3b4 rje btsun rdo rje gdan gyi man ngag gi sgrub thabs kyi cho ga rdzogs so/ /khams pa ba ri lo tsA bas bsgyur ba'o//[ ]@##/ /rgya gar skad du/ s+thi ra tsakra b+hA ba na/ bod skad du/
3b5 brtan pa'i 'khor lo'i cho ga /bcom ldan 'das 'jam dpal gzhon nur gyur pa la phyag 'tshal lo/ /thugs rje dang ni shes rab gnyis/ /sangs rgyas kun ltar dbyer med pa'i/ /dam pa'i lam ston lta bu yi/ /sku yi rnam pa 'chang mdzad pa/ /'jam pa'i dbyangs la
3b6 phyag 'tshal te//slob mas legs par rtogs phyir dang / /bdag nyid kyis kyang dran pa'i phyir/ /de yi sgrub thabs bri bar bya/ /gsang sngags rang nyid len pa yi/ /'gro ba dmyal ba 'ba' zhig yin/ /sngags kyang 'grub par mi 'gyur te/ /lus kyang nyon mongs kho nar zad/ /
3b7 de la bgegs kyang 'byung 'gyur zhing / /lus la'ang gnod par 'gyur ba yin/ /de ltar brtags nas mkhas pa yis/ /'jam pa'i dbyangs kyi sgrub pa'i thabs/ /myur du byang chub rab sgrub pa/ /slob dpon med par bsgrub mi bya/ /de bas dad pas bla ma ni/ /dam par byas
4a1 te 'di gzung ngo //de la re zhig rnal 'byor pas/ sa phyogs yid du 'ong ba gang yang rung bar stan bde ba la 'dug ste/ tshangs pa'i gnas bzhi bsgom par bya'o/ /de la sems can thams cad la bu gcig pa dang 'dra bar sdug par 'dzin pa ni byams pa'o/ /
4a2 kye ma sems can 'di dag ni 'khor ba'i rgya mtshor nub cing yun ring du sdug bsngal nyams su myong bar 'gyur ro zhes de ltar bsams la/ bdag nyid 'jam pa'i dbyangs kyi go 'phang thob par byas nas/ 'di dag ma lus par sdug bsngal dang sdug bsngal gyi rgyu las thon te 'jam pa'i
4a3 dbyangs kyi go 'phang la bdag gis gzhag par bya'o//de ltar yang skye ba dang / rga ba dang / na ba dang / yid mi bde ba dang / bkres pa dang / skom pa dang / nad dang 'chi ba la sogs pa'i sdug bsngal las bdag dang bdag gir 'dzin pa la mngon par zhen pa dang / 'dod chags dang / zhe
4a4 sdang la sogs pa'i mtshan nyid can gyi sdug bsngal gyi rgyu las grub pa gcod par bya'o//de nyid ni snying rje bsgom pa'o/ /sems can thams cad zag pa med pa'i bde ba rgyun mi 'chad par 'jog par 'dod cing dga' ba ni dga' ba'o/ /bde ba dang / sdug bsngal ba dang / grags pa dang /
4a5 ma grags pa dang / rnyed pa dang / ma rnyed pa dang / bstod pa dang / smad pa ste 'jig rten gyi chos brgyad po 'di dag la bde ba ji lta bar sdug bsngal la yang de bzhin du lta ba la sogs pa sems mnyam par bsgom pa ni btang snyoms so/ /de nas rang gi snying gar a dkar po thung ngu yongs su
4a6 gyur pa las zla ba'i dkyil 'khor ro//de'i steng du yi ge muHli khri'i mdog 'dra ba bsams la ba spu'i bu ga'i tshogs re re'i gseb nas byung ba'i 'od zer gyi dra ba dpag tu med pa las byung ba'i mchod pa sna tshogs pa/ oM badzra puSh+pe hUM/ oM na mo many+dzu shri ye/ oM badzra d+hU pe hUM/ oM na mo many+dzu
4a7 shri ye/oM badzra dI pe hUM/ oM na mo many+dzu shri ye/ oM badzra gan+d+he hUM/ oM na mo many+dzu shri ye/ oM badzra nai be d+ye hUM/ oM na mo many+dzu shri ye zhes bya ba'i sngags kyis byin gyis brlabs pas 'phags pa 'jam dpal dang / bla ma dang / sangs rgyas dang / byang chub sems dpa' rnams la mchod pa
4b1 bya'o//de nas mdun du dkyil 'khor byas nas phyag byas la pus mo g.yas pa'i lha nga sa la btsugs te/ snying gar thal mo sbyar nas bshags pa la sogs pa bya'o/ /gang yang bdag rmongs pa'i dbang gis lus dang ngag dang yid kyis sdig pa mi dge ba'i las ci bgyis pa dang /
4b2 bgyid du stsal ba dang / bgyid pa la rjes su yi rang ba de dag thams cad ma lus par bshags par bgyi'o/ /slar yang sdig pa mi bgyid do/ /sangs rgyas dang / byang chub sems dpa' dang 'phags pa gzhan rnams kyis dge ba gang mdzad pa de dag thams cad la rjes su yi rang bar bgyi'o/ /
4b3 deng nas brtsams te byang chub kyi snying po'i bar du khyed rnams la bdag nyid lus dbul bar bgyi'o/ /dge ba'i rtsa ba 'dis bdag 'jam dpal dbyangs su gyur nas srid pa'i rgya mtshor nub pa'i sems can rnams gdon par bgyi'o/ /brtan pa'i 'khor lo bsgom pa'i rim pa 'di nyid kyis
4b4 kyang byang chub chen por bsgrub pa'i lam la bdag gnas par bgyi'o//bdag gi bsod nams 'dis 'khor ba'i sems can ma lus pa 'jam pa'i dbyangs dang 'dra bar gyur cig ces dge ba'i rtsa ba bsngo bar bya'o/ /de nas 'od zer gyi tshogs rnams ba spu'i bu ga rnams nas muHde nyid
4b5 la zhugs par bsams la/oM badzra muHzhes bya ba'i sngags kyis gshegs su gsol lo/ /de nas oM swa b+hA ba bi shud+d+haHsarba d+harmAHswa b+hA ba bi shud d+hou0f85haM zhes bya ba'i sngags 'di brjod nas rgyu ba dang mi rgyu ba'i dngos po rnams dang bdag nyid kyang sgyu ma lta bur bsgom par bya'o/ /de yang sgyu m
4b6 a mkhan gyis 'jim pa'i gong bu la sogs dngos po gcig las glang po che dang /rta la sogs pa ston yang de rnams de na yod pa ma yin gyi 'khrul ba 'ba' zhig tu zad la 'khrul pa de yang brtags na dngos po med de/ de bas na snang du zin kyang yod pa ma yin la/ dngos po'i
4b7 tshogs thams cad kyang de dang 'dra'o zhes de ltar rang bzhin gyis dag par lhag par mos par byas la/oM shU n+ya tA dz+nyA na badzra swa b+hA ba At+ma kou0f85haM zhes bya ba'i sngags brjod par bya'o/ /'di brjod pa'i rjes thogs kho na la rgyu ba dang mi rgyu ba'i dngos po dang bdag nyid kyang stong pa nyid du b
5a1 sgom la sems tsam du gnas par bsgoms nas sems de yang yod par mi brtag go//de nas snying rje chen po can gyi sngon gyi smon lam gyi 'phen shugs kyis langs nas/ kye ma sems can 'di dag rang bzhin gyis rnam par dag pa yin yang ma rtogs pas da dung 'khor
5a2 ba'i rgya mtshor 'khyams par gyur gyi/des na de las stong pa nyid du gnas pas phan mi thogs pas gnyis su dmigs su med kyang snying rje chen po'i dbang gis re zhig 'jam pa'i dbyangs su gyur par bya'o zhes rnam par bsams la rang gi sems yongs su gyur pa las byung ba'i yi ge muH
5a3 dmar po de las zla ba'i dkyil 'khor rgya skyegs kyi me tog gsar pa'i mdog can du gyur la/de'i steng du dbyangs kyi yi ge kha dog dmar po nyis 'gyur byas pa las mgo gyen du bltas pa bsam par bya'o/ /de'i steng du yi ge muHgnyis pa kha dog dmar po can las byung ba'i zla ba'i dkyil
5a4 'khor bsam par bya'o//de'i steng du ka nas k+Sha'i mthar thug pa la Da D+ha da d+ha ya la zhes bya ba'i yi ges bsnan pa nyis 'gyur du byas pa'i yi ge brgyad cu mgo gyen du bltas pa mdog rnam par dmar ba bsam par bya'o/ /de'i steng du yi ge muHgsum pa yongs su gyur pa las ut+pa la shin tu sngo ba de'i lte bar yi ge
5a5 muHbzhi pa kha dog rnam par dmar bar bsam par bya'o//de nas de rnams las 'od zer byung bas nam mkha'i gtos khyab par spros la/ de bzhin gshegs pa ma lus pa ba spu'i bu ga'i gseb nas thugs kar zhugs te/ de rnams kyi bsod nams dang ye shes kyi tshogs dang / lhan
5a6 cig tu ro gcig par gyur nas ba spu'i bu ga nas slar log ste de rnams nyid la zhugs par bsam par bya'o//de nas de dag thams cad yongs su gyur pa las 'phags pa 'jam dpal dbyangs kyi sku ban+du ka'i me tog ltar dmar ba/ chos chen po'i tshon gyis bsgyur ba lta bu pad+ma'i steng du rgol ba ma
5a7 lus pa'i snying gnon pa lta bu'i tshul gyis zla ba'i dkyil 'khor gyi steng du sems dpa'i skyil mo krung gis bzhugs pa/'das pa dang ma 'ongs pa dang / da ltar byung ba'i bstan bcos ma lus pa 'dzin pa'i tshul gyis phyag g.yon pas thugs kar glegs bam bsnams pa/ 'gro ba
5b1 ma lus pa'i mi shes pa'i ri bo 'jig par mdzad pa'i tshul gyis phyag g.yas pa na ral gri bsnams pa/zur phud lnga dang ldan pa gzhon nu'i cha lugs 'chang ba/ mi bskyod pa dbu la bzhugs pa'i cod pan 'chang ba sgeg pa'i nyams kyis gnas shing gcig pur 'gro ba la zhi ba thugs rje
5b2 la gcig tu gzhol ba/shin tu yid du 'ong ba'i gzhir gyur bar bdag nyid bsgom par bya'o/ /de nas rang gi snying gar yi ge muHdmar po yongs su gyur pa las 'khor lo rtsibs brgyad pa bsgom par bya'o/ /'khor lo'i shar dang / lho dang nub dang / byang gi rtsibs la a ra pa tsa zhes bya ba'i
5b3 yi ge bzhi go rims ji lta ba bzhin du bsams la/dbus su yi ge na'o/ /me dang bden bral dang / rlung dang dbang ldan gyi mtshams su ni pra pan tsa zhes bya ba snga ma bzhin bsam mo/ /rtsibs rnams kyi bar mtshams su dbyangs kyi yi ge bcu drug las gnyis gnyis so/ /'khor
5b4 lo'i mu khyud la ka la sogs pa'i yi ge g.yas nas kun nas bskor bar bsgom par bya'o//'di dag thams cad kyang bcom ldan 'das kyi sku mdog gi mdangs dang 'dra'o/ /de nas snying ga na gnas pa'i 'khor lo las byung ba'i 'od zer rtse mo lcags kyu dang 'dra ba rnams kyis gdod ma nas
5b5 yang dag par grub pa'i brtan pa'i 'khor lo spyan drangs la de dang lhan cig tu 'dres par bdag nyid bsgom par bya'o//de'i rjes la 'khor lo'i yi ge'i tshogs rnams las 'od zer dmar po'i rnam pa ba spu'i bu ga rnams nas byung ste/ brtan pa'i 'khor lo'i gzugs su gyur pas nam mkha'i
5b6 gtos khyab par bsgoms te/des reg pa tsam gyis sems can gyi tshogs rnams 'jam pa'i dbyangs kyi gzugs su byas nas sangs rgyas dang byang chub sems dpa' thams cad kyi ba spu'i bu ga nas 'od zer gyi gzugs kyis thugs kar zhugs te/ de rnams kyi bsod nams dang ye
5b7 shes kyi tshogs dang lhan cig tu ro gcig par gyur nas de nyid nas slar byung nas 'phags pa 'jam pa'i dbyangs kyi skus nam mkha'i ngos ma lus pa khyab par mdzad nas slar byon nas sems can gyi tshogs ma lus pa 'jam pa'i dbyangs kyi sku lta bur mdzad nas nyid kyi sku'i thad du lhags te
6a1 ba spu'i bu ga de nyid nas 'khor lo dang yi ge'i tshogs de dag gi nang 'od zer gyi gzugs kyis bzhugs par bsam par bya'o//ji ltar bshad pa'i tshul gyis bcom ldan 'das kyi nga rgyal shin tu brtan pa sngon du 'gro ba dang / spro ba dang bsdu ba'i rim pa ji srid skyo bar ma gyur
6a2 gyi bar du de srid du rgyun du bsgom par bya'o//gal te skyo bar gyur na 'od zer bsdus nas spro bar mi bya bar 'khor lo dang yi ge rnams bsam pa dang / rang gi phyag mtshan dang dbyibs kyi tshul la rtog cing sngags bzlas par bya'o/ /de la bzlas par bya ba'i sngags ni/ oM a ra pa tsa na muH
6a3 zhes bya'o//nyin dang mtshan mo bsgom pa'i rgyu yis ni/ /gang tshe 'khor lo gsal bar gyur pa dang / /rang gi lha yi gzugs kyi nga rgyal ni/ /g.yo ba med pa nyid du gyur pa ni/ /bstan bcos nub par gyur pa ji snyed dang / /gang zhig 'jig rten du ni ring gnas 'gyur/ /bstan bcos gang zhig de
6a4 ltar gnas pa dang //srog chags rnams kyi skad ni ma lus dang / bzo dang sgyu rtsal la sogs mkhas gang dang / /de las gzhan pa'i dbang po las 'das gang / /de dag thams cad tshig don bcas par go/ /snying la gzugs brnyan tshul du gnas par 'gyur/ /phyogs gang tshar bcad pa dang
6a5 sgrub 'dod pa//'bad pa med pa nyid du 'jug 'gyur te/ /phur bu lha chen brgya byin tshangs pas kyang / /tshar chod sgrub pa de ni rgol mi nus/ /'khor lo 'di med par ni shes rab dag /rno bar mi 'gyur de med phra ba yis/ /chos rnams 'dzin par mi nus de med par/ /nam yang 'khor ba'i
6a6 mtsho las sgrol mi nus//de bas rang la phan 'dogs pas/ /'khor lo bsgom pa mi spang zhing / /gsang sngags rgyal po bzlas pa yang / /mnyam par bzhag pas rtag tu bya/ /bdag gi dge ba 'di yis srid gsum las byung 'jig rten rnams/ /bde gshegs ma lus thugs dang gcig
6a7 'gyur 'jam dbyangs 'dra bar shog /bdag dang rnam rtog mang po'i tshogs bral bde mchog ldan pa yi/ /phyag rgya chen po dngos grub tshogs 'dis tshe 'dir myur thob shog /bcom ldan 'das 'jam pa'i dbyangs kyi sgrub thabs brtan pa'i 'khor lo sgom pa zhes bya ba rdzogs so// //