zhal/ pad+ma'i 'dab
9b1 ma'i spyan skyes bu chen po'i mtshan gyis bskyed cing mdzes pa/in+d+ra nI la'i nor bu lta bu dbu skra bsdoms pa'i ral pa'i lcang lo lnga dang ldan pa'o/ /pad+ma dkar po 'dab ma brgyad pa dang / zla ba la rdo rje skyil krung gis nye bar gnas pa/ de bzhin gshegs pa thams cad kyi ye shes kyi ngo bo nyid
9b2 'jam dpal gyi gzugs su bdag nyid bsgoms la/de ltar rnal 'byor pa dam tshig sems dpa'i nga rgyal dang ldan pas rang gi snying gar a las rdzogs pa'i 'khor lo dkar po rtsibs brgyad pa 'od zer gyi tshogs spros pas/ ma lus pa'i mi shes pa 'joms par byed pa'i g.yas su myur
9b3 du 'khor ba'i rim pas bltas la/de'i steng du ma reg par dbyangs yig dang po las zla ba'i dkyil 'khor ro/ /de'i steng du yi ge lnga go rims bzhin ji lta bar me 'bar ba'i rnam pa lta bur 'od zer dang bcas pas ma lus pa'i mi shes pa med par byed pa bla ma'i man ngag gis rnam par bsgom
9b4 par bya'o//lha'i rnam pa rdzogs pa la sngags pas skyo ba med par spro ba la sogs pa byas la bzlas pa bya'o/ /yang na snying ga'i zla ba'i dbus su a dkar po'i rnam pa las rdzogs pa'i a ra pa tsa na zhes bya ba dkar po rgyan thams cad kyis brgyan pa dga' zhing bsam gtan la rtse gcig tu
9b5 gnas te/rdo rje skyil krung gis nye bar bzhugs pa/ g.yas pa dang g.yon pa gnyis kyis ral gri dang po ti bsnams pa/ in+d+ra nI la lta bu ma lus pa bsdus pa'i ral pa'i lcang lo lnga dang ldan pa/ 'od 'phro ba'i zla ba lta bu'i zhal/ smra ba rnams kyi mchog zla ba la rang gi sa bon dang bcas
9b6 pa snying gar bsgoms la/de'i mdun du ra dkar po las byung ba'i dra ba can ma'i 'od rje btsun ma a ra pa tsa na lta bu'i mdog dang phyag la sogs pa dang ldan pa'o/ /rang gi snying gar zla ba la rang gi sa bon dang ldan par blta'o/ /de'i rjes su rgyab tu pa dkar po las rdzogs pa'i zla ba can gyi 'od snying
9b7 gar zla ba las sa bon dang ldan par dmigs par bya'o//de nas g.yas su tsa dkar po las rdzogs pa'i skra can ma dkar mo rgyan thams cad kyis rnam par brgyan pa sha rgyas shing nu ma 'phyang ba rang gi snying ga'i zla ba la sa bon dang ldan pa rnam par bsam mo/ /byang du na dkar po las
10a1 rdzogs pa'i nye ba'i skra can ma/rang gi snying gar zla ba la sa bon gyis yang dag par ldan pa bsgoms te thams cad a ra pa tsa na lta bu rnam par bsam mo/ /lha'i tshogs 'di snying ga'i sa bon las 'od zer spro ba dang bsdus pas 'gro ba'i mi shes pa'i tshogs gcod cing chos
10a2 kyi bdud rtsi ma lus pa'i bstan bcos dang bzo'i gnas la sogs pas sems can thams cad tshim par yang dang yang du dang zhing thogs pa med pa'i gzugs kyi bdag nyid du bla ma'i man ngag gis bsgom par bya'o//mnyam par bzhag pa'i sngags pas bzlas pa byas/ /oM ni dang por
10a3 ro//sa bon lnga dbus su dam tshig sems dpa'i sa bon mtha' ru ste/ gang yang ldang ba'i sems yod par gyur na/ de la rang gi sngags ni bla ma'i gdams ngag gis brjod la de'i rjes su yi ge brgya pa brjod par bya ste/ oM badzra satwa sa ma ya/ ma nu pA la ya/ badzras twa twe no pa tiSh+Tha dr-i D+ho me b+ha ba/
10a4 su toSh+yo me b+ha ba/ su po Sh+yo me b+ha ba/ a nu rak+to me b+ha ba/ sarba sid+d+hi m+me pra yats+tsha/ sarba karma su tsa me tsit+taM shre yaHku ru hUM/ ha ha ha ha hoHb+ha ga bAn sarba ta thA ga ta badzra mA me muny+tsa badzrI b+ha ba ma hA sa ma ya satwa aHzhes bya ba'i yi ge brgya pa brjod pa'i rjes la bsdu spro la sogs pa rdzogs par byas te/ dam tshig sems
10a5 dpa'i gzugs kyis spyod lam thams cad du rnal 'byor pas mnyam par ma bzhag pa'i skabs su gnas par byas nas/yang dag pa'i ye shes rgya mtsho'i mthar phyin par gyur nas dus ring du mi thogs par bla na med pa'i byang chub thob par 'gyur ro/ /tshig lhug pa dag gsal por ni/ /dkar
10a6 po sgrub thabs yang dag bris//pad+ma'i 'byung gnas bsod nams gang / /de yis srid las grol bar shog /tshig lhug pa'i a ra pa tsa na'i sgrub thabs slob dpon pad+ma 'byung gnas kyis mdzad pa rdzogs so/ /paN+Di ta don yod rdo rje dang / khams pa lo tsA ba ba ris bsgyur ba'o// //