CLOSE WINDOW

D3305
བོད་ཡིག

a b+ha yA kA ra'i phyag dpe las paN+Di ta chen po de dag dang / pa tshab kyi rigs su skyes pa'i dge slong tshul khrims rgyal mtshan gyis sngon gyi khrims las ma 'das par bsgyur ba'i tshad du bsgyur ba'o//[ ]@##/ /rgya gar skad du/ badzra tsA R+Ya kr-i ya sa mu ts+tsha ya/ bod skad du/ rdo rje slob dpon gyi bya ba kun las btus pa/ bcom ldan 'das rdo rje sems dpa' la phyag 'tshal lo/ /bsam gtan gar mdzad rnga zlum la sogs sgra yis bos pa'i lha rnams kyis ni zhabs la phyag byas pa/ /'khyog cing g.yo ba'i sku de yi ni zhabs kyi bkod pa rnam par bskyod cing nges par 'dug pa can//smin ma 'khyog po bris shing mig ni rjes 'gro dpung pa'i kor ba g.yo ba'i lag pa'i sor mo yis/ /phyag rgya 'ching ba rab 'jug rim g.yo'i gdong ldan he ru ka yis khyod kyi sdig pa 'joms gyur cig /'gro mang mya ngan shin tu sdug bsngal bas/ /mang po kun nas blta bar mi nus pa//de phyir yang dag bsdus pa'i cho ga 'di/ /mkha' 'gro'i lam gyur bdag gis nus bzhin bya/ /bdag gis bya ba kun las btus/ /nga rgyal gyis ni byas pa min/ /gang 'dir tshig gi skyon rnams ni/ /mkhas pa kun gyis bzod par mdzod/ /sna tshogs rgyud rnams kun nas blangs//sna tshogs slob dpon lugs rnams kyang / /me long gis 'dir bri bya ste/ /kun nas gsol 'debs dbang gis so/ /rab gnas la sogs bya ba kun/ /rdo rje slob dpon sngon 'gro ba/ /de phyir 'jig rten phan don du/ /de yi mtshan nyid brjod par bya/ / de la re zhig dang por rdo rje slob dpon gyi mtshan nyid brjod par bya ste/ 'jig rten dang 'jig rten las 'das pa'i kun du spyod pa ston pa ni slob dpon no/ /gzhan yang sdig pa las ring du song zhing chos la spyod pa dang / nges pa'i tshig gis cho ga bsgrub pa ni slob dpon no/ /gang yang rdo rje'i lam ston pa po'i slob dpon ni rdo rje slob dpon no//rdo rje'i sgra'i khyad par gyis ni rdo rje gsum mi phyed pa nyid du rab tu rig par bya'o/ /de 'ang ci ltar gyur pa zhe na/ rnyed dang ma rnyed grags dang ma grags rnam par bral zhing smod pa dang ni bstod pa spangs/ /bde ba dang ni mi bde 'gog cing 'phel ba'i blo gros spro ba dang ldan rab tu mkhas//snying rjes kun nas bskor zhing sngags kyi tshul la ro myang ser sna med cing 'dod pa'ang med/ /de nyid shes pa thob cing rab tu brtan pa'i blo ldan rtag tu slob dpon rgyal po'o/ /de yang mchog la sogs pa'i dbye bas rnam pa gsum du 'gyur ba 'di lta ste//bde mchog rgya mtsho'i rgyud las ni/ /ji bzhin gsungs pa'i slob dpon gsum/ /khyim gnas dge tshul zhes bya dang / /dge slong zhes pa rnam gsum 'gyur/ /slob dpon mchog ni dge slong ste/ /gang phyir de bzhin gshegs pas gsungs/ /'bring ni dge tshul zhes bya ste//khyim na gnas pa tha ma'i lugs/ /dbang bskur rnam pa lnga thob pa/ /khyim na gnas pa tha ma'i lugs/ /dbang bskur bcu rnams thob pa ni/ /dge tshul zhes bya 'bring po yin/ /mchog gi dbang bskur thob pa ni/ /dge slong mchog yin rdo rje 'dzin/ /bslab pa'i gnas lnga thob pa dang //bslab pa'i gnas bcu ldan pa dang / /mtha' yi bslab pa'i gnas thob pa/ /de gsum mnyam par brjod ma yin/ /mtha' yi bslab pa zhes pa ni/ /mthar thug gnas la slob phyir dang / /zung 'jug ting 'dzin la 'bad phyir/ /mchog ni mngon sum yod bzhin du//sngags pa gzhan la bsnyen bkur min/ /gnas gcig gsum ni yod pa las/ /gang tshe khyim gnas mchod byed pa/ /de tshe sangs rgyas chos dang ni/ /dge 'dun la yang gus med 'gyur/ /de nyid kyi phyir sangs rgyas la sogs pa rnams kyis kyang 'di la mchod pa mdzad de de gsungs pa//dbang bskur mchog thob rdo rje yi/ /slob dpon la ni de bzhin gshegs/ /phyogs bcu'i 'jig rten khams bzhugs rnams/ /dus gsum byon nas phyag mdzad do/ /zhes so/ /gang las mchog gi dbang bskur ba thob pa de las ni dge slong bcu dang mnyam par don dam pa'i bsnyen pa las gsungs pa/dge tshul bcu las lhag pa'i yon tan dge slong mchog /dge slong bcu las lhag pa'i yon tan sngags pa mchog/ /dpal ldan tshangs bar spyod pa dang ni ting 'dzin dang / /byams pa la sogs de nyid shin tu rig pa'o/ /dpal ldan tshangs bar spyod pa zhes pa la dpal ldan tshangs par spyod pa ni lang tsho can dang rab tu sbyor ba na 'pho ba mi 'ong zhing bde ba sbyin pa ste/dug gi dbang po zos pa na dug gi de kho na nyid grub pa yin gyi/ ma zos na yang rab tu 'grub par 'gyur ba ni ma yin no/ /de'i phyir theg pa chen po las mchog gi dbang bskur ba thob pa ni dge slong du mngon par brjod par bya'o//gang gi phyir shes rab dang thabs kyi rnal 'byor gyis bla ma'i man ngag las dga' ba la sogs pa'i rim pas 'dod chags la sogs pa'i nyon mongs pa bcom pa 'di ni don dam pa'i dge slong ngo / /de nyid kyi phyir theg pa chen po las dge slong rnam pa lnga gsungs te/ming gi dge slong dang / tshul khrims las slong ba'i dge slong dang / gos tsam 'dzin pas phye ba'i dge slong dang / gsol ba dang bzhis bsnyen par rdzogs pa'i dge slong dang / nyon mongs pa bcom pa'i dge slong ngo zhes pa'o/ /de nyid kyi phyir bcom ldan 'das kyis gsungs pa/ dge slong rdo rje 'dzin pa bya/ /gdug pa 'dul ba de ni mchog /ces so/ /nyon mongs pa bcom pa kho nas gdug pa 'dul bar nus par 'gyur gyi gzhan gyis ni ma yin no/ /gang zhig gsol ba dang bzhis bsnyen par rdzogs pa'i dge slong de rnams ni nyan thos kyi mdo sde'i spyod pa kun du spyod do/ / de rnams 'dir ni dbang du bya ba nyid med de/ gang gis dman pa la mos pa nyid kyi phyir dang skal ba med pa'i phyir ro/ /de nyid kyi phyir dngul chu'i 'du ba las gsungs pa/ de las bden pa gnyis kyi lus yongs su gzung rnams dang / tshig mtha' dag gi don yongs su dpyad pa byas pa rnams dang /mchog gi bde ba chen po'i 'bras bu la mngon par dga' ba rnams ni nyan thos pa'i mdo sde'i spyod pa dang ldan pa ma yin no/ /gang gi phyir nyan thos la sogs pa dman pa la mos pa rnam par rtog pa la spyod pa/ bdag nyid sgrub pa dang bral ba sbyin pa dang tshul khrims la sogs pa bya ba'i lam la mi gnas pa/de kho na nyid shes pa rnams la dad pa med pa/ thar pa la ring ba'i 'du shes can/ bde ba'i thabs lhag par ma thob pa/ sbyangs pa'i yon tan bcu gnyis la sogs pa dka' ba'i spyod pas dus ring por byang chub tshol ba rnams kyis ni/ de ltar yang thob par 'gyur ba ma yin te/ rdzogs pa'i rim pas lhag par 'gro ba dang bral ba'i phyir ro//de nyid kyi phyir bcom ldan 'das kyis gsungs pa/ dge slong dngos por gnas pa gang / /gang zhig rgan por gnas gyur kyang / /gang yang rtog ge dga' ba'i mi/ /de la de nyid bstan mi bya/ /rnam par snang mdzad mngon par byang chub pa'i rgyud las kyang //thabs dang bral ba'i ye shes kyi/ /bslab pa yang ni bstan bya ste/ /nyan thos de rnams dpa' chen la/ /bzhugs pa'i don du nges pa'o/ /mchog gi dang po'i rnal 'byor chen po'i chen po'i rgyud las kyang / /dka' ba'i brtul zhugs mi bzad pas/ /lus ni skams gyur sdug bsngal can//sdug bsngal rnam par g.yeng ba'i sems/ /g.yeng phyir dngos grub gzhan du 'gyur/ /don dam pa'i bsnyen pa las kyang / gos dmar lus la dkris pa dpal ldan bla ma min/ /'khar gsil lhung bzed lag thogs dpal ldan bla ma min/ /phyag dar khrod bas sdug bsngal dpal ldan bla ma min//ljon shing rtsa bar gnas pa dpal ldan bla ma min/ /zhes pa la sogs pa rgya cher ro/ /gzhan las kyang gsungs pa/ zas mi za bar sgor nyal te byin pa la ni dbang du bya ba med do zhes so/ /de ji ltar zhe na/ thams cad du dge slong la ni de ltar dbang du bya ba med do//rnam pa 'dis ni yod de/ ji ltar sems can gyi don chen po mthar thug pa gzigs nas/ bcom ldan 'das dpal shAkya thub pas 'khor lo sgyur ba'i gzugs kyis sngags kyi tshul gyi spyod pa la rab tu zhugs pa de bzhin du/ dge slong tshul khrims 'dzin pa'i brtul zhugs la spyod pa yang chos thams cad sgyu ma lta bur lhag par rtogs pas ngur smrig yongs su dor te/gtsug tor la sogs pa byas nas rim pa ji lta bar phreng ba dang / chu'i dbang gis mngon par dbang bskur zhing / rig pa dang / rdo rje dang / spyod pa dang / brtul zhugs dang / lung bstan pa dang /rjes su gnang ba dang / dbugs dbyung ba ji srid pa byin nas rdo rje 'dzin pa byas pa na'o/ /de ci ltar 'di'i sngar gyi sdom pa las nyams par mi 'gyur ram zhen ma yin te/ mchog las kyang mchog gi bslab pa yin pa'i phyir ro/ /ji ltar dge bsnyen las dge tshul du byas pa dang /dge tshul las dge slong du byas pa bzhin no/ /de yang ji ltar snyam na dge slong gi dngos por yod pa na ni dge bsnyen la sogs pa'i sdom pa'i dngos po yod pa'i phyir ro/ /'di las gal te de bzhin du mi 'gyur ba de lta na ni 'dod chags dang bral ba'i gzugs spangs nas mchog tu sgeg pa la sogs pa'i nyams dang ldan pas 'khor los sgyur ba'i gzugs su mngon par sprul te/'dod chags kyis ni de dang 'dra ba'i 'dod chags rab tu nyams pa'i don du bdag gis sngags kyi tshul gyi spyod pa bstan par bya'o zhes pa'i bcom ldan 'das kyi gsung snying la 'bab par mi 'gyur ro//de'i phyir dge slong gi gzugs kyis ni rdo rje dang dril bu 'dzin par mi rigs te/ gang zhig mchog gi 'dod chags chen po'i spyod pa yin pa'i phyir ro/ /dge slong gi gzugs nyid kyang 'dod chags dang bral ba'i spyod pa dang ldan pa ste/ rnam pa 'di nyid sngags kyi tshul gyi spyod pa la ni rigs pas ma yin no//de nyid kyi phyir bcom ldan 'das kyis de bzhin gshegs pa thams cad rab tu gnas pa rnal 'byor chen po'i rgyud las gsungs pa/ sor brgyad la sogs skra dang ni/ /gos dang rgyan gyis brgyan byas te/ /rdo rje 'dzin pa'i bya ba bya/ /dge slong rdo rje 'dzin par 'gyur//gzhan rnams su ni nges pa med/ /ces pa la sogs pa'o/ /gal te 'dod chags dang bral ba'i gzugs kyis kyang de bzhin du 'dir dbang du bya ba thob pa de lta na ni bcom ldan 'das kyis ci'i don du de lta bu'i rnam pa'i gzugs kyi sprul pa bstan/ gzhan yang kye rdo rje las byung ba ku ru kul+le'i rtog pa las kyang gsungs pa/gos med gtsug tor med pa'i lus/ /de 'dra bla mar mi bya ste/ /phyag rgya'i dngos grub rnams nyams 'gyur/ /zhes so/ /de'i phyir gang ji srid dge slong gi gzugs kyis sngags kyi tshul gyi spyod pa la rab tu zhugs par gyur pa de rnams kyis ni nyan thos la sogs pa'i spyod pa legs par ma bsrung shing /sngags kyi tshul gyi spyod pa la'ang ma yin no/ /de nyid kyi phyir de rnams gnyis ka'i sdom pa las nyams par 'gyur te/ chags ldan rnams kyis shin tu bde ba la rab tu 'khyud pa bzhin du dbang po 'ba' zhig gi 'dod pa chen pos yum gyi bde ba la sred par gyur nas bza' ba dang btung ba la sogs pa byas par gyur na dmyal bar 'gro bar 'gyur ro//de ltar yang / gang zhig brtul zhugs bzang mnos nas/ /legs par srung bar mi byed pa/ /de ni nges par sha dang rus/ /'jigs pa'i me ma mur du 'gyur/ / gzhan yang gzugs gzhan yid la bya ba gzhan dang 'dra ba ni ma 'brel ba ste/ gzugs gang dang 'dra ba yin pa de dang 'dra bar bya ba mchog tu mdzes pa'o/ /de ltar yang / rang ngam gzhan gyi dbang yang rung / /gnas skabs gang du ci spyod kyang / /bslab par gsungs pa gang yin pa'i/ / gnas skabs de la 'bad de bslab/ /ces pa'o/ /rab tu dang ba'i mtshan gyis phyug /de nyid bcu la rnam par mkhas/ /de ni zhi rgyas la sogs la/ /slob dpon du ni rnam shes bya/ /brda shes dang ba'i bdag nyid can/ /dam tshig thams cad skyong bar byed/ /bzo yi cha ni thams cad dang / / sngags kyi bstan bcos rab 'byam shes/ /gza' dang skar ma dus sbyor shes/ /'jig rten smod las gzhan du 'gyur/ /rab tu gnas pa rab tu mdzad/ /grong khyer gang der nges par ni/ /'di yis sangs rgyas bzhugs gsol bas/ /gang du zhi dang bzlas 'phel zhing / /nad med chos kyang 'phel bar 'gyur//nor dang tshe dang bde ba ster/ /byed pa po la grags pa dang / /phun tshogs bu dang bu mo 'phel/ /de yi pha yang dga' bar 'gyur/ /ji srid lha nyid gnas gyur ba/ /de srid dus su stong phrag gas/ /dga' ldan du ni de la mchod/ /lha nyid gnas par gyur pa na/ / ring du 'phel zhing skye bar 'gyur/ /de nas zhi rgyas la sogs la/ /gzhan gang zhig ni rnam par smad/ /rgan po dam tshig nyams pa dang / /bya rog sgra dang rna ldan can/ /skams pa yan lag ma tshang lhag /sgur po mi thung [(]'thing [,]'theng [)]po dang / /rnam 'gyur sha bkra can drag po/ /g.yon can ma rungs ngan par zhugs//sdig can nad pa cung zad shes/ /lha yi grib nas nye bar 'tsho/ /mgrin ngan 'on pa sgom pa dang / /sen khyon skra ni ngan pa dang / /phra ma byed dang rtog ge pa/ /mi shis dmangs rigs zhing las pa/ /de bzhin so sto rkang nyeg dang / /thams cad chu bur lba ba can//'di yis sangs rgyas bzhugs gsol na/ /nor dang tshe dang bu rnams nyams/ /grong khyer dang ni rgyal po dang / /de bzhin byed po skyon bcas 'gyur/ /'chi ba rab tu ster bar byed/ /de ltar byed po ngan par bshad/ /des ni kun du ma rungs pa'i/ /las rnams thams cad rab tu bya//zhes pa paN+Di ta chen po dkyil 'khor gyi slob dpon me long gis mdzad pa bya ba kun las btus pa las slob dpon gyi mtshan nyid kyi cho ga'o// //'dir bshad pa'i mtshan nyid rnams dang ldan pa'i slob dpon snying rje dang byams pa'i sems dang ldan pa srid pa'i rgya mtsho'i nang du 'khor zhing lhung ba'i sems can gyi khams rnams rjes su 'dzin zhing 'dod pa'i don la sbyor ba/sngags kyi tshul mang du thos shing mkhas pa/ blo brtan zhing ser sna med pa/ spro ba'i ngang tshul can rnams kyis sa yongs su brtag pa dang / sa bdag dang klu yongs su brtag pa dang / sa'i sel dbyung ba dang / sa sel la thig gdab pa'i mtshan ma dang /mchod yon gyi cho ga dang / rnying pa gso ba dang / mchod yon la sogs pa'i sbyin pa'i nges pa dang / sngon du bsnyen pa'i nges pa'i dgos pa dang / slob ma bsdu ba dang / dkyil 'khor gyi khang pa bya ba dang / sa yongs su gzung ba dang / bgegs la phur bus gdab pa dang /nor 'dzin ma lhag par gnas pa dang / bum pa lhag par gnas pa dang / lha lhag par gnas pa dang / thig skud lhag par gnas pa dang / nam mkha' la thig gdab pa dang / dkar pos thig gdab pa dang / dkyil 'khor la thig gdab pa dang / tshon gyi bzlas pa dang / tshon dgye ba dang / bum pa dgod pa dang / dkyil 'khor bsgrub pa dang / dkyil 'khor gyi lha thams cad bsdus te bsgom pa dang / sku gzugs la sogs pa'i rab tu gnas pa dang / bgrang phreng rab tu gnas pa dang / bgrang phreng gi mtshan nyid dang / rgyal mtshan gzugs pa dang / rdzing la sogs pa'i rab tu gnas pa dang /a mra'i skyed mos tshal la sogs pa'i rab tu gnas pa dang / dge bsnyen gyi sdom pa la gnas pa dang / dbang bskur ba dang / rang gis dbang blang ba dang / rtsa ba'i ltung ba dang / sbom po'i ltung ba dang / sbyin sreg dang / yid kyi sbyin sreg dang / nang gi sbyin sreg dang / tshogs kyi bza' ba dang / dkyil 'khor nye bar bsdu ba dang / yid kyi dkyil 'khor dang / gtor ma dang / gza' yum la sogs pas bde legs su byed pa dang / bgegs bsal ba dang / sku gzugs kyi mtshan nyid dang / khams kyi yon tan dang / shing la sogs pa'i sel dbyung ba dang / mchod rten gyi mtshan nyid dang / rdo rje dang rdo rje dril bu'i mtshan nyid dang / dril bu dang rdo rje gzung ba dang / kha T+wAM ga dang Da ma ru la sogs pa sna tshogs pa'i mtshon cha'i mtshan nyid dang / nags tshal gyi ltad mo dang / khru'i tshad dang / gaN+DI'i mtshan nyid dang / mchod rten la sogs pa'i srog shing gzugs pa dang /sgo'i shing gzugs pa dang / ka ba gzugs pa dang / gtsug lag khang la sogs pa'i steng du shing dgod pa dang / dri'i gtsang khang la sogs pa'i mtshan nyid dang / khang pa brtsegs ma'i mtshan nyid dang / rgya phubs la sogs pa'i mtshan nyid dang / bsam gtan gyi khang pa la sogs pa'i mtshan nyid dang /shi ba'i rus bu dag par bya ba'i cho ga ste/ cho ga drug cu rtsa bzhi bsgrub par bya ba'o/ /de la dge ba'i nyin par gtor ma sbyin pa sngon du 'gro bas gtsug lag khang la sogs pa'i sa yongs su brtag par bya'o/ /de la dkar po dang dmar po dang ser po dang nag po'i kha dog rnams dang /khu ba dang / rdul dang / gci ba dang / bshang ba'i dri rnams dang / mngar ba dang / bska ba dang / sgyur ba dang / tsha ba'i ro rnams rim pa bzhin du bram ze la sogs pa'i sar 'gyur ro/ /dkar po'i sa las ni zhi ba'i 'bras bu ster zhing / dmar po'i kha dog las ni dbang du bya ba'o//de las phyi ma'i sa gnyis ni rgyas pa dang drag po dag ser po dang dkar nag gi kha dog las te gzhan nyid ni ma yin no/ /'phel ba dang / na ba dang / 'chi ba dang / mya ngan dang / nor nyams pa dang / 'jigs pa rnams dang / grol ba dang / grub par byed pa dag ni brgyad po dag gzhol ba'i sa las te rim pas shar la sogs par shes par bya'o//gal te gzhol ba dag par byas pa'i sa ni dge bar byed par bshad cing / de las kyang shar dang byang gzhol ba'i sa ni shin tu bzang bar 'gyur ro/ /grog ma'i mkhar yod pa las ni nad dang / rtsub mo'i sa las ni nor zad pa dang /gas pa las ni mchog gi 'bras bu med pa dang / dma' ba'i sa las ni yang zhing mi 'dod pa rnams byed do/ /gzhu'i rnam pa dang gru gsum dang chu yod pa dang / yon po rnams spang bar bya zhing rus sbal gyi rgyab la sogs pa'i mtshan nyid can gyis yang spang bar bya'o/ /de nas gzhan yang /shar du a shwad+tha dang ni/ de bzhin mer ni ardzu na/ /lho yi phyogs su p+lak+Sha/ /srin por pa lA sha rnams spang / /nub kyi phyogs su n+ya gro d+ha/ /rlung du shal ma li dang ni/ /byang gi phyogs su ba ku la/ /byang shar u dum+bA ra spang / /zhes so/ /de nas mtho gang tsam brkos nas/ /sa des myur du bkang ba dang //gal te sa de lhag gyur na/ /dge bar byed pa nyid yin no/ /gal te nyung bar gyur na des/ /skyon bcas rig nas spang bar bya/ /slar yang dong der song ba'i sa/ /blangs nas mtho gang tsam chus bkang / /bkang ste gom pa brgyar phyin nas/ /slar yang 'ongs te brtag par bya//chu yis gang na sa bzang ste/ /dma' na sngags pas spang bar bya/ /gal te chu de sgra bcas na/ /klu rnams 'jigs pa yang dag ston/ /phyi nas cho ga mthong ba yis/ /bzang ba'i las can yongs su gzung / /de ltar sa'i mtshan nyid shes pa'i slob dpon khrus byas zhing gtsang ba'i lus la dri bzang po byugs te//mchod pa'i yo byad rnams yang dag par bshams nas/ /ji ltar rnyed pa'i gos dang rgyan la sogs pas chas su zhugs la lha'i rnal 'byor legs par bsgom par bya'o/ /dkyil 'khor khru bzhi'i tshad dang ldan pa gru bzhi pa'i sa der ba las byung ba la sogs pas nye bar byug pa byas la/der dkyil 'khor gyi 'khor lo bsgoms te yang dag par mchod cing phyogs kyi gtor ma byin nas pus mo g.yas pa'i lha nga sar btsugs te bla gos phrag pa gcig tu gzar nas thal mo sbyar nas phyogs dang phyogs bral rnams na bzhugs pa'i sangs rgyas dang byang chub sems dpa' rnams dang 'jig rten skyong ba la sogs pa rnams las blang bar bya ba'o//khams gsum gang du mgon po dag /chen pos mchod pa bzhugs rnams dang / /lha dang klu dang gnod sbyin dang / /dri za dang ni lha min sogs/ /de dang de la 'di gsol gyi/ /sems can kun gyi don bsgrub phyir//sa yi cha ni bzang po 'dir/ /gtsug lag khang ni bzhengs gyur nas/ /thos bsam la sogs mchog bzhugs pas/ /chos nyid rtogs par bya ba'i phyir/ /che ge bdag ni che ge mo'i/ /grags pa dam pa bya bar brtson/ /gal te khyed kyis bzod gnang na/ /bgyi ste gzhan du ma yin no//rmi lam la sogs mtshan ma yis/ /sa bzang 'di ni bdag la stsol/ /zhes lan gsum brjod par bya'o/ /de'i rjes su/ oM mu tsi li swA hA/ oM mo ha ni swa ha/ oM dit+ta li swA hA/ /zhes pa rmi lam brtag pa 'dis lag pa g.yon pa'i sor mo rnams khar lan nyi shu rtsa gcig bsngags la bcom ldan 'das 'jig rten dbang phyug gi mdun du mchod pa sngon du 'gro bas mgo lhor bstan cing gdong shar du phyogs la gos gtsang mas brgyan te ji ltar 'dod par nyal bar bya ste/rmi lam ngan na bdud rtsi 'khyil pa'i sngags bzlas pa'am don dam par chos thams cad rang bzhin med par mos par bya'o//slar yang rmi lam brtag pa byas nas lha rnams kyis gnang ba'am ma bkag pa'i sa la 'og nas 'chad pa rnams bya'o/ /bkag pa la ni ma yin pa kho na'o/ /rmi lam bzang na nyi ma bzang po gnyis pa la snga dro'i dus su sa gnon gyi phyag rgya dang rdo rje'i skyil krung bcas te rdo rje sems dpa'i rnal 'byor dang ldan pas oM b+hu khaM zhes pa'i sngags kyis stong pa nyid dang /hUM laM hUM zhes pa'i sngags kyis rdo rje'i rdul phra rab kyi rang bzhin du bsgoms la/ oM me di nI badzri b+ha ba badzra ban+d+ha hUM zhes pa dang / rdo rje bsdams pa'i phyag rgyas byin gyis brlab par bya'o//lag pa g.yas par zla bal hUM bsams te/ lan gsum brjod cing de'i 'od zer dang sor mo'i rtse mos bsnun pas de dag gi sgra rnams kyis bskul bar gyur pa las sa'i lha mo ser mo lus phyed dam thams cad 'thon pa/ phyag gnyis na gser gyi bum pa dang /mi 'jigs pa'i phyag rgya can/ mdzes pa'i rgyan gyis brgyan pa la zhabs bsil dang / zhal bsil dang / mchod yon sngon du 'gro ba'i me tog la sogs pas yang dag par mchod nas/ skyob pa sangs rgyas thams cad kyi/ /spyod pa'i tshul dang khyad par dang / /sa dang pha rol phyin pa la//lha mo khyod ni dpang du gyur/ /skyob pa shAkya seng ge yis/ /ji ltar bdud kyi dpung bcom pa/ /bcom nas gtsug lag khang sogs bgyi/ /zhes lan gsum gsol ba btab pas kyis shig ces gsungs nas de nyid du thim ste sa'i lha mo sa'i ngo bor gnas bar bsam mo//de nas der b+h+rUM las byung ba'i 'khor lo dang b+hUM las byung ba'i khang pa brtsegs pa bsgom par bya'o/ /de nas khang pa brtsegs par dri'i maN+Dal byas par rang gi snying ga'i sa bon gyi 'od zer gyis ye shes kyi dkyil 'khor dang phyogs skyong la sogs pa spyan drangs la zhabs bsil la sogs pa'i mchod pa dang gtor ma dbul ba sngon du 'gro bas lce hUM las rdo rjer byas nas spos phor bzung ste dril bu dkrol zhing /bcom ldan rdo rje che ge mchog/ /rig pa'i rgyal po khyed la 'dud/ /yang dag thugs rje'i bdag nyid can/ /khyed la mchod yon 'bul bar 'tshal//slob ma rnams la brtse don dang / /khyed rnams la yang mchod phyir dang / /sems can bsod nams 'phel don dang / /byang chub sems ni bskyed pa'i phyir/ /de bas bcom ldan bdag gus la/ /bka' drin gnang bar mdzad par rigs/ /sangs rgyas 'gro 'khor bya don brtson//byang chub sems dpa' 'bras gnas dang / /gzhan yang gang dag gsang sngags lha/ /lha dang 'jig rten skyong ba dang / /'byung po byang chub brtan gnas dang / /sems can bstan la mngon dga' dang / /gang gzhan lha yi spyan ldan rnams/ /bdag la yang dag dgongs su gsol//rdo rje can chen che ge bdag /che ge'i mchod yon dbul ba ni/ /bgyi'o des na khyed rnams kyis/ /nye bar gnas par mdzad pa'i rigs/ /zhes lan gsum brjod par bya'o/ /de nas 'chad par 'gyur ba'i rnam par rgyal ba la sogs pa'i bum pa'am de dag med na gzhan gyi yang nya gson po nang du bcug pa rnams rim pa bzhin du bzhag nas lhag par gnas par bya'o//las byed pa rnams bgegs mthar byed la sogs pa las thams cad pa'i lha'i rnam par sprul te/ de dag gi khung bu gru bzhi pa rgyar khru do pa zabs su de'i phyed khru gang pa brko bar bya'o//de'i dbang ldan du zlum po de'i tshad dam de'i phyed pa yang ngo / /de gnyis ka yang sa dang ba las byung bas byug par bya'o/ /de nas khung bu gru bzhi par mchod yon gyi snod nas me tog dkar po'i snying por dUr ba dang bcas pa nyid mdzub mo dang mthe bong gi rtse mos mthong bar blangs te yongs su bskor zhing 'gying ba'i tshul gyis mdzub mo dang gung mo dang ming med dang mthe chung rnams rim gyis dgrol la/oM AHhrIHpra wa ra sat+kA ar+g+haM pra tI ts+tsha hUM swa hA/ zhes mchod yon phul nas/ oM b+h+rUM haH hriH pra tI ts+tsha b+hu r+b+hu wa swaH/ zhes pa'i sngags kyis rim pa bzhin du rnam par rgyal ba la sogs pa'i bum pa'i chu blugs pas gru bzhi pa ji lta ba bzhin du bkang la de'i rgyun gyis zlum po dgang bar bya ste/de'i rjes su nya lcibs dang nya gson po bcug la g.yas su 'khyil bar blta zhing shing 'o ma can gyi 'dab ma bcug nas bdag nyid dzaM las skyes pa'i rdo rje dang dzaM las dzaM gu li ser mo rtsa ba dang g.yas pa dang g.yon pa'i zhal gsum ser ba dang gnag pa dang dkar ba gdengs ka bdun dang ldan pa rin po che'i cod pan can phyag drug gi g.yas pa gnyis kyis rdo rje dang mda' dang /g.yon pa dag gis gzhu dang zhags pa dang bcas pa'i sdigs mdzub 'dzin pa phyag lhag ma dag gis rang 'od kyi thabs la 'khyud pa sna tshogs pa'i na bza' dang sbrul gyis brgyan pa/sna tshogs chu skyes dang nyi ma'i gdan la bzhugs pa/ nyi ma 'od can du bsgoms te pad kor lan lnga byas la dbang chen gyi mthar thug par bltas pas gzhi sna tshogs rdo rje'i rang bzhin du bsam mo//ltad mo pa'i 'jig rten pa rnams kyang so rtsi dang me tog gi phreng ba dang tsan+dan la sogs pas yang dag par tshim par bya'o zhes pa gtsug lag khang la sogs pa bya ba'i don du sa yongs su brtag pa'i cho ga'o// //de nas phun sum tshogs pa ma yin pa'i skyon thams cad dang bral bar shes pa'i sa'i dum bu der nas btab ste skyes nas sngon por gyur pa la ba lang rnams longs spyod du gzhug par bya zhing /de nas de rnams kyi chu dang lci ba dang 'o ma rnams bsres nas gtor bas zhi ba'i bdag nyid can gtsang mar gyur pa'i sa'i 'og gi skabs mtha' dag tu klu la sogs pa blta bar bya'o//de'i rjes la gtsug lag khang dang mchod rten spong khang khang bzangs khang brtsegs lha khang la sogs byed 'dod pa/ /de yis sa bdag klu ni brtag par bya ste sa yi dum bu gang de gru bzhir bya/ /phyogs kyi sa yi cha rnams so sor zla ba gsum dang nyi ma yi ni grangs rnams 'dir//dbang ldan nas ni me yi mthar thug shar gyi sa yi cha ni dgu bcur rnam par dbye/ /de bzhin me nas bden bral phyogs kyi mthar thug bden bral nas ni rlung gi phyogs kyi mthar thug dang / /rlung nas 'byung po'i bdag po'i phyogs kyi mthar thug rnams/ /de bzhin du ni cha ni dgu bcu nyid du bya//ston zla ra ba 'bring dang tha ma'i bar/ /ji srid dbang ldan zur gyi phyogs su mgo/ /bden bral zur gyi phyogs char mjug ma ste/ sa yi dum bu'i dbus su gsang gnas gzhag/ /lte ba'i 'og gi cha ni lag 'gro'i lus/ /steng du gdengs ka dang ldan mi yi lus/ / gshin rje'i gdong ldan lag g.yon rna ba g.yon/ /g.yas pa'ang rin chen dang bcas rked par gzhag /sa yi cha dgu rnams su khyab par nyal/ /phyogs der klu yi mgon po nyid de gnas/ /sa yi dum bu'i snying po'i tshad ji bzhin/ /srog shing shar nas nub mtha' sogs 'gro'i lus/ / tshes gcig gi ni nyi ma la sogs pa/ /nyin mtshan re re la ni cha re 'gro/ /shar nas ji ltar rigs par cha re spyod/ /lho dang nub dang byang phyogs de bzhin no/ /dgun zla rab 'bring mtha'i dkar phyogs sogs/ /chu bdag phyogs su kha bltas yang dag gnas/ /me yi phyogs su yan lag mchog 'gro zhing //rlung gi zur la sogs par mjug ma 'gro/ /dpyid zla ra ba 'bring dang tha mar de/ /gnod sbyin bdag po'i phyogs su kha bltas nas/ /bden bral zur sogs yan lag mchog 'gro zhing / /dbang ldan zur sogs char ni mjug ma 'gro/ /dbyar zla ra ba 'bring dang tha ma'i dus//de ni shar gyi phyogs su kha bltas gnas/ /rlung gi zur sogs yan lag mchog 'gro zhing / /me yi phyogs cha ru ni mjug ma 'gro/ /lo re na ni sa kun khyab pa ste/ /lan gcig tsam gyis legs par 'khor ba yin/ /khyad par shes na zla ba zla ba yi/ /dbye bas lag 'gro'i bdag po yang dag rgyu//klu yi bdag nyid dkar po mdzes pa'i gzugs/ /bsgoms nas mjug ma sogs la rim pa bzhin/ /de lus gnas pa'i klu bdag rgyal po la/ /'o ma'i ro sogs nyer spyod rnams kyis mchod/ /mjug ma'i cha la rigs ldan shin tu sngo/ /gsang gnas sngo bsangs mdog can stobs kyi rgyu//lte bar dung skyong pad+ma'i sdong bu 'dra/ /dpung par pad+ma chen po gser gyi mdog/ /dUr ba dang mtshungs nor rgyas snying gar gnas/ /'jog po zhes bya dmar po mgrin par gnas/ /rna bar pad+ma dkar po 'od dkar can/ /spyi bor klu ni mtha' yas sngon po'o//las byed bgegs mthar byed pa rnams bsgoms nas/ /rdo rjes mtshan pa'i tog rtse brtan pos gzung / /tshim par byas nas bdud sde skrod byed pa/ /de yis dang por lag g.yon bzung nas ni/ /lha dbang nor dbang phyogs su kha bltas la/ /yang dag bskor nas kham bzhi brko bar bya//sa de zhing bar snying po'i sar gnas pas/ /me sogs zur du'ang phyi rol dor bar bya/ /de nas 'bad pas sa ni kham lnga brko/ /sa yi dum bu'i dbus su me tog dgram/ /lnga po de dag las rnams byed pa yis/ /phyogs dang phyogs bral rnams su du mar gtor//yang dag gnas pa'i sa nas cha ni nyi shu gcig/ /dor ba'i mthar ni cha dgu 'ba' zhig brko bar bya/ /de ni mchan khung mdun gyi cha yin dge ba'i sa/ /chos don 'dod pa yon tan 'phel zhing dngos grub ster/ /gal te cha dgu'i re mig rnams su nges par gnas pa'o/ /lag 'gro'i sa la brkos na pha ma dang //bu mo bu dang spun zla chung ma mna' ma dang / /pha tshan gnyen dang grogs po'i skye bo 'chi bar 'gyur/ /gal te rgyab tu brkos na rang nyid nyams pa'am/ /rang gi gnas las g.yo ba'am nyung min nor zad 'gyur/ /mjug ma la ni glang bo rta dang ma he ra/ /ba lang phyugs dang 'khor dang 'bangs dang stobs nyams 'gyur//gal te kham lnga brkos sar shing dang grog sbur dang / /skra dang sen mo thal ba byung na 'tshe ba byed/ /rdo las rlung 'jigs sbun pa dang ni mgal dum las/ /sna tshogs rims 'byung rus pa la ni zug nad do/ /dge dang mi dge mtshan ma du ma'i gzugs shes nas//slob dpon bzo bo'i sbyin bdag gi ni skye bo yis/ /sel med byas pa bzhi yi khung bu thams cad ni/ /dag pa'i sa yis kun nas myur du dgad bar bya/ /de phyir gang zhig sa bdag klu dbus kyi tshangs thig de srid du nyal bar 'dzin pa de rnams ni gsung rab kyi don ma rtogs pas rgol bar byed pa'o//dbang ldan gyi zur nas brtsams te ston zlar ba la sogs pa zla ba gsum gsum nyi ma'i rim pas phyogs la mngon par khyab par klu nyal lo zhes pa ni mang du rig pa rnams kyi'o zhes pa sa bdag klu yongs su brtag pa'i cho ga'o// //sel dang bcas pa'i sa la gtsug lag khang la sogs pa byas na skyon du 'gyur ba'i phyir sa sel dbyung ba brjod par bya'o//dang por re zhig slob dpon gyis mtshan nyid dang ldan pa'i gzhon nu ma rigs ldan las byung ba'am/ de med na rigs gzhan las byung ba yang rung / re mig dgu byas pa'i dbus kyi cha la shin tu 'jam pa'i stan la bzhag nas mnyam par gzhag pa'i sems kyis de rnams bcom ldan 'das kyi gzugs su 'bad pas bsgoms te yang dag par mchod nas rim pa la tshig gang dris pa'i lan gyi yi ge byin pa rnams nges par brtag par bya'o//'di lta ste/ ba ka tsa ta e hA sha ya yA/ gang du dris par gyur pa na yi ge 'di rnams so/ /sa gzhi cha dgur byas pa der shar la sogs pa'i sel rig par bya ste/ dris pa'i tshe ba zhes pa na dbang po'i phyogs kyi khru phyed dang gnyis na mi'i sel yod pas der gnas pa'i mi rnams nges par 'chi bar byed do/ /dris pa'i tshe ka zhes pa na me'i phyogs kyi rked pa tsam na bong bu'i sel yod pas sa der gnas pa rnams la rgyal po'i chad pa dang brang 'gro'i 'jigs pa dang mi mnyam pa byed do//dris pa'i tshe tsa zhes pa na lho phyogs kyi rked pa tsam na mi'i sel yod pas sa der gnas pa rnams kyi khyim bdag 'chi ba des par byed do//dris pa'i tshe ta zhes pa na srin po'i phyogs kyi khru phyed dang do tsam na rus pa yod pas khang pa der gnas pa rnams kyi byis pa zad par nges par byed do/ /dris pa'i tshe i zhes pa chu bdag gi phyogs kyi khru phyed dang don gyis pa'i sel yod pas bdag pos bskrad nas rtag tu khang pa de stong bar byed do//dris pa'i tshe hA zhes pa na rlung gi phyogs kyi khru bzhi na skyes pa'i sel yod par rig pas rmi lam ngan pa rab tu mthong ba dang de'i grogs po rnam par nyams par byed do/ /dris pa'i tshe sha zhes pa na lus ngan po'i phyogs kyi rked pa tsam de na gnyis skyes kyi sel yod pas khyim der gnas pa rnams ni nor sbyin lta bu'ang nges par myur du nor med par byed do//dris pa'i tshe ya zhes pa na me'i mtshams kyi khru phyed dang do na ba lang gi sel yod pas sa der gnas pa rnams kyi ba lang dang nor nyams par byed par the tshom med do/ /dris pa'i tshe na yA zhes pa na/ dbus na mi'i skra dang thod pa dang thal ba dang lcags kyi sel te 'di rnams yod pas gang khyim der gnas pa rnams kyi so so'i rigs zad par byed par shes par bya'o//de ltar sel rnams skyon dang ldan par shes nas rab tu 'bad pas bton te slar yang dag pa'i sa gzhi dga' ba der phur bus gdab par bya'o/ /dngul dang zangs dang zha nye nag po dang zha nye dkar po dang lcags rnams las brdungs pa dang rdo ba dang shing dang rus pa rnams kyis ni ma bstan te/rigs nges pa med pa dang / mthu dang brtan pa dang phun sum tshogs pa rnams zad pa dang nad ster bar byed pa'i phyir ro/ /gser gyi thur ma ni skye bo dang stobs dang bde ba dang nor dang grub pa rab tu ster bar byed pa'o//phur bu ni rgun 'brum gyi shing las byas pa ste lcags kyis brdung bar bya'o zhes pas sel dbyung ba'i cho ga'o// //de la thig ni gdab par bya ste cho ga bzang pos mnyam par byas pa'i sa gzhi la/ /ye shes lnga yi bdag nyid rnam dag bsgril ba mdud med lte ba'i steng du gnas pa dang //brtan pa'i bsam gtan dang ldan bla ma dam pa'i sna rtse'i dbus su mig ni blta ba dang / /bkra shis glu dang dril bu dang ni dung dang gling bu'i sgra rnams sgrogs shing bstod pas so/ /bud med bzo mo'i lag pa'i 'dab mas blangs pa'i chu dang bsres shing rab rgyas 'bar ba yi//me tog gser bzang dang mtshungs dri ldan mchod yon sbyin bdag gis ni yang dag dbul bar bya/ /mtshan ma yang ni nges par brtag par bya ste thig skud chad par gyur na bla ma 'chi/ /ce spyang dang ni bya rgod bya bang ngu bar gyur na rje bo nges par 'chi bar 'gyur/ /gang gis rigs kyi khyad par las skyes sems can rnams kyis thig skud las ni 'goms gyur na//de yi rigs kyi rus pa der ni nges par thig skud kyi ni 'og gi sa la ste/ /thig byed pa ni sbyin bdag gzhogs su 'ongs nas gang gi ming ni yang dag sgrogs byed pa/ /de yi ming dang rjes 'gro'i sems can keng rus sbyin bdag gnas pa'i sa yi dum bu la'o//rang gi lus la reg na cho ga'i dbang las de yi tshad kyis myur du brko bar bya/ /de nas sel yod rnam mang po yi mtshan ma gsungs pa 'dir ni yang dag bsdus pa tsam/ /re zhig ba lang 'ongs nas lci ba gtong bar byed na de yi tshad kyi gser gnas shing /byis pa dang ni gzhon nu ma gang phyis gtong na de yi tshad kyi dngul yod do/ /sbal pa'i sgra las khyim la chu yis 'jigs byed du ba las ni sems la sdug bsngal te/ /nad pa lus nyams mdze bo las ni rang dbang med pa bud med mthong na nad dang ldan/ /shang shang dang ni rma bya khu byug ne tso dag dang ngur ba dang ni ngang pa'i sgra//de rnams mgrin pa sgrog pa mthong na dge ba 'phel bar byed cing phun sum tshogs par byed/ /seng ge dang ni chu 'dzin rgyal po glang po'i sgra las nor thob 'bru ni 'phel ba ste/ /byis pa rtse ba la ni dung dang bkra shis sgra las de yi khyim du rdzas rnams 'ong / / gdugs dang chu skyes mkha' dang snye ma rgyal mtshan bum pa rgyan dang rgyal po'i chung ma dang / /nya dang 'o ma zho yi dbang po chang dang me 'bar 'bras bu rnams las rgyal ba'o/ /'bru dang nor dang bu sogs 'phel te mnyam med bya ba yongs su rdzogs pa de yi tshe/ /dge slong bram ze blo ldan phyug po dam pa'i skye bo yang dag mthong na chos dang ldan//sa la thig rnams gdab pa'i cho ga rab tu brtsams nas lha rnams yang dag bkod pa na/ /de tshe mchog gi rtags ni 'di dag phan pa 'phel bar byed pas yongs su brtag par bya/ /bzo bo slob dpon rnam dpyod dang ldan mdzes shing mkhas pas mi dge ba rnams kun du spangs//gang zhig gnas rnams kun du gnas pa'i skye bo rgyal po sbyin bdag rnams la ji lta bar/ /bkra shis dang ni dge 'phel ba yi ched du dang por shin tu rnam par spyad nas des/ /dam pa'i skar ma gza' dang sbyor ba nyi ma dge ba dag la bya ba yang dag brtsam/ /zhes pas sel la thig gdab pa'i mtshan ma'i cho ga'o// //mchod rten la sogs sa yi gzhi la gnas pa'i mtha' dag lha rnams dang / /phyogs skyong ba dang klu dang nor 'dzin rgyal dang byang chub sems dpa' rnams/ /phyi yi cho gas mchod par bya ste yid chos shes pa yis/ /sa yi dum bu'i snying po yongs su dag pa'i dbus su gnas pas so//sa dang chu dang me dang rlung rnams kyi ni dkyil 'khor mtha' dag las/ /yang dag byung ba'i ri rab steng gi rtse mor sna tshogs rdo rje ste/ /de yi 'od zer dra ba'i tshogs rnams kyis ni mda' yi dra ba dang / /rdo rje'i ra ba gur dang bla res mtha' dag legs par bsrung bar bya//dpal ldan seng ge rnam par gnon pa'i ting nge 'dzin gyis bar snang du/ /b+hUM yig dang ni 'khor lo rgyal ba'i 'od zer las byung gzhal yas khang / /gtsug lag khang dang khang bzangs khyim dang 'gron khang dang ni lha khang rnams/ /mtha' dag dge 'dun gyis ni legs par yongs su gang ba sems kyis bsam//b+h+rUM yig 'od kyis phra rab rdul gyi tshogs gyur so phag la sogs pa/ /mtha' dag pad+ma'i dbus su gnas pa rnams ni yang dag mchod bya zhing / /yongs su rdzogs shing chos la mchog tu 'bar bas mdzes shing zur ldan rnams/ /dri yi chu dang tsan+dan dmar po gur gum gyis ni byug par bya//grog tshang can dang 'bu yi tshogs kyis zos pa dang ni chag pa dang / /zur nyams pa dang mtha' dag phyugs kyi rkang rjes can dang yon por gyur/ /'di rnams spangs te phri yang ku dang me tog rnams dang le brgan rtsi/ /sin+d+hu ra dang 'khur ba dkar po'i tshangs skud til la sogs pas kyang //yang dag tshim par bya ste rtsig mkhan bzo bo'i tshogs ni mkhas pa rnams/ /gser gyi gdu bu rnams dang rna rgyan lag pa yi ni sor gdub dang / /gos dang gser dang bza' ba btung ba go yu dang ni me tog gis/ /ltad mo ba dang mi yi bdag po'ang yang dag yongs su tshim par bya//shar dang byang du kha phyogs de bzhin gshegs dang zla ba nyi ma dag /bltas nas rgyas pa'i sems kyis bla ma dang ni bzo bo'i gtso bo yis/ /zla ba dang ni nyi ma'i lam nas 'dzin ma'i rlung ni rgyu ba na/ /brtsams pas pha gu dngul dang gser gyi rus sbal steng du gzhag par bya//dbang po dang ni byang du gnas pas dang por brtan pa'i yid kyis ni/ /de rnams me yi zur gyi phyogs la sogs par rim pa ji bzhin du/ /g.yas su bskor ba'i rim pas nges par sbyar na rdzogs par 'gyur ba ste/ /stong phrag phyogs kyi khor yug dag tu pha gu rnams ni bzhag pas so/ / yid bzang gis ni dril bu dkrol zhing g.yas pa'i phyag tu rdo rje ni/ /legs par gnas pas de nas yongs su bzlas te sngon la phyogs bral rnams/ /rnam par snang mdzad la sogs bum pa chu yis mngon par gtor bya zhing / /nye bar spyod pa lnga yi cho ga slob mas yongs su gzung bar bya/ / bde gshegs sras kyi tshogs kyis gang bar dam pa'i chos ni bklag bya zhing / /skye bo rab tu dga' bas 'dus shing kun nas dga' ba tshogs pa'i dus/ /gos med pa dang lus dman gyur pa'i sdug bsngal rab tu grol ba na/ /dge ba'i tshes dang dus sbyor la ni dang por rol mo glu dbyangs bya/ / pha gu la sogs pa bzhag pa rnams la sbyin bdag dang mkhas pa la sogs pa rnams kyis yang dag par spro ba dang bcas pas dge ba'i chu'i rgyun sbrengs te phyogs mtha' dag tu gram par bya'o/ /gtsug lag khang mig gi rings su phyed lhag pa'i tshad de zhing du che ba ni mchog go/ /zhing gi bzhi cha gsum dang mnyam pa ni stegs bu dang myos pa bsrung ba'i rtse mo'o//dong dgang ba ni de bzhin du ska rags tsam me dang mda' dang thub par gsungs shing gang yang chu dang rdo'i mthar thug par bya ste/ rtsig pa ni gros su bya'o/ /ma them gyi ni gdung gi mthar thug pa'i tshad gang yin pa ste de bzhin du rtse mo'i mthar thug pa'i rings su ni cha gsum gyi tshad du 'gyur zhing /cha re re ni cha chen po'o/ /ka ba dang nang gi dra ba ni cha lnga'i cha gsum du gsungs so/ /cha dang cha'i dum bu yongs su rdzogs pa'i khor yug gi phreng bar shing gi las ka mnyam pa'o/ /stegs bu la lnga cha'i cha gnyis ni rtsig pa chen po'i zheng ngo //rtsig pa de la cha lnga'i cha gnyis ni pha gu'i rings kyi tshad do/ /de'i rings su yang cha lnga ste/ zhing du ni cha gsum dang ldan pa pha gur bstan to/ /de'i cha gsum gyi cha gcig ni dpangs te khang bzangs kyi cha thams cad du'o/ /oM b+h+rUM sarba ta thA ga tA sarba bud+d+ha A la yaM a d+hi tiSh+Tha n+tu swA hA/ zhes pa so so'i zur la lan bdun gyis pha gu byin gyis brlab par bya'o/ /de nas zhi ba'i sbyin sreg gis phyogs skyong la sogs pa rnams kyang yang dag par mnyes par byas nas sa'i bdag po dang sbyin pa'i bdag po la yang zhi bar bya zhing lhag ma'i gtor ma sbyin par bya'o/ /snga ma dang 'dir yang cho ga rnams spro bas nus pa bzhin byas te dge 'dun gyi ston mo dang bla ma la yon dbul bar bya'o zhes pa gtsug lag khang dang mchod rten dang dri'i gtsang khang dang grong khang spong khang gi mchod yon gyi cho ga'o// //rdzing dang chu mig dang khron pa la sogs pa byed pa na gtor ma dang mchod pa sngon du 'gro bas mchod yon la sogs pa byas la rnam par snang mdzad nyid oM baM badzra ba ru Na hUM zhes pa 'dis rdo rje chu bdag gi gzugs su bsams nas de yongs su gyur pa las skyes te klu rigs brgyad kyi gnas ye shes kyi bdud rtsi'i chus bkang la oM badzra satwa sa ma ya s+t+waM/zhes brjod cing me tog gtor nas dbang chen gyi sa gzhi la thug par yan lag brgyad dang ldan pa'i chus gang bar blta'o zhes pa rdzing la sogs pa'i mchod yon gyi cho ga'o// //lugs ma dang brdungs ma dang bris ma la sogs pa'i sku gzugs byed pa na mchod pa dang gtor ma sngon du 'gro bas bzo bo rnams byed par 'gyur ba'i lha'i rigs kyi bdag po'i gzugs su byas te/snying ga dang mgrin pa dang mgo bo rnams la rim pa ji lta ba bzhin du rdo rje dang pad+ma dang 'khor lo la gnas pa'i hUM dang AH dang oM gyi yi ge rnams dang / g.yon pa dang cig shos kyi lag pa dag la zla ba dang rdo rje dag dang ldan par skad cig gis rnam par bsgoms la/de rnams kyi snying ga la sogs pa rnams su rdo rje dang bcas pa'i lag pa g.yas pas reg cing / hUM AH oM zhes pas byin gyis brlab par bya'o/ /'chad par 'gyur ba'i sbyang ba'i cho gas shing dang 'jim pa dang rdo ba la sogs pa'i rdzas kyi dngos po gtsang ma rnams stong pa nyid dang /phyi nas snying ga'i sa bon gyis byed par 'gyur ba'i lha'i gzugs su skad cig gis rnam par bsams la/ bcom ldan zhes pa la sogs pa nas/ nye bar gnas par mdzad pa'i rigs/ /zhes pa'i mthar thug ba 'chad par 'gyur ba rnams brjod par bya'o//thams cad du'ang 'dir bsgoms pa'i lha rnams gshegs su gsol bar bya'o zhes pa sku gzugs la sogs pa'i mchod yon gyi cho ga'o// //dam pa'i chos 'dri bar byed pa na mchod pa dang gtor ma sngon du 'gro bas ye shes lnga'i bdag nyid kyi shog bu rnams d+hiH yig tu rnam par bsgoms te de'i 'od zer gyis spyan drangs pa'i rdzogs pa'i sangs rgyas rdo rje chos kyi bdag nyid du'o//yan lag dgu'i dam pa'i chos rnams ni so so'i sgra'i bdag nyid phan tshun rjes su chags pa ste snga ma las mi 'gyur ba'i AH yig yongs su gyur ba'o/ /bris mkhan rnams ni snga bar rnam par sbyangs te 'od dpag med kyi gzugs su rnam par bsgom mo//rang nyid kyis kyang oM badzra satwa hUM zhes pa 'dis smyu gu dang / oM AH big+h+nA n+ta kr-i ta hUM/ zhes pa 'dis snag tsha'i snod lan nyi shu rtsa gcig tu byin gyis brlab cing bris mkhan gyi lag pa g.yon par snag tsha'i snod chos kyi 'byung gnas dang g.yas par myu gu rdo rje'i rang bzhin can byin la/oM d+hIH shru ti smr-i ti bi dza ye sarba adz+nyA na pa Ta la a pa hA ri Ni hrIH swA hA/ zhes pa'i sngags kyis rab tu gzhag ste/ snag tsha'i snod dang smyu gu dag sbyar nas gang zhig shes rab dang ye shes rnam par 'phro bas gang bris pa de rnams de yongs su rdzogs pa'o zhes bsam par bya'o//bsgoms pa'i lha rnams kyang gshegs su gsol bar bya'o zhes pa'o/ /rked gsog can dang tshangs skud can/ /snag tsha sku dang ral pa can/ /ngan pas 'tsho dang gya gyu'i bdag/ /dam chos don la yongs su spang / /brtsams te dang po'i 'dab ma la//rtsa ba'i cha yis legs bri zhing / /phyi nas rtse mos yang dag bri/ /bris mkhan phan par gtogs pas so/ /ku la'i rgyab kyi rim pa ltar/ /de bzhin phreng ba de yis bya/ /cha lnga mnyam par byas nas ni/ /g.yas pa la ni cha gsum dor/ /g.yon la cha gnyis dor ba yi/ / dbus su bug pa dge ba thob/ /ces pa ni bug pa gcig pa ni mtshan nyid do/ /cha gsum mnyam par byas nas ni/ /bug pa gnyis pa dge ba 'phel/ /zhes pa dam pa'i chos 'dri ba'i mchod yon gyi cho ga'o// //gtsug lag khang dang khang brtsegs khang mig gnas pa gang / / mchod rten la sogs sku gzugs rnying pa shing rul dang / /chag dang tshig dang dum bur song dang cha shas gas/ /de rnams sbyin bdag rgyal po rnams la shis pa min/ /de phyir skye dgu'i sbyin bdag rgyal po rnams/ /mchog gi don dang bsod nams grol don du/ /yang dag rnyings par gyur rnams gso zhing bsgrub bya ste//gtso bo'i slob dpon mchog rnams kyis ni 'bad pas so/ /thub pa'i dbang po'i tshogs la me tog la sogs pa'i/ /nyer spyod rnams kyis mchod nas gsol ba gdab bya zhing / /dpang du byas nas phyogs skyong rnams dang lha kun dang / /gnas kyi bdag por sbyin sreg gtor ma rab tu spyad//tshim par byas nas skar ma gza' dang dus tshigs ni/ /dge ba nyid dang gtsang ba nyid la nges par brtag /dpal ldan rdo rje sems sogs rnam bsgoms bdag nyid can/ /slob dpon nang gi sde dang bcas pas las rnams bsgrub/ /rang gi gsang sngags brgya dang rtsa brgyad bzlas nas ni//rdo rjes phyag mtshan brtan zhing dpa' ba'i slob dpon gyis/ /phreng ba dang ni skud pa lnga la rnam bcings te/ /sku gzugs ye shes rigs de'i snying nas myur ba yis/ /bkug nas sa bon yi ge'i phreng skyes gnas pa rnams/ /ho yig snying por byas nas 'od kyi phreng ba ni//nyer spyod la sogs sngon du 'gro ba'i cho ga yis/ /gnas las rjes su mthun pa min pa bsgom par bya/ /mtshan mas rab brgyan mdzes shing gsar pa rnam dag pa'i/ /bum par bdud rtsi lnga la sogs pas rab rdzogs bya/ /bum pa'i nang du gnas pa rnam par dag pa'i sku//brtan pa'i bdag nyid can gyis rtag tu yang dag mchod/ /'khrul 'khor rnams kyis bzo bo'i skye bos rnam bskyed de/ /rdo ba dang ni sa yi rang bzhin rnying pa'i gzugs/ /'di rnams mu stegs can gyi chu bo ru ni dor bya zhing / /ci ste na yang ri phug zab mo'i nang sogs su'o//gal te shing gi bdag nyid yin na gos gsar bcing / /til mar bskus te cho ga shes bar bsreg par bya/ /rdzas kyi bdag nyid can rnams bzhu bar byas nas ni/ /de yang bdag nyid yongs su rdzogs par blugs par bya/ /sngar gyi tshad la myur du gzugs ni mdzes pa'am//sngar bas lhag pa'i yongs rdzogs sku ni bzhengs bya ste/ /snying stobs ldan pa'i bdag nyid kyis ni 'bad pa yis/ /mchod yon sngon du 'gro ba'i mchod pa bsgrub par bya/ /bum pa'i lto nas rang gi sa bon phyung nas ni/ /ye shes rigs ni sku gzugs la gnas rab tu bya//mchod 'gyur mchod pa dam pa de la rim pa ste/ /myur bas cho ga ji bzhin rab tu gnas pa'o/ /so phag rang bzhin dang ni rdo rje'i rang bzhin rnying gyur pa'i/ /mtha' dag mchod rten dngos rnams de bzhin yongs dag byas nas ni/ /snying por byas te mchog gi dngos grub byed pa'i skye bo yis//shing yang de bzhin nyid de gser sogs blugs par bya/ /gtsug lag khang dang khang bzang khyim dang 'gron khang lha khang rnams/ /rnam par snang mdzad rang bzhin du ni nges par rab bsgoms nas/ /yang dag gnas nas legs par bkug ste bum pa'i nang du ni/ /gzhag nas sngar gyi cho ga bzhin du yang dag spyad par bya//sbyin sreg nyer spyod gtor ma bza' ba bkra shis byas nas ni/ /rab 'byams thub pa'i gang zag rnams ni shin tu mnyes byas te/ /bsnyen bkur dang ni mchod pa'i rgyan rnams rnam par bsgrub/ /de ltar byas na mtha' dag 'jig rten phan pa thob par 'gyur//zhes pa rnying pa gso ba'i mchod yon gyi cho ga'o// //'dir ji ltar rigs par 'chad bzhin pa'i cho ga rnams su/ gser dang dngul dang zangs dang rdo dang shing / /sa bya nya lcibs dung dang ni/ /'dab ma'i kyong bu zhabs bsil dang / /bsang gtor zhal bsil mchod yon snod//de la snod gcig tu nas dang 'o ma dang me tog dkar po dang / ku sha dang til dang 'bras yos bdud rtsi dang bcas pa'i dri dkar po'i chu blugs la/ oM AH hUM zhes pa'i sngags dang rang gi bdag po'i sngags dang 'khyil pa'i sngags rnams kyis lan bdun nam brgya rtsa brgyad du bsngags par bya ste zhi ba'i don du'o//rgyas pa'i don du ni til dang zho dang me tog ser po dang dUr ba dang bdud rtsi dang bcas pa'i dri ser po'i chu blugs la de bzhin du bzlas par bya'o/ /de nas rang gi g.yon logs su mchod yon gyi snod dang zhabs bsil gyi snod dang / zhal bsil gyi snod dang /bsang gtor gyi snod rnams gzhag par bya'o/ /de rnams kyi mdun du bzed zhal gyi snod 'ba' zhig pa gsum yang ngo / /de la zhabs bsil gyi snod nas khu tshur g.yas pa'i mthe bong dang mdzub mo'i skam pas 'gying ba'i tshul gyis so rnams bskor zhing chu dang me tog blangs la 'chad par 'gyur ba'i sngags kyis mdzub mo dang gung mo dang ming med dang mthe'u chung rnams rim gyis dgrol zhing snod du lan gsum dbul bar bya'o//snod gnyis pa'i chu lag pa g.yas par gnas pa'i ku sha'i chun po'i rtse mos blangs nas bzed zhal gyi snod gnyis par lan gsum bsang gtor bya ste las thams cad pa'i bum pa'i chu yis bsang gtor bya ste yang de bzhin no//snod gnyis pa nyid nas g.yas pa'i khu tshur gyis mthe bong dang mdzub mo'i skam pas chu dang me tog bzung la zhal bsil gyi phyir bzed zhal gnyis pa nyid du 'chad par 'gyur ba'i sngags brjod cing /kha 'og tu phyogs pa'i khu tshur gyis mthe chung dang ming med dang gung mo dang mdzub mo rnams rim gyis dgrol zhing lan gsum du dbul bar bya'o/ /gsum pa mchod yon gyi snod kyi chu la sogs pa rnams snyim par bzung la/ oM AH hrIH pra wa ra sat+kA ra ar+g+haM pra tIts+tsha hUM swA hA/zhes brjod cing rdo rje thal mo kha phye bas snod gsum par lan gsum du so sor dbul bar bya'o/ /sngar gyi las gsum la ni ar+g+haM gyi gnas su pA d+yaM dang prok+Sha dang Any+tsa ma naM rnams brjod par bya'o zhes pa mchod yon la sogs pa'i mtshan nyid kyi cho ga'o// //de nas gtsug lag khang la sogs pa rdzogs pa'i rab tu gnas pa'i don dam dbang bskur ba'i don du gsol ba btab pas sam/rang ngam gzhan gyi dngos grub bsgrub pa la sogs pa don du gnyer bas sam/ sems can gyi don chen po mthong bas sam/ gzhan gyis bskul bas kyang rung ste dkyil 'khor bri ba'i phyir dang tshogs bsag pa'i phyir dang /bgegs nyams par bya ba'i phyir dang / bdud gzhom par bya ba'i phyir sngon du bsnyen pa bya'o/ /gal te kun mkhyen lam shes ni/ /bsnyen pa med na 'grub pa mi 'gyur/ /de phyir gnyis med gnas nas ni/ /rim gnyis de nyid rig pa yis//lha yi 'khor lo yang dag bsgom/ /skyon de yi gsang sngags bzlas/ /'khor lo'i gtso bo 'bum bzlas shing / /yang na rang gi lha yi 'bum/ /dkyil 'khor ba yi khri nyid de/ /'di ni sngon du bsnyen par brjod/ /de ltar ting nge 'dzin gsum la mkhas pa'i rnal 'byor pas ji lta bar dkyil 'khor dang rjes su mthun pa'i sngon du bsnyen pa'i bcu'i cha shas kyi sbyin sreg kyang bya'o zhes pa sngon du bsnyen pa'i nges pa dang dgos pa'i cho ga'o// //de'i rjes la rab gnas kyi don du zla ba la sogs pa gsungs pa/ mchu dang dbo yi zla ba de bzhin nges par sa ga snron dang chu stod zla ba dang //mgo ste de srid 'di rnams dge ba gcig pu'i 'bras bu ster ba'i zla ba drug tu gsungs/ /gza' yi mchog gyur bzhi ste gza' lhag bla ma pa sangs zla ba rnams dang ldan gyur na/ /gza' rnams thams cad bde dang rjes chags nor rnams ster bar gsungs te rab gnas don du'o//dang por bshad pa'i gnyis pa la ni rjes su dge ba'i 'bras bur gsungs te gang zhig gsum pa dang / /de las dpal ldan lnga par 'gyur ba gang yin nges par bcu pa bdun pa zla ba nya ba dang / /gang zhig thams cad grub pa la ni 'thab mo sdig pa nyams par gsungs te tshes kyi grangs rnams bdun//bshad pa la ni don kun grub par thub pas bstan te sangs rgyas bya ba la ni spro bar bya/ /rgyal dang me bzhi lha mtshams de yi rjes su mgo dang snar ma dag dang dbo dang lag rnams dang / /snron dang snrubs dang rjes mthun gro bzhin rkang par ldan pa'i khrums dang chu stod chu smad ces bya ba//bu la sogs pa 'phel bar 'gyur te nges pa nyid du dbo la 'dod pa'i dngos grub 'gyur/ /me bzhi la ni ye shes 'thob cing nam mkhar dbang du bya ba dag ste lag la de bzhin nyid/ /snar ma la ni nor rnams 'phel zhing rjes su mgo la zhi ba'o/ / chu stod chu smad rgyal po la/ /tshe ring ba dang bu dang rab gsal mkhas pa dag dang blo ste khrums la dngos grub 'phel/ /rgyal la rtag tu rgyal ba nyid du 'gyur zhing bde ba dang ni mthu ste snron la don rnams 'grub/ /lha mtshams la ni bde ba'o rjes su mthun pa'i gza' tshogs mtha' dag la ni mchod sbyin bya ba bsgrub//myur du rdzogs pa tsam nyid la/ /rab tu gnas pa mchog tu 'gyur/ /'khor los sgyur rgyal dbang phyug ni/ /thob pa 'di la the tshom med/ /tshes dang gza' dang skar ma med/ /bgegs dang log par 'dren pa'ang med/ /bgegs dang skar ma lha rnams dang / / gza' rnams thams cad rjes su mthun/ /zhes gal te yang gsungs pa de lta na'ang 'jig rten pa'i kun rdzob la brten nas byed pa po la rjes su mthun zhing dge ba'i dus sbyor la sogs pa thams cad bsgrub par bya'o/ /de bas na zla ba bcu gnyis po rnams la yang rten cing 'brel par 'byung ba'i rim pas yud tsam bzang po la sogs pa thams cad la bya ba rnams bya'o//de'i rjes su gang gi tshe slob mas lan gsum du gsol ba btab par gyur pa dang / dkyil 'khor bri ba'i don du gal te de la nye bar mkho ba'i yo byad rnams tshogs nas de'i tshe slob ma mdun du bzhag la/de'i lte bar nyi ma la hUM yig gi rnam par bsgoms te de'i 'od zer gyis snying gar gnas pa'i yig las byung ba'i sdig pa gnag cing rnam par 'gyur ba'i gzugs can gcer bu 'bras bu 'phyang ba skra ser po gyen du bgreng ba rkang pa gsum pa sna rtse nas phyung la hUM yig de yang snying gar 'ongs shing yongs su gyur pa las 'chad par 'gyur ba'i khro bo chen po rdo rje hUM mdzad du rnam par bsgoms nas phyir 'thon te/oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+Na pa ya gr-ih+NA pa ya hUM hUM phaT/ oM A na ya hoH b+ha ga wA na bi d+yA rA dza che ge mo'i sarba pA paM nA sha ya hUM hUM phaT swA hA/zhes brjod cing phyag na gnas pa'i rdo rje 'bar bas phyung ba'i sdig pa rnams stong par mdzad par bsam/ slob ma'i sems kyi bgegs rnams bdud rtsi 'khyil pa'i lte ba'i 'og phur bu'i rnam pa can la oM badzra kI la ya a s+ya sarba big+h+na na ban+d+ha ban+d+ha hUM phaT/ ces brjod de hUM mdzad kyis bka' bsgo ba dang rang gis kyang brjod cing phur bus gdab par bya ste/ phur bu'i 'od zer drag po rnams kyis gdug pa can rnams bsreg par yang bya'o/ /slob ma de yang paM yig las kun du bzang po'i gzugs su bsams te/ srung ba'i don du snying gar a yig las skyes pa'i zla ba'i dkyil 'khor dang aHyig las skyes pa'i sna tshogs rdo rjes byin gyis brlab par bsgom zhing mgo bor zla ba la gnas pa'i hUM las byung ba'i rdo rje rtse lnga pa gyen du 'greng ba'i dbus su mA ma kI bzhugs par bsgoms la ye shes kyi lha mo de'i thugs kar zla ba la gnas pa'i rdo rje'i lte ba'i nang du chud pa'i sngags kyi phreng ba las byung ba rdo rje ser po phra mo'i 'od zer 'phros pas lus thams cad la go cha bgos par bsams te/oM AHshaM ka re shAn+ti ka re g+hu Ta g+hu Ta g+hu Ti ni g+hA Ta ya g+hA Ta ya g+hU Ta ni che ge mo la rak+Sha swA hA/ zhes brjod pa'i sngags kyis bsrung bar bya'o//'khyil pa'i sngags kyang bzlas pa'i ched du 'di la sbyin no/ /de ltar byas na 'di la bgegs rnams kyis ni mi tshugs shing nye bar mkho ba'i yo byad rnams kyang bde bar rnyed par 'gyur ro zhes pa slob ma yang dag par bsdu ba'i cho ga'o// // de nas nye bar mkho ba rnams yang dag par tshogs pa dang grogs shin tu yid gzhungs pa dang ldan pas dge ba'i tshes dang dus sbyor la sogs pa'i snga dro'i dus su rig ma dang bcas pa'i shin tu phan pa byed pas 'khor lo'i dbang phyug gi lha'i rnal 'byor dang sngon du bsnyen pa byas te/ grong rdal dang grong khyer dang grong dang skyed mos tshal dang gtsug lag khang dang khyim rnams kyi dbang ldan gyi phyogs sam gang du yid la 'thad par gyur pa der dkyil 'khor gyi khang pa bya'o/ /shar phyogs su dkyil 'khor byas na sa'i bdag po 'chi ba dang / skye bo rnams la nye bar 'tshe ba sna tshogs 'byung ngo //lho phyogs su ni gang gi don du dkyil 'khor byed pa de 'chi'o/ /chur ni slob dpon no/ /lus ngan por ni der zhugs pa'o/ /mer ni char ro/ /bden bral du ni mu ge'o/ /rlung du ni char rlung ngo / /phal pa'i ring bsrel can gyi mchod rten dang nye bar ni 'chi'o/ /klu gnas pa'i chu dang nye bar ni chu 'byung ngo //shing gi grib ma can du ni byis pa 'chi'o zhes shes par byas nas thams cad yongs su dor te shar dang byang gzhol ba rab tu shis pa'i dkyil 'khor gyi sa gzhi nges par brtags nas der dri bzang po la sogs pas maN+Dal bya'o/ /dkyil 'khor gyi lha rnams yang dag par mchod cing gtor ma phul nas nam mkha' la bteg ste/der gnas pa'i zhing skyong la sogs pa rnams gtor ma dang nye bar spyod pas mchod la/ gang dag 'dir gnas lha dang klu/ /gnod sbyin srin po'am gzhan dag la/ /sa 'di bdag gis bslang bar bgyi/ / dkyil 'khor don du khyed kyis stsol/ /zhes lan gsum du gsol ba gdab par bya'o/ /rmi lam la sogs par gnang ba'am ma bkag par shes nas nyi ma gzhan gyi snga dro nam mkha'i dkyil na bzhugs pa'i dpal ldan rdo rje 'chang la sogs pa rnams la yid kyis gsol ba gdab cing rjes su gnang ba zhus te/nyi ma'i gung la bsrung ba'i 'khor lo dang bgegs la phur bus gdab par bsgoms pas sam/ drag po'i sbyin sreg gis bgegs bskrad par bya'o/ /sbyin sreg gi phyogs la slob ma srung ba'i don du phyi dro'i tshe me'i phyogs la gnas pa'i thab khung du zhi ba'i sbyin sreg kyang byas la sa de yang oM AHbig+h+nAn+ta kr-i ta hUM zhes pa 'dis las thams cad pa bzlas pa'i yungs kar dang chu dang thal ba rnams kyis bsang bar bya'o//der rdo rje skyil krung bcas te sa'i lha mo 'chad par 'gyur ba'i mtshan nyid can bsams la zhabs bsil dang zhal bsil dang mchod yon dang mchod pa rnams sngon du 'gro bas/lha mo khyod ni zhes pa la sogs pa gsungs pa'i tshigs su bcad pas lan gsum du gsol ba btab pa dang / de ltar gyis shig ces brjod pa can yid kyi btegs nas nam mkha' la bzhugs su gsol lo/ / de nas sa gzhi bgegs med par rig nas gtor ma byin te snga ma bzhin du sa bdag klu'i mchan khung du mgrin pa tsam mchu la thug par ram rdol thug par dngos grub dman pa dang 'bring dang mchog gi dbye bas pus mo 'am dku 'am lte ba tsam du brko bar bya'o/ /de nas rdo ba dang rus pa dang skra dang sol ba la sogs pa skyon gyi phyogs su gyur pa thams cad med par byas nas sa de nyid dri bzang po'i chus gtor te/khung bu dgang bar bya zhing ma khengs na gzhan gyis kyang ngo / /hUM mdzad kyi bdud rtsi 'khyil pa'i sngags bzlas pa'i dri'i chus gtor la brdung bar bya zhing khru phyed kyi dpangs dang ldan pa gru bzhi pa khru bcu drug gi tshad dang ldan pa'am/yang na khru bcu gnyis kyi tshad dang ldan pa mnyam pa'i sa la 'chad par 'gyur ba'i thig gdab pa'i cho gas thig gdab par bya'o/ /de'i dbus su khru bcu gnyis sam khru brgyad pa'i zla ba'i gdan zlum po mtho gang gi tshad kyi dpangs dang ldan pa dbus cung zad mtho ba shar dang byang gzhol ba'o//de'i 'og tu sor brgyad pa'i tshad dang sor bzhi pa'i dpangs dang ldan pa pad+ma'i 'dab ma'i rnam pa ge sar dang bcas pa'i ska rags bya zhing / 'od zer phreng ba'i mthar thug par khru bcu gnyis pa'i dkyil 'khor de khru nyi shu rtsa bzhi'i tshad dang ldan pa'i gru bzhir thig bzhi gdab par bya zhing /de las khru bzhi bzhi yongs su dor bar slar yang thig bzhi gdab par bya'o/ /dbang ldan gyi phyogs nas bzung nas nyi shu rtsa bzhi'i thig la ka ba rnams te/ stegs bu la ka ba bcu gnyis so/ /de'i steng du thog bzhi po rnams te zur bzhi pa'i thog byas la/ka ba chung ngu bzhi gzhag cing zur gyi mthar thug par gdung bzhi gzhag par bya'o/ /de 'am gzhan gyi lugs la yang ral pa la sogs pa'i skyon med cing legs par gnas par bya ste/ yan lag brgyad kyi sgo bzhi dang ldan pa bum pa bzang po dang /phyogs skyong ba'i mdog can gyi rgyal mtshan dang ldan pa gtsug tor du rnam par rgyal ba'i rgyal mtshan dkar po can chu shing gi ka bas nye bar mdzes par byas pa/ mchod sbyin gyi shing gi rigs kyis sgo bzhi'i rgyan byas la/ mthar zla ba'i gdugs kyis mdzes pa/ phreng ba dang rnga yab la sogs pas brgyan pa'i dkyil 'khor gyi khang pa bya'o//de nas yang / sa sel nyes pa thams cad ni/ /gal te dbyung bar mi nus na/ /lag pas reg la sngags bzlas bya/ /de nyid dag pa chen po yin/ /khang bzangs brag steng ba lang lhas/ /gtsug lag khang sogs chu 'gram mam//sngon du byas pa'i gnas dag tu/ /ma brkos na yang dag pa yin/ /de'i phyir sa 'di rnams dang brkos shing brdung ba byas pa rnams la yang / oM b+hu khaM zhes brjod pas nam mkha' bya zhing / de nas hUM laM zhes pa 'dis rdo rje'i rang bzhin du rnam par bsgoms te/ oM me di nI badzri b+ha wa ban+d+ha hUM/ oM ha na ha na badzra kro d+ha hUM phaT/ oM AH hUM sho d+ha ya sho d+ha ya rak+Sha rak+Sha hUM/ zhes pa'i sngags 'di bzlas la/ lag pas reg cing sa gzhi byin gyis brlab par bya'o/ /sa de'i dbus su ji ltar 'os par 'khyil pa bzlas pa'i rin po che dang sman dang 'bru lnga rnams bcug la/de bzlas pa'i dri'i chu yis byug par nam mkha' la gnas pa'i sa'i lha mo la gtor ma dang zhabs bsil la sogs pa phul nas bstim ste/ oM AH hUM zhes brjod cing pad kor byas la yi ge brgya pa brjod par bya'o/ /sna tshogs stong pa nyid dang ro gcig pa'o zhes lhag par mos pas sa gzhi shin tu rnam par dag pa'i de bzhin nyid kyi rang bzhin du mos par bya ba ni bla na med pa'i rnam par dag pa'o zhes pa dkyil 'khor gyi khang pa la sogs pa'i cho ga'o// //de'i rjes su/ rnga dang ting shags la sogs pa/ /snyan pa'i sgra ldan rab tu bya//de nas mnyam pa'i glu blang zhing / /rdo rje can des gar brtsam mo/ /slob dpon lnga dang lha mo bzhi/ /mi g.yo'i bdag nyid bzhad gad mkhan/ /dkyil 'khor khang par nges gnas nas/ /gar bya sangs rgyas zlos gar bya/ /zhes pa 'di'i rjes su rim pas bri bar bya'o/ / de la cho ga ji lta ba bzhin du bya ste/ dkyil 'khor khang pa la sogs pa glu dang rol mo la sogs pa yang dag par ldan par dkyil 'khor la nye bar mkho ba dang / bza' ba dang bca' ba la sogs pa na/ /'dri bar 'gyur ba'i dkyil 'khor gyi rnal 'byor dang ldan pa'i rdo rje can gyis/ dam tsha tshig 'gongs par dogs pa yis//slob ma ma yin gzhug mi bya/ /zhes pa'i gsung gi phyir rang gi slob ma med par gyur na'ang / gzhan gyi slob ma la yang rdo rje 'dzin pa'i sdom pa sbyin zhing gsol ba brjod pa sngon du 'gro ba lhag par gnas par byas nas rab tu gzhug par bya ste/de ltar slob ma bzhi rang rang gi 'khor los sgyur ba'i rnal 'byor dang ldan pa dang / de bzhin du rnal 'byor ma bzhi rang rang gi 'khor los sgyur ba'i dkyil 'khor nyid kun nas bsams pa dang bud med med na skyes pa nyid bud med kyi cha lugs dang yang dag par ldan pa dang / de bzhin du mi g.yo ba bdud thams cad sdigs par byed pa'i mchog rnams so/ /de la dkyil 'khor gyi dbang ldan gyi mtshams gzhan gyi phyogs nas kyang rung / yol ba'i nang du rang rang gi lha'i mdog dang mtshungs par gdong lus la snag tsha la sogs pa'i kha dog gis byugs la/ hUM yig las byas pa'i mig 'bras 'bar ba'i lta ba can khro bo chen po khro gnyer g.yo zhing rnam par 'gyur ba'i spyan dang ldan pa 'jig pa'i dus kyi bskal pa'i me dang 'dra bar bzod par dka' ba'i lta bas bdud rnams bskrad par bya ba dang /sems can thams cad gnyis su med pa'i de bzhin nyid du ro gcig pa'i bde ba chen po la rab tu gzhag par bya ba'i ched du byas pa'i rdo rje 'dzin pa'i rdo rje can nag po ni dbus su'o//de bzhin du ri rab ltar brtan cing mi 'gul ba'i spyan gyis byams par lta ba can oM yig las mig 'bras byas pa bsil ba'i bdud rtsi'i 'od zer dkar po'i phreng ba'i lta bas phun sum tshogs pa dang bral ba rnams dang med pa'i brtul zhugs 'dzin pa rnams sangs rgyas gti mug mi gnas pa'i mya ngan las 'das pa la rab tu gzhag pa'i ched du byas pa'i 'khor lo 'dzin pa'i rtag pa dkar po ni shar gyi sgo ru'o//de bzhin du g.yon par brten cing g.yon du rjes su song ba'i lta ba can hrIHyig las mig 'bras byas pa'i 'od zer gyi lcags kyus rdzogs pa'i byang chub tu bsgyur bar bya ba'i nyan thos la sogs pa rnams 'dod chags chen po'i byang chub la rnam par gzhag pa'i ched du rjes su chags pa dmar po'i mdog can byas pa'i pad+ma 'dzin pa'i gar gyi dbang phyug ni nub kyi sgo ru'o//de bzhin du ji lta bar khaM yig las mig 'bras byas pa 'bar ba'i lcags kyus thams cad mkhyen pa'i lam la brten nas byang chub sems dpa'i sa thob pa'i dngos grub mthong ba rnams dang / nyan thos la sogs pa'i lam la mos pas sna tshogs pa'i mya ngan las 'das pa mthong ba rnams yang dag par rdzogs pa'i byang chub la nges par bya ba'i ched du byas pa'i ral gri 'dzin ba'i rta mchog ljang gu ni byang gi sgo ru'o//de bzhin du dza yig las skyes pa ser po'i mig g.yas su bteg cing steng du lta ba'i lcags kyus nga rgyal dang gdug pa can rnams ser sna med par bya ba'i phyir dang mnyam pa nyid kyi ye shes la nges par sbyar ba'i ched du byas pa'i rin po che 'dzin pa'i rdo rje nyi ma ser po ni lho'i sgo ru ste/shar dang nub dang byang dang lho yi phyogs/ /zhes pa'i gsung gi phyir ro/ /'di rnams thams cad phyag g.yon pa na mchod phyir thogs pa dang 'dra ba'i kha T+wAM ga dang rdo rje dril bu'am ka pA la 'dzin pa/stag las byas pa'i sham thabs can mi'i rus pa la sogs pas brgyan par byas shing skra ser po gyen du bcings pa thod pa'i phreng ba dang sangs rgyas lnga'i cod pan skyil krung phyed pa'i gar ram g.yas brkyang gis gnas pa/mig gsum byas shing sna tshogs pad+ma dang nyi ma la gnas pa ste/ rtag pa ni pad+ma dang zla ba'i 'od can no/ /de kho na bzhin du byams pa'i lta bas sems can rnams kyi nye bar 'tshe ba zhi bar bya ba'i ched du byas pa'i 'khor lo 'dzin pa'i spyan ma dkar mo yang dbang ldan gyi zur du ste/ kye rdo rje'i dkyil 'khor la ni gzhan me'i zur du'o/ /de kho na bzhin du snying rje'i lta bas gzhan gyi gnod pa med par bya ba'i ched du byas pa'i rdo rje chu skyes kyi lag pa mA ma kI sngon mo yang me'i zur du'o/ /de kho na bzhin du rjes su chags shing dmar ba'i lta bas skye bo rnams rjes su chags par bya ba'i ched du byas pa'i pad+ma 'dzin pa'i gos dkar mo dmar mo ni bden bral gyi zur du'o//de bzhin du dgug pa'i lta bas gdul bya rnams dgug par bya ba'i ched du byas pa'i ut+pal sngon po 'dzin pa'i sgrol ma ljang gu'i mdog can ni rlung gi zur du'o/ /thams cad nges par snga ma bzhin du mgo skyes ser po gyen du 'khyil bar byas pa'i mig gsum la sogs pa dang so so'i bzhin dang ldan pa/snying gar khu tshur g.yon pa'i mdzub mo yod par byas pa gos sna tshogs can sna tshogs chu skyes dang nyi ma la gnas par byas pa skyil krung phyed pa'i gar ram g.yon brkyang gis gnas pa'o//de kho na bzhin du mi g.yo ba'i gser gyis bskus pa'i ral gri dang / lus can sbyin bdag gis byin pa ji lta ba bzhin du thob pa'i gos dang rgyan yod pa 'khor ba dang mya ngan las 'das pa dag la 'og dang steng du blta ba'i mig can mchog nyid kyi phyir ser po mi g.yo ba/sor mo la dkris pa'i sprul gyi zhags pa 'dzin pa/ 'khor los sgyur ba'i lha mo rnams la bzhad gad byed pa'i mchog g.yon brkyang gis sna tshogs chu skyes dang nyi ma la gnas ba'am/ yang na 'khor los sgyur ba'i rkang stabs kyis gnas pa 'khor los sgyur ba so so'i lha mo rnams la nye bar bskor zhing sna tshogs pa'i rin po che la sogs pas brgyan pa/gos bzang po can thugs kyi dbang phyug gis brgyan pa'i rin po che'i cod pan can no/ /thams cad nas rdo rje'i rkang stabs dang / rim pa ji lta ba bzhin du rdo rje'i glu blang ba dang pad kor la sogs pa dang /rdo rje'i rkang stabs lnga'i gar gyis sgo rnams su gar bya'o/ /de'i rjes la yol ba'i nang du gzhug pa'i don du glu blang bar bya ste/ hUM hUM de ha dA ru saM sA ra dA ru dwan+d+wA ling ga Na yo ga ba ru/ he badz+dza du hUM ten+nA hUM ten+nA hUM/ su ra na ra bin+da ta tsa ra Na ba rU ku su ma pi Ni r+m+mA ya ro Sha ka rU he badz+dza tu hUM ten+nA te te hUM/b+ha wa bi muk+ti bi she Sha ku Na kuT+Ti a i nA ma nA ma he he badz+dza tu hUM gu Na pI Ti a i/ de'i rjes su/ kol+la i re T+thi a lo lA/ muM mu Ni re gak+ko lA/ g+ha Ne kr-i pi Ta ho bA dz+dza i/ kA ru Ne ki a i/ na ro lA mA la ya dzeM kun+du ru bAT+Ta i/ DiN+Di ma ta hiM na bAdz+dza a i d+hu'o/ /ta hiM ba lu khadz+dza i g+ha D+heM ma a nA pidz+dza i/ha li kA liny+dza ra pa Ni a i/ dun+du ra ti hiM badz+dza a i d+hu'o/ /tsa u sa ma kats+tshu ri si h+la/ kAr+pu ra lA i a i/ mA la in+d+ha na shA liny+dza/ ta hiM bA ru khA i a i d+hu/ phraiM kha Na khe Ta ka ran+te shud+d+ha a shud+d+ha na mu Ni a i/ ni raM shu aM ge ts+DA wi a i/ta hiM dza sha ra i pa Na a i d+hu/ zhes pa la sogs pa'i glu dbyangs ji lta ba bzhin du shes par bya'o/ /dzaHhUM baM hoHru Ta ma Ta/ ma ra ri Da bzhi'o/ /hu lu hu lu hu lu bzhi'o/ /a la la la la hoHdrug go/ /sid+h+ya sid+h+ya bud+h+ya bud+h+ya daR+sha ya sarbaM gnyis so/ /ka Ni ka Ni d+hu ni d+hu ni hUM gcig go//rol pa'o/ /ka Ti hUM dzaHbzhi'o/ /g+he g+he na do ma gnyis so/ /Tak+ki hUM hUM bzhi'o/ /Tak+ki hUM dza bzhi'o/ /hu lu hu lu bzhi'o/ /a la la la la hoHdrug go/ /ru Ta ma Ta bzhi'o/ /brtan par ting ting shags kyi rol mo'o/ /Ta g+hai g+hai gnyis so/ /Ta g+hai g+hai g+hai g+hai bzhi'o/ Ta g+hai g+hai gnyis so/ /g+haiM gcig go/ /Ta g+haiM g+haiM gnyis so/ /g+haiM Ta g+haiM gnyis so/ /g.yo ba'i ril mo'o/ /aM aM aM gsum mo/ /baM baM baM gsum mo/ /d+haM d+haM d+haM gsum mo/ /dam tshig gsum gyi rol mo'o/ /bai kauM kauM kauM kauM kauM kauM drug go/ /bai ba dza bai ba dza drug go/ /bai ba dza ba dza lnga'o//bai kauM kauM kauM kauM kauM drug go/ /bai hUM b+h+yo gsum mo/ /hUM b+h+yo hUM b+h+yo bzhi'o/ /bai ru lu ru lu hUM b+h+yo drug go/ /bai kauM kauM kauM kauM kauM drug go/ /dpal he ru ka rdo rje'i rol mo'o/ /pad+ma pad+ma hraM lnga'o/ /pad+ma stiM pad+ma stiM lnga'o/ /pad+ma pad+ma'i d+haM lnga'o/ /pad+ma pad+mi hraM lnga'o/ /pad+ma pad+ma shrIM lnga'o//dpal ldan pad+ma'i ting ting shags kyi rol mo'o/ /trAM trAM trAM trAM bzhi'o/ /baHbaHbaHbaHbzhi'o/ /TaHTaHTaHTaHbzhi'o/ /tra tra tra tra Ta lnga'o/ /rgyal po'o rol mo'o/ /Tak+ki hUM dzaH'gying bas 'gro ba'o/ /traHtraHtraHtraHbzhi'o/ /mgyogs pas rab tu mgyogs pa'o//ta Da ba ta Da ba h+maiM bdun no/ /ta Da ba ta Da ba ta Da ba ta Da ba bcu gnyis so/ /shin tu mgyogs pa'i rol mo'i phyag rgya'o zhes pa la sogs pa'i rol mo rnams dang por te/ mu ra dza la sogs pa tshad ji lta ba bzhin du dkrol bar bya'o/ /de'i rjes la bzhad gad mkhan gyis ha yig brgyad kyis bzhad gad bya ba brjod par bya'o//mdzes pa'i rgyan ldan dkyil 'khor 'khor lor ni/ /bla re gdugs dang ba dan bsgreng bya zhing / /snyan pa'i sgra sogs rol mo du ma dang / /de yi rjes su glu mchog yid 'ong bya/ /'gro kun sangs rgyas lnga yi bdag nyid 'dir//bltas nas sna tshogs lha yi zlos gar bya/ /gang du bde chen gcig pu zhes bya ba/ /du ma'i sde la gar mdzad gcig pu nyid/ /nyan thos theg par mi slob dge sbyong gis/ /don dam spyod pa de nas der spyad do/ /byang chub spyod spyad sangs rgyas yon tan ni//'di rnams nges par ster 'gyur rang 'byung du'o/ /rmongs pa gang gis bcings gyur pa/ /de yongs grol na sangs rgyas te/ /phyin ci log 'di mtha' dag la/ /byang chub rnam par bsgom par bya/ /zhes brjod pa'i mthar yol ba bsal nas rim pa bzhin du dbu rgyan dang //mig dang ko sko dang mgrin pa dang phrag pa dang dpung pa dang snying ga dang lte ba dang pus mo dang rkang pa rnams bstan la/ sa rab tu dga' ba la sogs pa'i sgrib pa dang bral ba mtshon par byed pa rdo rje can gyis nges par spro bar bya zhing / rdo rje sems dpa'i phyag rgyas me tog gi snyim pa snying gar bzung ste/lag pa dag la oM yig las zla ba'i dkyil 'khor dang der hUM yig las skyes pa'i rdo rje me tog dkar po dang / sor mo rnams kyang rdo rje'i rnam par bsgom par bya'o/ /de bzhin du gtso bo gzhan rnams kyi rim pa bzhin no/ /de nas skyil krung phyed pa bkug la rkang pa g.yas pa mnyam pa'i rkang stabs su gnas par bya zhing g.yas brkyang la sogs pa'i rnam pas sgo rnams nas dkyil 'khor gyi dbus su rab tu 'jug par bya'o//de nas mnyam pa'i rkang stabs byas la g.yo bas rna par bskor zhing de'i rjes su/ na ma ste hUM/ oM na mA mi hUM/ oM na mo na maHhUM swA hA/ zhes pas rim gyis longs nas spyi bor dkrol te/ pra na mA mi sarba ta thA ga tA na/ sar+b+ba ta thA ga te b+h+yaHAt+ma naM ni R+Ya ta yA mi/ zhes pa 'dri par 'gyur ba'i dkyil 'khor gyi gtso bo la 'bul ba'i tshul bya zhing shis pa brjod pa'i tshigs su bcad pa gdon par bya'o//de'i rjes la/ yA wan+ta sarba satwAHsatwa saM grwa hi na saM gra hi twAM/ aN+Da dzA wA/ dza ra yu dzA bA/ saM swe ta dzA bA/ au pa pA ru kA bA rU pi No bA/ a rU pi No bA/ saM dz+nyIM No bA/ a ba dz+nyI no bA/ nai ba saM dz+nyA No bA/ na saM dz+nyI No bA/ sarba te satwa mA ya/ mahA mu drA/man+t+ra pa deHpra tiSh+Tha pa yi ta byaH/ zhes pa lan gsum du brjod par bya'o/ /de'i rjes su dam tshig chen po'i glu blang zhing thams cad du gar bya'o/ /de la glu ni 'di yin te/ /stong nyid dri med dam pa'i gnas/ /rmi lam sgyu ma'i rang bzhin nyid/ /ji srid ma zhig bar du ni/ / sems kyi rang bzhin bsgom par gyis/ /spyan ma'i 'o/ /sred med mya ngan 'das pa med/ /'di ni bde chen rdo rje ste/ /gang zhig yid kyis mi bsgom bsgom/ /des ni mchog gi 'bras bu 'grub/ /mA ma kI'i 'o/ /sngags dang yi ge rnam par spangs/ /de la sems med thig le med//'di de dam pa'i bde chen te/ /bri ba med cing gang ba med/ /gos dkar mo'i 'o/ /gzugs brnyan rang bzhin ji lta ba/ /de ltar dngos po bsgom par bya'o/ /stong nyid dri med mchog gi gnas/ /de la bsod nams sdig pa med/ /sgrol ma'i 'o/ /ji ltar chu nad zla ba de//bden min brdzun pa min pa ltar/ /de bzhin dkyil 'khor 'khor lo yi/ /gzugs brnyan rang bzhin rnyog pa med/ /rdo rje 'dzin pa'i 'o/ /de ltar 'khor thams cad la gsungs so/ /de nas/ dam tshig chen po gsungs pa dang / /mig yon mi g.yo rnam bzhad de//mi bskyod ye shes brnyes ldan pa'i/ /ston pa la ni bzhad gad byas/ /bcom ldan khyod kyi dam tshig ci/ /hUM gi yi ge yi ge'o/ /thub pa chen po gzhu can nam/ /min nga dpal ldan snying rje'i stobs dang / /bsnun pa'i bdag stobs min nam ci/ /slar yang gzhan rnams su phyin nas zhus pa/ci khyod dam tshig oM yig yin/ /gang zag thub khyod tshangs pa 'am/ /min nga dpal ldan rnam snang mdzad/ /me bcom khyod ni 'dod pa bral/ /ci khyod dam tshig aHyig yin/ /khyab bdag mkha' lding mkhyen nam ci/ /min nga dpal ldan gar dbang phyug /khyod ni zlos gar bzhad gar mkhan/ /ci khyod dam tshig traM yig yin/ /tsha ba 'phrog khyod gdugs yin na/ /min nga rdo rje nyi ma dpal/ /'khor lo'i rnam pa ji ltar min/ /ci khyod dam tshig khaM yig yin/ /mkha' khyod stong pa'i rang bzhin nam/ / min nga rdo rje 'khyog 'gro yin/ /rta khyod sngon la 'gro ba 'o/ /ci khyod dam tshig zhi ba nyid/ /bud med g.yo sgyu 'dzin nam ci/ /ma yin bdag ni lha mo spyan/ /gal te spyan ni g.yo bar bcas/ /ci khyod dam tshig snying rje 'chang / /a ma chang 'tshong mdzes ma 'am/ /min nga bdag ma'o ma g.yo ba//gnyen ldan bud med bdag ma 'am/ /ci khyod dam tshig 'dod chags che/ /smad 'tshong ma la smrar ci yod/ /min nga lha mo gos dkar mo/ /ci ltar dkar mo 'dzin ma yin/ /ci khyod dam tshig dbang byed che/ /btsun mo'i pho nya yin nam ci/ /min nga sgrol ma mig yon po//sgrol ma mig ni bcom pa yin/ /dpal ldan mig yo nor ldan bdag/ /ngo tsha med pa nyid ni legs/ /ngo tsha med na sangs rgyas med/ /mthong dang mi mthun myur du smos/ /de nas rdo rje bzhad gad pas smras pa/ /rdo rje sems dpa' zhe sdang che/ /thub pa rnam par snang mdzad rmongs//'jig rten dbang po 'dod la zhen/ /rdo rje snang byed phra ba byed/ /don yod skyon kun byed pa ste/ /'dren pa lnga ni skyon ldan no/ /sems can sgong skyes mngal skyes sam/ /drod gsher skyes dang da bzhin du/ /gzugs can rnams sam gzugs med dam/ /rdzus nas skyes par gyur pa rnams//thams cad sangs rgyas bya'o zhes/ /khyod kyis dang por gsungs pa nyid/ /khyod ni sangs rgyas mchog gyur nas/ /de ltar ji ltar rgyal ma mdzad/ /de nyid phyir na brdzun gsung ngam/ /mnga' bdag ci ltar 'di ma gsungs/ /sems can bslus na sangs rgyas nyid//gang khyod 'di de ngo mtshar rmad/ /mig yon nyon cig /'chi dang nyer 'tshe mu ge dang / /phas kyi 'khor lo'i gnod pa dang / /char med pa ni zhi ba dang / /rab gnas dkyil 'khor sbyin sreg la/ /gang ngas rtag tu gar byas so/ /sngags dang bsgom par ldan gyur pa//gang zhig bdag ni rtag rol pa/ /de yi mdun na nga gnas te/ /de la brdzun du 'gyur ba med/ /zhes sangs rgyas bcom ldan 'das kyis mkha' 'gro ma gur du gsungs pa'o/ /'dri bar 'gyur ba'i dkyil 'khor dang rjes su mthun pa'i ming bcug nas/ brjod par bya'o zhes pa man ngag go//bcom ldan 'das sngags dang phyag rgyal sogs pa'i bsgom pa gang lags/ mig yon nyon cig de nye bar bstan par bya'o/ /de nye bar bstan pa ni dkyil 'khor gyi sa'i dbus su 'dug la me tog la sogs pa dang por phul nas 'dri bar 'gyur ba'i dkyil 'khor gyi rnal 'byor dang ldan pas rdo rje dang dril bu bzung ste/srung ba'i 'khor lo la sogs pas bgegs bsal bar bya'o/ /g.yas pas spos phor bzung zhing g.yon pas rdo rje dril bu dkrol ste pus mo g.yas pa sa la btsugs nas lce la hUM las skyes pa'i rdo rje byas nas/ ma lus phyogs na bzhugs pa yi//sangs rgyas rnams ni bdag la dgongs/ /'dir bdag che ge rdo rje yis/ /dkyil 'khor du ni 'jug par bgyi/ /sangs rgyas la sogs kun byon 'tshal/ /dngos grub 'dir ni yang dag stsol/ /zhes pas rdzogs pa'i sangs rgyas la sogs pa snyan gsan dbab cing mchod la slar yang mnyam par gzhag par bya'o//de'i rjes su slob ma bzhi shar la sogs pa'i phyogs su gnas shing ji rigs par rnam par snang mdzad la sogs pa'i rnal 'byor dang ldan pas 'khor lo la sogs pa dang dril bu 'dzin pa 'am/ slob ma gcig gis kyang rim pa bzhin de dang der song bas//de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog/ /dkyil 'khor dam pa bstan du gsol/ /mtshan nyid thams cad yang dag rdzogs/ /mtshan nyid min pa thams cad spangs/ /kun du bzang po sku yi mchog//dkyil 'khor dam pa bstan du gsol/ /zhi ba'i chos mchog las byung ba/ /ye shes spyod pa rnam spyod mdzad/ /kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag cing dri ma med/ / kun bzang thugs mchog kha lo sgyur/ /dkyil 'khor dam pa bshad du gsol/ /zhes pa'i tshigs su bcad pa bzhi pos so so nas bdag nyid la gsol ba 'debs su gzhug par bya'o/ /dngos su gsol ba 'debs pa po med na bsam gtan gyis kyang de ltar bya'o zhes pa man ngag go/ de bzhin du phyogs bral rnams na gnas pa'i rnal 'byor ma bzhi pos kyang rgyud ji lta ba bzhin du bskul bar bya ba ste/ bzhengs pa'i ched du/ rdo rje'i glu rnams kyis yang dag par bskul bar bya'o/ /de nas dkyil 'khor gyi 'khor lo spro ba la sogs pas bsgoms pa'i dkyil 'khor rdo rje khu tshur gyi mdzub mo brkyang la rtse mo sbyor ba 'og tu phyogs pas spyi bor gsung zhing hUM badzrod tiSh+Tha zhes pas nam mkha' la gdeg par bya'o//skyil krung bshig nas langs te kha shar du phyogs pas mnyam pa'i rkang stabs byas la mgo bor thal mo sbyar bas de bzhin gshegs pa thams cad la phyag bya zhing /sems can ma rig pa'i mun par song zhing bdud kyis byin gyis brlabs pa rnams la mngon par bltas la bdud bsal bar bya ba'i phyir/ skad cig gis dkyil 'khor gyi dbang phyug gi sku khro bo'i cha byad can smin ma bsnyer zhing mchi ba gtsigs pa shin tu khros pas g.yo ba la sogs pa dang ldan pa ste/g.yon pa'i mig ni Ta yi yi ges zla bar bya/ /g.yas pa'i mig ni ma yi yi ges nyi mar gnas/ /zhabs kyi rdo rje'i 'od zer dra ba 'phros pa yis/ /brang 'gro'i dbang po sogs dang bdud kyi tshogs rnams bsreg /de ltar bdud las rnam bltas nas/ / gang gang bgegs kyi dkyil 'khor dang / /gdug pa can sogs bskrad par bya/ /'bar ba'i hUM yig las byung ba'i/ /rdo rje rkang pa'i 'og tu 'ang gzhag/ /rdo rje dril bu gzung bya ste/ /g.yas pas rdo rje yang dag ldan/ /blo ldan gyis ni phyogs su blta/ /ma rungs sems can don brtson pas/ / der gnas gang zhig gdug can dang / /bdud dang bgegs dang log par 'dren/ /de rnams bskrad pa'i don du ni/ /nga rgyal nges par bskyed par bya/ /a haM me ga/ swa yaM badzri/ badzri satwa smya haM swa yaM/ a haM bu d+d+ho/ ma hA rA dzA/ a haM badzrI/ ma hA ba la/ a haM yo gI shwa ra rA dzAH/ badzra pA Nir a haM dr-i d+haM/zhes brjod cing nga rgyal dang bcas pa'i tshul bya'o/ /de nas 'khor lo ltar bskor zhing 'di brjod par bya ste/ gang su dag lha dang lha ma yin dang gnod sbyin dang srin po dang yi dwags dang sha za dang brjed byed dang 'byung po dang mkha' 'gro ma dang grib gnon dang rgan po dang rgan mo dang g.yog dang 'khor dang nam mkha' lding dang mi 'am ci dang rig sngags grub pa khyed rnams dengs shig /sa'i phyogs 'dir rdo rje slob dpon che ge mo zhes bya bas slob ma che ge mo'i mngon par rdzogs par bya ba'i don dang sems can thams cad kyis bla na med pa'i ye shes thob par bya ba'i ched du dpal che ge mo 'byung ba'i dkyil 'khor gyi rgyal po bri bar bya'o//de'i phyir rdo rje 'chang chen po'i bka' 'di thos nas myur du dengs shig /gang dag mi 'gro ba de dag gi mgo bdag rdo rje hUM mdzad kyi rdo rje rab tu 'bar zhing gsal la rab tu gsal ba'i ye shes kyi rdo rje chen po 'dis rnam pa brgyar 'gas par bya'o zhes lan gsum brjod cing /khro bo mtha' yas pa spros pas bgegs rnams bsal bar bya'o/ /'dir bskor ba'i dus su sgo so sor bdag nyid kyi g.yon du gnas pa'i slob ma'i dril bu'i nang du bdag nyid kyi rdo rje rab tu gzhug par bya zhing / de'i 'khor lo la sogs pa yang bdag nyid kyi dril bu'o//de ltar yang / rab 'bebs 'dzin pa'i bya ba la/ /dbus su g.yo bas rnam bskor zhing / /mchod sogs phyi nas myur bas ni/ /nga rgyal byas te de nas brjod/ /bdud rnams skrag par byas nas des/ /rdo rje dril bus dbab bya zhing / /dbang ldan phyogs nas 'gro ba yis//rtse gcig la sogs bskor bar bya/ /rim gyis ma rungs dpa' bo che/ /bskal pa'i me ltar bzhengs bya zhing / /de las byung ba'i 'od tshogs kyis/ /bdud rnams mtha' dag bsreg par bya/ /zhes pa legs bsam rnal 'byor bdag /gar bya hUM gi sgra dbyangs bya//sgeg pa dpa' ba mi sdug pa/ /drag shul rgod dang 'jigs su rung / /snying rje rngam pa zhi ba ste/ /gar dgu'i ro dang ldan pa'o/ /zhes pa'i gsung ni 'di nyid las/ /rim pa bzhin du gar bya'o/ /zhes so/ /de ltar thams cad du yang sgrub pa po phyi ma rnams kyis kyang yongs su bskor bar bya ste/ci ltar zhe na/ shar dang lho dang nub dang byang gi phyogs su gnas pa'i slob dpon rnams kyis kun du bskyod pa dang bcas pas rim pa ji lta ba bzhin du 'di dag brjod par bya'o/ /lus ngag sems la gnas pa yi/ /bgegs kyi tshogs kun yang dag nyon/ /nga ni dpal ldan rdo rje 'chang //bka' yi 'khor lo sbyor ba po/ /'khor lo 'bar ba'i gzugs kyis ni/ /lus gsum las byung dag byas te/ /kha cig gal te bdag las 'das/ /'dir ni 'jig 'gyur gzhan du min/ /gang su lus srul po rnams dang / /chen po'i bgegs rnams gzhan du dengs//bde chen ye shes yang dag byung / /rdo rje sems dpa' rang bzhin skyes/ /nga ni dpal ldan snying rje'i stobs/ /bka' yi 'khor lo sbyor ba po/ /rin chen 'bar ba'i gzugs kyis ni/ /lus gsum las byung dag bya ste/ /gal te kha cig bdag las 'da'/ / 'dir ni 'jig 'gyur gzhan du min/ /gang su gnas su gnas pa yi/ /klu dang gnod sbyin la sogs dang / /dri za 'byung po 'byung mo dang / /mkha' 'gro khyed rnams gzhan du dengs/ /sems can don du bya ba brtsam/ /myur ba nyid du 'gro bar bgyi/ /lus ngag sems la gnas pa yi/ / bgegs kyi tshogs kun yang dag nyon/ /de ni dpal ldan rdo rje 'chang / /bka' yi 'khor lo sbyor ba po/ /pad+ma 'bar ba'i gzugs kyis ni/ /lus gsum las byung dag byas te/ /gal te kha cig bdag las 'da'/ /'dir ni 'jig 'gyur gzhan du min/ /gang su dag lha dang lha ma yin dang /klu dang gnod sbyin dang / lto 'phye chen po dang / brjed byed dang / 'byung po dang / 'byung mo dang / sha za dang / gsang ba dang / dri za dang / mi 'am ci dang / grib gnon dang / lus srul po dang / g.yog dang rgan po dang rgan mo la sogs pa khyed rnams dengs shig /gzhan yang gang su dag sa'i gzhi 'dir gnas pa khyed rnams nyon cig /bdag slob dpon che ge mo zhes bya bas che ge mo'i mngon par rdzogs par byang chub yongs su rdzogs pa'i don du che ge mo zhes bya ba'i dkyil 'khor du 'jug par bgyi'o/ /de'i phyir bdag gi bka' 'di thos nas myur ba nyid du dengs shig /gang dag mi 'gro ba de dag gi mgo bdag phyag na rdo rje'i sna tshogs rdo rje 'am ral gri 'od zer brgya phrag 'bar bas rnam pa brgyar 'gas par bya'o/ /zhes lan gsum nga rgyal dang bcas pas thams cad du brjod par bya'o/ /de la dbang ldan gyi phyogs nas brtsams te dang por rdo rje'i rkang stabs rnam pa bzhi rab tu sbyar bar bya'o//hUM yig las rdo rje rtse gcig pa rkang pa'i mthil du bsams nas/ sa la yang rnam pa bya zhing hUM yig gi sngags brjod de rdo rje dang rdo rje dril bu dkur gnas pa'i gar ram pad kor la sogs pa rnams kyis bskor bar bya'o/ /de'i rjes su rtse gsum pa 'ang de bzhin no//de'i rjes nas de bzhin du rtse lnga pa'o/ /de'i rjes nas de bzhin du sna tshogs rdo rje ste 'on kyang phyir log nas bskor zhing rnam pa bya'o/ /bzhi po 'di rnams rdo rjes mtshan pa dang rdo rje'i rnam pa byed pas rdo rje'i rkang stabs te/ slar yang so sor g.yas brkyang la sogs pa byed pa na lan re bya'o//de la g.yon pa'i byin pa bskum nas rkang pa g.yas pa mtho lnga'i bar du 'gying ba dang bcas pas brkyang ste gnas par bya'o zhes pa ni/ g.yas brkyang gi gnas pa'o/ /g.yas pa'i byin pa bskum nas g.yon pa de bzhin no zhes pa ni g.yon brkyang ngo //sor nyi shu rtsa drug gi rgyar rkang pa'i sor mo logs su bstan cing pus mo gnyis drang por byas pa ni sa ga'i stabs zhes bya ba'i gnas pa'o/ /sa ga'i stabs nyid khru do'i bar du ngang pa'i gshog pa ltar byas pa'i zlum po'i rkang stabs so/ /rkang pa gnyis kyi sor mo phan tshun sbyar ba ni mnyam pa'i rkang stabs so//lnga po 'di rnams byed pa na so sor bskor ba lan re rdzogs par bya'o/ /rting pa gnyis kyi bar du sor mo bzhi byas shing rkang pa g.yon drang por byas te g.yas pa mtho gang gi bar du 'gying pa dang bcas pas logs su gnas nas yangs pa can gyi sgrol ma'i rkang stabs ltar byas pa ni skyes pa'i rkang stabs so//de kho na bzhin du g.yas pa bsrang zhing g.yon pa logs su gnas pa ni skyes pa'i rkang stabs kyi zla'o/ /mnyam pa'i rkang stabs byas te mtho gsum gyi bar du rkang pa g.yas pa g.yon pa'i mdun du gzung ba ni rnam par gtsigs pa'i rkang stabs so//de kho na bzhin du g.yas pa drang por byas te g.yon pa g.yas pa'i mdun du mtho gsum gyi bar du gzung ba ni rnam par gtsigs pa'i rkang stabs kyi zla'o/ /slad nas kyang rkang pa'i mthil gnyis kha sbyar ba ni kha sbyor gyi rkang stabs so/ /rkang pa g.yas pas rkang pa g.yon pa'i bol gnan pa ni rus sbal gyi rkang stabs so//rkang pa gcig bteg ste rkang pa gcig gis bskor ba ni rkang gcig gi rkang stabs so/ /rkang stabs bdun po 'di ni gnas nges pa med par bya ste bung ba'i dra ba yang ngo / /rang rang gi g.yas pa dang g.yon pa dag gi lag pa'i sor mo dang bcas pa kun nas g.yo ba ni bung ba'i rkang stabs so//g.yas brkyang la sogs pa bcu gsum po 'di dag byed pa na/ ji ltar rigs par rgya mtsho'i rlabs dang ri bo bskyod pa dang / rol ba'i bskyod pa dang / khro bo'i bskyod pa ste gom pa bgrod pa'i tshul bzhi dang /kun du bskyod pa dgu dang / rdo rje bsgreng ba la sogs drug dang / ral gri la sogs pa'i tshul nyi shu rtsa brgyad bya'o/ /de'i rjes su g.yas brkyang gis gar byas la/ kha lhor mngon par phyogs te g.yon pa'i sdigs mdzub snying gar bzung nas gzhogs g.yon du sa la 'gyel bar bya zhing nam mkhar bltas la rdo rje dang bcas pa'i lag pa g.yas pas bdud thams cad 'phang bar bya'o zhes pa/sangs rgyas kyi stobs kyi kun bskyod do/ /pad kor sngon du 'gro ba'i gar byas la rdo rje bslang nas g.yon pa'i sdigs mdzub kyis bsdigs shing lag pa g.yas pa rdo rje dang bcas pa'i dbyug pa'i phyag rgyas 'phang bar bya'o//mnyam pa'i rkang stabs kyis gnas shing 'gying ba dang bcas pa'i rdo rje'i rkang stabs kyis bskum la rkang pa g.yas pa mtho phyed dang gsum du 'phangs nas g.yon pa brtan par byas te rkang pa dag gshog pa ltar gnas par bya'o/ /de nas pus mo g.yas pa bskum la dbyug pa'i phyag rgyas 'phang bar bya'o//g.yon pa'i sdigs mdzub kyis bsdigs nas lto ba smad la mig g.yon pa btsums te gdong bskor zhing dkyil 'khor la bltas nas khro gnyer bya'o zhes pa/ 'dar bar byed pa'i kun du bskyod pa ste/ dku g.yas pa'i char bsdu'o//de kho na bzhin du rdo rje bslang nas mnyam pa'i rkang stabs kyis gnas te/ rkang pa mnyam par mtho phyed dang gsum du brkyang la rkang pa dag zur gsum du bya zhing / mdun du lag pa brdabs nas dbyug pa'i phyag rgya phyir bas 'phangs la sdigs mdzub nu ma g.yon par gzung bar bya'o zhes pa/skrag par byed pa kun bskyod de dku g.yon pa'i phyogs su bsdu'o/ /de bzhin du rdo rje bslang ba'i phyag rgya bcas nas mnyam pa'i rkang stabs kyis gnas te dbyug pa'i phyag rgya phyar la mig g.yas pa btsums shing g.yon pa nu mar sdigs mdzub la blta'o//g.yon pa rdo rje'i rkang stabs byas nas pus mo g.yas pa bskum la rkang pa bteg ste khro ba dang bcas pas cig car g.yon pas 'khor lo ltar bskor bar bya'o/ /slar yang rkang pa de bskum la g.yon brkyang phyed mar bzhag ste rkang pa dag gshog pa ltar brtan par gnas par bya'o zhes pa yang dag par dkrugs pa'i kun du bskyod pa ste rdo rje gar gyi sbyor bas dku g.yas pa'i char blta'o//de bzhin du rdo rje bslang bar byas nas mnyam pa'i rkang stabs kyis gnas te dbyug pa'i phyag rgya phyir la mig g.yon pas nu mar sdigs mdzub la blta'o/ / pus mo g.yon pa bskum ste g.yas pa rdo rje'i rkang stabs byas nas g.yon du 'phangs shing cig car nyid du g.yas su bskor bar bya'o/ /de nas bzhag ste ltung ba'i rkang pa bskum nas gnas pas zur gsum du byas pa g.yas pa gshog pa ltar gnas par bya zhing g.yas brkyang du gzhag par bya'o zhes pa rnam par rmongs pa'i kun du bskyod pa ste gar byas la dku g.yon pa'i phyogs su bsdu'o//'di nyid rkang pa g.yon pas yongs su bskor nas slar yang mdun du lag pa brdab par bya ste/ yang dbyug pa ltar phyar bar bya'o zhes pa khyad par myur ba'i kun du bskyod pa'o/ /rnam par rmongs pa kun du bskyod pa de bzhin du rnam par bzlog pa'i kun du bskyod pa ste/'on kyang kha gdangs nas lce dril bu 'khrol ba'i rnam par gnas pas 'khor lo bzhin du bskor bar bya'o/ /de bzhin du rdo rje bslang nas rkang pa gnyis mtho gang tsam gyi bar du byas te gru gsum bya zhing pus mo g.yas pa cung zad bskum la pus mo g.yon pa smad par bya'o//nu ma lto ba g.yon gyi char smad de nu mar sdigs mdzub bya zhing dpung pa'i dbyug pa rnam par 'phangs la mthar dbyug pa la bltas nas brdab cing gdong bskor bar bya'o/ /ki lI ki li kun du bskyod pa ste dku g.yas pa'i char bsdu'o//de nyid ki lI ki la chen po ste gang gi tshe dbyug pa gnas pa la blta ba na dbyug pa phrag pa g.yas pa'i phyogs nas rang gi rgyab tu dgyed par bya zhing mig g.yon pa btsums te khros pas rkang pa rnam par bskyod par bya'o/ /bsdu ba ni snga ma bzhin no//g.yon pa lte bar gnas nas g.yas pas rdo rje snying gar bsgreng ba ni rdo rje bsgreng ba'o/ g.yon pa'i rdo rje khu tshur gyis mdzub mo bslang bas snying gar sdigs mdzub byas te g.yas pa'i rdo rje khu tshur gyis bzung ba'i rdo rje rdeg pa'i tshul bya ba ni rdo rje 'phen pa'o/ / sor mo bzhi'i rtse mo yang dag par bskum pas mthe bong mnan pa ni rdo rje khu tshur ro/ /kha las steng dang 'og tu lag pa brkyang ba'i rnam 'gyur dang sna bug dang 'gram pa dang mig rnams kyis bsdigs pa'i tshul byas pa ni rdo rje 'jigs byed do/ /lag pa g.yas pa'i rdo rje g.yas skor du yongs su bskor nas rim gyis rkang pa gnyis sa la 'jog pa ni rdo rje 'khyil pa'o//lag pa g.yon pa brkyang la lag pa de'i rtsa bar rdo rje dang bcas pa'i lag pa g.yas pa'i rtsa bzung nas gar byed pa ni rdo rje'i gar ro/ /rdo rje'i gar sngon du 'gro bas dku gnyis su btsugs te mgo g.yon du smad pa ni bud med sgyu ma byed pa'o//dkur btsugs pa ni rdo rje sgeg mo'i phyag rgya'o/ /g.yon pa'i rdo rje khu tshur gyi sbubs las g.yas pa'i gong mdzub phyung nas ral gri'i tshul du gzur ba ni ral gri'i tshul lo/ /snying gar sdigs mdzub byas te rdo rje rtse gsum pa kun du bskyod pa'i tshul du byas pa ni rdo rje'i tshul lo//rdo rje bsdams pas gzung ba'i gtun shing gis bgegs rdung bar byed pa ni gtun shing gi tshul lo/ /thal mo sbyar ba bcings nas sor mo'i rtse mo phan tshun sbyar ba ni rdo rje'i thal mo'o/ /de bzhin du rtsa bar yang dag par bsdams pa ni rdo rje bsdams pa'o//snying gar rdo rje khu tshur gnyis kyi mthe chung dang mdzub mo dag rdo rje bsdams pa byas na 'khor lo bzhin bskor ba ni 'khor lo'i tshul lo/ /g.yas pa'i rdo rje khu tshur gyi mdzub mo dang gung mo dag 'gying ba dang bcas pas brkyang nas steng du bzung ba ni ba dan gyi tshul lo//thal mo sbyar ba pad+ma bzhin du kha phye ba ni pad+ma'i tshul lo/ /khu tshur g.yas pa'i mthe bong nang du bcug ste mdzub mo brkyang nas dpung pa'i steng du dbyug pa ltar bsgreng ba ni dbyug pa'i tshul lo/ /g.yas pa'i mdzub mo 'gugs pa'i tshul gyis gzung ba ni lcags kyu'i tshul lo//lag pa g.yas pa'i sor mo rnams brkyang la bskum pa ni gdengs ka'i tshul lo/ /lag pa g.yon pa g.yas pas rna ba'i bar du rgyud drang zhing rlung gzung bar bya ba ni gzhu'i tshul lo/ /g.yas pa'i mdzub mo dang gung mo dag gi rgyab nas mda' drang bar bya ba ni mda' drang ba'i tshul lo//de dag nyid kyis mda' 'phen pa'i tshul bya ba na mda' 'phen pa'i tshul lo/ /rdo rje gnyis bcings te bskum la mdun du nges par bsgril bar bya'o/ /bsgril zhing nges par bsgril ba ni lha dgug pa'i mchog go zhes pa la/ bsgril zhing nges par bsgril ba ni rdo rje nges par bsgril ba'i phyag rgya bcings nas rdo rje nges par bsgril ba'o//rdo rje nges par bsgril bar byas pa'i 'og tu rdo rje nges par bskor nas 'gying ba dang bcas pas steng du rdo rje g.yo bar bya'o zhes pa ni kha cig gi'o/ /rang gi gdong 'og tu phyogs pas lag pa g.yon pa de'i 'og tu rab tu brkyang ste/ lag pa g.yas pa rgyab kyi steng du rab tu phyar ba ni seng ge'i rkang stabs so//nga rgyal dang bcas pas kun du blta bar bya zhing 'di nyid lce g.yo ba dang ldan pa ni seng ge g.yal 'dzum pa'o/ /dpung pa g.yon pa'i rgyud sa la phab ste lag pa g.yas pas 'gram par thal lcag rdeg pa'i tshul byas nas steng du nga rgyal gzung ba ni seng ges gnon pa'o//'di gsum ni rig pa 'dzin pa'i rkang stabs kyis bcing bar bya'o/ /tsog pu'i 'dug stangs kyis gnas pas lag pa dang 'gram par brdeg pa'i tshul bya zhing lce yis kyang nam mkha' lding gi phyag rgya byas la rdo rje'i lta bas 'og tu klu la mngon par bltas te des bskyod pa gcig gam gnyis bya ba ni nam mkha' lding gi 'dug stangs so//g.yon pa'i rdo rje khu tshur gyis snying gar sdigs mdzub byas te g.yas pas 'ur rdo bskor ba'i tshul bya ba ni 'ur rdo'i 'o/ /lag pa g.yon pa dpung par gan rkyal du bzhag la g.yas pa mchog sbyin gyi tshul byas pa ni mchog sbyin no//g.yon pa'i rdo rje khu tshur gyis snying gar sdigs mdzub byas te lag pa g.yas pas gsor ba sngon du 'gro bas mdung thung 'phen pa'i tshul bya ba ni mdung thung gi tshul lo/ /de kho na bzhin du 'phrul zhing 'phen pa'i tshul bya ba ni 'phrul shing gi tshul lo//rdo rje khu tshur gnyis kyis mdung gis 'bigs pa'i tshul bya ba ni mdung gi tshul lo/ /shar la sogs pa'i phyogs rnams su rnam par snang mdzad la sogs pa rnams kyis byang chub mchog la sogs pa'i phyag rgya bcings pas stong pa nyid dang mtshan ma med pa dang smon pa med pa dang mngon par 'dus ma byas pa ste rnam par thar ba bzhin rnam par dag pa'i sgo bzhis byin gyis brlab par bya'o//sa gzhi la rig pa 'dzin pa'i rkang stabs kyis lhung nas g.yon pa dang g.yas pa dag gi lag pas ka pA la dang rdo rje 'dzin pa'i tshul bya ba ni rdo rje rig pa 'dzin pa'o/ /de kho na bzhin du rim gyis lag pa dag gis rdo rje'i phreng ba 'dzin pa'i tshul bya ba ni rdo rje phreng ba 'dzin pa'o//rkang pa g.yas pas tA N+Da ba byas la rkang pa g.yon pa phyin ci log gi steng du dpung pa g.yon par sleb par bya zhing lag pa gnyis kyi rdo rje khu tshur bcings te mthe'u chung gnyis lcags sgrog ltar byas nas mdzub mo gnyis kyi rtse mo phyin ci log tu byas nas spyi bor gzung ba ni dza lan+d+ha ra'o//de bzhin du rkang pa g.yon pas brkyang ngo / /stod pa byed pa'i tshul gyis thal mo sbyar ba snying gar bzung ba ni phyag 'tshal pa'i tshul lo/ /dpal kye rdo rje la sogs pa rnal 'byor ma'i rgyud du ni hUM yig gi sngags brjod pa nyid kyis bgegs thams cad nye bar zhi bar 'gyur ro zhes te/sngags gzhan gsungs pa ni med do/ /dpal 'dus pa la sogs pa rnal 'byor chen po'i rgyud du ni nyung ba la dga' ba rnams la so so re re zhing rdo rje'i rkang stabs kyi sngags rnams gsungs pas de yang 'dir brjod par bya'o//de'i phyir gnyis ka yang bdag gis bshad par bya ste ji ltar mngon par bri bar bya'o/ /'di lta ste/ oM e ka sU tsi ka badzra pA da ma hA badzra kro d+ha b+hany+dza b+hany+dza sarba duSh+Ta su rA na hUM phaT/ oM tri sU tsi ka badzra pA da ma hA kro d+ha b+hany+dza b+hany+dza sarba duSh+Ta su rA na hUM phaT/ oM pany+tsa sU tsi ka badzra pA da badzra ma hA kro d+ha b+ha ny+dza b+ha ny+dza sarba du Sh+Ta su rA na hUM phaT/oM bi shwa sU tsi ka pA da badzra ma hA kro d+ha kro d+ha b+hany+dza b+t+ny+dza sarba du Sh+Ta su rA na hUM phaT/ oM A lI D+ha pA da badzra ma hA kro d+ha bi g+hu r+Na ya bi g+hu r+Na ya sarba du Sh+Ta de ba A di mA rA na hUM phaT/ oM pra t+yA lI D+ha pA da badzra ma hA kro d+ha bi g+hu r+Na ya bi g+hu r+Na ya sarba du Sh+Ta ya ma A di mA rA na hUM phaT/oM bi she Sha pA da badzra ma hA kro d+ha bi g+hu r+Na ya bi g+hu r+Na ya sarba du Sh+Ta nA gAn hUM phaT/ oM maN+Da la pA da badzra ma hA kro d+ha bi g+hu r+Na ya bi g+hu r+Na ya sarba du Sh+Ta yak+ShA na hUM phaT/ oM sa ma pA da badzra ma hA kro d+ha bi g+hu r+Na ya bi g+hur+Na ya sarba du Sh+Ta an+ta ri k+ShA mA rA na hUM phaT/ oM dzA ta pA da badzra ma hA kro d+ha A be sha ya A be sha ya sarba mA rA na hUM phaT/oM pra ti dzA ta pA da badzra ma hA kro d+ha a badzra ya a badzra ya sarba pra san+nA na hUM phaT/ oM bi ka Ta pA da badzra ma hA kro d+ha bi Sha ya bi Sha ya sarba du Sh+TA na hUM phaT/ oM pra ti bi ka Ta pA da badzra ma hA kro d+ha bi g+hur+Na ya bi g+hur+Na ya sarba duSh+TAn hUM phaT/ oM saM pu Ta pA da badzra ma d+hA kro d+ha sI Ta ya sI Ta ya sarba bi nA ya kA na hUM phaT/oM kurma pA da badzra ma hA kro d+ha nA sha ya nA sha ya sarba big+h+na na hUM phaT/ oM e ka pA da badzra ma hA kro d+ha A kam+pa ya A kam+pa ya sarba kle shAn hUM phaT/ oM b+ha ma NI dzA la pA da badzra ma hA kro d+ha dzam+b+ha ya dz+m+b+ha ya sarba tir+tha kAn hUM phaT/ oM bud+d+ha ba la badzra ma hA kro d+ha A k+She pa ya a k+She pa ya sarba mA rAn hUM phaT/oM AH hUM la la la la la la he he gra sa gra sa ka rA la ba da na ma hA kro d+ha tsa la ya tsa la ya hUM kaH/ oM AH hUM la A he he gra sa gras ka rA la ba dan ma hA kro d+ha sa ya trA sa ya hUM gaH/ oM AH hUM la A he he gra sa gra sa ka rA la ba dan ma hA kro d+ha k+Sho b+ha ya k+Sho b+ha ya hUM tsaH/oM AH hUM la A he he gra sa gra sa ka rA la ba da na ma hA kro d+ha bi mo ha ya bi mo ha ya hUM tshaH/ oM AH hUM la A he he gra sa gra sa ka rA la ba dan ma hA kro d+ha ga r+dz+dza ya gar+dz+dza ya hUM dzaH/ oM AH hUM la A he he gra sa gra sa ka rA la ba da na ma hA kro d+ha hriH Sh+T-IH hUM dz+haH/ / oM AH hUM la A he he gra sa gra sa ka rA la ba dan ma hA kro d+ha g+hA ta ya g+hA ta ya hUM saH/ oM AH hUM la A he he gra sa gra sa ka rA la ba da na ma hA kro d+ha A be sha ya A be sha ya hUM haH/ oM ma hA ba la badzra u dA ka R+Sha Na badzra ma hA kro d+ha ma rnga ya mard ya sarba bi g+h+nAn hUM phaT/ oM badzra a k+She pa badzra ma hA kro d+ha ak+She pa ya a k+She pa ya sarba b+hU tA na hUM phaT/oM badzra b+hai ra ba badzra ma hA kro d+ha sho d+ha ya sho d+ha ya sarba trai d+ha tu kA na hUM phaT/ oM badzra ku N+Da li badzra ma hA kro d+ha gr-i h+Na ban+d+ha ha na bi d+h+wa nas ya badzre Na mA rA na hUM phaT/ ya b+hi n+da ya hr-i da yaM hUM phaT/ oM badzra br-i nra t+ya badzra ma hA kro d+ha g+ha ta ya g+ha ta ya sarba du Sh+Ta gA na hUM phaT/oM ste mA yA ka ra Na badzra ma hA kro d+ha A na ya A na ya bi m+r+da ya bi m+r+da ya sarba kin+na ra A dI na hUM phaT/ oM khaD+ga a b+hi nA ya badzra ma hA kro d+ha tshin+d+ha tshin+d+ha sarba duSh+Ta bi nA ya kA na hUM phaT/ oM badzra a b+hi nA ya badzra ma hA kro d+ha pra marda ya pra ma rda ya sarba de bA na hUM phaT/ oM badzra mu kha la a b+hi nA ya badzra ma hA kro d+ha ku T+Ta ku T+Ta sarba duSh+Ta bi g+ha bi nA ya kA na hUM phaT/oM tsa kra a b+hi nA ya badzra ma hA kro d+ha A nA ya A nA ya sarba ma N+Da lA na hUM phaT/ oM pA tA ka a b+hi nA ya badzra ma hA kro d+ha pra sAr ya sarba pra tA na hUM phaT/ oM pad+ma a b+hi nA ya badzra ma hA kro d+ha A be sha ya A be sha ya sarba duSh+Ta sa trA na hUM phaT/oM daN+Da i b+hi nA ya badzra ma hA kro d+ha tA Ta ya tA Ta ya sarba sha hUM hUM phaT/ oM aM ku sha a b+hi nA ya badzra ma hA kro d+ha ka R+Sha ya A ka R+Sha ya srab Sh+Ta sa twAn hUM phaT/ oM pa la a b+hi nA ya badzra ma hA kro d+ha pra h+la da ya pra h+la da ya sarba ta thA ga tA na hUM phaT/ oM tsA pa a b+hi nA ya badzra ma hA kro d+ha ta rdza ya ta rdza ya sarba du Sh+TA na hUM phaT/oM sha ra A kaR+Sha Na a b+hi nA ya badzra ma hA kro d+ha A R+Sha ya A ka R+Sha ya sarba mA ra paR+Sha do hUM phaT/ oM sha ra u dak+She pa Na a b+hi nA ya badzra ma hA kro d+ha de hi de hi pa raM sarba sa twan nAM hUM phaT/ oM badzra uta ba li n+ta a b+hi nA ya badzra ma hA kro d+ha ban+d+ha ya ban+d+ha ya sarba sa ma yA na hUM phaT/oM siM ha pa da badzra ma hA kro d+ha staM b+ha ya sa ya sarba ma hal+la ka A dI na hUM phaT/ oM siM ha bi dzrim+b+hi ta pa da badzra ma hA krod+ha trA sa ya trA sa ya sarba ma hal+la ka ma hal+la ka A dI na hUM phaT/ oM siM ha krA n+ta pa da badzra ma hA kro d+ha A krA ma ya sarba ma hal+la ka ma ha l+la ka A dI na hUM phaT/oM ga ra Ta A sA na badzra ma hA kro d+ha trA sa ya trA ya sarba nA gA na hUM phaT/ oM b+hin+da pA la a b+hi nA ya badzra ma hA kro d+ha b+h+ra ma ya b+h+ra ma ya b+h+ra ma ya sarba du Sh+DA na hUM phaT/ oM ba ra da a b+hi nA ya badzra ma hA kro d+ha ba ra dbar da sarba sid+d+hiM kuraH hUM phaT/ oM sha k+ti a b+hi nA ya badzra ma hA kro d+ha mA ra ya mA ra ya sarba mA ra ya a nu rtsa rA na hUM phaT/oM ka Na yak+She pa a b+hi nA ya badzra ma hA kro d+ha ban+d+ha ya ban+d+ha ya sarba du Sh+Ta hUM phaT/ oM kun+ta a b+hi nA ya badzra ma hA kro d+ha mA ra ya mA ra ya sarba mA rA na hUM phaT/ oM tsa tu rmu kha a d+hi Sha na badzra ma hA kro d+ha a d+hi Sh+T+ha na a d+hi Sh+ThA na sarba de sha oM trAM trAMH AH hUM hUM phaT/oM badzra bi d+yA d+ha ra pa da badzra ma hA kro d+ha ka R+Sha ya A ka R+Sha ya sarba shra ba kA na hUM phaT/ oM dzra mA lA d+har pa da badzra ma hA kro d+ha a brdza a brdza sarba pra t+ye ka tsa R+Ya tsa ra'i Ni hUM phaT/ oM dzA la n+d+ha ra pa da badzra ma hA kro d+ha pra sA da ya pra sA da yi sarba bo d+hi satwA na hUM phaT/oM pra Na ma a b+hi nA ya badzra ma hA kro d+ha pra sA da ya pra sA da ya sarba ta thA ga tA na hUM phaT/ de'i rjes la phyag 'tshal ba'i tshul dang pad kor yang byas nas dur khrod na bzhugs pa'i dkyil 'khor gyi dbang phyug la dur khrod kyi tshul gyis gar bya zhing / dam tshig kyang 'di rnams te dam tshig gi nges pa 'ba' zhig bya'o//de thams cad tshigs su bcad pas brjod par bya ste/ tshigs su bcad pa'i don gyi tshul rnams ni gar du bya'o/ /de ltar yang / shar du gtum drag 'jigs par byed par lha yi bdag po phyogs kyi glang po la gnas shing / / rdo rje dang ni sdigs mdzub kun nas gsal ldan rtag tu ser po'o de nas nor rgyas ni/ /dkar po gdengs ka bdun dang ldan pa'o chu 'dzin stug po gtum drag ces bya chen po ni/ /drag po'i rdzu 'phrul che ldan dkar po glang po'i gdong can shi ri Sha yi shing la gnas/ /byang du gnod sbyin dbang po ser po rta la yang dag gnas shing mi 'jigs sbyin pa dang //dbyug pa yang dag ldan pa'o 'jog po dmar po de bzhin 'ur 'ur byed pa'i 'khor byed de/ /dpal ldan byang chub shing la mche gcig mi yi gdong can bsil ba nyid 'dir tshang tshing 'khrigs/ /rtag tu 'phel byed 'jigs pa che ldan shin tu tshang tshing 'khrigs pa'i dur khrod chen po'o//nub tu chu yi bdag po dkar po chu srin la zhon 'jigs pa med par byed pa dang / /sbrul chen zhags pa ldan pa'o de bzhin gdengs ka'i bdag po ljang gu'i klu ni stobs kyi rgyu/ /sprin ni zab mo sgrogs par byed pa'o dga' ba dang bcas 'bar bas kun nas khyab pa der//mya ngan med pa'i shing la chu srin gdong can shin tu dmar ba'i rang bzhin 'od 'phro ba/ /lhor ni gshin rje nag po 'khrigs pa'i dbyug pa rnam par 'dzin zhing zhags pa dang bral ba/ rtag tu ma he la zhon de nas shin tu dkar pa'i pad+ma lce gnyis bdag po ste//nyi ma so sor char pa 'bebs byed ldog par byed pa'o tsu ta'i shing la 'jigs byed che/ /nag po ma he khros pa'i gdong pa dang ldan srin po'i de ltar 'jigs par byed pa'o/ /me yi mtshams su me lha dmar po spyi blugs 'dzin zhing sngags kyi bgrang phreng dang ldan pa//ra la gnas pa'o pad+ma'i sdong bu lta bur dkar ba'i klu ni pad+ma chen po ste/ /chu 'dzin 'jigs par byed pa'o de nas ra yi gdong can drag tu dgod pa chen po ni/ /dmar po mdzes pa ka ra ny+dza yi shing la gnas pa'o rgya chen drag tu dgod pa'o/ /bden bral du ni srin po nag po mgo dang sdigs mdzub 'dzin pa rol gnas pa ste//rlon zhing 'thor bar byed pa 'gengs byed dug 'dzin mtha' yas kyang ni sngon po'i rang bzhin nyid/ /chen po'i shing la hu lu hu lu nag po dom gyi gdong pa can dang ldan pa chen po ste/ /yang dag 'phel byed shin tu ka'i li ka'i li'i sgra rnams sgrogs pa'i dur khrod rtag tu'o//rlung du rlung lha dkar po mdzes pa'i rlung gi ba dan 'dzin pa sha ba'i gdong can te/ /lto 'phye chen po yi ni bdag po rigs ldan yin te drag po chen po sna tshogs nyid/ /sprin ni rtag tu 'khor byed de nas mi bzad ljang gu ri dwags gdong can chen po ni/ / 'jigs pa'ang 'jigs byed u rdzu na yi shing la gnas pa mun pa mi bzad dur khrod du'o/ /dbang ldan du ni dbang ldan dkar ser glang la gnas shing ma dung dang thod pa 'dzin pa ste/ /de nas mkhregs pa'i lus can dkar ser nor bu chen po 'dzin pa'i dpal ldan dung skyong nyid/ /bde 'byung nges par rdzu 'phrul che ldan glang gi gdong can dkar po 'khri shing la gnas shing //sprin ni gtum zhing gtum po rgya chen chu dang ldan pa 'bad pas dbang phyug nags tshal lo/ /brgyad po 'di rnams su ni brgyad kyi sku ldan drag po'i dur khrod rnams su klu rnams ni/ /gdengs ka bdun gyis brgyan cing mi yi gdong can thams cad kyang ni phyogs kyi 'dren pa ste/shing rnams me tog dang ni 'bras bur ldan zhing chu 'dzin sna tshogs kha dog 'bar ba nyid/ /shing de rnams la rdzu 'phrul che ldan ki li ki li byed pa de bzhin brgya byin no/ /dur khrod kyi dkyil 'khor brjod par bya ste/bsregs dang kun nas bsregs shing du ma bur byas sogs ro rnams mdung gis phug dang bcings gyur pa/ /bya rgod 'jigs pa'i sgra ldan g.yo ba'i gar byed ce spyang rnams kyis sha ni za ba dang / /sgra sgrogs rnam par bgrod pa'i bya rgod rnams kyis rgyu ma phyung nas gnas pa 'ga' zhig ni//mchog gi rnal 'byor ma rnams kyis ni nges par bcad nas rang gi me la 'tshed par byed/ /ro yi mgo bo bcad de 'dzag pa'i khrag ldan mgo ni bzung ba'i srin po dang / /mkhregs pa'i dbyig pa dga' ba'i mtshon cha rnams kyis 'ga' zhig phan tshun 'thab par byed pa yod//e ma'o 'ug pa'i gdong can rnams kyis lag pa'i pheg rdo ba sgra yis lam ni 'gog byed cing / /ro langs dang ni lus srul rnams kyis yongs su bskor nas 'ga' zhig gar ni byed pa mthong / /'ga' zhig rang gi mgo po bcad nas phrag pa dag las 'dzag pa'i khrag ni 'thung bar byed//'ga' zhig rtsed mo byed cing e ma'o 'ga' zhig shugs bcas lus ni gsum du sprul bar byed/ /'ga' zhig 'gugs par byed cing rab tu gsal bas hUM yig dang ni phaT yig sgrogs par byed/ /rnal 'byor ma ni 'ga' zhig mgo bo'i phreng ba kha TA ng+ga dang ldan pas rgyu bar byed//dur khrod na gnas pa'i grub thob rnal 'byor gyi dbang phyug rnams kyi dam tshig gi tshul cung zad brjod par bya ste/ lU yi zhabs kyi mtha' rnams gcod pa'o sha ba ri 'dir rtag tu mda' dang gzhu dag phyag na bsnams/ /nyal ba dang ni za ba nyid 'dod grub pa zhi ba'i lha yang mchog gi bde ba'i ro dang ldan//pi wang zhabs ni snying rje dang bcas dga' ba'i sgra dbyangs dang ldan pa wang sgra rnams sgrogs pa ste/ Deng+gi pa ni 'bru rnams rnams brdung gos med ka r+NA pa ni lhan skyes gtsang ma'i yid can no/ /tog tse 'dzin po po ni srid gsum mi mnyam mnyam pa nyid du yang dag mdzad nas bzhugs pa ste//bi rU pa ni chang ma rnams la nyi ma'ang gting bar byin nas chad rnams mthud par mdzad pa nyid/ /Do m+bi pa ni stag la zhon zhing rang rig bud med dag dang lhan cig kun nas 'khyud par ldan/ /bde ba'i stobs ldan kaM ba li yang bsam dang mi bsam rab tu nyams shing lus ni rnam par rgyas pa'o//dA ri ka pa la yang bza' ba dag dang grol bar 'dod cing na chung dga' ba'i shugs dang bcas/ /gu Da rI pa'ang rked pa'i 'khrul 'khor dag la mnyam par gzhag cing rlung yang gu Da gu rir sgrogs/ /rgyal po in+d+ra b+hU ti bsam gtan mchog gi bde ba'i rang bzhin nam mkhar seng ge'i khri la bzhugs//rang gis mkha' la gshegs nas ral gri grub pa mdzad de dbang po dul ba de tshe 'od mdzad pa'o/ /ku ku ri ba'i zhabs 'dir rang nyid khyi mo rnams dang lhan cig byis pa bzhin du rtse ba ste/ /nag po pa ni phyag rgya bcings nas Da ma ru yi ca co'i sgra yis bar snang dgang par byed//su yang su yi don byed pa na gang 'di'i snying rje nyid kyis kun nas bskor ba'i dbyangs ldan pa/ /de ni 'phags pa klu sgrub dbang phyug brgyad la sogs pa ster bas 'gro la phan par mdzad pa'o/ /rnam mang ro ldan rnams su 'ga' zhig shes rab dang bcas snyoms par 'jug pa'i dga' bas gnas//'di dag sha chen za zhing chang rnams 'thungs te dam pa'i kun du ru dag mdzad pa nyid/ /rdo rje'i rkang stabs dum bus gar byed shin tu sgeg pas de nyid ldan pa'i glu len zhing / /rnal 'byor dbang phyug 'di rnams dga' ba dang bcas sgra yis 'khor lo mnyam par bskor bar mdzad//dga' bas po la kak+ko la sbyar pa de ba'i kun dga' spro byed kun du ru dang ldan/ /gsar du bsgrubs pa'i sha chen rnams kyis lag brgyan pa yi skal ba dang ldan 'khor lo can/ /'od ldan lha mo rnams kyi chu skyes 'dab ma'i chu yis so yi sgrib byed rnam par byugs//ro yi gnas kyi gnas su dam bcas ro myang ba ni 'ga' zhig rnal 'byor ba su dag /chu skyes snod du kun nas bzhag pa'i chang dang de nas sha chen rnams dang tshod ma 'thung byed pa'i/ /dpal ldan skal bar ldan pa rnams ni 'du ba yongs su spangs min dam pa'i reg min rnams dang ldan//'ga' zhig srad bu dag dang snod ldan pad par gnas pa'i rgyud mangs rol mo la brten ro myang zhing / /rang gi 'dun pas dpal ldan kun du ru ni yongs su bsags kyang ngoms pa med pas glu dbyangs len/ /gang zhig sna tshogs rnams ni rtag tu me long la gnas gzugs brnyan 'dra bar gzung du med//de dang mtshungs par dkyil 'khor 'khor lo gnyis med de yang mtha' gsum spangs par mngon sum du/ /de yis yang dag rig cing dbu mar chags pa las byung rtag tu dpal ldan dpa' bor bcas//ston pa gang zhig nam mkha' dag dang mnyam yang snying rje dang bcas de la kun du 'dud/ /de'i rjes su dkyil 'khor gyi dbus su shin tu 'jam zhing mtho ba'i gdan la bsdad de/ hUM yig brjod pa sngon du 'gro bas gdan bcu bcing bar bya'o/ /de la rdo rje'i skyil krung dang sa gnon gyi phyag rgya bcings pa ni rdo rje'i gdan no//ting nge 'dzin gyi phyag rgya bcings pa ni bsams gtan gyi'o/ /g.yas pa'i brla dang byin pa'i dbus su rkang pa g.yon pa bzhag nas de'i steng du g.yon pa'i brla dang byin pa'i dbus su g.yas pa gzhag pa ni rdo rje'i skyil krung ngo / / byin pa g.yon par byin pa g.yas pa bzhag ste pus mo gnyis smad pa ni pad+ma'i gdan no/ /brla g.yon pa'i steng du rkang pa g.yas pa bzhag nas g.yon pa brla g.yas pa'i 'og tu bzhag pa ni sems dpa'i skyil krung ngo / /rkang pa g.yon pa skyil krung phyed par byas te de dang nye bar pus mo g.yas pa steng du drang por bzhag pa ni dpa' bo'i 'dug stangs so//g.yon pa skyil krung phyed par byas nas de'i steng du pus mo g.yas pa bsnyal te bzhag la rkang pa g.yas pa brla g.yon pa'i mthil du gan rkyal du bzhag pa ni dpa' bo'i 'dug stangs so zhes kha cig go//stan mthon po la gnas te rkang pa gnyis drang por gzung ba bzang po'i 'dug stangs so/ /rkang pa gnyis mtho gang gi bar du stan la bkod nas tsog pur gnas pa ni tsog pu'i 'dug stangs so/ /rkang pa g.yas pa sems dpa'i skyil krung gis yang dag par gnas shing g.yon pa 'gying ba dang bcas pas rab tu brkyang pa ni ral pa'i 'dug stangs so//rkang pa gnyis kha sbyar te sdod pa bde legs can no/ rdo rje'i rkang stabs la sogs pa 'di rnams su ji ltar rigs par rdo rje'i lta ba dag ste/ mdun du lta ba ni mngon du phyogs pa dang rgyab tu ni/phyir phyogs pa ste zhes lta ba rnam gnyis gsungs so/ /de la sngags ni 'di yin te/ oM badzra A sa na badzra ma hA kro d+ha pra marda ya brarda ya sarba bi g+h+nA na hUM phaT/ oM d+h+yA na A sa na badzra ma hA kro d+ha s+thi ra ya s+thir ya sarba co tA na si hUM phaT/ oM badzra pa R+YaM ka badzra ma hA kro d+ha nA sha ya nA sha ya sarba bi g+ha na hUM phaT/oM pad+ma A sa na a b+hi nA ya badzra ma hA kro d+ha bi d+h+wa n+sa ya sarba sha trUM hUM phaT/ oM satwa paR+Ya ka A sA na badzra ma hA kro d+ha ta rdza ya ta rdza ya sarba ma ho rA gA na hUM phaT/ oM bI ra A sa na badzra ma hA kro d+ha trA sa ya trA sa ya sarba duSh+TAn hUM phaT/ oM b+ha dra A sa na a b+hi nA ya badzra ma hA kro d+ha su ga ta su ga ta su ga ta sarba satwAn hUM phaT/oM ud+ku Tu ka A sa na badzra ma hA kro d+ha ud+ku Tu Ta ya ud+ku ta ya sarba mA rA na hUM phaT/ oM sa lI la A sa na badzra ma hA kro d+ha A be sha ya A be sha ya sarba mA rA na hUM phaT/ oM swa sti ka A sa na badzra mahA kro kro d+ha swa sti swa sti sarba satwA nAM hUM phaT/oM A b+hi mu kha badzra ma hA kro d+ha A be sha ya sarba du Sh+Ta hUM phaT/ oM par mu kha badzra ma hA kro d+ha ba ram mu kha ya pa raM mu kha ya sarba bi g+ha na hUM phaT/ de la rdo rje skyil krung la phyag rgya 'di rnams bcing bar bya'o/ /'di lta ste rdo rje khu tshur gnyis bcings nas lag pa g.yon pa lte bar byas te g.yas pas snying gar gsor ba'i sbyor bas rdo rje 'dzin pa'i tshul bya ba ni rdo rje sems dpa'i phyag rgya'o//snying gar g.yon pa'i rdo rje khu tshur gyi sdigs mdzub rab tu brkyang ba g.yas pa'i khu tshur gyis kun nas gzung ba ni rnam par snang mdzad kyi'o//lag pa g.yon pa bang bar yang dag par bzhag ste lag pa g.yas pa sa la reg par gzung ba ni mi bskyod pa'i'o/ /de kho na bzhin la g.yas pa mchog sbyin byas pa ni rin chen 'byung ldan gyi'o/ /de kho na bzhin la lag pa g.yas bang bar bcings te bsam gtan gyi tshul du gzung ba ni 'od dpag med kyi'o//de kho na bzhin la g.yas pa mi 'jigs pa byed pa ni don yod grub pa'i 'o/ /oM badzra s+t+wa hUM/ oM oM oM/ oM hUM/ oM hrAM/ oM hrIH/ /oM khaM zhes pa ni rim pa ji lta ba bzhin du rdo rje sems dpa' la sogs pa'i phyag rgya'i sngags so//pad+ma'i gdan la sgeg mo la sogs pa'i phyag rgya bcing bar bya ste/ hUM gi yi ge dang glu blang ba dang gar bya ba sngon du 'gro bas dku'i gnas su g.yon pa dang g.yas pa'i rdo rje khu tshur gnyis bzhag nas 'gying ba dang bcas pas g.yon du mgo cung zad smad par bya ba ni rdo rje sgeg mo'i 'o//de kho na bzhin du phreng ba 'ching ba ni phreng ba ma'i 'o/ /g.yon pa'i rdo rje khu tshur gyi mdzub mo dbyug pa ltar blang ba dang g.yas ba'i mdzub mos gar gyi rnam par byas nas glu blangs te sgeg cing rnam par g.yo bas bi wang dkrol pa ni glu ma'i 'o/ / lag pa gnyis bskor zhing bkrol nas gzhogs gnyis su bskor te sgeg cing spro ba dang bcas pa nyid kyis spyi bo'i gnas su gar gyi sbyor ba byas ba ni gar ma'i 'o/ /de la phyag rgya'i sngags ni 'di rnams te/ oM badzra lA s+ye hUM/ oM badzra mA le hUM/ oM badzra gI rti hUM/ oM badzraM nr-i d+yi hUM/ sems dpa'i skyil krung la rdo rje sems dpa' la sogs pa byang chub sems dpa' rnams kyi ste/ snying por bcas pa 'gugs pa dang / /gnyis kas lcags kyu 'dzin par gnas/ /mda' 'gengs pa yi sbyor ba dang / /legs par byed pa thugs kar gnas/ /rdo rje gnyis kyi dbang bskur dang //snying gar nyi ma bton pa ste/ /g.yon gnas dpung bar dbyug pa dang / /de bzhin gdong du yongs bskor ba'o/ /g.yas g.yon rnam par gyes pa dang / /snying gar g.yon pa ral gri g.yas/ /mgal me'i 'khor lo bzhin du bskor/ /rdo rje gnyis ni gdong du bslang //rdo rje gar gyis bskor nas ni/ /bkrol ba'i thal mo gtsug tor gnas/ /go cha mthe chung mche ba'i rtse/ /khu tshur gnyis ni nges btsir ba'o/ /oM badzra sa twA hUM/ oM badzra rA dza dzaH/ oM badzra rA ga hoH/ oM badzra sA d+hu saH/ oM badzra rat+na hUM/ oM badzra te dza AH/oM badzra ke tu traM/ oM badzra hA sa haH/ oM badzra d+harma hrIH/ oM badzra ta'i k+Sh+Na d+haM/ oM badzra he tu maM/ oM badzra b+hA Sha raM/ oM badzra karma kaM/ oM badzra rak+Sha haM/ oM badzra yak+Sha hUM/ oM badzra san+d+hi baM/ zhes pa ni rim pa ji lta ba bzhin du rdo rje sems dpa' la sogs pa rnams kyi sngags so//dpa' bo'i 'dug stangs la rdo rje khro bo la sogs pa rnams kyi phyag rgya byas te/ lag pa gnyis kyis khu tshur byas nas/ gung mo'i rtse mo dang ming med kyang de bzhin du rdo rje bsdams pa la gnas pa dang / mdzub mo dag 'khyil pa'i rnam pas bcings pa mthe bong la mngon par phyogs pas cung zad yon po'i rnam par bkug pa ni gshin rje mthar byed kyi'o//g.yon pa khro bo'i khu tshur snying gar bzhag ste/ g.yas pa'i 'gram pa lag par brdeg pa'i rnam par bslang ba ni gzhan gyis mi thub pa'i'o/ /lag pa gnyis kyis rdo rje khu tshur byas la mthe chung dag lcags sgrog gi mdud par bcings te mdzub mo dag gi rtse mo sbyar ba yongs su bskor nas smin phrag du gzung ba ni rta mgrin gyi'o//mthe bong dag gis mthe chung gi sen mo mnan te sor mo lhag ma rnams rdo rje'i mtshan nyid can dpung par rdo rje bsdams pas mchan khung gi rtsa bar gzung ba ni bdud rtsi 'khyil pa'i 'o//oM ya mAn+ta kr-i ta hUM/ oM pradz+nyAn+ta kr-i ta hUM/ oM pad+mAn+ta kr-i ta hUM/ oM a mr-i ta kuN+Da li big+h+nAn+ta kr-i ta hUM/ zhes pa ni gshin rje mthar byed la sogs pa rnams kyi phyag rgya'i sngags so/ bzang po'i 'dug stangs la ni byams pa la sogs pa rnams kyi phyag rgya bca' ste/rdo rje khu tshur gnyis bcings nas mdzub mo dang mthe bong gung mo rnams so sor phan tshun mngon du phyogs pas nA ga ge sar gyi me tog dang 'dra bar gzung ba ni byams pa'i 'o/ /thal mo yang dag par sbyar ba byas nas mdzub mo dag gis ming med mnan te rnam par rgyas pa'i ut+pala'i rnam par gzung ba ni 'jam dpal gyi'o//lag pa g.yon pa pang par gan rkyal du gzhag ste lag pa g.yas pa rab tu brkyang pas glang po che'i sna'i tshul du byas pa ni spos kyi glang po'i 'o/ / g.yon pa'i rdo rje khu tshur steng du bkug la de'i 'og tu lag pa g.yas pas ba dan 'dzin pa'i tshul byas pa ni ye shes tog gi'o/ /thal mo yang dag par sbyar ba snying gar bzang skyong gi'o/ /lag pa gnyis rab tu brkyang nas sor mo thams cad rim pas dgug pa'i tshul bya ba ni rgya mtsho'i blo gros gyi'o//g.yon pa'i rdo rje khu tshur snying gar bzhag ste lag pa g.yas pas mchog sbyin bya ba ni blo gros mi zad pa'i 'o/ /g.yon pa'i rdo rje khu tshur pang par bzhag nas lag pa g.yas pas rdo rje khu tshur byas te mthe bong dang mdzub mo dag gis se gol sbyin par bya ba ni spobs pa brtsegs pa'i'o//lag pa gnyis cung zad rnam par phye nas pad+ma'i tshul bya ba ni mthu chen thob kyi'o/ /lag pa gnyis kyis sdig pa rab tu bskyod pa'i tshul bya ba ni dra ba can gyi'o/ /lag pa g.yas mchog sbyin byas te g.yon pa'i rdo rje khu tshur gyi mdzub mo dang mthe bong rab tu brkyang ba'i bar zla tshes kyi rnam par byas pa ni zla 'od kyi'o//lag pa gnyis kyis bum pa'i tshul byas nas dbang bskur ba'i gnas su gzung ba ni 'od dpag med kyi'o/ /g.yon pa'i rdo rje khu tshur bsnyems pa'i tshul gyis dkur bzhag ste g.yas pa'i rdo rje khu tshur nam mkhar yongs su bskor ba ni nam mkha'i mdzod kyi'o//lag pa g.yon pas la reg pa'i rnam par bzhag nas g.yas pa'i rdo rje khu tshur gyi mdzub mo dang mthe bong sbyar bas 'dri ba'i rnam par gzung ba ni sgrib pa thams cad rnam par sel ba'i'o/ /oM maiH/ oM muH/ oM gan+d+ha ha sti ne hUM/oM dz+nyA na ke tu dz+nyA na ba ti hUM/ oM b+ha dra ba ti b+ha dra pA le hUM/ oM sA ga re ma hA sA ga re hUM/ oM k+Sha ye hUM/ ak+Sha ya karma A ba ra Na pa ri sho d+ha ne swA hA/ oM pra te b+hA ne pra ti b+hA na ku T+Te hUM/ oM s+thA me ma y+hA s+thA ma ra ti swA hA/ oM sarba a bA ya dzi ta sarba a pA ya bi sho d+ha ne hUM/ oM sarba sho ka ta mo ni r+g+hA na ma ti hUM/ oM dz+wa li ni ma hA dzA li ne hUM/ oM tsan+d+re tsam+d+ra bya ba lo ki ni te swA hA/ oM a mi ta pra b+he a mi ta ma ti hUM/ oM ga ga ne ga ga na pa ra lo tsa ne hUM/ oM sarba ni ba ra Na biSh+kaM b+hi ni hUM/ zhes pa ni rim pa ji lta ba bzhin du byams pa la sogs pa'i phyag rgya'i sngags so//tsog pu'i 'dug stangs la pho nya dang pho nya mo dang bran po dang bran mo'i phyag rgya bcing bar bya ste/ rdo rje khu tshur gnyis kyi mdzub mo lcags kyu bcings nas mthe chung lcags kyu chen po dang / lag pa dag mdud pa dang gri gug gi rtse mo dag dang rgyab dag kyang bsdam par bya'o//oM badzra ang+ku sha hUM dzaH/ oM badzra pA sha hUM hUM/ oM badzra s+pho Ta hUM baM/ oM badzra A be sha hUM hoH zhes pa ni pho nya rdo rje lcags kyu la sogs pa rnams kyi phyag rgya'i sngags so/ /thal mo sbyar ba byas nas mdzub mo dang gung mo'i tshigs dbu mar gdub bu'i rnam par bzhag ste mthe bo mdzub mo'i logs kyi rtsa bar gzung ba ni skul byed ma'i'o//rdo rje bsdams par byas nas mdzub mo gnyis sbyar ba bsgrengs te mthe bong gnyis steng du rin po che'i rnam par gzung ba ni rin chen skar mda' ma'i'o/ /lag pa gnyis rab tu brkyang nas thal mo sbyar bar byas pa'i bar du rang rang gi mthe chung gi sen mo mthe bong dag gis bsgribs shing sor mo lhag ma rnams so sor rtse mo sbyar bar bya ste gzung ba ni khro gnyer can gyi'o//lag pa gnyis so so re rer brkyang zhing rdo rje khu tshur byas nas mthe chung dang mdzub mo dag lcags sgrog ltar bcings te khyer ba ni rdo rje lcags sgrog ma'i 'o//oM tsa le tsu le tsun+de swA hA/ oM rat+no lke rat+na dz+wA li ni swA hA/ oM b+h+r-i ku Ti b+h+r-iHswA hA/ oM badzra sh-ing+kha le hUM phaT swA hA/ zhes pa pho nya mo rnams kyi phyag rgya'i sngags so/ /lag pa dag rab tu brkyang nas mthe bong gis rang gi mthe chung dang ming med kyi sen mo mnan pa lag pa g.yon pa'i dbus su lag pa g.yas pa'i gung mo dang mdzub mo dag bzhag cing snying gar bzung nas g.yon pa'i khu tshur gyi sbubs nas lag pa g.yas pas ral gri 'byin pa'i tshul gyis 'dren cing bzung ba ni mi g.yo ba'i 'o//rdo rje khu tshur gnyis phan tshun rgyab sbyar bar byas nas mthe chung lcags sgrog ltar mdud mdzub mo dag rab tu brkyang bas zhags pa bya ba ni 'dod pa'i rgyal po'i 'o//g.yon pa khro bo'i sor mo snying gar bzhag ste g.yas pa khro bo'i khu tshur dbyug pa'i rnam pas bslang nas gzung ba ni dbyug pa sngon po'i'o/ / g.yon pa'i rdo rje khu tshur snying gar bzhag pa'i rdo rje khu tshur rab tu bsnun pa'i tshul gyis bslang ba ni stobs po che'i 'o/ /'dod pa'i rgyal po'i phyag rgya bzhin la mdzub mo gnyis bslang ba ni gnod mdzes rgyal po'i'o/ /lag pa gnyis po dag gi mthe chung dang mthe bong phan tshun lcags sgrog ltar byas nas sor mo lhag ma rnams ba dan gsum pa'i rnam pas steng du brkyang ste g.yo ba dang bcas pas hUM zhes bya ba ni rdo rje sa 'og gi'o//bran po de rnams kyi phyag rgya'i sngags kyi tshig rnams ni 'di dag ste/ oM a tsa la hUM hUM/ oM Tak+ki hUM dzaH/ oM na'i la da N+Da ma hA da N+Da hUM/oM kro d+ha dzUM dzaH/ oM sum+b+ha ni sum+b+ha hUM/ gr-ih+Na gr-i h+Na hUM/ gr-i h+NA pa ya gri h+NA pa ya hUM/ A nA ya ho b+ha ga wAn bid+yA rA dza hUM phaT/ oM badzra pA tA la b+hany+dza hUM/ pad kor gyi gar sngon du 'gro bas rdo rje thal mo spyi bor bzung zhing snying gar blangs te me tog 'bul ba'i tshul bya ba ni me tog ma'i'o//de kho na bzhin du rdo rje khu tshur gnyis rgyab bstan te gung mo'i sor mo blangs nas spos 'bul ba'i tshul bya zhing lag pa bskor ba ni bdug spos ma'i'o/ /de kho na bzhin du rdo rje bsdams pa las byung ba'i mthe bod gnyis bslang ste snang gsal 'bul ba'i tshul bya zhing gar bskor ba ni snang gsal ma'i 'o//rdo rje bsdams pa'i mthil bstan zhing mthe bong gdu bu ltar bya zhing mthe chung rab tu brkyang ba'i rtse ba'i sbyar bas yongs su bskor zhing dri chab 'bul ba'i tshul gyi gar sngon du 'gro ba'i lag pa gnyis kyis byug par bya ba ni dri chab ma'i'o/ / bran mo de rnams kyi phyag rgya'i sngags kyi tshig rnams ni 'di dag tu 'gyur ro/ /oM badzra pu Sh+pe hUM/ oM badzra d+hU pe hUM/ oM badzra dI pe hUM/ oM badzra gan+d+he hUM/ rol pa'i 'dug stangs la 'jig rten skyong ba la sogs pa rnams kyi phyag rgya bya ste/ lag pa g.yon pa'i rdo rje yang dag par bstan nas lag pa g.yas pa'i rdo rje dku'i gnas su bzung ste bstan pa ni brgya byin gyi'o//lag pa g.yas pa'i mdzub mo thab kyi rnam pas bkug nas gung mo'i rtse mo'i tshigs gsum par bzung ste mthe bong mdzub mo'i logs la brten nas bstan pa ni me lha'i'o/ /lag pa dag kha nang du mngon par phyogs pa'i rdo rje bsdams pa byas nas nang du mthe bong zung dang phyi rol du ming med kyi rtse mo byas te snying gar bzung ba ni gshin rje'i'o//lag pa g.yas pa khu tshur byas la gung mo dang mdzub mo bkug nas lag pa g.yon pa dku'i gnas su bzhag ste ral gri'i rnam par gzung ba ni bden bral gyi'o//lag pa g.yas pa'i mdzub mo dang mthe bong sbyar nas g.yon pa'i khu tshur snying gar bzung ste zhags pa'i phyag rgya ni chu lha'i 'o/ /g.yon pa'i khu tshur gung mo'i rtse mo dang ldan pa la mdzub mo 'khyil ba'i rnam pas tshigs gsum par gzung ste mngon du phyogs pas rab tu brkyang ste dku'i gnas su lag pa g.yas pa bzhag nas bstan pa ni rlung lha'i 'o//lag pa gnyis nang du mngon par phyogs pa'i rdo rje bsdams pa byas la de'i rgyab tu mthe chung gnyis kyi rtse mo ming med so so la yang dag par sbyar ba ni lus ngan po'i 'o//lag pa gnyis gcig tu sbyar te thal mo sbyar ba byas la mthe chung dang ming med mthil du rdo rje bsdams pa bya zhing mthe bong zung gung mo la brten nas gung mo'i rtse mo mdzub mo gnyis rdo rje'i rnam pas bkug ste gzung ba ni dbang ldan gyi'o/ /lag pa thal mo sbyar ba'i rnam pas yang dag par bzung ste steng du blta ba ni tshangs pa la sogs pa rnams kyi'o//lag pa gnyis gcig tu sbyar nas rnam par phye la sor mo'i rtse mo rnams phan tshun yang dag par sbyar nas mthe bong zlum po'i rnam par bya zhing 'og tu blta ba ni sa'i lha mo la sogs pa rnams kyi phyag rgya'o//de nas phyag rgya'i sngags kyi tshig rnams su 'gyur te/ na mo badzra lA s+ya de shi de shi badzra pA Ni ra k+Sha ra k+Sha swA hA/ oM ag+ne e h+ye hi ka pi la A ka pi la dz+wa la A ka pi la dz+wa la ha ha shi khi to li bi rU pa A k+Sha swA hA/ oM ya mA ya swA hA/ oM sarba b+hU ta b+ha yang+ka ra ku ru ku ru swA hA/oM tri tri pu Ta dri dri shi khi to li bi rU pa a k+Sha swA hA/ oM su sa khA kha khu khaH swA hA/ oM ku bai rA ya swA hA/ oM Sh+dz+huM Sh+dz+huM shi ba swA hA/ zhes pa ni brgya byin la sogs pa brgyad po rnams kyi phyag rgya'i sngags so/ /oM U r+d+ha pra h+ma Ne swA hA/ oM sU R+Ya gra ha a d+hi pa ta ye swA hA/oM tsan+d+ra na k+Sha tra a d+hi pa ta ye swA hA/ zhes pa ni tshangs pa la sogs pa rnams kyi phyag rgya'i sngags so/ /oM a d+h+wAH pr-i thi byai swA hA/ oM a su re b+h+yaH swA hA/ oM nA ge b+h+ya swa hA/ zhes pa ni sa'i lha mo la sogs pa rnams kyi phyag rgya'i sngags so/ /de ltar sgyu 'phrul dra ba las gsungs pa ste dkyil 'khor thams cad kyi thun mong pa'i 'dug stangs dang phyag rgya dang sngags kyi tshig rnams kyis nges pa nyid bcings pa'o//de nas dkyil 'khor gyi sa gzhi dri'i chus byugs la me tog dang spos la sogs pa dang / zur bzhi dang sgo bzhir spos phor la sogs pa dang gar dang glu la sogs pas yang dag par mchod nas lag pas reg cing dkyil 'khor gyi bdag po'i sngags brgya rtsa brgyad dang yi ge brgya pa lan bdun yongs su bzlas te de nyid du lha'i 'khor lo spro zhing bsdu bas nyal bar bya'o zhes pas yongs su gzung ba'i cho ga'o// //de nas snga bar langs la rdo rje 'chang gi go 'phang la dgod pa'i ched du slar yang bgegs med par bya'o zhes rnam par bsam ste skad cig gis stong pa nyid kyi rjes la/ re phas sngon du nyi ma rnam par bsgoms nas/ /nyi der hUM byung sna tshogs rdo rje ste/ /rdo rje de nyid las ni ra ba dang //gur bcing ba yang rnam par bsgom pa nyid/ /ces pa 'dis rdo rje'i gur la sogs pa bsgoms te/ de'i dbus su rang nyid dkyil 'khor gyi dbang phyug gi rnal 'byor dang ldan pas snying gar gnas pa'i hUM yig las rnam par spros pa'i 'od zer gyis phyogs bcu'i bgegs thams cad bkug nas hUM yig las spros pa'i khro bo bcu la gtad par bya'o//khro bo de rnams kyang srid du sor bco brgyad pa'am/ sor bcu gnyis pa'am/ sor brgyad pa rim pa ji lta ba bzhin sboms su sor drug pa dang / bzhi pa dang gsum pa seng ldeng ngam rus pa'am lcags las byas pa'i phur bu snod gsar par gnas shing yungs kar dang tsan+dan dkar po byugs pa tshon sna lnga'i srad bus dkris shing yang dag par mchod pa yi ge gsum gyis sngags shing /me tog dmar po'i phreng ba bcings pa'i phur bu bcu po de rnams lte ba'i 'og man chad rtse gcig pa'i rnam par rno ba dang /steng du bdag nyid kyi gzugs brnyan khro bo'i rnam pa bskal pa'i mtha'i me ltar 'bar ba rnam par bsgoms te/ g.yon pa'i rdo rje khu tshur gyis bzung zhing phyag g.yas pas gtso bo'i mtshan ma yongs su gyur pa'i rdo rje'i thob me tog dmar po'i phreng bas spras pa bzung ste/sgra ring por brjod pa'i hUM las byung ba'i khron pa bcur dbang po la sogs pa bcu'i gzugs brnyan gyi bgegs 'khor dang bcas ba rnams rab tu bcug la spyi bor phur bus gdab par bya'o/ /sngags ni 'di yin te/ oM AHhUM ya mA n+ta kr-i ta sarba duSh+Ta in+d+ra u pen+d+rAn/ sa pa ri wA rA na ka'i la ya hUM phaT/ oM AH hUM pra dz+nyA n+ta kr-i ta sarba du Sh+Ta ya mA na sa pa ri wA rA na ka'i la ya hUM phaT/ oM AH hUM pad+mA n+ta kr-i ta sarba duSh+Ta nA gA na sa pa ri wA rA na kI la ya hUM phaT/ oM AHhUM big+h+nAn+ta kr-i ta sarba duSh+Ta ku be rA na sa pa ri wA rA na kI la ya hUM phaT/oM AHhUM a tsi la sarba duSh+Ta I sha nA na sa pa ri wA rA na kI la ya hUM phaT/ oM AHhUM Tak+ki rA dza sarba duSh+Ta ag+ni na sa pa ri wA rA na kI la ya hUM phaT/ oM AHhUM nI la dan+Da sarba duSh+ta nai ri t+yA na sa pa ri wA rA na kI la ya hUM phaT/ oM AHhUM ma hA ba la sarba du Sh+Ta bA yun sa pa ri wA rA na kI la ya hUM phaT/oM AH hUM uSh+Na'i Sha tsakra brtin sarba du Sh+Ta a rka tsan+d+ra pa ti ma hA na sa pa ri wA rA na kI la ya hUM phaT/ oM AH hUM su m+b+ha rA dza sarba duSh+Ta be ma tsi pr-i thi bi de ba tAHsa pa ri wA rA na kI la ya hUM phaT/ ces pa'i sngags rnams kyis dkyil 'khor gyi khang pa'i phyi'i phyogs bcu po rnams su 'jim pa'i gong bu byas par slob dpon gyis gdab cing brdung bar bya ste/mi nus na sgo'i slob dpon rnams kyis so/ /gtsug tor gyi ni shar gyi phur bu las shar du ste/ gnod mdzes kyi ni nub kyi phur bu las nub tu gdab cing brdung bar bya'o//phur bu'i gzugs brnyan gyi khro bo rnams gdugs dang rgyal mtshan dang ba dan la sogs pas mnyes par bya zhing / nyi ma so so la thun gsum du gtor ma dang lha ba shos dang rol mo dang me tog dang bdug spos la sogs pa rnams kyis mchod par bya'o/ / yang na seng ldeng la sogs pa'i phur bu med na yang ji ltar brjod pa'i bsgom pa kho nas phur bu gdab pa dang brdung bar bya ste lag pa gan rkyal du gnas pa bsgyur nas oM badzra hUM zhes brjod cing sa gzhir bgegs la bsnun te de ltar lhag par mos par bya'o zhes pa bgegs la phur bus gdab pa'i cho ga'o// //de'i rjes la dkyil 'khor la 'chad par 'gyur ba'i cho gas dkyil 'khor ji lta ba'i rjes su 'brangs te thig 'debs pa dang 'bri ba'i dkyil 'khor gyis gzhir bsdad la dbas su dri'i maN+Dal byas par paM las byung ba'i sa'i lha mo rnam par bsgoms nas lag pa g.yas par zla ba la hUM gsum bsams te/sor mo'i rtse mo sa la lan gsum bsnun pa dang de'i sgra dang hUM gi 'od zer rnams kyis yang dag par bskul ba las 'thon pa'i sa'i lha mo ye shes sems dpa' dang gcig tu gyur pa dgyes pa'i thugs can ser mo zhi zhing gos dkar mo mnabs pa rgyan thams cad dang ldan pa/zhal gcig phyag gnyis ma g.yon pas bum pa bzang po 'dzin cing cig shos kyis mi 'jigs pa mdzad pa mdun du gnas pa la mchod yon la sogs pa sngon du 'gro bas yang dag par mchod pas de ma thag tu/ oM tshur byon tshur byon sa yi ni//lha mo chen mo 'jig rten yum/ /rin chen kun gyis rab gang ma/ /bzang po'i rgyan gyis rnam brgyan ma/ /do shal rkang gdub sgra ldan ma/ /rdo rje sems dpa' rab mchod ma/ /mchod yon 'di ni bzhes nas su/ /dkyil 'khor 'di ni legs grub mdzod//hri hI hI hI haM swA hA/ zhes lan gsum brjod la lhag par gnas par bya'o/ /de yang de bzhin du gyis shig ces gsungs nas de nyid du thim par bsam mo zhes pa nor 'dzin ma lhag par gnas pa'i cho ga'o// //de nas dkyil 'khor gyi sa gzhir bdud rtsi lnga dang bcas pa'i dri bzangs la oM AHhUM gis sngags pas nye bar byugs cing me tog bzang po gcal du bkram du bcug ste/phyi dro'i dus su/ khrus dang gtsang sbra dri zhim lus/ /sna tshogs rgyan gyis rnam par brgyan/ /dkar po gsar pa'i gos 'dzin pa/ / de yi gtsug tor rnam par brgyan/ /zhes pa'i gsung gi phyir sbyin pa'i bdag pos phul ba'i do shal dang rkang gdub dang dpung rgyan dang lag gdub dang / rked rgyan dang / sor gdub la sogs pa'i rgyan gyis brgyan nas/ rim pa ji lta ba bzhin du oM AH hUM swA hA/oM badzra u Sh+NI Sha hUM phaT/ ces pa dag lan bdun bzlas pa'i gser gyi dbu rgyan dang gos la sogs pas brgyan cing / dkyil 'khor gyi sa'i dbus su 'dug la shar du mngon par phyogs pa'am phyogs gzhan la ni dkyil 'khor gyi shar nub tu mngon par phyogs pas 'dug ste/'khor lo'i dbang phyug gi rnal 'byor dang ldan pas lha rnams kyi gnas su tsan+dan la sogs pa'i maN+Dal byas la/ ji lta bar dam tshig gi 'khor lo rnam par bsgoms nas/ der snying ga'i sa bon gyi 'od zer gyis spyan drangs pa'i ye shes kyi dkyil 'khor rab tu bcug ste/mchod pa dang bstod pa dang bdud rtsi myang ba ji snyed pa bya'o/ /bsgoms pa'i dkyil 'khor gyi phyi rol du shar la sogs pa'i phyogs su gnas pa'i bum pa rnams sam/ phyogs gzhan la ni byang du phyogs pas dbang ldan gyi mtshams na gnas pa'i bum pa rnams lhag par gnas par bya'o//de la zhi ba la sogs pa'i dbye bas de rnams kyi mtshan nyid brjod par bya ste/ de ltar yang zhi ba dang rgyas pa dag gi bum pa'i lto ba'i zlums su ni sor bcu drug go/ /lto ba'i 'og nas kha dang mchu'i bar ji srid par dpangs su ni sor nyi shu'o//'og tu 'phyar ba'i mchu'i tshad ni sor gnyis so/ /mgrin pa ni sor drug go/ /mchu'i mtha' nas mchu'i mtha'i bar ji srid pa'i kha ni sor brgyad do/ /sor brgyad kyi cha gnyis ni kha'i bug pa'o/ /cha gcig gis ni mchu gnyis kyi zheng ngo //dbye ba dang bskrad pa dag gi bum pa'i lto ba'i zlum po ni sor bcu gnyis so/ /dpangs su ni sor nyi shu rtsa bzhi'o/ /mgrin pa yon po ste sor brgyad do/ /kha ni sor drug go/ /mchu dag ni sor re re'o/ /dbang dang dgug pa dag gi bum pa ni/ bzo pos ji ltar byas pa'o//rengs pa'i bum pa ni thung ba ste zlums dang dpangs su sor bcu drug go/ /mgrin pa ni sor bzhi'o/ /kha ni sor drug go/ /mchu ni sbom zhing sor gnyis pa'o/ /las thams cad pa la ni zhi ba la sogs pa'i las la brjod pa'i bum pa rnams gzung bar bya'o//rtsa ba dang ni nag po med/ /mchu 'phyang mgrin rings lto ba che/ /zhes rgyud gzhan las gsungs pa yang sor bcu drug pa la sogs pa rnams la rig par bya'o/ /de'i phyir mtshan nyid dang ldan pa gsungs pa/ gser ram dngul lam zangs ma 'am/ /yang na sa las byas pa nyid//ji ltar rnyed pa'i bum pa ni/ /brtul zhugs can gyis dkyil 'khor dgod/ /byi ru dang ni gser dang dngul/ /pad+ma rA ga mu tig ste/ /rin chen lngar ni ldan pa rnams/ /bum pa'i lto bar rab tu gzhug /nas dang gro dang mon sran dang / /til dang de bzhin so ba ste//'bru lnga rnams su bstan pa ni/ /bum pa'i lto bar gzhag par bya/ /br-i ha ti dang kaN+Da ka ri/ /ha sa de ba a pa ra dzi ta/ /daN+Do da pa la'i rtsa ba ste/ /sman lnga rnams kyang gzhug par bya/ /a mra u dum+bA ra dang / /a sho ka dang a shwa d+tha/ /de bzhin nA ga ge sar te//yal 'dab lnga rnams byin pa yis/ /bum pa'i kha ni brgyan par bya/ /bum pa rnams kyi mgrin pa ni/ /gos dkar chen pos bcing bar bya/ /cho ga mkhas pas gos steng du/ /srad bu lnga rnams dgod par bya/ /dkyil 'khor pa ni thams cad kyi//sa bon yang na mtshan ma 'ang rung / /mngon par 'dus byas tsan+dan sogs/ /mkhas pas bum pa'i logs la bri/ /rin chen la sogs ldan par 'dir/ /rang rang rgyud las mngon bsngags pa'o/ /chu dang ldan pa blo ldan gyis/ /lha yi grang bzhin dgod par bya//zhes pa de lta bu'i rang bzhin can gyi bum pa rnams bla re'i 'og tu 'chad par 'gyur ba'i rdul tshon gyi dkyil 'khor la mtshan ma dgod pa'i rim pas so sor re rer dri bzang po la sogs pa'i maN+Dal gyi steng du rjes su mthun pa'i gdan la dkyil 'khor gyi rnam pa'am gral du dngar te/oM badzra shi kha ra ru Ta ma Ta di shaM ban+ta hUM zhes lan bdun bzlas pa'i srad bu dkar po sogs kyis mgrin par dkris nas mdun du dgod par bya zhing / dang por stong pa nyid du byas pa'i mthar baM gyi yi ge las rin po che'i rang bzhin du bsgom par bya'o/ /ji skad gsungs pa'i rin po che lnga rnams med na rin po che gzhan rab tu gzhug par bya'o//kha cig tu ni so ba'i gnas su sran ma ste yal 'dab lnga rnams med na cho ga rjes su shes pa rnams kyis byang chub kyi shing gi yal 'dab gcig pus kyang ngo zhes bcom ldan 'das kyis gsungs so/ / ji skad gsungs pa'i sman rnams med na sman gzhan dag rab tu gzhug par bya'o/ /'byor pa chung na rnam par rgyal ba dang las thams cad pa dag la rin po che'i snying por bya'o/ /der yang rnam par rgyal ba'i bum pa la ni nges par rin po che'i snying por bya'o/ /rnam par rgyal ba'i bum pa la ni chos kyi 'byung gnas kyi dbus su sna tshogs chu skyes la gnas pa'i zla ba 'am nyi ma la ji ltar rigs par bdag po'i mtshan ma 'am sa bon/de las gzhan pa'i bum pa rnams la ni sna tshogs chu skyes la gnas pa'i zla ba 'am nyi mar rang gi mtshan ma'am sa bon nam/lha rnams ji lta bar bri bar bya'o/ /dkyil 'khor gang du lha ji snyed pa de srid de rnams kyi bum pa'o/ /yang na pho brang gi snying por gnas rnams kho na'i 'o/ /de la rigs kyi yum rnams kyi ni bzhi'o/ /de bzhin gshegs pa rnams kyi ni lnga'o/ /yang na de bzhin gshegs pa rnams kho na'i lnga'o//yang na bdag po'i gcig dang de bzhin gshegs pa bzhi'i gcig dang / rigs kyi yum bzhi'i gcig dang / gzugs rdo rje ma la sogs pa drug gi gcig dang / khro bo bzhi'i gcig ste lnga'o/ /yang na gtso bo kho na'i gcig go//phyogs 'di rnams la ni las thams cad pa'i bum par lhag por bya ste slob ma la sogs pa bsang ba'i don du'o/ /kha cig ni 'di mi 'dod cing bum pa gnyis yang med na/ rnam par rgyal ba'i bum pa la gtso bo'i mchan ma'i g.yon du las thams cad pa'i mtshan ma bri bar bya'o zhes pa ni phyogs gzhan te//de'i mtshan ma ni bgegs mthar byed kyi'o/ /rnam par snang mdzad la sogs pa'i yang mtshan ma bzhi phyogs bzhir bri'o zhes pa'i phyogs la ni gtso bo'i mtshan ma rnam par snang mdzad kyi mtshan ma'i steng du'o/ /kha cig tu ni der gnas pa nyid mchu'i steng du'o zhes bshad do//spyan ma la sogs pa rnams kyi'ang phyogs bral bzhin du'o zhes pa ni phyogs gzhan no/ /yang na/ sangs rgyas lnga dang lha mo bzhi/ /khro bo bzhi yi bum pa rnams/ /so so'i 'khyil pa'i gcig dang ni/ /gzugs kyi rdo rje sogs drug la//gcig ste mtshan ma ldan pa'o/ /zhes pas bco lnga'o/ /de ltar brjod pa'i phyogs rnams las phyogs gzhan du 'ga' zhig brjod pa de dag ni rig pa ma yin no/ /de ltar 'jam pa'i rdo rje la dkyil 'khor nyi shu dang / bcu dang / drug dang / gnyis dang / gcig dang bco lnga ste bum pa'i grangs rnam par gzhag pa'o/ /bsdus pa'i rim pa'i dkyil 'khor du lnga pa gnyis kyi phyogs la ni de bzhin gshegs pa rnams kyi gcig dang / yum rnams kyi gcig dang / gzugs rdo rje ma la sogs pa bzhi'i gcig dang /byang chub sems dpa' brgyad kyi gcig dang / khro bo bcu'i gcig go zhes pa ni khyad par ro/ /yang na/ rang phyogs sras gnyis dag gi gcig /khro drug btsun mo rnams kyi yang / /snying por gnas dang sgo skyong dang / /bgegs dgra'i re re nyi shu'o/ /zhes pa kha cig gi'o//kha sbyor las gsungs pa'i rdo rje dbyings kyi dkyil 'khor du phyogs gnyis pa'i lnga pa ni/ pho brang gi snying por gnas pa rnams kyi gcig dang / pho brang gnyis par gnas pa rnams kyi gcig dang / phyogs brgyad kyi lha mo rnams kyi gcig dang / zur gyi lha mo rnams kyi gcig dang /sgo skyong rnams kyi gcig go zhes pa ni khyad par ro/ /yang na de bzhin gshegs pa rnams dang / rigs kyi yum rnams dang sgo skyong rnams kyi bum pa re re dang / rim pa gnyis pa'i phyogs kyi lha mo rnams kyi gcig dang / phyogs bral gyi lha mo rnams kyi gcig dang /rim pa gsum pa'i phyogs kyi g.yon na gnas pa rnams kyi gcig dang / g.yas na gnas pa rnams kyi gcig dang / zur na gnas pa rnams kyi gcig dang / de'i phyi rol gyi zur na gnas pa rnams kyi gcig dang / las thams cad pa'i gcig ste/de ltar nyi shu'o zhes pa ni kha cig gi'o/ /dpal bde mchog gi dkyil 'khor la ni 'khor lo lnga la so sor re re ste lnga'o/ /yang na snying po'i pho brang du gnas pa kho na'i lnga'o/ /yang na 'di rnams kyi rnam pa lnga dang / 'khor lo bzhi'i bzhi ste dgu'o/ /yang na dbus kyi pho brang dang dam tshig gi 'khor lo la gnas pa rnams kyi gcig ste bcu gsum mo//thugs kyi 'khor lo la phyogs su gnas pa rnams kyi gcig dang / phyogs bral du gnas pa rnams kyi gcig go/ /de bzhin du gsung gi 'khor lo dang sku'i 'khor lo la yang ste bcu dgu'o/ /phyogs 'di rnams su lha so so'i dgod pa yang las thams cad pa dum skyes ma'i lhag par dgod par bya'o//'di'i rjes su 'brangs nas dkyil 'khor gzhan rnams la yang ji ltar rigs par bum pa'i grangs rig par bya'o/ /de la gtso bo yin pa'i phyir dang / bya ba mang ba'i phyir rnam rgyal bum pa'i steng du/oM badzra a mr-i ta u da ka hUM zhes pa 'di dang yi ge gsum gyis kyang lan bdun bsngags pas ye shes kyi bdud rtsir bya zhing / rdo rje'i rdul phra rab kyi rang bzhin dang / ji ltar rnyed pa'i bdud rtsi lnga dang / dri bzang po'i chu dang ldan pa hUM gyis bsngags nas dud chos sam pad+ma'i snod du me tog gi phreng ba bcings pa'i rdo rje dang bcas pa bzhag la nang du/oM ta p+te ma hA tap+te swA hA/ zhes pas bkug pa'i gong gi lha'i chu'i ngo bo las lha'i 'khor lo gdan dang bcas pa skad cig gis rnam par bsams te rang gi snying ga'i sa bon gyis ye shes kyi bdud rtsi spyan drangs pa'i mdun du zhabs bsil dang /zhal bsil dang mchod yon rnams dbul bar bya'o/ /de nas dam tshig gi 'khor lo la rab tu bcug ste/ chags pa chen pos zhu bar gyur nas sngar blugs pa'i chu dang byang chub kyi sems kyi ngo bor ro gcig tu gyur par bsgom mo/ /mtshan ma yang dam tshig gi lha ye shes kyi lha dang gcig tu gyur par bsam mo//de nas rdo rje dang 'brel ba'i me tog gi mthar g.yon pa'i khu tshur gyis bzung nas hUM gis bsngags te 'khor lo'i dbang phyug gi snying po brgya rtsa brgyad dam/ oM badzra u da ka hUM/ zhes pa 'dis chu la mngon par bsngags la der 'khyil pas bsngags pa'i me tog dkar po gsum gzhug par bya'o//gzhan yang bum pa gang zhig lha gang gi yin pa de la ni/ de'i sngags brgya rtsa brgyad dam nyi shu rtsa gcig gam bdun gyis bsngags par bya ste/ rdo rje'i me tog gi phreng ba'i mthar bzung nas so/ / de bzhin du me tog kyang gzhug par bya'o/ /de nas rnam par rgyal ba la sogs pa'i bum pa rnams me tog la sogs pas yang dag par mchod la/ srung ba'i don du las thams cad pa'i chus de'i yal 'dab kyis bsangs te/ 'dir ji srid dkyil 'khor gyi bya ba ma rdzogs pa de srid du bgegs rnams bzlog par mdzod cig ces brjod cing gtor ma phul nas nye bar reg la/mi bskyod rdo rje zhes pa la sogs pa'i bstod pa sngon du 'gro bas dril bu dkrol bar bya'o/ /bum pa de rnams las chu nyung zad nyung zad blangs la dkyil 'khor gyi khang pa'i shar sgo'i byang gi char man 'ji la gnas pa'i dung chos la sogs pa gzhag par bya ste/bdag nyid dang slob ma rnams la bsang gtor bya ba'i don du'o/ /las thams cad pa'i bum pa nyid ku sha'i chun po dang ldan pa de'i don du der gzhag par bya'o zhes pa ni gzhan las so/ /bum pa rnams la mngon par bsngags pa dang mchod pa la sogs pa rnams ni nyi ma so sor thun gsum mam gcig tu bya'o//'khor lo'i dbang phyug la sogs pa'i sngags ni dkyil 'khor so so'i sgrub thabs la sogs pa rnams su blta bar bya'o/ /mdor bsdus pa ni slar yang 'di nyid du 'chad par 'gyur ba ste/dkyil 'khor gyi lha'i gzugs dang kha dog dang mtshan ma la sogs pa brjod pa'i dus su'o/ /'di dkyil 'khor la sogs pa'i las la nye bar mkho ba'i don du dang por rdul tshon dkar po la sogs pas pad+ma 'dab ma brgyad pa bris pa'i lte ba la rnam par rgyal ba'i bum pa'am las thams cad pa'i bum pa gzhag par bya'o//shar gyi 'dab ma la 'chad par 'gyur ba'i cho gas lhag par gnas pa byas pa'i tshon sna lnga'i thig skud gser la sogs pa'i snod du gnas pa'o/ /lhor rdo rje'o/ /byang du rdo rje'i dril bu'o//nub dang zur gyi 'dab ma rnams la ji ltar rigs par rdul tshon lnga'i snod rnams so/ /der 'khyil pa'i sngags bzlas te bum pa'i chus rdul tshon dang thig skud rnams bsang gtor bya'o zhes pa bum pa lhag par gnas pa'i cho ga'o// //de nas dkyil 'khor gyis gzhi dri bzangs la sogs pas byugs shing me tog gcal du 'grems su bcug ste/der ji ltar 'byung ba'i bdag po lnga'i le tshe rnams su maN+Dal gru bzhi pa bya zhing lha gzhan rnams la zlum po ste/ bdud rtsi lnga dang bcas pa'i dri bzang po rnams kyis bya'o/ /nub tu phyogs pas maN+Dal de rnams su rang gi snying ga'i sa bon gyi 'od zer gyis 'dri bar 'gyur ba'i dkyil 'khor gyi 'khor lo ji ltar rigs par chu skyes la gnas pa'i zla ba'am nyi ma la bzhugs su gsol la/zhabs bsil la sogs pa sngon du 'gro ba'i mchod pa dang / bstod pa dang bdud rtsi myang ba byas te/pus mo g.yas pa sa la btsugs shing lce hUM las skyes pa'i rdo rje rtse gcig par byas pa hUM bkod nas lag pa g.yas pas spos phor thogs te/ g.yon pas rdo rje dril bu dkrol zhing / bcom ldan rdo rje che ge mchog /rig pa'i rgyal po khyod la 'dud/ /mgon po thugs rje'i bdag nyid can//dkyil 'khor bri bar bdag 'tshal lo/ /slob ma rnams la brtse don dang / /khyed rnams la yang mchod phyir dang / /sems can bsod nams spel don dang / /byang chub sems ni bskyed pa'i phyir/ /de bas bcom ldan bdag gus la/ /bka' drin gnang bar mdzad pa'i rigs//sangs rgyas 'gro 'khor bya don stsol/ /byang chub sems dpa' 'bras gnas dang / /gzhan yang gang dag gsang sngags lha/ /lha dang 'jig rten skyong ba dang / /'byung po byang chub bstan gnas dang / /sems can bstan la mngon dga' dang / / gang su rdo rje'i spyan ldan rnams/ /bdag la yang dag dgongs su gsol/ /bdag ni che ge rdo rje che/ /cho ga 'byung ba'i dkyil 'khor ni/ /ji ltar nus par nyer spyod pas/ /'gro ba sbyang phyir bri bar bya/ /zhes don mngon du byed cing lan gsum brjod pas gsol ba gdab par bya'o/ / zhes pa lha lhag par gnas pa'i cho ga'o// //de'i rjes la ye shes kyi thig la sogs pa'i don du dkyil 'khor gyi sa gzhi'i steng gi nam mkhar dkyil 'khor gyi 'khor lo blos bkod nas yang dag par mchod de shar du mngon par phyogs shing dkyil 'khor gyi dbang phyug gi rnal 'byor dang ldan pas gzhon nu ma ma nyams pas bkal ba'am dpa' bo'i rin gyis nyos pa'i skud pa lnga pa lnga snod lngar gnas pa rnams dri zhim po dang ldan pa'i kha dog dkar po dang ser po dang dmar po dang ljang gu dang nag po rnams dang yungs kar gyi phye ma dang bdud rtsi lnga bsres pa rnams kyis so sor kha bsgyur la lag pa g.yon pa'i mthil du sor mo'i rtse mo nas brtsams te mthe bong gi bar ji srid par rnam par bkod la/b+h+rUM AM dzr-IM khaM hUM gi yi ge rnams las bskyed pa'i de bzhin gshegs pa lnga'i ngo bor gyur par bsgoms te/ nam mkha' la bzhugs su gsol ba'i rang rang gi phyogs kyi de bzhin gshegs pa bsdus par gyur pa de bzhin gshegs pa lnga'i thugs kar b+h+rUM yig la sogs pa las grub pa'i ye shes kyi skud pa 'od zer dang bcas par blta zhing /oM AH shA shwa ta badzra sU tra m+me pra ya ts+tsha ma hA maN+Dal sU tra NA ya hUM/ zhes pa 'dis rnam par snang mdzad la gsol ba gdab par bya ste/ming yongs su bsgyur nas rin chen 'byung ldan la sogs pa la yod do/ /mig gnyis dzaH yig las skyes pa'i zla ba dang nyi ma ser po'i rang bzhin du byas te/ oM dI p+ta dr-iSh+T-i aM ku sha dzaH zhes brjod cing rab tu myur bar g.yo ba'i mig gi rdzi ma 'degs shing 'gugs pa 'bar ba'i lta stangs lcags kyu lta bus rnam par snang mdzad la sogs pa bskul bas de rnams rang gi kha dog can gyi thig skud lag par gnas pa rnams la thim par bsgom mo//de nyid kyi phyir de rnams ni me long lta bu la sogs pa ye shes lnga'i rang bzhin can no zhes/rnam pa brgya'i dbye bas phye bar gyur pa'i thig skud rnams so/ /de nas rnam par snang mdzad la sogs pa'i gzugs sam bgegs mthar byed la sogs pa'i gzugs kyis slob ma thig skud 'dzin pa dang lhan cig dang por skud pa lnga lnga re re bsgril ba'i thig skud bya zhing /de'i rjes la de bzhin du lnga rnams gcig tu bsgril ba'i thig skud bya ste/ oM AHa n+yo n+ya a nu ga tAHsarba d+harmAHbar spA ra/ a nu pra biSh+Ta sarba d+harmaHa di an+ta a nu pra biSh+TaHsarba d+harmAHoM AHhUM zhes brjod cing bsgril ba'i thig skud slob dpon dang slob ma'i lag pa g.yon pa dag gi mdzub mo nas brtsams te sor mo bzhi'i nang du bcug cing rgyab nas dkris la slar yang bcug cing dkris nas rdo rje khu tshur byas pa'i mthe bong dang mdzub mo'i rgyab kyis sa la sbyar te/mnan pa'i bar gyi lhag ma ma gtogs pa ji lta bar srid du dkyil 'khor gyi nyis 'gyur dang sboms su nas nyi shu chas lhag pa'i slob dpon gyi nas kyi tshad du 'gyur ro//nas bdun gyis sor tshigs so zhes chos mngon pa las bshad pa'o/ /sboms su 'khor lo'i brgyad cha'i nyi shu char bshad pa ni sor nyi shu rtsa bzhi'i bdag nyid khru gang ba'i dkyil 'khor kho na'i yin te/khru gnyis la sogs pa'i dkyil 'khor gyi tshad kyang des nye bar mtshon nas tshad dang ldan par rig par bya'o/ /de bzhin du khru drug pa'i tshad can gyi dkyil 'khor la ni thig skud sboms su mthe'u chung gi tshad du bya zhing gzhan du rjes su mthun pa bya'o zhes pa ni kun dga' snying po la sogs pa'i'o//thig skud bsgril ba'i mthar dkyil 'khor gyis gzhir dri'i chu dang bdud rtsi lnga dang tsan+dan la sogs pa'i dri bzangs kyis byugs la yi ge gsum gyis byin gyis brlabs te/ gser la sogs pa'i snod gtsang mar bzhag cing / me tog dang bdug spos la sogs pa rnams kyis yang dag par mchod nas lag pas reg la las thams cad pa'i sngags kyis bsrung bar bya'o//g.yas pa dang cig shos kyi mig dag ma dang Ta'i yi ge dag las nyi ma dang zla ba dag tu bltas te/ sngar gsungs pa'i badzra dr-iSh+Ti ma zhes pas brtan par byas la/'khyil pa bzlas pa'i bdud rtsi'i chu dang yungs kar dang dri'i chus gtor nas rdo rje dang bsam pa'i lag pa g.yas pas yang dag par reg cing / oM badzra sa ma ya sU traM mA ti kra ma hUM zhes pa 'dis lan nyi shu rtsa gcig bzlas te lhag par gnas pa bya'o zhes pa/ thig skud lhag par gnas pa'i cho ga'o// //slar yang dkyil 'khor gyis la oM sarba saM sho d+ha ni hUM phaT/ ces pa'i sngags kyis bum pa thams cad kyi chus bsang gtor byas pa'i gtsang mar dris byugs nas me tog gcal du bkram la/ nam mkha'i mthil du gnas par yang 'dri bar 'gyur ba'i dkyil 'khor yang dag par dmigs te mchod yon dbul ba sngon du 'gro bas yang dag par mchod cing bstod nas rang nyid de'i rnal 'byor dang ldan pas bsgrub pa'i grogs po rnam par snang mdzad la sogs pa'i gzugs su bsgom zhing /rang dang de'i g.yas pa dang cig shos kyi mig dag dz+dzaHyig las skyes pa'i zla ba dang nyi ma 'od zer ser po can du bsam mo//mnyam pa'i rkang stabs kyis thig skud de g.yon pa'i rdo rje khu tshur gyis gzung ba lte bar gzung zhing / bsgrub pa'i grogs po de de ltar thig skud gzung ba la dz+dzaH dz+dzaH dz+dzaH zhes pa'i dz+dzaH yig gsum gyis bskul te/ sgrub pa'i grogs pos kyang dz+dzaH dz+dzaH dz+dzaH zhes pa'i dz+dzaH yig gsum gyis drangs nas de kho na bzhin du mngon du phyogs shing gnas pas nub phyogs su gnas te kha shar du blta ba dang lhor gnas te byang du kha blta bas tshangs thig gnyis lte ba dang mnyam pa'i bar snang la brkyang ste/rdo rje dang bcas pa'i lag pa g.yas pa'i mthe bong dang sor mo dag gis thig skud gzung ba 'debs shing se gol gyi sgra bya'o//thig gdab pa thams cad du yang / oM badzra sa ma ya sU traM mA ti kra ma hUM hUM oM swA hA A zhes brjod par bya'o/ /sgra 'di ni/ sems can don du khyed rnams kyi/ /dus yin de phyir 'dir byon cig /ces pa la sogs pa ste/ thig gi sgras spyan drangs pa'i de bzhin gshegs pa thams cad mnyam par byon nas thig rnams la thim par bsgom mo zhes pa'i brda don no/ /thams cad du yang slob dpon dang sgrub pa'i grogs po g.yas skor gyis 'gro zhing dpal bde mchog gi dkyil 'khor dang dpal rdo rje phag mo'i dkyil 'khor la ni g.yon skor gyis te phyogs thams cad mnyam pa nyid du lhag par mos par bya'o zhes pa nam mkha' la thig gdab pa'i cho ga'o// //de la dang po dkyil 'khor gyi khang pa bya ba brtsam pa'i dus su yongs su dag pa'i sa la tshangs pa'i thig gnyis po cho ga 'dis brtan par byas te btab la phyi nas zla ba'i gdan la mtshan ma bya zhing /mtshan ma'i rjes su 'brangs nas dkyil 'khor la tshangs pa'i thig gnyis gdab par bya'o/ /de la 'di ni rim pa ste/ dang po phur bu mnyam par gzugs/ / mtho gang ba yi zlum po gcig /byas nas nyi ma'i rim pa yis/ /grib ma 'gro dang 'ong ba nyid/ /der ni thig le gnyis sbyin zhing / /tshad de de bzhin gzhan du yang / /thig ler bzung nas thig gdab ste/ /bya rog rjes der mtshan ma bya/ /dang por nub dang shar dag ste/ /slar yang lho dang byang dag tu//mkha' yi thig le bzhin du der/ /tshangs pa'i thig gnyis 'gro bar bya/ /de dag mnyam par smad pa yi/ /lag pa dag gis rab tu gdab/ /slar yang tshangs thig lag bzung nas/ /bya rog rjes der mtshan ma bya/ /der ni zur gyi thig gnyis te/ / rtsa ba'i thig kyang rim pas gdab/ /g.yon pa skyil krung phyed pa dang / /rkang pa g.yas pa 'dus pas so/ /de las bzlog ste 'dug pa yi/ /slob ma lhan cig blo ldan gyis/ /dkyil 'khor thig gdab rdo rje can/ /nam mkha'i thig gi mos pa bya/ /de bzhin thig gdab gzhan rnams la yang ngo //mtshan ma med pas 'grub mi 'gyur/ /thig skud chad na bla ma zad/ /dman dang lhag pa las ni nad/ /phyogs rmongs na ni slob ma 'khrul/ /zhes pa de ltar shes nas 'bad par bya zhing / gal te thig 'debs pa na 'ga' zhig tu 'byor pa med pa dang //grogs po med pa dang mi dga' bar gyur na de'i tshe phur bu la bcings nas rang nyid kyis thig gdab par bya'o/ /der yang shin tu mnyam gzhag pa'i/ /slob dpon slob ma lhan cig tu/ /rim 'dis blo dang ldan pa yis/ /dkar po'i thig ni gdab par bya/ /chu bdag gnas pa'i slob dpon dang //mngon par phyogs pa'i slob ma ni/ /dbang po'i phyogs su gnas pas kyang / /'dir ni tshangs pa'i thig gdab bya/ /gshin rje'i phyogs dang lus ngan por/ /gnas pa'i gsang sngags rig pa dang / /lhan cig pa yi slob ma yis/ /yang dag tshangs thig gnyis pa gdab//me mtshams gnas pa'i slob dpon dang / /rlung du gnas shing rang gi ni/ /lhag pa'i lha yi sbyor ldan pas/ /zur gyi thig ni gdab par bya/ /dbang ldan phyogs nas bla ma dang / /bden bral song ba'i slob ma yis/ /zur gyi thig ni gnyis pa yang / /yang dag pa ni gdab par bya//me mtshams gnas pa'i slob ma dang / /nges par mngon phyogs slob ma ni/ /dbang ldan mtshams su gnas pa yis/ /rtsa ba'i thig gnyis gdab par bya/ /de nyid du ni rdo rje can/ /bden bral du ni gnas pa'i bu/ /mkhas pa thig rnams shes pa yis/ / lho yi thig ni gdab par bya/ /de nyid du gnas slob ma dang / /rlung du gnas pa'i sngags pa dag/ /bden bral rlung du gnas pa yi/ /gsum pa'i thig ni gdab par bya/ /de nyid du gnas rdo rje can/ /zhi ba'i phyogs su gnas pa'i bu/ /las rnams shes pas phyin nas ni/ /rtsa thig bzhi pa gdab par bya//bcom ldan 'das kyis mkha' 'gro ma rdo rje gur las ji lta ba bzhin du gsungs pa/ dang por tshangs pa'i thig yin te/ /gnyis pa zur gyi thig yin no/ /gsum pa la ni ngos bzhi ru/ /thig bzhi rab tu gdab par bya/ /zhes so/ /de la 'dir rtsa ba'i thig gi brgyad cha ni sgo'o/ / sgo'i cha ni cha chung ste cha chung dang po dang kr-i sha dang cha shas zhes rnam grangs so/ /cha chung gnyis kyi bdag nyid ni cha ste cha chung bzhi ni cha chen no/ /zhi ba zhes pa ni cha chung phyed la rnam par blta bar bya'o zhes pa dkar pos thigs gdab pa'i cho ga'o/ /da ni dkyil 'khor thams cad la thun mong ba'i dkyil 'khor gyi thig brjod par bya ste/cha gcig dang ni cha chung bdun/ /gsum pa'i mthar ni bzhi pa la/ /cha chung cha dang cha chung cha/ /cha chung re re mnyam par bri/ /ra yi rtse mo'i mthar thug pa/ /de nas gser zlum po'i thig/ /pad+ma'i phreng ba'i cha chung gnyis//rdo rje phreng ba'i cha chung gnyis/ /'od zer phreng ba'i cha chung bzhi/ /thams cad kyang ni zlum por bya/ /de ltar brkyang ba'i thig bar cha/ /dkyil 'khor kun la yang dag 'gro/ /lha yi dbye ba cung zad kyis/ /rtsa ba'i dkyil 'khor nang du ni/ /thig gi dbye dang phyi rol du/ /dbyer med blo ldan gyis reg bya//nga ni rim pa ji lta bar/ /sgo sogs dbye ba brjod par bya/ /steng du bdun te gnyis ngos su/ /gnyis ni steng du ngos gnyis su'o/ /steng du gsum gsum stong pa la/ /bzhi ni steng du de bzhin slar/ /stegs bur drug kyang de bzhin dbyi/ /gos dang ka bar gsum gsum mo//tshangs pa'i gnyis su re khA bzhi/ /phyogs su yang ni gnyis gnyis dbyi/ /gos kyi mthar yang de bzhin dbyi/ /rin chen dra phyed dbus gnas dang / /shar bu dang ni mda' yab dang / /tshon dang stegs bu'i sar de bzhin/ /zur las lhag pa'i re khA yi/ /thig rnams thams cad kun nas dbyi//'dis ni/ sgo ni 'khor lo'i brgyad cha ste/ /stegs bu dang ni bral bar 'dod/ /sgo yi tshad kyis sgo khyud re/ /de bzhin lha yi snam bu'o/ /stegs bu kun nas sgo yi phyed/ /de bzhin 'gram dang logs dang ni/ /dra bar dra phyed nyi zla dang / /me tog phreng ba'i snam bu'o//tshon gyi sa ni de phyed de/ /rtsa thig sa las phyi rol du'o/ /zhes pa 'di bshad pa yin no/ /lha'i snam bu ni rtsa ba'i thig gi nang du'o/ /stegs bu la ni gzungs kyi snam bu dang bar gyi snam bu zhes kyang brjod do/ /'phags pa klu'i blo'i zhabs ni mig sman gyi snam bu bar gyi snam bu dang ya phubs kyi snam bu yang mi bzhed de/de yang / sgo ni 'khor lo'i brgyad cha ste/ /lha yi snam bu de bzhin no/ /sgo yi tshad kyi sgo khyud de/ /'gram dang logs kyang de bzhin no/ /zhes pa'i lung las so/ /'dir ni sgo dang rta babs dag gi dbus su bar gyi sa la bar gyi snam bu dang mun pa'i snam bu dang stong pa zhes kyang brjod do//rta babs sgo las sum 'gyur te/ /de yang snam bu bcu gcig pa/ /bre phul shar bu rin chen dang / /rmig pa rnams ni cha chung bzhi/ /mun pa'i cha chung phyed dang gnyis/ /ba ran la ni cha chung gcig /de bzhin slar yang mun pa ste//shar bu de bzhin nor bu dang / /rmig pa cha chung re rer 'gyur/ /mnga' yab kyang ni de bzhin no/ /'di rnams dpangs kyi tshad du ni/ /bshad de rgyar yang brjod par bya/ /bcu drug bre phul tshad du 'gyur/ /shar bu la ni bco brgyad bshad/ /rin chen rmig pa de bzhin bya/ / mun pa la ni bcu bzhir 'gyur/ /ba ran la ni bcu drug yin/ /slar yang mun pa bcu gnyis yin/ /shar bu la ni bcu bzhi dang / /nor bu rmig pa de bzhin nyid/ /mda' yab la ni bcur 'gyur te/ /chos kyi 'khor lo cha chung gnyis/ /ra la cha chung gnyis de rnams/ /dkyil 'khor kun la kun du 'gro//cha chung phyed dang bzhi pa'i thig /tshangs pa la ni gzung byas nas/ /cha chung bdun pa'i zlum po der/ /'khyog po'i don du rab mdzes bya/ /tshangs pa'i g.yas dang g.yon dag tu/ /slar yang cha chung gsum gyi bar/ /de bzhin nyid du zlum po bskor/ /zla phyed lta bur mdzes pa bya//de nyid nang du zlum po ni/ /slar yang cha chung phyed kyi bar/ /rin chen la sogs bri don du/ /blo bzang [(]kyis [,]gyis [)]ni de bzhin bskor/ /nang du lhag pa'i re khA kun/ /kun nas rab tu dbyi bar bya/ /snam bu rnams kyi steng 'og tu/ /thig ni sbyin bya gnyis pa las/ /mdzes pa'i don du 'bad pas der//'khyog po yi ni nang du yang / /tshangs pa la ni cha chung bzhir/ /bzung nas slar yang sgo gsum bar/ /rwa yi don du mdzes pa'i thig /zla ba phyed pa lta bur bskor/ /de nyid g.yas dang g.yon dag tu/ /cha chung gsum gyi bar du yang / /de bzhin nyid du zlum po bskor//rdo rje slob dpon mkhas pas so/ /chu srin kha las thon pa'i rwa/ /'bar ba'i phreng bas brgyan par bya/ /rta babs steng du 'khor lo'i ngos/ /gnyis su ri dgas ri dgas mo/ /cha chung phyed las ring bar ni/ /mgrin pa gyen du 'greng ba bri/ /de dag gi ni mjug ma ru/ / mdzes pa'i gdugs gnyis bri bar bya/ /rta babs 'og tu bla re ni/ /dril bur bcas shing rnga yab ldan/ /grub pa rig pa 'dzin pa'am/ /snying por mkha' 'gro ma nyid gnyis/ /lag par mchod rdzas 'dzin pa dag /slar yang dkyil 'khor 'jug par bya/ /dad pa bya khyung mi 'am ci//seng ge la sogs rab mdzes bya/ /snam bu rnams kyi mthar bri zhing / /de bzhin ba dan phra mo rnams/ /rwa yi g.yas dang g.yon du yang / /bum par gnas pa'i dpag bsam shing / /rin chen brgyad dang mnyam par ldan/ /'khri shing rnams kyis yongs su gang / / sna tshogs me tog 'bras bu dang / /sna tshogs bya kun sgra sgrogs dang / /grub pa rig pa 'dzin rnams kyis/ /kun nas yongs su bskor ba dang / /sprin la nges par gnas pa'i gzugs/ /de rnams thams cad bri bya zhing / /sgo rnams su ni rgyal mtshan bya/ /bum pa gnas pa'i g.yas g.yon du//seng ge ngang pa rma bya dang / /chu srin nya rnams kyis mtshan cing / /ba dan sna tshogs g.yo ba can/ /dril bu sil sil sgrogs pa'o/ /zur rnams su ni gdugs bya zhing / /gzhan yang ba dan phra mo rnams/ /mtshan ma sogs dang bral ba ste/ /sna tshogs mdog can kun nas bya//gzhan yang dur khrod rnams kyi ni/ /khyad par dkyil 'khor rnams la yang / /'od zer phreng ba cha chung gnyis/ /rdo rje phreng ba cha chung gcig /pad+ma'i phreng ba de bzhin bya/ /dur khrod la ni cha chung bzhi/ /skal ldan mnyam par 'ongs pa na/ /rab tu 'bad pas bri bya ste//skal med yang dag 'ongs pa na/ /dam tshig bsrung bas mi bya nyid/ /de ni rdo rje mkha' 'gro'i rgyud las kyang gsungs te/ /tshon gyi sa yi nyis 'gyur tshad/ /phyi rol 'od kyi dkyil 'khor te/ /'khor sa de yi phyi rol du/ /shing sogs dur khrod brgyad po'o/ /zhes pa'i gsung gis so//gzhan yang kun dga' snying po'i rta babs kyang brjod par bya ste/ mi bdag nyes pa gsum nyi ma/ /mi bdag phyogs dang mi bdag gsum/ /phyogs te thad kar cha chung rnams/ /rta babs snam bu'i rim pa yin/ /zhes pa'ang kun du grol ba'o/ /gzhan yang phyogs gang la sgo 'khor lo'i bcu cha'am 'khor lo'i dgu char 'gyur ba la ni/dkyil 'khor la yang mda' yab kyi mthar thug pa la cha chung drug cu rtsa bzhi ste/ /phyogs de la ni rta babs kyi rgyar cha chung bcu gnyis dang / dpangs su cha chung bzhir 'gyur ro/ /'on kyang snam bu ni bcu gcig ste/de ltar yang / /shar bu rin chen gnas dang gser/ /chu srin de nas gser dang ni/ /gnas dang rin chen yang dag gnas/ /gser dang mda' yab de dag go/ /gnas zhes bya ba ni rmig pa'i rnam grangs so/ /cha chen cha yi dbye ba yis/ /dpangs kyi tshad rnams zhes bya ste/ / nor dang nor dang nyi ma dang / /rgyal ba nor dang rgyal ba dang / /nyi ma nor dang nyi ma dang / /rgyal ba nor rnams rim pa bzhin/ /dpangs kyi tshad du bshad pa ste/ /rgyar ni 'di rnams brjod par bya/ /tshangs pa'i g.yas dang g.yon dag tu/ /cha chung phyed bcas chu gter mthar/ /cha chung phyed dang gnyis pa'i thig//de bzhin cha chung gnyis nas ni/ /snam bu gnyis pa gsum pa dag /cha chung gnyis dang cha chung bzhi/ /cha chung bzhi dang bzhi pa ni/ /cha chung gnyis te phyed dang ni/ /bzhi nas phyed dang gsum pa dang / /gsum nas drug pa cha chung gsum/ /de nas cha chung brgyad pa gsum//bdun pa gcig dang mthar drug pa'o/ /de'i phyir cha chung rig byed mthar/ /zlum po cha chung gnyis de bzhin/ /cha chung gnyis pa zlum po'i thig /de ni cha chung bzhi pa'i mthar/ /zhes pa rgyar rta babs sgo las sum 'gyur gyi phyogs kyang ngo / /de ltar phyogs gnyis ka yang bdag gis brjod do//phyogs gnyis pa la snying po'i dkyil 'khor las nyis 'gyur du phyi'i dkyil 'khor gsungs pa ni/ /pad+ma'i ge sar gyi zlum po'i thig tshun chad do/ /phyogs dang po las ni 'khor dang bcas pa'i snying po'i dkyil 'khor las 'od zer phreng ba'i bar ji srid pa'o//rta babs kyi ka ba las pha rol pad+ma'i ge sar zlum po'i thig las tshu rol du cha chung bzhi pa'i rta babs so zhes pa ni phyogs gnyi ga dang yang mi mthun pas spangs so/ /'dir sgo dang sgo khyud kyi mtshams su cha chung gcig la zla tshes la gnas pa'i rin po che dmar po 'am ser po 'am ljang gu 'am nag po yang rung ste//steng du rdo rje phyed pas mtshan pa 'am yongs su rdzogs pa'i rdo rjes mtshan pa bri'o/ /de ltar yang / /tshon gyi sa las phyi yi zur/ /sgo dang sgo khyud mtshams rnams su/ /zla ba rin chen rdo rjes mtshan/ /kun nas yongs su 'bar ba yin/ / zhes gsungs pa'i phyir ro/ /rta babs kyi ka ba rnams ni stegs bu gru bzhi pa la gnas pa'i bum pa la gnas pa'o/ /de ltar yang / chu srin kha nas ra yi bar/ /rta babs sgo las sum 'gyur te/ /stegs bu bum pa las byung ba'i/ /rta babs ka ba nges par gnas/ / zhes gsungs so/ /de rnams kyi rtsa ba dang rtse mo la nor bus spras pa'o/ /dbus su glang po che'i steng du dpung pas bteg pa'i seng ge'o/ /rta babs kyi gdung las 'phyang ba'i rin po che'i pa tra 'phro ba las ji ltar mdzes par dpyangs pa'i kha dog dmar po dang ser po la sogs pa'am/ sna tshogs pa'i gos dang rin po che'i yu ba can gyi rnga yab rnams so//kha cig tu ni dar dpyangs kyi snam bu la glang po che'i steng du seng ge'i kha nas 'phyang ba'i do shal dang ka ba'i dbus su me long nyid do zhes gsungs so/ /rin po che'i snam bu la ni zur la gru gsum dang / gru bzhi dang / thig le dang / zlum po rnams go rims bzhin du rin po ches spras pa ni ka ba so so'i gzhogs su'o//dra ba dang dra ba phyed pa'i snam bu la ni gser gyi ska rags kyi phyi ngos su chu srin gyi kha nas byung ba'i mu tig gi do shal skud pa dmar pos brgyus shing ngos gnyis dang steng dang 'og tu gser gyis sbras pa'i nor bu dbus na yod pa dang /do shal gyi ngos dag tu cung zad 'phyang ba'i rin po che'i phreng ba 'phyang zhing rtse mo la gser gyis bcings pa'i nor bu sbom po dang ldan zhing mdzes pa'i dra ba phyed pa'o/ /kha cig tu ni rin po che'i yu ba can gyi rnga yab dang dril bu'i mthar rnga yab 'phyang ba'o/ /kha cig tu ni dra ba phyed pa'i ngos dag tu yid du 'ong ba'i me tog gi phreng ba'i dra ba phyed pa 'phyang zhing /de'i ngos su sna tshogs pa'i gos kyi dra ba phyed pa'o zhes gsungs so/ /gzhan ni zur rnams su yid du 'ong ba'i me tog gi phreng ba'i do shal phyed pa dang / dar gyi chun po'i do shal rnams so/ /kha cig tu ni do shal gyi nang du pad+ma la zla tshes dang rdo rje phyed pas mtshan pa'i nyi ma'i dkyil 'khor ro//kha cig tu ni rin po che'o/ /kha cig tu ni pad+ma la gnas pa'i rdo rje'o/ /de lta bu 'di ni rtsa ba'i dkyil 'khor las phyi rol du thig gdab cing bri ba'i rim pa ste/ dkyil 'khor thams cad kyi thun mong ba'o/ /da ni nang gi khyad par rnams brjod par bya ste/sngar gyi thig rnams rab brkyang la/ /tshangs las cha chung thub pa nas/ /zlum po cig ni sbyin bya ste/ /de nas cha chung nor mthar yang / /der ni rdo rje'i phreng ba bya/ /'od zer mthar ni cha chung nyid/ /tshangs pa'i g.yas dang g.yon dag tu/ /cha chung gnyis gnyis bar du slar//ka ba'i snam bu cha chung re/ /yang dag bsrungs nas gzhan rnams dbyi/ /re mig rnams kyi snying po ni/ /gru bzhi'o phyogs rnams de nyid ni/ /phyogs bral spyan ma la sogs pa'i/ /gru gsum du yang 'gyur ba yin/ /gang zhig mthar ni lha snam la/ /gzugs kyi rdo rje ma la sogs//lhag pa'i re khA gang yin pa/ /de rnams thams cad kun nas dbyi/ /de lta bu yi rim pa yis/ /'jam pa'i rdo rje dkyil 'khor gyur/ /gtso bo gzhan du 'god pa'i thig kyang 'di'o/ /'dis ni/ gru bzhi pa la sgo bzhi pa/ /rta babs bzhi yis brgyan pa ste/ /thig bzhi dang ni mnyam par ldan//phyi yi dkyil 'khor thig gdab bya/ /de yi nang du 'khor lo ni/ /dkyil 'khor brgyad pa lta bu yin/ /phyi yi 'khor lo'i phyed du ni/ /kun nas yongs su zlum po ste/ /'khor lo'i ka ba sogs kyis brgyan/ /rdo rje phreng bas bskor zhing mdzes/ /'khor lo'i ka sogs thig rnams kyi//sa ni tshon gyi sa dang mnyam/ /zhes pa'ang bshad pa yin no/ /bsdus pa'i rim par gsungs pa'i dkyil 'khor la yang thig gi tshul 'di nyid do/ /slar yang khyad par brjod par bya ste/ /snying por zlum po gnyis byin nas/ /tshangs dang zur gyi thig dag gi /bar du ka ba cha chung re//nam mkha'i thig gis brgyad du 'gyur/ /phyogs dang mtshams su gru gsum mo/ /bar gyi zlum po gnyis la yang / /gzugs kyi rdo rje ma sogs dang / /rin chen byang chub sems gnas rnams/ /nang na gnas pa'i re khA dang / /snam bur gnas pa'i re khA dbyi/ /zhes pa'o/ /dpal ldan kha sbyor rgyud gsungs pa'i//rdo rje sems dpa'i dkyil 'khor ni/ /so bdun bdag nyid 'khor lo la/ /tshangs pa'i g.yas dang g.yon dag tu/ /phyed bcas cha chung bar dor nas/ /cha chung phyed pa'i thig gnyis gdab/ /cha chung gsum dor zlum po ni/ /cha chung phyed par rdo rje'i phreng / / phyed la 'od zer phreng bar 'gyur/ /cha chung gsum gyi bar nas slar/ /cha chung phyed par zlum po de'i/ /dbus su pad+ma'i phreng ba yang / /cha chung gsum nas zlum po ste/ /slar yang cha chung phyed par de'i/ /dbus su 'khor lo'i phreng ba'o/ /gzhan gyi sa la cha chung gsum/ / dpal ldan ye shes mkha' 'gro ma'i/ /'khor lo bcu gsum bdag nyid mdzes/ /tshangs pa'i thig las cha chung ni/ /gsum las thig gnyis cha chung 'gyur/ /slar yang cha chung drug dor nas/ /zlum po gcig ni bskor bar bya/ /slar yang cha chung zlum po la/ /rdo rje'i phreng ba'i mtshan ma ste//'od zer phreng ba'i don du gzhan/ /cha chung bar nas slar yang ngo / /gzhan gyi sa la cha chung bzhi/ /lhag pa'i re khA dbyi bar bya/ /gang zhig bcu bdun gyi ni bdag nyid can/ /kye yi rdo rje rgyal po rnam bzhi dang / /rdo rje bdud rtsi bzhi dang dpag med ma/ /ku ru ku l+le'i dkyil 'khor rnams la ni//tshangs pa'i thig las phyi ngos su/ /zlum po'i thig bzhi sbyin bya ste/ /cha chung brgyad cha dang bcas pa'i/ /cha chung phyed dang gsum mtha' dang / /rkang par bcas pa'i cha chung lngar/ /'dab ma'i don du gnyis pa dang / /gsum pa rdo rje'i phreng ba ni/ /brgyad char bcas pa'i cha chung dang / / bzhi pa 'od phreng cha chung ngo / /lhag ma'i sa ni cha chung drug /nang du tshangs pa'i thig dang ni/ /zur gyi thig rnams dbyi bar bya/ /kye yi rdo rje dgu yi bdag nyid can/ /rnam bzhi 'di yi sku yi dkyil 'khor la/ /tshangs pa dor nas kyang ni cha chung lngar/ /zlum po'o gzhan ni nyis 'gyur tshad yin no//de yi phyi rol cha chung zlum po la/ /rdo rje phreng ba yis ni mtshan pa ste/ /de nyid la ni bum pa'i phreng ba'o/ /zhes so/ /gsang sngags rig pa 'ga' zhig smra bar byed/ /sangs rgyas thod pa'i sku dang ni/ /sgyu ma chen mo zhes bya la'ang / /de mnyam dkyil 'khor rab gsungs te/ / tshad 'di la ni lhag chad med/ /mgon po rdo rje hUM mdzad kyi/ /dkyil 'khor thig la nges par ni/ /tshangs pa'i thig gi ngos gnyis su/ /cha chung phyed dang gsum dor nas/ /ge sar gyi ni zlum por 'gyur/ /cha chung lnga nas 'dab ma'i'o/ /de nas cha chung yongs dor te/ /phyogs dang phyogs bral rnams su yang //cha chung phyed dang brgyad pa yi/ /pad+ma brgyad du'ang 'gyur ba yin/ /shar dang nub kyi sgo nyid du/ /cha chung gsum pa'i pad+ma bya/ /'khor lo bde mchog phag mo yi/ /dkyil 'khor thig ni ji lta bar/ /rtsa thig nas phyed phyed dang bzhi/ /phyed phyed phyed dang bzhi dang phyed//phyed dang bzhi dang bzhi cha dang / /'dab ma'i phyed dang gsum nas ni/ /der ni bla ma'i zlum po rnams/ /bskor bar bya zhing de nas ni/ /rtsi bas kyi don du thig btab ste/ /tshangs pa'i g.yas dang g.yon dag tu/ /cha chung phyed dang gnyis kyi bar/ /spangs nas thig ni rab sbyin bya/ /rtsa thig dag gi bar du'o//cha chung phyed kyi bar dor nas/ /slar yang thig ni de bzhin gdab/ /zur du yang ni de bzhin nyid/ /sngags pas thig bzhi sbyin par bya/ /tshangs pa las ni nges song thig /ji srid cha chung gnyis kyi phyir/ /slar yang de las rnam song ste/ /de nyid du ni de bzhin 'jug /de las kyang ni nges song thig /slar yang cha chung gnyis kyi bar/ /de las slar yang rnam song nas/ /thig de la ni rab tu 'jug /slar yang de las de song nas/ /ji srid cha chung gnyis kyi bar/ /slar yang de las rnam song ste/ /tshangs pa der ni rab tu 'jug /ji ltar g.yas su de bzhin g.yon//phyogs su de bzhin mtshams su yang / /de yi yang ni nang du thig /cha chung phyed kyi bar de bzhin/ /de nyid rim pa'i sbyor ba yis/ /g.yas dang g.yon min dag la bya/ /thig le'i dkyil 'khor dga' ba can/ /bde mchog rgya mtsho las 'byung ba'o//rtsibs kyi ngos su shin tu ni/ /mi bzad rdo rje bzhi yis bskor/ /lhag ma pad+ma 'dab brgyad de/ /tshad 'di las ni lhag chad med/ /thugs sogs 'khor lo'i mu khyud la/ /rdo rje pad+ma 'khor lo phreng / /zlum po'i thig dang rtsibs kyis bskor/ /yang dag bsrungs nas gzhan rnams dbyi//nyi shu rtsa lnga'i bdag nyid can/ /mgon po sangs rgyas thod pa la/ /de rnams dkyil 'khor rab bsrungs te/ /slar yang khyad par cung zad ni/ /zlum po drug pa'i nang dor nas/ /'dab ma'i den du cha chung lnga'i/ /zlum po gcig ni sbyin bya ste//ge sar don du rab mdzes pa'o/ /dpal ldan rnal 'byor nam mkha' yi/ /'khor lor rtsa thig nang du yang / /cha chung phyed dang bzhi dor nas/ /zlum po gcig ni bskor bar bya/ /slar yang cha chung zlum po la/ /rdo rje phreng ba rab mdzes pa'o/ / de nas cha chung gsum dor nas/ /zlum po gcig ni sbyin bya ste/ /bsdus pa'i rim pa'i dkyil 'khor la/ /thig rnams bshad pa ji bzhin no/ /gzhan gyi thig rnams thams cad ni/ /dkyil 'khor 'dir yang de bzhin nyid/ /rtsa ba'i thig gi nang du gzhal yas khang gnyis pa'i thig kyang 'chad par 'gyur ba'i bzhi bcu rtsa gsum gyi bdag nyid 'jam pa'i rdo rje'i dkyil 'khor lta bu'o zhes pa ni gzhan dag go//snying po'i gzhal yas khang las gzhal yas khang gnyis pa ni zlum po'o zhes pa kha cig gi'o/ /gzhan dag ni 'dir gzhal yang khang med de/ /rdo rje'i phreng ba sngar bzhin no//zhes pa'o/ /bcu gsum gyi ni bdag nyid can/ /khro rgyal gshin rje gshed la yang / /tshangs las cha chung bdun mtha' dang / /brgyad kyi mthar yang rig gdab ste/ /kun nas zur gyi thig la'o/ /rdo rje phreng ba'i mtshan ma ste/ /phyogs su rdo rje'i ra lnga ste/ /kun nas cha chud brgyad pa'o//dpal ldan rdo rje sgrol ma'i lha'i/ /dkyil 'khor thig gi nges pa ni/ /tshangs las cha chung gsum gyi mthar/ /ge sar rtse mo'i zlum po ste/ /de'i phyir cha chung drug nas bskor/ /'dab ma'i phreng ba'i mtshan ma'o/ /der gnas tshangs dang de bzhin slar/ /zur gyi thig kyang dbyi bar bya//dpal ldan 'jam pa'i rdo rje yi/ /dkyil 'khor thig ni ji bzhin slar/ /nyer lnga'i bdag nyid 'od zer can/ /dkyil 'khor la yang de bzhin no/ /bcu gsum gyi ni bdag nyid can/ /srung ba lnga yi dkyil 'khor yang / /tshangs pa'i thig las cha chung gnyis//ge sar rtse mo'i zlum po ste/ /de nas cha chung bzhi nas bskor/ /'dab ma'i don du rab mdzes pa'o/ /de nas cha chung bar phyogs su/ /cha chung brgyad pa'i pad+ma ste/ /thig de rnams kyi phyi rol du/ /kun nas gru bzhi sbyin par bya/ /tshangs pa'i thig dang de bzhin du//slar yang zur gyi thig rnams dbyi/ /gsum lhag pa yi brgya phyed can/ /rdo rje dbyings kyi dkyil 'khor la'ang / /rtsa ba yi ni nang du thig /cha chung brgyad du sbyin par bya/ /de nyid gnyis pa nang ma yi/ /dkyil 'khor gyi ni rtsa thig yin/ /rta babs med cing sgo khyud bcas/ / sgo rnams dang ni mnyam par ldan/ /rtsa ba'i nang gi mthar thug par/ /kun nas zlum po sbyin par bya/ /slar yang cha chung zlum po la/ /rdo rje yi ni mtshan ma ste/ /tshangs pa'i g.yas dang g.yon dag tu/ /cha chung gnyis gnyis kyi ni bar/ /spangs nas thig ni rab sbyin bya/ /zlum po'i thig gnyis bar du'o//cha chung bar nas slar yang thig /ka ba'i don du de bzhin sbyin/ /re mig dgur ni 'gyur ba yin/ /tshangs pa'i thig la sogs pa dbyi/ /de nyid bsdus las khams gsum rnam rgyal gyi dkyil 'khor la ni nang gi gzhal yas khang rta babs dang bcas pa'o zhes gsungs so//bzhi bcu rtsa gsum bdag nyid can/ /'jam pa'i rdo rje'i dkyil 'khor la/ /rtsa ba'i thig gi nang du thig /rang gi sgo tshad gnyis kyi bar/ /der yang sngags pas sbyin par bya/ /zur thig gnyis kyi bar du'o/ /da nyid gnyis pa nang gi ni/ /dkyil 'khor gyi yang rtsa thig yin//rta babs med cing sgo dang ni/ /sgo 'gram sogs dang yang dag ldan/ /dkyil 'khor gsum pa'ang de bzhin du/ /de yi yang ni nang du bya/ /ji ltar rdo rje dbyings bzhin nang / /de bzhin 'dir yang re'u mig dgu/ /de nyid sngags pa rnams kyis bya//rdo rje phreng bas legs par bskor/ /gsung gi dbang phyug dkyil 'khor la'ang / /'khor lo thams cad mtshungs par phyi'i/ /thig gdab pa ni shes bya ste/ /khyad par slar yang brjod par bya/ /kun nas zlum po bzang po yis/ /phyi rol gyi ni 'khor lo bya//gos 'og rtsa ba nas bzung ste/ /pha rol gos kyi 'og nas thig /thig gi rim pa ma 'das par/ /zlum po bdun ni bskor bar bya/ /rtsa ba'i thig gi nang dag tu/ /sgo gnyis kyi ni bar spangs nas/ /thig gcig rab tu sbyin bya ste/ /zur thig gnyis kyi bar du'o/ / thig de yang ni dkyil 'khor ni/ /gnyis pa yi yang rtsa ba yin/ /rta babs med cing sgo khyud bcas/ /sgo rnams dang ni mnyam par ldan/ /de yi nang du gsum pa yi/ /dkyil 'khor gyi ni rtsa ba ste/ /sgo gnyis yongs su dor bas na/ /thig kyang de bzhin gdab par bya//rta babs med cing sgo 'gram dang / /sgo dang sgo khyud sogs kyis brgyan/ /de yi yang ni nang dag tu/ /dkyil 'khor bzhi pa'ang de bzhin nyid/ /rdo rje dbyings kyi nang ji bzhin/ /de bzhin 'dir yang re mig dgu'o/ /rwa yi phyi rol gyur pa 'dir/ /gser gyi sa la sor bzhi ste//rdo rje'i phreng ba de bzhin bya/ /rin chen phreng ba de bzhin slar/ /pad+ma'i phreng ba'ang de bzhin nyid/ /'khor lo'i phreng ba slar de bzhin/ /lhag ma'i gnas la de bzhin du/ /phyi rol 'od zer sor bcu gnyis/ /zhes pa ni 'khor dang bcas pa 'od zer gyi mthar thug pa la khru bcu drug gi tshad dang ldan pa'i dkyil 'khor gyi thig brjod par bya ste/gzhan du yang 'di'i rjes su 'brangs nas rtogs bar bya'o/ /sum cu rtsa gnyis bdag nyid lha/ /'phags lugs 'khor lo ji lta bar/ /de nyid rim pa'i sbyor ba yis/ /ngan song sbyong ba'i 'khor lo'o//khyad bar rdo rje'i phreng ba yi/ /nang du rig par bya ba ni/ /rdo rje phreng ba sogs spangs nas/ /'khor lo ser po rtsibs brgyad ba'o/ /rtsa ba'i thig gi nang dag tu/ /'di ni sgo yi bar spangs nas/ /thig gsum rab tu sbyin bya ste/ /zur thig gnyis kyi bar du'o/ / cha chung rig byed spangs nas kyang / /thig gcig slar yang bri bar bya/ /slar yang cha chung bzhi spangs nas/ /de bzhin du yang thig sbyin no/ /dbus su re kha dgu pa ste/ /'jam pa'i rdo rje'i zlum po yi/ /pho brang bzhin ni shes par bya/ /'byung po 'dul ba'i dkyil 'khor ro//da ni mkha' 'gro lnga rnams kyi/ /dkyil 'khor thig ni brjod par bya/ /so so'i dos su tshangs pa las/ /cha chung phyed dang lnga spangs par/ /bya ste de la cha chung gnyis/ /cha ni gnyis gnyis ngos dag tu/ /spangs par rtsa ba'i thig bya zhing / /nang gi cha yi brgyad cha yi//tshad des sgo dang sgo logs sogs/ /bya ste rta babs med pa'o/ /cha chung spangs nas phyogs rnams su/ /dkyil 'khor bzhi bo rnams la yang / /rim pa 'di yi sbyor ba yis/ /mkhas pas thig rnams sbyin par bya/ /phyogs su dkyil 'khor phyi yi sa//cha chung phyed dang gnyis par shes/ /rdo rje mkha' 'gro 'khor lor yang / /rtsa ba'i dkyil 'khor nang du ni/ /thig gcig rab tu sbyin bya ste/ /kun nas gru bzhi pa nyid do/ /slar yang cha chung gcig nas thig/ /rdo rje phreng ba'i mtshan ma ste/ /zla phyed mnyam pa'i rnam pa yis//dbus su legs par mdzes par bya/ /sangs rgyas mkha' 'gro'i 'khor lo ni/ /'khor lo'i phreng bar zlum po nyid/ /rin chen mkha' 'gro'i rin chen gyis/ /kun nas legs par bskor ba ni/ /rin chen cha brgyad lta bu ste/ /de yi dbus su slar yang bya/ /pad+ma mkha' 'gro'i 'khor lor ni//cha chung dag la pad+ma'i phreng / /gru bzhi pa dang pad+ma yi/ /rnam pa de yi dbus su bya/ /sna tshogs mkha' 'gro'i 'khor lor yang / /ral gri'i phreng ba cha chung ste/ /de yi dbus su gru gsum bya/ /rdo rje slob dpon mkhas pas so/ /rang rang dkyil 'khor tshad kyis ni//sgo la sogs pa rab tu brtag /'khor los sgyur drug dkyil 'khor la/ /mkhas pas rig rnams sbyin bya ste/ /tshangs las g.yas dang g.yon dag tu/ /cha chung bzhi bzhi spangs nas su/ /cha chung brgyad po 'di rnams la/ /dkyil 'khor rnam par rdzogs par bya//bcu gnyis char ni mnyam byas nas/ /cha ni gnyis gnyis ngos dag tu/ /spangs te sgo la sogs pa bya/ /slar yang rta babs med pa'o/ /dkyil 'khor chen po'i tshad kyis ni/ /cha chung gnyis nyid spangs par yang / /tshad kyi don du sgrub pa pos/ / zlum po'i thig kyang bskor bar bya/ /slar yang de bzhin phyi rol du/ /cha chung bcu yi bar nas bskor/ /cha lnga rnams su byas pa la/ /dkyil 'khor lnga po de bzhin bya/ /phyi nas zlum po dag dang ni/ /gzhan yang lhag pa'i re khA dbyi/ /nang ma dang ni lhan cig tu/ /dkyil 'khor drug tu 'gyur ba yin//dkyil 'khor rnams kyi nang nyid du/ /lte ba'i don du cha chung gsum/ /de phyir 'dab ma'i don du yang / /cha chung drug gis zlum po bya/ /phyi rol phyogs dang phyogs bral du/ /cha chung drug pa'i pad+ma brgyad/ /de yi phyi nas zlum po gcig /cha chung bar nas slar de bzhin/ /rang rang dkyil 'khor tshad kyis ni/ /sgo sogs mtshan nyid shes par bya/ /gzhan pho brang bdun pa'i dkyil 'khor la sogs pa'i gzhal yas khang gi khyad par rnams kyang bshad pa'i rjes su 'brangs te dpags la mkhas pa rnams kyis thig gdab par bya'o//slar yang dpal dus kyi 'khor lor gsungs pa'i dkyil 'khor ni 'dir brjod pa'i rgyud gzhan mtha' dag tu gsungs pa'i cho ga rnams las nyi ma'i shing rta la sogs pa gdul bar bya ba'i don du bya pa mi 'dra bar gsungs pa'o/ /de'i phyir rdzogs pa'i rim pa'i rnal 'byor pa rnams kyis ni bcom ldan 'das dpal rdo rje 'chang nyid sna tshogs pa'i skus dkyil 'khor ma lus pa'i dbang phyug yin pas mngon par 'dod pa thams cad bskyed cing 'byung ba'o zhes brtan par lhag par mos pa byas na rgyud gzhan gyi tshogs kyang rab tu gnas pa la sogs pa rjes su gnang zhing mi 'gal bas mngon par 'dod pa sgrub par byed do//des na dus kyi 'khor lo'i bya ba rab tu spros pa rnams yongs su dor nas dkyil 'khor gyi thig gdab pa tsam brjod par bya'o/ /rdul tshon dgye ba tsam yang 'chad par 'gyur ba'i rdul tshon dgye ba'i skabs su brjod par bya'o//'dir slob dpon gyi mtheb sor nyi shu rtsa bzhi ni khru ste khru bzhi ni dkyil 'khor ro/ /de nyis 'gyur srid du khru brgyad pa'i tshangs thig gnyis gdab par bya'o/ /de'i rjes la de bzhin du zur thig gnyis so//thig skud kyi sboms su ni slob dpon gyi nas kyi tshad do/ /de la thugs kyi dkyil 'khor gyi sgo'i drug cha ni mtheb sor phyed kyi tshad de cha chung du tha snyad gdags par bya'o/ /snying po nyid du thig gzung nas/ /lte ba'i don du cha chung gnyis/ /de nas 'dab ma'i cha chung bzhir//rdo rje can gyis zlum po bya/ /de nas bar med par ni thig /kun nas gru bzhi pa yin te/ /cha chung bar nas slar yang sbyin/ /rdo rje phreng bas mtshan pa'o/ /cha chung bzhi yi bar spangs nas/ /zur gnyis dag la thug ba'i thig/ /slar yang cha chung bar dor nas//rdo rje phreng ba'i thig gdab po/ /'di yi dbus su pad+ma ni/ /rab mdzes cha chung bzhi pa ste/ /ngos ni gnyis po dag tu yang / /cha chung re re'i ka ba bya/ /de dag gi ni ngos su rgyar/ /cha chung gsum pa'i bum pa ste/ /slar yang ka ba cha chung nyid/ /srid du cha chung bzhi pa'o//phyi nas de yi mtha' ma yi/ /phyi rol tu ni thig gdab ste/ /cha chung thub pa yongs dor nas/ /zur thig gnyis kyi bar du'o/ /de yi phyi rol lha snam la/ /cha chung bzhi ni spangs par te/ /de nas cha chung bar spangs nas/ /rtsa thig rab tu gdab par bya/ /rtsa ba'i thig gi mthar thug pa//thugs kyi dkyil 'khor mchog yin zhing / /'khor lo'i brgyad cha sgo yin te/ /de yi drug cha cha chung ngo / /de la tha snyad byas pa ni/ /dus kyi 'khor lo'i dkyil 'khor la'o/ /sgo yi tshad kyis sgo khyud de/ /'gram dang logs kyang de bzhin no/ /de yi phyed kyis stegs bur 'gyur//stegs bu'i phyed kyis tshon gyis/ /dra ba stegs bu'i tshad du 'gyur/ /rin chen sa ni de yi phyed/ /shar bu dang ni mda' yab sa/ /tshon gyi sa dang mnyam pa ste/ /ka ba cha chung phyed dang gnyis/ /bar ni rin chen la sogs bdun/ /cha chung phyed dang brgyad pa yi//dpangs su yang dag gnas pa ste/ /de yi steng du gnas pa yi/ /rta babs brtsegs ma gsum par 'gyur/ /steng du sgo las sum 'gyur gyi/ /tshad ldan mdzes par gyur pa der/ /brtsegs ma dang po cha chung drug/ /gnyis pa la ni phyed dang lnga//gsum pa cha chung phyed dang bzhi/ /rgya phubs cha chung gnyis par brjod/ /de nyid steng du gnas pa yi/ /bum pa cha chung gnyis par 'gyur/ /de la brtsegs ma dang por ni/ /snam bu dang po cha chung gcig /nyi shu rtsa bzhi ring ba'o/ /de yi steng du cha chung gcig /myos pa bsrung ba'i snam bu ste/ /rings su cha chung bcu drug pa'o/ /de yi steng gi dbus su ni/ /mchod pa'i lha mo'i gnas nyid kyang / /cha chung bzhi pa rab mdzes pa/ /rdo rje slob dpon mkhas pas bya/ /de yi yang ni ngos dag tu/ /cha chung re re'i ka ba bya//slar yang mchod pa'i lha mo'i gnas/ /ngos gnyis dag tu de bzhin te/ /phyir zhing cha chung ka ba dag /ngos dag tu yang de bzhin nyid/ /ngos gnyis dag tu so ldan gyi/ /dbang po gnan pa'i seng ge ste/ /seng ge'i mgo bo'i steng du 'degs/ /de dag spyi bor de bzhin slar//snam bu cha chung phyed par 'gyur/ /bco brgyad du yang ring ba'o/ /de steng snam bur gyur pa ni/ /myos pa bsrung ba zhes bya ba/ /bar ni cha chung gcig par 'gyur/ /rings su cha chung bcu gnyis pa'o/ /de steng de bzhin ring ba yi/ /snam bu'i bar la cha chung gsum/ / der ni rkang pas dman pa yi/ /cha chung gis kyang ka bzhi bya/ /lha mo rnams kyi gnas rnams kyang / /ka ba'i bar du yang dag gnas/ /cha chung gsum dang ldan pa yi/ /gnas gsum slar yang sngags pas bya/ /ka ba'i phyir rol ngos dag tu/ /gdung 'degs pa yi lha mo bya/ / de yi spyi bor slar yang dpangs/ /cha chung phyed pa'i snam bur 'gyur/ /de nyid cha chung bco lnga yi/ /rings su yang dag gnas pa yin/ /de steng myos pa bsrung ba yi/ /snam bu la ni cha chung ste/ /rings su cha chung brgyad par 'gyur/ /de steng cha chung gnyis pa ste/ /de yang rings su de bzhin nyid//'di la yang ni ka ba bzhi/ /cha chung phyed pa'i tshad dang ldan/ /rings su cha chung gnyis par ldan/ /gnas gsum cha chung gnyis pa yang / /ka ba'i bar du yang dag gnas/ /phyi rol ka ba'i ngos dag tu/ /sngar bzhin gdung 'degs lha mo'o/ /de steng cha chung phyed pa yi//snam bu cha chung bcu gnyis su/ /de ni ring bar gyur pa yin/ /de steng rgya phubs yang dag gnas/ /cha chung brgyad du ring ba ste/ /de yi steng du bum pa'i gnas/ /de yi g.yas dang g.yas min du/ /rgyal mtshan dang ni pa dan bya/ /snam bu kun gyi rtse mo la//dril bu me long rnga yab dang / /rgyal mtshan la sogs khyad par gyis/ /der yang brgyad par bya ba yin/ /thugs kyi dkyil 'khor phyi rol du/ /gsung gi dkyil 'khor bya ba ste/ /thugs kyi nyis 'gyur tshad kyis ni/ /de yi tshad rnams rab tu brtag/ so so'i phyogs kyi cha rnams su/ /de la cha chung bcu gnyis ni/ /thugs kyi dkyil 'khor rtsig sogs dang / /mda' yab rnams kyis bsgribs pa'o/ /de yi phyi rol thig gcig ni/ /cha chung bdun gyi bar du slar/ /cha chung dag ni bzhi rnams kyis/ /slar yang lha yi snam bu'o//cha chung bzhi pa'i pad+mar 'gyur/ /de yi phyogs su gyur pa yang / /thugs kyi rta babs 'og rnams su/ /shes par bya ste mdor bsdu na/ /myos pa bsrung ba'i snam bu sogs/ /brtsegs ma gnyis pa dag la yang / /cha chung bzhi yi bar du ni/ /kun nas 'bad pas bri bar bya//ka ba gnyis kyi bar la yang / /cha chung phyed dag bsnur nas so/ /lha yi snam bu'i thig las ni/ /phyi rol cha chung bar rnams su/ /rtsa thig rab tu sbyin bya ste/ /zur thig gnyis kyi bar du'o/ /sgo dang rta babs dag kyang der/ /sngar gyi rim pas bri bar bya/ /'on kyang thugs kyi dkyil 'khor tshad//nyis 'gyur gyi ni tshad kyis so/ /gsung gi dkyil 'khor rtsa ba las/ /phyi rol sgra yi dkyil 'khor mchog /de la gnyis 'gyur tshad kyis ni/ /de yi tshad rnams rab gzhal bya/ /so so'i phyogs kyi cha rnams su/ /cha chung nyi shu rtsa bzhi ni//gsung gi dkyil 'khor thig sogs dang / /mda' yab rnams kyis bsgribs pa'o/ /cha chung drag po der spangs nas/ /thig ni zur gnyis bar du ste/ /slar yang cha chung nyi ma ni/ /spangs nas lha rnams de bzhin no/ /snam bu 'di de nyid la ni/ /pad+ma yang ni bcu gnyis te//de rnams cha chung bcu gnyis pa'o/ /de las yang ni cha chung gi /dbus kyi cha yi lte ba ste/ /de yi g.yas dang g.yas min du/ /'dab ma rnams ni bzhi bya zhing / /de yi g.yas dang g.yon dag tu/ /'dab ma rnams ni brgyad du bya/ /de yang g.yas dang g.yon rnams su//'dab ma rnams ni bcu drug 'gyur/ /de yang rim pa gsum pa ste/ /rim pa gsum du gyur pas kyang / /'dab ma nyi shu rtsa brgyad do/ /lha yi snam bu'i thig las ni/ /phyi rol du yang rtsa ba'i thig /cha chung bar nas sbyin bya ste/ /zur gyi thig gi bar du'o//sgo dang rta babs dag gi tshad/ /sngar brjod ji bzhin 'dir yang ste/ /'on kyang gsung gi dkyil 'khor tshad/ /nyis 'gyur dag gis rab gzhal bya/ /chu yi khor yug phyed du yang / /rta babs kyis kyang khyab pa'o/ /gsung gi dkyil 'khor rta babs las/ /phyi rol sku yi dkyil 'khor gyi//sgo yi dbus su shing rta ni/ /cha chung bcu gnyis pa rnams bya/ /sa yi khor yug la yang ni/ /cha chung dag ni bcu gnyis bya/ /de yi phyi nas chu yi ni/ /khor yug cha chung nyer bzhi ste/ /de phyir me yi khor yug la/ /slar yang cha chung nyer bzhi'o//de nas rlung gi khor yug la/ /cha chung nyi shu rtsa bzhir 'gyur/ /de las phyi rol nam mkha' yi/ /khor yug cha chung bcu gnyis so/ /sa sogs khor yug drug po yi/ /dang por zlum po rab tu sbyin/ /'od phreng mthar yang zlum po ste/ /zlum po bdun du 'gyur ba yin/ / thugs kyi rdo rje'i dkyil 'khor te/ /dkyil 'khor gsum gyi bdag nyid mchog /'di yi thig skud khru brgyad de/ /'dzin ma'i zlum po ji srid du'o/ /zhes pa ni phyogs gcig go/ /gang gi tshe 'dir thugs kyi dkyil 'khor gyi sgo'i tshad dang gsung gi dkyil 'khor gyi sgo'i tshad bsdoms nas sgo cha chung bco brgyad du yongs su brtags te de'i drug cha la cha chung gi tha snyad byed pa de'i tshe cha chung des gtso bo'i pad+ma'i lte ba la sogs pa nas 'od kyi khor yug gi mthar thug par cha chung gi grangs bya'o//de'i tshe ni thugs rdo rje gtso bo ste dkyil 'khor gsum gyi bdag nyid kyi dkyil 'khor la khru bcu gnyis dang /de'i nyis 'gyur gyi thig skud khru nyi shu rtsa bzhi ni sa'i khor yug gi dang po ji srid du'o/ /zhes pa phyogs gnyis pa'o/ /gang gi tshe bcom ldan 'das thugs rdo rje gsung rdo rje'i gnas su gyur na gsung rdo rje ni gtso bo ste/ de las gzhan pa'i lha la sogs pa dgod pa ni phyogs dang po bzhin no//gang gi tshe yang dbus kyi dkyil 'khor khru bzhi pa dang de'i nyis 'gyur gnyis pa dang / de'i nyis 'gyur gsum ba yin pa de'i tshe khru bcu drug gi dkyil 'khor gsum gyi bdag nyid gsung gi dkyil 'khor dang / de'i nyis 'gyur gyi thig skud khru sum cu so gnyis ni sa'i khor yug gi dang po ji srid du'o zhes pa phyogs gsum pa'o//gang gi tshe dang por brjod pa'i thugs kyi dkyil 'khor gyi sgo'i tshad dang por brjod pa'i sku'i dkyil 'khor gyi sgo'i tshad bsdoms nas sgo cha chung sum cur yongs su brtags te de'i drug cha la cha chung du tha snyad byed pa de'i tshe cha chung nges gtso po'i pad+ma'i lte ba la sogs pa nas 'od kyi khor yug gi mthar thug par cha chung gi grangs bya zhing /bcom ldan 'das thugs rdo rje yang sku rdo rje'i gnas su bya'o/ /sku rdo rje ni gtso bo ste de las gzhan pa'i lha la sogs pa dgod pa ni phyogs dang po bzhin no/ /de'i tshe sku rdo rje ni gtso po'i dkyil 'khor gsum gyi bdag nyid kyi dkyil 'khor la khru nyi shu dang de'i nyis 'gyur gyi thig skud khru bzhi bcu ni sa'i khor yug gi dang po ji srid du'o zhes pa phyogs bzhi pa'o//de ltar yang dri ma med pa'i 'od las thig skud khru brgyad pa zhes pa ni rtsa ba la khru brgyad ces bya ba ste/dkyil 'khor gyi ni nyis 'gyur ro/ /zhes rnam par bkral nas de la dang po'i sangs rgyas su thugs kyi dkyil 'khor la khru bcu gnyis bya zhing / de nyis 'gyur gyi thig skud ni khru nyi shu rtsa bzhi'o/ /de bzhin du gsung gi dkyil 'khor la khru bcu drug go/ /sku'i dkyil 'khor la khru nyi shu'o zhes pa ni des pa ste thig skud ni de'i nyis 'gyur ro zhes gsungs so//dbang gi don du ni dbus kyi dkyil 'khor tsam yang bskor bar rjes su gnang ste/ ji skad du/ dbang gi don du dkyil 'khor ram ni rigs kyi dbang gis phyi yi 'khor los rab tu dman par 'gyur/ /zhes gsungs so//gang yang khams gsum rnam par rgyal ba'i rgyud las/ sgo 'khor lo'i dgu cha dang / dkyil 'khor chen po bkod pa'i rgyud las/ sgo 'khor lo'i bcu char gsungs pa de dag ni/ slob dpon rnams da lta tha snyad mi mdzad mod/ bdag gis ni yongs su byas so/ /dkyil 'khor gyi chad rnams kyang rab tu grags pa brjod kyi 'di tsam kho na ni ma yin no//de ltar yang bcom ldan 'das kyis/ 'dzam bu'i gling gi dbang phyug gam/ /'khor los sgyur ba'i rgyal po yis/ /phyi rol dkyil 'khor bri bya ste/ /kun nas dpag tshad rab tu'o/ /gdul bya'i skye bo'i bsam pa la//mkhas pas mnyam par bltas nas ni/ /'dod pas tshad ni byas pa la/ /nyes pa cung zad yod ma yin/ /rang gi 'dod pas dkyil 'khor kun/ /lag pa'i mthil du bris byas nas/ /bstan bcos las gsungs don byed de/ /sa stengs sogs su smos ci dgos//zhes gsungs so/ /dpag tu med pa'i dbye bas tha dad pa'i dkyil 'khor rnams ji tsam zhig mngon par brjod par bya bar nus/ gang gi phyir bcom ldan 'das kyis bka' stsal pa/ dkyil 'khor ji lta de bzhin du/ /rab tu brtags pa su yis nus/ /rang gi lha yi rnal 'byor gyis//dkyil 'khor brtag pa 'grub pa yin/ /zhes pa dkyil 'khor la thig gdab pa'i cho ga'o// //de nas gtor ma byin la/ baM laM raM yaM haM rnams kyi sa bon las grub pa'i dkar po dang ser po dang dmar po dang ljang gu dang nag po'i tshon rnams rim pa ji lta ba bzhin du zla ba chu shel dang /karke Ta Na dang / pad+ma rA ga dang / in+d+ra nI la las byung ba rnams sam yang na mu tig dang gser dang byi ru dang bsres pa mu men las byung ba rnams sam/ bsres pa ni 'dir mu tig la sogs pa bzhi po rnams so/ /yang na khams las byung ba 'am/ 'bras las byung ba 'am/me tog las byung ba 'am/ ji ltar rigs par sol ba dang so phag dang rus pa'i phye ma la sogs pas kyang rung / legs par 'dus byas pa'i bzung bo rnams b+h+rUM aM hrIM khaM hUM rnams las grub pa'i rnam par snad mdzad la sogs pa'i ngo bor bsams nas/ nam mkha' la bkod pa'i de bzhin gshegs pa thams cad thugs kar b+h+rUM la sogs pa las grub pa'i ye shes kyi tshon rnams thig skud 'du bya bar brjod pa'i 'bar ba'i lta stangs kyis bkug ste bcugs bas ye shes kyi tshon dang lhan cig ro gcig tu gyur pa rnams la b+h+rUM zhes pa la sogs pas mngon par bsngags shing /oM badzra tsi tra sa ma ya hUM zhes pa'i sngags kyis brgya rtsa brgyad du bsngags so/ /de bzhin du 'bar ba'i lta bas yang dag par gzi brjid bskyed cing / re re la hIH yig bkod nas/ bden pa gang gis sems can rnams rdul tshon mang zhing sangs rgyas bcom ldan 'das rnams ni sems can rnams la chags pas rjes su chags par gyur pa'i bden pa des rdul tshon rnams 'bar bar gyur cig /ces bden pa'i byin gyi rlabs kyis sbar bar bya ste/ lha sgom pa phul du byung ba las ni 'bar bar 'gyur ro/ /dri dang me tog la sogs pas mchod nas snod gsar par gzhag par bya'o zhes pa rdul tshon gyi bzlas pa'i cho ga'o// //de nas dkyil 'khor gyi lte bar gnas pa'i phur bu dkyil 'khor ji lta bar 'chad par 'gyur pa'i la// thams cad pa'i sngags kyis bton nas rang gi lag pa'i rdo rje la bstim ste phur bu'i khung bu rin po che lnga dang tshon sna lngas bkang bas mnyam por byas la/dril bu'i sgra dang rdo rje'i glus mtshan ma ngan pa bsal bar bya'o/ /chos dbyings 'di ni dag pa ste/ /sems can khams ni rab grol mdzad/ /rang nyid rgyal po rdo rje 'chang / /de bzhin gshegs pa kun gyi gnas/ /nyes pa kun las rnam grol ba'i//'khor lo'i nang du yang dag zhugs/ /sems can kun gyi don gyi phyir/ /dkyil 'khor bdag gis bri bar bya/ /zhes pa chos kyi dbyings rnam par dag par mos la/ lag pa g.yas pa rdo rje mtshan zhing g.yon pa'i khu tshur gyis oM badzra raM ga sa na ya/ oM AH hUM zhes pa'am/ oM badzra tsi tra sa ma ya hUM zhes brjod cing dkyil 'khor gyi nang du shar du phyogs par 'dug pas dbang ldan gyi mtshams nas brtsams te g.yas skor du tshon dgye bar bya'o/ /phyi nas ji lta ba bzhin du sgo'i slob dpon la sogs pa gzhan gyis kyang ngo / /sboms su sgo yi nyi shu cha'i//re khA yang dag drang bya ste/ /mnyam zhing drang po ma chad pa/ /ji ltar rigs pa'o phan tshun gyi/ /bar gyi tshad ni nas tsam la/ /'og dang steng ni ci mdzes bya/ /sbom por bkye na nad 'byung ste/ /phra mo yi ni nor rnams nyams/ /yon po yis ni rnam par sdang / / chad na bla ma slob ma 'chi/ /g.yas skor min par bkye na ni/ /tshon rnams phur bus btab par 'gyur/ /phur bus btab pa ni dngos grub kyi rgyu ma yin pa ste/ phan tshun 'dres pas ni rigs 'chad par 'gyur ro/ /nyes pa zhi bar bya ba'i phyir bcom ldan 'das kyis gsungs pa/de nyid med pa'i bsam sbyor las/ /gang zhig tshon bkye'i nyes pa ste/ /bzang po de nyid bsam sbyor las/ /sus kyang bar chad bya mi nus/ /dkyil 'khor ji lta ba de bzhin/ /ji srid du ni de nyid brtag /ces so/ /tshon gyi re khA rnams kyang rin po che dkar po la sogs pa'i rang bzhin gyi thur ma la sogs pa'i ngo bor lhag par mos par bya'o//'jug pa dang 'byung ba la thig dang tshon la 'goms pa'i sdig pas 'jigs pa'i phyir rdo rje shugs kyi ye shes kyi tshon gyi re khA yid kyis nam mkha' la bteg la/ oM badzra be gA kra ma hUM zhes bzla zhing / rtsa ba'i thig gi nang du dkyil 'khor bri ba'i phyir 'jug pa dang 'byung bar bya'o//de la dang por lha thams cad kyi dkyil 'khor la phyi dang nang gi dkyil 'khor gyi spyi'i kha dog gi rim pa brjod par bya'o/ /shar dang lho dang nub dang byang gi phyogs kyi de bzhin gshegs pa dang dbus kyi gtso bo'i kha dog gi rim pa ji lta ba bzhin du phyi'i re khA nas brtsams te/nang gi re khA'i bar du tshon sna nga'i rtsig pa'i re khA rnams kyi kha dog go/ /phyogs dang dbus su lha gzhan 'god pa na rgyas 'debs kyi de bzhin gshegs pa'i kha dog gi rim pa'o/ /bsgom bya'i dkyil 'khor la rtsig pa lnga po 'di dag rin po che kha dog lnga las grub cing bar ni nas tsam mo zhes pa kha cig go//rtsig pa 'di ni gcig nyid rim gyis steng nas steng du kha dog lnga'i rin po che las byas pa'o zhes pa ni gzhan dag go/ /'dir 'dod pa dang po la rin po che'i snam bu'i sa gzhi dmar po dang dra ba dang dra ba phyed pa'i sa gzhi nag po'o//'dod pa gnyis pa la ni dang po'i kha dog gi rin po che'i rang bzhin gyi cha nyid rnam par bkra ba'i rin po che'i snam bu ste/ yang na de la kha dog gzhan gyis rin po che las grub pa bkod pa ni rin po che'i snam bu'o/ /lnga pa'i kha dog gi rin po che'i rang bzhin gyi cha nyid sna tshogs pa'i dra ba dang dra ba phyed pa'i snam bu'am yang na de la kha dog gzhan gyi rin po che las grub pa bkod pa ni dra ba dang dra ba phyed pa'i snam bu'o//phyogs gzhan brjod pa ni de'i steng du rin po che'i snam bu do shal gyi snam bu'o/ /'dod pa gnyis ka la yang stegs bu ni shel lam gser gyi rang bzhin nam pad+ma rA gA'i rang bzhin nam/rin po che gzhan yang rung ste ji ltar mdzes pa'o/ /rin po che'i shar bu dang mda' yab rnams ni dkar po'o/ /rin po che'i shar bu dang mda' yab dang dar dpyangs kyi bar gyis gzhi ni sngon po ste/ nam mkha'i ngo bo yin pa'i phyir ro//de nyid kyi phyir bar gyi snam bu la mun pa'i snam bu zhes brjod do/ /gdung ni ji ltar mdzes pa'i rin po che las byas pa ste/ rnam pa sna tshogs pa'i rin po che'i pa tra 'phro ba la sogs pas brgyan pa'o/ /rta babs kyi ka ba rnams ni rang rang gi phyogs kyi de bzhin gshegs pa'i kha dog go//kyog po'i nang gi bla re'i 'og gi yang de rang gi de bzhin gshegs pa'i kha dog gi 'od kyis spras pa'i nam mkha'i rang bzhin no/ /rta rmig dang ba ran gyi kha dog ni ji ltar mdzes pa ste chu srin gyi snam bu yang ngo / /'khor lo rnams ni gser gyi kha dog ste rin po che gzhan las kyang byas pa'o zhes kha cig go//ri dgas dang ri dgas mo ni gser gyi rang bzhin la rin po che gzhan gyis spras pa'o/ /sna tshogs rdo rje'i lte ba ni nag po ste/ kha cig tu ni gtso bo'i de bzhin gshegs pa'i mdog go/ /ra dbus ma rnams ni rang rang gi phyogs kyi de bzhin gshegs pa'i kha dog ste de las gzhan pa rnams ni de dag gi ngos kyi de bzhin gshegs pa'i kha dog go//ra lnga pa las ni de las gzhan pa'i phyogs dang dbus kyi de bzhin gshegs pa'i mdog ste ji ltar rigs par ro/ /phyogs gcig gi ra thams cad kyang rang gi phyogs kyi de bzhin gshegs pa'i mdog go zhes pa kha cig ste/'khor lo'i dbang po zhal bzhi pa nyid la rang rang gi phyogs kyi zhal gyi mdog go zhes pa ni phyogs gzhan no/ /bum pa bzang po rnams ni gser las byas pa'o/ /dpag bsam gyi shing rnams ni de las gzhan pa'i shing lta bu'o/ /pad+ma'i lte ba ni ljang gu ste ge sar ni ser po yin la 'dab ma rnams ni sna tshogs pa'i mdog go//de'i sa gzhi ni dmar po shas che ba'i dkar po ste chos 'byung gi cha'i re khA ni dkar po'o/ /khor yug gi phyogs la yang shel nyid yin na re khA dkar po'am gser gyi mdog yin na ser po'o/ /rdo rje rnams dang de'i re khA yang nag po ste gzhan du dkar po'am ser po zhes gsungs so//rdo rje'i sa gzhi'i mdog ni ji ltar mdzes pa ste/ bsgom bya'i dkyil 'khor la 'og rlung gi dkyil 'khor gyi mtha' nas steng du yang 'og min gyi mtha' ji srid par rdo rje'i rab gnas pa'i phyir dang / rlung la sogs pa rnams kyang ji ltar rigs par kha dog sna tshogs pa yin pa'i phyir ro//'od zer rnams ni kha dog lnga pa ste 'phro ba'i tshul lo/ /'jam pa'i rdo rje'i ni/ rdzogs sangs ye shes sku yin phyir/ /ngag dbang rdo rje'i rigs su brjod/ /chos sku'i bdag nyid legs dag pa/ /'di ni thugs kyi dkyil 'khor ro//zhes bya ba'i rigs pas/ dkar po ser po de bzhin dmar/ /ljang gu dang ni nag po nyid/ /rtsig pa yi ni tshon yin no/ /zhes gsungs so/ /gang gi tshe/ chos rnams rang bzhin gyis ni dkar/ /des na ngag dbang 'di dkar nyid/ /ces gsungs pas/ gsung rdo rje dkar po gtso bor gyur pa de'i tshe ni/dkar po dang ser po dang nag po dang ljang gu dang dkar po'i tshon gyi re khA'o/ /kha sbyor du gsungs pa'i rdo rje sems dpa' dkar po yin na'ang mi bskyod pa dang lhan cig ro gcig pa nyid du bstan pa'i phyir nang gi rtsig pa nag po nyid do/ /gzhan du ni dkar po kho na yin te/ji ltar gsung rdo rje gtso bor gyur pas kha cig tu dkar po nyid du 'gyur ro zhes so/ /rtsa ba'i thig gi nang gi dkyil 'khor du yang zur thig gnyis gnyis kyis yongs su bcad pa'i phyogs bzhi'i sa gzhi rnams rang rang gi phyogs kyi de bzhin gshegs pa'i kha dog go/ / bsgom bya'i dkyil 'khor gyi phyogs bzhi'i thog rnams kyang de bzhin no/ /ka ba rnams kyang de bzhin te rang rang gi re mig ni de bzhin gshegs pa'i mtshan ma'i phreng bas mtshan pa'o/ /gtso bo'i sa gzhi ni gtso bo'i mdog go/ /sna tshogs pad+ma'i 'dab ma ni/ /bden bral ljang gu dbang ldan gnag /me dang rlung ni ser po ste/ /phyogs rnams kyi ni dmar po'o/ /gtso bo'i snam bu la ni gtso bo'i mtshan ma'i phreng ba ste re khA gzhan gyi legs pa'i yon tan dang kha dog ni ji ltar mdzes pa'o/ /dpal ldan bde mchog gi dkyil 'khor la ni thugs kyi 'khor lo nag po'o//de'i rtsibs kyi bar rnams ni dmar po ste gsung gi 'khor lo'i lte ba yin pa'i phyir ro/ /gsung gi 'khor lo ni dmar po'o/ /de'i rtsibs kyi bar rnams ni dkar po ste/ sku'i 'khor lo'i lte ba yin pa'i phyir ro/ /sku'i 'khor lo ni dkar po'o/ /de'i rtsibs kyi bar rnams ni shar la sogs pa'i phyogs su rnam par snang mdzad la sogs pa'i de bzhin gshegs pa'i kha dog go//mu khyud gsum ni go rims ji lta ba bzhin du rdo rje nag po dang / pad+ma dmar po dang 'khor lo dkar po'i phreng ba rnams kyis bskor ba'o/ /de'i phyi rol nas brtsams te nang gi bar du ljang gu dang dkar po dang dmar po dang ser po dang nag po'i kha dog gi re khA lnga'o//shar dang byang dang nub dang lho dang dbus kyis gzhi dang thog rnams kyang dkar po dang ljang gu dang dmar po dang ser po dang nag po'i kha dog go/ /gzhan dag ni re khA lnga dang sa gzhi dang thog rnams nag po dang ljang gu dang dmar po dang ser po dang dkar po dang bsres pa'i sngon po'i mdog go zhes zer ro//de ltar snga ma dang phyi mar kha dog gi rim pa yongs su bsams nas rdul tshon dgye bar bya'o/ /de la skal bar mi ldan pa 'dus pa na mtshan ma dang phyag rgya nyid ji ltar rigs par bri bar bya'o/ /skal ba dang ldan pa 'dus pa na ni lha'i sku bri bar bya zhing /bris sku'am lugs ma'am 'bur du btod pa'am legs par 'dus pa byas pa gzhag par bya'o/ /da ltar yang klu'i blo'i zhabs kyis/ ji ltar nus pas dkyil 'khor du/ /sa bon dgod bya yang na ni/ /mtshan ma'am lha yi gzugs nyid de/ /lugs ma'am 'bur ma bzhag par bya//zhes gsungs so/ /phyag rgya bri bar ni mngon par brjod pa bla ma'i rgyud las gsungs so/ /mi nus na ni bris pa'i phyag rgya'am mtshan ma gzhag par bya ste/ tshon nam yang na pir rnams kyis/ /bris pa rnams kyis rnam par spras/ /zhes so/ /de'i phyir 'jam pa'i rdo rje'i dkyil 'khor la ni lte bar zla ba la bcom ldan 'das 'jam pa'i rdo rje'i ral gri sngo bsangs so//shar du zla ba la rnam par snang mdzad kyi 'khor lo dkar po rtsibs brgyad pa'o/ /lhor nyi ma la rin chen 'byung ldan gyi rin po che ljang gu cha dgu pa'o/ /nub tu nyi ma la 'od dpag med kyi pad+ma dmar po 'dab ma brgyad pa'o//byang du nyi ma la don yod grub pa'i ral gri ljang gu'o/ /mer zla ba la spyan ma'i mig 'bras nag po can gyi mig dkar po gnyis sprin la gnas pa'o/ /bden bral du zla ba la mA ma kI'i rdo rje nag po rtse lnga pa ste rgyud du de ltar gsungs pa'i phyir ro//rlung du zla ba la gos dkar mo'i pad+ma dmar po kha bye zhing yu ba rtsa ba dang bcas pa'o/ /dbang ldan du zla ba la sgrol ma'i ut+pal kha dog sngo ser ro/ /me la sogs pa'i zur bzhi dang shar sgo'i g.yon dang g.yas su cha chung gnyis spangs pa'i 'gram dag tu zla ba rnams la rim pa ji lta ba bzhin du gzugs dang sgra dang dri dang ro dang reg bya dang chos kyi dbyings kyi rdo rje ma rnams kyi me long dkar po dang dri za'i pi wang sngon po dang /dri ser po'i dung dang ro'i snod dmar po dang / sna tshogs pa'i gos dang chos 'byung dkar po rnams so/ /shar la sogs pa'i sgor nyi ma rnams la gshin rje mthar byed dang /shes rab mthar byed dang / pad+ma mthar byed dang / bgegs mthar byed rnams kyi go rims ji lta ba bzhin du rdo rje'i tho ba nag po dang rdo rjes mtshan pa'i dbyug pa dkar po dang pad+ma dmar po dang rdo rje kha gyes pa sngon po'o/ /'dir zla ba dang nyi ma bcu dgu ni sna tshogs pad+ma la gnas pa'o//mtshan ma thams cad ni 'od zer dang bcas pa rang rang gi phyogs su mgo bstan nas gnas te/ 'khor lo'i dbang phyug gi ni nub tu mgo bstan pa'o/ /de ltar phyi ma rnams su yang ngo / /rdo rje sems dpa' 'khor lo'i dbang phyug nyid la ni/ dbus su chu skyes dang zla ba la zhi ba'i rdo rje sngon po'o//kha cig ni sna tshogs rdo rje'o zhes so/ /dbus kyi 'od zer gyi thig zlum po la tshon gyi re khA mi bya'o zhes pa man ngag go/ /zlum po'i thig gi phyi rol du tshangs thig gi ngos so sor cha chung bzhi spangs nas bum pa cha chung bzhi pa ste bdud rtsis gang ba'i gser gyi bum pa brgyad do zhes phyogs gcig gi ste/gzhan dag ni rin po che'i rang bzhin rang rang gi phyogs kyi de bzhin gshegs pa'i kha dog go zhes pa'o/ /'di dang phyi ma rnams la yang dbus su de bzhin gshegs pa gzhan gyi mtshan ma 'god nas de'i gnas su dbus kyi mtshan ma bri bar bya'o//bsdus pa'i rim par gsungs pa'i dkyil 'khor la dbus su nyi ma la mi bskyod pa'i rdo rje rtse lnga pa kha gyes pa in+d+ra nI la lta bu dang / reg bya rdo rje ma'i sna tshogs pa'i gos so/ /rnam par snang mdzad la sogs pa'i rim pa dang gnyis par gnas pa bcu gnyis po rnams kyi mtshan ma rnams ni snga ma bzhin no//rim pa gsum par sgo'i 'gram gyi snam bu la tshangs pa'i thig las cha chung bzhi spangs par g.yon du byams pa'i klu shing me tog 'khor lo dang bcas pa dang / g.yas su sa'i snying po'i 'khor lo dkar po rtsibs brgyad pa'o/ /lhor de bzhin du phyag na rdo rje dang nam mkha'i snying po'i rdo rje dang cha dgu pa'i rin po che mar ka ta'o//nub tu 'jig rten dbang phyug dang 'jam pa'i dbyangs kyi pad+ma dmar po dang ral gri'o/ /byang du de bzhin du sgrib pa rnam par sel ba dang kun du bzang po'i ral gri dang rdo rje'o/ /shar la sogs pa'i sgo rnams su rim pa ji lta ba bzhin du gshin rje gshed la sogs pa rnams kyi rdo rje tho ba dang rdo rje mtshan pa'i dbyug pa dkar po dang pad+ma dmar po dang sna tshogs rdo rje'o//me la sogs pa'i zur rnams su mi g.yo ba dang 'dod pa'i rgyal po dang dbyug pa sngon po dang stobs po che rnams kyi ral gri dang rdo rje dang rdo rjes mtshan pa'i dbyug pa sngon po dang rdo rjes mtshan pa'i dbyug pa nag po'o//gtsug tor 'khor los sgyur ba'i rdo rje sngon po ni gshin rje gshed kyi mtshan ma'i phyi ngos su ste/ gzhan dag ni 'khor lo ser po'o zhes so/ /gnod mdzes kyi rdo rje ni pad+ma mthar byed kyi mtshan ma'i phyi ngos su'o//byams pa la sogs pa brgyad kyi mtshan ma ni zla ba la gnas pa ste/ gshin rje gshed la sogs pa bcu'i mtshan ma ni nyi ma la gnas pa'o/ /'dir nyi ma dang zla ba sum cu rtsa gcig ni sna tshogs pad+ma la gnas pa ste bum pa bri ba ni snga ma bzhin no/ /kha sbyor du gsungs pa'i rdo rje sems dpa'i dkyil 'khor la dbus su zla ba sems dpa'i rdo rje rtse lnga pa sngon po'o//shar du zla ba la rnam par snang mdzad kyi dkyil 'khor lo dang / lhor nyi ma la rin chen dbang po'i rin po che dang / nub tu nyi ma la snang ba mtha' yas kyi mda' dang / byang du nyi ma la don yod grub pa'i sna tshogs rdo rje'o//spyan ma'i sprin la gnas pa'i mig dang / mA ma kI'i mda' dang gos dkar mo'i mda' dang sgrol ma'i ut+pal dmar po'o/ /rim pa gnyis pa la shar phyogs su drag mo'i mda' dang / bden bral du sgra rdo rje ma'i sha k+ti dang / rlung du sa rdo rje ma'i bum pa dkar ljang ngo //rim pa gsum pa la shar phyogs su bzhad ma'i rdo rje dang / lhor sgeg mo'i rdo rje dang / nub tu glu ma'i 'khar rnga dang / byang du gar ma'i rdo rje rtse gsum pa ljang gu dang / dbang ldan du gling bu ma'i gling bu dang / mer pi wa nga ma'i pi wang dang / bden bral du rnga zlum ma'i rnga zlum dang /rlung du rdza rnga ma'i rdza rnga'o/ phyi'i snam bu la mer me tog ma'i me tog gi phreng ba dang / bden bral du bdug spos ma'i smos med dang / rlung du mar me ma'i mar me'i mchod sdong dang / dbang ldan du dri ma'i dri'i dud chos dang / shar du me long ma'i me long dang / lhor ro ma'i ro'i snod dang / nub tu reg bya ma'i gos sna tshogs dang / byang du chos ma'i chos 'byung dkar po'o/ /shar la sogs pa'i sgo rnams su rim pa ji lta ba bzhin du rdo rje lcags kyu ma dang / rdo rje zhags pa ma dang / rdo rje lcags sgrog ma dang / rdo rje dril bu ma rnams kyi rdo rje lcags kyu dang /rdo rje zhags pa dang / rdo rje phreng ba'i bdag nyid kyi rdo rje lcags sgrog dang rdo rje dril bu rnams te nyi ma la gnas pa'o/ /'dir brjod pa'i nyi ma'i gdan la gnas pa'i mtshan ma bdun las gzhan pa'i mtshan ma rnams ni zla ba'i gdan la gnas pa ste/ nyi ma dang zla ba sum cu rtsa bdun po 'di rnams ni sna tshogs pad+ma'i steng du thod pa rnams la gnas pa'o//bum pa bri ba ni snga ma bzhin te thig zlum po drug pa las phyi rol du'o zhes pa ni khyad par ro/ /ye shes mkha' 'gro ma'i dkyil 'khor la dbus dang shar dang byang dang nub dang lho rnams su rim pa ji lta ba bzhin du ye shes mkha' 'gro ma dang rdo rje mkha' 'gro ma dang mi bzad mkha' 'gro ma dang ro langs ma dang gtum mo rdo rjes mtshan pa'i kha T+wAM ga rnams so//dbang ldan dang me dang bden bral dang rlung rnams su seng ge mo dang stag mo dang ce spyang mo dang 'ug pa mo rnams kyi rdo rje lcags kyu rnams so//shar dang byang dang nub dang lho'i sgo rnams su/ rgyal dbang mo dang gsal byed mo dang 'jib byed mo dang 'dar byed mo rnams kyi rim pa ji lta ba bzhin du/ lag pa gnyis snyim pa phye ba dang snyim pa khrag gis bkang ba dang rdo rje thal mo las mthe bo'i rtse mo gnyis dang mdzub mo'i rtse mo gnyis sbyar ba'o//'dir mtshan ma dang phyag rgya rnams ni sna tshogs pad+ma dang nyi ma la gnas pa'o/ /bsgom bya'i dkyil 'khor la ye shes mkha' 'gro ma la sogs pa'i sna tshogs pad+ma rnams ni go rims ji lta ba bzhin du/ seng ge lnga dang so ldan dkar po dang rin po che sna bdun gyi phung po dang ma he dang gdengs can gyi dbang po brgyad kyi mjug ma dang ro bzhi la gnas pa ste/so so'i rdul tshon gyi dkyil 'khor du ni skal ba dang mi ldan pa 'dus pa na bri bar mi bya'o/ /gzhan du ni ngal bas 'jigs pa'i phyir dang sbyin bdag bsdus pa la dga' bas so/ /skal ba ldan pa rab tu dang bar bya ba'i don dang sbyin bdag gi dbang las ni bri bar bya'o//de bzhin du phyi ma rnams la yang ji ltar 'byung bar bri ba dang mi bri bar rig par bya'o/ /phyi ngos kyi thig zlum po'i phyi rol du bum pa bri'o/ /bcu bdun gyi bdag nyid kye'i rdo rje gsum gyi dkyil 'khor la sna tshogs chu skyes kyi lte bar khro bo'i rdo rje sngon po'o//shar dang lho la sogs pa dang byang dang me la sogs pa'i 'dab ma rnams la rim pa ji lta ba bzhin du rdo rje drag mo dang rdo rje gzugs ma dang rdo rje 'dod chags ma dang rdo rje zhi ba mo dang rdo rje gnod sbyin mo dang rdo rje mkha' 'gro ma dang sgra rdo rje ma dang sa rdo rje ma rnams kyi/gling bu dang pi wang dang rnga zlum dang rdza rnga rnams so/ /shar la sogs pa'i sgo rnams su rdo rje lcags kyu ma dang rdo rje zhags pa ma dang / rdo rje lcags sgrog ma dang rdo rje dril bu ma rnams kyi rdo rje lcags kyu dang rdo rje zhags pa dang rdo rje lcags sgrog dang rdo rje dril bu rnams so/ / mtshan ma bcu bdun po 'di rnams ni thod pa dang nyi ma la gnas pa ste/ gling bu ma la sogs pa brgyad kyi ni thod pa'i 'og tu sna tshogs pa d+ma'o/ /phyag gnyis pa dang phyag bzhi pa la ni thod pa med do/ /phyag bcu drug pa'i dkyil 'khor la sna tshogs pad+ma'i lte bar khro bo'i rdo rje sngon po'o//shar la sogs pa dang dbang ldan la sogs pa'i 'dab ma rnams la go rims ji lta ba bzhin du gau rI dang tsau rI dang ro langs ma dang g+hasma rI dang puk+ka sI dang ri khrod ma dang gtum mo dang rab tu rmongs byed ma rnams kyi rdo rje dang thod pa khrag dang bcas pa la gnas pa'i rus sbal dang / tshil gyis gang ba'i thod pa la gnas pa'i sbrul dang shas gang ba'i thod pa la gnas pa'i seng ge dang khu ba dang bcas pa'i thod pa la gnas pa'i dge slong dang khrag dang bcas pa'i thod pa la gnas pa'i stag dang chang gi snod rnams so/ /rim pa gnyis pa'i zur rnams su gling bu ma la sogs pa'i mtshan ma rnams ni snga ma bzhin no//shar la sogs pa'i sgo rnams su rta gdong ma dang phag gdong ma dang khyi gdong ma dang seng ge mo rnams kyi rdo rje lcags kyu dang rdo rje zhags pa dang rdo rje lcags sgrog dang rdo rje dril bu rnams so/ /mtshan ma bcu bdun po 'di rnams ni nyi ma la gnas pa ste/ gling bum la sogs pa brgyad kyi ni nyi ma'i 'og tu sna tshogs pad+ma rnams so//dbus kyi 'od zer gyi phyi rol du bum pa rnams ni snga ma bzhin no/ /bdag med ma'i dkyil 'khor la sna tshogs pad+ma'i lte ba dang shar la sogs pa'i 'dab ma rnams la go rims ji lta ba bzhin du bdag med ma dang rdo rje ma dang dkar mo dang chu ma dang rdo rje mkha' 'gro ma rnams dang /rim pa gnyis par phyag bcu drug pa'i dkyil 'khor du brjod pa'i dkar mo la sogs pa rnams kyi rdo rje'o/ /gling bu ma la sogs pa'i mtshan ma ni snga ma bzhin te/ rta gdong ma la sogs pa'i gri gug rnams so/ /rta gdong ma'i phyi ngos su mkha' spyod ma'i rdo rje ste khyi gdong ma la sogs pa'i phyi ngos su sa spyod ma'i rdo rje'o//'dir gri gug bzhi ni nyi ma la gnas pa ste mtshan ma gzhan ni zla ba dang nyi ma ni sna tshogs pad+ma la gnas pa'o/ /gling bu ma la sogs pa brgyad med pa na lhag ma lha mo bco lnga po rnams kyi ni zla ba la gri gug rnams so//dkar mo'i phyi ngos su mkha' spyod ma'i mtshan ma ste ro langs ma'i phyi ngos su sa spyod ma'i'o/ /de bzhin du ku ru ku l+le'i dkyil 'khor la yang yin te/ khyad par ni zla ba la yu ba dang bcas pa'i ut+pal dmar po kha 'bus pa yod pa'i mda'o/ /'dir lha mo bco lnga po rnams kyang ku ru ku l+le'i bzhin du kha dog dmar po'o//rdo rje bdud rtsi'i dkyil 'khor dang po la sna tshogs chu skyes kyi lte ba dang shar la sogs pa dag dbang ldan la sogs pa'i 'dab ma rnams la go rims ji lta ba bzhin du rdo rje bdud rtsi dang zhi ba mo dang / zhi ba mo gdong ma dang zla ldan ma dang ri bong can ma dang zla ba'i dkyil 'khor ma dang zla tshes ma dang yid 'ong ma dang yid tshim par byed pa rnams kyi rdo rje'o//khyad par ni zla tshes ma'i zla ba cha gcig go/ /rim pa gnyis pa la dbang ldan la sogs pa rnams su me tog ma dang bdug spos ma dang mar me ma dang dri chab ma rnams kyi me tog gi za ma tog dang spos phor dang mar me'i mchod sdong dang dri'i dung chos rnams so//shar la sogs pa'i snam bu la gling bu ma la sogs pa rnams kyi gling bu la sogs pa bzhi'o/ /shar la sogs pa'i sgo rnams su khro gnyer rim par ldan dang 'jigs bsdigs dang rta gzugs dang tshogs kyi gtso bo rnams kyi rdo rje lcags kyu dang rdo rje zhags pa dang rdo rje lcags sgrog dang rdo rje dril bu rnams so//mtshan ma nyi shu rtsa gcig po 'di rnams ni zla ba la gnas pa ste/ me tog ma la sogs bcu gnyis kyi zla ba'i 'og tu sna tshogs 'dam skyes rnams so/ /yang na dkyil 'khor pa thams cad la chos 'byung bri bar bya'o/ /'di nyid kho na bri bar bya'o zhes pa ni gzhan dag go//rdo rje bdud rtsi gzhan gsum gyi dkyil 'khor gyi mtshan ma ni rdo rje bdud rtsi'i rgyud du rig par bya'o/ /dgu'i bdag nyid kyi kye'i rdo rje gsum gyi dkyil 'khor la sna tshogs chu skyes kyi lte bar nyi ma la rdo rje sngon po kha gyes pa'o/ /shar la sogs pa dang dbang ldan la sogs pa'i 'dab mar zla ba rnams la go rims ji lta ba bzhin du gau rI dang chom rkun ma dang ro langs ma dang g+ha sma rI dang puk+ka sI dang ri khrod ma dang gtum mo dang g.yung mo rnams kyi gri gug dang cang te'u dang rus sbal dang sbrul dang seng ge dang dge slong dang 'khor lo dang rdo rje rnams so//phyag bcu drug pa'i nyi ma la sna tshogs rdo rjes mtshan pa'i thod pa dkar po'o zhes pa ni khyad par ro/ /de'i zlum po las phyi rol du bum pa rnams so/ /sgyu ma chen mo'i dkyil 'khor la pad+ma dmar po'i lte bar nyi ma la bcom ldan 'das sgyu ma chen mo'i ngo bo pad+ma'i snod do//shar la sogs pa'i 'dab mar zla ba rnams la g.yas skor du rdo rje mkha' 'gro ma dang rin chen mkha' 'gro ma dang pad+ma mkha' 'gro ma dang sna tshogs mkha' 'gro ma rnams kyi rdo rje dang rin po che'i snye ma dang sna tshogs chu skyes dang ral gri'o/ /sangs rgyas mkha' 'gro ma ni rdo rje sems dpa' la 'khyud nas gnas pa'i phyir de'i mtshan ma tha dad du mi dgod do//dgu'i bdag nyid sangs rgyas thod pa'i dkyil 'khor la sna tshogs chu skyes kyi lte bar nyi ma la cang te'u 'o/ /shar dang byang dang nub dang dbang ldan dang me dang bden bral dang rlung gi 'dab mar nyi ma rnams la/ sna tshogs sde ma dang 'dod ma dang sa 'og gnas ma dang legs bzang ma dang chang 'tshong ma dang 'byung mo dang phyag bzhi ma dang nam mkha' la gnas ma rnams kyi gri gug go//rdo rje hUM mdzad kyi dkyil 'khor la dbus su rdo rje hUM mdzad kyi rdo rje'o/ /shar la sogs par g.yas skor du rdo rje dbyug pa dang rdo rje me dang rdo rje gtsug tor dang rdo rje 'khyil pa rnams dang me la sogs par g.yas skor du rdo rje gnod sbyin dang rdo rje dus dang nag po chen po dang rdo rje bsdigs pa dang gtsug tor dang rdo rje sa 'og rnams kyi rdo rje tho ba dang rdo rje dbyug pa dang chu skyes dmar po dang sna tshogs rdo rje dang lcags kyu dang dgra sta dang rtse gsum dang ral gri dang 'khor lo dang rdo rje gtun shing rnams te/mtshan ma thams cad ni sna tshogs chu skyes dang nyi ma la gnas pa'o/ /yang na shar la sogs pa'i phyogs su g.yas skor du gshin rje mthar byed dang / shes rab mthar byed dang pad+ma mthar byed dang bgegs mthar byed rnams kyi rdo rje tho ba dang rdo rjes mtshan pa'i dbyug pa dang pad+ma dmar po dang sna tshogs rdo rje ste/me la sogs pa'i mtshams su mi g.yo ba dang 'dod pa'i rgyal po dang dbyug sngon can dang stobs po che rnams kyi ral gri dang rdo rje dang rdo rjes mtshan pa'i dbyug pa sngon po dang rdo rjes mtshan pa'i dbyug pa'o/ gshin rje gshed kyi mtshan ma las phyi ngos su gtsug tor 'khor lo can gyi rdo rje ste/ pad+ma mthar byed kyi mtshan ma las phyi ngos su gnod mdzes kyi rdo rje'o/ /mtshan ma bcu gcig po 'di rnams kyi sna tshogs chu skyes dang nyi ma la gnas pa'o/ /yang na bgegs dgra'i rdo rje kha gyes pa'o/ / me la sogs pa rnams su 'dod pa'i rgyal po dang dbyug sngon can dang stobs po che dang mi g.yo ba rnams kyi lcags kyu dang rdo rjes mtshan pa'i dbyug pa sngon po dang rtse gsum dang ral gri'o/ /gtsug tor can gyi 'khor lo ni ser po ste gzhan rnams ni bshad ma thag pa snga ma bzhin no/ /yang na gshin rje gshed la sogs pa bzhi po rnams kyi rdo rje lcags kyu dang rdo rje zhags pa dang rdo rje lcags sgrog dang rdo rje dril bu rnams te gzhan ni bshad ma thag pa snga ma bzhin no// //dpal bde mchog gi dkyil 'khor la sna tshogs chu skyes kyi lte bar nyi ma la gnas pa'i dpal bde mchog gi rdo rje rtse lnga pa sngon po kha gyes pa'o//phyogs bzhi'i 'dab ma la mkha' 'gro ma dang lA ma dang du ma skyes ma dang gzugs can ma rnams kyi gri gug go/ /mtshams kyi 'dab ma rnams la pad+ma'i snod rnams so/ /bum pa'i steng du'o zhes pa ni kha cig go/ /thugs kyi 'khor lo la sogs pa'i rtsibs nyi shu bzhi la rab gtum ma dang gtum mig ma dang 'od ldan ma dang /sna chen ma dang / dpa' bo'i blo can ma dang / mi'u thung ma dang / lang+ka'i dbang phyug ma dang / shing grib ma dang / sa srung ma dang / 'jigs byed chen mo dang / rlung shugs ma dang / chang 'thung ma dang / sngo bsangs lha mo dang /shin tu bzang mo dang / rta rnam dang / bya gdong ma dang / 'khor lo'i shugs can ma dang / dum skyes ma dang / chang 'tshong ma dang / 'khor lo'i go cha ma dang / shin tu dpa' mo dang / stobs chen ma dang / 'khor los sgyur ma dang / brtson 'grus chen mo rnams kyi gri gug go/ / dpa' bo rnams kyi mtshan ma ni gtso bo ma yin pa nyid kyi phyir bri bar mi bya'o/ /sgo rnams su khwa gdong ma dang 'ug gdong ma dang khyi gdong ma dang phag gdong ma rnams dang / mtshams rnams su gshin rje brtan ma dang gshin rje pho nya mo dang gshin rje mche ba ma dang gshin rje 'joms pa mo rnams kyi sna tshogs chu skyes dang nyi ma la gri gug go//'dir shar la sogs pa'i phyogs su g.yon skor dang / me la sogs pa'i mtshams su g.yas skor gyi mtshan ma dgod par bya'o/ /phyi ngos kyi zlum po'i thig las phyi rol gyi mtshams kyi char bum pa rnams bri'o/ /de las gzhan pa'i 'khor lo sdom pa dang rdo rje phag mo'i dkyil 'khor gyi mtshan ma rnams ni 'chad par 'gyur ba'i lha bsgom pa'i skabs su rig par bya'o//nyi shu rtsa lnga'i bdag nyid can sangs rgyas thod pa'i dkyil 'khor la dbus su sna tshogs pad+mar nyi ma la Ta ma ru'o/ /lha mo nyi shu rtsa bzhi'i gri gug rnams te shar la sogs pa'i phyogs rnams su g.yon skor dang /me la sogs pa'i mtshams rnams su g.yon skor gyis so/ /de la 'khor lo nag po'i rtsibs kyi steng du phyogs kyi 'dab ma rnams la legs phreng can ma dang thod pa can ma dang 'jigs ma dag mi thub ma rnams kyi'o/ / mtshams kyi 'dab ma la thod pa rnams so/ /rdo rje sngon po'i phreng ba'o/ /rim pa gnyis par rtsibs brgyad dmar po la gnas pa'i chu skyes kyi 'dab ma brgyad la phyogs rnams su mdzes pa'i ska rags can ma dang gzugs can ma dang rnam par rgyal ma dang 'dod can ma rnams kyi'o/ /mtshams rnams su dus can ma dang mtsho can mo dang byed ma dang gsod ma rnams kyi'o//de nas rdo rje dmar po'i phreng ba'o/ /rim pa gsum par rtsibs brgyad dkar po la gnas pa'i pad+ma'i 'dab ma brgyad la phyogs rnams su sgrol ma dang 'jigs mthong ma dang legs mthong ma dang thub dka' ma rnams kyi'o//mtshams rnams su dge ma dang grib gnon ma dang mtshan mo dang grags chen mo rnams kyi'o/ /de nas rdo rje dkar po'i phreng ba'o/ /sgo'i pad+ma rnams la mdzes ma dang nor 'dzin ma dang skal bzang ma dang mthong dga' ma rnams kyi'o/ /pad+ma nyi shu'i steng du nyi ma la gri gug rnams so zhes gdams so//dpal rnal 'byor nam mkha'i dkyil 'khor la gtso bo'i sna tshogs pad+ma dang zla bar rdo rje sngon po rtse lnga pa'o/ /shar dang byang dang nub dang lho'i re mig rnams su pad+ma dang nyi ma la gnas pa'i kha T+wAM ga rnams so/ /dbang ldan dang me la sogs pa'i re mig rnams su kha T+wAM ga dang lcags kyu dang dgra sta dang dbyug pa'o//shar la sogs pa'i re mig gi kha T+wAM ga rnams kyi phyi rol du rim pa ji lta ba bzhin du khar bsdus pa'i lag pa gnyis dang thal mo sbyar ba dang khrag gi snyim pa dang / gtun shing ste kha T+wAM ga la sogs pa'i mtshan ma rnams ni pad+ma dang nyi ma la gnas pa'o//'od zer gyi khor yug gi phyi rol du shar phyogs su bdud rtsi'i thod pa gsum dang byang du sgrol ma'i thod pa gsum dang nub tu gtor ma'i thod pa gsum dang lhor btung ba'i thod pa gsum mo/ /dbang ldan du bsnyems pa'i lag pa dang dri'i snod do/ /mer pi wang dang me tog gi za ma tog go/ /bden bral bral du sdigs mdzub kyi lag pa dang spos kyi snod do//rlung du thal mo dang mar me'o/ /de nas rdo rje phreng ba'i phyi rol du shar la sogs pa'i snam bu rnams la so sor bzhi bzhi dang sgo dang mtshams rnams su brgyad de kha T+wAM ga nyi shu rtsa bzhi'o/ /bdud rtsi'i thod pa la sogs pa rnams ni mtsho skyes dang nyi ma la gnas pa'o//gshin rje bshed kyi dkyil 'khor la sna tshogs rdo rje'i lte ba'i dbus su bcom ldan 'das gshin rje gshed kyi rdo rje sngon po rtse lnga pa kha gyes pa'o/ /shar dang lho la sogs pa'i ra'i rtsa ba rnams su rtag pa dang rin chen dbang po dang snang ba mtha' las dang don yod grub pa rnams kyi 'khor lo dkar po rtsibs brgyad pa dang rin po che cha dgu pa dang pad+ma dmar po 'dab ma brgyad pa dang ral gri ljang gu rnams so//sna tshogs rdo rje'i me dang bden bral la sogs pa'i zur rnams su rdo rje tsa rtsi ka dang rdo rje phag mo dang dbyangs can ma dang gau rI rnams kyi 'khor lo dang rdo rje dang pad+ma dang ral gri'o//de nas rdo rje'i phreng ba ste de nas sna tshogs rdo rje'i phyogs so sor ra lnga'o/ /shar dang lho la sogs pa'i sgo rnams su tho ba gshin rje gshed dang dbyug pa gshin rje gshed dang pad+ma gshin rje gshed dang ral gri gshin rje gshed rnams kyi rdo rje rtse mo nyi shus mtshan pa'i tho ba dang dbyug pa dkar po dang pad+ma dang ral gri'o//'dir rtag pa dang lha mo rnams kyi mtshan ma ni zla ba la gnas pa ste gzhan rnams ni nyi ma la gnas pa'o/ /nyi ma dang zla ba rnams kyi 'og tu sna tshogs pad+ma'o/ /dkyil 'khor gyi mtshams rnams su pad+ma la gnas pa'i thod pa bzhi ste ngos gzhan du ni bum pa rnams so//rdo rje sgrol ma'i dkyil 'khor la sna tshogs pad+ma'i lte bar zla ba la rdo rje rtse dgu pa gser gyi mdog can no/ /shar dang lho la sogs pa'i 'dab mar zla ba rnams la me tog sgrol ma dang bdug spos sgrol ma dang snang gsal sgrol ma dang dri'i sgrol ma rnams kyi me tog gi phreng ba dang spos phor dang snang gsal gyi kong bu dang dri'i snod rnams so//me la sogs pa'i 'dab ma rnams su rtag pa dang mi bskyod pa dang snang ba mtha' yas dang don yod grub pa rnam par dag pa'i 'khor lo dang rdo rje dang pad+ma dang ral gri rnams so/ /shar dang lho la sogs pa'i sgo rnams su rdo rje lcags kyu ma dang rdo rje zhags pa ma dang rdo rje lcags sgrog ma dang rdo rje dril bu ma rnams kyi lcags kyu la sogs pa snga ma bzhin te sna tshogs chu skyes dang nyi ma la gnas pa'o//rdo rje lcags kyu ma'i phyi ngos su gtsug tor ma'i 'khor lo ni sna tshogs pad+ma dang nyi ma la gnas pa ste/ /rdo rje lcags sgrog ma'i phyi ngos su sna tshogs chu skyes dang nyi ma la gnod mdzes ma'i sbrul zhags ni sna tshogs chu skyes dang nyi ma la'o//me la sogs pa'i zur rnams su chu skyes la spyan ma dang mA ma kI dang gos dkar mo dang sgrol ma'i rnam par dag pa'i byang sems kyi bum pa dang ri rab dang me thab dang rgyal mtshan chen mo'o//pad+ma'i phyi rol du bum pa rnams so/ /'od zer can gyi dkyil 'khor la dbus su sna tshogs pad+mar zla ba 'am nyi ma la mda' ste mtshan mo zla ba la gnas shing nyin par nyi ma la gnas pas lha mo rnam par rgyu ba'i phyir/ shar dang lho la sogs pa'i phyogs rnams su arga ma si dang marga ma si dang an+d+har+d+hA ma si dang te dzo ma si'i lha mo rnams kyi rim pa ji lta ba bzhin du khab dang skud pa dang bcas pa'i khab dang mya ngan med pa'i shing gi yal ga dang mda' rnams so//me dang srin po la sogs pa'i mtshams rnams su u da ya ma si dang gu la ma si dang na ba ma si dang tsi ba ra ma si rnams kyi go rims bzhin du arga ma si la sogs pa'i mtshan ma bzhin no//phyi'i pho brang gi snam bu'i shar du ma hA tsi wa ra ma si dang ba rA hA mu kha'i lha mo dag gi rdo rje dang lcags kyu dag go/ /lhor pa dA kra ma si dang wa ra li'i lha mo dag gi mya ngan med pa'i 'dab ma dag go//nub tu ba ra kra ma si dang ba da la'i lha mo dag gi mda' dag go/ /byang du urma si dang ba ra li'i lha mo dag gi khab dag go/ /me la sogs pa'i zur rnams su bat+tA li dan ba dA li dang ba rA li dang ba rA hA mu khi rnams kyi khab dang skud pa dang bcas pa'i khab dang mya ngan med pa'i lo ma dang mda' rnams so//shar sgor A lo'i lha mo'i lcags kyu dang / lho sgor tA lo'i lha mo'i rdo rje zhags pa dang / nub tu kA lo'i lha mo'i rdo rje lcags sgrog dang / byang du sad sa lo'i sa ma murta ri'i lha mo'i rdo rje dril bu'o/ /'dir sgo skyong ma rnams kyi mtshan ma ni pad+ma dang nyi ma la ste gzhan rnams ni pad+ma dang zla ba la'o//srung ba lnga'i dkyil 'khor la dbus su sna tshogs chu skyes kyi lte bar zla ba la so sor 'brang ma chen mo'i rin po che'i chun po'o/ /shar du sna tshogs chu skyes dang zla ba la stong chen mo rab tu 'joms ma'i 'khor lo'o/ /lhor sna tshogs chu skyes dang nyi ma la gsang sngags rjes su 'dzin ma'i rdo rje'o//nub tu sna tshogs chu skyes dang nyi ma la bsil ba'i tshal chen mo'i pad+ma'o/ /byang du sna tshogs chu skyes dang zla ba la rma bya chen mo'i rma bya'i mjug sgro'o/ /rim pa gnyis par me la sogs pa'i mtshams su nag mo dang dus ma dang nag mo'i rna ba mo dang dkar mo rnams kyi dung dang rdo rjes mtshan pa'i rgyal mtshan dang dgra sta dang rtse gsum rnams so//snam bu rnams la bum pa'o/ /shar la sogs pa'i sgo rnams su sna tshogs chu skyes dang nyi ma rnams la rdo rje lcags kyu la sogs pa'i rdo rje lcags kyu la sogs pa bzhi'o/ /rdo rje dbyings kyi dkyil 'khor la sna tshogs pad+ma'i lte bar zla ba la bcom ldan 'das rdo rje dbyings kyi rdo rje rtse lnga pa dkar po'o//lte ba'i shar la sogs pa'i phyogs kyi 'dab mar zla ba rnams la go rims ji lta ba bzhin du g.yas skor gyis sems ma rdo rje ma dang rin chen rdo rje ma dang chos kyi rdo rje ma dang las kyi rdo rje ma rnams kyi rdo rje rtse lnga pa dmar po dang rdo rje rtse lnga pa'i rtse mo can gyi rin po che dang rdo rje rtse lnga pas mtshan pa'i chu skyes 'dab brgyad dkar zhing dmar ba dang de bzhin gshegs pa lnga'i kha dog can gyi sna tshogs rdo rje'o//shar la sogs pa'i pad+ma'i lte bar zla ba'i dkyil 'khor rnams la rim pa ji lta ba bzhin du mi bskyod pa dang rin chen 'byung ldan dang 'od dpag med dang don yod grub pa rnams kyi rdo rje rtse lnga pa sngon po dang rdo rje rin po che dang rdo rje pad+ma dang sna tshogs rdo rje rnams so//mi bskyod pa'i pad+ma'i shar la sogs pa'i phyogs kyi 'dab mar zla ba rnams la rdo rje sems dpa' dang rdo rje rgyal po dang rdo rje chags pa dang rdo rje legs pa rnams kyi rim pa ji lta ba bzhin du rdo rje rtse lnga pa dang rdo rje lcags kyu dang mda' dang rdo rje'o//rin chen 'byung ldan gyi chu skyes la rdo rje rin po che dang rdo rje gzi brjid dang rdo rje rgyal mtshan dang rdo rje bzhad pa rnams kyi rdo rje rtse lnga pa sngon po gnyis kyis mtshan pa'i rin po che'i phreng ba dang nyi ma dang yid bzhin gyi nor bu'i rgyal mtshan dang so'i phreng ba dang ldan pa'i rdo rje'o//'od dpag med kyi chu skyes kyi 'dab mar rdo rje chos dang rdo rje chen po dang rdo rje rgyu dang rdo rje smra ba rnams kyi pad+ma dmar po dang ral gri dang 'khor lo rtsibs brgyad pa dang rdo rje rtse gcig pas mtshan pa'i lce'o//don yod pa'i chu skyes la rdo rje las dang rdo rje srung ba dang rdo rje gnod sbyin dang rdo rje khu tshur rnams kyi sna tshogs rdo rje dang rdo rje'i go cha dang rdo rjes mtshan pa'i mche ba dang rdo rje rtse lnga pa'o/ /mi bskyod pa la sogs pa so so'i byang chub sems dpa' gsum pa'i mtshan ma ni byang gi 'dab ma dang bzhi pa'i mtshan ma ni nub kyi 'dab mar bri bar bya'o//me la sogs pa'i pad+ma'i lte bar zla ba rnams la rdo rje sgeg mo dang rdo rje phreng ba ma dang rdo rje glu ma dang rdo rje gar ma rnams kyi rdo rje dang rin po che'i phreng ba dang pi wang dang rdo rje'o/ /snying po'i gzhal yas khang las phyi rol gyi snam bu rnams la shar du byams pa dang mthong ba don yod dang ngan song kun 'dren dang mya ngan dang mun pa thams cad nges par 'joms pa'i blo gros rnams kyi pad+ma dang zla ba la rdo rje rtse lnga pa rnams so//lhor spos kyi glang po dang dpa' bar 'gro ba dang nam mkha'i mdzod dang ye shes tog rnams kyi chu skyes dang zla ba la rdo rje rin po che rnams so//nub tu 'od dpag med dang zla 'od dang bzang skyong dang dra ba can gyi 'od rnams kyi chu skyes dang zla ba la rdo rje pad+ma rnams so/ /byang du rdo rje snying po dang blo gros mi zad pa dang spobs pa brtsegs pa dang kun du bzang po rnams kyi chu skyes dang zla ba la sna tshogs chu skyes rnams so//phyi'i dkyil 'khor gyi me la sogs pa'i zur rnams su chu skyes dang zla ba la rdo rje bdug spos ma dang rdo rje me tog ma dang rdo rje mar me ma dang rdo rje dri chab ma rnams kyi mtshan ma ni snga ma bzhin no/ /shar la sogs pa'i sgo rnams su pad+ma dang zla ba la rdo rje lcags kyu dang rdo rje zhags pa dang rdo rje lcags sgrog dang rdo rje dril bu rnams kyi mtshan ma'o//snam bu la ni bum pa rnams so/ /bzhi bcu rtsa gsum gyi bdag nyid can 'jam pa'i rdo rje'i dkyil 'khor la phyi'i dkyil 'khor gyi rtsig pa lnga ni sngon po dang dmar po dang dkar po dang ljang gu dang ser po ste shar la sogs pa'i phyogs rnams dang dbus kyi sa gzhi thams cad kyang ngo //dkyil 'khor gnyis pa la sngon po dang dkar po dang ser po'i rtsig pa gsum ste/ 'khor lo gsum la ni dkar po'i rtsig pa gcig go/ /de la dbus kyi sa gzhi ser por sna tshogs pad+ma dang zla ba la 'jam dpal gyi ral gri yu ba ser po can no//shar la sogs pa'i re'u mig tu nyi ma rnams la mi bskyod pa dang rin chen 'byung ldan dang snang ba mtha' yas dang don yod grub pa rnams kyi rdo rje sngon po dang rin po che dang pad+ma dkar po dang ral gri'o/ /dbang ldan la sogs pa'i re'u mig tu zla ba rnams la spyan ma dang mA ma kI dang gos dkar mo dang sgrol ma rnams kyi rdo rje ser po dang rdo rje sngon po dang rdo rje dkar po dang rdo rje ljang gu'o//rim pa gnyis pa'i dkyil 'khor la shar la sogs pa'i phyogs su zla ba rnams la sems ma rdo rje ma dang rin chen rdo rje ma dang chos kyi rdo rje ma dang las kyi rdo rje ma rnams kyi mtshan ma ni mi bskyod pa la sogs pa'i bzhin no//dbang ldan la sogs pa'i mtshams su zla ba rnams la byams pa dang 'jam dpal dang spos kyi glang po dang ye shes tog rnams kyi me tog dang bcas pa'i klu shing gi yal ga dang ral gri dang bum pa la gnas pa'i lag ldan dang yid bzhin gyi nor bu ser po'o//lhor zla ba rnams la bzang skyong dang blo gros rgya mtsho dang blo gros mi zad pa dang spobs pa brtsegs pa rnams kyi mda' dmar po dang dkar po dang ser po dang ljang gu'o/ /nub tu zla ba rnams la mthu chen thob dang ngan song kun 'dren dang mya ngan dang mun pa thams cad nges par 'joms pa'i blo gros dang dra ba can gyi 'od rnams kyi pad+ma dkar po dang mda' dkar po dang mda' ser po dang ut+pal la gnas pa'i nyi ma'o//byang du zla ba rnams la zla 'od dang 'od dpag med dang nam mkha'i mdzod dang sgrib pa thams cad rnam par sel ba rnams kyi ut+pal la gnas pa'i zla ba la bum pa dmar po dang mda' ser po dang mda' sngon po'o//'dir go rims ji lta ba bzhin du shar la sogs pa'i sgo rnams kyi ngos gnyis kyi snam bu rnams la mtshan ma gnyis gnyis so/ /shar la sogs pa'i sgor nyi ma rnams la gshin rje mthar byed dang gzhan gyis mi thub pa dang rta mgrin dang bdud rtsi 'khyil pa rnams kyi ral gri yu ba nag po can dang rdo rje ser po dang rdo rje dbyug pa dmar po dang ral gri yu ba nag po can no//dbang ldan la sogs pa'i mtshams su nyi ma rnams la mi g.yo ba dang 'dod pa'i rgyal po dang dbyug sngon can dang stobs po che rnams kyi ral gri dang rdo rje sngon po dang rdo rje'i dbyug pa sngon po'o//gshin rje gshed kyi mtshan ma'i phyi ngos su nyi ma la gnod mdzes kyi ral gri ste/ rta mgrin gyi mtshan ma'i phyi ngos su nyi ma la rdo rje sa 'og gi rdo rje lcags kyu'o/ /zla ba dang nyi ma thams cad kyi 'og tu sna tshogs 'dam skyes te snam bu rnams la ni bum pa'o//kha cig tu ni gshin rje gshed kyi mtshan ma'i phyi ngos su nyi ma la gtsug tor 'khor los sgyur ba'i 'khor lo dang / de'i phyi ngos su gnod mdzes kyi ral gri'o zhes gsungs so/ /chos kyi dbyings gsung gi dbang phyug gi dkyil 'khor la nang gi 'khor lo rdul tshon dkar pos dgang bar bya ste/gzhan rnams ni snga ma bzhin no/ /nang gi dkyil 'khor gyi dbus su sna tshogs pad+ma'i lte bar zla ba la 'jam pa'i dbyangs kyi ral gri yu ba ser po can no/ /shar la sogs pa dang dbang ldan la sogs pa'i 'dab mar zla ba rnams la rim pa ji lta ba bzhin du g.yas skor gyis gtsug tor chen po dang gdugs dkar po dang gzi brjid phung po dang rnam par rgyal ba'i gtsug tor dang 'od zer rnam par 'phro ba dang 'phags pa dang cher 'phags dang rgyal ba rnams kyi 'khor lo ser po rnams so//shar gyi re'u mig gi dbus su sna tshogs chu skyes dang nyi ma la mi bskyod pa'i rdo rje sngon po ste dbang ldan la sogs pa'i mtshams su sna tshogs pad+ma dang zla ba rnams la rdo rje sems dpa' dang rdo rje rgyal po dang rdo rje chags pa dang rdo rje legs pa rnams kyi rdo rje dang rdo rje lcags kyu dang mda' dang rdo rje'o//lho'i re'u mig gi dbus su sna tshogs chu skyes dang nyi ma la rin chen 'byung ldan gyi yid bzhin gyi nor bu ser po 'am rgyal mtshan te/dbang ldan la sogs pa'i mtshams su sna tshogs chu skyes dang zla ba rnams la rdo rje rin chen dang rdo rje nyi ma dang rdo rje rgyal mtshan dang rdo rje bzhad pa rnams kyi rdo rje rtse lnga pa gnyis kyis mtshan pa'i rin po che'i phreng ba dang nyi ma'i dkyil 'khor dang yid bzhin gyi nor bu'i rgyal mtshan dang so'i phreng ba dang ldan pa'i rdo rje'o//nub kyi re'u mig gi dbus su sna tshogs chu skyes dang nyi ma la snang ba mtha' yas kyi pad+ma dmar po ste dbang ldan la sogs pa'i mtshams su sna tshogs chu skyes dang zla ba rnams la rdo rje chos dang rdo rje rnon po dang rdo rje rgyu dang rdo rje smra ba rnams kyi pad+ma dang ral gri dang chos kyi 'khor lo dang rdo rje rtse gcig pas mtshan pa'i lce'o//byang gi re'u mig gi dbus su sna tshogs chu skyes dang nyi ma la don yod grub pa'i ral gri ste dbang ldan la sogs pa'i mtshams su sna tshogs chu skyes dang zla ba rnams la rdo rje las dang rdo rje srung ba dang rdo rje gnod sbyin dang rdo rje khu tshur rnams kyi rdo rje gsum dang rdo rje go cha dang rdo rjes mtshan pa'i mche ba dang rdo rje rtse lnga pa'o//dbang ldan la sogs pa'i mtshams kyi re'u mig rnams su chu skyes dang zla ba rnams la spyan ma dang mA ma kI dang gos dkar mo dang sgrol ma rnams kyi mtshan ma rnams ni 'jam dbyangs dang mi bskyod pa dang snang ba mtha' yas dang don yod grub pa'i mtshan ma bzhin no//shar la sogs pa'i sgo rnams su sna tshogs chu skyes dang nyi ma rnams la rdo rje lcags kyu dang rdo rje zhags pa dang rdo rje lcags sgrog dang rdo rje 'bebs pa rnams kyi rdo rje'i lcags kyu la sogs pa'o//snying po'i dkyil 'khor 'di las dkyil 'khor gnyis par shar du sna tshogs pad+ma dang za ba rnams las bcu gnyis po mos pas spyod pa dang rab tu dga' ba dang dri ma med pa dang 'od byed pa dang 'od 'phro ba dang sbyang dka' ba dang mngon du gyur pa dang ring du song ba dang mi g.yo ba dang legs pa'i blo gros dang chos kyi sprin dang kun du 'od rnams kyi rim pa ji lta ba bzhin du g.yas skor gyis pad+ma dmar po dang yid bzhin gyi nor bu dang pad+ma dkar po dang sna tshogs chu skyes la gnas pa'i nyi ma dang ut+pal dang nor bu ma ra ka ta dang pad+ma la gnas pa'i shes rab kyi pha rol tu phyin pa'i glegs bam dang sna tshogs chu skyes kyi steng du sna tshogs rdo rje dang yu ba dang bcas pa'i pad+ma dang zla ba la gnas pa'i rdo rje rtse lnga pa dmar po dang ut+pala'i steng du ral gri dang chos kyi sprin gyis yongs su bskor ba'i shes rab kyi pha rol tu phyin pa'i po ti dang pad+ma la bzhugs pa'i yang dag par rdzogs pa'i sangs rgyas kyi sku'o//lhor sna tshogs chu skyes dang zla ba rnams la pha rol tu phyin pa bcu gnyis pa rin po che pad+ma dang sbyin pa dang tshul khrims dang bzod pa dang brtson 'grus dang bsam gtan dang shes rab dang thabs dang stobs dang smon lam dang ye shes dang rdo rje las kyi pha rol tu phyin pa rnams kyi pad+ma'i steng du zla ba'i dkyil 'khor dang 'bru sna tshogs pa'i rin po che'i snye ma dang lo ma dang bcas pa'i mya ngan med pa'i me tog gi chun po dang pad+ma dkar po dang ut+pal sngon po dang pad+ma dkar po dang pad+ma la gnas pa'i shes rab kyi pha rol tu phyin pa'i po ti dang chu skyes ser po la gnas pa'i rdo rje dang ut+pal la gnas pa'i ral gri dang shes rab kyi pha rol tu phyin pa'i po ti dang rin po che sna tshogs pa'i 'bras bus brgyan pa'i byang chub kyi shing gi yal ga dang ut+pal la gnas pa'i sna tshogs rdo rje'o//nub tu sna tshogs chu skyes dang zla ba rnams la bcu gnyis po tshe dang sems dang yo byad dang las dang skye ba dang rdzu 'phrul dang mos pa dang smon lam dang ye shes dang chos dang de bzhin nyid dang /sangs rgyas kyi byang chub la dbang ba rnams kyi nor bu pad+ma rA ga la gnas shing ting nge 'dzin gyi phyag rgya dang ldan pa'i sangs rgyas tshe dpag tu med pa'i sku gzugs dang rdo rje dmar po rtse lnga pa dang yid bzhin gyi nor bu'i rgyal mtshan dang sna tshogs rdo rje dang sna tshogs pa'i mdog can gyi dzA ti'i 'khri shing dang pad+ma la gnas pa'i zla ba'i dkyil 'khor dang pri yang ku'i me tog gi snye ma dang ut+pal sngon po dang ut+pal la gnas pa'i ral gri dang pad+ma la gnas pa'i bum pa bzang po dang 'dam skyes dkar po dang chu skyes ser po la gnas pa'i rdo rje rtse lnga pa'o//byang du sna tshogs chu skyes dang zla ba rnams la gzugs bcu gnyis po dbyig gi blo gros ma dang rin chen skar mda' ma dang gtsug tor rnam par rgyal ma dang 'od zer can dang ri khrod lo ma can dang dug sel ma dang sgo mtha' yas ma dang /tsun+da dang shes rab 'phel ma dang las kyi sgrib pa rnam par sel ma dang ye shes mi zad pa'i za ma tog dang sangs rgyas thams cad kyi mdzod ldan ma rnams kyi 'bras kyi snye ma dang yid bzhin gyi nor bu'i rgyal mtshan dang nor bu zla ba chu shel gyi bum pa dang skud pa dang bcas pa'i khab dang rma bya'i mjug sgro dang dug gi me tog gi chun po dang pad+ma dmar po la gnas pa'i mi zad pa'i gter chen po'i bum pa dang ril ba spyi blugs phreng ba dpyangs pa dang ut+pal sngon po la gnas pa'i ral gri dang rdo rje rtse gsum pas mtshan pa'i pad+ma dkar zhing dmar ba dang rin po che'i za ma tog dang pad+ma la gnas pa'i rin po che sna tshogs pa'i dpe sgrom mo//shar la sogs pa'i sgor chu skyes dang nyi ma rnams la chos so so yang dag par rig pa dang don so so yang dag par rig pa dang / nges pa'i tshig so so yang dag par rig pa dang spobs pa so so yang dag par rig pa rnams kyi rdo rje'i lcags kyu dang rin po che'i zhags pa dang mtha' gnyis su pad+mas mtshan pa'i lcags sgrog dang rdo rje rtse gsum pas mtshan pa'i dril bu'o//me la sogs pa'i mtshams rnams su sgeg mo dang phreng ba ma dang glu ma dang gar ma rnams kyi rdo rje rin po che'i phreng ba dang pi wang dang rdo rje'o/ /dkyil 'khor gsum par shar phyogs su pad+ma dang zla ba rnams la kun du bzang po'i ut+pal la gnas pa'i ral gri dang sa'i snying po'i pad+ma la gnas pa'i dpag bsam gyi shing dang nam mkha'i snying po'i rin po che'o//lhor nam mkha'i mdzod kyi yid bzhin gyi nor bu dang phyag na rin chen gyi rin po che dang blo gros rgya mtsho'i dung dang rdo rje snying po'i rdo rje'o//nub tu spyan ras gzigs dbang phyug gi pad+ma dang mthu chen thob kyi ral gri dang zla ba'i 'od kyi rdo rje dang bcas pa'i 'khor lo dang dra ba can gyi ral gri'o/ /byang du pad+ma dang zla ba rnams la 'od dpag med dang spobs pa brtsegs pa dang mya ngan dang mun pa thams cad nges par 'joms pa'i blo gros dang sgrib pa thams cad rnam par sel ba rnams kyi sna tshogs pad+ma dang pad+ma la gnas pa'i ral gri dang rdo rje rtse lnga pa dang ral gri'o//shar la sogs pa'i sgor chu skyes dang nyi ma rnams la gshin rje mthar byed dang shes rab mthar byed dang pad+ma mthar byed dang bgegs mthar byed rnams kyi lcags kyu dang zhags pa dang lcags sgrog dang dril bu rnams so//dbang ldan la sogs pa'i mtshams su sna tshogs chu skyes dang nyi ma rnams la 'jig rten gsum las rnam par rgyal ba dang rdo rje nyi ma me ltar 'bar ba dang he ru ka rdo rje dang rta mchog rnams kyi ral gri dang rdo rje dang sna tshogs rdo rje'o//gshin rje mthar byed kyi mtshan ma'i phyi rol du gtsug tor 'khor lo can gyi 'khor lo ser po ste pad+ma mthar byed kyi mtshan ma'i phyi rol du gnod mdzes kyi rdo rje'o/ /'jig rten gsum las rnam par rgyal ba la sogs pa'i mtshan ma bzhi'i phyi ngos dkyil 'khor gsum pa kho na'i zur gyi nang du re khA sbyin par bya'o//de'i phyi rol gyi gnas kyi me la sogs pa'i zur thig rnams kyi g.yas logs su gnas pa'i pad+ma dang zla ba rnams la me tog ma dang bdug spos ma dang mar me ma dang dri chab ma rnams kyi me tog gi snod dang spos phor dang mar me'i mchod sdong dang dung chos so//g.yon logs su gnas pa'i pad+ma dang zla ba rnams la rdo rje gzugs ma dang rdo rje sgra ma dang rdo rje ro ma dang rdo rje reg bya ma rnams kyi me long dang pi wang dang ro'i snod dang sna tshogs pa'i gos so/ /phyi rol rdo rje rigs kyi dkyil 'khor du pad+ma rnams la shar la sogs pa'i phyogs rnams su dbang po dang gshin rje dang chu bdag dang lus ngan po rnams kyi rdo rje dang dbyug pa nag po dang zhags pa dang lcags kyu'o//dbang ldan la sogs pa'i mtshams rnams su dbang ldan dang me lha dang bden bral dang rlung rnams kyi rtse gsum dang blugs gzar dang ral gri dang rlung ras so/ /de nas dbang ldan gyi phyi ngos su nye bar dbang ldan gyi mtshams nas brtsams nas mtshan ma rnams rim gyis bri bar bya'o//de la tshangs pa'i bgrang phreng dang khyab 'jug gi 'khor lo dang dbang phyug chen po'i rtse gsum dang gdong drug pa'i shak+ti dang tshangs ma'i phreng ba dang drag mo'i rtse gsum dang khyab 'jug ma'i 'khor lo dang gzhon nu ma'i shak+ti dang dbang mo'i rdo rje dang phag mo'i nya ro hi ta dang /tsa muN+DI'i gri gug dang b+h+r-ing+gi ni'i breng ba dang tshogs bdag gi dgra sta dang nag po chen po'i rtse gsum dang dga' byed dbang phyug gi rdza rnga dang nyi ma'i pad+ma la gnas pa'i nyi ma'i dkyil 'khor dang zla ba'i ku mu da la gnas pa'i zla ba'i dkyil 'khor dang mig dmar gyi gri gug dang gza' lhag gi mda' dang phur bu'i bgrang phreng dang pa sangs kyi phreng ba dang spen pa'i dbyug pa nag po dang sgra gcan gyi zla ba dang mjug rings kyi klu'i zhags pa dang stobs bzangs kyi gshol dang rgyal bar byed pa'i me tog gi phreng ba dang sbrang rtsir byed pa'i chu srid kyi rgyal mtshan dang dpyid kyi lha'i mda' dang mtha' yas dang nor rgyas dang 'jog po dang stobs kyi rgyu dang pad+ma dang pad+ma chen po dang dung skyong dang rigs ldan rnams kyi thal mo sbyar ba ste yang na rang gi pha'i mtshan ma dang 'dra ba'i mtshan ma'o//de la mtha' yas dang rigs ldan gyi rigs ni bram ze ste me lha'i bu'o//nor rgyas dang dung skyong ni rgyal rigs te dbang po'i'o/ /'jog po dang pad+ma chen po ni rje'u rigs te rlung lha'i'o/ /stobs kyi rgyu dang pad+ma ni dmangs rigs te chu lha'i'o/ /thags bzang ris dang stobs ldan dang rab tu tshim byed dang rnam par snang byed la sogs pa lha ma yin gyi dbang phyug chen po rnams kyi ni ral gri la sogs pa'i mtshon cha sna tshogs pa'o//nam mkha'i lding gi dbang po'i thal mo sbyar ba dang mi 'am ci'i dbang po ljon pa'i pi wang dang dri za'i rgyal po zur phud lnga pa'i pi wang dang rig pa 'dzin pa'i rgyal po don thams cad grub pa'i me tog gi phreng ba'o/ / gang ba bzang po dang nor bu bzang po dang nor sbyin dang rnam thos kyi bu dang rtsi bi kuN+Da li dang ki li mA li dang sgo'i dbang po dang spyod pa'i dbang po ste gnod sbyin gyi dbang po rnams kyi shing tog bI dza pU ra ka rnams so/ /'phrog ma'i ni chang bu gnyis so/ /tha skar dang bra nye dang smin drug dang snar ma dang mgo dang lag dang nab so dang rgyal dang skag dang mchu dang gre dang dbo dang me bzhi dang nag pa dang sa ri dang sa ga dang lha mtshams dang snron dang snums dang chu stod dang chu smad dang gro bzhin dang mon gre dang mon gru dang mog gru dang khrums stod dang khrums smad dang nam gru dang byi bzhin rnams kyi lag pa thal mo sbyar ba'i phyag rgya rnams so// 'dir yang sgo rnams su rdo rje lcags kyu la sogs pa ste dkyil 'khor bzhi pa la bum pa rnams so/ /ngan song yongs su sbyong ba'i dkyil 'khor la rdo rje'i phreng ba sngon po'i nang du 'khor lo ser po rtsibs brgyad pa'i lte bar chos kyi 'khor lo'i phyag rgya ser po'o/ /shar la sogs pa'i rtsibs rnams su gnod sbyin gyi phyag rgya dkar po dang mchog sbyin gyi phyag rgya sngon po dang bsam gtan gyi phyag rgya dmar po dang mi 'jigs pa'i phyag rgya ljang gu rnams so//me la sogs pa'i rtsibs rnams su nyi ma dang yid bzhin gyi nor bu'i rgyal po mtshan dang ral gri dang gdugs rnams so//rdo rje phreng ba'i phyi rol gyi me la sogs pa'i mtshams rnams su sgeg mo la sogs pa'i mtshan ma'o/ /shar la sogs pa'i snam bu rnams la sgo'i g.yon du mtshan ma gnyis te g.yas su yang ngo / /de la klu shing gi me tog dang spyan dang bcas pa'i chu skyes dang lcags kyu dang dbyug pa dang ral gri dang pad+ma la gnas pa'i chos kyi sgrom dang yid bzhin gyi nor bu'i rgyal mtshan dang bdud rtsi'i bum pa dang pad+ma la gnas pa'i zla ba'i gzugs dang rin po che dang rdo rje'i gur dang rdo rje dang bcas pa'i ut+pal dang bdud rtsi'i bum pa dang chu skyes la gnas pa'i rin po che dang rin po che 'i snye ma'o//me la sogs pa'i mtshams su me tog ma la sogs pa'i mtshan ma ste sgo rnams su ni rdo rje lcags kyu la sogs pa'o/ /mtshan ma sum cu rtsa bdun po rnams kyang sna tshogs chu skyes dang zla ba la gnas pa ste/ mgrin pa sngon po la sogs pa'i mtshan ma ni mi bri ba yang ngo //'byung po 'dul byed kyi dkyil 'khor la rtsig pa lnga dang shar la sogs pa'i sa gzhi ni dkar po dang ser po dang dmar po dang ljang gu dang nag po'o/ /thig gi re khwa gsum ni dkar po dang dmar po dang nag po'i kha dog ste thig gi re khA gcig dang rdo rje phreng ba'i re khA ni nag po'o/ / snying po'i pho brang gi dbus kyi re'u mig tu sna tshogs pad+ma dang zla ba la bcom ldan 'das 'byung po 'dul byed kyi rdo rje rtse lnga pa sngon po'o/ shar du nyi ma la dbang phyug chen po'i rtse gsum dang lhor nyi ma la khyab 'jug gi 'khor lo dang nub tu zla ba la tshangs pa'i bgrang phreng dang byang du nyi ma la smin drug gi bu'i shak+ti dang dbang ldan du zla ba la tshogs bdag gi dgra sta dang mer nyi ma la nyi ma'i pad+ma la gnas pa'i dkyil 'khor dang bden bral du nyi ma la sgra gcan gyi zla ba'i dkyil 'khor dang rlung du zla ba la dga' byed dbang phyug gi Da ma ru'o//rim pa gnyis par shar la sogs pa'i phyogs rnams su dpal mo dang thig le mchog ma dang zla ba mo dang dka' zlog ma rnams kyi zla ba la pad+ma dkar po dang spos phor dang mar me'i mchod sdong dang gdengs ka'i rnam pa'i lag pa'o//me la sogs pa rnams su rin chen dpal mo dang dbyangs can ma dang lha'i mdzes ma dang kun du 'byor ma rnams kyi zla ba la rim pa ji lta ba bzhin du dri'i dung chos dang pi wang dang rin po che'i phreng ba dang rdo rje rtse gsum pa'o//rim pa gsum par shar la sogs pa'i phyogs rnams su dbang po dang gshin tu dang gshin rje dang chu lta dang lus ngan po rnams kyi zla ba la gnas pa'i rdo rje dang nyi ma la gnas pa'i thod pas mtshan pa'i dbyug pa dang zla ba la gnas pa'i klu'i zhabs pa dang zla ba la gnas pa'i dbyug to'o//me la sogs mtshams su me lha dang bden bral dang rlung lha dang zla ba rnams kyi nyi ma la gnas pa'i phreng ba dang nyi ma la gnas pa'i ral gri dang zla ba la gnas pa'i rlung ras dang ku mu da la gnas pa'i zla ba'o//zla pa'i mtshan ma dang nye bar dbang ldan gyi nyi ma la rtse gsum mo/ /rim pa bzhi par shar la sogs pa'i phyogs rnams su seng ge'i rgyal mtshan 'dzin ma dang rnam par 'byor ma dang pad chen ldan ma dang chang 'phrog ma rnams kyi zla ba la seng ge'i rgyal mtshan dang lcags kyu dang mda' dang yid bzhin gyi nor bu'o//dbang ldan la sogs pa rnams su mchog 'phrog ma dang rin chen dbang phyug ma dang rgyan ma dang 'gro skyong ma rnams kyi zla ba rnams la me tog gi snod dang spos phor dang dri'i dung chos dang mar me'i mchod sdong ngo / /'dir nyi ma dang zla ba thams cad sna tshogs pad+ma la gnas pa ste rim pa bzhi par ni bum pa rnams so//mkha' 'gro lnga'i dkyil 'khor la dbus kyi gzhal yas khang gi dbus su shes rab dang bcas pa'i kye'i rdo rje'i gri gug dang thod pa'o/ /shar la sogs pa'i sgor dkar mo dang chom rkun ma dang ro langs ma dang g+hasma rI rnams kyi rdo rje lcags kyu dang zhags pa dang lcags sgrog dang dril bu'o//dbang ldan la sogs pa'i mtshams su puk+ka sI dang ri khrod ma dang gtum mo dang g.yung mo rnams kyi byang chub kyi sems kyi bum pa dang ri rab dang me thab dang rgyal mtshan chen po'i ba dan no//de las shar gyi gzhal yas khang gi dbus su rtag pa'i thob pa la gnas pa'i rma bya ste shar la sogs pa'i sgor skam pa ma dang zhags pa ma dang dol zlum ma dang lcags kyu 'dzin ma rnams kyi skam pa dang zhags pa dang dol zlum dang lcags kyu'o/ dbang ldan la sogs par me tog ma dang bdug spos ma dang mar ma ma dang dri chab ma rnams kyi me tog gi snod dang spos phor dang mar me'i mchod sdong dang dri ser pos gang ba'i dung chos so//lha'i gzhal yas khang gi dbus su rdo rje nyi ma'i thod pa la gnas pa'i bya ka raN+Da pa ste shar la sogs pa'i sgor nyi lag ma dang mar me dang rin chen skar mda' ma dang phyag na glog thogs ma rnams kyi nyi ma'i dkyil 'khor dang mar me'i mchod sdong dang rin po che dang glog gi phreng ba'o//dbang ldan la sogs par sgeg mo dang phreng ba ma dang glu ma dang gar ma rnams kyi rdo rje dang rin po che'i phreng ba dang 'khar rnga dang rdo rje'o/ / nub kyi gzhal yas khang gi dbus su pad+ma gar gyi dbang phyug gi thod pa la gnas pa'i dom ste shar la sogs pa'i sgor pad+ma dang chos 'byung ma dang lcags sgrog ma dang rang 'khyud ma rnams kyi pad+ma dang chos 'byung dang lcags sgrog dang rdo rje'o/ /dbang ldan la sogs par gling bu ma dang pi wang ma dang rnga zlum ma dang rdza rnga ma rnams kyi rang rang gi rol mo rnams so//byang gi gzhal yas khang gi dbus su rta mchog gi thod pa la gnas pa'i gza' lhag ste shar la sogs pa'i sgor sgo lcags ma dang lde kyog ma dang sgo glegs ma dang yol ba 'dzin ma rnams kyi sgo lcags dang lde kyog dang sgo glegs dang yol ba dang /dbang ldan la sogs par spyan ma dang mA ma kI dang gos dkar mo dang sgrol ma rnams kyi 'khor lo dang rdo rje dang pad+ma dang ut+pala'o/ /phyi'i dkyil 'khor chen po'i sgo rnams su dkar mo la sogs pa'i mtshan ma rnams te dbang ldan la sogs pa'i mtshams su puk+ka sI la sogs pa'i mtshan ma rnams so//mtshan ma 'di rnams thams cad ni sna tshogs pad+ma dang nyi ma la gnas pa ste rtag pa kho na'i zla ba'i gdan la gnas pa'o/ /dkyil 'khor so so la bdud rtsi'i bum pa rnams te kha cig ni dkyil 'khor chen po kho na la'o zhes so/ /'khor los sgyur ba drug gi dkyil 'khor la mtshan ma rnams ni sna tshogs pad+ma dang nyi ma la gnas pa ste sangs rgyas mkha' 'gro kho na'i zla ba la gnas pa'o//gzhal yas khang drug po rnams kyi zur rnams su sna tshogs pad+ma la gnas pa'i thod pa rnams so/ /de la snying po'i dkyil 'khor gyi dbus kyi pad+ma la rdo rje sems dpa'i rdo rje ste/mtshams kyi 'dab ma rnams la mkha' 'gro ma dang lA ma dang dum skyes ma dang gzugs can ma rnams kyi cang te'u rnams so/ /'dir dgod pa'i rim pa ni shar la sogs pa sgo rnams su g.yon skor dang me la sogs pa'i mtshams rnams su g.yas skor gyis so// sgo'i chu skyes rnams la thod pa'i dum bum dang rab gtum mo dang keng rus chen mo dang gtum pa'i mig can ma dag dang keng rus dang 'od ldan ma dang mche ba rnam par gtsigs pa dang sna chen ma dag gi rdo rje b+hi ste 'khor yug gi dbus su rdo rje'i phreng ba'o/ /sangs rgyas mkha' 'gro'i dkyil 'khor la dbus su 'khor lo dang sgo'i chu skyes rnams la chang dgra dang dpa' bo'i blo can ma dag dang 'od dpag med dang mi'u thung ma dang rdo rje'i 'od dang lang+ka'i dbang phyug ma dang rdo rje'i sku dang shing grib ma dag gi 'khor lo rnams te khor yug gi dbus su 'khor lo'i phreng ba'o//rin chen mkha' 'gro'i dkyil 'khor la dbus su rin po che dang sgo'i chu skyes rnams la myu gu can dang su srung ma dang rdo rje ral pa can dang 'jigs byed chen mo dag dang dpa' bo chen po dang rlung shugs ma dag dang rdo rje hUM mdzad dang chang 'thung ma dag gi rin po che rnams te khor yug gi dbus su rin po che'i phreng pa'o// pad+ma mkha' 'gro'i dkyil 'khor la dbus su pad+ma dang sgo'i chu skyes rnams la shin tu bzang po dang sngo bsangs lha mo dag dang rdo rje bzang po dag dang shin tu bzang mo dag dang 'jigs byed chen po dang rta rnam dag dang mig mi bzang dang bya gdong ma dag gi pad+ma rnams te khor yug gi dbus su pad+ma'i phreng ba'o//rdo rje mkha' 'gro'i dkyil 'khor la dbus su rdo rje dang / sgo'i chu skyes rnams la stobs po che dang 'khor lo'i shugs can ma dag dang rin chen rdo rje dang dum skyes ma dag dang rta mgrin dang chang 'tshong ma dag dang nam mkha'i snying po dang 'khor lo'i go cha ma dag gi rdo rje rnams te khor yug gi dbus su rdo rje'i phreng ba'o//sna tshogs mkha' 'gro'i dkyil 'khor la dbus su sna tshogs rdo rje dang sgo'i chu skyes rnams la te ru ka dang shin tu dpa' mo dag dang pad+ma gar gyi dbang phyug dang stobs chen mo dag dang rnams par snang mdzad dang 'khor los sgyur ma dag dang rdo rje sems dpa' dang brtson 'grus chen mo dag gi sna tshogs rdo rje ste khor yug gi dbus su sna tshogs rdo rje'i phreng ba'o//gzhal yas khang chen po'i sgo rnams su khwa gdong ma dang 'ug gdong ma dang khyi gdong ma dang phag gdong ma rnams kyi rdo rje lcags kyus dang rdo rje zhags pa dang rdo rje lcags sgrog dang rdo rje dril bu rnams te/mtshams rnams su ni gshin rje brtan ma dang gshin rje pho nya ma dang gshin rje mche ba ma dang gshin rje 'joms ma rnams kyi me long dang pi wang dang dri'i dung chos dang ro'i snod rnams so/ /bum pa rnams ni ji ltar rigs par ro/ /de ltar brjod pa'i rjes su 'brangs nas dkyil 'khor gzhan rnams la yang rdul tshon dgye ba shes par bya ste/'dir ni gzhung mangs pas 'jigs nas ma bris so/ /dus kyi 'khor lo'i dkyil 'khor la ni tshon gyi kha dog gi rim pa bshad pa rnams dang phal cher mi mthun pas rdul tshon gyi kha dog gi rim pa brjod par bya'o//thugs kyi 'khor lo'i rdo rje phreng ba gnyis pa'i mthar thug pa'i nang gi sa gzhi thams cad ni nag go/ /thugs dang gsung dang sku'i dkyil 'khor gyi shar gyi sa gzhi thams cad nag po dang / lho'i dmar po dang / nub kyi ser po dang / byang gi dkar po'o/ /stegs bu rnams ni dkar po'o//rin po che'i snam bu ni dmar po ste de la rin po che sna tshogs pas spras pa'o/ /dra ba dang dra ba phyed pa'i sa gzhi ni nag po ste der dra ba dang dra ba phyed pa rnams ni dkar po'o/ /sa gzhi nag po la rin po che'i shar bu rnams ni dkar po dang sa gzhi nag po la mda' yab rnams kyang dkar po'o//rta babs kyi ka ba rnams ni ser po'o/ /thugs kyi 'khor lo la gtso bo'i gdan pad+ma ljang gu ste zhi ba la sogs pa la ni dkar po la sogs pa'i kha dog tu 'gyur ro/ /rdo rje'i phreng ba dang ka ba bcu drug ni nag po ste shar du ral gri nag po dang lhor rin chen dmar po dang nub tu 'khor lo ser po dang byang du pad+ma dkar po rnams dang ldan pa'o//bum pa brgyad ni dkar po ste pad+ma la gnas shing pad+mas kha brgyan pa'o/ /thams cad du pad+ma'i gdan rnams kyi sum cha ni lte ba'o/ /rdo rje'i phreng ba gnyis pa ni ljang gu ste lha snam ni dkar po'o/ /rtsig pa'i re khA gsum ni nang nas brtsams te dkar po dang dmar po dang nag po'i kha dog go//de rnams kyi sa ni cha dgur bya ste de la cha gcig dor nas cha gnyis la re khA re re'o/ /sgo dang sgo khyud kyi mtshams rnams su rdo rje dang rin po ches spras pa'o/ /rta babs bcu gnyis ni sna tshogs pa'i kha dog go/ /gsung gi dkyil 'khor gyi lha snam ni dkar po ste de'i pad+ma brgyad ni zla ba dang nyi ma dang bral ba phyogs su dmar po dang mtshams su dkar po'o//re khA ni nang nas brtsams te ljang gu dang nag po dang dmar po dang dkar po dang ser po'i mdog can rnams so/ /de rnams kyi sa gzhi cha bco lngar bya la der snga ma bzhin du re khA bya'o//sku'i dkyil 'khor gyi lha snam ni dkar po ste de'i pad+ma rnams ni zla ba dang nyi ma dang bral ba'o/ /re khA lnga ni gsung gi dkyil 'khor bzhin no/ /rta babs kyi ka ba'i 'og gi stags bu'i klu'i gdan rnams te re re zhing cha chung bcu gnyis pa'o/ /de la shar phyogs su zlum po nag po gnyis kyi steng du rgyal mtshan dag dang /lhor gru gsum dmar po gnyis la bkra shis kyi mtshan pa dang / nub tu gru bzhi ser po gnyis la rdo rjes mtshan pa dang / byang du zla ba phyed pa'i rnam pa dkar po gnyis la pad+mas mtshan pa'o/ /shar gyi g.yas kyi zlum po'i g.yas su klu'i rgyal po rgyal ba zhes bya ba'i bdud rtsi'i bum pa ste nub kyi g.yon gyi gru bzhi'i g.yon du rnam par rgyal ba zhes bya ba'i bdud rtsi'i bum pa'o//rta babs rnams kyi rim pa dang po'i myos pa bsrung ba'i steng gi dbus kyi gru bzhi las shar du chos kyi 'khor lo nag po ste de'i g.yas dang g.yon du ri dgas dang ri dgas mo nag po'o//lhor bum pa bzang po dmar po'i mdog can te de'i g.yas dang g.yon du dung dang pad+ma dmar po'o/ /nub tu byang chub kyi shing ser po ste de'i g.yas dang g.yon du mi'am ci dang mi'am ci ser po'o//byang du rnga bo che dkar po ste de'i g.yas dang g.yon du dbyug pa dang tho ba dkar po'o/ /mda' yab dang khor yug gi bar gyis ni nag po ste de la ji ltar rigs par mchod pa'i yo byad rnams bri bar bya'o/ /sa'i khor yug ni ser po ste de la dbang ldan gyi mtshams nas 'char bzhin pa'i zla ba nya ba'i cha chung bcu gnyis pa dang bden bral du nub bzhin pa'i nyi ma'i dkyil 'khor cha chung bcu gnyis pa'o//chu'i khor yug dkar po dang me'i khor yug dmar po dang rlung gi khor yug nag po'o/ /me dang rlung gi khor yug de dag gi dbus su so sor cha chung bcu gnyis pa rtsibs brgyad pa'i dur khrod kyi 'khor lo brgyad de/phyogs rnams su dmar po dang mtshams su dkar po'o/ /shar gyi 'khor lo'i phyi ngos su stong pa'i dkyil 'khor te nub kyi 'khor lo'i phyi ngos su yang stong pa'i dkyil 'khor ro/ /stong pa'i dkyil 'khor gnyis po bri ba ni sgrub thabs kyi le'ur gsungs pa'i tshul gyis te bcu char la yang mtshan ma ni gri gug go//rlung gi khor yug la ni sna tshogs pa'i mtshan ma bri bar bya ste 'dir 'dod pas spyod pa ni ma yin no/ /nam mkha'i khor yug ni nag po'o/ /de'i logs gnyis su cha chung gsum gsum byas par re khA'i zlum skor gnyis te dbus kyi cha chung drug la rdo rje'i phreng ba ljang gu bya'o//'od zer 'bar ba rnams ni kha dog lnga pa'o/ /yang snying po'i dkyil 'khor la shar phyogs kyi rdul tshon nag po'i dpangs ni nas kyi rkang pa gcig ste lho'i dmar po ni gnyis dang nub kyi ser po ni bzhi dang byang gi dkar po ni gsum mo//rtsig pa'i re khA rnams kyi dpangs ni rdul tshon ser po'i sum 'gyur te rdo rje phreng ba rnams kyang ngo / /re khA gzhan rnams ni rdul tshon ser po las nyis 'gyur te pad+ma rnams snam bu las nyis 'gyur nyid do/ /zla ba dang nyi ma dag gi chu skyes kyi re khA las so//de ltar brjod pa'i dpangs las nyis 'gyur ni gsung gi dkyil 'khor gyi dpangs te de rnams las nyis 'gyur ni sku'i dkyil 'khor la'o/ /mda' yab las phyi rol gyi mchod pa'i sa gzhi la ni nas gcig ste sa la sogs pa'i khor yug dang re khA zlum po gnyis kyi dpangs ni sku'i dkyil 'khor gyi rtsig pa'i re khA'i tshad du'o//gzhan rdul tshon dgye ba ni thams cad du nyis 'gyur gyi dbye ba mtshungs pa ste sa gzhi thams cad la'o/ /de la gtso bo'i lte bar lte ba dang mnyam pa'i dkar po dang dmar po dag nag po dang dmar po'i zla ba dang nyi ma dang sgra gcan dang dus me'i dkyil 'khor gyi steng du bcom ldan 'das dus kyi 'khor lo'i rdo rje sngon po rtse gsum pa'o//shar gyi 'dab ma la spos phor nag po dang lhor mar me dmar po dang nub tu dung ser po dang byang du bshos dkar po dang / me la sogs pa rnams su nag po dang dmar po dang ser po dang dkar po'i rnga yab rnams so//de'i phyi rol gyi dbang ldan du chos kyi dung dkar po dang / mer yid bzhin gyi nor bu nag po dang bden bral du chos kyi gaN+Da'i dmar po dang rlung du dpag bsam gyi shing ser po'o/ /rim pa gnyis par shar du chu skyes dkar po dang nyi ma la ral gri nag po dang /mer chu skyes dmar po dang zla ba la ut+pal sngon po dang / lhor chu skyes dkar po dang nyi ma la rin po che cha dgu pa dmar po dang / bden bral du chu skyes dmar po dang zla ba la pad+ma dmar po dang / nub tu chu skyes dkar po dang nyi ma la 'khor lo ser po dang rlung du chu skyes dmar po dang zla ba la 'khor lo ser po dang /byang du chu skyes dkar po dang nyi ma la pad+ma dkar po dang / dbang ldan du chu skyes dmar po dang zla ba la ut+pal dkar po'o/ /rim pa gsum pa'i snam bu la sgo so so'i ngos dag tu gnyis zhes pas pad+ma brgyad de/ de'i drug la ni nyi ma dang nub dang byang gi sgo'i g.yon dag tu zla ba'o//mtshams rnams su pad+ma dang zla ba bzhi'o/ /de rnams su dbang ldan nas brtsams nas me long dang rdo rje dang ral gri dang gos dang rdo rje dang rin po che dang ro'i snod dang chos 'byung ba dang 'khor lo dang dri'i dung dang pi wang dang pad+ma rnams te/ dkar po dang sngon po dang nag po dang ljang gu dang dmar po dang dmar po dang ljang gu dang ser po dang sor po dang sngon po dang dkar po'o//shar gyi sgor pad+ma dang nyi ma la ral gri nag po dang lhor dbyug pa dmar po dang nub tu pad+ma ser po dang byang du tho ba dkar po'o/ /'dir nyi ma'i dkyil 'khor rnams ni chu skyes dkar po la gnas shing zla ba'i dkyil 'khor rnams ni chu skyes dmar po la gnas pa'o//stegs bu la rta babs kyi rtsa bar shar gyi g.yon du dung chos nag po dang g.yas su me tog gi phreng ba sngon po ste/ lhor spos phor dmar po dang mar me'i mchod sdong dang nub tu cod pan ser po dang do shal ser po'o//byang du 'bras bu dkar po dang bdud rtsis gang ba'i snod dkar po'o/ /stegs bu thams cad du ni mchod pa rnam pa sna tshogs pa 'dzin pa'i lha mo rnams so/ /rta babs kyi mchod pa'i lha mo'i gnas la shar gyi dbus su gos dang lhor pad+ma dang nub tu rnga pa Ta ha dang byang du rdo rje'o/ / gsung gi dkyil 'khor du ni pad+ma'i lte ba dang 'dab ma rnams la shar du gri gug nag po rnams dang mer 'khor lo nag po rnams dang gshin rjer dbyug pa dmar po rnams dang bden bral du shak+ti dmar po rnams dang nub tu rdo rje ser po rnams dang rlung du tshangs pa'i dbyu gu rtse mo ser po can rnams dang byang du rtse gsum dkar po rnams dang dbang ldan du pad+ma dkar po rnams so//sku'i dkyil 'khor gyi snam bu la yang pad+ma'i lte ba dang 'dab ma rnams la mtshan ma rnams te de la shar sgo'i g.yas su ral gri rnams dang mer dpag bsam gyi shing rnams dang lho sgo'i g.yon du rdo rjes mtshan pa'i dbyug pa rnams dang g.yas su shak+ti rnams dang bden bral du shak+ti 'am yang na mdung rnams dang /nub sgo'i g.yon du rin po che'i dbyug to rnams dang g.yas su rdo rje rnams dang rlung du khab rnams dang byang sgo'i g.yon du mdung rtse gsum pa rnams dang g.yas su zhags pa rnams dang dbang ldan du dgra sta rnams dang /shar sgo'i g.yon du 'khor lo rnams so/ /shar sgor dbyug pa dang de'i phyi rol du rdo rje ljang gu dang / lho sgor mda' dmar po dang / nub sgor dbyug to ser po dang / de'i phyi rol du rtse gsum sngon po dang / byang sgor gtun shing dkar po ste dbyug pa la sogs pa'i mtshan ma 'di rnams ni pad+ma dang nyi ma la gnas pa'o//gsung dang sku'i dkyil 'khor dag gi phyogs kyi pad+ma rnams ni dmar po ste mtshams kyi pad+ma rnams ni dkar po'o/ /'dir gsung gi dkyil 'khor gyi stegs bu la shar sgo'i g.yas su ut+pal dang gos dang gri gug dang 'khor lo dang kha T+wAM ga nag po rnams te g.yon du gri gug dang ral gri dang gri gug dang gri gug nag po'o//lho sgo'i g.yas su pad+ma dang ro'i snod dang dbyug pa dang shak+ti dang pad+ma rnams dmar po ste/ g.yon du mda' dang dgra sta dang gri gug dang gri gug dmar po'o/ /nub sgo'i g.yas su 'khor lo dang dri'i dung chos dang rdo rje dang khab dang 'khor lo rnams ser po ste g.yon du chos 'byung ljang gu dang gri gug dang gri gug rnam ser po'o//byang sgo'i g.yas su ut+pal dang me long dang rtse gsum dang pad+ma dang ut+pal rnams dkar po ste g.yon du pi wang sngon po dang thob dang gri gug dang gri gug rnams dkar po'o//de ltar mtshan ma sum cu rtsa drug po rnams ni sku'i dkyil 'khor gyi stegs bu rnams la yang ngo / /de nas 'jam pa'i rdo rje la sogs pa gang yang rung ba'i dkyil 'khor bris pa rnam pa thams cad du gsal bar gyur par shes nas hUM yig dang 'khyil pa bzlas pa'i bdud rtsi dang bcas pa'i dri'i chus dkyil 'khor gyi phyi ngos su byugs la tshad des 'khor lo bsang zhing /rdul tshon lhag ma rnams la oM AHhUM badzra muHzhes pas ye shes pa gshegs su gsol te snod na gnas pa'i tshon rnams dben par gzhag par bya'o zhes pa tshon dgye ba'i cho ga'o// //de'i rjes su sngar lhag par gnas pa byas pa'i bum pa rnams g.yas skor du dgod par bya'o/ /de la 'khor lo'i dbang po'i rnam par rgyal ba'i bum pa ni dkyil 'khor gyi 'khor lo'i g.yas phyogs nas bskor te rdo rjer ba'i bdag nyid kyi khor yug dang 'bar ba'i phreng ba'i sa gzhi'i phyi rol du dkyil 'khor gyi shar sgo'i thad ka'i gnas las cung zad g.yas su gzhag par bya'o//g.yon logs su ni go rims ji lta ba bzhin du g.yas skor gyis rnam par snang mdzad dang spyan ma dang las thams cad pa'i bum pa ste g.yas su gzugs rdo rje dang chos dbyings rdo rje ma dang gshin rje mthar byed rnams kyi'o//lho'i g.yon du rin chen 'byung ldan dang mA ma kI dang g.yas su sgra rdo rje ma dang shes rab mthar byed dag gi'o/ /nub kyi g.yon du snang ba mtha' yas dang gos dkar mo dag dang g.yas su dri rdo rje ma dang / pad+ma mthar byed dag gi'o//byang gi g.yon du don yod grub pa dang / sgrol ma dag dang / g.yas su rdo rje ma dang / reg bya rdo rje ma dang / bgegs mthar byed dag gi'o/ /gshin rje mthar byed la sogs pa khro bo rnams kyi ni me la sogs pa'i mtshams rnams su'o zhes pa kha cig gis te de bzhin gshegs pa thams cad kyi de ma thag tu khro bo rnams kyi dang rigs kyi yum rnams kyi ni sgo'i g.yas rnams su'o zhes pa gzhan dag gis so//'di'i rjes su 'brangs nas phyogs gzhan rnams su yang dgod par shes par bya'o/ /'dod pa gzhan yang yod mod des ci zhig bya/de ltar 'di ni 'jam pa'i rdo rje'i dkyil 'khor la bum pa dgod pa'o/ /bsdus pa'i rim pa'i dkyil 'khor la g.yon du rigs kyi yum gyi de ma thag tu yang g.yas su dang por byang chub sems dpa' brgyad po rnams kyi'o/ /zur gyi khro bo rnams kyi zur rnam su dang gshin rje mthar byed kyi rjes la gtsug tor 'khor los sgyur ba'i dang /pad+ma mthar byed kyi rjes la gnod mdzes kyi ste khyad par ro/ /'di dag gi rjes su 'brangs te dkyil 'khor gzhan rnams la bum pa dgod pa ni rtogs sla bas 'dir ma bkod do/ /zur bzhi'i bum pa rnams la ni sgro dang bcas pa'i mda' bzhi ste/oM badzra yak+Sha hUM zhes pa'i sngags kyis dgod par bya'o/ /dus kyi 'khor lo la ni rdul tshon gyi dkyil 'khor las phyi rol du shar la sogs pa'i phyogs rnams su bum pa brgyad dang / nub kyi bum pa las phyi rol du sor gnyis spangs par rnam par rgyal ba'i bum pa dang /shar gyi bum pa las phyi rol du sor gnyis spangs par rgyal ba'i bum pa ste/ de'i steng du rnam par rgyal ba chen po'i bum pa dung chos ni bcu gcig pa'o/ /shar du rgyal ba'i bum pa yang ste lnga pa'o/ /de'i steng du rnam par rgyal ba'i bum pa ni dung chos te drug pa'o zhes pa bum pa lnga pa'i phyogs la'o//bum pa bcu'i phyogs la ni phyogs brgyad du bum pa brgyad dang / nub kyi bum pa las phyi rol du sor gnyis spangs par rnam par rgyal ba'i bum pa dang / shar gyi bum pa las phyi rol du sor gnyis spangs par rgyal ba'i bum pa ste de'i steng du rnam par rgyal ba chen po'i dung chos ni bcu gcig pa'o//de bzhin du brgya phrag stong gi bum pa rnams la yang rnam par rgyal ba chen po ni dung chos te zhi ba dang rgyas pa dang la thams cad pa la yang ngo zhes pa bum pa dgod pa'i cho ga'o// //de nas dkyil 'khor gyi phyi rol du phyogs bzhir shes rab kyi pha rol tu phyin pa la sogs pa'i dam pa'i chos bzhi bklag par bya'o//ga bur dang a ka ru dang tu ruSh+ka la sogs pa'i spos phor brgyad gzhag par bya'o/ /rnam pa sna tshogs pa'i na bza' stong la sogs pa 'am lha so so re re la sogs pa ji ltar nus pa yang rung slob ma la sogs par gzhag pa dang gdug dang rgyal mtshan dang ba dan rnams hUM yig dang bdag po'i sngags kyis bzlas pa oM spa ra Na khaM zhes pas phul nas gnas ji lta bar gzhag par bya ste/rta babs dang gos bzang po dang dril bu dang bcas pa'i rnga yab dang bum pa gang ba dang lo ma dang bcas pa'i chu shing gi sdong bu'i ka ba rnams kyang ngo //de nas khrus byas shing dri zhim po'i lus stod g.yogs dang gtsug tor dang rgyan dang bcas pas 'khyil pa bzlas pa'i chus dkyil 'khor bsangs te yi ge gsum dang 'khyil pa'i sngags kyis bsrungs nas rdo rje dang dril bu bzung ste shar gyi sgo dang nye bar nub tu gdong phyogs pas 'dug la 'khor lo'i dbang phyug gi rnal 'byor dang ldan pa bris pa'i dkyil 'khor slad cig gis stong pa nyid kyi rjes su srung ba'i 'khor lo dang bgegs la phur bus gdab pa la sogs pa'i cho ga 'khor dang bcas pas bsgom par bya ba'i dkyil 'khor gyi rang bzhin du nges par brtags nas/btsun mo mdzes shing ltas bzang ba/ /lo grangs bcu drug lon rnyed nas/ /dri dang me tog gis brgyan te/ /de yi dbus su 'dod pa bya/ /yon tan ska rags mA ma kIr/ /shes rab can gyis de byin brlab//zhi ba spro bya sangs rgyas gnas/ /nam mkha'i dbyings ni rab tu brgyan/ /zhes gsungs pas rab tu bsgrub pa'i phyir phyi rol gyi phyag rgya dang snyoms par 'jug pa'am/ de med na ye shes kyi phyag rgya dang snyoms par 'jug pas yang dag par bskyod pa'i dga' ba'i sgras/ye shes kyi 'khor lo spyan drangs la/ zhabs bsil dang zhal bsil dang mchod yon dbul ba sngon du 'gro bas rang gi gnas su bcug nas 'dod chags chen po zhu bar gyur pa rdo rje'i lam nas pad+mar phyung ba'i ye shes kyi lha'i 'khor lo'i bdag nyid spros te/ dam tshig gi 'khor lo la ji lta ba bzhin du zhugs par bsams nas/ mig dang sku la sogs pa byin gyis brlabs shing de ma thag rang gi snying ga'i sa bon gyi 'od zer gyis bkug pa'i de bzhin gshegs pa dang lha mo rnams kyis dbang bskur nas ji ltar rigs par rgyas gdab ste rigs mi shes pa rnams ni mi bskyod pa'am rdo rje sems dpas so//de nas lha mo spros pa rnams kyis yid kyi rang bzhin gyi mchod pas mchod cing / bsil ba'i ras dang ras zung bla re la dbyangs pa dang gos dang / yi ge gsum gyis bsngags pa'i bza' ba dang bca' ba dang bldag ba dang btung ba'i nye bar spyad pa la sogs pa dang /gser dang bu mo dang glang po che dang rta dang ba lang la sogs pa phul la gzugs rdo rje ma la sogs pa'i ngo bo phyi rol gyi rnal 'byor ma bcu drug gam brgyad dam bzhis rang rang gi mchod pas mchod nas dril bu dkrol zhing mi bskyod rdo rje zhes pa la sogs pas bstod de/rang dang shes rab kyi me tog dang bcas pa'i byang chub kyi sems pad+ma'i snod du bcug pa bdud rtsi dang bcas pa phul bas/ de rnams bdud rtsi myangs pas tshim par gyur cing bde ba chen po'i rang bzhin du mos par byas la 'khor lo'i dbang po'i sngags brgya rtsa brgyad dang /de las gzhan dkyil 'khor ba'i sngags nyi shu rtsa gcig dang yi ge brgya pa bzlas par bya'o/ /'chad par 'gyur ba'i cho gas 'byung po thams cad pa'i gtor ma gtang bar bya ste/ yod na sgrub pa'i grogs po dkyil 'khor du bzhag nas phyi rol du phyung la shar la sogs pa'i phyogs su 'chad par 'gyur ba'i cho gas 'byung po thams cad pa'i gtor ma'i cho gas rang gi 'dod pa'i lha dang dbang po la sogs pa la gtor ma dbul bar bya'o//de nas lag pa g.yas pa gan rkyal du byas la gung mo dang ming med cing zad bkug pa kha la mngon du phyogs par gzung bar bya'o//de'i rtse mos lag pa gnyis pus mo'i nang du byas nas tsog tsog por 'dug ste mi smra bar de'i rtse mos lag pa'i ze'u 'bru'i chas kha la lan mang du bya ba cing / lan gnyis sam gsum du rna ba'i bug pa gnyis dang mig dag dang kha dang lag pa dag dang lte ba dang mgo bo rnams la reg par bya'o zhes pa nye reg gi cho ga bya'o//de nas grub na lhag pa la sogs pa'i nyes pa zhi bar bya ba'i phyir zhi ba dang / dkyil 'khor tshim par bya ba'i phyir zhi ba dang rgyas pa'i sbyin sreg 'chad par 'gyur ba byas nas khams gsum rnam par rgyal ba'i rnal 'byor dang ldan pas me tog gi phreng ba blangs te/oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga wAn bid+yA rA dza hUM hUM phaT swA hA/ zhes dpal kha sbyor du gsungs pa'i khams gsum rnam par rgyal ba'i sngags zlos shing rdo rje shugs kyis dkyil 'khor du zhugs pa la rdo rje gsor zhing dril bu dkrol te rdo rje'i rkang pas de kho na bzhin du oM AHhUM phaT ces pa dang /oM hUM AHphaT ces pa dang / oM hUM AHAHphaT ces pa dang / oM hUM ha na mA ra ya duSh+TA na g+hA ta ya g+hA ta ya AHAHhUM hrIHphaT ces pa'i sngags rim pa ji lta ba bzhin du zlos pa'i shar dang lho la sogs pa'i sgo'i slob dpon rnams dang lhan cig tu g.yas skor byas nas lhag pa dang ma tshang ba'i nyes pa zhi bar bya ba'i phyir 'khor lo la bltas te phreng ba bcom ldan 'das la dbul zhing bskor ba'i grangs ji lta ba bzhin du nub sgo la sogs pa bzhir gnas pas shar sgo la sogs pa bzhi oM badzrod+g+ha Ta sa ma ya pra be sha ya hUM zhes pa'i sngags kyis phye bar bsams te/oM sa ma yaM pra be shA mi zhes brjod nas gar byed cing phreng ba blangs la rang gi mgo la bcings te 'khor lo la phyag 'tshal nas sems can thams cad la dngos grub kyi skal ba thams cad stsol cig ces gsol ba gdab cing bsgom pa dang bzlas pa bya'o//'dir dkyil 'khor gyi khang pa las phyi rol du rnam par snang mdzad dang de'i rigs kyi lha rnams kyi ba dan ni mer dgod par bya'o/ /rin chen dbang po dang de'i rigs kyi lha rnams ni bden bral du'o//snang ba mtha' yas dang de'i rigs las byung ba rnams kyi rlung du'o/ /don yod grub pa dang de'i rigs kyi lha rnams kyi dbang ldan du'o/ /'khor lo'i dbang po'i shar phyogs su ste de'i rigs kyi lha rnams kyi ni rang rang gi phyogs su'o zhes pa kha cig go/ /dbang por ni khyab 'jug gi nag po dang zla ba'i dkar po dang nyi ma'i dmar po dang me'i ser po ste nub tu sa'i lha mo'i ser po dang thags bzangs ris kyi nag po'o//dbang ldan du ni tshogs kyi bdag po'i dkar po ste ma 'byor na ji ltar nus pa'i ba dan dbul bar bya'o zhes pa dkyil 'khor bsgrub pa 'khor dang bcas pa'i cho ga'o// //'dir brjod pa'i dkyil 'khor gyi lha rnams kyi kha dog la sogs pa bsgom pa'i rim pa shes par bya ba'i phyir yang dag par bsdus nas mchog tu gyur pa'i sems can rnams la bshad par bya'o/ /'dir gang gi phyir chung ngu dang 'bring po'i rim pa dag gi ting nge 'dzin legs par bsgom pa las shes rab mchog tu gyur pa rnams la bcom ldan 'das kyis/rnam pa kun gyi mchog ldan pa/ /spro zhing sdud pa'i byed pa po/ /skad cig gis ni ye shes rdzogs/ /rnal 'byor rdzogs par bshad par bya/ /zhes gsungs pa de'i phyir rang dang sems can thams cad rdo rje 'chang nyid thob par 'dod pa'i mngon par spro ba dang ldan pas phung po dang khams dang skye mched la sogs pa gzugs can gyi rang bzhin stong pa nyid dang ro gcig par nges par byas nas 'od gsal bar zhugs pa las skad cig gis yan lag dang bcas pa'i gzhal yas khang gi dbus su dkyil 'khor pas yongs su bskor zhing rigs kyi bdag po'i dbu rgyan dang thugs ka'i sa bon dang ldan pa stong pa nyid dang snying rje ro gcig pa bden pa chen po'i rang bzhin can dpal rdo rje sems dpa' dang 'jam pa'i rdo rje la sogs pa'i sku dpag tu med pa'i de bzhin gshegs pa dang lha mo dang byang chub sems dpa' dang khro bo la sogs pa spros te chos ston pa la sogs pas skal ba ji lta ba bzhin du gzhan la phan pa mdzad nas bsod nams kyi tshogs mthar phyin pa la 'jog cing sdud pa bsam gyis mi khyab pa'i skur 'char bar bya'o//de la yan lag la sogs pa ni 'di yin te/sa 'og gi mthar thug par ji ltar mngon par 'dod pa'i rgyar gcig tu sra zhing mkhregs la 'bar ba'i rdo rje'i sa gzhi bskal pa'i mtha'i me ltar 'bar ba 'od zer 'bar ba'i phreng bas mtshams bcings pa dang sa 'og nas steng gi bar du shin tu mtho ba mthug cing mkhregs la sra zhing 'bar ba'i rdo rje'i rab dang rdo rje'i ra ba'i steng du bar mtshams med par dum bu gcig tu gyur pa'i steng rdo rje'i dra ba dang 'og rdo rje'i bla res brgyan pa'i rdo rje'i gur 'bar ba'o//de'i nang du gnas par sna tshogs chu skyes dang nyi ma la gnas pa'i 'khor lo rtsibs bcu pa ser po g.yas skor tu 'khor ba'o/ /de'i rtsibs la shar du gshin rje mthar byed nag po dkar po dang dmar po'i zhal can rdo rje tho ba nag po dang ral gri dang nor bu dang pad+ma 'dzin pa'o//lhor shes rab mthar byed dkar po nag po dang dmar po'i zhal can rdo rjes mtshan pa'i dbyug pa dkar po dang ral gri dang nor bu dang pad+ma 'dzin pa'o/ /nub tu pad+ma mthar byed dmar po sngon po dang dkar po'i zhal can/pad+ma dmar po dang ral gri dang nor bu dang pad+ma 'dzin pa'o/ /byang du bgegs mthar byed nag po dkar po dang dmar po'i zhal can rdo rje kha gyis pa dang ral gri dang nor bu dang pad+ma 'dzin pa'o/ /mer 'dod pa'i rgyal po sngon po dkar po dang dmar po'i zhal can/lcags kyu dang ral gri dang nor bu dang pad+ma 'dzin pa'o/ /bden bral du dbyug sngon can nag po dkar po dang dmar po'i zhal can dbyug pa sngon po dang ral gri dang nor bu dang chu skyes 'dzin pa'o/ /rlung du stobs po che nag po dkar po dang dmar po'i zhal can/ rtse gsum dang ral gri dang nor bu dang pad+ma 'dzin pa'o//dbang ldan du mi g.yo ba sngon po dkar po dang dmar po'i zhal can ral gri dang rdo rje dang nor bu dang pad+ma 'dzin pa'o/ /steng du gtsug tor 'khor los sgyur ba ser po sngon po dang dmar po'i zhal can 'khor lo ser po dang ral gri dang nor bu dang pad+ma 'dzin ba'o//'og tu gnod mdzes rgyal po sngon po dkar po dang dmar po'i zhal can rdo rje dang ral gri dang nor bu dang pad+ma 'dzin pa'o/ /de la gtsug tor dang 'dod pa'i rgyal po dang mi g.yo ba dang gnod mdzes rnams ni rin po che'i cod pan can/ rnam pa sna tshogs pa'i rin po ches brgyan cing 'gying bar gyur pa mche ba cung zad gtsigs par ston cing khros pa'i sma ra dang ldan pa'o//de las gzhan pa rnams ni rnam par 'gyur ba'i gzugs can smin ma 'khyog pa dang bcas pa dbu skra ser po gyen du brdzes pa smin ma dang smar ser ba mche ba gtsigs shing zhal gdangs pa ljags 'gyur ba gad rgyangs dang ldan pa drag po'i klu brgyad kyis brgyan pa sku bong thung zhing rags pa lto ba 'phyang ba'o//bcu po 'di dag ni g.yon brkyang zhing g.yas bskum pa rtsibs kyi rtse mo la cung zad ma reg pa'i sna tshogs chu skyes nyi ma dang bcas pa'i gdan la brtan par gnas pa/nyi ma'i 'od can rab tu khro ba dang 'bar bas shin tu 'jigs pa dus mtha'i me lta bu'i 'od dang ldan pa'i rang gi sprul pa dpag tu med pa'i tshogs kyis kyang khams gsum mtha' yas pa na gnas pa'i bgegs kyi tshogs ma lus pa yang dang yang du rlag par byed pa phyag drug pa rtsa ba'i phyag dag gis rang dang 'dra ba'i shes rab la 'khyud pa/zhal gsum pa rtsa ba'i zhal sku mdog lta bu g.yas pa dang g.yon pa ni brjod zin pa ji lta ba bzhin te/ zhal re re la yang dmar la zlum pa'i spyan gsum gsum mo/ /'khor lo yang rgyun mi 'chad par drag tu 'khor bas brtan par gnas pa lta bu ste 'bar ba'i tshogs dpag tu med pa 'phro ba'o//de'i lte ba'i nang 'og gi rtsibs kyi steng du chos 'byung gru gsum pa dkar po shin tu yangs pa'i nang du 'og gi zur la gnas pa'i sna tshogs pad+ma'i steng du sna tshogs rdo rje dang bcas pa'o/ /rdo rje de'i phyogs kyi ra rnams dang lte ba ni ji ltar rigs par rnam par snang mdzad la sogs pa'i sku mdog dang 'dra ba'o//der rin po che kha dog lnga las yongs su rdzogs shing 'od gsal ba'i thub pa'i dbang po'i dkyil 'khor sna tshogs pa'i 'od kyis phyogs kyi 'khor lo thams cad khyab pa'i gzhal yas khang ngo / /de'i dbus su bcom ldan 'das rdo rje sems dpa' 'jam pa'i rdo rje'i sku gur kum gyi mdog lta bu g.yas dang g.yon gyi zhal nag po dang dkar po rtsa ba'i phyag dag gis rang dang 'dra ba'i shes rab la 'khyud pa/ral gri dang mda' dang ut+pal dang gzhu 'dzin pa/ rin po che'i cod pan can sna tshogs pa'i rin po che la sogs pas brgyan cing 'od zer mtha' yas pa'o//de'i shar phyogs su rnam par snang mdzad dkar po g.yas pa dang cig shos kyi zhal nag po dang dmar po/ phyag rnams na 'khor lo rtsibs brgyad pa dkar po dang ral gri dang nor bu dang pad+ma 'dzin pa'o/ /lhor rin chen 'byung ldan ser po rin po che cha dgu pa'i ma ra ka ta dang ral gri dang 'khor lo dang pad+ma 'dzin pa'o//nub tu snang ba mtha' yas dmar po pad+ma dmar po dang ral gri dang nor bu dang 'khor lo 'dzin pa'o/ /byang du don yod grub pa ljang gu ral gri dang 'khor lo dang nor bu dang pad+ma 'dzin pa'o/ /'di gsum gyi g.yas pa dang cig shos kyi zhal ni nag po dang dkar po'o//de bzhin gshegs pa thams cad rin po che'i cod pan dang ldan zhing rnam pa sna tshogs pa'i rin po ches brgyan pa'o/ /mer spyan ma rnam par snang mdzad dang mtshungs pa'o/ /bden bral du mA ma kI mi bskyod pa lta bu ut+pal dmar po dang ral gri dang nor bu dang chu skyes 'dzin pa ste sgrub thabs thams cad las de ltar bshad pa'i phyir ro//rlung du gos dkar mo snang ba mtha' yas dang mtshungs pa'o/ /dbang ldan du sgrol ma rin chen 'byung ldan lta bu ut+pal ser po dang ral gri dang nor bu dang chu skyes 'dzin pa'o/ /de nas dbus kyi rim pa las phyi rol du me'i mtshams su gzugs rdo rje ma rnam par snang mdzad lta bu me long dmar po dang ral gri dang nor bu dang chu skyes 'dzin pa'o//bden bral du sgra rdo rje ma mi bskyod pa lta bu pi wang sngon po dang ral gri dang nor bu dang chu skyes 'dzin pa'o/ /rlung du dri rdo rje ma rin chen 'byung ldan lta bu dri'i dung chos ser po dang ral gri dang 'khor lo dang chu skyes 'dzin pa'o//dbang ldan du ro rdo rje ma snang ba mtha' yas lta bu ro'i snod dmar po dang ral gri dang nor bu dang 'khor lo 'dzin pa'o/ /shar sgo'i g.yon logs su reg bya rdo rje ma don yod grub pa lta bu gos sna tshogs pa dang / ral gri dang nor bu dang chu skyes 'dzin pa'o//shar sgo'i g.yas logs su chos dbyings rdo rje ma rdo rje sems dpa' lta bu chos 'byung dkar po dang ral gri dang nor bu dang chu skyes 'dzin pa'o/ 'jam pa'i rdo rje la sogs pa'i lha 'di rnams ni zhal gsum phyag drug pa phyag mtshan dang po gnyis g.yas pa dag gis dang gzhan pa gnyis g.yon pa dag gis 'dzin pa ste thams cad kyi rtsa ba'i zhal ni sku mdog bzhin no//shar la sogs pa'i sgo rnams su gshin rje mthar byed dang shes rab mthar byed dang pad+ma mthar byed dang bdud rtsi 'khyil pa rnams so/ /'dir 'jam pa'i rdo rje dang rnam par snang mdzad dang lha mo bcu drug po rnams ni zla ba'i dkyil 'khor la rdo rje skyil krung gis bzhugs pa ste/gzhan rnams ni nyi ma la'o/ /zla ba dang nyi ma rnams kyi 'og tu sna tshogs 'dam skyes so/ /de bzhin gshegs pa rnams kyi rtsa ba'i phyag dag gis rang 'od kyi shes rab la 'khyud pa ste lha mo rnams kyang rang 'od kyi thabs la'o//dbu la rigs kyi bdag po ste 'jam pa'i rdo rje la sogs pa'i de bzhin gshegs pa rnams dang mA ma kI dang sgra rdo rje ma dang srung ba'i 'khor lo la gnas pa'i khro bo brgyad la mi bskyod pa'o/ /spyan ma dang gzugs rdo rje ma dang gshin rje mthar byed rnams la rnam par snang mdzad de/dri rdo rje ma la ni rin chen dbang po'o/ /gos dkar mo dang ro rdo rje ma dang pad+ma mthar byed rnams la 'od dpag med de sgrol ma dang reg bya rdo rje ma la ni don yod grub pa'o/ /chos dbyings rdo rje ma la rdo rje 'dzin pa ste gzhan rnams la ni mi bskyod pa'o//'dir rdo rje sems dpa' ni sku mdog dkar po la cung zad dmar ba'i mdangs dang ldan pa g.yas pa dang cig shos kyi zhal ni sngon po dang dmar po/ /rtsa ba'i phyag dag gis rang 'od kyi shes rab la 'khyud pa/ rdo rje sngon po dang ral gri dang nor bu dang pad+ma 'dzin pa sna tshogs pad+ma dang zla ba'i gdan la rdo rje skyil krung gis bzhugs pa zla ba'i 'od can rin po che'i cod pan dang rin po che'i rgyan dang ldan pa mi bskyod pas rgyas btab pa'o//'dir 'jam pa'i rdo rje'i thugs kar dam tshig sems dpa' lta bu'i ye shes sems dpa' ste de'i thugs ka'i zla bar ral gri'i yu bar gnas pa'i zla ba la sa bon maM mo//rtag pa dang rin chen dbang po dang 'od dpag med dang don yod grub pa dang mi bskyod pa rnams kyi thugs kar phyag mtshan la ji ltar rigs par zla bar nyi ma la b+hUM AM dzr-IM khaM hUM do/ /spyan ma la sogs pa'i lha mo rnams la lAM mAM bAM taM dzaHhUM baM hoHkhaM ri mo//khro bo rnams la ni hUM ngo zhes pa sa bon te 'khor lo'i dbang po la sogs pa'i thugs kar sngags rnams dgod par bya'o/ /oM AHmaM hUM 'khor lo'i dbang po mi bskyod pa dang lhan cig dbyer med pa'i'o/ /oM AHdzI na dzika hUM rnam par snang mdzad kyi'o/ /oM AH rat+na b+h+r-ika hUM rin chen 'byung ldan gyi'o//oM AH A ro l-i ka hUM 'od dpag med kyi'o/ /oM AHpradz+nyA d+h+r-ika hUM don yod grub pa'o/ /oM AHmo har ti hUM spyan ma'i 'o/ /oM AHdwe Sha ra ti hUM mA ma kI'i 'o/ /oM AHrA ga ra ti hUM gos dkar mo'i'o/ /oM AHbadzra ra ti hUM sgrol ma'i 'o/ /oM AHrU pa badzri dzaHhUM gzugs rdo rje ma'o//oM A shab+ta badzre hUM hUM sgra rdo rje ma'i'o/ /oM AHga n+d+ha ba dzre baM hUM dri rdo rje ma'i 'o/ /oM AH ra sa badzre hoHhUM ro rdo rje ma'i 'o/ /oM AHspaR+she badzre khaM hUM reg bya rdo rje ma'i 'o/ /oM AHd+harma d+hA tu badzre raM hUM chos dbyings rdo rje ma'i 'o/ /oM AHya mAn+ta kr-i ta hUM gshin rje mthar byed kyi'o//oM AHpradz+nyAn+ta kr-i ta hUM shes rab mthar byed kyi'i'o/ /oM AHbi g+h+nAn+ta kr-i ta hUM phaT bgegs mthar byed kyi'o/ /gang gi tshe 'jam pa'i rdo rje dang dbyer med pa'i mi bskyod pa 'khor lo'i dbang por gyur pa de'i tshe oM AHbadzra d+h+r-ika hUM/zhes pa 'di'o/ /rdzogs pa'i rim pa'i rnal 'byor la mig la sogs pa byin gyis brlab pa dang / ye shes sems dpa' bzhugs pa la sogs pa ni ma bshad do/ /de'i rjes la mig gi mngon par shes pa la sogs pa yon tan gyi tshogs dpag tu med cing bsam gyis mi khyab pas mdzes par byas pa'i yi dam gyi lha'i sku legs par yongs su dag cing rnam pa thams cad yongs su rdzogs pa la rgyun mi 'chad par yang dang yang du lhag par mos pa brtan par bya'o//snying po'i sngags la sogs pa bstan pa ni bum pa lhag par gnas pa la sogs pa la nye bar sbyar ba'i don du'o//gang gi tshe dbus su de bzhin gshegs pa gzhan gtso bor gyur pa de'i che dbus su gnas pa de gzhan de'i gnas su dgod do/ /'od dpag tu med pa dkar por yang 'gyur ro/ /chos rnams dkar po'i rang bzhin gyis//'dir ni gsung gi dbang phyug dkar/ /zhes gsungs pa'i phyir ro/ /'di dang 'chad par 'gyur ba'i dkyil 'khor rnams su gang gi dkyil 'khor pa'i lha'i gtso bo'i gnas dag gong du bshad pa de'i tshe gtso bo de nyid dkyil 'khor gyi dbang po la mngon par phyogs shing / de dang 'khyud pa ni de la mngon par phyogs pa nyid de gzhan gyi gnas su phyin pa'i phyir ro//'dir gzhal yas khang gi yan lag ni rnam pa gsum ste/ rdo rje'i sa gzhi la sogs pas yongs su bskor ba'i rdo rje'i gur dang srung ba'i 'khor lo dang chos kyi 'byung gnas so/ /de la rdo rje'i gur ni 'chad par 'gyur ba'i gzhal yas khang thams cad la ste/srung ba'i 'khor lo dang chos kyi 'byung gnas ni 'ga' zhig kho na la 'chad par 'gyur ro/ /bri bar bya ba'i gzhal yas khang rnams la ni chos kyi dbyings kyi ngo bo chos 'byung dam chos kyi dbyings kyi khongs su chud pa mtshon pa'i ched du rdo rje'i phreng ba bri bar bshad do//ji ltar phyi rol de bzhin nang / /zhes pas rdzogs pa'i rim pa'i dkyil 'khor rtogs par bya ba'i phyir du 'jig rten gyi khams kyi khor yug mtshon pa'i rdo rje'i phreng ba bri ba ni nges par ro/ /'dir srung ba'i 'khor lo ni de lta ma yin pas bri mi dgos te/ bgegs zlog pa ni gzhan gyis kyang byed pa'i phyir ro/ /gzhan yang stong pa nyid kho na bcom ldan 'das ma ste bgegs kyi tshogs ma lus pa rtsa ba dang bcas pa rlag par byed pa'i nus pa rab tu gyur pas de la lhag par mos pa brtan pa nyid bskyed pa'i ched du bri bar bya ba'i dkyil 'khor la srung ba'i 'khor lo bri bar ma bstan to//bsgom par bya ba'i dkyil 'khor la yang kha cig tu bsgom par gsungs kyi thams cad la ni ma yin no/ /bgegs bsal ba'i rjes la stong pa nyid du rab tu zhugs pas bsgom par bya ba'i dkyil 'khor la srung ba'i 'khor lo med de/de'i phyir mi bri'o zhe na de lta na khor yug mtshon pa'i rdo rje'i rab yang mi bri bar 'gyur ro/ /yang gzhal yas khang bskyed pa'i dus su de yang bskyed do zhe na ma yin te/ bcom ldan 'das kyis rdo rje'i ra ba lan gnyis bskyed par gang nas kyang ma gsungs pas lan gnyis bskyed pas ci zhig bya//cig car rdzogs pa nyid kyi rdo rje'i sa gzhi dang mtshams bcing ba dang rdo rje'i ra ba la sogs pa ma lus pa kun brtags pa stong pa nyid kyi rang bzhin sgyu ma'i ngo bor gnas pa nyid kyi phyir ro/ /de ltar srung ba'i 'khor lo yod kyang dkyil 'khor du mi bri ba nyid kyi 'thad pa brjod pa nyid do//kha cig ni srung ba'i 'khor lo bri bar bya'o zhes kyang 'dod do zhes pa 'jam pa'i rdo rje'i dkyil 'khor ro/ /bsdus pa'i rim par gsungs pa'i dkyil 'khor la yang gzhal yas khang gi mthar thug pa ni snga ma bzhin te/ khro bo rnams kyi khyad par ni 'chad par 'gyur ro//gzhal yas khang gi dbus su mi bskyod pa nag po drag po g.yas pa dang cig shos kyi zhal dkar po dang dmar po phyag g.yas pa rnams kyis khro bo'i rdo rje dang 'khor lo dang pad+ma rnams dang g.yon pa rnams kyis dril bu dang yid bzhin gyi nor bu dang ral gri 'dzin pa dang 'dra ba'i reg bya rdo rje mas 'khyud pa'o//de'i shar la sogs pa'i phyogs rnams su rnam par snang mdzad la sogs pa ste/ me la sogs pa'i mtshams su spyan ma la sogs pa'o/ /de la rnam par snang mdzad ni dkar po zhi ba/ dkar po dang nag po dang dmar po'i zhal can 'khor lo dang rdo rje dang pad+ma dkar po dang dril bu dang nor bu dang ral gri 'dzin pa'o//bshad zin pa dang 'chad par 'gyur ba'i phyag mtshan rnams ni rim pa bzhin du phyag g.yas par dang por steng nas 'og tu dang g.yon par 'og nas steng du rig par bya'o/ /rtsa ba dang g.yas pa dang g.yon pa'i rim pas zhal gyi kha dog gsum yang rig par bya'o//rin chen 'byung ldan ni ser po ste ser po dang nag po dang dmar po'i zhal can nor bu dang rdo rje dang 'khor lo dang dril bu dang pad+ma ser po dang ral gri 'dzin pa'o/ /snang ba mtha' yas ni dmar po dang nag po dang dkar ba'i zhal can phyag g.yon pas dril bu dang bcas pa'i pad+ma dmar po'i yu ba thugs kar bzung ba phyag g.yas pas kha 'byed pa ste gzhan rnams kyis rdo rje dang 'khor lo dang rin po che dang ral gri 'dzin pa'o//don yod grub pa ni ljang gu ste ljang gu dang nag po dang dkar po'i zhal can ral gri dang sna tshogs rdo rje dang 'khor lo dang dril bu dang pad+ma ljang gu dang nor bu 'dzin pa'o//de bzhin gshegs pa lnga po 'di dag dang 'chad par 'gyur ba'i kun du bzang po'i bar ni ral pa'i thor cog dang rin po che'i cod pan can rnam pa sna tshogs pa'i rin po che'i rgyan gyis brgyan pa'o/ /spyan ma ni rnam par snang mdzad dang mtshungs pa ste/'on kyang pad+ma dkar po'i gnas su ut+pal dkar po'o/ /mA ma kI ni mi bskyod pa dang mtshungs pa ste 'on kyang pad+ma'i gnas su ut+pal sngo dmar ro/ /gos dkar mo ni snang ba mtha' yas dang mtshungs pa'o/ /sgrol ma ni don yod grub pa dang mtshungs pa ste/ sna tshogs rdo rje dang 'khor lo dang ut+pal sngo ser dang dril bu dang rin po che dang ral gri 'dzin pa'o//rim pa gnyis pa la me'i mtshams su gzugs rdo rje ma spyan ma lta bu ste 'on kyang phyag dang po dag gis me long dmar po 'dzin pa'o/ /bden bral du sgra rdo rje ma ser mo ser po dang nag po dang dkar po'i zhal can rtsa ba'i phyag gnyis kyis pi wang sngon po bsgreng ba ste phyag lhag ma rnams kyis rdo rje dang ut+pal sngon po dang rin po che dang ral gri 'dzin pa'o//rlung du dri rdo rje ma gos dkar mo lta bu rtsa ba'i phyag dag gis dri'i dung chos ser po'o/ /dbang ldan du ro rdo rje ma ljang gu ljang gu dang nag po dang dkar ba'i zhal can phyag dang po dag gis ro'i snod dmar po 'dzin pa ste lhag ma rnams kyis rdo rje dang 'khor lo dang rin po che dang ral gri 'dzin pa'o//rim pa gsum pa'i shar gyi snam bu la byams pa dang sa'i snying po'o/ /lhor phyag na rdo rje dang nam mkha'i snying po'o/ /nub tu 'jig rten dbang phyug dang 'jam pa'i dbyangs so//byang du sgrib pa thams cad rnam par sel ba dang kun du bzang po'o/ /brgyad po 'di rnams ni rtsa ba'i rigs kyi bdag po dang mtshungs pa ste 'on kyang byams pa ni rtsa ba'i phyag gis yal ga dang bcas pa'i klu shing gi me tog 'dzin pa'o/ /shar la sogs pa'i sgo dang me la sogs pa'i mtshams dang steng dang 'og tu yang rim pa ji lta ba bzhin du khro bo bcu'o//de la gshin rje gshed nag po nag po dang dkar po dang dmar po'i zhal can rdo rje tho ba dang 'khor lo dang rdo rje dang thugs kar zhags pa dang bcas pa'i sdigs mdzub dang dril bu dang dgra sta 'dzin pa'o//shes rab mthar byed dkar po dkar po dang nag po dang dmar po'i zhal can rdo rje dang rdo rjes mtshan pa'i dbyug pa dkar po dang ral gri dang thugs kar zhags pa dang bcas pa'i sdigs mdzub dang dril bu dang dgra sta 'dzin pa'o/ /pad+ma mthar byed dmar po dmar po dang nag po dang dkar po'i zhal can pad+ma dmar po dang ral gri dang gtun shing dang dril bu dang dgra sta dang zhags pa 'dzin pa'o//bgegs mthar byed sngon po sngon po dang dkar po dang dmar po'i zhal can sna tshogs rdo rje dang 'khor lo dang gtun shing dang zhags pa dang bcas pa'i sdigs mdzub dang dril bu dang dgra sta 'dzin pa'o//mi g.yo ba sngon po sngon po dang dkar po dang dmar po'i zhal can ral gri dang rdo rje dang 'khor lo dang sdigs mdzub dang dgra sta dang zhags pa 'dzin pa'o/ /'dod pa'i rgyal po sngon po sngon po dang dkar po dang dmar po'i zhal can rtsa ba'i phyag gis rdo rje hUM mdzad kyi phyag rgya mdzad cing gzhan rnams kyis rdo rje dang ral gri dang zhags pa dang lcags kyu 'dzin pa'o//dbyug sngon can nag po nag po dang dkar po dang dmar po'i zhal can rdo rjes mtshan pa'i dbyug pa sngon po dang ral gri dang 'khor lo dang thugs kar zhags pa dang bcas pa'i sdigs mdzub dang pad+ma dang dgra sta 'dzin pa'o//stobs po che nag po nag po dang dkar po dang dmar po'i zhal can rdo rjes mtshan pa'i dbyug pa dang ral gri dang 'khor lo dang thugs kar sdigs mdzub zhags pa dang bcas pa dang pad+ma dang dgra sta 'dzin pa'o/ /gtsug tor 'khor los sgyur ba nag po nag po dang dkar po dang dmar po'i zhal can rtsa ba'i phyag dag gis gtsug tor gyi phyag rgya spyi bor 'dzin pa lhag ma rnams kyis rdo rje dang pad+ma dang sdigs mdzub dang ral gri 'dzin pa ste/phyag gnyis thal mo gan rkyal du mnyam par brkyang ba'i srin lag gnyis kyi sen mo'i steng du mthe bong gnyis kyi sen mos mnan te mthe chung gnyis brkyang ba'o//de bzhin du gung mo gnyis kyi sen mo yang dag par rtse sprad la mdzub mo dbus su gnyis ka'i rnam pa ni kun du snang ba zhes bya ba gtsug tor gyi phyag rgya'o zhes kha cig gi ste 'ga' zhig ni gzhan no/ /gnod mdzes nag po nag po dang dkar po dang dmar po'i zhal can rdo rje dang 'khor lo dang rin po che dang thugs kar zhags pa dang bcas pa'i sdigs mdzub dang pad+ma dang ral gri 'dzin pa'o//mi bskyod pa la sogs pa 'di rnams ni sna tshogs pad+ma'i steng du go rims ji lta ba bzhin du rdo rje rtse lnga pa dang 'khor lo dang cha dgu pa'i rin po che ma ra ka ta dang pad+ma dmar po dang sna tshogs rdo rje dang 'khor lo dang rdo rje dang pad+ma dang sna tshogs rdo rje dang 'khor lo dang rdo rje dang pad+ma dang sna tshogs rdo rje dang klu shing gi me tog dang 'khor lo dang rdo rje dang rin po che dang pad+ma dang rdo rje dang sna tshogs rdo rje dang rdo rje tho ba dang rdo rje dang chu skyes dmar po dang sna tshogs rdo rje dang ral gri dang rdo rje khu tshur dang dbyug pa sngon po dang dbyug pa nag po dang rdo rje dang rdo rje la gnas pa'i dbyug pa dang nyi ma dang zla ba la bzhugs pa'i zhal gsum phyag drug pa'o//yang gzhan las ni lha rnams kyi rang rang gi mdog lta bu'i rin po che las byas pa'o/ /de la rnam par snang mdzad dang lha mo rnams dang byang chub sems dpa' rnams ni zla ba la gnas pa ste gzhan rnams ni nyi ma la gnas pa'o//mi bskyod pa la sogs pa rnams ni rdo rje skyil krung can no/ /khro bo rnams ni zhabs g.yas brkyang ba g.yon bskum pa zhal so so la dmar la zlum pa'i spyan gsum gsum dang ldan pa 'bar zhing sgra sgrogs pa shin tu 'jigs su rung ba srung ba'i 'khor lor bshad pa'i rnam par 'gyur ba'i gzugs la sogs pa'i khyad par dang ldan pa'o//'dir ni 'khor lo'i dbang phyug kho na yum dang bcas pa ste gnod mdzes kyi mthar thug pa'i lha gzhan rnams ni yum med pa'o//srung ba'i 'khor lo la gnas pa'i gshin rje gshed la sogs pa ni rang 'od kyi shes rab dang bcas pa ste/ de yang go rims bzhin du rdo rje ro langs ma dang gzhan gyis mi thub ma dang khro gnyer can ma dang ral gcig ma dang sna tshogs rdo rje ma dang sna tshogs rin chen ma dang sna tshogs pad+ma dang sna tshogs las ma dang nam mkha'i rdo rje ma dang sa 'dzin ma rnams so//mi bskyod pa la thugs kar ye shes sems dpa' phyag gnyis pa dmar po shes rab dang bcas pa de'i thugs kar hUM nag po'o/ /rnam par snang mdzad kyi thugs kar oM dang rin chen dbang po la swA dang snang ba mtha' yas la AHdang don yod grub pa la hA dang /spyan ma la sogs pa'i lha mo rnams la lAM mAM pAM tAM dzaHhUM baM hoHdang reg bya rdo rje ma la khaM dang byams pa la sogs pa brgyad po rnams la maiM th+liM oM oM oM hUM oM saM dang khro bo bcu po rnams la hUM do//mi bskyod pa la sogs pa rnams kyi snying po'i sngags ni 'jam pa'i rdo rje'i dkyil 'khor du gsungs pa nyid de byams pa la sogs pa rnams kyi ni oM AHmai tre ya maiM hUM oM AHkaShi ti gar+b+ha th+liM hUM/ oM AHbadzra pA Ni oM hUM/ oM AHkha gar+b+ha oM hUM/ oM AH lo ki shwa ra oM hUM/oM AHm+ny+dzu g+ho Sha hUM hUM/ oM AHsarba ni ba ra Na biska m+b+hi ni oM hUM/ oM AHsa man+ta b+ha dra saM hUM/ oM AHa tsa la hUM hUM/ oM AHTak+ki rA dza hUM hUM/ oM AHnI la daN+Da hUM hUM/ oM AHma hA ba la hUM hUM/ oM AHuSh+NI Sha hUM hUM/ oM AHsum+b+ha rA dza hUM hUM/ gang gi tshe mi bskyod pa dang dbyer med pa'i rdo rje sems dpa' 'khor lo'i dbang por gyur pa de'i tshe 'di'o//oM AHhUM hUM zhes pa'i sngags so/ /rigs kyi bdag po ni mi bskyod pa dang kun du bzang po dag gi gong du brjod pa'i rdo rje sems dpa' ste 'on kyang rdo rje dang 'khor lo dang pad+ma dang dril bu dang nor bu dang ral gri 'dzin pa rang dang 'dra ba'i rdo rje dbyings kyi dbang phyug mas yang dag par 'khyud pa'o//de bzhin gshegs pa rnams dang mA ma kI dang phyag na rdo rje dang 'jam pa'i dbyangs dang gtsug tor 'khor los sgyur ba dang gnod mdzes rgyal po rnams kyi mi bskyod pa'o/ /spyan ma dang gzugs rdo rje ma dang byams pa dang sa'i snying po dang gshin rje mthar byed dang mi g.yo ba rnams kyi rnam par snang mdzad do//sgra rdo rje ma dang nam mkha'i snying po dang shes rab mthar byed dang 'dod pa'i rgyal po rnams kyi rin chen dbang po'o/ /gos dkar mo dang dri rdo rje ma dang 'jig rten dbang phyug ma dang pad+ma mthar byed dang dbyug sngon can rnams kyi snang ba mtha' yas so//sgrol ma dang ro rdo rje dang reg bya rdo rje ma dang rnam par sel ba dang bgegs mthar byed dang stobs po che rnams kyi don yod grub pa'o/ /rgyas 'debs kyi de bzhin gshegs pa thams cad ni rang 'od kyi yum dang bcas pa 'khor los sgyur ba'i gzugs can no//dpal kun du kha sbyor du gsungs pa'i rdo rje sems dpa'i dkyil 'khor ni rdo rje gur gyi nang du srung ba'i 'khor lo'i lte bar rlung dang me dang chu dang sa'i dkyil 'khor dang ri rab kyi steng du chos 'byung gi dbus su gzhal yas khang ngo //srung ba'i 'khor lo la gshin rje gshed ni phyag g.yas pa gsum gyis rdo rje lcags kyu dang 'khor lo dang rdo rje dang g.yon pa gsum gyis thugs kar sdigs mdzub dang bcas pa'i zhags pa dang dril bu dang dgra sta 'dzin pa'o/ /shes rab mthar byed ni rdo rje zhags pa dang rdo rje dang ral gri dang thugs kar sdigs mdzub dang dril bu dang dgra sta'o//pad+ma mthar byed ni lcags sgrog dang pad+ma dang ral gri dang dril bu dang dgra sta dang zhags pa'o/ /bgegs dgra ni rdo rje dril bu dang sna tshogs rdo rje dang 'khor lo dang sdigs mdzub dang bcas pa'i zhags pa dang gtun shing dang dgra sta'o//mi g.yo ba ni ral gri dang 'khor lo dang rdo rje dang sdigs mdzub dang dgra sta dang zhags pa'o/ /'dod pa'i rgyal po ni g.yas pa dang cig shos kyi phyag gnyis kyis rdo rje hUM mdzad kyi phyag rgya dang lcags kyu dang ral gri dang rdo rje zhags pa'o/ /dbyug sngon can ni rdo rjes mtshan pa'i dbyug pa sngon po dang ral gri dang 'khor lo dang sdigs mdzub dang bcas pa'i zhags pa dang pad+ma dang dgra sta'o//stobs po che ni rtse gsum dang ral gri dang 'khor lo dang thugs kar sdigs mdzub dang bcas pa'i zhags pa dang pad+ma dang dgra sta'o/ /gtsug tor 'khor los sgyur ba ni g.yas pa dang cig shos kyi phyag gnyis kyis gtsug tor gyi phyag rgya dang 'khor lo dang pad+ma dang sdigs mdzub dang ral gri'o//gnod mdzes ni rdo rje dang 'khor lo dang rin po che dang thugs kar sdigs mdzub dang bcas pa'i zhags pa dang pad+ma dang ral gri'o/ /bcu po 'di rnams ni dbu la thod pa lngas brgyan pa 'khor lo la sogs pa'i phyag rgya dang ldan pa mi mgo'i phreng ba mgul la 'phyang ba go rims ji lta ba bzhin du rnam par snang mdzad dang rin chen dbang po dang 'od dpag med dang don yod grub pa dang rtag pa dang rin chen dbang po dang 'od dpag med dang don yod grub pa dang mi bskyod pa dang mi bskyod pas rgyas btab pa'o//gzhal yas khang gi snying por rdo rje 'dzum pa dang bcas pa cung zad dmar ba'i mdangs dang ldan pa'i sku mdog dkar po ral pa'i thor cog nag po la gnas pa'i nor bu dang sna tshogs rdo rje dang de'i 'og tu g.yon ngos su gnas pa'i zla ba phyed pa dri ma med pa dang sangs rgyas lnga'i cod pan can/dpral ba'i steng du thod pa lnga dang 'khor lo dang rna cha dang mgul rgyan dang lag gdub dang ska rags dang thal chen rnams kyis brgyan pa zhal gsum pa g.yas pa dang cig shos kyi zhal sngon po dang dmar po zhal re re la spyan gsum gsum dang ldan pa phyag drug pa rdo rje dang dril bus rnam par mdzes pa'i phyag gnyis kyis rang dang 'dra ba'i shes rab la 'khyud cing chu skyes la mnyam par sbyor ba'i dga' ba dang ldan pa phyag g.yas pa dag gis ral gri dang lcags kyu dag dang g.yon pa dag gis thod pa dang zhags pa 'dzin pa/nyi ma'i 'od kyi dkyil 'khor can sna tshogs pad+ma dang thod pa dang zla ba'i gdan la skyil krung phyed pas bzhugs pa gar gyi nyams dgu dang ldan pa'o/ /de'i thugs kar sna tshogs chu skyes dang zla ba la ye shes sems dpa' sku mdog dkar dmar sems dpa'i skyil krung can sangs rgyas lngas spras pa'i rin po che'i cod pan dang rin po ches brgyan pa rdo rje dril bu dang bcas pa'i phyag gnyis kyis rang dang 'dra ba'i shes rab ma la 'khyud pa ste de'i thugs kar ting nge 'dzin sems dpa'i rang bzhin hUM yig nag po'o//'dir sems dpa' gsum gyi bdag nyid rdo rje 'chang gi shar du rnam par snang mdzad dkar po zhi ba/phyag bzhi pa g.yas pa dag gis 'khor lo dang dril bu g.yon pa dag gis thod pa dang zhags pa 'dzin pa'o/ /lhor rin chen dbang po ser po phyag bzhi pa g.yas pa dag gis rin po che dang lcags kyu g.yon dag gis thod pa dang zhags pa'o//nub tu snang ba mtha' yas dmar po phyag bzhi pa g.yas pa dag gis mda' dang pad+ma/ g.yon pa dag gis gzhu dang zhags pa'o/ /byang du don yod grub pa ljang gu phyag bzhi pa g.yas pa dag gis rdo rje dang lcags kyu g.yon pa dag gis dril bu dang thod pa'o//dbang ldan du spyan ma dkar mo phyag brgyad ma g.yas pa rnams kyis 'khor lo dang rdo rje dang ral gri dang mda' dang / g.yon pa rnams kyis thod pa dang dril bu dang zhags pa dang gzhu'o/ /mer mA ma kI sngon mo phyag bcu gnyis pa g.yas pa rnams kyis mda' dang ral gri dang rdo rje dang 'khor lo dang rin po che dang pad+ma dang /g.yon pa rnams kyis gzhu dang lcags kyu dang dril bu dang zhags pa dang thod pa dang kha T+wAM ga'o/ /bden bral du gos dkar mo dmar po phyag brgyad ma g.yas pa rnams kyis mda' dang pad+ma dang ral gri dang rdo rje/g.yon pa rnams kyis gzhu dang thod pa dang zhags pa dang dril bu'o/ /rlung du sgrol ma ljang gu phyag brgyad ma g.yas pa rnams kyis ut+pal dmar po dang ral gri dang lcags kyu dang mda'/ g.yon pa rnams kyis 'khor lo dang zhags pa dang thod pa dang gzhu'o/ /rim pa gnyis pa la shar phyogs su rdo rje drag mo dkar mo mda' dang lcags kyu dang gzhu dang byang chub kyi sems kyis gang ba'i thod pa can no//lhor gzugs rdo rje ma ser mo rdo rje dang mdung dang zhags pa dang khrag gis gang ba'i thod pa can no/ /nub tu 'dod chags rdo rje ma dmar mo ral gri dang rdo rje dang dri chus gang ba'i thod pa dang dril bu can no//byang du rdo rje zhi ba ma ljang gu thal char dang ba dan gsum pa dang rdo rjes mtshan pa'i kha T+wAM ga dang thod pa can no/ /dbang ldan du rdo rje gnod sbyin mo dkar ser dbyug pa dang ut+pal dang thod pa dang Da ma ru can no/ /mer rdo rje mkha' 'gro ma dkar ser pad+ma dang me long dang rkang mar gyis gang ba'i thod pa dang dgra sta can no//bden bral du sgra rdo rje ma sngo dmar shak+ti dang dung dang 'khor lo dang khrag gis gang ba'i thod pa can no/ /rlung du sa rdo rje ma dkar ljang pad+ma dang rdo rje dang bdud rtsi dang sgron mas gang ba'i thod pa mi lpags kyis g.yogs pa dang dril bu can no//brgyad po 'di rnams ni phyag bzhi ma phyag dang po gnyis ni g.yas pa dag gis te gzhan gnyis ni g.yon pa dag gis 'dzin pa'o/ /rim pa gsum pa la shar phyogs su bzhad ma dmar mo phyag gnyis rdo rje dril bu dang bcas pas mngon par bshad pa'i tshul can no//lhor sgeg mo sngon mo phyag gnyis rdo rje dang dril bu 'dzin pas bsnyems pa dang bcas par mngon par sgeg pa'i tshul can no/ /nub tu glu ma ser mo cung zad g.yo zhing sgeg pa'i phyag gnyis ting ting shags 'dzin pa'o/ /byang du gar ma ljang gu pad kor gyi tshul la sogs pa'i gar gyis g.yo ba'i phyag gnyis kyis rdo rje rtse gsum pa dang rdo rje dril bu 'dzin pa'o//dbang ldan du gling bu ma dmar mo'o/ /mer pi wang ma ser mo phyag gnyis kyis sgeg pa'i nyams kyis sku cung zad g.yo ba'o/ /bden bral du mu kun dam dkar mo'o/ /rlung du rdza rnga ma du ba'i mdog can te/bzhi po 'di rnams ni phyag gnyis kyis rang rang gi rol mo sgrogs pa'o/ /de nas phyi'i snam bu la me mtshams su me tog ma dkar mo g.yon pa dang cig shos kyi phyag gis me tog gi phreng ba dang 'khor lo 'dzin pa'o/ /bden bral du bdug spos ma du ba'i mdog can g.yon pa dang cig shos kyi phyag gis bdug spos kyi snod rin po che 'dzin pa'o//rlung du mar me ma gser gyi mdog can g.yon pa dang g.yas pa'i phyag gis mar me'i mchod sdong dang pad+ma 'dzin pa'o/ /dbang ldan du dri chab ma dmar mo g.yon pa dang cig shos kyi phyag gis dri'i dung chos dang ral gri 'dzin pa'o//shar du me long ma dkar mo phyag gnyis kyis me long 'dzin pa'o/ /lhor ro ma dmar mo phyag gnyis kyis ro'i snod 'dzin pa'o/ /nub tu reg bya ma ljang gu phyag gnyis kyis sna tshogs pa'i gos 'dzin pa'o/ /byang du chos ma dkar mo phyag gnyis kyis chos 'byung dkar po 'dzin pa'o//'di rnams dang rnam par snang mdzad la sogs pa lha rnams ni zhal gcig spyan gsum pa ral pa'i cod pan nag po la thod pa lnga dang 'khor lo la sogs pas brgyan pa/ lha'i na bza' gyon pa skyil krung phyed pa'i gar gyis bzhugs pa'o/ / sgo rnams la shar du rdo rje lcags kyu ma nam mkha' ltar sngo bsangs zhal g.yas pa dang cig shos nag po dang dkar po phyag drug gi g.yas pa rnams kyis lcags kyu dang ral gri dang 'khor lo g.yon pa rnams kyis zhags pa dang sdigs mdzub dang dril bu 'dzin pa'o/ /lhor rdo rje zhags pa ma dkar ser zhal g.yas pa dang cig shos nag po dang dmar po phyag drug gi g.yas pa rnams kyis zhags pa dang rdo rje dang ral gri/g.yon pa rnams kyis 'khor lo dang dril bu dang sdigs mdzub dang bcas pa'i zhags pa'o/ /nub tu rdo rje lcags sgrog ma dmar mo zhal g.yas pa dang cig shos nag po dang dkar po phyag drug gi g.yas pa rnams kyis lcags sgrog dang rdo rje dang ral gri/g.yon pa rnams kyis 'khor lo dang dril bu dang lcags kyu'o/ /byang du rdo rje dril bu ma ljang gu zhal g.yas pa dang cig shos nag po dang dkar po phyag drug gi g.yas pa rnams kyis dril bu dang rdo rje dang ral gri/g.yon pa rnams kyis 'khor lo dang lcags kyu dang zhags pa'o/ /bzhi po 'di rnams ni zhal re re zhing spyan gsum gsum pa dbu skra dmar ser 'bar zhing gyen du brdzes pa/ thod pa lnga dang 'khor lo la sogs pas brgyan pa/ stag gi pags pa'i gos can zhabs g.yas brkyang zhing g.yon bskum pa'i gar gyis sna tshogs pad+ma dang thod pa dang nyi ma la bzhugs pa'o//rin chen 'byung ldan dang 'od dpag med dang don yod grub pa rnams ni sna tshogs chu skyes dang thod pa dang nyi ma la ste lha gzhan thams cad sna tshogs pad+ma dang thod pa dang zla ba la gnas pa'o//thams cad kyang nyi ma'i 'od zer dang ldan pa nyid do/ /'dir rdo rje sems dpa' kho na yum dang bcas pa ste lha gzhan thams cad ni yum med pa'o zhes pa ni phyogs gcig go/ /rang dang 'dra ba'i shes rab dang bcas pa ni gnyis pa'o/ /rigs kyi bdag po ni rdo rje sems dpa' la sogs pa'i de bzhin gshegs pa rnams dang mA ma kI dang sgra rdo rje ma dang glu ma dang reg bya rdo rje ma dang chos dbyings rdo rje ma rnams kyi mi bskyod pa'o//spyan ma dang rdo rje drag mo dang sa rdo rje ma dang me tog ma dang bzhad ma dang gling bu ma dang me long ma dang rdo rje lcags kyu ma rnams kyi rnam par snang mdzad do//rdo rje mkha' 'gro ma ni rdo rje gzugs ma dang bdug spos ma dang sgeg mo dang pi wang ma dang rdo rje zhags pa ma rnams kyi rin chen 'byung ldan no/ /gos dkar mo dang 'dod chags rdo rje ma dang mar me ma dang dri chab ma dang mu kun dam dang rdo rje lcags sgrog ma rnams kyi snang ba mtha' yas so/ / sgrol ma dang rdo rje zhi ba ma dang rdo rje gnod sbyin mo dang gar mkhan ma dang ro ma dang rdza rnga ma dang rdo rje dril bu ma rnams kyi don yod grub pa'o/ /rdo rje sems dpa' la sogs pa'i thugs ka'i sa bon ni dkyil 'khor la dgod pa'i rim pas/ hUM b+h+rUM A hriH khaM b+h+rUM hUM hrIH aM AM iM IM uM UM aM AHr-iM haM AM r-IM laM saM khaM gaM/baM liM naM raM/ oM auM eM aiM dzaHhUM baM hoH zhes pas rdo rje sems dpa'i snying po'i sngags ni oM badzra a mr-i ta ma hA su kha haM/ zhes pa'o/ /rdo rje dril bu ma'i oM AH badzre g+haN+De hoHhaM swA hA/ zhes pa ste las thams cad pa'i sngags so/ /rdzogs pa'i rim pa'i rnal 'byor la 'khor lo'i dbang phyug gi snying po'i sngags nyid kyis lha gzhan rnams kyi snying po'i sngags kyi bsgrub bya yang 'grub pa ste de rnams ni ma bris te gzhung mangs pas 'jigs pas so//de bzhin du snga ma dang phyi ma rnams la rig bar bya'o// //ye shes mkha' 'gro ma'i dkyil 'khor ni rdo rje gur gyi nang du sna tshogs rdo rje'i lte bar gnas pa'i gzhal yas khang gi dbus su gdugs dkar po dang bcas pa'i seng ge la gnas pa'i sna tshogs pad+ma dang nyi ma la ye shes kyi mkha' 'gro ma sngon mo ste 'di'i cod pan dar gyis bcings pa'i steng du rdo rjes mtshan zhing sangs rgyas lnga 'phro bas brgyan pa rtsa ba'i zhal khro zhing gad rgyangs dang bcas pa/g.yas dkar zhing bzhad pa dang bcas pa g.yon dmar zhing sgeg pa dang bcas pa zhal re re la spyan gsum gsum pa phyag g.yas pa gsum na steng du gnas pa'i kha T+wAM ga dang dgra sta dang rdo rje/ g.yon pa gsum na dril bu dang khrag gis gang ba'i thod pa dang ral gri'o//'di'i shar phyogs su rdo rje mkha' 'gro ma dkar mo sgeg pa'i nyams can dang / byang du mi bzad mkha' 'gro ma gser gyi mdog can dang / nub tu ro langs ma sngon mo dang / lhor gtum mo dmar mo ste bzhi po 'di rnams kyang seng ge la gnas pa'i sna tshogs pad+ma dang nyi ma la bzhugs pa/g.yas pa dang cig shos kyi phyag gnyis kyis steng du bgreng ba'i kha TI ga dang khrag gis gang ba'i thod pa 'dzin pa'o/ /dbang ldan du seng ge mo seng ge'i gdong pa can g.yon pa dang g.yas pa'i lus phyed phyed dkar po dang ser po glang po che dkar po la gnas pa'o//mer stag mo stag gi gdong pa can g.yon pa dang g.yas pa'i lus phyed phyed sngon po dang dkar po rin po che sna bdun gyi phung po la'o/ /bden bral du ce spyang mo ce spyang gi gdong pa can g.yon pa dang g.yas ba'i lus phyed nag po dang dmar po ma he la'o//nub tu 'ug pa mo 'ug pa'i gdong pa can g.yon pa dang g.yas pa'i lus phyed phyed ser po dang dmar po klu brgyad kyi mjug ma la'o/ /bzhi po 'di rnams ni g.yas pa dang g.yon pa'i phyag gnyis rdo rje lcags kyu dang sdigs mdzub dang bcas pa'i zhags pas brgyan cing sna tshogs chu skyes dang nyi ma la gnas pa'o//de nas sgo rnams la shar du rgyal ba'i dbang phyug ma dkar mo phyag gnyis kyis thal mo khar bcug pa'o/ /byang du gsal byed ma ser mo mar me lta bu'i thal mo sbyar ba spyi bor 'dzin pa'o/ /nub tu 'jigs byed ma dmar mo khrag gis gang ba'i snyim pa steng du bkan pa kha'i thad kar bzung nas khrag gi rgyun 'thung bar byed pa'o//lhor kaM po dzI nag mo rdo rje'i snyam pa la mthe bong gi rtse mo gnyis phan tshun sbyar te sdigs mdzub gnyis kyi mdzub mo brkyang ba sbyar nas gsang ba'i gnas su bzhag pas rang gi b+ha ga ston par byed pa'o/ / bzhi po 'di rnams ni sna tshogs chu skyes la gnas pa'i yi dags kyi snying gar nyi ma la bzhugs pa'o/ /rdo rje mkha' 'gro ma la sogs pa bcu gnyis ni zhal gcig pa spyan gsum pa'o/ /lha mo bcu gsum po thams cad kyang lha'i rin po che dang lha'i gos dang dbu la thod pa lnga'i phreng ba can phyag rgya lnga dang ldan pa sems dpa'i skyil krung can klu'i rgyal po brgyad kyis rnam par mdzes pa/bskal pa'i mtha'i me 'bar ba'i 'od lta bu'i 'od zer gyi tshogs kyi 'bar zhing 'jigs su rung ba ste go rims ji lta ba bzhin du mi bskyod pa dang rtag pa dang rin chen dbang po dang snang ba mtha' yas dang don yod grub pa dang mi bskyod pa dang rnam par snang mdzad dang rin chen 'byung ldan dang 'od dpag med dang rtag pa dang rin chen dbang po dang snang ba mtha' yas dang don yod grub pa rnams kyis rgyas btab pa'o//hUM hUM hUM hUM hUM AM -IM r-IM l-IM aiM auM aHzhes pa 'di rnams ni thugs ka'i sa bon no//oM hrI/ swA hA/ zhes pa ni ye shes mkha' 'gro ma'i snying po'o/ /oM be ta lI hUM swA hA/ zhes pa ni ro langs ma'i ste las thams cad pa'i sngags so/ /bcu bdun gyi bdag nyid kye'i rdo rje'i dkyil 'khor ni rdo rje gur gyi nang du chos kyi 'byung gnas kyi snying por gnas pa'i gzhal yas khang gi dbus su sna tshogs chu skyes kyi lte ba la gnas pa'i ro'i snying gar khrag gis gang ba'i thod pa'i steng du nyi ma la gnas pa'i kye'i rdo rje rnam pa gsum ste bzhi pa ni ro dang bral ba'o//de la 'jig rten gsum kun du bskyod pa nag po sna tshogs rdo rjes mtshan pa'i dbu skra dmar ser gyen du brdzes pa/thod pa lnga dang phyag rgya drug dang mi mgo rlon po'i phreng bas brgyan pa rgyab kyi char stag gi pags pa'i smad g.yogs can zhabs g.yon pa'i brla la zhabs g.yas pa'i sen mo yang dag par bzhag pa'i skyil krung phyed pas gnas pa/ dmar la zlum pa'i spyan gsum dang ldan pa'i zhal gcig pa phyag gnyis pa phyag g.yon gyis rdo rjes mtshan pa'i thod pa khrag gis gang ba 'dzin pas 'chad par 'gyur ba'i gzugs can gyi bdag med ma la 'khyud pa/phyag g.yas kyis rdo rje rtse lnga pa dbyug pa brdeg pa'i tshul du 'dzin pa'o/ /yang phyag bzhi pa ni phyag gnyis pa lta bu ste phyag gzhan pa gnyis kyis rang dang 'dra ba'i rdo rje phag mo la yang dag par 'khyud pa'o zhes pa ni khyad par ro//yang phyag drug pa ni nag po dang dkar po dang dmar po'i zhal gsum pa zhal re re zhing spyan gsum gsum dang ldan pa ral pa'i cod pan gyis brgyan pa/phyag g.yon pa rnams kyis rdo rje dril bu dang gzhu dang thod pa/ g.yas pa rnams kyis rdo rje dang mda' dang rtse gsum 'dzin pa rdo rje dril bu dang ldan pa'i phyag gnyis kyis rang dang 'dra ba'i rdo rje lu gu rgyud ma la yang dag par 'khyud pa ste gzhan ni ji ltar rigs par snga ma bzhin no//de ltar he ru ka gsum gyi shar la sogs pa'i 'dab ma brgyad la rdo rje drag mo la sogs pa brgyad do/ /'di dag gi phyi rol du dbang ldan la sogs pa'i mtshams rnams su gling bu ma dang pi wang ma dang mu kun da ma dang rdza rnga ma'o/ /shar la sogs pa'i sgo rnams su rdo rje lcags kyu ma dang rdo rje zhags pa ma dang rdo rje lcags sgrog ma dang rdo rje dril bu ma'o//lha mo bcu drug po 'di dag ni gong gi dang 'dra ba la yab dang bral ba'o/ /he ru ka gsum gyi rigs kyi bdag po ni mi bskyod pa ste thugs ka'i sa bon ni hUM ngo / /snying po'i sngags ni oM AH hUM hrIH swA hA zhes pa'o/ / so so'i sngags ni rim pa ji lta ba bzhin du oM trai lokya Ak+She pa huM huM hUM phaT swA hA/ oM dz+wa la dz+wa la b+h+yo huM huM hUM phaT swA hA/ oM ki Ti ki Ti badzra huM huM huM phaT ces pa'o// //kye'i rdo rje bzhi pa ni phyag bcu drug pa ste mi skyod pas rgyas btab pa bdag med ma dang snyoms par 'jug pa'o/ /'on kyang 'di la gong du bshad pa'i ro'i gnas su bdud bzhi ste/de'ang phung po'i bdud kyi ngo bo tshangs pa ser po dang nyon mongs pa'i bdud khyab 'jug nag po dang / 'chi bdag gi bdud dbang phyug dkar po dang / lha'i bu'i bdud dbang po dmar ser ro/ /de rnams la bcom ldan 'das kyi zhabs bzhi'i gnyis kyis skyil krung phyed pa dang gzhan pa dag gis g.yon bskum zhing g.yas brkyang bas bzhugs pa/sku mdog nag po nas sna tshogs rdo rje la sogs pa dang smad g.yogs kyi bar sngar bshad pa'i khyad par dang ldan pa/ zhal brgyad pa spyan nyi shu rtsa bzhi pa/ rtsa zhal nag po gang mo can g.yas dkar po g.yon dmar po steng ma mche ba gtsigs pa lhag ma rnams nag po'o//phyag g.yas pa rnams na rdo rje dang ral gri dang mda' dang 'khor lo dang thod pa dang dbyug pa dang rtse gsum dang lcags kyu dang / g.yon pa rnams na dril bu dang pad+ma dang gzhu dang kha T+wAM ga bsgreng ba dang thod pa dang rin po che dang sdigs mdzub dang zhags pa'o//shar gyi 'dab ma la gau rI dmar ser phyag g.yas pa gnyis na mda' phyung ba dang rdo rje gri gug /g.yon gnyis na gzhu dang nya ro hi ta dang bcas pa'i thod pa khrag gis gang ba'o/ / lhor chom rkun ma dmar mo rdo rje dang Da ma ru dang lcags kyu dang phag pa dang bcas pa'i thod pa khrag gis gang ba can no/ /nub tu ro langs ma dkar ser ral gri dang rus sbal dang bcas pa'i thod pa khrag gis gang ba dang / chang gis gang ba'i thod pa dang dri chus gang ba'i thod pa can no/ / byang du g+hasma rI ljang gu cung zad ser ba rkang mar gyis gang ba'i thod pa la gnas pa'i sbrul dang mi 'jigs pa'i phyag rgya dang rdo rjes mtshan pa'i me thab dang rdo rjes mtshan pa'i dgra stag can no/ /dbang ldan du puk+ka sI ser mo sha chen gyis gang ba'i thod pa la gnas pa'i seng ge dang mchog sbyin gyi phyag rgya dang dpag bsam gyi shing gi yal ga dang rin po che can no//mer ri khrod ma dkar mo khu bas gang ba'i thod pa la gnas pa'i dge slong dang rdo rje dang kha TI ga dang zhags pa'o/ /bden bral du gtum mo sngon mo g.yas pa na khrag gis gang ba'i thod pa la stag dang / g.yon na pad+ma dkar po dang phyag gnyis na rlung ras can no//rlung du g.yung mo nag mo chang gi thod pa dang rtse gsum dang bdud rtsi lnga'i thod pa la gnas pa'i ce spyang dang thod gshol can no/ /'di dag gi phyi rol gyi mtshams rnams su gling bu ma la sogs pa bzhi snga ma bzhin no/ /sgo rnams la shar du rta gdong ma nag mo ste zhal rnams ni nag po dang dkar po dang ser po dang steng du rta'i gdong pa ljang gu'o//lhor phag gdong ma ser mo ste zhal rnams ni ser po dang nag po dang dkar po dang steng du phag gi gdong pa dmar po'o/ /nub tu khyi gdong ma dmar mo ste zhal rnams ni dmar po dang nag po dang dkar po dang steng du khyi'i gdong pa ser po'o//byang du seng gdong ma ljang gu ste zhal rnams ni ljang gu dang nag po dang dkar po steng du seng ge'i gdong pa dmar po'o/ /'dir rtsa ba dang g.yas pa dang cig shos dang steng gi rim pas zhal bzhi pa'o/ /sgo skyong ma rnams phyag bzhi ma rdo rje lcags kyu ma la sogs pa bzhin du phyag mtshan 'dzin pa sna tshogs chu skyes dang khrag gis gang ba'i thod pa dang ro'i steng du g.yas bskum zhing g.yon brkyang bas gnas pa dbu skra dmar ser gyen du 'bar zhing brdzes pa'o//lta gzhan rnams ni skyil krung phyed pa can thams cad kyang zhal re re zhing spyan gsum gsum pa phyag rgya lnga la sogs pas brgyan pa yab med pa'o//bcom ldan 'das kyi thugs ka'i sa bon ni hUM ngo / /snying po'i sngags ni oM de ba pi tsu badzra hUM hUM hUM phaT swA hA/ zhes pa'o/ /g+hasma rI'i oM oM swA hA/ zhes pa ste las thams cad pa'i sngags so// //bdag med ma'i dkyil 'khor ni rdo rje'i gur gyi nang du chos 'byung gi snying por gnas pa'i gzhal yas khang gi dbus su sna tshogs pad+ma'i lte bar bdag med ma ste/ shar la sogs pa'i phyogs kyi 'dab mar rdo rje ma dang / dkar mo dang / chung ma dang / rdo rje mkha' 'gro ma rnams so/ /rim pa gnyis par sna tshogs pad+ma rnams kyi shar la sogs par gau rI dang chom rkun ma dang ro langs ma dang g+hasma rI rnams te/ dbang ldan la sogs par puk+ka sI dang ri khrod ma dang gtum mo dang g.yung mo rnams so/ bdag med ma'i steng du shar gyi ngos kyi chu skyes la gnas pa'i mkha' spyod ma ste steng zhal can no/ /'og tu nub kyi ngos kyis pad+ma la gnas pa'i sa spyod ma ste 'og zhal can no/ /'di'i phyi rim la gnas pa'i gau rI la sogs pa brgyad ni phyag bcu drug pa'i dkyil 'khor bzhin du ser po la sogs pa'i mdog can te gzhan bdun ni sngon mo'o//bco lnga po yang skyil krung phyed pas ro dang zla ba la gnas pa zhal gcig pa spyan gsum dmar ba dbu skra dmar ser gyen du brdzes pa stag gi pags pa'i sham thabs can/ phyag bzhi ma g.yas pa dag gis rdo rje dang gri gug/ g.yon ba dag gis thod pa dang steng du sgreng ba'i kha T+wAM ga 'dzin pa/ dbu la thod pa lnga'i phreng ba can phyag rgya lnga dang ldan pa'o/ /mtshams rnams su gling bu ma la sogs pa bzhi ni snga ma bzhin du'o/ /sgo rnams la shar du rta gdong ma dkar sngo dang lhor phag gdong ma ser sngo dang nub tu khyi gdong ma dmar sngo dang /byang du seng gdong ma ljang sngo ste bzhi po 'di rnams kyang g.yas brkyang zhing g.yon bskum pas nyi ma la gnas pa g.yas pa dang g.yon pa'i phyag gnyis kyis gri gug dang thod pa 'dzin pa ming dang rjes su mthun pa'i zhal gcig ma kha dog gnyis gnyis dang ldan pa/khyad par gzhan rnams ni bdag med ma dang mtshungs pa/ bdag med ma la sogs pa rnams ni go rims ji lta ba bzhin du mi bskyod pa dang rtag pa dang rin chen dbang po dang snang ba mtha' yas dang don yod grub pa dang mi bskyod pa dang rtag pa dang rin chen dbang po dang snang ba mtha' yas dang mi bskyod pa dang rtag pa dang rin chen dbang po dang snang ba mtha' yas dang rnam par snang mdzad kyis rgyas btab pa ste/gling bu ma la sogs pa dang rta gdong ma la sogs pa rnams la rnam par snang mdzad dang rin chen 'byung ldan dang snang ba mtha' yas dang don yod grub pa rnams kyis so//bdag med ma'i thugs ka'i sa bon ni oM ste oM aM swA hA zhes pa ni snying po'o/ /oM aM swA hA/ zhes pa ni g+hasma rI'i ste las thams cad pa'i sngags so/ /yang bdag med ma la sogs pa lha mo bco lnga'i dkyil 'khor te/ de yang lha mo thams cad sku mdog nag mo g.yas pa dang g.yon pa'i phyag gnyis kyis gri gug dang thod pa 'dzin pa mchod phyir thogs pa can kha T+wAM ga dang bcas pa ste gzhan rnams ni snga ma bzhin no//oM AHbadzra g+hasma rI oM hUM swA hA zhes pa g+hasma rI'i sngags te las thams cad pa'o/ /gang gi tshe dkyil 'khor gyi dbang mo ku ru ku l+ler gyur pa na sku mdog dmar mo phyag bzhi ma g.yas pa dag gis mda' dang lcags kyu g.yon pa dag gis ut+pal dmar po dang gzhu 'dzin pa/zhal gcig pa spyan gsum pa snang ba mtha' yas kyis rigs kyi bdag po byas pa'o/ /rdo rje ma la sogs pa bcu bzhi'ang sku mdog dmar mo phyag gnyis kyis mda' dang gzhu 'dzin pa ste bco lnga po thams cad kyang pad+ma dmar po dang ro'i snying gar zla ba la skyil krung phyed pas gnas pa'o//ku ru kul+le'i thugs ka'i sa bon ni hrIH'o/ /oM ku ru kul+le hrIHswA hA/ snying po'o/ /gzhan ni snga ma bzhin du gyur pa de'i tshe ku ru kul+le'i dkyil 'khor du 'gyur ro//rdo rje bdud rtsi'i dkyil 'khor ni rdo rje'i gur gyi nang du chos 'byung gi snying por gnas pa'i gzhal yang khang gi dbus su sna tshogs chu skyes kyi lte bar zla ba la dpal rdo rje bdud rtsi sems dpa'i skyil krung can me tog pri yang ku lta bur sngo bsangs rtsa ba dang g.yas pa dang cig shos kyi zhal gsum me tog pri yang ku lta bu sngo bsangs dang dkar po dang dmar po'o//sna tshogs pa'i lag gdub dang rkang gdub la sogs pa dang gos rnams kyis brgyan pa/ phyag drug pa rdo rje dril bu dang bcas pa'i phyag gnyis kyis rang 'od kyi shes rab la 'khyud pa g.yas pa dag gis 'khor lo dang ral gri dang g.yon pa dag gis zhags pa dang lcags kyu 'dzin pa 'od dmar po'i dkyil 'khor can/zhi ba dang sgeg pa'i nyams kyi phung po can no/ /'dab ma rnams la shar du zhi ba mo dkar mo dkar ba dang nag pa dang dmar ba'i zhal gsum mo//lhor zhi gdong ma ser mo ser ba dang dkar ba dang dmar ba'i zhal gsum mo/ /nub tu zla ldan ma dmar mo dmar ba dang gnag pa dang dkar ba'i zhal gsum mo/ /byang du ri bong can ma ljang gu ljang ba dang dkar ba dang dmar ba'i zhal gsum mo/ /mer zla dkyil ma sngon mo sngo ba dang dkar ba dang dmar ba'i zhal gsum mo//bden bral du zla tshes ma me tog pri yang ku ltar sngo bsangs sngo bsangs dang dkar ba dang dmar ba'i zhal gsum mo/ /rlung du yid 'ong ma ut+pal sngon po'i mdog can sngo pa dang dkar ba dang dmar ba'i zhal gsum mo/ / dbang ldan du yid tshim par byed ma gser gyi mdog can ser ba dang dkar ba dang dmar ba'i zhal gsum mo/ /lha mo 'di rnams 'khor lo'i dbang phyug lta bu'i phyag mtshan 'dzin pa ste/ 'on kyang 'khor lo'i gnas su zla ba'i dkyil 'khor ro/ /zla tshes ma ni zla ba'i cha gcig 'dzin pa'o//rim pa gnyis par dbang ldan gyi mtshams su me tog ma dkar mo dkar pa dang gnag pa dang dmar ba'i zhal gsum mo/ /mer bdug spos ma du ba'i mdog can du ba'i mdog dang dkar ba dang dmar ba'i zhal gsum mo/ /bden bral du mar me ma gser gyi mdog can ser ba dang dkar ba dang gnag pa'i zhal gsum mo//rlung du dri chab ma dmar mo dmar ba dang dkar ba dang gnag pa'i zhal gsum mo/ /'di rnams ni rim pa ji lta ba bzhin du g.yas kyi phyag dang pos me tog gi za ma tog dang spos phor dang mar me'i mchod sdong dang dri'i dung chos 'dzin pa ste phyag lhag ma rnams kyis ni gtso bo'i phyag mtshan no//de nas shar la sogs pa'i snam bu la gling bu ma dang pi wang dang mu kun dam dang rdza rnga ma rnams ni dmar mo dang ser mo dang dkar mo dang du ba'i mdog can zhal gcig ma phyag gnyis pa gling bu la sogs pa'i sgra sgrogs par brtson pa'o//sgo rnams la shar du khro gnyer rim par ldan nam mkha' ltar sngo bsangs dang dkar po dang dmar po'i zhal gsum pa'o/ /lhor 'jigs sdigs dkar ba dkar po dang nag po dang dmar po'i zhal gsum pa'o/ /nub tu rta'i gzugs dmar po dmar po dang dkar po dang nag po'i zhal gsum pa'o//byang du tshogs kyi gtso bo ljang gu ljang gu dang dkar po dang dmar po'i zhal gsum pa'o/ /'di rnams ni 'gying ba'i khro bo 'gying ba'i rkang stabs kyis bzhugs pa 'khor lo'i dbang phyug gi phyag mtshan 'dzin pa ste/ khyad par ni phyag g.yas kyi dang pos rim pa ji lta bar lcags kyu dang zhags pa dang lcags sgrog dang dril bu 'dzin pa mche ba cung zad gtsigs pa'o//'dir ni 'khor lo'i dbang po'i gzugs brnyan de bzhin gshegs pa lnga dang rdo rjes mtshan pa'i rin po che sna tshogs pa'i cod pan no/ /de las gzhan pa'i lha nyi shu po rnams ni rdo rje bdud rtsi dang po tis mtshan pa'i rin po che'i cod pan zla ba la gnas pa/gtso bo lta bur rnam pa sna tshogs pa'i gos dang rin po che la sogs pas brgyan pa'o/ /me tog la sogs pa bcu gnyis po rnams kyi zla ba'i 'og tu sna tshogs pad+ma'o/ /rdo rje bdud rtsi'i thugs ka'i sa bon ni haH'o/ / oM haHbadzra a mr-i ta swA hA zhes pa ni snying po ste las thams cad pa yang 'di nyid do/ /rdo rje bdud rtsi gzhan gsum 'di ltar rnam par bsgom pa'i rim pa ni rdo rje bdud rtsi'i rgyud las rig par bya ste mangs pas 'jigs nas 'dir ma bshad do/ /dgu'i bdag nyid he ru ka bzhi'i dkyil 'khor ni rdo rje gur gyi nang du chos kyi 'byung gnas la gzhal yas khang ngo //phyag bcu drug pa la slar yang 'jam pa'i rdo rje'i dkyil 'khor lta bu'i srung ba'i 'khor lo rtsibs bcu pa yang yod do zhes pa ni phyogs gnyis pa'o/ /gzhal yas khang gi dbus su sna tshogs chu skyes kyi lte ba'i steng du gan rkyal du gnas pa'i tshangs pa dang khyab 'jug dang dbang phyug dang dbang po ste/bdud bzhi'i rang bzhin can gyi snying gar nyi ma la gnas pa'i zhabs bzhi pa gcer bu gar gyi nyams dgu dang ldan pa zhabs gnyis skyil krung phyed pa dang gzhan gnyis g.yon bskum zhing g.yas brkyang ba'i gar stabs can sna tshogs rdo rjes mtshan pa'i dbu skra dmar ser gyen du brdzes pa/dpral ba'i steng du mi mgo skam po lngas brgyan pa/ sangs rgyas lnga'i cod pan can sku mdog nag po phyag bcu drug pa gad rgyangs dang bcas pa'i zhal brgyad pa zhal re re la dmar zhing zlum pa'i spyan gsum gsum yod pa rtsa ba'i zhal nag po g.yas pa rnams dkar po dang nag po dang nag po/g.yon pa rnams dmar po dang nag po dang nag po steng ma du ba'i mdog can rnam par 'gyur ba/ zhal thams cad smin ma 'khyog po dang bcas pa khro gnyer can mche ba'i myu gu gtsigs pa phyag g.yas pa brgyad kyis thod pa rnams na glang po che dang rta dang bong bu dang glang dang rnga mo dang mi dang sha ra b+ha dang byi la rnams dang /g.yon pa brgyad kyis thod pa rnams na sa dang chu dang rlung dang me dang zla ba nyi ma dang gshin rje dang nor sbyin rnams 'dzin pa/ 'khor lo dang rna cha dang mgul rgyan dang lag gdub dang ska rags dang thal chen rnams dang mi mgo rlon pa khrag 'dzag pa lnga bcu'i do shal can dpung rgyan dang rkang gdub rnams kyis brgyan pa'o//'di'i yum ni bdag med ma nag mo gcer bu gri gug dang thod par ldan pa'i phyag g.yas pa dang g.yon pa dag gis bcom ldan 'das la yang dag par 'khyud pa/g.yas bskum zhing g.yon brkyang ba'i gar stabs can phyag rgya lnga dang ldan pa/ zhal gcig ma mche ba gtsigs ma dmar la zlum pa'i spyan gsum dang ldan pa/ dbu skra dmar ser 'bar zhing gyen du brdzes pa/ dpral ba'i mtshams su thod pa lngas brgyan pa/mgrin par mi mgo skam po'i phreng ba 'phreng ba rkang gdub la sogs pas brgyan pa'o/ /shar la sogs pa'i phyogs kyi 'dab mar gnas pa'i tshangs ba dang dbang po dang nye dbang dang drag bo rnams kyi snying ga'i steng du zla ba la gau rI la sogs pa ste dbang ldan la sogs pa'i 'dab mar gnas pa'i gshin rje dang lus ngan dang srin po dang thags bzangs ris rnams kyi snying ga'i steng du zla ba la puk+ka sI la sogs pa'o//de la gau rI nag mo g.yas pa na gri gug dang g.yon pa na nya ro haM ta 'dzin pa'o/ /chom rkun ma dmar mo phyag g.yas pa dang g.yon pa dag gis Ta ma ru dang phag pa 'dzin pa'o//ro langs ma gser gyi mdog can phyag g.yas pa dang g.yon pa dag gis rus sbal dang pad+ma'i snod 'dzin pa'o/ /g+hasma rI ljang gu phyag g.yas pa dang g.yon pa dag gis sbrul dang rnal 'byor gyi snod 'dzin pa'o/ /puk+ka sI sngon mo phyag g.yas pa dang g.yon pa dag gis seng ge dang dgra sta 'dzin pa'o//ri khrod ma dkar mo phyag g.yas pa dang g.yon pa dag gis dge slong dang gsil byed 'dzin pa'o/ /gtum mo nam mkha' ltar sngo bsangs phyag g.yas pa dang g.yon pa dag gis 'khor lo dang thong gshol 'dzin pa'o/ /g.yung mo sna tshogs pa'i mdog can phyag g.yas pa dang g.yon pa dang gis rdo rje dang sdigs mdzub 'dzin pa'o//brgyad po 'di rnams ni skyil krung phyed pa'i gar gyis bzhugs pa ste/ khyad par gzhan rnams ni sngar brjod pa'i bdag med ma bzhin no/ /rigs kyi bdag po ni he ru ka dang bdag med ma dag gi mi bskyod pa'o//gau rI la sogs pa rnams kyi mi bskyod pa dang rnam par snang mdzad dang rin chen 'byung ldan dang snang ba mtha' yas te puk+ka sI la sogs pa rnams kyi yang ngo / /yang phyag gnyis pa dkyil 'khor gyi gtso bor gyur pa na g.yas pas rdo rje gyen du 'phyar zhing g.yon pas rdo rje thod pa 'dzin pas bdag med ma la 'khyud pa/kha T+wAM ga yang dpung pa g.yon pa la brten pa'o/ /yang phyag bzhi pa 'khor lo'i dbang phyug tu gyur pa na/ phyag g.yas pas rdo rje sngon po dang g.yon pas khrag gis gang ba'i thod pa 'dzin pa/ phyag lhag ma dag gis rdo rje phag mo la 'khyud pa'o//yang phyag drug pa 'khor lo'i dbang por gyur pa na rtsa ba dang g.yas pa dang g.yon pa'i zhal gsum sngon po dang dkar po dang dmar po phyag g.yas pa dag gis rdo rje dang gri gug dang g.yon pa dag gis rtse gsum dang dril bu 'dzin pa/ lhag ma dag gis rdo rje lu gu rgyud ma la 'khyud pa ste/rdo rje lu gu rgyud ma ni sku mdog dang zhal dang phyag la sogs pa bdag med ma dang mtshungs par yan lag med pa'i rdo rje'i zhabs kyis gsungs pa'o/ /phyag gnyis pa la sogs pa 'di rnams sna tshogs chu skyes kyi ze'u 'bru la ro'i snying gar nyi ma la skyil krung phyed pa'i gar stabs mdzad pa/mi bskyod pas rgyas btab pa sna tshogs rdo rjes mtshan pa'i dbu skra dmar ser gyen du brdzes pa/ mi mgo lngas brgyan pa/ smin ma 'khyog pa dang bcas pa'i khro gnyer can/ mche ba gtsigs pa/ phyag bcu drug pa rim pa bzhin du 'khor lo la sogs pas brgyan pa'o//gau rI la sogs pa'i lha mo rnams kyis bskor ba'o/ /lha mo thams cad ni thabs dang bral ba ste rdo rje phag mo dang rdo rje lu gu rgyud la ni mi bskyod pas rgyas btab pa'o/ /kye'i rdo rje rnam pa bzhi'i thugs ka'i sa bon ni hUM ngo / /oM de ba pi tsu badzra hUM hUM hUM phaT swA hA/zhes pa ni phyag bcu drug pa'i snying po'o/ /oM trai lokya Ak+She pa hUM hUM hUM phaT swA hA/ zhes pa ni phyag gnyis pa'o/ /oM dz+wa la dz+wa la b+h+yo hUM hUM hUM phaT ces pa phyag bzhi pa'i'o/ /oM ki Ti ki Ti badzra hUM hUM hUM phaT swA hA/ zhes pa phyag drug pa'i'o/ /oM AH badzra g+hasma rI oM hUM swA hA/zhes pa ni g+hasma rI'i ste las thams cad pa'o/ /sgyu 'phrul chen mo'i dkyil 'khor ni rdo rje gur gyi nang du gnas pa ni chos 'byung gi dbus su gzhal yas khang ste/ kha cig ni rdo rje gur gyi nang du chos 'byung med par gzhal yas khang ngo zhes so/ /gzhal yas khang gi dbus su pad+ma dmar po 'dab ma brgyad pa'i lte bar nyi ma la sgyu ma chen po las byung ba'i he ru ka nag po nyi ma'i 'od zer can 'bar ba'i phreng ba 'khrigs pa 'gying ba'i khro bo dbu skra dmar ser 'bar zhing gyen du brdzes pa/thod pa'i cod pan can rtsa ba dang g.yas pa dang rgyab dang g.yon pa'i zhal bzhi sngon po dang ser po dang dkar po dang ljang gu zhal re re la dmar la zlum pa'i spyan gsum gsum pa phyag bzhi pa g.yas pa dag gis thod pa dang mda'/g.yon pa dag gis kha T+wAM ga dang gzhu 'dzin pa/ phyag bzhi dang ldan pa/ mi'i pags pa'i na bza' 'dzin pa/ skyil krung phyed pa'i gar gyis bzhugs pa'o//dpal ldan sangs rgyas mkha' 'gro ma ni sku mdog dmar mo dmar po dang ser po dang dkar po dang ljang gu'i zhal can gtso bo lta bu'i mtshon cha 'dzin pa/ phyag gnyis kyis de'i mgul nas 'khyud pa'o/ /'dab ma rnams la shar du rdo rje mkha' 'gro ma sngon mo sngon po dang ser po dang dkar po dang ljang gu'i zhal can rdo rje dang thod pa dang dril bu dang kha T+wAM ga 'dzin pa'o//lhor rin chen mkha' 'gro ma ser mo ser po dang sngon po dang dkar po dang ljang gu'i zhal can/ rin po che'i pa tra dang rtse gsum dang mgrin pa btsir ba'i ce spyang dang ba dan 'dzin pa'o/ /nub tu pad+ma mkha' 'gro ma dkar mo dkar po dang ser po dang sngon po dang ljang gu'i zhal can sna tshogs pad+ma dang mda' dang thod pa dang gzhu 'dzin pa'o//byang du sna tshogs mkha' 'gro ma ljang gu ljang gu dang ser po dang dkar po dang sngon po'i zhal can ral gri dang Ta ma ru dang zhags pa dang thod pa 'dzin pa'o/ / thams cad phyag rgya lnga dang ldan pa zla ba'i gdan dang 'od can te/ 'di rnams kyi khyad par rnams ni gtso mo lta bu'o/ /rigs kyi bdag po ni bcom ldan 'das kyi mi bskyod pa ste/ sangs rgyas mkha' 'gro ma la sogs pa rnams kyi rim pa ji lta ba bzhin du rtag pa dang mi bskyod pa dang rin chen dbang po dang gsung gi dbang phyug dang don yod grub pa rnams so//bcom ldan 'das kyi thugs ka'i sa bon ni hUM ngo / /oM hUM hUM snying po'o/ /rdo rje mkha' 'gro ma la sogs pa rnams kyi yang oM oM hUM/ oM hUM hUM/ oM swA hUM/ oM AH hUM oM hA hUM zhes pa ste sna tshogs mkha' 'gro ma'i sngags ni las thams cad pa'i'o//bcom ldan 'das sangs rgyas thod pa'i lha dgu'i bdag nyid kyi dkyil 'khor ni/ rdo rje gur gyi nang du chos 'byung la gnas pa'i gzhal yas khang gi dbus su sna tshogs chu skyes kyi lte ba la ro'i snying gar nyi ma la shes rab ma dang bral ba'i bcom ldan 'das te sku mdog la sogs pa ni 'chad par 'gyur ba'i 'khor lo gsum la gnas pa'i dpal sangs rgyas thod pa bzhin no//shar dang byang dang nub dang lho'i 'dab ma rnams la rim pa ji lta ba bzhin du sna tshogs sde ma dang 'dod ma dang sa 'og na gnas pa ma dang legs bzangs ma rnams ni sku mdog sngon mo g.yas bskum zhing g.yon brkyang ba/stag gi pags pa'i sham thabs can/ phyag g.yas pa dag gis gri gug dang thod pa/ g.yon pa dag gis kha T+wAM ga dang Ta ma ru 'dzin pa'o/ /dbang ldan dang me lha dang bden bral dang rlung gi 'dab ma rnams la chang 'tshong ma dang 'byung mo dang phyag bzhi ma dang nam mkha' la gnas ma rnams ni ser mo na bza' ser po gyon pa 'od zer ser po 'phro ba/zhabs gnyis g.yas brkyang zhing g.yon bskum pa klu brgyad kyis brgyan pa/ phyag g.yas pa dag gis gri gug dang Ta ma ru/ g.yon pa dag gis kha T+wAM ga dang pad+ma'i snod 'dzin pa'o//brgyad po 'di rnams kyang nyi ma'i dkyil 'khor la gar gyi tshul gyis gnas pa/ dbu skra dmar ser 'bar zhing gyen du brdzes pa/ dbu la thod pa lnga'i phreng ba dang ldan pa/ phyag rgya lnga la sogs pas brgyan pa/ mi mgo rlon pa lnga bcu mgul du 'chang ba/ mche ba cung zad gtsigs pa'i zhal gcig pa spyan gsum pa phyag bzhi ba'o//bcom ldan 'das la mi bskyod pa la sogs pa'i sangs rgyas lngas rgyas btab pa ste/ sna tshogs sde ma la sogs pa rnams la mi bskyod pa dang rnam par snang mdzad dang rin chen 'byung ldan dang snang ba mtha' yas rnams kyis so/ /chang 'tshong ma la sogs pa rnams kyi yang de rnams nyid do//yang na bcom ldan 'das 'di dang phyogs kyi lha mo rnams kyang dkar po ste mtshams kyi lha mo rnams dmar mo'o/ /'di ni yum dang bral ba 'am yum dang bcas pa'o/ /rdo rje hUM mdzad kyi dkyil 'khor ni rdo rje gur gyi nang du chos 'byung la gzhal yas khang gi dbus su sna tshogs chu skyes dang nyi ma'i steng du g.yon bskum zhing g.yas brkyang ba'i zhabs dag gis 'jigs byed dang dus mtshan mnan pa'i bcom ldan 'das 'jig rten gsum las rnam par rgyal ba khro bo bskal pa'i dus kyi me ltar 'od zer 'bar zhing 'gro ba ma lus pa'i bgegs kyi tshogs thams cad rab tu gsol bar mdzad pa/sku mdog sngon po rnam par 'gyur zhing gdangs pa'i zhal gsum pa/ rtsa ba dang g.yas pa dang g.yon pa'i zhal rnams sngon po dang ser po dang ljang gu mche ba gtsigs shing rab tu gtum pa/ ljags 'dril zhing shin tu 'jigs su rung ba zhal re re zhing dmar la zlum pa'i spyan gsum gsum pa smin ma g.yo ba dang bcas pa'i khro gnyer can dpral ba'i steng na thod pa lnga'i phreng ba dang ldan pa/khrag 'dzag pa'i mi mgo lnga bcu'i phreng ba mgul bar 'phyang ba/ phyag rgya drug dang ldan pa/ klu mtha' yas sngon pos dbu skra dmar ser gyen du 'bar ba bcings pa/'jog po dmar pos rna rgyan byas pa/ pad+ma chen po pad+ma'i rtsa ba lta bu dkar pos mgul rgyan byas pa/ stobs kyi rgyu dUr ba lta bu ljang gus mchod phyir thogs byas pa/ nor rgyas dkar pos ska rags byas pa/ pad+ma dkar po kun+da'i me tog ltar mdzes pas rkang gdub byas pa/dung skyong ser pos lag gdub byas pa/ rigs ldan du ba lta bu khra bos dpung rgyan byas pa/ rdo rje sems dpas rgyas btab pa/ rdo rje dang dril bu 'dzin pa'i phyag dang gis 'jig rten gsum las rnam par rgyal ba'i phyag rgya mdzad pas rang dang 'dra ba'i shes rab ma la snyoms par 'jug pa/phyag g.yas pa dag gis lcags kyu dang zhags pa/ g.yon pa dag gis thod pa dang kha T+wAM ga 'dzin pa'o/ /'di'i shar phyogs su rdo rje dbyug pa sngon po rtsa ba dang g.yas pa dang g.yon pa'i zhal rnams sngon po dang ser po dang ljang gu/ phyag g.yas pa dag gi rdo rje tho ba dang sdigs mdzub dang bcas pa'i rdo rje gyen du 'phyar ba/g.yon pa dag gis thod pa dang kha T+wAM ga 'dzin pa'o/ /byang du rdo rje nyi ma ser po dang sngon po dang ljang gu'i zhal can/ phyag dang pos rdo rje dbyug pa 'dzin pa'o/ /rdo rje la sogs pa'i phyag mtshan rnams ni rdo rje dbyug pa'i lta bu ste 'chad par 'gyur ba gzhan rnams kyang ngo //nub tu rdo rje gtsug tor dmar po dmar po dang dkar po dang ljang gu'i zhal can phyag na pad+ma dmar po'o/ /lhor rdo rje 'khyil pa ljang gu ljang gu dang dkar po dang ser po'i zhal can phyag na sna tshogs rdo rjes mtshan ba'o//mer rdo rje gnod sbyin du ba'i mdog can du pa'i mdog dang ser po dang ljang gu'i zhal can lcags kyu 'dzin pa'o/ /bden bral du rdo rje dus dmar po dmar po dang ser po dang ljang gu'i zhal can phyag na dgra sta'o/ /rlung du nag po chen po sngon po sngon po dang ser po dang ljang gu'i zhal can phyag na rtse gsum mo//dbang ldan du rdo rje 'jigs rung nag po mig yon nag po dang ser po dang ljang gu'i zhal can phyag na ral gri'o/ /rdo rje dbyug pa la sogs pa brgyad po 'di rnams ni go rims ji lta ba bzhin gshin rje mthar byed dang shes rab mthar byed dang pad+ma mthar byed dang bdud rtsi 'khyil pa dang 'dod pa'i rgyal po dang dbyug sngon can dang stobs po che dang mi g.yo ba rnams kyi ming gzhan no//steng du gtsug tor 'khor los sgyur ba dkar po dkar po dang sngon po dang ljang gu'i zhal can phyag na 'khor lo'o/ /'og tu rdo rje sa 'og ma gnod mdzes kyi ming gi rnam grangs can sngon po sngon po dang ser po dang ljang gu'i zhal can phyag na rol pa dang bcas pa'i rdo rje'i gtun shing ste/'di'i phyag g.yon pa na klu'i zhags pa sdigs mdzub dang bcas pa dang kha T+wAM ga'o/ /rdo rje dbyug pa la sogs pa'i khro bo 'di rnams phyag mtshan gyi gtso bo dang thod pas mtshan pa'i phyag dag gis rang 'od kyi shes rab ma la 'khyud pa/dbu skra dmar ser 'bar zhing gyen du 'khyil pa rang rang gi rigs kyi bdag po'i cod pan mdzes par brgyan pa/ smin ma g.yo ba dang bcas pa'i khro gnyer can/ zhal mche ba gtsigs pa/ zhal re re la dmar zhing zlum pa'i spyan gsum pa/ mi mgo'i phreng ba dang phyag rgya lnga la sogs pa dang klu'i rgyal po brgyad kyis brgyan pa/sna tshogs chu skyes dang nyi ma rnams la gnas pa'i phyogs skyong brgyad dang / steng du tshangs pa dang 'og tu thags bzangs ris rnams mnan pa'i g.yas brkyang gis bzhugs pa rang gi rigs kyi bdag pos rgyas btab pa ste/ 'jam pa'i rdo rje'i dkyil 'khor gyi rtsibs bcu pa'i 'khor lo ji lta ba bzhin no//bcom ldan 'das rdo rje hUM mdzad kyi thugs ka'i sa bon ni hUM ngo / /oM kha badzra d+h+r-i ka badzra hUM phaT ces pa ni snying po'o/ /oM badzra kuN+Da li badzra hUM phaT ces pa ni rdo rje 'khyil pa'i sngags te las thams cad pa'o/ /yang na shar la sogs pa'i phyogs dang mtshams dang steng dang 'og tu sna tshogs pad+ma dang nyi ma rnams la g.yas skor gyis gshin rje mthar byed la sogs pa'i khro bo bcu ste 'di dag thams cad kyi gnas dang sku mdog la sogs pa ni bsdus pa'i rim pa'i dkyil 'khor du gsungs pa ji lta ba bzhin no//yang na 'jam pa'i rdo rje'i dkyil 'khor gyi rtsibs bcu pa'i 'khor lo ji lta ba bzhin no//yang na dpal kun du kha sbyor gyi rdo rje sems dpa'i dkyil 'khor ji lta ba bzhin no/ /phyogs 'di gsum ka la yang oM AH big+h+nAn+ta kr-ita hUM phaT/ ces pa ni bgegs mthar byed kyi sngags te las thams cad pa'o// // bde mchog gi dkyil 'khor ni rdo rje gur gyi nang ri rab kyi steng du sna tshogs chu skyes kyi ze'u 'bru la sna tshogs rdo rje'i lte bar gnas pa'i gzhal yas khang gi dbus su bcom ldan 'das te g.yas brkyang gi zhabs dag gis sna tshogs pad+ma'i lte ba'i steng du nyi ma la gnas pa'i 'jigs byed dang dus mtshan mnan pa/sku mdog nag po shar dang byang la sogs pa'i zhal ni nag po dang ljang gu dang dmar po dang ser po'o/ /zhal re re la spyan gsum gsum pa/ stag gi pags pa'i sham thabs can phyag bcu gnyis pa rdo rje dang dril bur bcas pa'i phyag gis rdo rje phag mo la 'khyud pa/ phyag gnyis kyis rgyab tu glang po che dkar po'i pags pa khrag dang bcas pa brgyangs nas 'dzin pa/ de dag las gzhan pa'i phyag g.yas pa rnams kyis Da ma ru dang dgra sta dang gri gug dang rtse gsum pa dang / g.yon pa rnams kyis rdo rjes mtshan pa'i kha T+wAM ga dang khrag gis gang ba'i thod pa dang rdo rje zhags pa dang tshangs pa'i mgo bo 'dzin pa/'dzag pa'i mi mgo lnga bcu'i phreng ba mgul du 'phyang pa/ phyag rgya drug dang ldan pa mi'i rgyus pas mchod phyir thogs byas pa dpral ba'i steng du thod pa lnga dang ldan pa/ nor bu dang g.yon ngos su gnas pa'i zla ba phyed pa dang sna tshogs rdo rje rnams kyis mnan pa'i ral pa'i thor cog nag po can/rnam par 'gyur zhing gdangs pa'i zhal mche ba gtsigs pa/ gar gyi nyams dgu'i tshogs dang ldan pa'o/ /rdo rje phag mo ni dmar mo zhal gcig ma spyan gsum pa skra'i tshogs grol ba gcer bu thod pa'i dum bus rked pa'i rgyan byas pa/'khyud pa'i phyag gis gzung ba'i thod pa khrag gis gang ba 'dzag pa'i rgyun gtso bo'i zhal du stobs pa/ sdigs mdzub dang bcas pa'i rdo rje steng du 'phyar bas gdug pa can rnams bsdigs pa/ khrag dang bral ba'i mi mgo skam po'i phreng ba can/ nyi ma'i 'od kyi dkyil 'khor can phyag rgya lnga dang ldan pa/cung zad bzhad pa zla mtshan 'bab pa dang bcas shing ba spu gyen du langs pa'o/ /de nas shar la sogs pa'i phyogs rnams la g.yon skor gyis dang / me la sogs ba'i mtshams rnams la g.yas skor gyis dgod par bya'o/ / de la phyogs kyi 'dab ma rnams su mkha' 'gro ma dang lA ma dang dum skyes ma dang gzugs can ma rnams ni nag mo dang ljang gu dang dmar mo dang ser mo'i mdog can zhal gcig ma spyan gsum ma skra grol ba/ phyag bzhi ma g.yon pa dag gis kha T+wAM ga dang thod pa dang / g.yas pa dag gis Da ma ru dang gri gug 'dzin pa g.yas brkyang gis gnas pa'o//mtshams kyi 'dab ma rnams la byang chub kyi sems dang khrag dang bdud rtsi dang sgron ma lnga rnams grub pa'i dngul chu lta bu'i bdud rtsir gyur pas gang ba'i pad+ma'i snod rnams te/ yang na bzhi char yang bdud rtsi lngas gang ba'o/ / de nas thugs kyi 'khor lo la rtsibs rnams su shar du thod pa'i dum pu dang rab tu gtu ma mo/ byang du keng rus chen po dang gtum pa'i mig can ma/ nub tu keng rus dang 'od ldan ma/ lhor mche ba rnam par gtsigs ma dang sna chen mo/ mer chang dgra dang brtan pa'i blo can ma/ bden bral du 'od dpag med dang mi'u thung ma/ rlung du rdo rje'i 'od dang lang+ka'i dbang phyug ma/ dbang ldan du rdo rje'i sku dang shing grib ma'o/ /rim pa de bzhin du gsung gi 'khor lo la myu gu can dang sa srung ma dang / rdo rje ral pa can dang 'jigs byed chen mo dang dpa' bo chen mo dang rlung gi shugs can ma dang rdo rje hUM mdzad dang chang 'thung ma dang shin tu bzang mo dang sngo bsangs lha mo dang rdo rje bzang po dang shin tu bzang mo dang 'jigs byed chen po dang rta rna ma dang mig mi bzang dang bya gdong ma'o//de bzhin du sku'i dkyil 'khor la stobs po che dang 'khor lo'i shugs can ma dang rin chen rdo rje dang dum skyes ma dang rta mgrin dang chang 'tshong ma dang nam mkha'i snying po dang 'khor lo'i go cha ma dang dpal he ru ka dang shin tu dpa' mo dang pad+ma gar gyi dbang phyug dang stobs chen ma dang rnam par snang mdzad dang 'khor los sgyur ma dang rdo rje sems dpa' dang brtson 'grus chen mo'o//de la thod pa'i dum bu la sogs pa'i dpa' bo rnams ni zhal gcig pa spyan gsum pa ral pa'i thor gtsugs can dpral bar gnas shing / rdo rje mtshan pa'i dpa' bo'i dar dpyang dang ldan pa phyag bzhis 'khyud pa'i phyag gnyis rdo rje dang dril bu 'dzin pa/ g.yon pas kha T+wAM ga dang g.yas pas Da ma ru 'dzin pa/tshangs pa'i skud pa can dpung rgyan dang ldan pa mche ba gtsigs pa'i zhal can phyag rgya lnga dang ldan pa g.yas brkyang gis gnas pa'o/ /rab tu gtum mo la sogs pa'i lha mo rnams ni zhal gcig pa spyan gsum pa drag po'i gzugs can ma/ skra grol ba gcer bu phyag gnyis ma 'khyud pa'i phyag gis thod pa dang g.yas pas gdug pa can bsdigs par byed pa'i gri gug 'dzin pa'o//sgo rnams la khwa gdong ma dang 'ug gdong ma dang khyi gdong ma dang phag gdong ma la sogs pa rnams ni mkha' 'gro ma la sogs pa bzhin te 'di rnams kyi zhal ni ming dang rjes su mthun pa'o//mtshams rnams su gshin rje brtan ma dang gshin rje pho nya mo dang gshin rje mche ba mo dang gshin rje 'joms ma rnams ni mi'i zhal can te/ g.yas dang g.yon gyi sku phyed de g.yas dang g.yon gyi lha mo rnams kyi sku dang 'dra ba'o/ /brgyad po 'di rnams ni ro'i gdan can nyid do//mkha' 'gro ma la sogs pa'i lha mo thams cad kyang 'dzag pa'i mi mgo'i phreng ba mgul du 'chang ba/ rdo rje'i phreng bas dpral ba mtshan pa/ phyag rgya lnga dang ldan pa ska rags la sgra dang bcas pa'i g.yer kha la sogs pas brgyan pa'o/ /rigs kyi bdag po ni bcom ldan 'das kyi mi bskyod pa ste rdo rje phag mo'i rnam par snang mdzad dang mkha' 'gro ma la sogs pa'i rin chen dbang phyug go//thugs dang gsung dang sku'i 'khor lo rnams kyi mi bskyod pa dang snang ba mtha' yas dang rtag pa rnams te dam tshig gi 'khor lo la gnas pa rnams kyi ni don yod grub pa'o//bcom ldan 'das kyi thugs ka'i sa bon ni hUM ngo / /oM shrI badzra he he ru ru kaM hUM hUM phaT DA ki nI dzA la sam+ba raM swA hA/ zhes pa ni snying po'o/ /oM khaN+Da ro he hUM hUM phaT swA hA/ zhes pa ni dum skyes ma'i sngags te las thams cad pa'o/ /yang na 'khor lo'i dbang phyug la sogs pa nas gshin rje 'joms ma'i mthar thug pa thams cad zhal gcig pa phyag gnyis pa'o//de la dpa' bo nyi shu rtsa lnga thams cad ni 'khyud pa'i g.yas dang g.yon gyi phyag gnyis kyis rdo rje dang dril bu bsnams pa'o/ /mkha' 'gro ma la sogs pa bzhi dang khwa gdong ma la sogs pa rnams ni g.yon pas thod pa dang dpung pa la brten pa'i kha T+wAM ga dang /g.yas pas Da ma ru 'dzin pa ste gzhan thams cad ni snga ma bzhin no/ /yang na 'khor lo'i dbang phyug la sogs pa phyag gnyis pa nyid kyi phyogs la ni dpal bde mchog dang rdo rje phag mo gser gyi mdog can nam yang na sngon po ste/bcom ldan 'das ni phyag g.yas pas rdo rje gsor ba mchog tu brtson pa/ g.yon pas thod pa dang kha T+wAM ga 'dzin pa'am yang na rdo rje dang dril bu'i phyag gnyis kyis 'khyud par mdzad pa'o/ /mkha' 'gro ma la sogs pa bzhin ni ser mo g.yas bas Da ma ru 'dzin pa'o//thugs kyi 'khor lo'i dpa' bo rnams ni nag po rdo rje dang dril bu 'dzin pa ste/ dpa' mo rnams ni dkar mo phyag g.yas pa rdo rje dang bcas pa'i sdigs mdzub can no/ /gsung gi 'khor lo'i dpa' bo rnams ni dmar po pad+ma dang pad+ma'i dril bu 'dzin pa ste mkha' 'gro ma rnams ni nag mo g.yas pa pad+ma dang bcas pa'i sdigs mdzub can no//sku'i 'khor lo'i dpa' bo rnams ni dkar po 'khor lo dang 'khor lo'i dril bu 'dzin pa ste lha mo rnams ni dmar mo g.yas pa sdigs mdzub dang bcas pa'i 'khor lo 'dzin pa'o/ /dpa' bo thams cad yum la 'khyud par brtson zhing g.yas brkyang zhing bzhugs pa ste dpa' mo rnams ni de'i brla gnyis la 'khril ba'i tshul lo//khA gdong ma la sogs pa ni g.yas pa sdigs mdzub dang bcas pa'i gri gug 'dzin pa ste lha mo thams cad phyag g.yon pas thod pa 'dzin pa'o/ /gshin rje brtan ma la sogs pa ni g.yas pas Da ma ru dang /g.yon pa sdigs mdzub dang bcas pas mi mgo 'dzin pa'o/ /mkha' 'gro ma la sogs pa rnams dang khwa gdod ma la sogs pa rnams kyi g.yon pa na kha T+wAM ga'o/ /bcu gnyis po 'di rnams ni skyil krung phyed pa'i gar gyis gnas pa ste gzhan rnams ni snga ma bzhin no zhes pa bde mchog gi dkyil 'khor rnam pa gsum mo//gang gi tshe 'di rnams la dpa' bo nyi shu rtsa lnga mi bsgom par rdo rje phag mo dkyil 'khor gyi gtso mor gyur pa de'i tshe rdo rje phag mo'i dkyil 'khor gsum mo/ /rdo rje phag mo'i thugs ka'i sa bon ni baM mo/ /oM badzra bai ro tsa nI ye hUM hUM phaT ces pa ni snying po'o//bde mchog phyag gnyis pa la sogs pa'i lha 'di rnams kyi phyag g.yas su gnas pa'i phyag mtshan ni bri bya'i dkyil 'khor la yang bri bar bya'o/ /bcom ldan 'das sangs rgyas thod pa lha nyi shu rtsa lnga'i bdag nyid can gyi dkyil 'khor ni rdo rje gur gyi nang du chos 'byung gi snying por gnas pa'i gzhal yas khang gi dbus su 'khor lo rtsibs brgyad pa la gnas pa'i sna tshogs chu skyes kyi lte bar ro gan rkyal gyi snying gar nyi ma'i dkyil 'khor la bcom ldan 'das dpal he ru ka sku mdog nag po skyil krung phyed pa can gar gyi nyams dgu dang ldan pas gar mdzad pa zhal gcig pa spyan gsum pa dmar la zlum pa phyag bzhi pa g.yas pa dag gis Da ma ru dang gri gug /g.yon pa dag gis thod pa dang kha T+wAM ga 'dzin pa phyag rgya drug dang ldan pa mi mgo rlon pa lnga bcu'i do shal mgrin pa la 'phyang ba/ gnyis 'thung gi pags pa'i sham thabs rgyab na cung zad dpyangs pa/sna tshogs rdo rje dang zla ba phyed pas mtshan pa'i ral pa nag po'i thor cog can dpral ba'i mthar thod pa lngas brgyan pa/ sangs rgyas lnga'i cod pan can no/ /mnga' bdag 'di'i dga' ma ni sna tshogs sde ma/ na bza' med pa mi mgo'i phreng ba can dbu skra sil bur grol zhing gyen du 'bar ba thod pa lngas dbu la mtshan pa/mche ba cung zad gtsigs pa sku mdog dmar mo zhal gcig ma spyan gsum pa phyag g.yon pa bdag po'i mgrin par 'khyud pas khrag gi 'dzag pa'i thod pa yab la stobs pa/ phyag g.yas pa na gri gug rdeg pa'i tshul can no/ /rtsibs nag po'i steng gi 'dab ma rnams la shar du legs phreng can ma dang /byang du thod pa can ma dang nub tu 'jigs ma dang lhor thub dka' ma'o/ /dbang ldan la sogs pa'i 'dab ma rnams la g.yas skor gyis khu ba dang rdul dang bdud rtsi dang sgron ma lngas gang ba'i pad+ma'i snod de rim pa dang po 'di ni rdo rje sngon po'i khor yug can no//de nas rim pa gnyis pa'i rtsibs brgyad dmar po la gnas pa'i pad+ma brgyad ni rdo rje'i phreng ba dmar pos bskor ba ste/ de'i rtsibs rnams la shar du dge ba'i ska rags can ma dang / byang du gzugs can ma dang / nub tu rnam par rgyal ma dang / lhor 'dod ma dang / dbang ldan du dus can ma dang / mer mtshon chen ma dang / bden bral du phyed ma dang / rlung du gsod ma'o/ /de nas rim pa gsum pa'i rtsibs brgyad dkar po la gnas pa'i pad+ma brgyad ni rdo rje'i phreng ba dkar po'i khor yug can te/ de'i rtsibs rnams la shar du sgrol ma dang byang du 'jigs mthong ma dang /nub tu legs mthong ma dang / lhor mi thub ma dang / dbang ldan du dge ma dang / mer grib gnon ma dang / bden bral du dus mtshan ma dang / rlung du grags chen ma'o/ /sgo rnams su shar gyi pad+ma la mdzes ma dang / byang gi pad+ma la nor 'dzin ma dang / nub kyi pad+ma la skal bzang ma dang /lho'i pad+ma la mthong dga' ma'o/ /'di rnams thams cad g.yas pa dang g.yon pa'i phyag dag gis gri gug dang thod pa 'dzin pa'o/ /so cung zad sto ba zhal gcig ma spyan gsum ma/ rus pa'i rgyan gyis brgyan ma/ mi mgo'i phreng ba dang bral ba/ dbu skra sil bu dmar ser gyi tshogs gyen du 'bar ba byang sems 'dzag pa/nyi ma la skyil krung phyed pa'i gar gyis gnas pa'o/ /sgo skyong ma rnams ni g.yas ba skum zhing g.yon brkyang ba ste/ thams cad stag gi pags pa'i na bza' sku mdog sngon mo'o/ /yang na legs ma la sogs pa bzhi nag mo dang rim pa gnyis pa la gnas pa rnams dkar ser dang rim pa gsum pa la gnas pa rnams ljang gu dang sgo'i lha mo rnams nag mo'o//bcom ldan 'das la mi bskyod pa la sogs pa'i de bzhin gshegs pa lngas rgyas btab pa ste/ sna tshogs sde ma la rnam par snang mdzad dang legs phreng ma la sogs pa bzhi la rin chen dbang po dang /rim pa gnyis par gnas pa rnams la snang ba mtha' yas dang / rim pa gsum pa na gnas pa rnams la rnam par snang mdzad dang / sgo'i lha mo rnams la don yod grub pa'o/ /bcom ldan 'das kyi thugs ka'i sa bon ni hUM ngo / /oM bud+d+h+ya ka pA li nI AH hi hi hUM phaT/snying po'o/ /las thams cad pa'i sngags kyang 'di nyid kyis bya'o/ /rnal 'byor nam mkha'i dkyil 'khor ni rdo rje gur gyi nang du rlung dang me dang chu dang sa'i dkyil 'khor gyi steng du rgya mtsho chen po la sogs pas yongs su bskor ba'i ri rab kyi spyi bor sna tshogs chu skyes dang sna tshogs rdo rje'i lte ba la gnas pa'i gzhal yas khang gi snying por rim pa dbus ma'i lte bar seng ge'i steng du sna tshogs pad+ma dang zla ba la sems dpa'i skyil krung gis bzhugs pa'i bcom ldan 'das rnal 'byor nam mkha' sku mdog nag po rtsa ba dang g.yas pa dang g.yon pa'i zhal gsum nag po dang dkar po dang dmar po/zhal re re la spyan gsum gsum pa/ phyag rgya drug dang ldan pa thod pa lnga'i phreng ba dpral bar gnas pa nor bu dang zla ba phyed pa dang sna tshogs rdo rjes mtshan pa'i ral pa nag po'i thor cog can/ de bzhin gshegs pa lnga 'phro ba'i dbu rgyan dang ldan pa/ stag gi pags pa'i sham thabs rgyab tu cung zad 'phyang ba/phyag drug pa rdo rje dang dril bu bsnams pa'i phyag dag gis ye shes kyi mkha' 'gro ma dkar mo 'am nag mo la 'khyud pa/ g.yas pa dag gis nu ma dang mda'/ g.yon pa dag gis pad+ma'i snod dang gzhu 'dzin pa'o/ /de nas re'u mig rnams la shar du glang po che'i rgyal po la 'gying ba'i tshul gyis gnas pa'i rdo rje mkha' 'gro ma dkar mo//byang du rma bya la skyil krung phyed pas gnas pa'i mi bzad mkha' 'gro ma ser mo sbrul gyis brgyan pa'o/ /nub tu mkha' lding la tsog pu'i 'dug stangs kyis gnas pa'i ro langs ma dmar mo'o/ /lhor mi'am ci'i gdan la skyil krung phyed pas gnas pa'i gtum mo sngon mo dbu skra dmar po grol zhing spyi bor thal mo sbyar ba'o//'dir ye shes mkha' 'gro ma la sogs pa lnga ni g.yas pa dang g.yon pa'i phyag gnyis kyis kha T+wAM ga dang thod pa 'dzin pa'o/ /rdo rje mkha' 'gro ma la sogs pa ni glang po che la sogs pa pad+ma dang nyi ma la gnas pa glang po che'i pags pa'i smad g.yogs dang mi'i pags pa'i stod g.yogs can no//dbang ldan du seng ge la 'gying ba'i tshul gyis gnas pa'i seng ge ma dkar ser phyag gnyis ma g.yas pas steng du 'phyar ba'i kha T+wAM ga dang / g.yon pas sdigs mdzub dang bcas pa'i zhags pa 'dzin pa'o//mer rdo rje phag la zlum po'i tshul gyis gnas pa'i stag mo dkar nag phyag gnyis ma g.yas pa dang g.yon pas lcags kyu dang zhags pa 'dzin pa'o/ /bden bral du ma he la skyil krung phyed pas gnas pa'i ce spyang mo ce spyang gi gdong pa can dmar nag phyag gnyis kyis dgra sta dang zhags pa 'dzin pa'o//rlung du ce spyang la tsog pu'i 'dug stangs kyis gnas pa'i 'ug pa mo 'ug pa'i gdong pa can dmar ser phyag gnyis kyis dbyug pa dang zhags pa 'dzin pa'o/ /'di rnams ni rang rang gi bzhon pa rnams la pad+ma dang nyi mar gnas pa'o/ /shar du mkha' 'gro ma'i rgyab tu mkha' 'gro ma dkar mo phyag gnyis kyi rtse mo khar bcug pa'o//byang du mi bzad mkha' 'gro ma'i rgyab tu mar me ma ser mo spyi bor mar me lta bu'i thal mo sbyar ba dang / nub tu ro langs ma'i rgyab tu 'jigs byed ma dmar mo snyim pa khrag gis bkang nas gsol ba dang /lhor gtum mo'i rgyab tu kam po dzI nag mo phyag dag gis thugs kar gtun shing 'phyar ba ste 'di rnams ni pad+ma dang nyi ma dang rol gnas pa'o/ /de nas rdo rje phreng ba dang 'od zer gyi 'khor yug gi phyi rol du zlum po'i rim par pad+ma dang zla ba rnams la shar phyogs su puk+ka sI dang dra mi Di dang gtum mo rnams phyag gnyis kyis bdud rtsi'i snod 'dzin pa'o//byang du mi bzad ma khrag ma dang sha ma rnams ni sgron ma lngas gang ba'i pad+ma'i snod 'dzin pa'o/ /nub tu drag shul ma dang 'bar ma dang mi sdug ma rnams gtor ma'i snod 'dzin pa'o/ /lhor thod pa ma dang rdo rje ma dang bum pa can ma rnams btung ba'i snod 'dzin pa'o//dbang ldan du sgeg mo bsnyems pa'i phyag rgya can dang dri chab ma dri'i snod 'dzin pa'o/ /mer pi wang ma pi wang bsgreng ba dang me tog ma me tog 'thor ba'o/ /bden bral du glu ma kha'i thad kar mdzub mo g.yo ba dang bdug spos ma spos dang bcas pa'i spos phor 'dzin pa'o//rlung du gar ma gar gyi tshul gyis steng du thal mo sbyar ba dang mar me ma mar me dang bcas pa'i mar me'i snod 'dzin pa'o/ /ye shes mkha' 'gro ma la sogs pa'i lha sum cu rtsa gsum po 'di rnams ni phyag gnyis ma zhal gcig pa spyan gsum pa skra grol ba dbu la thod pa'i phreng ba can no/ / mi bzad mkha' 'gro ma ni dbu skra gyen du brdzes pa ste seng ge mo la sogs pa ni gos dmar po gyon pa'o/ /puk+ka sI la sogs pa me'i mtshams kyi lha mo dag ni dkar mo'o/ /mi bzad ma la sogs pa dang dbang ldan gyi lha mo dag ni ser mo'o/ /drag shul ma la sogs pa dang rlung gi mtshams kyi lha mo dag ni dmar mo'o//thod pa ma la sogs pa dang bden bral gyi mtshams kyi lha mo dag ni nag mo'o/ /de nas rdo rje phreng ba'i khor yug gi phyi rol gyi rim par sgo rnams dang snam bu rnams la chu skyes dang zla ba'i gdan rnams la shar sgor khyab 'jug nag po dang / byang du tshangs pa ser po dang / nub tu dbang phyug dkar po dang /lhor gdong drug dmar po dang / dbang ldan gyi mtshams su dbang po ser po dang / mer lus ngan po ser po dang / bden bral du gshin rje nag po dang / rlung du chu lha dkar po'o/ /lha'i snam bu la shar du keng rus 'jigs dang kha T+wAM ga'i srin po dang tshogs kyi dbang phyug dang dril bu'i rna ba can rnams dkar po'o//byang du gtum mo'i dbang phyug dang mdun du sa'i lha dang rim gyi dbang phyug dang bzhi ka ra 'jigs su rung ba rnams ser po'o/ /nub tu drag po'i 'dod pa dang shaN+Di li'i dbang phyug dang Da ma ru'i 'dul byed dang sgras 'jigs byed rnams dmar po'o//lhor tum+bu ra'i dbang phyug dang / s+thA ra nA do dang mche ba gtsigs pa dang gzhu 'dzin rnams nag po'o/ /khyab 'jug la sogs pa nyi shu rtsa bzhi po 'di rnams ni zhal gcig pa spyan gsum pa phyag bzhi pa g.yas pa dag gis kha T+wAM ga dang rtse gsum 'dzin pa g.yon pa dag gis lha mo la 'khyud pa dang thod pa 'dzin pa/ral ba nag po'i thor cog can thod pa lnga'i phreng ba dang phyag rgya lnga dang ldan pa/ stag gi pags pa'i sham thabs can no/ /'di rnams kyi lha mo rnams kyang phyag g.yas pa dang g.yon pa dag gis thod pa dang kha T+wAM ga 'dzin pa'o/ /'dir dpal ldan nam mkha'i rnal 'byor la mi bskyod pa la sogs pa'i de bzhin gshegs pa lngas rgyas btab pa ste/ye shes mkha' 'gro ma la mi bskyod pa 'am rnam par snang mdzad kyis rgyas btab pa'o/ /rdo rje mkha' 'gro ma la sogs pa bzhi dang mkha' 'gro ma la sogs pa bzhi rtag pa dang rin chen dbang po dang snang ba mtha' yas dang /don yod grub pa rnams kyi ste/ seng ge ma la sogs pa bzhi la mi bskyod pa dang rnam par snang mdzad dang rin chen 'byung ldan dang snang ba mtha' yas rnams kyis so/ /tshangs pa la rnam par snang mdzad kyis te dbang phyug chen po la snang ba mtha' yas kyis so//lha gzhan dkar po rnams la rnam par snang mdzad dang ser po rnams la rin chen dbang po dang / dmar po rnams la tshe dpag med dang nag po rnams la mi bskyod pa nag po'o/ /dkyil 'khor gyi dbang phyug gi thugs ka'i sa bon ni hUM ngo / /oM huM haH swA hA zhes pa ni snying po'o/ /oM yuM yaHswA hA/zhes pa ni ro langs ma'i ste las thams cad pa'i sngags so zhes pa rim pa gsum gyi dkyil 'khor ro/ /snying po'i dkyil 'khor gzhal yas khang lta bu la mkha' 'gro ma la sogs pa bzhi po rnams ni sgo rnams su'o/ /zhes pa gzhan dag gi'o/ /rim pa gnyis pa la yang gzhal yas khang gi gzugs so zhes pa ni gzhan dag gi ste de yang zlum po'i byed pa kha cig go//gshin rje gshed kyi dkyil 'khor ni rdo rje gur gyi nang du chos 'byung gi lte bar gnas pa'i gzhal yas khang gi dbus su sna tshogs chu skyes dang nyi ma'i steng du gnas pa'i ma he nag po khros pa rus pa'i rgyan gyis brgyan pa'i rgyab tu sna tshogs chu skyes dang nyi ma la g.yas bskum zhing g.yon brkyang ba'i rkang stabs kyis gshin rje mnan nas bzhugs pa'i gshin rje gshed nag po smin ma dang sma ra langs shing dbu skra gyen du brdzes pa/rdo rje'i rgyan gyis brgyan pa sku bong thung zhing gsus pa 'phyang ba/ yan lag rags pa mi mgo'i phreng ba mgul bar 'phyang ba ljags 'gyur ba mche ba 'bar zhing gtsigs ba rtsa ba dang g.yas pa dang g.yon pa'i zhal nag po dang dkar po dang dmar po phyag drug gi gri gug dang thod par ldan pa'i g.yas pa dang g.yon pa'i phyag dag gis rang 'od kyi shes rab ma la 'khyud pa/g.yas pa dag gis rdo rje dang ral gri g.yon pa dag gis 'khor lo dang pad+ma 'dzin pa/'jig rten gsum las rnam par rgyal ba bzhin du mtha' yas la sogs pa'i klu rnams kyis brgyan pa'o/ /'di'i shar du rnam par snang mdzad dkar po rtsa ba dang g.yas pa dang g.yon pa'i zhal gsum dkar po dang nag po dang dmar po//phyag g.yas pa dag gis 'khor lo dang ral gri dang / g.yon pa dag gis rin po che dang chu skyes 'dzin pa'o/ /lhor rin chen dbang po gser btso ma'i mdog lta bu ser po dang sngon po dang dkar po'i zhal gsum pa phyag g.yas pa dag gis rin po che dang ral gri/ g.yon pa dag gis 'khor lo dang pad+ma 'dzin pa'o//nub tu snang ba mtha' yas dmar po dmar po dang nag po dang dkar po'i zhal gsum pa/ phyag g.yas pa dag gis pad+ma dang ral gri dang / g.yon pa dag gis nor bu dang 'khor lo 'dzin pa'o/ /byang du phrag dog gshin rje gshed ljang gu ljang gu dang nag po dang dkar po'i zhal gsum pa/phyag g.yas pa dag gis ral gri dang 'khor lo/ g.yon pa dag gis nor bu dang pad+ma 'dzin pa'o/ /bzhi char yang 'khor lo'i dbang phyug gi mtshan nyid can gyi khro bo/ g.yas pa dang cig shos kyi rtsa ba'i phyag dag gis gri gug dang thod pa 'dzin pas rang dang 'dra ba'i yum la 'khyud pa'o//me'i mtshams su rdo rje tsartsi ka sku dang phyag mtshan rnams gti mug gshin rje gshed lta bu'o/ /bden bral du rdo rje phag mo phag zhal can ma zhe sdang gshin rje gshed lta bu'o/ /dbang ldan du gau rI phrag dog gshin rje gshed lta bu'o/ /'dir rnam par snang mdzad la sogs pa ni sna tshogs rdo rje'i rtsa ba rnams su te/mtshams rnams su ni rdo rje tsartsi ka la sogs pa rang dang 'dra ba'i thabs dang bcas pa'o/ /sgo rnams la shar du tho ba gshin rje gshed nag po'o/ /nag po dang dkar po dang dmar po'i zhal can/ phyag g.yas pa dag gis tho ba dang ral gri dang / g.yon pa dag gis nor bu dang pad+ma 'dzin pa'o//lhor dbyug pa gshin rje gshed dkar po dkar po dang sngon po dang dmar po'i zhal can phyag g.yas pa dag gis dbyug pa dang ral gri/ g.yon pa dag gis pad+ma dang 'khor lo 'dzin pa'o/ /nub tu pad+ma gshin rje gshed 'dod chags gshin rje gshed lta bu'o/ /byang du ral gri gshin rje gshed phrag dog gshin rje gshed lta bu las cung zad sngo ba'o//thams cad kyang khro bo klu rnams kyis brgyan pa/ 'jigs pa'i gad rgyangs can/ dbu skra dmar ser gyen du 'bar ba mche ba gtsigs pa'i zhal can/ rtsa ba'i phyag gnyis kyis gri gug dang thod pa 'dzin pas rang 'od kyi shes rab ma la 'khyud pa'o//'dir rnam par snang mdzad dang lha mo rnams ni sna tshogs pad+ma dang zla ba'i gdan la ste/ lha gzhan rnams ni sna tshogs pad+ma dang nyi ma la gnas pa'o/ /dkyil 'khor gyi me la sogs pa'i mtshams bzhir sna tshogs pad+ma la gnas pa'i thod pa bzhi ni/ khu ba dang rdul dang bdud rtsi lnga dang sgron ma lngas gang ba'o//rigs kyi bdag po ni gshin rje gshed nag po'i spyi bor rang nyid de/ rnam par snang mdzad la sogs pa bzhi'i yang de bzhin no/ /de rnams ni go rims ji lta bar spyan ma la sogs pa bzhi dang tho ba gshin rje gshed la sogs pa rnams kyi yang ngo / /bcom ldan 'das kyi thugs ka'i sa bon ni ya'o//oM hriH Sh+T-iHbi kr-i tA nan hUM hUM phaT swA hA/ zhes pa ni snying po ste las thams cad pa'i sngags kyang 'di'o/ /rdo rje sgrol ma'i dkyil 'khor ni rdo rje gur gyi nang du chos 'byung gi snying por gzhal yas khang gi dbus su sna tshogs pad+ma 'dab ma brgyad pa'i lte bar zla ba la bcom ldan 'das rdo rje sgrol ma gser gyi mdog lta bu sangs rgyas lnga'i cod pan can/rtsa ba dang g.yas pa dang rgyab dang g.yon pa'i zhal bzhi gser gyi mdog dang / dkar po dang sngon po dang dmar po'o/ /phyag brgyad ma g.yas pa rnams kyis rdo rje dang zhags pa dang mda' dang dung rnams 'dzin pa/ g.yon pa rnams ni ut+pal ser po dang gzhu dang lcags kyu dang sdigs mdzub can no/ /shar gyi 'dab ma la me tog sgrol ma dkar mo phyag dag gis me tog gi phreng ba 'dzin pa dang / lhor bdug sbos sgrol ma nag mo phyag dag gis bdug spos kyi snod 'dzin pa dang / nub tu mar me sgrol ma ser mo phyag gnyis kyis mar me'i kong bu 'dzin pa dang /byang du dri chab sgrol ma dmar mo phyag gnyis kyis dri chab kyi dung chos 'dzin pa ste lha mo bzhi po 'di rnams kyang zla ba la gnas pa'o/ /me la sogs pa'i 'dab ma rnams la rnam par snang mdzad la sogs pa'i ngo bo de dag lta bu'i 'khor lo dang rdo rje dang pad+ma dang ral gri'o//rim pa gnyis pa la sgo rnams su shar du rdo rje lcags kyu ma dkar mo phyag g.yas pas lcags kyu 'dzin pa dang / lhor rdo rje zhags pa ma ser mo phyag g.yas pas zhags pa 'dzin pa dang / nub tu rdo rje lcags sgrog ma dmar mo phyag g.yas bas rdo rjes mtshan pa'i lcags sgrog 'dzin pa dang /byang du rdo rje dril bu ma ljang gu phyag g.yas pas rdo rje dril bu 'dzin pa'o/ /me la sogs pa'i mtshams rnams su gnas pa'i sna tshogs pad+ma rnams la/ spyan ma la sogs pa rnam par dag pa'i byang chub kyi sems kyi bum pa dang / ri rab dang me thab dang rgyal mtshan chen po'o/ /steng du gtsug tor rnam par rgyal ma dkar mo phyag g.yas pas 'khor lo 'dzin pa ste/'og tu gnod mdzes ma sngon mo klu'i zhags pa 'dzin pa'o/ /lha mo bcu drug po 'di rnams ni phyag g.yon pa sdigs mdzub dang bcas pa ste sna tshogs pad+ma dang nyi ma la gnas pa'o/ /bcu po 'di rnams kyang zhal gcig pa phyag gnyis ma'o//bcu gcig po rnams kyang rdo rje skyil krung can gser gyi rna cha g.yo ba/ rnam pa sna tshogs pa'i gos dang rin po ches brgyan pa/ pad+ma rA ga'i 'od zer 'phro ba'o/ /rigs kyi bdag po ni rdo rje sgrol ma'i rin chen dbang po'o/ /me tog sgrol ma la sogs pa ni rnam par snang mdzad dang mi bskyod pa dang snang ba mtha' yas dang don yod grub pa rnams te rdo rje lcags kyu ma la sogs pa rnams kyi yang ngo //gtsug tor rnam par rgyal ma'i rin chen dbang po ste/ gnod mdzes ma'i mi bskyod pa'o/ /bcom ldan 'das ma'i thugs ka'i sa bon ni tAM ngo / /oM tA re tut+tA re tu re swA hA/ zhes pa ni snying po ste las thams cad pa'i sngags kyang 'di'o//'od zer can gyi dkyil 'khor ni rdo rje gur gyi nang du gnas pa'i chos 'byung gi nang du gzhal yas khang ste/ kha cig ni chos 'byung med par ri rab kyi steng du gzhal yas khang ngo zhes pa'o/ /gzhal yas khang gi lte bar mchod rten gyi phug gi snying por sna tshogs chu skyes la gnas pa'i zla ba'am nyi ma la g.yas bskum zhing g.yon brkyang bas gnas pa'i bcom ldan 'das ma 'od zer can ser mo rin po che sna tshogs kyi cod pan can/dbu'i rtser mchod rten gyis brgyan pa rnam pa sna tshogs pa'i rin po che'i rgyan dang ldan pa/ zhal gsum ma rtsa ba'i zhal ser po g.yas zhal dkar po/g.yon zhal nag po phag pa'i gdong can khros pa khro gnyer dang zur mig tu ldan pa/ ljags 'dril ba'i 'jigs su rung ba phyag drug ma g.yas pa rnams kyis mda' dang rdo rje dang khab 'dzin pa/ g.yon pa rnams kyis gzhu dang skud pa dang mya ngan med pa'i shing gi yal ga me tog dang bcas pa 'dzin pa/smad g.yogs sngon po gyon pa rnam par bkra ba'i stod g.yogs sngon po can/ ser po'i mdog can gyi phag pa la gnas shing de'i mdog can gyi phag pas yongs su bskor ba/ mya ngan med pa'i me tog gi phreng bas dbu la brgyan pa'o/ /shar phyogs su arka ma sI me tog ban+du ka'i mdog can g.yas pa dang g.yon pa'i phyag gis khab dang skud pa 'dzin pa'o//lhor ma rka ma sI ser mo gser gyi mdog can g.yas pas skud pa dang bcas pa'i khab dang g.yon pas mya ngan med pa'i yal ga 'dzin pa'o/ /nub tu an+d+har d+ha ma sI ser mo g.yas pas mya ngan med pa'i yal ga dang g.yon pas sdigs mdzub dang bcas pa'i zhags pa 'dzin pa'o//byang du te dzo ma sI dmar mo'i mdog can g.yas pa dang g.yon pa'i phyag gis mda' dang gzhu 'dzin pa'o/ /me la sogs pa'i mtshams rnams su u da ya ma sI dang gul mam sI dang pa nam sI dang tsi bar ma sI rnams rim pa ji lta ba bzhin du a rka ma sI la sogs pa'i sku mdog dang phyag mtshan no//rim pa phyi ma'i snam bu rnams la shar du ma hA tsi ba ram si dang ba rA hA mu khi mche ba gtsigs pa 'jigs su rung ba g.yas pas rdo rje lcags kyu dang g.yon pas rdo rje zhags pa 'dzin pa'o/ /lhor pa ta kra ma sI dang bar li ser mo g.yas pas mya ngan med pa'i yal ga dang g.yon pas rdo rje 'dzin pa'o//nub tu pa ra kra ma sI dang ba da le dmar mo g.yas pa dang g.yon pa dag gis mda' dang gzhu 'dzin pa'o/ /byang du Urma ma sI dang ba ra li ljang gu g.yas pa dang g.yon pa'i phyag dag gis khab dang skud pa 'dzin pa'o/ /me'i mtshams su bat+tA li dmar po'i mdog can g.yas pa dang g.yon pa'i phyag dag gis khab dang skud pa 'dzin pa'o//bden bral du ba dA li ser mo g.yas pas skud pa dang bcas pa'i khab dang g.yon pas yal ga dang bcas pa'i mya ngan med pa'i me tog gi chun po 'dzin pa'o/ /rlung du ba rA li dkar mo g.yas pa dang g.yon pa dag gis mya ngan med pa'i yal ga dang zhags pa 'dzin pa'o//dbang ldan du ba rA hA mu khi dmar mo phyag gnyis kyis mda' dang gzhu 'dzin pa'o/ /shar la sogs pa'i sgo rnams su A lo dang / tA lo dang / kA lo dang / sad pa lo sam+ba mUr+d+ha Ti rnams ni rim pa ji lta bzhin du/ dkar mo dang / ser mo dang / dmar mo dang /ljang gu ste phyag gnyis ma rdo rje lcags kyu dang / zhags pa dang lcags sgrog dang dril bu 'dzin pa'o/ /arka ma sI la sogs pa'i lha mo nyi shu rtsa bzhi po 'di rnams mngon par gsar du byung ba'i lang tsho can spyi bor mchod rten gyis brgyan pa/ rnam pa sna tshogs pa'i rin po che'i rgyan dang ldan pa rnam par bkra ba'i gos sngon pos stod g.yogs byas pa/phag zhal gcig ma spyan gsum ma phyag gnyis ma gser gyi mdog can gyi phag pa la gnas shing / gser gyi mdog can gyi phag pas yongs su bskor ba'o/ /sgo skyong ma rnams ni sna tshogs chu skyes dang nyi ma la g.yas brkyang gis gnas pa ste gzhan nyi shu rtsa bzhi po sna tshogs chu skyes dang zla ba la g.yon brkyang gis gnas pa'o//rigs kyi bdag po ni 'od zer can ma'i rtag pa'o/ /shar la sogs pa'i phyogs la bskor ba rnams kyi mi bskyod pa dang rin chen dbang po dang snang ba mtha' yas dang don yod grub pa rnams te me la sogs pa'i mtshams la bskor ba rnams kyi 'dod bzhin no zhes pa ni kha cig go//yang na dkar mo rnams kyi rnam par snang mdzad dang nag mo rnams kyi mi bskyod pa dang / ser mo rnams kyi rin chen 'byung ldan dang / ljang gu rnams kyi don yod grub pa'o zhes pa ni gzhan no/ /'od zer can gyi thugs ka'i sa bon ni maM mo/ / oM mA rI ts+yai swA hA/ zhes pa ni snying po'o/ /oM mA rI ts+yai hUM sar+b+ba big+h+nA na ud+bA da ya hUM phaT/ ces pa las thams cad pa'i sngags so// //bsrung ba lnga'i dkyil 'khor ni rdo rje gur gyi nang du ri rab kyi steng gi gzhal yas khang gi dbus su sna tshogs chu skyes dang zla ba la bcom ldan 'das ma so sor 'brang ma chen mo 'od zer dmar po'i dkyil 'khor can/zhal bzhi ma rtsa ba'i zhal ser mo g.yas dkar ba rgyab sngo ba/ g.yon dmar ba phyag bcu gnyis ma g.yas pa rnams kyis rin po che'i gdugs dang 'khor lo dang rdo rje dang mda' dang ral gri dang mchog sbyin gyi phyag rgya'o/ /g.yon pa rnams kyis rdo rje dang zhags pa dang rtsa gsum dang gzhu dang dgra sta dang dung rnams 'dzin pa/dbu la mchod rten gyis brgyan pa rdo rje'i skyil krung can ma'o/ /de'i shar phyogs su sna tshogs pad+ma dang zla ba la stong chen mo rab tu 'joms ma rol pa'i kun du bskyod pas bzhugs pa/ sku mdog dkar mo zla ba'i dkyil 'khor gyi 'od can zhal bzhi ma rtsa ba'i zhal dkar mo g.yas sngo ba rgyab ser ba g.yon ljang gu phyag bcu ma g.yas pa rnams kyis pad+ma la gnas pa'i 'khor lo rtsibs brgyad pa dang mchog sbyin dang lcags kyu dang mda' dang ral gri dang g.yon pa rnams kyis rdo rje dang sdigs mdzub dang zhags pa dang gzhu dang dgra sta rnams 'dzin pa'o//lhor sna tshogs pad+ma dang nyi ma la gsang sngags rjes su 'dzin ma chen mo rdo rje'i skyil krung can ma nag mo nyi ma'i 'od can rtsa ba dang g.yas pa dang g.yon pa'i zhal rnams nag po dang dkar po dang dmar po phyag bcu gnyis ma g.yas pa dang g.yon pa'i phyag gnyis kyis chos 'chad kyi phyag rgya mdzad pa/gzhan pa gnyis kyis bsam gtan gyi phyag rgya mdzad pa g.yas pa'i phyag rnams kyis rdo rje dang mda' dang mchog sbyin dang mi 'jigs pa'i phyag rgya dang g.yon pa rnams kyis sdigs mdzub dang bcas pa'i zhags pa dang gzhu dang rin po che'i gdugs dang pad+ma la gnas pa'i bum pa 'dzin pa'o//nub tu sna tshogs chu skyes dang nyi ma la bsil ba'i tshal chen mo skyil krung phyed pas bzhugs pa dmar mo nyi ma'i 'od can rtsa ba dang g.yas pa dang g.yon pa'i zhal rnams dmar po dang dkar po dang nag po phyag brgyad ma g.yas pa rnams kyis pad+ma dang bcas pa'i mi 'jigs pa'i phyag rgya dang mda' dang rdo rje dang ral gri dang /g.yon pa rnams kyis sdigs mdzub dang bcas pa'i zhags pa dang gzhu dang rin po che'i rgyal mtshan dang thugs kar po ti 'dzin pa'o/ /byang du sna tshogs pad+ma dang zla ba la rma bya chen mo sems dpa'i skyil krung can ljang gu zla ba'i 'od can rtsa ba dang g.yas pa dang g.yon pa'i zhal rnams ljang gu dang nag po dang dkar po phyag brgyad ma g.yas pa rnams kyis rma bya'i mjug sgro dang mda' dang mchog sbyin dang ral gri/g.yon pa rnams kyis lhung bzed la gnas pa'i dge slong dang gzhu dang pang du gnas pa'i bum pa rin po che 'bar ba 'bab pa can dang sna tshogs rdo rjes sbras pa'i rin po che'i rgyal mtshan 'dzin pa/rim pa gnyis pa la me'i mtshams su dus ma nag mo phyag dag gis dung 'dzin pa dang / bden bral du dus mtshan ma ser mo phyag dag gis rdo rjes mtshan pa'i rgyal mtshan 'dzin pa dang / rlung du dus kyi rnab mo dmar mo phyag dag gis dgra sta 'dzin pa dang / dbang ldan du dkar mo sku mdog dkar mo phyag dag gis rtse gsum 'dzin pa ste bzhi po 'di dag ni zhal gcig phyag gnyis ma'o//dgu po 'di rnams ni rnam pa sna tshogs pa'i rin po che'i rgyan dang lha'i gos dang rin po che'i cod pan can/ zhal re re la spyan gsum gsum dang ldan pa rim pa ji lta ba bzhin du rin chen dbang po dang rnam par snang mdzad dang mi bskyod pa dang snang ba mtha' yas dang don yod grub pa dang mi bskyod pa dang rin chen dbang po dang snang ba mtha' yas dang rnam par snang mdzad rnams kyis rgyas btab pa'o//shar la sogs pa'i sgo rnams su sna tshogs pad+ma dang nyi ma la rdo rje lcags kyu ma dang rdo rje zhags pa ma dang rdo rje lcags sgrog ma dang rdo rje 'bebs ma rnams ni snga ma bzhin no//so sor 'brang ma chen mo la sogs pa rnams kyi sa bon ni praM dang / oM ma ni d+ha ri badzrI Ni ma hA pra ti sa re hUM hUM phaT phaT swA hA zhes pa ni snying po dang / sa bon ni buM dang / oM AH ma hA sA ha sra pra mard nI hUM hUM ni snying po dang / sa bon ni hUM dang / oM AHma hA man+t+ra a nu sA ri Ni hUM hUM ni snying po dang /sa bon ni dzIM dang / oM AHma hA shI ta ba ti dzIM hUM hUM ni snying po dang / sa bon ni maM dang / oM AHma hA ma yU rA bi d+yA+e rA dz+nyi hUM hUM phaT phaT swA hA/ zhes pa ni snying po'o/ /dgos pa'i dbang gis 'di rnams gang yang rung bas 'khor lo'i dbang phyug ma bya ste/ 'khor lo'i dbang phyug ma'i snying po'i sngags ni las thams cad pa'o//rdo rje dbyings kyi dkyil 'khor ni rdo rje gur gyi nang du gling rnams dang nye ba'i gling rnams rgya mtsho bdun la sogs pas yongs su bskor ba'i ri rab kyi steng du gzhal yas khang ste/ de'i dbus su seng ge'i steng du sna tshogs pad+ma'i lte ba la bcom ldan 'das rnam par snang mdzad dkar po rdo rje'i skyil krung gis bzhugs pa/nyi ma'i 'od can/ sangs rgyas lngas spras pa'i rin po che'i cod pan gyis brgyan pa'i ral pa'i thor cog dang ldan pa/ rnam pa sna tshogs pa'i rin po che'i rgyan dang / gos can zhi ba/ dkar po dang ser po dang / dmar po dang / ljang gu'i zhal bzhi pa/phyag brgyad pa g.yas pa dang g.yon pa dag gis rdo rje dang bcas pa'i byang chub mchog gi phyag rgya 'dzin pa/ gzhan pa dag gis bsam gtan gyi phyag rgya 'dzin pa/ g.yas pa dag gis bgrang phreng dang mda' 'dzin pa g.yon pa dag gis 'khor lo dang gzhu 'dzin pa'o/ /yang na 'di ni zhal gcig phyag gnyis pa sku mdog dkar po rdo rje dang bcas pa'i byang chub mchog gi phyag rgya 'dzin pa ste/g.yon pa'i rdo rje khu tshur gyi mdzub mo bslang ba g.yas pa'i rdo rje khu tshur gyis bzung ba ni byang chub mchog gi phyag rgya'o/ /'dab ma rnams la mdun du sems ma rdo rje ma sngon mo g.yas pas rdo rje rtse lnga pa dmar po dang g.yon pas sdigs mdzub dang bcas pa'i zhags pa 'dzin pa'o//g.yas su rin chen rdo rje ma ser mo g.yas pas rdo rje rtse lnga pa'i rtse mor rin po ches mtshan pa 'dzin zhing / g.yon pas sdigs mdzub mdzad pa'o/ /rgyab tu chos kyi rdo rje ma dmar mo g.yas pas rdo rje rtse lnga pas mtshan pa'i pad+ma 'dab brgyad dkar dmar dang g.yon pas pad+ma 'dzin pa'o//g.yon du las kyi rdo rje ma ljang gu g.yas pas de bzhin gshegs pa lnga'i mdog can sna tshogs rdo rje rtse mo bcu gnyis pa 'dzin zhing g.yon pas sdigs mdzub mdzad pa'o/ /de nas shar phyogs su glang po che'i dbang po'i steng du sna tshogs pad+ma'i lte ba la mi bskyod pa sngon po rdo rje skyil krung gis bzhugs pa/phyag g.yas pa'i sor mo gung mos rdo rje rtse lnga pa sngon po bzung nas sa gnon gyi tshul mdzad cing / phyag g.yon pa gan rkyal pang du bzhag pa'o/ /'dab ma rnams la mdun du rdo rje sems dpa' dkar po phyag g.yas pa'i ser mo gung mos thugs kar gtod pa'i tshul du rdo rje 'dzin pa g.yon pa'i khu tshur gyis bsnyems pa dang bcas pa'i dril bu dkur brten nas 'dzin pa'o//g.yas su rdo rje rgyal po ser po phyag g.yas par gnas pa'i rdo rje lcags kyus 'gugs pa'i tshul mdzad cing g.yon pas zhags pa 'dzin pa'o/ /kha cig ni phyag gnyis kyis rdo rje lcags kyu 'dzin pas spyan 'dren pa'i tshul byed pa'o zhes pa'o//g.yon du rdo rje chags pa dmar po g.yon pa dang cig shos dag gis gzhu dang mda' 'dzin pa'o/ /rgyab tu rdo rje legs pa mar ka ta'i mdog lta bu rdo rje dang bcas pa'i phyag gnyis kyis thugs kar legs so sbyin pa'i tshul mdzad pa'o//lhor rta'i steng du sna tshogs pad+ma'i lte bar rin chen 'byung ldan ser po rdo rje'i skyil krung gis bzhugs pa/ g.yas pa rdo rjes mtshan pa'i rin po che sor mo gung mos bzung nas mchog sbyin gyi tshul mdzad cing / g.yon pa gan rkyal du pang par bzhag pa'o/ /'dab ma rnams la mdun du rdo rje rin chen ser po g.yas pas rdo rje dang bcas pa'i khu tshur gyis mtha' gnyis su rdo rje gnyis kyis mtshan pa'i rin po che'i phreng ba rang gi dbang bskur ba'i gnas su 'ching bar mdzad cing /g.yon pa rdo rje dril bu bsnyems pa dang bcas pas 'dzin pa'o/ /g.yas su rdo rje gzi brjid dmar po phyag gnyis kyis nyi ma thugs kar 'dzin pa'i 'od kyis gsal bar mdzad pa'o//g.yon du rdo rje rgyal mtshan ljang gu phyag gnyis kyis yid bzhin gyi nor bu'i rgyal mtshan 'dzin zhing g.yon gyi dpung pa'i gnas su 'phyang ba'o/ /rgyab tu rdo rje bzhad pa dkar po g.yas pa dang g.yon pa'i phyag dag gis so'i phreng ba rdo rje gnyis dang ldan pa bzung nas zhal gyi thad kar 'jog pa'o//nub tu rma bya'i steng du sna tshogs pad+ma'i lte ba la snang ba mtha' yas dmar po rdo rje'i skyil krung gis bzhugs pa/ phyag g.yon dang g.yas pa gan rkyal du pang pa'i thad du bzhag nas ting nge 'dzin gyi phyag rgya mdzad de g.yas pa'i sor mo gung mos rdo rjes mtshan pa'i sor mo 'dzin pa'o//'dab ma rnams la mdun du rdo rje chos dkar dmar g.yon pas bsnyems pa dang bcas pas pad+ma'i yu ba 'dzin zhing g.yas pas kha 'byed pa'o/ /g.yas su rdo rje rnon po nam mkha' ltar sngo bsangs g.yon pas thugs kar shes rab kyi pha rol tu phyin pa'i glegs bam dang / g.yas pas ral gri 'phar thabs su 'dzin pa'o//g.yon du rdo rje rgyu gser gyi mdog can phyag g.yon par gnas pa'i 'khor lo rtsibs brgyad pa phyag g.yas pa'i sor mo gung mos 'gal me'i 'khor lo ltar bskor zhing chos kyi 'khor lo'i phyag rgya 'dzin pa'o/ /rgyab tu rdo rje smra ba dmar po g.yon pas chos kyi dung dang g.yas pas rdo rje rtse gcig pa lta bu'i lce 'dzin pa'o//byang du nam mkha' lding gi steng du sna tshogs pad+ma'i lte ba la don yod grub pa ljang gu rdo rje'i skyil krung gis bzhugs pa/ phyag g.yas pa'i sor mo gung mos sna tshogs rdo rje 'dzin pas mi 'jigs pa sbyin pa'i tshul mdzad cing / g.yon pa gan rkyal du pang par bzhag pa'o//'dab ma rnams la mdun du rdo rje las ljang gu g.yas pas bslang ba'i sbyor bas sna tshogs rdo rje rtse mo bcu gnyis pa thugs kar gtod pa'i tshul du 'dzin zhing / g.yon sna tshogs rdo rjes mtshan pa'i dril bu dkur brten pa ste/ yang na phyag gnyis kyi thal mo spyi bor sbyar nas sna tshogs rdo rje 'dzin pa'o//g.yas su rdo rje srung ba ser po phyag gnyis kyis rdo rje'i go cha 'dzin pa'o/ /g.yon du rdo rje gnod sbyin nag po phyag dag gis mthe'u chung gnyis rdo rje mche ba'i mtshon gyi rtse mo can rang gi zhal gyi grwar 'dzin pas gdug pa can rnams bsdigs par byed pa'o//rgyab tu rdo rje khu tshur ser po khu tshur gyi mtshams su rdo rje ste rdo rje khu tshur dag gis 'tshir ba'i rdo rje rtse lnga pa bzung ba'o/ /dbus kyi gzhal yas khang gi me'i pad+ma la rdo rje sgeg mo dkar mo rdo rje dkur brten pa'i phyag rgya dang ldan pa'i phyag gis rdo rje gnyis 'dzin pa'o/ / bden bral gyi pad+ma la phreng ba ma ser mo phyag dag gis rin po che'i phreng ba 'dzin pa'o/ /rlung gi pad+ma la glu ma dmar mo phyag dag gis pi wang sgrogs pa'o/ /dbang ldan gyi pad+ma la gar ma ljang gu rdo rje rtse gsum pa bzung ba'i phyag dag gis gar mdzad pa'o/ /dbus kyi gzhal yas khang gi phyi rol gyi snam bu'i shar gyi pad+ma rnams la byams pa dang mthong ba don yod dang ngan song kun 'dren dang mya ngan dang mun pa thams cad 'joms pa'i blo gros rnams ni mi bskyod pa lta bu'o//lho'i pad+ma rnams la spos kyi glang po dang dpa' bar 'gro ba dang nam mkha'i mdzod dang ye shes tog rnams ni rin chen 'byung ldan lta bu'o//nub kyi pad+ma rnams la 'od dpag med dang zla ba'i 'od dang bzang skyong dang / dra ba can gyi 'od rnams ni snang ba mtha' yas lta bu'o/ /byang gi pad+ma rnams la rdo rje snying po dang blo gros mi zad pa dang spobs pa brtsegs pa dang kun du bzang po rnams ni don yod grub pa lta bu'o/ /yang na shar la sogs pa'i snam bu rnams la byams pa la sogs pa bskal pa bzang po'i byang chub sems dpa' stong du bzhi yis ma tshang ba bsgom par bya'o//de dag gi mtshan rnams ni rnam par rgyas pas 'jigs nas ma bshad de/ gal te 'dod na bdag gis byas pa'i mtshan yang dag par brjod pa'i 'grel pa rnal 'byor snying po'i phreng ba las rtogs par bya'o//me'i mtshams kyi pad+ma la rdo rje bdug spos ma dkar mo dang / bden bral gyi pad+ma la rdo rje me tog ma ser mo dang / rlung gi pad+ma la rdo rje mar me ma dkar dmar dang / dbang ldan gyi pad+ma la rdo rje dri chab ma ljang gu ste/ bdug spos ma la sogs pa 'di rnams sngar dang 'dra ba'i phyag mtshan 'dzin pa'o//shar la sogs pa'i sgo'i pad+ma rnams la rdo rje lcags kyu dang / rdo rje zhags pa dang rdo rje lcags sgrog dang / rdo rje 'bebs pa rnams ni rim pa bzhin du dkar po dang ser po dang dmar po dang ljang gu ste sngar dang 'dra ba'i phyag mtshan 'dzin pa'o//'dir bcom ldan 'das rdo rje dbyings las gzhan pa'i lha thams cad zhal gcig phyag gnyis pa sna tshogs pa'i gos dang rin po ches brgyan pa/ rin po che'i cod pan can no/ /rdo rje sems dpa' la sogs pa ma gtogs pa ni dkyil 'khor gyi dbang phyug la mngon du phyogs pa ste/ rdo rje sems dpa' la sogs pa'i byang chub sems dpa' bcu drug ni rang rang gi bdag po'i de bzhin gshegs pa la mngon du phyogs pa'o//rnam par snang mdzad la sogs pa nas rdo rje 'bebs pa'i mthar thug pa'i lha thams cad ni ji skad bshad pa'i lte ba dang 'dab ma rnams la zla ba la gnas shing nyi ma'i 'od zer can no//de bzhin gshegs pa lnga las gzhan pa'i lha bzhi bcu rtsa brgyad ni sems dpa'i skyil krung gis bzhugs pa'o/ /'dir bcom ldan 'das rdo rje dbyings rnam par snang ba shin tu rnam par dag pa chos kyi dbyings kyi bdag nyid la rang dang 'dra ba'i rdo rje sems dpas rgyas gdab po/ /me long lta bu'i ye shes la sogs pa'i bdag nyid mi bskyod pa la sogs pa de bzhin gshegs pa bzhi'i rigs kyi bdag po ni rnam par snang mdzad do//sems ma rdo rje ma dang rdo rje sems dpa' la sogs pa bzhi dang sgeg mo dang bdug spos ma dang / byams pa la sogs pa bzhi dang / rdo rje lcags kyu rnams kyi mi bskyod pa'o//rin chen rdo rje ma dang rdo rje rin chen la sogs pa bzhi dang / phreng ba ma dang me tog ma dang spos kyi glang po la sogs pa bzhi dang rdo rje zhags pa rnams kyi rin chen 'byung ldan no/ /chos kyi rdo rje ma dang rdo rje chos rab la sogs pa bzhi dang glu ma dang mar me ma dang 'od dpag med la sogs pa bzhi dang /rdo rje lcags sgrog ma rnams kyi snang ba mtha' yas so/ /las kyi rdo rje ma dang rdo rje las rab la sogs pa bzhi dang gar ma dang dri chab ma dang rdo rje snying po la sogs pa bzhi dang / rdo rje 'bebs pa rnams kyi don yod grub pa'o/ /'dir nang gi gzhal yas khang gi sgo rnams la rdo rje lcags kyu la sogs pa bsgom par bya'o zhes pa ni phyogs gzhan no//rnam par snang mdzad kyi thugs ka'i sa bon ni a'o/ /oM sarba ta thA ga ta ma hA yo gI shwa ra hUM zhes pa ni snying po'o/ /oM badzra yak+Sha hUM zhes pa ni rdo rje gnod sbyin gyi ste las thams cad pa'i sngags so/ / gang yang rdo rje rtse mo la sogs pa'i rgyud rnams su rnam pa gzhan gyis kyang lha'i rnam pa'i khyad par gsungs pa de dag ni mangs pas 'jigs pas ma bshad do/ /bzhi bcu rtsa gsum gyi bdag nyid can 'jam pa'i rdo rje'i dkyil 'khor ni rdo rje'i gur la sogs pa nas gzhal yas khang gi bar du dang por bshad pa'i 'jam pa'i rdo rje'i dkyil 'khor bzhin no//'on kyang 'dir khro bo rnams ni 'chad par 'gyur ba'i gzugs can no zhes pa ni phyogs gcig ste/ rdo rje gur gyi nang ri rab kyi steng du sna tshogs chu skyes kyi lte ba la gnas pa'i gzhal yas khang ngo zhes pa ni gnyis pa'o/ /phyogs gnyis ka la yang mchod rten dkar po'i nang du gzhal yas khang ngo //de'i lte bar seng ge'i steng du sna tshogs chu skyes dang zla ba la sems dpa'i skyil krung gis bzhugs pa'i bcom ldan 'das rnam par snang mdzad kyi rang bzhin 'jam pa'i rdo rje ni sku mdog gser btso ma lta bu sdug cing yid du 'ong ba me tog sna tshogs kyis mdzes pa'i zur phud gsum gyis rnam par brgyan pa/rtsa ba dang g.yas pa dang g.yon pa'i zhal rnams ser po dang sngon po dang dkar po phyag drug pa g.yas pa rnams kyis ral gri dang mchog sbyin dang mda' g.yon pa rnams kyis shes rab kyi pha rol tu phyin pa'i po ti dang / ut+pal sngon po dang gzhu 'dzin pa/rang dang 'dra ba'i rdo rje dbyings kyi dbang phyug ma la snyoms par zhugs pa'o/ /de'i shar gyi re'u mig la glang po che'i steng du sna tshogs chu skyes dang nyi ma la mi bskyod pa sngon po 'gying ba'i tshul gyis gnas pa/ rtsa ba dang g.yas pa dang g.yon pa'i zhal rnams sngon po dang dkar po dang dmar po phyag brgyad pa g.yas pa'i sor mo gung mos rdo rje thugs kar gyen du bsgreng ba/g.yon pa rdo rje khu tshur gyis rdo rje dril bu dkur brten pa/ gzhan g.yas pa rnams kyis ral gri dang lcags kyu dang mda' dang / g.yon pa rnams kyis nu ma dang zhags pa dang gzhu 'dzin pa'o/ /lhor rta'i steng du sna tshogs chu skyes dang nyi ma rin chen 'byung ldan ser po sems dpa'i skyil krung can/rtsa ba dang g.yas pa dang g.yon pa'i zhal rnams ser po dang sngon po dang dkar po phyag drug pa rtsa ba'i phyag dag gis mnyam gzhag gi phyag rgya mdzad pa/ g.yas pa dag gis rin po che dang ral gri g.yon pa dag gis 'khor lo dang rdo rje 'dzin pa'o//nub tu rma bya'i steng du sna tshogs chu skyes dang nyi ma la snang ba mtha' yas dkar po sems dpa'i skyil krung can/ rtsa ba dang g.yas pa dang g.yon pa'i zhal rnams dkar po dang sngon po dang dmar po phyag drug pa g.yon pas sgeg pa dang bcas pa'i pad+ma'i yu ba thugs kar bzung ste g.yas pas kha 'byed pa/g.yas pa dag gis bgrang phreng dang rdo rje 'dzin cing / g.yon pa dag gis nu ma dang spyi blugs 'dzin pa'o/ /byang du nam mkha' lding gi steng du sna tshogs chu skyes dang nyi ma la don yod grub pa dmar po sems dpa'i skyil krung can/ rtsa ba dang g.yas pa dang g.yon pa'i zhal rnams dmar po dang sngon po dang dkar po phyag drug pa dang po gnyis bsam gtan gyi phyag rgya bcings pa/g.yas pa dag gis ral gri dang rdo rje g.yon pa dag gis nu ma dang lcags kyu 'dzin pa'o/ /dbang ldan du spyan ma ser mo sems dpa'i skyil krung can/ phyag brgyad ma g.yas pa rnams kyis mchog sbyin dang mi 'jigs pa dang 'khor lo dang mda' g.yon pa rnams kyis sdigs mdzub dang bcas pa'i zhags pa dang rin po che'i snye ma dang bgrang phreng dang gzhu 'dzin pa'o//mer mA ma kI sngon mo khro ba dang bcas pas rgod pa sems dpa'i skyil krung can/ phyag drug ma g.yas pa rnams kyis mi 'jigs pa dang rdo rje dang mda' g.yon pa rnams kyis sdigs mdzub dang zhags pa dang gzhu 'dzin pa'o//bden bral du gos dkar mo 'gying ba'i tshul gyis gnas pa phyag drug ma/ g.yas pa rnams kyis mi 'jigs pa dang rdo rje dang mda'/ g.yon pa rnams kyis pad+ma dang bgrang phreng dang gzhu 'dzin pa'o//rlung du sgrol ma ma ra ka ta lta bu sems dpa'i skyil krung can phyag drug ma/ g.yas pa rnams kyis mi 'jigs pa dang rdo rje dang mda' g.yon pa rnams kyis sdigs mdzub dang ut+pal dang gzhu 'dzin pa'o/ /rim pa gnyis par shar la sogs pa'i phyogs rnams su sems ma rdo rje ma dang rin chen rdo rje ma dang chos kyi rdo rje ma dang las kyi rdo rje ma rnams kyi sku mdog dang phyag mtshan dang mtshon cha rnams ni rim pa ji lta ba bzhin du mi bskyod pa la sogs pa rnams dang mtshungs pa'o//'on kyang nu ma 'dzin pa med par sems ma rdo rje ma dang rin chen rdo rje ma dang las kyi rdo rje ma rnams ni sdigs mdzub 'dzin pa ste chos kyi rdo rje ma ni zhags pa 'dzin pa'o//dbang ldan du tsun+da ma zla ba'i mdog can phyag nyi shu rtsa drug ma rtsa ba'i phyag dag gis thugs kar rtsa ba'i phyag rgya dang g.yon pa rnams kyis mi 'jigs pa dang ral gri dang rin po che'i phreng ba dang bI dza pU ra dang mda' dang dgra sta dang dbyug to dang tho ba dang lcags kyu dang rdo rje dang ba dan gsum gyi tshul dang bgrang phreng rnams dang /g.yon pa rnams kyis yid bzhin gyi nor bu'i rgyal mtshan dang pad+ma dang spyi blugs dang zhags pa dang gzhu dang shak+ta dang 'khor lo dang ral gri dang sdigs mdzub dang bum pa bzang po dang mtshon rtse gcig pa dang shes rab kyi pha rol tu phyin pa'i po ti 'dzin pa/kany+tsu ka'i stod g.yogs bcings pa bla gos phrag pa la gzar ba/ gar gyi nyams dgu'i rang bzhin can rtsa ba'i zhal dkar po g.yas pa'i zhal sngon po ljags 'dril zhing mche ba cung zad gtsigs pa g.yon pa ser po ma mchu mnan pa'o//thal mo yang dag par sbyar te mdzub mo gnyis gung mo'i tshigs bar pa la zlum po'i rnam par bzhag cing mthe bong dag mdzub mo'i logs kyi rtsa bar 'dzin pa ni 'di'i rtsa ba'i phyag rgya'o/ /mer rin chen skar mda' ma ser mo phyag drug ma dang po gnyis kyis thugs kar rin po che kha sbyor 'dzin pa g.yas pa dag gis mi 'jigs pa dang mda' dang /g.yon pa rnams sdigs 'dzub dang gzhu 'dzin pa'o/ /bden bral du khro gnyer can ma dkar mo phyag bcu drug ma g.yas pa rnams kyis rdo rje dang dbyug pa dang mda'/ g.yon pa rnams kyis sdigs mdzub dang spyi blugs dang gzhu 'dzin pa'o//rlung du rdo rje lcags sgrog ma ljang gu phyag drug ma g.yas pa rnams kyis rdo rje dang rdo rje lcags sgrog dang mda' dang g.yon pa rnams kyis sdigs mdzub dang zhags pa dang gzhu 'dzin pa'o/ /spyan ma la sogs pa lha mo bcu gnyis po 'di rnams ni rol pa'i kun du bskyod pa dang ldan pas zla ba'i gdan la bzhugs shing 'od zer dmar po'i dkyil 'khor can rang rang gi rigs kyi bdag po bzhin du zhal gsum pa'o//rim pa gsum pa'i dkyil 'khor gyi snam bu rnams la shar du byams pa gser gyi mdog can phyag dang po gnyis chos kyi 'khor lo'i phyag rgya mdzad cing / g.yas pa mchog sbyin gyi phyag rgya dang /g.yon pas me tog dang bcas pa'i klu shing gi yal ga 'dzin pa/ 'jam dpal dmar po'i gzugs can khyad par du shes rab ma dang bral ba dang / spos kyi glang po ljang gu g.yon pas bum par gnas pa'i glang po che'i sna 'dzin zhing g.yas pa mchog sbyin pa dang / ye shes tog ser po g.yon pas yid bzhin gyi nor bu'i rgyal mtshan 'dzin zhing /g.yas pas mchog sbyin pa bya'o/ /lhor bzang skyong sku mdog dmar po g.yon pas rin po che 'dzin zhing g.yas pas mchog sbyin pa dang / blo gros rgya mtsho dkar po phyag gnyis kyis ser mo thams cad brkyang bas chu rlabs kyi tshul mdzad pa dang /blo gros mi zad pa gser gyi mdog can g.yon pa'i khu tshur thugs kar bzhag ste g.yas mchog sbyin gyi phyag rgya can dang / spobs pa brtsegs pa ljang gu g.yon pa'i khu tshur pang du bzhag cing g.yas pas se gol gtogs pa'o/ /nub tu mthu chen thob pa dkar po g.yon par cung zad kha bye ba'i pad+ma dkar po 'dzin zhing /g.yon pas mchog sbyin pa dang / ngan song kun 'dren dkar po phyag gnyis kyis sdig pa 'dor ba'i tshul can dang / mya ngan dang mun pa thams cad nges par 'joms pa'i blo gros ser po phyag gnyis kyis kha sbyar brdeg pa'i tshul can dang / dra ba can gyi 'od dmar po g.yon pas ut+pal la la gnas pa'i nyi ma'i dkyil 'khor 'dzin zhing g.yas mchog sbyin pa'o//byang du zla 'od dkar po g.yon pas ut+palar gnas pa'i zla ba'i dkyil 'khor 'dzin zhing g.yas pas mchog sbyin pa dang / 'od dpag med dmar po phyag gnyis kyis dbang bskur ba'i bum pa 'dzin pa dang / nam mkha'i mdzod ser po g.yon pa rdo rje khu tshur dkur brten zhing /g.yas pa nam mkha' la bskor ba dang / sgrib pa thams cad rnam par sel ba sngon po'am dkar po g.yon pas la reg cing g.yas pa'i khu tshur gyi mdzub mo dang mthe bong sbyar te dri ba'i tshul gyis gnas pa'o/ /byams pa la sogs pa'i byang chub sems dpa' 'di rnams ni zla ba'i gdan dang zla ba'i 'od can/sems dpa'i skyil krung gis bzhugs pa/ spyan gsum pa rang phyogs kyi bdag po dang 'dra bar zhal gsum pa/ phyag drug gi gnyis kyis mnyam gzhag gi phyag rgya dang / gnyis kyis gzhu dang mda' 'dzin pa'o//byams pa dang 'jam dpal gnyis ni mnyam gzhag gi phyag rgya med pa'o/ /'jam pa'i rdo rje la sogs pa'i lha thams cad rnam pa sna tshogs pa'i gos dang rin po che'i rgyan can/ zhal 'dzum bag dang bcas shing sgeg pa'i nyams dang ldan pa'o/ /shar sgor ma he'i steng du gshin rje mthar byed nag po phyag drug pa g.yas pa rnams kyis ral gri dang rdo rje dang mda' 'dzin pa dang /g.yon pas zhags pa dang bcas pa'i sdigs mdzub gyen du bsgreng bas bsdigs par byed pa/ gnyis pas 'khyud par byed pa'i lha mo'i nu ma nas 'dzin pa ste/ de yang phyag gnyis ma dkar mo phyag g.yon pas 'dam skyes 'dzin zhing g.yas pas kun nas 'khyud par brtson pa'o//g.yon pa'i gsum pas dngul gyi gzhu 'dzin pa mar ka ta k+tar ljang ba'i lha mo phyag gnyis ma g.yas pa ut+pal la sngon po 'dzin zhing phyag g.yon pa mgul pa la 'khyud pas g.yas phyogs nas rnam par mdzes pa zhabs drug pa/gsus pa 'phyang ba/ zhal drug ni sngon po rtsa ba'i zhal gad rgyangs dang bcas pa/ gnyis pa 'jigs par byed pa gsum pa gdangs pa/ bzhi pa drag po chen po lnga pa rdo rje'i mche ba can/ drug pa spyi bor gnas shing ljags bsgril ba'o/ /yang na spyi bor gnas pa sngon po rtsa ba'i zhal la sogs pa rnams g.yas skor gyis sngon po dang dkar po dang ser po dang dmar po dang ljang gu rnams so//lho sgor gzhan gyis mi thub pa ser po rtsa ba dang g.yas pa dang g.yon pa'i zhal rnams ser po dang nag po dang dkar po dang phyag drug pa g.yas pa rnams kyis rdo rje dang dbyug pa dang mda' 'dzin zhing /g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o/ /nub tu rta mgrin dmar po rtsa ba dang g.yas pa dang g.yon pa'i zhal rnams dmar po dang sngon po dang phyag drug pa g.yas pa rnams kyis rdo rje dbyug pa dang ka Na ya dang mda' 'dzin zhing / g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o//byang du bdud rtsi 'khyil pa sngon po zhabs kyis bgegs mnan pa phyag drug pa g.yas pa rnams kyis ral gri dang dgra sta dang mda' 'dzin zhing g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o//dbang ldan gyi mtshams su rin po che'i ri bo'i steng du mi g.yo ba sngon po mi g.yo ba phyag drug pa g.yas pa rnams kyis ral gri dang zhags pa dang mda' 'dzin zhing / g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa g.yon ngos su 'phyang ba'i gos sngon po can/khrag gis brlan zhing ljags 'dril ba'i zhal gdangs pa'o/ /mer 'dod pa'i rgyal po sngon po phyag drug pa phyag dang po gnyis kyis phyag rgya mdzad pa/ g.yas pa dag gis rdo rje dang mda' g.yon pa dag gis nu ma dang gzhu 'dzin pa ste/ rdo rje khu tshur gnyis phan tshun rgyab sbyar nas mtheb chung gnyis lu gu rgyud ltar byas te sdigs mdzub gnyis rab tu brkyang nas zhags pa ltar byas pa ni 'dod pa'i rgyal po'i phyag rgya'o//bden bral du dbyug sngon can sngon po phyag drug pa g.yas pa rnams kyis rdo rje dang dbyug pa dang mda' g.yon pa rnams kyis sdigs mdzub dang bcas pa'i zhags pa dang nu ma dang gzhu 'dzin pa'o//rlung du stobs po che sngon po phyag brgyad pa g.yas pa rnams kyis rdo rje dang dbyug pa dang ral gri dang mda' g.yon pa rnams kyis sdigs mdzub dang bcas pa'i zhags dang nu ma dang tho ba dang gzhu 'dzin pa'o/ /'khor lo'i dbang phyug gi steng du gnod mdzes rgyal po sngon po phyag drug pa rtsa phyag gnyis kyis rdo rje hUM mdzad kyi phyag rgya bcings pa/g.yas pa dag gis ral gri dang mda' 'dzin zhing / g.yon pa dag gis nu ma dang gzhu 'dzin pa ste/ 'dir 'dod pa'i rgyal po'i phyag rgya de nyid kyi mdzub mo gnyis gyen du bsgreng ba ni gnod mdzes kyi phyag rgya'o/ /'og tu rdo rjes 'og sngon po phyag drug pa g.yas pa rnams kyis rdo rje dang lcags kyu dang mda' 'dzin zhing /g.yon pa rnams kyis nu ma dang zhags pa dang bcas pa'i rtse gcig pa dang gzhu 'dzin pa'o/ /bgegs mthar byed la sogs pa bdun ni rtsa ba dang g.yas pa dang g.yon pa'i zhal gsum sngon po dang ser po dang dmar po'o//khro bo bcu po rnams kyang khros pa'i lta stangs can spyan gsum dmar la smin ma g.yo ba rtsa ba'i zhal cung zad bye ba/ g.yas pa'i zhal gdangs pa/ g.yon pa'i zhal tshems kyis mchu mnan pa/ mche ba gtsigs pa stag gi pags pa'i gos gyon pa/thod pa'i phreng ba'i cod pan can/ skra dang sma ra ser po gyen du brdzes pa/ rol pa'i kun du bskyod pa can/ klu brgyad kyis brgyan pa/ sna tshogs chu skyes dang nyi ma la g.yon brkyang gis gnas pa ste/ gshin rje mthar byed ni g.yas brkyang ba'am rdo rje skyil krung gis so/ /dkyil 'khor 'dir gnod mdzes rgyal po'i ngo bo nyid kyis gnas pa'i gtsug tor 'khor los sgyur ba ni dkyil 'khor pa nyid du logs su ma bshad de dpal sgyu 'phrul dra ba'i rgyud las rnal 'byor rgyas par bstan pa la'o//bar ma'i rim par bstan pa la ni 'jam pa'i rdo rje'i spyi gtsug gi steng du rin po che'i ri la gnas pa'i pad+ma dang nyi ma la rdo rje skyil krung gis bzhugs pa'i gtsug tor 'khor los sgyur ba ser po rtsa ba dang g.yas pa dang g.yon pa'i zhal rnams ser po dang sngon po dang phyag brgyad pa/dang po gnyis kyis ting nge 'dzin gyi phyag rgya mdzad pa/ g.yas pa rnams kyis 'khor lo dang bgrang phreng dang mda' 'dzin zhing / g.yon pa rnams kyis rdo rje dang nu ma dang gzhu 'dzin pa rnam pa sna tshogs pa'i gos dang rin po che'i rgyan dang ral pa'i cod pan can/ spyan ma la sogs pa'i lha mo bzhis gzhogs gnyis su rnam par brgyan pa'o zhes gsungs so/ /de'i rjes su 'brangs nas rnal 'byor rgyas pa la yang gtsug tor 'khor los sgyur ba dkyil 'khor par tha dad du dang /de'i steng du gnod mdzes rgyal po shes par bya'o zhes pa ni kha cig gi'o/ /lha bzhi bcu rtsa gsum po rnams kyang zhal re re zhing spyan gsum pa'o/ /'dir nu ma 'dzin par bshad pa de yang mi bskyod pa la sogs pa bzhi ni rang dang 'dra ba'i shes rab ma la snyoms par zhugs pa rnams kyi ste khro bo rnams ni rang dang 'dra ba'i shes rab ma g.yon logs su gnas pa rnams kyi'o zhes shes par bya'o//gshin rje mthar byed las gzhan rnams la shes rab ma med kyang de'i nu ma 'dzin pa'i tshul gyis rang gi nu ma 'dzin pa'o zhes pa ni gzhan no//'dir rnam par snang mdzad kyi rang bzhin 'jam pa'i rdo rje shin tu rnam par dag pa'i chos kyi dbyings kyi ye shes kyi bdag nyid la rang dang 'dra ba'i rdo rje sems dpa'i rgyas btab pa ste/ me long lta bu'i ye shes la sogs pa'i rnag bzhin mi bskyod pa la sogs pa'i de bzhin gshegs pa bzhi dang / spyan ma dang tsun+da rnams la 'jam pa'i rdo rje dang /mA ma kI dang sems rdo rje ma dang byams pa la sogs pa bzhi dang / khro bo bcu la mi bskyod pa dang rin chen rdo rje ma dang rin chen skar mda' dang bzang skyong la sogs pa bzhi la rin chen 'byung ldan dang / gos dkar mo dang chos kyi rdo rje ma dang khro gnyer can ma dang mthu chen thob la sogs pa bzhi la snang ba mtha' yas dang /sgrol ma dang las kyi rdo rje ma dang rdo rje lcags sgrog ma dang zla 'od la sogs pa rnams la don yod grub pa'o/ /'jam pa'i rdo rje'i thugs ka'i sa bon ni muH'o/ /oM AHzhes pa ni snying po'o/ /oM a mr-i ta kuN+Dal big+h+nAn+ta ka hUM/zhes pa las thams cad pa'o/ /chos kyi dbyings gsung gi dbang phyug gi dkyil 'khor la rdo rje gur la sogs pa bsgom pa'i rnam par gzhag pa ni bshad ma thag pa'i dkyil 'khor bzhin no/ /gzhan 'dir gshin rje gshed la sogs pa'i khro bo rnams ni 'chad par 'gyur ba'i gzugs can te mchod rten 'di la med do//gzhal yas khang gi lte bar sna tshogs chu skyes kyi ze'u 'bru la gnas pa'i seng ge'i steng du pad+ma dang zla ba la 'jam pa'i dbyangs rdo rje'i skyil krung gis bzhugs pa/ nyi ma gzhon nu'i dkyil 'khor gyi 'od dang ldan pa gser gyi mdog can in+d+ra nI la lta bu'i zur phud dang ldan pa/rdo rje dang rin po che dang pad+ma dang sna tshogs rdo rje'i phreng ba'i cod pan gyi steng du sangs rgyas lnga 'phro ba'i rin po che'i cod pan can/ rnam pa sna tshogs pa'i rin po che'i rgyan dang na bza' can sgeg pa la sogs pa'i nyam gyi tshogs dang ldan pa/ rtsa ba dang g.yas dang rgyab dang g.yon gyi zhal rnams ni ser po dang sngon po dang dmar po dang dkar po'o//phyag brgyad kyi gnyis kyis chos kyi 'khor lo'i phyag rgya mdzad pa/ g.yas pa rnams kyis ral gri dang mda' dang rdo rje g.yon pa rnams kyis shes rab kyi pha rol tu phyin pa'i po ti dang gzhu dang rdo rje dril bu bsnams pa'o/ /'dab ma brgyad la gnas pa'i seng ge'i steng du pad+ma dang zla ba'i dkyil 'khor rnams la shar la sogs pa'i phyogs su gtsug tor chen po dang gdugs dkar po dang gzi brjid phung po dang rnam par rgyal ba'i gtsug tor rnams dang dbang ldan la sogs pa'i mtshams rnams su 'od zer rnam par 'phro ba dang 'phags pa dang cher 'phags dang rgyal ba rnams te/gtsug tor brgyad po 'di rnams ni rdo rje'i skyil krung dang rin po che'i cod pan can/ sku mdog ser po phyag gnyis kyi g.yas pas 'khor lo gyen du gzung ba g.yon pa rang gi gdan la brten pa'o/ /de nas shar gyi re'u mig gi dbus su glang po che'i rgyal po la mi bskyod pa sngon po zhal bzhi pa rtsa ba'i zhal sngon po khro zhing sgeg pa dang bcas pa g.yas pa dkar po gdangs shing drag pa/rgyab ma ser po dpa' ba g.yon pa dmar po mche ba gtsigs shing ma mchu mnan pa/ phyag brgyad kyi g.yas pa rnams kyis ral gri dang mda' dang lcags kyu 'dzin zhing / g.yon pa rnams kyis sdigs mdzub dang dril bu dang gzhu dang zhags pa 'dzin pa/rdo rje sems dpa' dang rdo rje rgyal po dang rdo rje chags pa dang rdo rje legs pa rnams kyis yongs su bskor ba'o/ /lho'i re'u mig gi dbus su rta'i rgyal po la rin chen 'byung ldan ser po ser po dang sngon po dang dkar po dang dmar po'i zhal can phyag brgyad kyi g.yas pa rnams kyis rdo rje dang ral gri dang mda' dang lcags kyu 'dzin zhing /g.yon pa rnams kyis yid bzhin gyi nor bu'i rgyal mtshan dang / rdo rje dril bu dang zhags pa dang gzhu 'dzin pa'o/ /rdo rje rin chen dang rdo rje gzi brjid dang rdo rje rgyal mtshan dang rdo rje bzhad pa rnams kyis yongs su bskor ba'o/ / nub kyi re'u mig gi dbus su rma bya la snang ba mtha' yas dmar po dmar po dang nag po dang dkar po dang ser po'i zhal bzhi pa phyag brgyad kyi g.yas pa rnams kyis rdo rje dang mda' dang ral gri dang lcags kyu 'dzin zhing / g.yon pa rnams kyis pad+ma dang gzhu dang zhags pa dang dril bu 'dzin pa/ rdo rje chos dang rdo rje rnon po dang rdo rje rgyu dang rdo rje srung ba rnams kyis yongs su bskor ba'o//byang gi re'u mig gi dbus su nam mkha' lding la don yod grub pa ljang gu zhal bzhi'i rtsa ba ljang gu mche ba gtsigs pa/ g.yas pa ser po zhi ba/ rgyab ma dmar po rnam par sgeg pa/ g.yon pa dkar po zhi ba/ phyag brgyad kyi g.yas pa rnams kyis ral gri dang rdo rje dang mda' dang lcags kyu 'dzin zhing / g.yon pa rnams kyis sdigs mdzub dang dril bu dang gzhu dang zhags pa 'dzin pa/ rdo rje las dang rdo rje srung ba dang rdo rje gnod sbyin dang rdo rje khu tshur rnams kyis bskor ba'o/ /mi bskyod pa la sogs pa'i de bzhin gshegs pa rnams ni rang rang gi bzhon pa'i steng du sna tshogs chu skyes dang nyi ma la skyil krung gis bzhugs pa/rnam pa sna tshogs pa'i rin po che'i rgyan dang gos dang cod pan can no/ /rdo rje sems dpa' la sogs pa bcu drug po rnams ni dbang ldan la sogs pa'i mtshams su gnas pa'i sna tshogs chu skyes dang zla ba la rdo rje dbyings kyi dkyil 'khor las bshad pa'i sku mdog la sogs pa can no//'di dag kyang phyogs su gnas pa'o zhes pa'i phyogs kyang yod do/ /dbang ldan la sogs pa'i mtshams su gnas pa'i sna tshogs chu skyes dang zla ba rnams la/ sems dpa'i skyil krung gis spyan ma dang mA ma kI dang gos dkar mo dang sgrol ma rnams ni rim pa ji lta ba bzhin du 'jam pa'i dbyangs dang mi bskyod pa dang /snang ba mtha' yas dang don yod grub pa lta bu'o/ /sgo rnams la shar du rdo rje lcags kyu dmar ser rdo rje lcags kyu dang zhags pa 'dzin pa/ g.yas brkyang gis gnas pa dang / lhor rdo rje zhags pa ser po rdo rje zhags pa 'dzin pa/g.yon brkyang gis gnas pa dang / nub tu rdo rje lcags sgrog dmar po phyag gnyis kyis rdo rje lcags sgrog 'dzin pa/ sa ga'i stabs kyis gnas pa dang / byang du rdo rje 'bebs pa ljang gu rdo rje bsdams pa'i phyag gnyis kyis rdo rje dril bu 'dzin pa zlum po'i stabs kyis gnas pa ste/bzhi po 'di rnams ni sna tshogs chu skyes dang nyi ma gnas pa zhal gcig pa/ phyag gnyis pa spyan gsum pa/ dbu skra dang sma ra ser po gyen du brdzes pa/ klu brgyad kyi rgyan gyis brgyan pa'o/ /snying po'i dkyil 'khor 'di las phyi rol gyi dkyil 'khor gnyis pa la/shar phyogs su dbang ldan nas brtsams nas g.yas skor gyi rim pa ji lta ba bzhin du/ sa ma bcu gnyis ni phyag gnyis ma g.yas pa rnams kyis rdo rje 'dzin zhing / g.yon pa rnams kyis rang rang gi phyag mtshan 'dzin pa ste/ de la mos pas spyod pa'i sa ma pad+ma dmar po lta bu chu skyes dmar po 'dzin pa dang /rab dga' ma dmar mo yid bzhin gyi nor bu 'dzin pa dang / dri med ma dkar mo chu skyes dkar po 'dzin pa dang / 'od byed ma dmar mo sna tshogs chu skyes la gnas pa'i nyi ma'i dkyil 'khor 'dzin pa dang / 'od 'phro ma mar ka ta'i mdog can ut+pal sngon po 'dzin pa dang /sbyang dka' ma ser mo pang par gnas pa'i phyag gan rkyal gyis ma ra ka ta'i nor bu 'dzin pa dang / mngon du gyur ma gser gyi mdog can pad+ma'i steng du shes rab kyi pha rol tu phyin pa'i po ti 'dzin pa dang / ring du song ma nam mkha' ltar sngo bsangs sna tshogs chu skyes la gnas pa'i sna tshogs rdo rje 'dzin pa dang /mi g.yo ma zla ba'i mdog can zla ba la gnas pa'i rdo rje rtse lnga pa dmar pos mtshan pa'i pad+ma'i yu ba khengs pa dang bcas pas 'dzin pa dang / legs pa'i blo gros ma dkar mo ral gris mtshan pa'i ut+pal 'dzin pa dang / chos kyi sprin ma ser mo chos kyi sprin gyis yongs su bskor ba'i shes rab kyi pha rol tu phyin pa'i po ti 'dzin pa dang /kun du 'od ma nyin gung gi nyi ma'i mdog can pad+ma'i steng du yang dag par rdzogs pa'i byang chub mtshon par byed pa'i sangs rgyas kyi sku gzugs 'dzin pa'o/ /lhor pha rol tu phyin ma bcu gnyis ni phyag gnyis ma g.yas pa rnams kyi yid bzhin gyi nor bu 'dzin zhing /g.yon pas rang rang gi phyag mtshan 'dzin pa ste/ shes rab kyi pha rol tu phyin ma ni phyag gnyis kyis lhag pa'o/ /de la rin po che pad+ma'i pha rol tu phyin ma dmar mo pad+ma la gnas pa'i zla ba'i dkyil 'khor 'dzin pa dang / sbyin pa'i pha rol tu phyin ma dkar dmar gyi mdog can sna tshogs pa'i so ba'i snye ma 'dzin pa dang /tshul khrims kyi pha rol tu phyin ma dkar mo yal gdang bcas pa'i mya ngan med pa'i me tog gi chun po 'dzin pa dang / bzod pa'i pha rol tu phyin ma ser mo chu skyes dkar po 'dzin pa dang / brtson 'grus kyi pha rol tu phyin ma ma ra ka ta'i mdog can ut+pal la sngon po 'dzin pa dang /bsam gtan gyi pha rol tu phyin ma nam mkha' ltar sngo bsangs pa pad+ma dkar po 'dzin pa dang / shes rab kyi pha rol tu phyin ma gser gyi mdog can pad+ma la gnas pa'i shes rab kyi pha rol tu phyin pa'i po ti 'dzin zhing / phyag gnyis kyis chos kyi 'khor lo'i phyag rgya mdzad pa dang /thabs kyi pha rol tu phyin ma pri yang ku ltar ljang gu chu skyes ser po la gnas pa'i rdo rje 'dzin pa dang smon lam gyi pha rol tu phyin ma ut+pal sngon po'i mdog can/ ut+pal la sngon po la gnas pa'i ral gri 'dzin pa dang / stobs kyi pha rol tu phyin ma dmar mo shes rab kyi pha rol tu phyin pa'i po ti 'dzin pa dang /ye shes kyi pha rol tu phyin ma dkar mo sna tshogs pa'i rin po che'i 'bras bus brgyan pa'i byang chub kyi shing gi yal ga 'dzin pa dang / rdo rje las kyi pha rol tu phyin ma sna tshogs mdog can ut+pal la sngon po la gnas pa'i sna tshogs rdo rje 'dzin pa'o/ /nub tu dbang ma bcu gnyis ni/phyag gnyis ma g.yas pa rnams kyis ut+pal la 'dzin zhing / g.yon pas bsnyems pa dang bcas pas rang rang gi phyag mtshan 'dzin pa ste/ de la tshe la dbang ma dkar dmar gyi mdog can nor bu pad+ma rA ga la gnas shing ting nge 'dzin gyi phyag rgya can gyi sangs rgyas tshe dpag tu med pa'i sku gzugs 'dzin pa dang /sems la dbang ma dkar mo rdo rje rtse lnga pa dmar po 'dzin pa dang / yo byad la dbang ma ser mo yid bzhin gyi nor bu'i rgyal mtshan 'dzin pa dang / las la dbang ma ljang gu sna tshogs rdo rje 'dzin pa dang / skye ba la dbang ma sna tshogs mdog can rnam pa sna tshogs pa'i mdog can gyi dzA ti'i 'khri shing 'dzin pa dang /rdzu 'phrul la dbang nam mkha' ltar sngo bsangs pad+ma gnas pa'i nyi ma dang zla ba'i dkyil 'khor 'dzin pa dang / mos pa la dbang ma pad+ma'i rtsa ba ltar dkar ba pri yang ku'i me tog gi snyem 'dzin pa dang / smon lam la dbang ma ser mo ut+pal sngon po 'dzin pa dang /ye shes la dbang ma sngon mo ut+pal la sngon po la gnas pa'i ral gri 'dzin pa dang / chos la dbang ma dkar mo pad+ma la gnas pa'i bum pa bzang po 'dzin pa dang / de bzhin nyid ma dkar mo phyag g.yas pas pad+ma dkar po 'dzin zhing / g.yon pas rdo rje rin po che'i snye ma 'dzin pa dang /sangs rgyas kyi byang chub ma gser zhun ma lta bu g.yas pas chu skyes ser po la gnas pa'i rdo rje rtse lnga pa 'dzin zhing / g.yon pas yid bzhin gyi nor bu'i rgyal mtshan gyi steng du 'khor lo 'dzin pa'o/ /byang du gzugs ma bcu gnyis ni/ phyag gnyis ma g.yas pa rnams kyis sna tshogs rdo rje dang /g.yon pas bsnyems pa dang bcas pas rang rang gi phyag mtshan 'dzin pa ste/ de la nor gyi blo gros ma ser mo 'bras kyi snye ma 'dzin pa dang / rin chen skar mda' ma dmar mo yid bzhin gyi nor bu'i rgyal mtshan 'dzin pa dang / gtsug tor rnam par rgyal ma dkar mo nor bu zla ba chu shel gyi bum pa 'dzin pa dang /'od zer can ma dkar dmar skud pa dang bcas pa'i khab 'dzin pa dang / ri khrod lo ma can ma ljang gu rma bya'i mjug sgro 'dzin pa dang / dug sel ma dkar mo dug gi me tog gi chun po 'dzin pa dang / sgo mtha' yas ma me tog pri yang ku ltar ljang gu chu skyes dmar po la gnas pa mi zad pa'i gter chen po'i bum pa 'dzin pa dang /tsun+da ma dkar mo bgrang phreng 'chang ba'i ril ba spyi blugs 'dzin pa dang / shes rab 'phel ma dkar mo at+pa la sngon po la gnas pa'i ral gri 'dzin pa dang / las kyi sgrib pa thams cad rnam par sel ma ljang gu rdo rje rtse gsum pas mtshan pa'i pad+ma dkar dmar 'dzin pa dang /ye shes mi zad pa'i za ma tog dmar mo rin po che'i za ma tog 'dzin pa dang / sangs rgyas thams cad kyi chos kyi mdzod ma ser mo pad+ma la gnas pa'i rin po che sna tshogs kyi dpe sgrom 'dzin pa'o/ /sgo rnams la shar du chos so so yang dag par rig ma dkar dmar phyag gnyis kyis lcags kyu dang zhags pa 'dzin pa dang /lhor don so so yang dag par rig ma ma ra ka ta'i mdog can g.yas pa dang g.yon pa'i phyag dag gis rin po che'i zhags pa 'dzin pa dang / nub tu nges pa'i tshig so so yang dag par rig ma dmar mo phyag gnyis kyis mtha' gnyis su pad+mas mtshan pa'i lcags sgrog 'dzin pa dang /byang du spobs pa so so yang dag par rig ma mar ka ta ltar ljang gu phyag gnyis rdo rje rtse gsum pa mtshan pa'i dril bu 'dzin pa'o/ /mtshams rnams su mer sgeg mo ser mo sgeg pa dang bcas pa'i phyag dag gis rdo rje gnyis 'dzin pa dang /bden bral du phreng ba ma dmar ser phyag gnyis kyis rin po che'i phreng ba 'dzin pa dang / rlung du glu ma dmar mo phyag dag gis pi wang 'dzin zhing sgra sgrogs pa dang / dbang ldan du gar ma ljang gu phyag gnyis gar gyi tshul gyis rdo rje rtse gsum pa dang dril bu 'dzin pa'o//mos pas spyod pa'i sa ma la sogs pa'i lha mo 'di rnams thams cad ni rnam pa sna tshogs pa'i rin po che'i rgyan dang / na bza' dang / rin po che'i cod pan can/ cung zad 'dzum zhing sgeg pa'i nyams dang ldan pa/ sna tshogs chu skyes dang zla ba'i dkyil 'khor la sems dpa'i skyil krung gis bzhugs pa ste/khyad par sgo skyod ma rnams ni nyi ma'i dkyil 'khor ro/ /gzhan dag ni de rnams kyang zla ba la gnas pa'o/ /dkyil 'khor gsum pa la dbang ldan nas brtsams nas byang chub sems dpa' rnams te/ de la snam bu rnams kyi shar du kun du bzang po ser po g.yas pas mchog sbyin dang g.yon pas ut+pal la gnas pa'i ral gri 'dzin pa dang /blo gros mi zad pa ser po g.yas pas ral gri dang g.yon pas mi 'jigs pas pad+ma 'dzin pa dang / sa'i snying po ser po g.yas pas sa gnon mdzad cing g.yon pas pad+ma la gnas pa'i dpag bsam gyi shing 'dzin pa dang /nam mkha'i snying po ljang gu g.yas pas rin po che thams cad kyi char 'bebs shing / g.yon pas yid bzhin gyi nor bu 'dzin pa'o/ /lhor nam mkha'i mdzod ser po g.yas pas yid bzhin gyi nor bu dang g.yon pas bum pa bzang po las 'phyangs pa'i dpag bsam gyi shing 'dzin pa dang / phyag na rin chen ljang gu g.yas pas rin po che dang /g.yon pas chu skyes la gnas pa'i zla ba'i dkyil 'khor 'dzin pa dang / blo gros rgya mtsho dkar po g.yas pas dung dang g.yon pas ral gri 'dzin pa dang / rdo rje snying po ut+pal sngon po'i mdog can g.yas pas rdo rje dang / g.yon pas sa bcu pa'i glegs bam 'dzin pa'o//nub tu spyan ras gzigs dbang phyug dkar po g.yas pas mchog sbyin dang / g.yon pas chu skyes 'dzin pa dang / mthu chen thob pa ser po g.yas pas ral gri dang g.yon pas pad+ma 'dzin pa dang / zla 'od dkar po g.yas pas 'khor lo dang g.yon pas chu skyes la gnas pa'i zla ba'i dkyil 'khor 'dzin pa dang /dra ba can gyi 'od dkar dmar g.yas pas ral gri dang g.yon pas chu skyes la gnas pa'i nyi ma 'dzin pa'o/ /byang du 'od dpag med dkar po g.yas pas sna tshogs chu skyes dang / g.yon pas chu skyes la gnas pa'i bum pa 'dzin pa dang / spobs pa brtsegs pa ser po g.yas pas se gol gtogs shing g.yon pas pad+ma la gnas pa'i ral gri 'dzin pa dang /mya ngan dang mun pa thams cad nges par 'joms pa'i blo gros gur gum gyi mdog g.yas rdo rje rtse lnga pa dang / g.yon pas shak+ti 'dzin pa dang / sgrib pa thams cad rnam par sel ba sngon po g.yas pas ral gri dang g.yon pas sna tshogs rdo rjes mtshan pa'i ba dan 'dzin pa'o//bcu drug po 'di rnams ni sna tshogs pad+ma dang zla ba'i dkyil la sems dpa'i skyil krung can rin po che'i cod pan dang sna tshogs pa'i rin po che dang na bzas brgyan pa/ zhal gcig pa phyag gnyis pa rnams so/ /sgo rnams la shar du ma he la gshin rje mthar byed nag po gsus pa 'phyang pa zhal drug pa phyag drug pa g.yas pa rnams kyis lcags kyu dang /ral gri dang mda' dang / g.yon pa rnams kyis sdigs mdzub dang bcas pa'i zhags pa dang dril bu dang gzhu 'dzin pa ste/ zhal dang zhabs kyi khyad par ni snga ma bzhin no/ / lhor shes rab mthar byed ser po zhal bzhi pa rtsa ba'i zhal sgeg pa dang bcas pa g.yas pa gdangs pa/ rgyab ma drag po chen po/ /g.yon pa zhi ba/ yang na 'di rnams rim pa ji lta bar ser po dang sngon po dang dmar po dang ljang gu'o/ /'di'i phyag brgyad kyi g.yas pa rnams kyis zhags pa dang / rdo rje dang ral gri dang mda' dang /g.yon pa rnams kyis dril bu dang shak+ti dang gzhu 'dzin pa'o/ /nub tu pad+ma mthar byed dmar po zhal dmar po bzhi'i rtsa ba dang g.yas dang rgyab dang g.yon gyi zhal rnams sgeg pa dang drag pa dang bzhad pa dang zhi ba'i nyams dang ldan pa/ yang na 'di rnams dmar po dang nag po dang ser po dang dkar po'o//phyag brgyad kyi gnyis kyis rdo rje lcags sgrog dang / g.yas pa rnams kyis rdo rje dang ral gri dang mda'/ g.yon pa rnams kyis dril bu dang sdigs mdzub dang bcas pa'i zhags pa dang gzhu 'dzin pa ste/ gsum pa 'di dag ni rol pa'i kun du bskyod pas gnas pa'o/ /byang du bgegs mthar byed sngon po zhal sngon po bzhi pa/yang na 'di rnams sngon po dang ser po dang dmar po dang ljang gu/ phyag brgyad kyi gnyis kyis rdo rje bsdams pa'i tshul gyis dril bu dang / g.yas pa rnams kyis ral gri dang mda' dang lcags kyu/ g.yon pa rnams kyis sdigs mdzub dang bcas pa'i zhags pa dang gzhu dang dril bu 'dzin pa g.yon brkyang gis log 'dren mnan nas bzhugs pa'o//mtshams rnams la dbang ldan du 'jig rten gsum na rnam par rgyal ba sngon po zhal sngon po bzhi'i rtsa ba khro zhing sgeg pa dang bcas pa g.yas drag po rgyab dpa' ba/ g.yon mi sdug pa'i nyams can/ yang na 'di rnams sngon po dang ser po dang dmar po dang dkar po'o/ /phyag brgyad kyi gnyis kyis rdo rje dang dril bu thugs kar bzung nas rdo rje hUM mdzad kyi phyag rgya mdzad pa/ g.yas pa rnams kyis ral gri dang lcags kyu dang mda'/ g.yon pa rnams kyis rdo rje dang zhags pa dang gzhu 'dzin pa/ zhabs g.yon brkyang bas dbang phyug chen po'i mgo dang /g.yas bskum pas u ma'i nu ma mnan pa'o/ /mer rdo rje nyi ma me ltar 'bar ba nag po sgeg pa dang dpa' ba dang 'jigs su rung ba snying rje'i nyams dang ldan pa'i zhal bzhi pa/ yang na 'di rnams sngon po dang dkar po dang ser po dang dmar po/ 'di'i phyag brgyad kyi g.yas pa rnams kyis rdo rje dang ral gri dang mda' dang 'khor lo 'dzin zhing /g.yon pa rnams kyis dril bu dang zhags pa dang gzhu dang kha T+wAM ga dang 'brel ba'i ba dan 'dzin pa/ chung ma dang bcas pa'i khyab 'jug g.yas brkyang gis mnan nas bzhugs pa'o/ /bden bral du he ru ka sngon po zhal sngon po bzhi'i rtsa ba drag po//g.yas pa rab tu dga' bas bzhad pa/ rgyab ma za bar rngam pa/ g.yon pa sgeg pa dang bcas pa/ yang na 'di rnams sngon po dang dmar po dang ljang gu dang dkar po phyag brgyad kyi g.yas pa rnams kyis rdo rje rtse lnga pa dang mda' dang khrag gis gang ba'i thod pa/ g.yon pa rnams kyis snying gar pad+ma kha bye ba dang gzhu dang kha T+wAM ga dril bu ba dan dang bcas pa 'dzin zhing /gnyis kyis 'jigs byed chen po'i pags pa rlung ras lta bu 'dzin pa/ chung ma dang bcas pa'i tshangs pa g.yon brkyang gis mnan nas bzhugs pa'o/ /rlung du rta mchog ljang gu zhal ljang gu bzhi'i rtsa ba khro zhing sgeg pa dang bcas pa/g.yas pa drag po g.yon pa tshangs pa'i gdong can/ yang na 'di rnams ljang gu dang sngon po dang dkar po ste spyi bor rta mgo ljang gu 'di'i phyag brgyad kyi g.yas pa sna tshogs rdo rje ba dan dang ldan pas bsgreng ba'i tshul dang / gnyis pas ba dan gsum pa'i tshul dang / gsum pas ral gri/bzhi pas mda'/ g.yon pas phub dang bcas pa'i phyag gis sna tshogs chu skyes dang / gsum gyis shak+ti dang dbyug pa dang gzhu 'dzin pa/ g.yas brkyang pa dang g.yon brkyang ba ste zhabs bzhi pa/ g.yas pa gcig gis dbang mo dang dpal mo/ /gnyis pas dga' ma dang rangs ma g.yon pa gcig gis dbang po dang sbrang rtsir byed pa/gnyis pas rgyal bar byed pa dang dpyid kyi lha mnan nas bzhugs pa'o/ /'khor lo'i dbang phyug gi steng gi nam mkhar gtsug tor 'khor los sgyur ba ser po zhal ser po bzhi pa/ yang na ser po dang sngon po dang dmar po dang dkar po'i zhal bzhi pa/phyag brgyad kyi g.yas pa rnams kyis 'khor lo dang lcags kyu dang ral gri dang mda'/ g.yon pa rnams kyis dril bu dang zhags pa dang bgrang phreng dang gzhu 'dzin pa/ rol pa'i kun du bskyod pas bzhugs pa'o/ /'og tu gnod mdzes rgyal po nag po drag po dang zhi ba dang bzhad pa dang sgeg pa'i nyams dang ldan pa'i zhal nag po bzhi pa yang na nag po dang dkar po dang dmar po dang ser po'i zhal bzhi pa/phyag g.yas pa rnams kyis rdo rje dang lcags kyu dang ral gri dang mda' g.yon pa rnams kyis dril bu dang zhags pa dang rdo rje rtse gcig pa dang gzhu 'dzin pa/ g.yon brkyang gis bzhugs pa'o//khro bo bcu po 'di rnams ni sna tshogs chu skyes dang nyi ma la gnas pa/ zhal re re zhing dmar la zlum pa'i spyan gsum pa/ smin ma 'khyog pa dang bcas pa/ stag gi pags pa'i gos dang smad g.yogs can/ thod pa'i phreng ba'i cod pan dang ldan pa/ dbu skra dmar ser 'bar ba gyen du bcings pa sma ra dmar ser can gdengs can gyi dbang po brgyad dang ldan pa 'jigs su rung ba'o//dkyil 'khor gsum pa nyid kyi grwa bzhi'i nang du 'jig rten gsum las rnam par rgyal ba la sogs pa'i khro bo bzhi'i phyi'i re khA'i phyi rol gyi gnas su me la sogs pa'i zur thig bzhi po rnams kyi g.yas logs su ma tog ma la sogs pa bzhi dang g.yon logs su rdo rje gzugs ma la ste/de la me tog ma ser mo phyag na me tog gi snod can dang / bdug spos ma nag mo phyag na sbos phor can dang / mar me ma dmar mo phyag na rin po che'i sgron ma'i mchod sdong can dang / dri chab ma ljang gu phyag na dri'i dung can dang /rdo rje gzugs ma ser mo phyag na me long can dang / rdo rje sgra ma ljang gu phyag na pi wang can dang / rdo rje ro ma dmar mo phyag na dri'i snod can dang / rdo rje reg bya ma sna tshogs pa'i mdog can phyag na gos sna tshogs can no/ /brgyad po 'di rnams ni phyag gnyis ma rin po che'i cod pan can rnam pa sna tshogs pa'i rin po che dang gos kyis brgyan pa/pad+ma dang zla ba la sems dpa'i skyil krung gis bzhugs pa'o/ /bzhi pa rdo rje rigs kyi dkyil 'khor la dbang po'i phyogs su sa srung dkar po la gnas pa'i dbang po ser po rdo rje dang nu ma 'dzin pa dang / gshin rjer ma he la gshin rje nag po dbyug pa dang mdung 'dzin pa/chur chu srin la chu bdag dkar po gdengs ka bdun pa klu'i zhags pa dang drung 'dzin pa dang / lus ngan du mi la gnas pa'i lus ngan po ser po lcags kyu dang dbyug to 'dzin pa dang / dbang ldan du glang la gnas pa'i dbang ldan dkar po rtse gsum dang thod pa 'dzin pa/ ral pa'i thor cog la thod pa dang zla ba phyed pas brgyan zhing sbrul gyi mchod phyir thogs pa mgrin pa sngon po dang / mer ra la me ha dmar po blugs gzar dang spyi blugs 'dzin pa dang / bden bral du rol srin po'i bdag po bden bral sngon po ral gri dang phub 'dzin pa dang / rlung du ri dgas la rlung lha sngon po rlung ras 'dzin pa ste/brgyad po 'di rnams ni phyag bzhi pa/ g.yas pas phyag mtshan dang po dang / g.yon pas gnyis pa 'dzin zhing rang snang gi btsun mo la 'khyud pa/ gnyis kyis spyi bor thal mo sbyar nas 'dud pa'o/ /dbang ldan dang nye ba'i phyi rol du dbang ldan gyi phyogs nas brtsams nas rim pas tshangs pa la sogs pa ste/de yang ngang pa la tshangs pa ser po zhal bzhi pa/ phyag bzhi pa/ bgrang phreng dang chu skyes 'dzin zhing g.yas pa dang cig shos dag thal mo sbyar bas dbyug pa dang spyi blugs 'dzin pa'o/ /mkha' lding la khyab 'jug nag po phyag bzhi pa dang po gnyis 'khor lo dang dung 'dzin zhing g.yas pa dang g.yon pa dag gis thal mo sbyar bas dbyug to dang sA raM ga'i gzhu 'dzin pa'o//glang la dbang phyug dkar po ri bong gis mtshan pa'i ral pa'i thor cog can/ phyag bzhi pa spyi bor thal mo sbyar ba dang rtse gsum dang thod pa 'dzin pa'o/ /rma bya la gdong drug dmar po zhal drug pa phyag drug pa g.yas pa dag gis shak+ti dang rdo rje dang /g.yon pa dag gis khyim bya dang dril bu 'dzin zhing gnyis kyis thal mo sbyar ba'o/ /'di rnams kyang snga ma bzhin du rang snang gi btsun mo la 'khyud pa'o/ /tshangs ma ni tshangs pa dang mtshungs pa'o/ /drag mo ni drag po dang mtshungs pa'o//khyab 'jug ma ni khyab 'jug dang mtshungs pa'o/ /gzhon nu ma ni gzhon nu dang mtshungs pa'o/ /dbang mo ni dbang po dang mtshungs pa'o/ /phag mo nag mo 'ug pa la gnas ma phyag bzhi ma g.yas pa dang cig shos dag gis ro hi ta dang thod pa 'dzin zhing gnyis kyis thal mo sbyar ba'o//yi dags kyi steng du tsa muN+Di dmar mo phyag bzhi ma g.yas pa dang g.yon pa dag gis gri gug dang thod pa 'dzin zhing gzhan pa dag gis thal mo sbyar pa'o/ /b+h+r-i ng+gi ni ma nag mo shin tu skem pa bgrang phreng dang spyi blugs 'dzin zhing gnyis kyis thal mo sbyar ba'o/ /byi ba la tshogs bdag dkar po glang po che'i gdong ba can sprul gyi mchod phyir thogs pa dang ldan pa/phyag bzhi pa g.yas pa dag gis rtse gsum dngal du/ g.yon pa dag gis dgra sta dang la phug 'dzin pa'o/ /nag po chen po nag po rtse gsum dang thod pa 'dzin pa'o/ /dga' byed dbang phyug nag po rdza rnga la zhon zhing rdza rnga brdung bar brtson pa'o//rta bdun pa'i shing rta la nyi ma dmar po g.yas pa dang g.yon pa dag gis pad+ma la gnas pa'i nyi ma'i dkyil 'khor 'dzin pa'o/ /dang pa la zla ba dkar po g.yas pa dang g.yon pa dag gis ku mu ta la gnas pa'i zla ba'i dkyil 'khor 'dzin pa'o/ /ral bkra shis dmar po g.yas pas chu gri dang g.yon pas mi'i mgo bo zla ba'i tshul gyis 'dzin pa'o//pad+ma la gza' lhag ser po mda' dang gzhu 'dzin pa'o/ /sbal pa 'am thod pa la phur bu dkar po bgrang phreng dang spyi blugs 'dzin pa'o/ /pad+ma la pa sangs dkar po bgrang phreng dang spyi blugs 'dzin pa'o/ /rus sbal la spen pa nag po dbyug pa 'dzin pa'o//sgra gcan dmar nag phyag dag gis nyi ma dang zla ba 'dzin pa'o/ /mjug rings nag po ral gri dang klu'i zhags pa 'dzin pa'o/ /glang po la stobs bzangs dkar po ral gri dang gshol 'dzin pa'o/ /khu byug gi shing rta la rgyal bar byed pa ljang gu phyag bzhi pa g.yas pa dag gis me tog gi phreng ba dang mda'/g.yon pa dag gis btung ba'i snod dang gzhu 'dzin pa'o/ /ne tso'i shing rta la sbrang rtsir byed pa dkar po phyag bzhi pa g.yas pa dag gis chu srin gyi rgyal mtshan dang mda'/ g.yon pa dag gis btung ba'i snod dang gzhu 'dzin pa'o/ /spre'u la dpyid kyi lha dkar po phyag bzhi pa g.yas pa dag gis mda' dang ral gri/g.yon pa dag gis gzhu dang btung ba'i snod 'dzin pa'o/ /mtha' yas dang nor rgyas dang 'jog po dang stobs rgyu dang pad+ma dang pad+ma chen po dang dung skyong dang / rigs ldan rnams ni sbrul gyi gdengs ka bdun dang ldan pa thal mo sbyar ba ste/yang na rang rang gi yab kyi phyag mtshan gtso bo dang ldan pas thal mo sbyar ba'o/ /thags bzangs ris dang stobs ldan dang tshim byed la sogs pa'i lha ma yin gyi dbang po rnams ni nag po g.yul 'gyed pa'i go cha gyon pa ral gri dang phub la sogs pa sna tshogs pa'i mtshon cha phyag na 'dzin pa'o//nam mkha' lding gi dbang po gshog pa rab tu brkyang ba pus mo'i bar du dkar pa/ de'i steng nas lte ba'i bar du ser po lte ba'i steng nas mgrin pa'i bar du dmar po/ /de'i steng nas spyi bo'i bar nag po/ /phyag dag gis thal mo sbyar pa'o/ /mi 'am ci'i rgyal po dmar ser pi wang gi sgra sgrogs par brtson pa'o//dri za'i rgyal po zur phud lnga pa ser po pi wang gi sgra sgrogs pa'o/ /rig pa 'dzin pa'i dbang po don thams cad grub pa dkar po me tog gi phreng ba 'dzin pa'o/ /gang ba bzang po sngon po dang / nor bu bzang po ser po dang / nor sbyin dmar po dang /rnam thos sras ser po dang / tsi bi kuN+Da li dmar po dang / ki li ma lI ljang gu dang sgo'i dbang po ser po dang spyod pa'i dbang po ser po ste/ gang ba bzang po la sogs pa gnod sbyin gyi dbang po 'di rnams ni g.yas pa dang g.yon pa'i phyag dag gis bI dza pU ra ka'i 'bras bu dang ne'u le 'dzin pa'o//'phrog ma ser mo chad bu gnyis 'dzin pa bu dang bcas pa'o/ /tha skar dkar po dang / bra nye ljang gu dang / smin drug sngo bsangs dang / sngar ma dmar skya dang / mgo nag po dang / lag ser po dang / rgyal sngo bsangs dang / skag dkar po dang / mchu ser po dang /gre me tog bri yang ku ltar ljang ser dang / dbo ljang gu dang / me bzhi dkar po dang / nag pa ljang gu dang / sa ri ser po dang / sa ga nag po dang / lha mtshams ljang gu dang / snron ser po dang / snubs ser po dang / chu stod nag po dang / chu smad dkar po dang / gro bzhin dkar ser dang /mon gre nag po dang / mon gru ser po dang / khrums stod ljang gu dang / khrums smad ser po dang / nam gru dkar po dang / byi bzhin sngo bsangs te/ tha skar la sogs pa'i lha 'di rnams ni g.yo ba dang bcas pa'i stod g.yogs yongs su 'dzin pa thal mo sbyar ba'o/ /gzhan yang lha rnams ni 'khor los 'dren pa'i khang brtsegs la gnas par shes par bya ste/dbang po la sogs pa'i lha 'di rnams pad+ma la gnas pa/ re re 'ang 'khor dpag tu med pas bskor ba/ 'byor ba ji lta ba bzhin du rnam pa sna tshogs pa'i gos dang rin po ches brgyan pa/ dkyil 'khor gyi dbang po bcom ldan 'das la phyag 'tshal zhing bkra shis kyi tshigs su bcad pa'i sgra phyogs thams cad du sgrogs pa'o//shar la sogs pa'i sgo rnams su rdo rje lcags kyu ma la sogs sgo skyong rnams ni snying po'i dkyil 'khor ji lta ba bzhin no/ /'dir bcom ldan 'das rnam par snang mdzad chen po'i rang bzhin 'jam pa'i dbyangs shin tu rnam par dag pa chos kyi dbyings kyi rang bzhin la rang dang 'dra ba'i rdo rje sems dpas rgyas btab pa'o//me long lta bu la sogs pa'i ye shes kyi rang bzhin mi bskyod pa la sogs pa'i de bzhin gshegs pa bzhi dang gtsug tor brgyad dang / spyan ma rnams la 'jam pa'i dbyangs kyis so//rdo rje sems dpa' la sogs pa bzhi dang / mA ma kI dang / rdo rje lcags kyu dang / sa ma bcu gnyis dang chos so so yang dag par rig pa dang sgeg mo dang kun du bzang mo la sogs pa bzhi dang khro bo bcu dang me tog ma dang gzugs ma dang shar phyogs na gnas pa'i lha rnams la mi bskyod pas so//rdo rje rin chen la sogs pa bzhi dang rdo rje zhags pa dang pha rol tu phyin ma bcu gnyis dang / don so so yang dag par rig ma dang / phreng ba ma dang nam mkha' mdzod la sogs pa bzhi dang bdug spos ma dang sgra ma dang lho phyogs na gnas pa'i lha rnams la rin chen 'byung ldan gyis so//rdo rje chos la sogs pa bzhi dang gos dkar mo dang rdo rje lcags sgrog dang tshe dang dbang ma bcu gnyis dang nges pa'i tshig so so yang dag par rig ma dang glu ma dang spyan ras gzigs la sogs pa bzhi dang / mar me ma dang ro ma dang nub phyogs na gnas pa'i lha rnams la 'od dpag med kyis so//rdo rje las rab la sogs pa bzhi dang sgrol ma dang rdo rje 'bebs pa dang / gzugs ma bcu gnyis dang / spobs pa so so yang dag par rig ma dang / gar ma dang 'od dpag med la sogs pa bzhi dang dri chab ma dang reg bya rdo rje ma dang byang phyogs na gnas pa'i lha rnams la don yod grub pas rgyas btab po//'jam pa'i dbyangs kyi thugs ka'i sa bon ni muH'o/ /oM a aH sarba ta thA ga tA hr-i da ya ha ra ha ra/ oM hUM hrIH b+ha ga wA na dz+nyA na mU rti wA gI shwa ra/ ma hA ba tsa/ sarba d+ha rma ga ga na a ma la su pa ri shud+d+ha d+ha rma d+hA tu dz+nyA na gar+b+ha aH zhes pa snying po'i sngags so/ /oM a mri ta kuN+Da li b+hi g+h+nAn+ha ka hUM/zhes pa bdud rtsi 'khyil pa'i sngags te las thams cad pa'o/ /ngan song yongs su spyod pa'i dkyil 'khor ni rdo rje gur gyi nang du rlung dang me dang chu dang sa dang ri rab kyi steng gi gzhal yas khang gi dbus su/ nang gi dkyil 'khor 'khor lo rtsibs brgyad pa ser po/ / rdo rje phred ba sngon pos yongs su bskor ba ste 'ga' zhig 'khor lo rtsibs brgyad pa sngon por gsungs la/ gzhan du ni 'di'i 'khor lo'i lte ba sngon po dang / rtsibs rnams kyi shar dkar po dang / lho nag po dang / nub dmar po dang / byang ljang gu'o zhes gsungs so/ /'khor lo'i lte par sna tshogs pad+ma la gnas pa'i seng ge'i steng du/bcom ldan 'das shAkya seng ge rnam par snang mdzad chen po gser gyi mdog can chos kyi 'khor lo'i phyag rgya mdzad pa'o/ /shar gyi rtsibs la rdo rje gtsug tor dkar po sa gnon gyi phyag rgya can no/ /lho'i rtsibs la rin chen gtsug tor sngon po mchog sbyin gyi phyag rgya can no//nub kyi rtsibs la pad+ma gtsug tor dmar po bsam gtan gyi phyag rgya can no/ /byang gi rtsibs la sna tshogs gtsug tor ljang gu mi 'jigs pa rab tu sbyin pa'o/ /me'i rtsibs la gzi brjid gtsug tor dkar dmar 'dres pa'i mdog can phyag g.yas pas nyi ma 'dzin cing / g.yon pa dkur brten pa'o//bden bral gyi rtsibs la rgyal mtshan gtsug tor dmar po dang 'dres pa'i nag po phyag dag gis yid bzhin gyi nor bu'i rgyal mtshan 'dzin pa'o/ /rlung gi rtsibs la rnon po'i gtsug tor nam mkha' ltar sngo bsangs phyag g.yas pa ral gri dang g.yon pas po ti 'dzin pa'o//dbang ldan gyi rtsibs la gdugs can gtsug tor dkar po phyag dag gis gdugs 'dzin pa'o/ /rdo rje phreng ba'i phyi rol me la sogs pa'i mtshams rnams su sgeg mo dang phreng ba dang glu ma dang gar ma rnams ni/ dkar mo dang ser mo dang dmar mo dang / sna tshogs kyi mdog can phyag gnyis ma'o//snam bu rnams la sgo'i g.yon du byang chub sems dpa' gnyis dang g.yas gnyis te/ de yang shar gyi snam bu la byams pa ser po g.yas pas klu shing gi me tog dang / g.yon pas spyi blugs 'dzin pa dang / mthong ba don yod ser po phyag g.yas pas spyan dang bcas pa'i pad+ma 'dzin zhing /g.yon pa'i khu tshur dkur brten pa dang / ngan song kun 'dren dkar po phyag gnyis kyis lcags kyu 'dzin pa dang / mya ngan dang mun pa thams cad nges par 'joms pa'i blo gros dkar ser bsres pa'i mdog can phyag g.yas dbyug pa 'dzin zhing / g.yon pa'i khu tshur bkur brten pa'o//lho phyogs su spos kyi glang po dkar ljang g.yas pas dri'i dung chos 'dzin zhing / g.yon pa'i khu tshur dkur brten pa dang / dpa' bar 'gro ba dkar po g.yas pa ral gri 'dzin zhing / g.yon pa'i khu tshur dkur brten pa dang / nam mkha'i mdzod dkar ser g.yas pa pad+ma la gnas pa'i chos kyi mdzod 'dzin zhing /g.yon pa'i khu tshur dkur brten pa dang / ye shes tog sngon po phyag g.yas pa yid bzhin gyi nor bu'i rgyal mtshan 'dzin zhing / g.yon pa'i khu tshur dkur brten pa'o/ /nub tu bdud rtsi'i 'od dkar po g.yas pa cod pan gyi steng du bdud rtsi'i bum pa 'dzin zhing /g.yon pa'i khu tshur dkur brten pa dang / zla ba'i 'od dkar po g.yas pa pad+ma la gnas pa'i zla ba'i gzugs 'dzin zhing / g.yon pa'i khu tshur dkur brten pa dang / bzang skyong dkar po g.yas pa 'bar ba'i 'od can gyi rin po che 'dzin zhing / g.yon pa'i khu tshur dkur brten pa dang dra ba can gyi 'od dkar po g.yas pa rdo rje'i gur 'dzin zhing /g.yon pa'i khu tshur dkur brten pa'o/ /byang du rdo rje snying po sngo skya g.yas pa rdo rje dang bcas pa'i ut+pal sngon po 'dzin zhing / g.yon pa'i khu tshur dkur brten pa dang / blo gros mi zad pa dkar po phyag gnyis kyis ye shes kyi bdud rtsi'i bum pa 'dzin pa dang /spobs pa brtsegs pa dmar po g.yas pa chu skyes la gnas pa'i rin po che brtsegs pa 'dzin zhing / g.yon pa'i khu tshur dkur brten pa dang / kun du bzang po gser gyi mdog can phyag g.yas pa rin po che'i snye ma 'dzin pa'i khu tshur 'khur brten pa'o/ /dkyil 'khor gyi me la sogs pa'i mtshams rnams su me tog ma dang bdug spos ma dang mar me ma dang dri chab ma rnams ni dkar mo dang nag mo dang dmar mo dang ljang gu ste me tog la sogs pa 'dzin pa'o//sgo rnams la shar du rdo rje lcags kyu dkar po phyag gnyis kyis lcags kyu 'dzin pa dang / lhor rdo rje zhags pa sngon po phyag gnyis kyis zhags pa 'dzin pa dang /nub tu rdo rje lcags sgrog dmar po phyag gnyis kyis rdo rje lcags sgrog 'dzin pa dang / byang du rdo rje 'bebs pa ljang gu phyag gnyis kyis rdo rje dril bu 'dzin pa'o/ /lha sum cu rtsa bdun po 'di rnams kyang rnam pa sna tshogs pa'i gos dang rin po ches brgyan pa rin po che'i cod pan can/spyan gnyis pa phyag gnyis pa sna tshogs chu skyes dang zla ba rnams la sems dpa'i skyil krung gis bzhugs pa'o/ /'dir rnam par snang mdzad chen po la rang dang 'dra ba'i rnam par snang mdzad kyis rgyas btab pa'o/ /rdo rje gtsug tor la sogs pa bzhi la rnam par snang mdzad chen pos so//shar phyogs dang me mtshams na gnas pa'i lha rnams la rdo rje gtsug tor gyis so/ /lho phyogs dang bden bral gyi mtshams na gnas pa rnams la rin chen gtsug tor gyis so/ /nub phyogs dang rlung gi mtshams na gnas pa rnams la pad+ma gtsug tor gyis so//byang phyogs dang dbang ldan gyi mtshams na gnas pa rnams la sna tshogs gtsug tor gyis so/ /'dir phyi'i dkyil 'khor gyi lha'i gnas kyi snam bu la zla ba'i dkyil 'khor nyi shu rtsa brgyad po blta bar bya'o zhes sbyong rgyud las gsungs pa'i phyir/ 'dod yon gyi snam bu la byang chub sems dpa' bcu drug dgod pa ni yang dag par rigs so//kha cig ni nang gi dkyil 'khor zhes rgyud las gsungs pas phyi'i gzhal yas khang gi nang du gzhal yas khang gnyis pa'o zhes smra'o/ /'ga' zhig tu ni rnam par snang mdzad chen po la sogs pa'i de bzhin gshegs pa dgu po gtsug tor dang bcas pa dge slong gi cha lugs 'dzin pa'o zhes bshad do//de ni mi rigs te chags pa dang ldan pa'i gzugs can 'khor los sgyur pa'i gzugs su mngon par sprul ba'o zhes bcom ldan 'das kyis gsungs pa'i phyir ro/ /pad+ma'i phreng bas yongs su bskor pa dang / khor yug gi nang du dbang ldan gyi mtshams nas brtsams te g.yas skor gyis mgrin pa sngon po la sogs pa dgod par bya ste/de nas dbang ldan nas glang la mgrin pa sngon po dkar po sbrul kyi mchod phyir thogs pa can/ phyag g.yas pa dag na rdo rje dang mchog sbyin gyi phyag rgya dang / g.yon pa dag na rtse gsum dang ral gri'o/ /nam mkha' lding la khyab 'jug nag po g.yas pa dag na dbyug to dang rdo rje dang /g.yon pa dag na dung dang 'khor lo'o/ /rdo rje gser ma khyab 'jug lta bu ste khyad par ni gser gyi mdog can no/ /rma bya la rdo rje dril bu zhal drug pa dmar po g.yas pa dag na shak+ti dang rdo rje dang / g.yon pa dag na khyim bya dang rdo rje dril bu'o//rdo rje gzhon nu ma ni rdo rje dril bu lta bu'o/ /ngang pa la mi smra rdo rje ser po zhal bzhi pa/ g.yas pa dag na rdo rje dang bgrang phreng dang / g.yon pa dag na dbyug pa dang spyi blugs so/ /rdo rje zhi ba ma ni tshangs pa lta bu'o/ /so ldan gyi dbang po dkar po mche ba drug pa dang / zla ba rdo rje mtshon cha ser po phyag g.yas pas rdo rje 'dzin zhing g.yon pas rdo rje dkur brten pa'o//lha mo rdo rje khu tshur ma ni rdo rje mtshon cha lta bu'o/ /rta bdun gyi shing rta la rdo rje 'khyil pa khro bo dmar po phyag g.yas pa na pad+ma dang / g.yon pa na pad+ma la gnas pa'i nyi ma'i dkyil 'khor ro/ /rdo rje bdud rtsi ma ni rdo rje 'khyil pa lta bu'o/ / ngang pa la rdo rje'i 'od khro bo dkar po/ /g.yas pa na rdo rje dang g.yon pa na pad+ma la gnas pa'i zla ba'i dkyil 'khor 'dzin pa dang / rdo rje mdog ma ni rdo rje'i 'od lta bu'o/ /ral rdo rje dmar ser khro bo dmar po phyag g.yas na rdo rje dang g.yon pas mi bzung nas za ba'i tshul lo/ /rdo rje ska rags ma ni rdo rje dmar ser lta bu'o//pad+ma la rdo rje zhi ba khro bo ser po mda' dang gzhu can no/ /rdo rje zhi ba ma ni rdo rje zhi ba lta bu'o/ /sbal pa la rdo rje bla ma khro bo ser po bgrang phreng dang spyi blugs 'dzin pa/ rdo rje bla ma ma ni rdo rje bla ma lta bu'o/ /pad+ma la rdo rje pa sangs khro bo dkar po bgrang phreng dang spyi blugs 'dzin pa dang / rdo rje pa sangs ma ni rdo rje pa sangs lta bu'o/ /rus sbal la rdo rje dbyug pa khro bo nag po g.yas pa na rdo rje dang g.yon pa na dbyug pa'o/ /rdo rje dbyug pa ma ni rdo rje dbyug pa lta bu'o/ /rdo rje sgra gcan khro bo dmar nag g.yas pa dang g.yon pa'i phyag dag na zla ba dang nyi ma'i dkyil 'khor can no/ /rdo rje lha min mo ni rdo rje sgra gcan lta bu'o//rdo rje mjug rings khro bo nag po ral gri dang klu'i zhags pa 'dzin pa'o/ /rdo rje klu mo rdo rje mjug rings lta bu'o/ /bzhi po 'di dag dang rdo rje zhi ba la sogs pa drug ni rgyud gzhan las gsungs pa ltar bris pa'o/ /glang po che la rdo rje glang sna dkar po g.yas pa na rdo rje dang g.yon pa na thang gshol lo//rdo rje 'dul ba ma ni rdo rje glang sna lta bu ste khyad par ni g.yas pas kha T+wAM ga'o/ /khu byug gi shing rta la rdo rje phreng ba can ljang gu g.yas pa na rdo rje dang / g.yon pa na me tog gi phreng ba'o/ /rdo rje gdan ma ni rdo rje phreng ba can lta bu ste khyad par ni phyag g.yon na shak+ti'o/ /ne tso'i shing rta la rdo rje dbang can ser po g.yas na rdo rje dang /g.yon na chu srin gyi rgyal mtshan no/ /rdo rje dbang can ma ni rdo rje dbang can lta bu ste khyad par ni sku mdog dmar mo'o/ /sbal pa'i shing rta la rnam par rgyal ba'i rdo rje dkar po rdo rje dang ral gri 'dzin pa'o/ /rdo rje gdan ma ni rdo rje rnam par rgyal ba lta bu'o//me tog gi shing rta la rdo rje gtun shing ser po g.yas pa dang g.yon pa dag gis rdo rje gtun shing 'dzin pa'o/ /rdo rje pho nya mo ni rdo rje gtun shing lta bu ste g.yon pas kha T+wAM ga 'dzin pa ni khyad par ro/ /ra la rdo rje ma dmar mo g.yas pa dag na rdo rje dang go cha/ g.yon pas dbyug pa dang spyi blugs 'dzin pa'o//rdo rje 'bar ba ma ni rdo rje me lta bu'o/ /ma he la rdo rje dus nag po rdo rje dang lcags kyu 'dzin pa'o/ /ro langs la rdo rje dus ma nag mo rdo rje dang kha T+wAM ga 'dzin pa'o/ /klu lhag ma rnams la rdo rje lcags kyu sngon po phag gi gdong pa can rdo rje dang lcags kyu 'dzin pa'o/ /skyes bu la rdo rje gdong ma sngon mo phag pa'i gdong can ma rdo rje dang ral gri 'dzin pa'o//chu srin la rdo rje klu dkar po gdengs ka brgyad dang ldan pa g.yas na rdo rje dang / g.yon na klu'i zhags pa 'dzin pa'o/ /chu srin la rdo rje chu srin ma dkar mo gdengs ka brgyad dang ldan pa g.yas na rdo rje dang / g.yon na rdo rjes mtshan pa'i chu srin can no//ri dwags la rdo rje rlung sngon po g.yas na rdo rje dang g.yon na rlung ras can no/ /rdo rje shugs can ma ni rdo rje rlung lta bu'o/ /ro langs la rdo rje 'jigs byed sngon po rdo rje dang dbyug to 'dzin pa'o/ /rdo rje rnam par gtsigs ma ni rdo rje 'jigs byed lta bu'o/ /g.yon pas zhags pa 'dzin pa ni khyad par ro//byi ba la rdo rje legs 'dren dkar po glang po che'i gdong can phyag g.yas pa dag gis rdo rje dang dgra sta 'dzin zhing / g.yon pa dag gis rtse gsum dang dbyug to 'dzin pa sbrul gyi mchod phyir thogs pa can no/ /byi ba la srul mo sngon mo g.yas pa na rdo rje dang g.yon pas/ phyags shing can no/ /sdigs ma ljang gu g.yas pa na rdo rje dang g.yon pa na ral gri 'gegs byed 'dzin pa'o/ /dpal mo ser mo g.yas pa na rdo rje dang g.yon pa na pad+ma can no/ /dbyangs can ma dkar mo g.yas pa na rdo rje dang g.yon pa na pi wang can no/ /seng ge la bgrad dka' ma ljang gu g.yas pa dag na rdo rje dang 'khor lo dang /g.yon pa dag na lde men dang ral gri can no/ /'dir mgrin pa sngon po la sogs pa'i lha rnams kyi phyag g.yas pa rnams su ji ltar 'byung ba'i rdo rje rnams ni rtse mo gsum par rig par bya'o/ /nub tu rdo rje klu dang nye bar pad+ma la sa'i lha mo gser gyi mdog can phyag dag gis bdud rtsi'i bum pa 'dzin pa'o//lha ma yin rnams ni sna tshogs pa'i mdog can go cha dang bcas pa ral gri 'dzin pa ras bal gyi gdan la 'dug pa'o/ /klu rnams ni nor bu dang ldan pa'i gdengs ka can btsun mo dang bcas pa thal mo sbyar ba'o/ /khor yug gi phyi rol mtshams rnams su mer mnar med la sogs pa'i dmyal ba rnams dang /bden bral du yi dwags kyi 'gro ba rnams dang / rlung du byol song gi 'gro ba rnams dang / dbang ldan du mi'i 'gro ba rnams gnas pa ste/ rim pa 'di ni rgyud gzhan las bris pa'o/ /gzhan dag ni rdo rje 'jigs byed dang nye bar sa'i lha mo dang gnod sbyin rnams dang nye bar lha ma yin rnams so zhes rjod par byed do//'khor lo'i dbang phyug gi thugs gar zla ba la oM mu ne mu ne ma hA mu na ye swA hA/ zhes pa'i sngags te 'di nyid ni snying pa'o/ /oM na mo b+ha ga wa te sarba du rga ti ba ri sho d+ha na rA dzA ya ta thA ga tA ya/ ar+ha te/ samya k+saM bu d+d+ha ya/ tad+ya thA/ oM sho d+ha ne sho d+ha ne/sarba pA paM sho d+ha ne shud+d+he bi shu d+d+he/ sarba karma A bar Na bi shud+d+he swA hA/ zhes pa phreng pa'i sngags so/ /rdo rje 'bebs pa'i sngags ni/ oM sarba bita sarba a pA ya gti ha na bi sho d+ha ni hUM hoH phaT/ ces pa ste las thams cad pa'o/ /oM badzra yak+Sha hUM zhes pa ni gzhan dag go/ /'byung bo 'dul byed kyi dkyil 'khor ni rdo rje gur gyi nang ri rab kyi steng sna tshogs chu skyes kyi ze'u 'brul gnas pa'i sna tshogs rdo rje'i lte ba'i steng du gzhal yas khang gi lte ba la glang po che'i rgyal po'i steng ngam/glang po che dang bral ba yang rung sna tshogs pad+ma dang zla ba la gzhan gyis mi thub pa'i 'byung po chen po dkar po zla ba phyed pas mtshan pa'i ral ba'i thor cog dang /sma ra dmar ser can/ thod pa lnga dang ldan pa/ mig gsum pa/ mche ba gtsigs pa/ gsus pa 'phyang ba/ sbrul gyi mchod phyir thogs pa dang bcas pa stag gi pags pa'i smad g.yogs can/ lag pa bzhi'i g.yas pa dag gis gri gug dang Da ma ru 'dzin zhing /g.yon pa dag gis thod pa dang rtse gsum 'dzin pa drag po ste/ de g.yon brkyang gis mnan pa'i 'byung po 'dul byed drag po chen po sku mdog sngon po thod pa lngas mtshan pa'i cod pan la de bzhin gshegs pa lnga'i dbu rgyan dang ldan pa/ dbu skra dmar ser gyen du bcings pa na bza' sngon po mnabs pa mche ba gtsigs pa'i zhal can bzhad pa'i gad rgyangs can spyan gsum dmar la zlum pa/phyag bzhi'i g.yas pas rdo rje sngon po kha gyes pa gsor zhing / g.yon pas sdigs mdzub dang bcas pa'i zhags pa 'dzin pa/ gnyis kyis phyag rgya bcings pa ste/ phyag rgya ni ming med gnyis bsnol nas mdzub mo gnyis bskum ste mthe'u chung dang gung mo yang mthe bong rgan pas mnan pa'o zhes pa 'di gsungs so//klu'i rgyal po chen po brgyad kyis brgyan pa ste/ de'ang stobs kyi rgyu sngon pos spyi bo bcings pa/ mgrin par 'jog po dmar po/ /dga' bo dang nyer dga' ser pos rna rgyan/mtha' yas dkar pos tshangs skud/ nor rgyas dkar pos ska rags/ phyag rgya'i phyag dag gi dpung par ni rigs ldan phug ron gyi mdog can/ phyag gzhan pa gnyis kyi dpung pa la dung skyong dkar po/ /rkang gdub dag ni pad+ma dang pad+ma chen po dmar po/ /re'u mig rnams la shar du glang dang nyi ma la dbang phyug chen po dkar po mtshan ma gyen du langs pa thod pa'i phreng ba can/spyan gsum pa zla ba phyed pas mtshan pa'i ral pa'i thor cog can sbrul gyi mchod phyir thogs pa dang bcas pa/ phyag bzhi'i g.yas pa dag gis gri gug dang Da ma ru 'dzin zhing / g.yon pa dag gis thod pa dang rtse gsum 'dzin pa'o//lhor nam mkha' lding dang nyi ma la khyab 'jug nag po rin po che'i con pan can g.yas pa dag gis rnga yab dang dung 'dzin zhing / g.yon pa dag gis 'khor lo dang dbyug to 'dzin pa'o/ /nub tu ngang pa dang zla ba la tshangs pa dkar po zhal bzhi pa/ phyag bzhi pa/g.yas pa dag gis bgrang phreng dang gdugs kyi yu ba 'dzin zhing / g.yon pa dag gis pad+ma dang spyi blugs 'dzin pa'o/ /byad du rma bya dang nyi ma la smin drug gi bu dmar po gtsug phud gsum dang ldan pa g.yas pas rnga yab dang / g.yon pas shak+ti 'dzin pa'o/ /dbang ldan du byi pa dang zla ba la tshogs bdag dkar po glang po che'i gdong pa can spyan gsum pa spyi bor zla ba phyed pas mtshan pa g.yas pa dag gis la phug dang dgra sta/g.yon pa dag gis rtse gsum dang thod pa 'dzin pa'o/ /mer nyi ma'i dkyil 'khor la nyi ma dmar po g.yas pa dang g.yon pa dag gis pad+ma la gnas pa'i nyi ma'i dkyil 'khor 'dzin pa'o//bden bral du shing rta la gnas pa'i nyi ma dang zla ba la sgra gcan dbu skra dmar ser gyen du 'bar ba mig dang smin ma dang smin ma dang sma ra dmar ser 'bar ba/ mche ba bzhi pa zhal gdangs pa phyag dag gis nyi ma dang zla bar bcas pas thal mo sbyar ba'o/ /rlung du zla ba la dga' byed dbang phyug ser po gar byed pa/spyi bor zla ba phyed pa can sbrul gyi mchod spyir thogs pa dang ldan pa/ g.yas pa dang cig shos dag gis Da ma ru dang rtse gsum 'dzin pa'o/ /rim pa gnyis pa'i shar phyogs su zla ba la dpal mo dkar mo thugs kar thal mo sbyar bas me tog pad+ma 'dzin pa'o//lho ru zla ba la thig le mchog ma dmar mo spos snod 'dzin zhing gar byed pa'o/ /nub tu zla ba la ri bong can ma dmar mo mar me 'dzin pa'o/ /byang du zla ba la dka' zlog ma ser mo spyi bor gdengs ka'i rnam par byas pa'i lag pa zlog cing gar byed pa'o/ /mer zla ba la rin chen dpal mo dmar mo dril bu 'dzin pa'o//bden bral du zla ba la dbyangs can ma ljang gu pi wang sgrogs pa'o/ /rlung du zla ba la lha mdzes ma nag po rin po che'i phreng ba 'dzin pa'o/ /dbang ldan du zla ba la kun 'byor ma ser mo gar byed cing phyag na rdo rje rtse gsum pa 'dzin pa'o/ /rim pa gsum pa'i shar dus srung dkar po dang zla ba la brgya byin ser po rin po che'i cod pan can g.yas pas mi 'jigs pa sbyin zhing g.yon pa rdo rje'i mtshon cha can no//lhor ma he dang nyi ma la gshin rje nag po gsus pa 'phyang ba/ spyan dang smin ma dang smar dang ral pa dmar ser can/ gos ser po gyon pa g.yas pa thod pas mtshan pa'i dbyug pa 'dzin zhing /g.yon pa sdigs mdzub dang bcas bas zhags pa 'dzin pa'o/ /nub tu lag 'gro dang zla ba la chu lha dkar po gdengs ka bdun dang ldan pa/ g.yon pas klu'i zhags pa 'dzin zhing g.yas pas mchog sbyin pa'o/ /byang du gnod sbyin la gnas pa'i lus ngan ser po sha rgyas shing gsus pa 'phyang ba rin po che'i cod pan can/g.yas pa dang g.yon pa dag gis dbyug to dang ne'u le 'dzin pa'o/ /mer ra dang nyi ma la me lha dmar po ral pa dang ldan pa/ skra dang sma ra ser zhing 'bar ba/ gsus pa 'phyang ba/ ril ba dang mchod phyir thogs pa can/ g.yas pa dag gis mchog sbyin dang bgrang phreng 'dzin zhing /g.yon pa dag gis dbyug gu gsum pa dang spyi blugs 'dzin pa'o/ /bden bral du ro langs dang nyi ma la srin po nag po sma ra ser po can/ g.yas pas ral gri dang g.yon pas mi shas gang ba'i thod pa 'dzin pa'o/ /rlung du ri dwags dang zla ba la rlung lha sngon po gtsug phud gsum dang ldan pa phyag dag gis rlung ras 'dzin pa'o//dbang ldan du ngang pa dang zla ba la zla ba dkar po g.yon pa na ku mu ta na gnas pa'i zla ba'i dkyil 'khor dang / g.yas pas mchog sbyin pa'o/ /dbang ldan du dbang ldan yang dbang phyug chen po lta bu'o/ /rim pa bzhi pa'i shar du zla ba la seng ge'i rgyal mtshan 'dzin ma dkar mo seng ge'i rgyal mtshan 'dzin pa'o//lho ru zla ba la rnam par 'byor ma dmar mo lcags kyu 'dzin pa'o/ /nub tu pad+ma la ldan ma chen mo dkar mo gzhu dang mda' 'dzin pa'o/ /byang du zla ba la chang mchog ma dmar mo yid bzhin gyi nor bu'i rgyal mtshan 'dzin pa'o//dbang ldan du zla ba la mchog 'phrog ma dmar mo thugs kar me tog dang bcas pa'i thal mo sbyar ba'o/ /mer zla ba la rin chen dbang phyug ma ser mo spos phor 'dzin pa'o/ /bden bral du zla ba la rgyal mtshan ma ser mo dri'i dung chos 'dzin pa'o/ /rlung du zla ba la 'gro skyod ma ser mo mar me'i mchod sdong 'dzin pa'o//'dir gang la khyad par gyi tshig med pa der ni nyi ma dang zla ba thams cad sna tshogs pad+ma la gnas pa ste/ lha thams cad sems dpa'i skyil krung / rnam pa sna tshogs pa'i gos dang rin po ches brgyan pa'o/ /'dir 'khor lo'i dbang phyug gi rigs kyi dbang po ni mi bskyod pa ste thugs ka'i sa bon ni hUM ngo //hUM badzra phaT ces pa ni snying po ste/ yang na/ oM b+hU ta DA ma ra b+hU ta a d+hi pa ti ak+Sha b+h+yaHki rI Di na sar+b+ba b+hU ta pre ta pi shA tsa na sA d+ha ya hUM phaT/ ces pa'o/ /las thams cad pa'i sngags kyang 'di nyid de yang na bgegs mthar byed kyi sngags so/ / mkha' 'gro lnga'i dkyil 'khor ni rdo rje'i sa gzhi la sogs pa nas gzhal yas khang gi mthar thug pa sngar gyi 'jam pa'i rdo rje'i dkyil 'khor bzhin no/ /de la dbus kyi gzhal yas khang gi dbus su bcom ldan 'das rdo rje mkha' 'gro ste shar la sogs pa'i sgo rnams su gau rI la sogs pa rnams dang /dbang ldan la sogs pa'i mtshams rnams su puk+ka sI la sogs pa rnams so/ /de yang gau rI dkar mo g.yas pa lcags kyu 'dzin pa dang / tsau rI ser mo zhags pa 'dzin pa dang / be ta lI dmar mo lcags sgrog 'dzin pa dang / g+hasma rI ljang gu dril bu 'dzin pa dang / puk+ka sI sngon mo byang chub kyi sems kyi bum pa 'dzin pa dang /sha pa rI dkar mo ri rab 'dzin pa dang / tsaN+Da lI sngon mo me thab 'dzin pa dang / Dom+bi nI sna tshogs mdog can rgyal mtshan 'dzin pa'o/ /shar gyi gzhal yas khang gi dbus su zla ba la sangs rgyas mkha' 'gro dkar mo ste/ rtsa ba'i zhal dkar po g.yon pa dmar po lhag ma rnams sngon po g.yas pa'i thod pa brgyad po rnams na rma bya dang ma he dang chu srin dang nya dang /glang po che dang rus sbal dang klu lhag ma can dang / ngang pa rnams dang g.yon pa'i thod pa brgyad po rnams na dpyid dang / srog chags dz+yeSh+Thi dang / sbrul ha la ha la dang / Any+dza na b+ho dang byi ba dang g.yag dang dri can dang tsA ta ka rnams so//shar la sogs pa'i sgo rnams dang dbang ldan la sogs pa'i mtshams rnams su rim pa ji lta bar lha mo rnams te/ de yang skam pa ma sngon mo skam pa 'dzin pa dang / zhags pa ma ser mo zhags pa 'dzin pa dang / dol zlum ma dmar mo nya rgya zlum po 'dzin pa dang /lcags kyu ma lcags kyu 'dzin pa dang / me tog ma dkar mo me tog gi za ma tog 'dzin pa dang / bdug spos ma nag mo spos phor 'dzin pa dang / mar me ma ser mo mar me'i mchod sdong 'dzin pa dang / dri chab ma ser mo dri yis gang ba'i dung chos 'dzin pa'o/ /lho'i dkyil 'khor gyi dbus su rin chen mkha' 'gro ser mo ste 'di'i rtsa ba dang g.yon pa'i zhal dag ni ser po dang dkar po'o//lhag ma rnams ni sngon po'o/ /g.yas pas thod pa rnams na bya ka raN+Da dang / ngur pa dang / lug dang / tsa ko ra dang / khra dang / hor pa dang / 'ol ba dang / ku ra rnams dang / g.yon pa rnams na stobs kyi rgyu dang / dung skyong dang / rigs ldan dang / pad+ma dang / pad+ma chen po dang / 'jog po dang / nor rgyas dang / mtha' yas rnams so/ /shar la sogs pa'i sgo rnams dang / dbang ldan la sogs pa'i mtshams rnams su lha mo rnams te/ de yang nyi phyag ma dkar mo nyi ma'i dkyil 'khor 'dzin pa dang /mar me ma sngon mo mar me'i mchod sdong 'dzin pa dang / rin chen dkar mda' ma ser mo rin po che 'dzin pa dang / glog phyag ma ljang gu glog gi 'khri shing 'dzin pa dang / sgeg mo dmar mo bsnyems shing sgeg pa dang bcas pa'i tshul gyi phyag gnyis kyis rdo rje 'dzin pa dang /phreng ba ma dmar mo phyag dag gis rin po che'i phreng ba 'dzin pa dang / glu ma dmar skya phyag dag gis ting ting shags sgrogs pa dang / gar ma sna tshogs mdog can rdo rje dang bcas pa'i phyag dag gis gar byed pa'o/ /nub kyi dkyil 'khor gyi dbus su pad+ma mkha' 'gro dmar mo ste 'di'i rtsa ba dang g.yon pa'i zhal dag ni dmar po dang dkar po/lhag ma rnams ni sngon po'o/ /g.yas pa'i thod pa rnams na dom dang / bya rgod dang bse dang ba men dang stag dang sbre'u dang chu srin dang ce spyang rnams dang / g.yon pa rnams na khwa dang 'ug pa dang / so bya dang / seng ge dang / bzhad bya dang / ra dang ri dwags dang phag rnams so/ /shar la sogs pa'i sgo rnams dang dbang ldan la sogs pa'i mtshams rnams su lha mo rnams te/ de yang pad+ma dkar po pad+ma 'dzin pa dang / chos 'byung ma ser mo chos 'byung 'dzin pa dang / lcags sgrog ma nag mo phyag dag gis lcags sgrog 'dzin pa dang / rang 'khyud ma ljang gu sangs rgyas la rjes su chags pa 'ching ba'i phyag gnyis rdo rje dang thod pa 'dzin pas rang la 'khyud par brtson pa'o//gling bu ma dmar mo phyag dag gis gling bu 'bud par brtson pa dang / pi wang ma ser mo phyag gnyis kyis pi wang sgreng ba la brtson pa dang / rnga zlum ma dkar mo phyag dag gis rnga bo che brdung ba dang /rdza rnga ma du ba'i mdog can phyag dag gis rdza rnga brdung ba la brtson pa'o/ /byang gi gzhal yas khang gi dbus su sna tshogs mkha' 'gro dUr ba ltar ljang gu ste/ 'di'i rtsa ba'i zhal ni stag gdong ljang gu gzhan rnams ni lha'i zhal can/ phyogs kha cig ni rtsa ba'i zhal yang lha'i yin la g.yon pa dkar po//lhag ma rnams ni sngon po'o/ /g.yas pa'i thod pa rnams na gza' lhag dang phur bu dang mjug rings dang sgra gcan dang mig dmar dang pa sangs dang spen pa dang khyab 'jug rnams dang / g.yon pa rnams na dbang po dang chu lha dang tshongs pa dang dag po dang 'dod pa'i lha dang stobs bzang dang thags bzangs ris dang stobs can rnams so//shar la sogs pa'i sgo rnams dang dbang ldan la sogs pa'i mtshams rnams su lha mo rnams te/ de'ang sgo lcags ma dkar mo sgo lcags 'dzin pa dang / lde kyog ma ser mo lde kyog 'dzin pa dang / sgo glegs ma dmar mo sgo glegs 'dzin pa dang /yol ba ma nag mo yol ba 'dzin pa dang / spyan ma dkar mo 'khor lo 'dzin pa dang / mA ma kI sngon mo rdo rje 'dzin pa dang / gos dkar mo dmar mo pad+ma 'dzin pa dang / sgrol ma ljang gu ut+pal sngon po 'dzin pa'o/ /gzhal yas khang chen po'i sgo rnams dang dpa' ldan la sogs pa'i mtshams rnams su gau rI la sogs pa dang /puk+ka sI la sogs pa snga ma bzhin no/ /'dir rdo rje mkha' 'gro'i gdan dang sku mdog dang dbyibs dang zhal dang phyag la sogs pa rnams ni dgu'i bdag nyid can gyi dkyil 'khor gyi phyag bcu drug pa'i kye'i rdo rje ji lta ba ste/ kun nas 'khyud pa'i bdag med ma yang de bzhin no/ /'khor lo la sogs pa'i mkha' 'gro bzhi brjod pa'i khyad par gzhan rnams ni rdo rje mkha' 'gro dang mtshungs pa'o/ /de rnams la 'khyud pa'i lha mo rnams ni rim pa ji lta bar/ spyan ma dang / mA ma kI dang / gos dkar mo dang / sgrol ma rnams te dkar mo dang ser mo dang dmar mo dang ljang gu gri gug dang sdigs mdzub dang ldan pa'i phyag gnyis ma rnams so//mkha' 'gro lnga po rnams kyang re re zhing sangs rgyas lnga'i cod pan can no/ /thams cad du gzhal yas khang gi lha mo rnams ni gcer bu spyan gsum dmar la zlum pa/ mche ba gtsigs pa zhal gcig ma phyag gnyis ma dbu skra 'bar zhing gyen du brdzes pa/dpral ba'i dbyings su gnas pa'i thod pa lnga dang mi mgo skam po'i phreng ba'i do shal dang phyag rgya lngas rnam par brgyan pa sna tshogs chu skyes dang ro dang nyi ma la g.yon brkyang gi gar gyis gnas pa'o/ /khyad par ma bshad pa rnams ni thugs ka'i g.yon pa'i khu tshur gyi sdigs mdzub kyis bsdigs par mdzad pa ste/'khyud pa'i lha mo rnams la ni gdan tha dang pa med do/ /gau rI la sogs pa brgyad la rim pa ji lta ba bzhin du ro'i gdan gyi gnas su tshangs pa dang dbang po dang nye dbang dang drag po dang gshin rje dang lus ngan dang bden bral dang thags bzangs ris rnams so zhes pa ni phyogs gcig go//mkha' 'gro rnams dang gau rI la sogs pa rnams ni rdo rje mkha' 'gro la mngon par phyogs pa ste lha mo gzhan rnams ni rang rang gi bdag po la mngon par phyogs pa'o/ /kye'i rdo rje'i spyi bor rdo rje 'dzin pa dang rdo rje ste sgo dang mtshams kyi lha mo la thugs dang rtag pa dang rin chen dbang po dang 'od dpag med rnams so//rtag pa la 'khor lo 'dzin pa dang 'khor lo ste sgo dang mtshams kyi lha mo rnams la thugs dang rin chen dbang po dang 'od dpag med dang don yod grub pa rnams so/ /rdo rje nyi ma la rin chen 'dzin pa dang yid bzhin gyi nor bu ste/sgo dang mtshams kyi lha mo rnams la sku dang thugs dang 'od dpag med dang don yod grub pa rnams so/ /pad+ma gar gyi dbang phyug la pad+ma 'dzin pa dang rdo rje pad+ma ste/ sgo dang mtshams kyi lha mo rnams la sku dang rin chen dang mi bskyod pa dang 'od dpag med rnams so//rta mchog la ral gri 'dzin pa dang ral gri ste/ sgo dang mtshams kyi lha mo rnams la sku dang thugs dang 'od dpag med dang don yod grub pa rnams so/ /phyi rol gyi gau rI la sogs pa rnams la ni snga ma bzhin no/ /rdo rje la sogs pa'i mkha' 'gro rnams kyi thugs ka'i sa bon ni rim pa ji lta ba bzhin du/hUM oM trAM AHkhaM zhes pa'o/ /snying po'i sngags ni oM d+ha ra d+ha ra d+hA ra ya d+hA ra ya marda ma rda badzra d+h+r-i ka phaT swA hA/ oM shA shrA ta per ma shA shwa ta e h+ye hi dzi na dzikahUM phaT swA hA/ oM badzra sU R+Ya ta mo pid+ha ma na sa ma ya s+t+waM a haM rat+na d+h+r-i ka phaT swA hA/ oM badzra d+ha rmA sa ma ya s+t+waM hu lu hu lu A ro l-ika phaT swA hA/oM hUM hUM hi hi pradz+nyA d+h+r-i ka hUM phaT/ ces pa rnams so/ /na maHsa man+ta bud+d+he b+h+yo/ /na mo badzra kro d+hA ya ma hA daMSh+Ta ut+ka Ta b+hai ra wa ya badzra san+to ha dar+pA ya a mr-i te kuN+Ta li hUM zhes pa ni mthar byed kyi sngags te las thams cad pa'o/ /mkha' 'gro lnga po 'di rnams las gang yang rung ba dkyil 'khor gyi dbus su bsgom par bya ste re re zhing yang dkyil 'khor so so'o//de nyid bcom ldan 'das kyis gsungs te/ gang zhig sangs rgyas mgon po nyid/ /dbus su gyur pa'i dkyil 'khor la/ /de nyid kyis ni dkyil 'khor gsungs/ /dkyil 'khor snying po yongs 'dzin phyir//dkyil 'khor re re bsgom pa'am/ /yang bsdus pa yi dkyil 'khor ro/ /zhes pas so/ /'khor los sgyur ba drug gi dkyil 'khor ni rdo rje'i sa gzhi la sogs pa nas rtsibs bcu pa'i 'khor lo'i mthar thug pa 'jam pa'i rdo rje'i dkyil 'khor ji lta ba bzhin te/rtsibs bcu pa'i 'khor lo la khro bo bcu'o/ /gzhan 'jig rten gsum las rnam par rgyal ba'i khro bo'i dkyil 'khor las bshad pa'i rdo rje sa 'og gi bar lta bu'o zhes pa ni khyad par ro/ /'dir 'khor lo rtsibs bcu pa'i lte ba'i nang chos kyi 'byung gnas kyi dbus su rlung dang me dang chu dang sa'i dkyil 'khor dang ri rab kyi steng du sna tshogs chu skyes dang rdo rje'i lte ba la gzhal yas khang chen po ste/phyogs gzhan la ni 'dir chos 'byung med pa'o/ /gzhal yas khang chen po'i lte bar gnas pa'i gzhal yas khang gi dbus su gnas pa'i seng ge'i steng du sna tshogs pad+ma la gnas pa'i nyi ma'i dkyil 'khor gyi dbus su bzhugs pa'i rdo rje sems dpa' bsgom par bya'o zhes mngon par brjod pa bla ma las gsungs pa'i phyir/nyi ma la gnas pa'i 'jigs byed dang dus mtshan gyi steng du rdo rje'i skyil krung gis bzhugs pa'i ye shes mkha' 'gro ste rdo rje sems dpa' dkar po'am nag po//rdo rje dang rdo rje dril bur bcas pa'i g.yas pa dang cig shos kyi phyag dag gis lha mo la 'khyud pa'o/ /de ni rdo rje dang sdigs mdzub tu bcas pa'i phyag g.yas brkyang zhing phyag g.yon thod pa khrag gis gang ba 'dzin pas 'khyud pa/ sku mdog dmar mo ye shes mkha' 'gro ma ste/ming gzhan chos kyi dbyings kyi dbang phyug ma dang / rdo rje phag mo zhes par yang grags so/ /de nas shar la sogs pa'i phyogs rnams su g.yas skor gyis sangs rgyas mkha' 'gro la sogs pa lnga po dgod par bya ste/ de dag gi 'khor lo rnams ni dkyil 'khor so so'i shar la sogs pa'i sgo rnams su g.yon skor dang /me la sogs pa'i mtshams rnams su g.yas skor gyis so/ /rdo rje sems dpa'i mtshams rnams su rim pa ji lta bar mkha' 'gro ma dang lA ma dang dum skyes ma dang gzugs can ma rnams ni/ sngon mo dang ser mo dang dmar mo dang ljang gu rnams te g.yas brkyang gis bzhugs pa'o//sgo rnams su thod pa'i dum bu dang keng rus chen po dang keng rus dang mche ba rnam par gtsigs pa rnams ni nag po ste rdo rje dang rdo rje dril bur bcas pa'i phyag dag gis rab tu gtum mo dang / gtum pa'i mig can ma dang 'od ldan ma dang sna chen mo thal ba dkar po'i mdog can rnams la 'khyud pa'o//de nas rnam par snang mdzad kyi gzhal yas khang gi dbus su seng ge'i steng du sna tshogs chu skyes dang zla ba la gnas pa'i tshangs pa'i snying gar skyil krung gis bzhugs pa'i rdo rje mkha' 'gro dkar po ste 'khor lo dang 'khor los mtshan pa'i dril bu 'dzin pa'i g.yas pa dang g.yon pa'i phyag dag gis sangs rgyas mkha' 'gro ma dkar mo la 'khyud pa'o//sgo rnams la chang dgra dang 'od dpag med dang rdo rje'i 'od dang / rdo rje'i sku rnams ni dkar po ste 'khor lo dang 'khor lo'i dril bu 'dzin pa'i phyag dag gis dpa' bo'i blo can ma dang mi'u thung ma dang lang ka'i dbang phyug ma dang shing grib ma ser mo rnams la 'khyud pa'o//rin chen 'byung ldan gyi gzhal yas khang gi dbus su rta'i steng du sna tshogs chu skyes dang nyi ma la gnas pa'i lha'i bu nyi ma'i snying gar rdo rje'i skyil krung gis bzhugs pa'i rin chen mkha' 'gro ser mo ste rin po che dang rin po ches mtshan pa'i dril bu 'dzin pa'i g.yas pa dang g.yon pa'i phyag dag gis rin chen mkha' 'gro ma ser mo la 'khyud pa'o//sgo rnams la myu gu can dang rdo rje ral pa can dang dpa' bo chen po dang rdo rje hUM mdzad rnams ni ser po ste rin po che dang rin po che'i dril bu 'dzin pa'i phyag dag gis sa srung ma dang 'jigs byed chen mo dang rlung shugs ma dang chang 'thung ma ljang gu rnams la 'khyud pa'o//snang ba mtha' yas kyi gzhal yas khang gi dbus su rma bya'i steng du sna tshogs chu skyes dang nyi ma la gnas pa'i dbang phyug chen po'i snying gar rdo rje'i skyil krung gis bzhugs pa'i pad+ma mkha' 'gro dmar po ste pad+ma dang pad+mas mtshan pa'i dril bu 'dzin pa'i g.yas pa dang g.yon pa'i phyag dag gis pad+ma mkha' 'gro ma dmar mo la 'khyud pa'o//sgo rnams la shin tu bzang po dang rdo rje bzang po dang 'jigs byed chen po dang mig mi bzang rnams ni sku mdog dmar po ste pad+ma dang pad+ma'i dril bu 'dzin pa'i phyag dag gis sngo bsangs lha mo dang shin tu bzang mo dang rta rna ma dang bya gdong ma dkar mo rnams la 'khyud pa'o//mi bskyod pa'i gzhal yas khang gi dbus su glang po che'i steng du sna tshogs chu skyes dang nyi ma la khyab 'jug gi snying gar rdo rje'i skyil krung gis bzhugs pa'i rdo rje mkha' 'gro nag po ste rdo rje dang rdo rjes mtshan pa'i dril bu 'dzin pa'i g.yas pa dang g.yon pa'i phyag dag gis rdo rje mkha' 'gro ma la 'khyud pa'o//de ni dmar mo'am nag mo'o/ /sgo rnams la stobs po che dang rin chen rdo rje dang nam mkha'i snying po rnams ni nag po ste rdo rje dang rdo rje dril bu 'dzin pa'i phyag dag gis 'khor lo'i shugs can ma dang dum skyes ma dang chang 'tshong ma dang 'khor lo'i go cha ma rnams ser mo la 'khyud pa'o//don yod grub pa'i gzhal yas khang gi dbus su nam mkha' lding gi steng du sna tshogs chu skyes dang nyi ma la gnas pa'i lha'i bu zla ba'i snying gar rdo rje'i skyil krung gis bzhugs pa'i sna tshogs mkha' 'gro ljang gu ste sna tshogs rdo rjes mtshan pa'i dril bu 'dzin pa'i g.yas pa dang g.yon pa'i phyag dag gis sna tshogs mkha' 'gro ma ljang gu la 'khyud pa'o//sgo rnams la dpal he ru ka dang pad+ma gar gyi dbang phyug dang rnam par snang mdzad dang rdo rje sems dpa' rnams ljang gu ste sna tshogs rdo rje dang sna tshogs rdo rje'i dril bu 'dzin pa'i phyag dag gis shin tu dpa' mo dang stobs chen mo dang 'khor los sgyur ma dang brtson 'grus chen mo du ba ltar sngo skya'i mdog can rnams la 'khyud pa'o//dpa' bo nyi shu rtsa bzhi ni g.yas brkyang gis bzhugs pa'o/ /'dir mkha' 'gro ma la sogs pa ni g.yon pas thod pa dang kha T+wAM ga dang g.yas pas Da ma ru 'dzin pa'o//ye shes mkha' 'gro ma dang rab tu gtum mo la sogs pa bzhi ni phyag g.yas pas rdo rje dang bcas pa'i sdigs mdzub gdengs pa'o/ /sangs rgyas mkha' 'gro ma dang dpa' bo'i blo can ma la sogs pa rnams ni 'khor lo dang bcas pa'i sdigs mdzub can no//rin chen mkha' 'gro ma dang sa srung ma la sogs pa rnams ni rin po che dang bcas pa'i sdigs mdzub bo/ /pad+ma'i mkha' 'gro ma dang bsngo bsangs lha mo la sogs pa rnams ni pad+ma dang bcas pa'i sdigs mdzub bo/ /rdo rje mkha' 'gro dang 'khor lo'i shugs can ma la sogs pa ni rdo rje dang bcas pa'i sdigs mdzub bo//sna tshogs mkha' 'gro ma dang shin tu dpa' mo la sogs pa rnams ni sna tshogs rdo rje dang bcas pa'i sdigs mdzub bo/ /ye shes mkha' 'gro ma la sogs pa thams cad kyang 'khyud par byed pa g.yon pa'i phyag dag gis 'dzag pa'i khrag gis gang ba'i thod pa 'dzin pa'o//dkyil 'khor chen po'i sgo rnams la khwa gdong ma dang 'ug gdong ma dang khyi gdong ma dang phag gdong ma rnams ni ming dang rjes su mthun pa'i zhal can te rim pa ji lta bar sngon mo dang ser mo dang dmar mo dang ljang gu'i mdog can/ phyag g.yas pa rnams kyis lcags kyu dang zhags pa dang lcags sgrog dang dril bu 'dzin pa'o//mtshams rnams la gshin rje brtan ma dang shin rje pho nya mo dang gshin rje mche ba ma dang gshin rje 'joms ma rnams ni mi'i gdong can te/ g.yas dang g.yon gyi sku phyed phyed g.yas dang g.yon gyi lha mo'i mdog can/phyag g.yas pa rnams kyis me long dang pi wang dang dri'i dung chos dang ro'i snod 'dzin pa'o/ /lha mo brgyad po 'di dag kyang g.yon pas thod pa dang kha T+wAM ga 'dzin pa g.yas brkyang gis gnas pa'o/ /gzhal yas khang drug po rnams kyi mtshams rnams su byang chub kyi sems la sogs pas gang ba'i thod pa rnams ni sna tshogs chu skyes la gnas pa'o//mkha' 'gro ma la sogs pa nas gshin rje 'joms ma'i mthar thug pa rnams ni sna tshogs pad+ma dang nyi ma la gnas pa'i ro rnams la bzhugs pa'o/ /'khor los sgyur ba rnams kyang ro la gnas pa'o zhes pa ni phyogs gzhan no//lha pho rnams ni sku rgyab tu 'phyang ba'i stag gi pags pa'i sham thabs dkris pa/ mchod phyir thogs pa can mi mgo rlon pa'i phreng ba mgrin pa la 'phyang ba/ ral pa nag po'i thor cog can no/ /lha mo rnams ni gcer bu dbu skra nag po grol zhing mi mgo skam po'i phreng ba mgrin par 'phyang ba'o//lha mo bzhi bcu rtsa gnyis po rnams kyang zhal gcig ma phyag gnyis ma spyan gsum pa rdo rje phreng bas mtshan pa'i dpral ba'i dbyis nas thod pa lngas brgyan pa/ dpung rgyan dang g.yer kha la sogs pas mngon par brgyan pa/ phyag rgya lnga dang ldan pa'o/ /'khor los sgyur ba drug ni mchog gi phyag rgya drug dang ldan pa/nor bu dang zla ba phyed pa dang sna tshogs rdo rjes mtshan pa'i ral pa nag po'i thor cog can no/ /lha mo sum cu rtsa bzhi po rnams ni rang rang gi 'khor lo'i dbang po la mngon par phyogs pa'o/ /'khor los sgyur ba lnga dang khwa gdong ma la sogs pa rnams ni dbus kyi 'khor lo'i dbang po la mngon par phyogs pa'o//dpa' bo rnams ni rang rang gi shes rab ma la mngon par phyogs ba'o/ /de ltar 'di ni phyogs gcig go/ /'khor los sgyur ba drug po 'di dag kyang g.yas brkyang gi zhabs can no zhes pa'i khyad par ni phyogs gnyis pa'o//phyogs gnyis po 'di dag la yang ye shes mkha' 'gro dang sangs rgyas mkha' 'gro dang de dag gi 'khor rnams kyang seng ge'i steng du gnas pa dang / rin chen mkha' 'gro dang de'i 'khor rnams kyang rta'i steng du gnas pa dang / pad+ma mkha' 'gro dang de'i 'khor rnams kyang rma bya'i steng du gnas pa dang / rdo rje mkha' 'gro dang de'i 'khor rnams kyang glang po che'i steng du gnas pa dang / sna tshogs mkha' 'gro dang de'i 'khor rnams kyang nam mkha'i lding gi steng du gnas pa'o/ /ye shes mkha' 'gro la sogs pa 'di dag ni rdo rje'i skyil krung can no/ /khwa gdong ma la sogs pa brgyad po 'di dag phyogs skyong ba brgyad po rnams la g.yas brkyang gis gnas pa'o zhes pa ni phyogs gsum pa'o//phyogs 'di rnams dang phyogs gzhan la yang ye shes mkha' 'gro la sogs pa rnams ni zhal gcig phyag gnyis ma nyid la sogs pa dang / zhal gsum phyag drug ma nyid la sogs pa dang /zhal lnga phyag brgyad ma nyid la sogs pa dang / zhal bzhi phyag bcu gnyis ma nyid la sogs pa dang / zhal brgyad phyag bcu drug ma nyid la sogs pa yang bcom ldan 'das kyis rab tu spros nas gsungs mod/ gzhung rnam par rgyas pas 'jigs nas 'dir ma bstan no/ / rigs kyi bdag po ni 'khor los sgyur ba drug po rnams rang rang gi dkyil 'khor pa rnams kyi ste/ rdo rje mkha' 'gro ni 'khor los sgyur ba lnga'i'o/ /de'i ni ye shes mkha' 'gro'o/ /khwa gdong ma la sogs pa rnams kyi ni sna tshogs mkha' 'gro ste/ ye shes mkha' 'gro'o zhes pa ni kha gcig gi'o/ / thugs ka'i sa bon rnams ni ye shes mkha' 'gro la sogs pa rnams kyi rim pa ji lta bar baM b+h+rUM AM hrIM khaM ngo / /snying po'i sngags rnams ni oM shrI ma hA su kha badzra satwA DA ki nI dzA la sam+ba raM hUM A hUM phaT swA hA/ oM shrI bud+d+ha DA ka a la la la b+h+rUM AHDA ki nI dzA la sam+ba raM hUM phaT swA hA/ oM shrI rat+na DA ka traM aHhUM DA ki nI dzA la sam+ba raM hUM phaT swA hA/oM shrI pad+ma DA ka hrIHDA ki nI dzA la sam+ba raM hUM phaT swA hA/ oM shrI badzra DA ka AHhUM phaT DA ki nI dzA la sam+ba raM hUM phaT swA hA/ oM shrI bi shwa DA ka hoH khaM AH hUM DA ki nI dzA la sam+ba raM hUM phaT swA hA/ zhes pa'o/ /oM khaM hUM phaT/ ces pa ni dum skyes ma'i ste las thams cad pa'i sngags so//dpal dus kyi 'khor lo la ni rdo rje gur gyi nang du srung ba'i 'khor lo rtsibs bcu pa'o/ /de'i shar dang lho dang nub dang byang gi rtsibs rnams la shin tu stobs dang rmugs byed dang / rengs byed dang khengs byed rnams ni ming gzhan ni bgegs mthar byed dang shes rab mthar byed dang gshin rje mthar byed dang pad+ma mthar byed rnams so//me la sogs pa'i rtsibs rnams la/ dbyug sngon can dang 'dod pa'i rgyal po dang stobs po che dang mi g.yo ba rnams so/ /steng gi rtsibs la gtsug tor 'khor los sgyur ba ste 'og gi rtsibs la gnod mdzes rgyal po'o//de skad du'ang bsdus pa'i rgyud las/ slar yang 'khor lo'i rtsibs bcu la ni phyogs dang phyogs bral du gnas khro bo'i tshogs ni bsgom par bya/ /zhes pa dang dri ma med pa'i 'od las srung ba'i 'khor lo khro bo la sogs pa spro bar bya ste dkyil 'khor gyi sa gzhi bsrung ba'i don du'o zhes gsungs so//khro bo 'di rnams ni 'chad par 'gyur ba'i gzugs can no/ /srung ba'i 'khor lo'i lte ba'i nang du chos kyi 'byung gnas te/ gang yang dri ma med pa'i 'od las phyi rol du skye ba'i mtshan ma ni nam mkha'i khams mtha' yas pa ste nang du ni shes rab kyi chos 'byung zur gsum pa'o zhes gsungs pas/phyi rol gyi nam mkha'i khams nyid dkyil 'khor la chos kyi 'byung gnas kyi gzugs su bsgom par bya'o/ /chos 'byung gi dbus su rlung dang me dang chu dang sa'i dkyil 'khor la gnas pa'i ri rab dang sna tshogs chu skyes dang zla ba dang nyi ma dang thig le nag po'i gzugs can sgra gcan gyi dkyil 'khor gyi steng du gnas shing /phyi rol nas rdo rje'i 'od zer dang nam mkha' dang rlung dang me dang chu dang sa'i khor yug gis yongs su bskor ba'i gzhal yas khang chen po'o/ /yang na srung ba'i 'khor lo ni bgegs nye bar zhi ba tsam gyi dgos pa'o zhes pas bgegs bcom pa'i rjes nas ma bsams shing /chos 'byung yang ma bsgoms par srung ba'i gur gyi nang du nam mkha' la rlung la sogs pa'i dkyil 'khor dang sgra gcan gyi dkyil 'khor gyi mthar thug pa'i steng du gnas shing phyi rol nas 'od zer la sogs pa'i khor yug rnams kyis yongs su bskor ba'i gzhal yas khang chen po'o//de'i phyed du gsung gi 'khor lo dang / de'i phyed du thugs kyi 'khor lo dang / de'i phyed du bde ba chen po'i 'khor lo dang / de'i phyed du bcom ldan 'das kyi pad+ma ljang gu ste/ pad+ma'i sum cha ni lte ba'o/ /de'i steng nas steng du gnas pa'i zla ba dang nyi ma la sgra gcan dang dus me'i dkyil 'khor gyi steng du yan lag med pa dang drag po gan rkyal du bsgyel ba'i snying gar g.yas brkyang gi gar gyis bzhugs pa'i bcom ldan 'das dus kyi 'khor lo ste/sku mdog nag po nor bu dang zla ba phyed pa dang sna tshogs rdo rjes mtshan pa'i ral pa'i thor cog can/rdo rje'i nor bu dang rdo rje'i rna cha dang rdo rje'i mgul rgyan dang / rdo rje'i lag gdub dang / rdo rje'i ska rags dang / rdo rje'i rkang gdub dang / rdo rje'i dar dpyangs dang / rdo rje'i phreng ba dang / stag gi pags pa 'phyang ba'i sham thabs can/ zhal bzhi pa spyan bcu gnyis pa'o//de yang rtsa ba'i zhal nag po mche ba gtsigs pa drag po/ g.yas pa dmar po chags pa dang bcas pa/ rgyab ma ser po ting nge 'dzin la gnas pa/ g.yon pa dkar po zhi ba'o/ /dbus dang g.yas dang g.yon gyi mgrin pa gsum ni sngon po dang dmar po dang dkar po ste bcom ldan 'das ni mgrin pa gsum pa'o//g.yas pa'i phrag pa dang po sngon po dang gnyis pa dmar po dang gsum pa dkar po ste/ de bzhin du g.yon pa'i yang sngon po dang dmar po dang dkar po'o/ /de ltar na phrag pa drug dang / dpung pa bcu gnyis dang nye ba'i dpung pa nas brtsams te phyag dar nyi shu rtsa bzhi'o//de la g.yas kyi dpung pa gnyis sngon po dang gnyis dmar po dang gnyis dkar po'o/ /de bzhin du g.yon gyi'ang ngo / /de bzhin du phyag bzhi bzhi nag po dang / bzhi bzhi dmar po dang / bzhi bzhi dkar po ste/ g.yas pa dang g.yon pa rnams kyi'o/ /phyag re re 'ang sor mo lnga pa ste/de dag re re zhing yang tshigs gsum pa'o/ /de'ang mthe bong ser po dang mdzub mo dkar po dang gung mo dmar po dang ming med nag po dang mthe chung ljang gu ste/ phyag gi mthil nas sor mo thams cad kyi tshigs kyi phreng ba dang po nag po gnyis pa dmar po/ gsum pa dkar po'o/ / de rnams kyang sor gdub rnams kyi 'od dang ldan pa'o/ /g.yas pa'i phyag rnams kyi nag po rnams na rdo rje dang ral gri dang rtse gsum dang gri gug dang / dmar po rnams na me'i mda' dang rdo rje'i lcags kyu dang / Da ma ru dang / tho ba dang / dkar po rnams na 'khor lo dang / mdung dang dbyug pa dang dgra sta rnams so//g.yon pa'i nag po rnams na dril bu dang / phub dang / kha T+wAM ga dbye ba dang / khrag gis gang ba'i thod pa dang / dmar po rnams na gzhu dang / zhags pa dang / nor bu dang / rin po che dang / pad+ma dmar po dang / dkar po rnams na dung dang / me long dang / rdo rje lcags sgrog dang / tshangs pa'i mgo bo rnams so/ /brla nas brtsams nas dmar po'i mdog can gyi zhabs g.yas pa'i mthil dmar pos 'dod pa'i lha dmar po gdong gcig pa lag pa bzhis me tog gi mda' lnga dang / gzhu dang / zhags pa dang / lcags kyu 'dzin pa'i snying gar mnan cing /brla nas brtsams nas dkar po'i zhabs g.yon pa'i mthil gyis drag po dkar po gdong gcig pa mig gsum pa lag pa bzhis rtse gsum dang / Da ma ru dang / thod pa dang / kha T+wAM ga 'dzin pa'i snying gar mnan pa'o/ /'dod lha'i gzhogs su dga' ma dang dbang phyug chen po'i gzhogs su dkar mo ste lha mo 'di dag ni dman pa'i bzhin dang ldan pas bcom ldan 'das kyi zhabs la 'jus pa'o//bcom ldan 'das kyis 'khyud pa'i sna tshogs yum ni g.yon brkyang gis gnas pa gser gyi mdog can phyag g.yas pa rnams kyis gri gug dang lcags kyu dang Da ma ru dang /bgrang phreng rnams dang / g.yon pa rnams kyis thod pa dang zhags pa dang pad+ma dkar po dang rin po che rnams 'dzin pa'o/ /'dab ma rnams la shar du nag mo 'bar ma nag mo phyag g.yas pa rnams kyis bdug spos kyi snod dang tsan+dan gyi snod dang gur gum gyi snod dang gla rtsi dang bcas pa'i ga bur gyi snod dang /g.yon pa rnams kyis dril bu dang pad+ma dang lha'i ljon pa'i me tog dang sna tshogs pa'i me tog gi phreng ba 'dzin pa'o/ /lhor dmar mo 'bar ma dmar mo g.yas pa rnams kyis mar me dang do shal dang cod pan dang lag gdub dang / g.yon pa rnams kyis gos dang ska rags dang rin po che'i rna rgyan dang rkang gdub 'dzin pa'o//nub tu ser mo 'bar ma ser mo g.yas pa rnams kyis dung dang gling bu dang nor bu dang Da ma ru dang / g.yon pa rnams kyis pi wang dang rnga zlum dang 'khar rnga dang zangs dung 'dzin pa'o/ /byang du dkar mo 'bar ma dkar mo g.yas pa rnams kyis 'o ma'i snod dang chu'i snod dang lha'i sman dang chang gi snod dang /g.yon pa rnams kyis bdud rtse'i snod dang grub pa'i bcud kyi snod dang bdud rtsi'i 'bras bu dang bza' ba'i snod 'dzin pa'o/ /me la sogs pa rnams su du ba ma dang smig rgyu ma dang mar me ma dang mkha' snang ma'i lha mo rnams te/rim pa ji lta bar nag mo dang dmar mo dang ser mo dang dkar mo'i mdog can phyag brgyad kyis rang rang gi mdog can gyi rnga yab brgyad 'dzin pa'o/ /de dag gi rgyab kyi phyi rol du yid bzhin gyi nor bu dang chos kyi gaN+Di dang / dpag bsam gyi shing dang chos kyi dung rnams te nag po dang dmar po dang ser po dang dkar po'o//nag mo 'bar ma la sogs pa brgyad ni mnyam pa'i rkang stabs kyi gnas pa'o/ /sna tshogs yum la sogs pa'i lha mo thams cad phyag rgya lnga dang ldan pa/ phyag brgyad ma zhal bzhi ma spyan bcu gnyis ma'o/ /de yang shar lho dang nub byang gi rim pas sna tshogs yum gyi zhal rnams ni ser po dang dkar po dang sngon po dang dmar po ste/de bzhin du lha mo ser mo dag gi'ang ngo / /nag mo dag gi ni nag po dang dmar po dang ser po dang dkar po'o/ /dmar mo dag gi ni dmar po dang ser po dang dkar po dang sngon po'o/ /dkar mo dag gi ni dkar po dang nag po dang dmar po dang ser po'o//rim pa gnyis pa dang gsum pa dag gi lha mo rnams ni zhal gsum pa spyan dgu pa phyag drug pa rnams so/ /de yang phyogs rnams la shar du don yod grub pa nag po nag po dang dmar po dang dkar po'i zhal can/ g.yas pa rnams kyis ral gri dang gri gug dang rtse gsum dang g.yon pa rnams kyis phub dang thod pa dang kha T+wAM ga 'dzin pa spyan mas 'khyud pa'o//lhor rin chen 'byung ldan dmar po dmar po dang dkar po dang nag po'i zhal can/ g.yas pa rnams kyis me'i mda' dang lcags kyu dang Da ma ru dang / g.yon pa rnams kyis gzhu dang zhags pa dang rin po che cha dgu pa 'dzin pa mA ma kIs 'khyud pa'o//nub tu rnam par snang mdzad ser po ser po dang dkar po dang nag po'i zhal can/ g.yas pa rnams kyis 'khor lo dang dbyug pa dang mi 'jigs pa mdzad pas rdo rje dang / g.yon pa rnams kyis dung dang rdo rje lcags sgrog dang dril bu 'dzin pas sgrol ma la 'khyud pa'o//byang du snang ba mtha' yas dkar po dkar po dang nag po dang dmar po'i zhal can/ g.yas pa rnams kyis tho ba dang mdung dang rtse gsum dang / g.yon pa rnams kyis pad+ma dkar po dang me long dang bgrang phreng 'dzin pa/gos dkar mos 'khyud pa'o/ /bzhi po 'di rnams ni chu skyes dkar po dang nyi ma la gnas pa ral pa'i thor cog can te/ zhal rnams ni rtsa ba dang g.yas pa dang g.yon pa'i rim pas so/ /me dang bden bral dang rlung dang dbang ldan rnams su pad+ma dmar po dang zla ba la sgrol ma dang gos dkar mo dang spyan ma dang mA ma kI rnams ni rim pa ji lta ba bzhin du don yod grub pa dang rin chen 'byung ldan dang rtag pa dang snang ba mtha' yas dang mtshungs pa ste/rnam par snang mdzad dang snang ba mtha' yas dang don yod grub pa dang / rin chen 'byung ldan rnams dang snyoms par 'jug pa'o//yang na sgrol ma'i kha T+wAM ga'i gnas su ut+pal ste/ gzhogs brgyad du ni bdud rtsi'i bum pa brgyad do/ /rim pa gsum pa'i snam bu la shar sgo'i g.yon ngos su kun du bzang po sngon po g.yas pa rnams kyis rdo rje dang gri gug dang dgra sta/ g.yon pa rnams kyis dril bu dang thod pa dang tshangs pa'i mgo bo 'dzin pa yang na tshangs pa'i mgo'i gnas su ut+pal ste/chos kyi dbyings kyi rdo rje ma dang snyoms par 'jug pa'o/ /g.yas su nam mkha'i snying po don yod grub pa lta bu la dri rdo rje mas 'khyud pa'o/ /lho sgo'i g.yon du phyag na rdo rje ljang gu g.yas pa rnams kyis rdo rje dang gri gug dang dgra sta/g.yon pa rnams kyis dril bu dang thod pa dang tshangs pa'i mgo 'dzin pa sgra rdo rje mas 'khyud pa'o/ /g.yas su sa'i snying po rin chen 'byung ldan lta bu gzugs rdo rje ma dang snyoms par 'jug pa nub sgo'i g.yon du chos kyi dbyings kyi rdo rje ma phyag na rdo rje lta bu la kun du bzang pos 'khyud pa'o//g.yas su sgrib pa thams cad rnam par sel ba rnam par snang mdzad lta bu la reg bya rdo rje mas 'khyud pa'o/ /byang sgo'i g.yon du sgra rdo rje ma kun du bzang po lta bu la phyag na rdo rjes 'khyud pa'o/ /g.yas su 'jig rten dbang phyug snang ba mtha' yas lta bu la ro rdo rje mas 'khyud pa'o//mer reg bya rdo rje ma sgrol ma lta bu la sgrib pa thams cad rnam par sel bas snyoms par 'jug pa'o/ /bden bral du ro rdo rje ma gos dkar mo lta bu la 'jig rten dbang phyug gis 'khyud pa'o/ /rlung du dri rdo rje ma spyan ma lta bu la nam mkha'i snying pos 'khyud pa'o//dbang ldan du gzugs rdo rje ma mA ma kI lta bu la sa'i snying pos 'khyud pa'o/ /'dir don yod grub pa la sogs pa'i de bzhin gshegs pa rnams dang / byang chub sems dpa' rnams ni rdo rje'i gdan gyis bzhugs pa ste/sgrol ma la sogs pa'i lha mo rnams ni pad+ma'i 'dug stangs kyis bzhugs pa'o/ /sgo rnams la khro bo shin tu stobs don yod grub pa lta bu la rengs byed mas yang dag par 'khyud pa ste de'ang spyan ma lta bu'o/ /lhor rmugs byed rin chen dbang po lta bu la khengs byed mas snyoms par zhugs pa ste de yang mA ma kI lta bu'o//nub tu rengs byed rnam par snang mdzad lta bu la shin tu stobs mas 'khyud pa ste de yang sgrol ma lta bu'o/ /byang du khengs byed 'od dpag med lta bu la rmugs byed mas yang dag par 'khyud pa ste de yang gos dkar mo lta bu'o/ /'on kyang khro bo 'di rnams ni g.yas brkyang gis gnas pa ste khro bo'i lha mo rnams ni g.yon brkyang gis gnas pa'o//'dir lha pho rnams kyi gdan ni pad+ma dkar po dang nyi ma rnams te/ lha mo rnams kyi gdan ni pad+ma dmar po la zla ba'i dkyil 'khor rnams so/ /yang na nag po dang dkar po dang ljang gu rnams la zla ba la gnas pa dang dmar po dang ser po rnams dang kun du bzang po dang sgra rdo rje ma ni nyi ma'i dkyil 'khor la gnas pa ste/de dag gi rigs pa yang dri ma med pa'i 'od las gsungs pa'o/ /'dir gang gi gnas su lha rnams gang gsungs pa de ni de'i btso bo yin pa'i phyir 'khor lo'i dbang po la mngon par phyogs pa ste/de'i pang du gnas pa ni ma yin no/ /'dir 'dab ma brgyad kyi lha mo rnams dang bum pa rnams dang chos kyi dung la sogs pa spangs nas nyi shu rtsa lnga'i bdag nyid can gyi thugs kyi dkyil 'khor yang bsgom par bya'o//de'i tshe bcom ldan 'das kyis nye bar bskor ba yang dpal gsang ba 'dus pa lta bu'o/ /stegs bu rnams la shar gyi g.yon rta babs kyi ka ba'i rtsa ba'i g.yon du dri chab ma nag mo dri'i dung chos 'dzin pa dang / g.yas su phreng ba ma nag mo me tog gi phreng ba 'dzin pa dang / lhor bdug spos ma dmar mo bdug spos kyi snod 'dzin pa dang / mar me ma dmar mo mar me'i mchod sdong 'dzin pa'o/ /nub tu sgeg mo ser mo cod pan ser po 'dzin pa dang / bzhad ma ser mo do shal ser po 'dzin pa'o/ /byang du bdud rtsi ma'am ming gzhan zhal zas ma zhes bya ba dkar mo 'bras bu dkar po 'dzin pa dang /'bras bu mi zad pa'am ming gzhan bdud rtsi'i 'bras bu ma zhes bya ba dkar mo bdud rtsis gang ba'i snod 'dzin pa'o/ /stegs bu thams cad la yang rnam pa sna tshogs pa'i mchod pa 'dzin pa'i lha mo grangs med pa'o/ /shar gyi rta babs kyi mchod pa'i lha mo'i gnas su gar ma sngon mo gar gyi tshul gyis gos 'dzin pa'o//lhor 'dod ma dmar mo pad+ma 'dzin pa dang / nub tu sil snyan ma ser mo rnga pa Ta ha brdung ba dang / byang du glu ma dkar mo rdo rje 'dzin pa ste bdud rtsi ma la sogs pa dgod pa 'di dag ni dbang bskur ba'i le'u'i rim pa'o//gang yang sgrub thabs kyi le'u'i 'grel pa las byang du sil snyan ma dang gar ma dang / nam mkhar glu ma dang 'dod ma dang / 'og tu zhal zas ma dang / bdud rtsi'i 'bras bu ma zhes gsungs pa de la yang dbang bskur ba'i le'u las gsungs pa'i dgod pa 'di ltar rig par bya ste/gzhung de dag rjes su mthun par sbyor ba nyid kyi phyir ro/ /gzhan du na snga ma dang phyi ma dag 'gal bar 'gyur ro/ /lha mo bcu gnyis po 'di dag ni pad+ma'i 'dug stangs kyis gnas pa'o/ /gsung gi dkyil 'khor la phyogs kyi pad+ma rnams ni dmar po dang / mtshams kyi pad+ma rnams ni dkar po ste de rnams nyi ma dang zla ba dang bral ba la sa ga'i 'dug stangs kyis gnas pa'i lha mo rnams so//de yang yi dwags dmar po'i steng du gnas pa'i shar gyi chu skyes kyi lte ba la tsa rtsi ka nag mo zhal gcig ma spyan gsum ma/ phyag g.yas pa dag gis gri gug dang rtse gsum dang /g.yon pa dag gis thod pa dang kha T+wAM ga 'dzin pa dbang po ser pos 'khyud pa ste/ mdun la sogs pa'i 'dab ma brgyad la/ 'jigs ma dang drag mo dang dus kyi mche ba ma dang me 'bar gdong ma dang rlung shugs ma dang rab gtum ma dang drag mig ma dang sna chen ma rnams so/ / nam mkha' lding gi steng du gnas pa'i me'i chu skyes kyi lte ba la khyab 'jug ma nag mo g.yas pa dag gis 'khor lo dang dbyug pa/ g.yon pa dag gis pad+ma dang dung 'dzin pa tshangs mas 'khyud pa ste/ 'dab ma rnams la dpal mo dang sgyu ma dang grags ma dang g.yang mo dang phun sum tshogs ma dang rnam par rgyal ma dang dpal ldan rgyal ma dang dpal ldan rgyal byed ma dang dpal ldan 'khor lo can ma rnams so//ma he'i steng du lho'i chu skyes kyi lte ba la phag mo dmar mo phag gi zhal can/ g.yas pa dag gis dbyug pa dang ral gri dang / g.yon pa dag gis lcags sgrog dang phub 'dzin pa drag pos 'khyud pa ste/'dab ma rnams la keng rus ma dang dus mtshan ma dang rab khros gdong ma dang dus kyi lce ma dang / gtsigs ma dang nag mo dang gzugs ngan ma rnams so/ /rma bya'i steng du bden bral gyi chu skyes kyi lte ba la gzhon nu ma dmar mo zhal drug ma g.yas pa dag gis shak+ti dang lcags kyu/g.yon pa dag gis rin po che dang zhags pa 'dzin pa tshogs bdag gis 'khyud pa ste/ 'dab ma rnam la pad+ma dang lus med ma dang gzhon nu ma dang ri dwags bdag pos 'gro ma dang rin chen phreng ba ma dang / mig bzangs ma dang rul ma dang bzang mo rnams so//sa srung gi steng du nub kyi chu skyes kyi lte ba la dbang mo ser mo g.yas pa dag gis rdo rje dang mda'/ g.yon pa dag gis dril bu dang gzhu 'dzin pa bden bral gyis 'khyud pa ste/ 'dab ma rnams la rdo rje 'od ma dang rdo rje lus ma dang / gser ldan ma dang ur ba sA dang bkra ba'i ri mo dang chu shing ma dang zug rngu med pa dang shin tu sgrol ma rnams so//ngang pa'i steng du rlung gi chu skyes kyi lte ba la tshangs ma ser mo zhal bzhi ma g.yas pa dag gis pad+ma dang tshangs pa'i dbyug pa/ g.yon pa dag gis spyi blugs dang par bu 'dzin pa khyab 'jug gis snyoms par zhugs pa ste/'dab ma rnams la mchod sbyin 'dod ma dang pad+ma'i spyan ma dang chu skyes ldan ma dang / blo gros ma dang ngag gi dbang phyug ma dang glu ma dang glog ma dang dran ma rnams so/ /glang gi steng du byang gi chu skyes kyi lte ba la drag mo dkar mo g.yas pa dag gis rtse gsum dang cang te'u g.yon pa dag gis kha T+wAM ga dang sbrul 'dzin pa gshin rjes 'khyud pa ste/'dab ma rnams la gau rI ma dang gang+gA ma dang rtag ma dang myur ma dang tro ta la dang / mtshon byed ma dang / dmar ser ma dang / nag mo rnams so/ /seng ge'i steng du dbang ldan gyi chu skyes kyi lte ba la dpal mo dkar mo g.yas pa dag gis pad+ma dang bgrang phreng /g.yon pa dag gis pad+ma dang rin po che 'dzin pa gdong drug gis 'khyud pa ste/ 'dab ma rnams la dpal ldan dkar mo dang / zla ba'i ri mo dang / ri bong 'dzin zhal ma dang / ngang pa'i mdog ma dang 'dzin ma dang / pad+ma'i dbang phyug ma dang / skar mig ma dang / dri med ri bong 'dzin ma rnams so/ /tsa rtsi ka la sogs pa'i lha mo bdun cu rtsa gnyis po 'di dag ni phyag bzhi ma spyan gsum ma ste/ 'dir 'dab ma'i lha mo rnams ni rol pa'i rkang stabs kyis gnas pa kha dog la sogs pa rnams rang rang gi gtso bo dang mtshungs pa rang rang gi gtso mo la mngon du phyogs pa'o//gtso mo brgyad po 'di dag ni sa ga'i rkang stabs kyis gnas pa 'khor lo'i dbang phyug la gzigs pa ste brgyad po 'di rnams kyis 'khyud pa po sa ga'i rkang stabs kyis gnas pa'i rjes su gtso bo rnams ni de la mngon du phyogs pa'o//sku'i dkyil 'khor gyi snam bu rnams la pad+ma bcu gnyis te/ de yang phyogs kyi pad+ma rnams dmar po dang mtshams kyi pad+ma rnams dkar po'o/ /pad+ma re re zhing yang 'dab ma rnams ni go rims bzhin dang po la bzhi dang gnyis pa la brgyad dang /gsum pa la bcu drug ste/ de dag gi phyi'i rim pa'i mdun gyi 'dab ma nas brtsams nas g.yas skor gyis tshes gcig la sogs pa'i lha mo rnams dgod par bya'o/ /lte ba la nya dang gnam stong dag ni gtso bo nyid kyis gnas pa yin la/de yang nya ni shes rab dang gnam stong ni thabs te/ bden bral la sogs pa'o/ /lha thams cad ni phyag bzhi pa'o/ /de la shar sgo'i g.yas phyogs su yi dwags dmar po'i steng du pad+ma'i lte ba la bden bral nag po srin mo me 'bar gdong mas yang dag par 'khyud ma/g.yas pa dag na ral gri dang gri gug/ g.yon pa dag na phub dang thod pa can te/ 'dir ni nag pa'i tshes rnams so/ /mer ri dwags kyi steng du pad+ma'i lte ba la rlung lha nag po rab tu gtum mos 'khyud pa/ g.yas pa dag na dpag bsam gyi shing dang yongs 'du'i me tog g.yon pa dag na in+d+ra nI la dang ut+pal sngon po can te 'dir ni sa ga'i tshes rnams so//lho sgo'i g.yon phyogs su ma he'i steng du pad+ma'i lte ba la gshin rje dmar po dus mas yang dag par 'khyud pa/ g.yas pa dag na dbyug pa dang ral gri/ g.yon pa dag na lcags sgrog dang zhags pa can te 'dir ni dbo'i tshes rnams so//g.yas phyogs su lug gi steng du pad+ma'i lte ba la me lha dmar po chu lha mos 'khyud pa/ g.yas pa dag na shak+ti dang dbyug pa/ g.yon pa dag na pad+ma dang spyi blugs can te 'dir ni snron gyi tshes rnams so/ /bden bral du rma bya'i steng du pad+ma'i lte ba la gdong drug dmar po dpal mos 'khyud pa/g.yas pa dag na shak+ti dang mdung / g.yon pa dag na rin po che dang me long can te 'dir ni chu stod kyi tshes rnams so/ /nub sgo'i g.yon phyogs su pad+ma'i lte ba la lus ngan po ser po lus ngan mos yang dag par 'khyud pa/ g.yas pa dag na nor bu rin po che dang dbyug to/ /g.yon pa dag na ne'u le dang pad+ma can te 'dir ni rgyal gyi tshes rnams so/ /g.yas phyogs su glang po che'i steng du pad+ma'i lte ba la dbang po ser po rlung lha mos 'khyud pa/ g.yas pa dag na rdo rje dang me'i mda' dang / g.yon pa dag na dril bu dang gzhu can te 'dir ni tha skar gyi tshes rnams so//rlung du ngang pa'i steng du pad+ma'i lte ba la tshangs pa ser po glog mas yang dag par 'khyud pa/ g.yas pa dag na khab dang bgrang phreng / g.yon pa dag na pad+ma dang spyi blugs can te 'dir ni smig drug gi tshes rnams so//byang sgo'i g.yon phyogs su glang gi steng du pad+ma'i lte ba la drag po dkar po gau rIs yang dag par 'khyud pa/ g.yas pa dag na rtse gsum dang mda'/ g.yon pa dag na sbrul gyis dkris pa'i kha T+wAM ga dang gzhu can te/ 'dir ni mgo'i tshes rnams so/ /g.yas phyogs su chu srin gyi steng du pad+ma'i lte ba la rgya mtsho dkar po phag mos yang dag par 'khyud pa/g.yas pa dag na zhags pa dang rin po che/ g.yon pa dag na sbrul zhags dang nor bu zla ba chu shel can te 'dir ni gro bzhin gyi tshes rnams so/ /dbang ldan du byi ba la tshogs bdag dkar po gzhon nu mas yang dag par 'khyud pa/g.yas pa dag na dgra sta dang rdo rje/ g.yon pa dag na zhags pa dang rin po che can te 'dir ni khrums stod kyi tshes rnams so/ /shar sgo'i g.yon phyogs su nam mkha' lding gi steng du pad+ma'i lte ba la khyab 'jug nag po dpal mos yang dag par 'khyud pa/ g.yas pa dag na 'khor lo dang dbyug to//g.yon pa dag na pad+ma dang dung can te 'dir ni mchu'i tshes rnams so/ /'dir lha rnams rdo rje'i 'dug stangs kyis gnas pa ste/ nag pa la sogs pa'i tshes kyi lha mo rnams ni rol pa'i rkang stabs kyis gnas pa rang rang gi bdag po bden bral la sogs pa'i sku mdog dang phyag mtshan dang dbyibs rnams dang mtshungs pa de dag la gzigs pa'o//de rnams 'khor lo'i dbang phyug la ste/ de rnams kyis 'khyud pa rnams ni de nyid la gzigs pa'o/ /sgo rnams la shar du phag nag po bdun gyis drangs pa'i shing rta nag po la dbyug sngon can don yod grub pa lta bu ste/'di la 'khyud pa'i 'od zer can ni ser mo phyag g.yas pa dag gis 'khor lo dang dbyug pa/ g.yon pa dag gis dung dang rin po che 'dzin pa'o/ /lhor rta dmar po bdun gyis drangs pa'i shing rta dmar po la 'dod pa'i rgyal po rin chen 'byung ldan lta bu ste/ 'di la 'khyud pa'i tsun+da dkar mo g.yas pa dag gis tho ba dang mdung / g.yon pa dag gis pad+ma dang me long 'dzin pa'o/ /nub tu glang po che ser po bdun gyis drangs pa'i shing rta ser po la stobs po che rnam par snang mdzad lta bu ste/ 'di la 'khyud pa'i rdo rje lcags sgrog ma g.yas pa dag gis ral gri dang rdo rje/g.yon pa dag gis phub dang sbrul 'dzin pa'o/ /byang du seng ge dkar po bdun gyis drangs pa'i shing rta dkar po la mi g.yo ba snang ba mtha' yas lta bu ste/ 'di la 'khyud pa'i khro gnyer can dmar mo g.yas pa dag gis mda' dang lcags kyu dang /g.yon pa dag gis gzhu dang zhags pa 'dzin pa'o/ /'khor lo'i dbang phyug gi steng gi nam mkha' la mig gsum pa kha dog lnga pa'i nam mkha' lding gis drangs pa'i shing rta ljang gu la gtsug tor 'khor los sgyur ba ljang gu phyag na rdo rje lta bu ste/ 'di'i shes rab ma shin tu sngon mo sku mdog sngon mo g.yas pa dag gis gri gug dang rdo rje dang /g.yon pa dag gis thod pa dang dril bu 'dzin pa'o/ /'khor lo'i dbang phyug gi 'og gis 'og tu rkang pa brgyad pa'i seng ge nag po bdun gyis drangs pa'i shing rta nag po la gnod mdzes rgyal po kun du bzang po lta bu ste/ 'di'i shes rab ma drag spyan ma ljang gu phyag g.yas pa dag gis dgra sta dang rtse gsum dang / g.yon pa dag gis sbrul zhags dang kha T+wAM ga 'dzin pa'o/ /'dir dbyug sngon can la sogs pa'i khro bo rnams ni shing rta'i steng du pad+ma dkar po dang nyi ma rnams la g.yas brkyang gis gnas pa ste/gtso bo gzhan rnams ni rang rang gi gnas na gnas pa'i phyir 'khor lo'i dbang po la gzigs pa'o/ /'od zer can la sogs pa ni g.yon brkyang gis gnas pa'i rjes su gtso mo ste/ gzhan gyi gnas su phyin pa'i phyir khro bo rnams la gzigs pa'o/ /'dir shing rta rnams ni nag po la sogs pa'i kha dog nyid ni sgo'i dbus su gnas pa'i shing rta rnams ni rigs kyi dbang gis 'gyur ba yin zhes pa 'dis bstan te/de'i rjes su 'brangs nas phag pa la sogs pa rnams kyang ngo / /rta babs kyi 'og ka ba'i 'og gi stegs bu'i gnas rnams dang / steng dang 'og tu klu rnams so//de la shar gyi sgo'i g.yon dang g.yas dag tu rlung gi dkyil 'khor dag la grangs ji lta bar pad+ma dang stobs rgyu dag ni nag po ste khyi gdong ma dang khwa gdong mas 'khyud pa'o/ /lho'i sgor me'i dkyil 'khor dag la nor rgyas dang dung skyong dag ni dmar po ste ce spyang gdong ma dang mkha' lding gdong mas 'khyud pa'o//nub kyi sgor sa'i dkyil 'khor la 'jog po dang pad+ma ser po/ /ce spyang gdong ma dang mkha' lding gdeng mas 'khyud pa'o/ /byang gi sgor chu'i dkyil 'khor dag la mtha' yas dang rigs ldan dag ni dkar po ste stag gdong ma dang 'ug gdong mas 'khyud pa'o/ / steng gi nam mkhar stong pa'i dkyil 'khor la rgyal ba ni shin tu ljang gu ste sngon mos 'khyud pa'o/ /'og gi sa 'og tu stong pa'i dkyil 'khor la rnam par rgyal ba sngon po ste/ rdo rje'i mig can mas yang dag par 'khyud pa'o/ /klu thams cad kyang rdo rje'i gdan gyis bzhugs pa phyag bzhi pa/g.yas pa dag gis bdud rtsi'i bum pa dang rdo rje dang / g.yon pa dag gis pad+ma dang rin po che 'dzin pa'o/ /sa'i dkyil 'khor gyi mtshams su dbang ldan nas zla ba'i dkyil 'khor yongs su rdzogs pa 'char bzhin pa dang / bden bral du nyi ma nub par 'gro bzhin pa'o/ /me dang rlung gi 'khor yug gi dbus su dur khrod chen po rnams la 'khor lo rtsibs brgyad pa rnams te/phyogs rnams su dmar po dang mtshams rnams su dkar po'o/ /de la shar gyi 'khor lor khyi gdong ma nag mo dang lhor phag gdong ma dmar mo dang / nub tu ce spyang gdong ma ser mo dang / byang du stag gdong ma dkar mo'o//me la sogs pa rnams su khwa gdong ma dang bya rgod gdong ma dang mkha' lding gdong ma dang 'ug gdong ma rnams ni nag mo dang dmar mo dang ser mo dang dkar mo'o/ /steng gi nam mkhar shing rta la sngon mo sku mdog sngon mo ste 'di'i shing rta ni shin tu sngon mo'i lta bu'o//'og gi sa'i 'og tu shing rta la rdo rje'i mig can ma ljang gu ste/ 'di'i shing rta ni drag spyan ma'i lta bu'o/ /khyi gdong ma la sogs pa 'di dag ni zlum po'i stabs kyis gnas pa/ sngar bshad pa'i pad+ma la sogs pas 'khyud pa/ g.yas pa dang g.yon pa'i phyag gnyis kyis gri gug dang thod pa 'dzin pa/spyan gsum ma gcer bu phyag rgya lnga dang ldan pa/ mi mgo'i phreng bas mgul du 'phyang ba'o/ /sngar gyi 'khor lo brgyad po rnams kyi 'og tu rim pa ji lta bar bse dang dom dang seng ge dang 'bri dang b+he ruN+Da dang khrung khrung dang mig sngon dang bya ma byi rnams so/ /dur khrod 'di dag nyid la rlung gi khor yug gi shar dang me'i mtshams su rlung gi dkyil 'khor dag la gnas pa'i zla ba dang nyi ma'o//lho dang bden bral du me'i dkyil 'khor dag la gnas pa'i gza' lhag dang mig dmar ro/ /nub dang rlung du sa'i dkyil 'khor dag la gnas pa'i mjug rings dang spen pa'o//byang dang dbang ldan du chu'i dkyil 'khor dag la gnas pa'i pa sangs dang phur bu'o/ /steng du stong pa'i dkyil 'khor dag la sgra gcan te/ 'og tu stong pa'i dkyil 'khor dag la dus me'o/ /de bzhin du 'dir rlung gi khor yug la brtan pa dang a gasti dang /rgyu skar nyi shu rtsa brgyad dang / khyim bcu gnyis dang / cha bcu drug dang / phyogs bcu'i 'jig rten skyong ba rnams dang / dga' bo dang nag po chen po dang dril bu'i rna ba can dang b+h+r-ing+gi Ni dang / zhing skyong rnams dang / pho nya rnams dang / 'phrog ma rnams dang /grub pa thams cad ces bya ba la sogs pa ste/ sna tshogs pa'i sku mdog dang phyag mtshan dang dbyibs can bye ba phrag phyed dang bzhi'o/ /'dir zla ba la sogs pa'i lha rnams ni rdo rje'i gdan gyis gnas pa ste lha mo rnams ni rol pa'i stabs kyis gnas pa'o/ /gsung gi dkyil 'khor gyi stegs bu la 'dod pa'i lha mo rnams so//de yang shar gyi stegs bu la sgo'i g.yas su dbye bar 'dod ma sgrol ma lta bu dang / gos 'dod ma reg bya rdo rje ma lta bu dang / lus 'khrug par 'dod ma tsa muN+Di lta bu dang / mchil ma 'dor bar 'dod ma lta bu khyab 'jug ma lta bu dang /skrod par 'dod ma shin tu stobs ma lta bu ste/ sgo'i g.yon du kun du gdung bar 'dod ma shin tu sngon mo lta bu dang / reg bya 'dod ma rdo rje lcags sgrog lta bu dang / yan lag thams cad bskyod par 'dod ma khyi gdong ma lta bu dang / lhag ma za bar 'dod ma khwa gdong ma lta bu dang /sgo'i g.yas su bskyod par 'dod ma gos dkar mo lta bu dang / zas 'dod ma ro rdo rje ma lta bu dang / lus kyi dri ma 'dod ma phag gdong ma lta bu dang / gar 'dod ma gzhon nu ma lta bu dang / skem par 'dod ma rmugs byed ma lta bu ste/ g.yon du 'gugs par 'dod ma khro gnyer can lta bu dang /rgyug par 'dod ma drag can ma lta bu dang / bshang gci zag par 'dod ma phag gdong ma lta bu dang / g.yul ngo 'dod ma bya rgod gdong ma lta bu'o/ /nub kyi sgo'i g.yas su rengs par 'dod ma spyan ma lta bu dang / dri 'dod ma dri rdo rje ma lta bu dang / mal stan la snyes par 'dod ma dbang mo lta bu dang /chu la rkyal bar 'dod ma tshangs ma lta bu dang / gnyen 'dod ma rengs byed ma lta bu'o/ /g.yon du 'khrig pa 'dod ma chos dbyings rdo rje ma lta bu dang / phur bus 'debs par 'dod ma 'od zer ma lta bu dang / slu 'dod ma ce spyang gdong ma lta bu dang / sbrul 'ching bar 'dod ma mkha' lding gdong ma lta bu dang /byang gi sgo'i g.yas su rgyas 'dod ma mA ma kI lta bu dang / rgyan 'dod ma gzugs rdo rje ma lta bu dang / mal stan 'dod ma drag mo lta bu dang / rgyal srid 'dod ma dpal mo lta bu dang / 'jam par smra 'dod ma khengs byed ma lta bu ste/ g.yon du rol mo 'dod ma sgra rdo rje ma lta bu dang / 'chi bar 'dod ma tsun+da lta bu dang / rtsod pa mang po 'dod ma stag gdong ma lta bu dang / byis pa bsdigs par 'dod pa 'ug gdong ma lta bu'o/ /lha mo sum cu rtsa drug po 'di rnams bsgom par bya ste/ gang yang gsod par 'dod ma ni rdo rje dbyings kyi dbang phyug mas bskyed pa dang /bskyed par 'dod ma ni sna tshogs yum gyis bskyed pa'o zhes gsungs pa'i 'dod ma gnyis po de dag ni ji ltar rigs par 'dod ma gzhan dag la 'du ba'i phyir tha dad du bsgom par bya ba ma yin no/ /gzhan yang gang dang gang 'dod pa de thams cad ni 'dod ma sum cu rtsa drug po 'di dag la ji ltar rigs par bsdu bar bya'o zhes pa'i bsam pa kho na'o//bsdu bar bya ba rnams nye bar mtshon par byed pa la gzhan de dag 'dod ma gcig ste/ de ltar na 'dod ma sum cu rtsa bdun zhes gsungs so/ /de nyid kyi phyir dri ma med pa'i 'od las/gzhan yang gang cung zad sems can rnams kyis bya bar 'dod pa de thams cad ni 'dir rnal 'byor ma rnams kyi bya ba khams kyi dbang gis so zhes gsungs so/ /de bas na rdul tshon gyi dkyil 'khor la lha sum cu rtsa drug gi sa bon dgod par bya bar bshad de/ 'on kyang phur bus 'debs par 'dod ma'i sa bon saH zhes pa ni shar sgo'i g.yon du dgod par gsungs/ slu 'dod ma'i sa bon kaH zhes pa ni lho sgo'i g.yon du'o/ /sbrul 'ching bar 'dod pa'i sa bon laH zhes pa ni byang sgo'i g.yon du ste/ de ltar 'dod ma'i lha mo bsgom pa ni ma yin no//gang yang dri ma med pa'i 'od las 'dod ma sum cu rtsa bdun ni gsung gi dkyil 'khor la rang rang gi rigs kyi dbye bas rang rang gi rigs kyi phyogs su'o zhes gsungs pas/ 'di thams cad kyang nges par 'dod par rtogs par bya'o/ /de lta ma yin na mang du gsungs pa'i 'dod ma sum cu rtsa drug ces pa'i tshig rnams phan tshun 'gal bar 'gyur ro//'dod ma 'di rnams la zlog pa'i rang bzhin phyir 'dod ma sum cu rtsa drug ni sku'i dkyil 'khor gyi stegs bu rnams la snga ma bzhin du rang gi rigs kyi dbang gis rang rang gi phyogs rnams su'o/ /'khor lo'i dbang phyug la sogs pa'i de bzhin gshegs pa rnams las gzhan pa'i lha thams cad ni sna tshogs pa'i rin po che'i cod pan can no//'dir gang gi tshe bcom ldan 'das dus kyi 'khor lo rdo rje sems dpa'i ngo bor rnam par bzhugs pa de'i tshe mi bskyod pa ljang gu'i mdog can gyis rgyas btab pa'o//de bzhin du gang gi tshe sna tshogs yum mi bskyod pa'i rang bzhin yin pa de'i tshe mi bskyod pa sngon po'i gzugs can gyi rdo rje sems dpa' sngon pos so/ /de bzhin du sna tshogs ni rdo rje dbyings kyi dbang phyug ma'i rang bzhin te/ de ltar na ye shes dang rnam shes dag phan tshun rgyas btab par 'gyur ro//de skad du'ang dri ma med pa'i 'od las mchog gi rgyal ba'i bdag po ni ye shes kyi phung po yin la sna tshogs yum ni rnam par shes pa'i khams te rnam par shes pa ni nam mkha'i khams so zhes gsungs so/ /'dir ye shes ni stong pa nyid dang snying rje ro gcig pa mi 'gyur ba'i bde ba chen po'i ye shes te/gang gi tshe dus kyi 'khor lo rnam par shes pa'i phung po yin pa de'i tshe sna tshogs yum ni nam mkha'i khams rdo rje dbyings kyi dbang phyug ma'i rag bzhin no zhes bya ba'i don to/ /de nyid kyi phyir 'khyud par gyur pa rdo rje dbyings kyi dbang phyug ma ni sna tshogs yum zhes pa dang /rdo rje dbyings kyi dbang phyug ma dang lhan cig rnam par shes pa pad+ma'i snying po la bde ba chen po zhes gsungs so/ /don yod grub pa dang / rin chen dbang po dang / rnam par snang mdzad dang / snang ba mtha' yas rnams la ni mi bskyod pa ljang gus rgyas btab pa ste/yang don yod grub pa la rin chen dbang po dang / rin chen 'byung ldan la snang ba mtha' yas dang / de la rnam par snang mdzad dang / de la mi bskyod pa ljang gus so/ /shin tu bzang po dang / sgra rdo rje ma dang gnod mdzes rgyal po dang shin tu sngon mo dang sngon mo dang drag mo dang rmugs byed ma dang rnam par rgyal ba'i klu rnams ni mi bskyod pa sngon po'i gzugs can gyi rdo rje sems dpas rgyas btab pa ste/phyag na rdo rje dang chos dbyings rdo rje ma dang gtsug tor 'khor los sgyur ba dang / drag can ma dang khyab 'jug ma dang gshin rje dang rgyal ba'i klu rnams la mi bskyod pa ljang gus so//lha gzhan nag po rnams la don yod grub pa dang / dmar po rnams la rin chen 'byung ldan dang / ser po rnams la rnam par snang mdzad dang / dkar po rnams la snang ba mtha' yas kyis so/ /rgyas 'debs kyi de bzhin gshegs pa drug po 'di dag ni 'khor los sgyur ba'i gzugs sam/gtsug tor dang bcas shing snam sbyar 'dzin pa gnon la sogs pa'i phyag rgya dang ldan pa'o/ /bcom ldan 'das 'khor lo'i dbang phyug gi thugs ka'i sa bon ni hUM ste/ sngags gzhan ni rnam par rgyas pas 'jigs nas ma brjod do zhes pa/yang dag par bsdus pa'i rim pas dkyil 'khor gyi lha thams cad kyi sku mdog dang phyag mtshan dang phyag dang zhabs la sogs pa bsgom pa'i cho ga'o/ /de nas der rdul tshon gyi dkyil 'khor ram ras ris la sogs pa'i dkyil 'khor ram/yid kyi dkyil 'khor mngon sum du byas par ji ltar bshad pa'i mchod pa la sogs pa sngon du 'gro bas slob ma rab tu gnas pa bzhin du sku gzugs la sogs pa rab tu gnas pa yang bya'o/ /de la dkyil 'khor gzhan du yang sngar bshad pa'i cho gas dang por bum pa lhag par gnas pa dang dgod pa byas nas sku gzugs la sogs pa stong pa nyid kyi rjes la sa bon la sogs pa las rdzogs pa'am/skad cig gis kyang rung ste dam tshig sems dpa'i ngo bo thugs ka'i sa bon dang bcas pa bsams la gos gsar pa dmar po la sogs pas g.yogs shing me tog dang ldan par bya'o//de nas 'di'i me tog gi phreng ba blangs te sbyin pa'i bdag po dang sku gzugs la sogs pa lhan cig slob ma bzhin du rdul tshon gyi dkyil 'khor la sogs pa gang yang rung ba'i dkyil 'khor du bzhugs par bya'o/ /slob dpon gyis kyang sku gzugs la sogs pa lhag pa'i lha'i mtshan ma 'am de'i rigs kyi bdag po'i mtshan ma la me tog 'bul du gzhug go//de nas dkyil 'khor gyi khang pa'i phyi rol du shar gyi phyogs sam/ der skabs med na dbang ldan du ha cang mi ring zhing yid du 'ong ba'i gnas su khrus kyi stegs bu 'od zer dang bcas pa'i dkyil 'khor gyi phyed kyi tshad dang ldan pa/de'i phyed du mtho ba/ sa sel la sogs pa'i nyes pa dang bral ba'i las byas pa'am/ so phag la sogs pa las byas pa 'am/ de med na ji ltar rnyed pa 'am ji ltar gnas pa'i gzhir yang rung ste 'bras btags pa'i khu ba la sogs pas bris pa'i stegs bu phyogs dang mtshams su bum pa brgyad gzhag pa shin tu 'jam pa/bdud rtsi dang bcas pa'i ba'i rnam pa lnga la sogs pas byugs pa/ bla re dang gdugs dkar po dang rgyal mtshan dang ba dan dang bum pa gang ba/ me tog dang gar dang glu dang rol mo la sogs pas sam ji ltar rnyed pas kyang rung yid du 'ong ba byas nas/tshes dang gza' rgyu skar dang yud tsam la sogs pa bzang po la khrus byas shing do shal dang rkang gdub dang dpung rgyan dang rna rgyan dang gdu bu dang sor gdub la sogs pas brgyan pa 'am ji ltar rnyed pas brgyan pa'i slob dpon rdo rje sems dpa'i sku rig ma dang bcas pas/stegs bu'i dbus su sgo nub tu bstan pa'i re khA gru bzhi pa cig gis bskor ba'i sna tshogs chu skyes rdul tshon nam/ 'bras btags pa'i khu ba la sogs pas bri bar bya ste/ yang na rim pa gnyis pa gru bzhi pa rta babs med pa'o//shar la sogs pa'i snam bu rnams la 'khor lo dang rin po che dang pad+ma dang ral gri rnams dang / mtshams rnams su spyan dang rdo rje dang pad+ma dang ut+pal rnams te dbus su sna tshogs chu skyes 'dab ma brgyad pa'o/ /de'i steng du pad+ma 'dab brgyad bris pa'i shing stan nam zla ba'i dkyil 'khor bris pa'i ras la sogs pas g.yogs pa'i seng ge'i khri la khrus kyi dkyil 'khor gyi pad+ma'i lte pa'i steng du 'jog par mos pa la sogs pas bzhag nas sam/khrus kyi dkyil 'khor med par yang de bzhin nyid de/ gzhan du yang shing stan la sogs par sgom pa'i dkyil 'khor la sku gzugs dang ras ris dang glegs bam dang mchod rten la sogs pa shar du mngon par phyogs pa'am/gzhan du mngon par phyogs par yang gzhag par bya'o/ /gang yang gnas gzhan du bskyod par mi nus pa'i gtsug lag khang dang mchod rten dang dri'i gtsang khang dang sku gzugs la sogs pa de dag ni snga ma bzhin du dam tshig sems dpa'i gzugs su bsgoms la dkyil 'khor brtan par mos par bya ste/de dag la khrus kyi stegs bu ni dgod pa med do/ /gnyis ka la yang skyon med pa'i dus su sku gzugs la sogs pa mngon du byas te/de la mngon du phyogs pas mchod yon la sogs pa dbul pa sngon du 'gro bas sam/ mchod yon la sogs pa ma phul yang rung ste sbyang bar bya'o/ /de yang oM AH big+h+nAn+t+ra kr-ita hUM zhes pa 'khyil pa'i sngags dang hUM yig lan bdun bzlas pa'i don grub g.yas pa dang cig shos kyi khu tshur gyis gzung nas re re zhing g.yon skor du lan gnyis su sar+b+ba pA paM da ha na badzra satwa s+ya sar+b+ba pA pa da ha swA hA/zhes brjod cing bya bas la don grub mer dor te g.yas skor gyis kyang de bzhin te/ de ltar g.yon dang g.yas su chu yis kyang bya zhing / de bzhin du kham phor dkar po rnams dang /de bzhin du dUr ba'i myu gu dang bcas pa'i ba lci'i chang bu rnams dang / de bzhin du mar me dang bcas pa'i zan gyi chang bu rnams dang / de bzhin du seng ras rnams kyis kyang ste 'on kyang kham phor la sogs mer dor ba ni ma yin no/ /de la la la dag gis sku gzugs la sogs pa la nye reg bya zhing 'khor lo'i dbang phyug gi sngags kyis sku gzugs la sogs pa ji ltar rigs par dngos su'am me long la gzugs brnyan shar ba'i thugs kar dri'i byug pa dang /dbul me tog gi phreng ba bcing ba dang mdun du mchod yon dbul ba byas nas mar mes yongs su bskor te 'khyil pa dang hUM yig lan bdun bzlas pa'i mar dang bcas pa'i spos dkar gyis bdug par bya'o zhes pa sbyang ba'i cho ga'o//de'i rjes la 'khyil pa bzlas pa'i dUr ba'i chun pos zangs kyi snod na gnas pa'i zho dang 'o ma dang mar dang sbrang rtsi dang ka ra bsres pa'i ngo bo bdud rtsi lnga dang de'i rjes la ba'i 'o ma dang zho dang mar dang lci ba dang chu ste ba'i rnam pa lngas sku gzugs la sogs pa bkru bar rigs pa rnams la/oM hUM trAM hrIH aH zhes pa'i sngags kyis byug par bya'o/ /ras bris dang glegs bam dang sa la sogs pa las byas pa 'am/bris pa'i sku gzugs la sogs pa ni me long la gzugs brnyan shar ba la'o/ /de nas 'khyil pa bzlas pa'i chu gtsang ma dri zhim pos bkrus nas 'khar ba'i snod du gzhag pa'i n+ya gro d+ha dang / u dum+bA ra dang / p+lak+Sha dang / pisba la dang / gan+d+ha muN+Da ste shing lnga'i shun pa'i phye mas rnam par mnyes la/oM sarba ta thA ga ta kA ya bi sho d+ha ne swA hA zhes pa'i sngags zlos shing 'khar gzhong na gnas pa'i dri zhim po'i til mar gyis byugs la mnyes te 'khar gzhong na gnas pa'i skyu ru ras byug par bya'o/ /de ltar bkrus nas 'khar gzhong na gnas pa'i yung bas byugs te bkrus la shri khaN+Da dang tsan+dan dmar po dang gur gum dang /gran+thi ka dang / a ka ru rnams sam/ gur gum dang / a ka ru dang / gla tsi dang / ga bur la sogs pa ji ltar rnyed pas kyang rung bas byugs nas/ snying ga'i sa bon gyi 'od zer gyis bkug pa'i de bzhin gshegs pa dang lha mo rnams kyi bum pas 'khrud bzhin pa dang bkra shis kyi glu dang sna tshogs pa'i rol mo sngon du 'gro bas rnam par rgyal ba la sogs pa bum pa'i chu dang /dung chos sam gzhan du blugs pa rnams kyis/ ji ltar bltams pa tsam gyis ni/ /zhes pa la sogs pa 'chad par 'gyur ba brjod cing sku khrus gsol bar bya'o//de la gos pa'i chu na bza' 'jam pos phyis nas ji ltar nus pa'i na bza' la sogs pas brgyan par bya'o/ /de nas snying ga'i sngags kyi 'od zer gyis rab tu gnas par bya ba'i ye shes sems dpa' dang sangs rgyas dang byang chub sems dpa' la sogs pa'i lha rnams mdun gyi nam mkhar spyan drangs la/mchod yon la sogs pa sngon du 'gro bas pus mo g.yas pa sa la btsugs nas/ g.yon pas dril bu dkrol zhing g.yas pas spos phor gzung ste/ lce hUM las skyes pa'i rdo rjer byas la/bcom ldan che ge rdo rje mchog /rig pa'i rgyal po khyod la 'dud/ /slob ma rnams la brtse don dang / /khyed rnams la yang mchod pa'i phyir/ /sems can bsod nams spel don du/ /byang chub sems ni bskyed pa'i phyir/ /mgon po thugs rje'i bdag nyid can/ / khyed kyi rab gnas bgyid par 'tshal/ /de phyir bcom ldan bdag gus la/ /bka' drin gnang bar mdzad pa'i rigs/ /sangs rgyas 'gro 'khor bya don brtson/ /'bras gnas byang chub sems dpa' dang / /sngags kyi lha gzhan gang lags dang / /lha dang 'jig rten skyong ba dang //'byung po byang chub brten gnas dang / /sems can bstan la mngon dga' ba/ /gang gzhan rdo rje'i spyan ldan rnams/ /bdag la yang dag dgongs su gsol/ /rdo rje can chen che ge dag /che ge'i rab tu gnas pa'o/ /bgyi'o de phyir khyed rnams kyis/ /nye bar gnas par mdzad par rigs//zhes lan gsum brjod par bya'o/ /de ltar 'dir rigs zhes pa'i bar gyis rab gnas pa'i don du lhag par gnas pa dang / lhag ma rnams kyis ni nye bar gnas par gsol ba btab nas/ nam mkhar gnas pa'i lha'i 'khor lo yang dag par mchod de phyag 'tshal zhing bstod la/ oM badzra pu na rA ga ma nA ya muHzhes pas gshegs su gsol bar bya'o//khrus byas pa'i sku gzugs la sogs pa'i thugs ka dang spyi bo dang mgrin pa dang phyag dang spyi gtsug rnams su yang dag par byugs nas mchod la 'khyil pa'i sngags kyis rdo rje dang bcas pa'i lag pa g.yas pas lan gsum reg cing ji ltar rigs par rang nyid kyi sngags sam 'khyil pa'i sngags bzla bar bya ste/phyogs kyi gtor ma yang dbul lo/ /gang du lha lhag par gnas pa ma byas par rab tu gnas par byed pa la ni lhag par mos pa brtan par bya'o/ /des na lhag par gnas pa ma byas pa nyid lhag par gnas pa'i don du brjod de/rab tu gnas pa'i don du 'chad par 'gyur ba'i cho ga thams cad nyi ma gcig la bya'o/ /'on kyang sbyang ba la sogs pa mthun pa'i cho ga rnams ni lan cig kho na bya'i slar yang ma yin no/ /de la yang sbyin pa'i bdag po la nus pa yod na ni bsod nams kyi tshogs nye bar bsags pa'i don du lhag par gnas pa bya ba nyid do zhes pa lha lhag par gnas pa'i cho ga'o// //de'i rjes su snga bar de bzhin du khrus kyi stegs bu yid du 'od ba byed du bcug nas yud tsam la sogs pa bzang po la/ /de ltar rgyan dang ldan pa'i slob dpon rdo rje 'chang gi ngo bo shes rab dang bcas pa 'dug ste/gtor ma dang mchod pa sngon du 'gro bas/ sku gzugs la sogs pa de ltar gzhag pa dang / lha khang la sogs pa ji ltar gnas pa rnams dam tshig sems dpa'i gzugs su bskyed par bya'o/ /de yang rgyud dang mngon par rtogs pa dang sgrub thabs la sogs pa lha'i khyad par bskyed pa'i rim pa rigs pas lha'i khyad par so sor byas pa gang yin pa de stong pa nyid kyi rjes la rim pa ji lta ba bzhin nam cig car yang rung ste/ji lta bu'i dam tshig sems dpa'i gzugs su bsgom par bya'o/ / glegs bam rnams ni yi ge'i tshogs ma lus pa stod pa nyid kyi rjes su pad+ma dmar po dang nyi ma la hrIH dmar po las byung ba'i chu skyes dang hrIH yig yongs su gyur pa las gos dkar mos 'khyud pa'i snang ba mtha' yas te/ de yongs su gyur ba las yang dag par byung ba'i yi ge'i rnam pa rnams snang ba mtha' yas kyi gzugs brnyan shar ba'i dam tshig sems dpar gnas pa'o zhes bsam bar bya'o//mar me mdzad dang gtsug lag khang la sogs pa rnams ni stong pa nyid kyi rjes su pad+ma dang zla ba la b+hUM dkar po las skyes pa'i 'khor lo rtsibs brgyad pa dang / b+hUM las byung ba'i rnam par snang mdzad spyan mas 'khyud pa las mar me mdzad kyi rnam pa'am gtsug lag khang gi gzugs sam/dri'i gtsang khang gi gzugs sam/ mchod rten gyi gzugs su'o/ /'on kyang gtsug lag khang ni rnam par snang mdzad shes rab dang bcas pa'i gzugs brnyan shar ba'i dam tshig sems dpa'i gzugs su gnas pa ste/de bzhin du dri'i gtsang khang dang mchod rten yang bsgom par bya'o/ /de ltar dam tshig sems dpa' bskyed nas mchod yon la sogs pa dbul ba sngon du 'gro bas snga ma bzhin du sbyang bar bya'o/ /de nas de ma thag tu brjod pa'i cho gas bdud rtsi lngas byug pa la sogs pa dang gur gum la sogs pas byug pa dang bkru ba dang gos pa'i chu phyi ba'i mthar thug pa rnams byas nas dkyil 'khor gyi khang bar gzhug cing dkyil 'khor gyi dbang ldan gyi mtshams sam der skabs med na gzhan du yang rung ste/ha cang yang mi ring bar dkyil 'khor la mngon du phyogs par sku gzugs la sogs pa gzhag par bya'o//gtsug lag khang la sogs pa bskyod par mi nus pa rnams ni rang gi gnas na gnas pa kho na'o/ /ji ltar rigs par de dag gi thugs ka'i sa bon dang mig la sogs pa dang sku la sogs pa rnams byin gyis brlab pa sgom pa sngon du 'gro bas rang gi snying ga'i sa bon gyi 'od zer rnams kyis bdag nyid ji lta ba'i ye shes sems dpa' spyan drangs ba la sogs pa de ma thag tu brjod pa rnams bya ste/bcom ldan zhes pa nas rigs zhes pa'i bar lan gsum brjod cing / ji ltar rigs par snying ga'am lha rnams kyi 'od zer gyis ye shes sems dpa' bkug nas rang nyid ji lta ba'i dam tshig sems dpa' la gzhug cing ro gcig tu byas te dbang du bya'o//de nas rang gi snying ga'i sa bon gyi 'od zer gyis phyogs bcu na bzhugs pa'i de bzhin gshegs pa dang spyan ma la sogs pa'i lha mo rnams mdun du nam mkhar spyan drangs te/ mchod nas sku gzugs la sogs la sogs pa dbang bskur ba'i don du/rdo rje can gyis sangs rgyas la/ /'gro ba bskyab pa'i ched du dbang / /ji ltar yon tan 'byung gnas stsal/ /de ltar 'di la stsal du gsol/ /zhes bya ba'i tshigs su bcad par gsol ba gdab par bya'o/ /de bzhin gshegs pa rnams kyang shes rab dang snyoms par zhugs pas chags pa chen pos zhu bar gyur nas/rang gi rnam par snang mdzad kyi lam nas zhugs te/ rdo rje'i lam nas phyung ba'i khu ba de rnams kyis sku gzugs la sogs pa kha nas pad+mar zhugs pa la dbang bskur nas slar yang zhal phyag la sogs pa'i gzugs kyis pad+ma las phyir phyung ba la nam mkha' kun nas gang bar bzhugs pa'i spyan ma la sogs pa'i rigs ma rnams dang lhan cig gdugs dang rgyal mtshan dang gar dang glu dang rol mo'i sgra dang me tog dang gur gum la sogs pa'i char 'bebs bzhin pa dang /phyag gis byang chub kyi sems kyi bdud rtsis gang ba'i bum pa dkar po cung zad yo bar bzung bas sku gzugs la sogs pa pad+ma nas phyir phyung ba de la dbang bskur bzhin pa dang /gzugs rdo rje ma la sogs pas/ bkra shis gang zhig ces pa la sogs pa'i bkra shis kyi glu rnams rnal 'byor ma rnams kyis len bzhin pa dang / bdag nyid kyis kyang de rnams len bzhin bas rnam par rgyal ba la sogs pa'i bum pa'i chu gcig tu bsdus pa dung chos su blugs pa'am/rim pa ji lta ba bzhin du re res kyang rung lag pas 'dab ma dang bcas pa'i rdo rje gzung ba'i rtse mo las 'bab pa'i byang chub kyi sems kyi bdud rtsi'i ngo bos/ /ji ltar ba ltams ba tsam gyis ni/de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol bgyi/ oM AH sar+b+ba ta thA ga ta a b+hi She ka sam ya shwi ye hUM swA hA/ oM badzra u da ka a b+hi Shiny+tsa hUM zhes brjod cing / bcom ldan 'das rdo rje sems dpa' nyid bla ma dam pa dkyil 'khor gyi gtso bo'i gzugs su 'khrur 'jug pa dang /khrus gsol bar brtan par mos pas dbang bskur bar bya'o zhes pa chu'i dbang ngo / /de bzhin gshegs pa lngas byin gyis brlabs pa'i rin po che dang ras la sogs pa las byas pa'i dbu rgyan/oM AH badzra a b+hi Shiny+tsa hUM zhes brjod cing dkyil 'khor gyi dbang po'i gzugs can rdo rje 'dzin pa bla ma nyid kyis bskon par mdzod ces brtan par mos par sku gzugs la sogs pa'i lha'i dbu la bskon par bya'o zhes pa cod pan gyi dbang ngo / /dpa' bo la ni oM hUM trAM hrIH AH zhes pa'i sngags kyis dpral bar dar dpyad bcing bar bya'o//sangs rgyas kun gyi rdo rje yi/ /dbang gis de ring khyod dbang bskur/ /'di de sangs rgyas thams cad nyid/ /rab tu grub phyir rdo rje zung / /zhes brjod cing rdo rje de bzhin du rdo rje sems dpa' nyid kyis gtod par lhag par mos pas gtad par bya'o//de yang sku gzugs la sogs pa'i lha rnams kyis bzung bar lhag par mos par bya ste/ rdo rje'i dbang ngo / /oM badzra a d+ha ba ti s+t+wAM a b+hi Shiny+tsA mi tiSha badzras ma ya s+t+waM/ zhes brjod cing de ltar lhag par mes pas dril bu gtad par bya ste/ de yang sku gzugs la sogs pa'i lha yis gzung bar mos par bya ba ni dril bu'i dbang ngo //oM badzra satwa twAM a b+hi Shiny+tsA mi badzra nA ma a b+hi She ka taHoM che ge mo badzra satwaM zhes brjod cing / de bzhin du rdo rje sems dpa' nyid sku gzugs la sogs pa la rang nyid ji lta ba bzhin du ming 'dogs par lhag par mos pas brjod par bya ste ming gi dbang ngo //sku gzugs la sogs pa'i rdo rje dang dril bur bcas pa'i phyag gis ye shes kyi phyag rgya la 'khyud pa'i tshul bya bar bsgoms la de ma thag tu brjod pa'i chu'i dbang gi cho gas mngon par dbang bskur te rang rang gi rigs kyi bdag pos spyi bor rgyas btab po//rigs mi shes pa rnams la mi bskyod pa'am rdo rje sems dpas rgyas gdab par bya ste/ de bzhin gshegs pa dang / byang chub sems dpa' dang / lha mo gzhan rnams ni de nyid du ye shes sems dpa'i ngo bor bcug nas/ oM su pra tiSh+Tha badzre swA hA/ zhes pa'i sngags kyis byin gyis brlab bo/ /gtsug lag khang dang mchod rten la ni oM hUM hrIHb+h+rUM khaM badzri b+ha wa dr-i D+ho tiSh+Tha b+h+rUM khaM zhes pa sngags kyis te/ glegs bam la ni oM su pra tiSh+Tha badzre swA hA/ oM hUM hrIHtrAM zhes bya ba'i sngags dag gis so zhes pa slob dpon gyi dbang ngo / /de'i rjes su sku gzugs la sogs pa dang rjes su mthun zhing sbyin pa'i bdag po bsod nams spel bar mngon par 'dod pa dang bstun nas/gser gyi thur mas dngul gyi kong bur gzhag pa'i mar dang sbrang rtsi bskus pas/ oM tsak+ShuH tsak+ShuH sa man+ta tsak+ShuH bi sho d+ha ne swA hA/ zhes brjod cing mig sman gyis sku gzugs kyi spyan dbye bar bya'o//glegs bam la sogs pa la ni lha rnams me long la bsgoms pa'i gzugs brnyan la ste zhi ba la sogs pa'i don du sbyin pa'i bdag po la gzigs pa mchog gi lha nyid du lhag par mos par bya'o/ /de nas oM badzra satwa AH zhes pa'i sngags kyis me long bstan par bya'o/ /mda' 'phang ba la sogs pa bsgom par bya ste thams cad rjes su gnas pa'o//de'i rjes su 'khor lo'i dbang po'i sku rdo rje 'dzin pa rang gi thugs ka'i sa bon gyi 'od zer rnams kyis rnam par snang mdzad la sogs pa'i de bzhin gshegs pa'i tshogs rig ma dang bcas pa rnam par snang mdzad kyi sgo nas bcug cing zhu bar gyur pas bde ba chen po nyams su myong nas/rdo rje pad+ma dag gis kha nas spros pa'i byang chub kyi sems kyi ngo bo sku gzugs la sogs pa'i lha rnams kyi zhal du rab tu 'bebs par bsam par bya'o zhes pa gsang ba'i dbang ngo / /de nas rdo rje 'dzin pa des gtang ba'i lha mo dang snyoms par zhugs pas sku gzugs la sogs pa'i lha rnams lhan cig skyes pa'i dga' ba'i rang bzhin du mos par bya'o zhes pa shes rab ye shes kyi dbang ngo //de'i rjes su rdo rje sems dpa' [(]das [,]des [)]rab tu bstan pa'i dbang bzhi pa'i rang bzhin gyis sku gzugs la sogs pa'i lha rnams bag chags dang bcas pa'i sgrib pa spangs pa'i bde ba chen po stong pa nyid dang snying rje ro gcig par mos par bya'o zhes pa dbang bzhi pa'o//de nas sku gzugs la sogs pa'i lha rnams la rang rang gi snying po'i sngags kyis na bza' la sogs pa dbul bar bya'o/ /yang na oM AH badzra bA sa se hUM swA hA/oM AH badzra push+pai hUM swA hA/ A+oM AH badzra d+hU pe hUM swA hA/ oM AH badzra d+hi pe hUM swA hA/ oM AH badzra nai bi t+ye hUM swA hA/ oM AH badzra gan+d+ha hUM swA hA/ oM sarba A ba ra Na bi b+h+ya Sha Ne hUM swA hA/ zhes pa'i sngags 'di rnams kyis so/ /oM AH sarba sha sho d+ha nai hUM phaT/ 'bras bu dang me tog la sogs pa dang dngos po sna tshogs pa gsang ba'i sngags so//oM badzraM swA hA 'bras bu dbul ba'i sngags so/ /de'i rjes su 'chad par 'gyur ba'i cho gas zhi ba'i sbyin sreg gis tshim par byas nas sbyin sreg gi thab kyi me 'am/ de med na yang me gzhan la yang tsA ru'i bza' ba bsgrub par bya'o//phyi nas 'o thug dang dam tshig gi rdzas dang gi wang yang dbul te/ oM di bya ag+ne sa mA d+hi d+h+ye na pri Na ne swA hA/ zhes pa'i sngags brjod cing sku gzugs dang glegs bam la sogs pa la bsgoms pa'i gzugs brnyan shar ba'i lha rnams gsol du gzhug par bya'o/ / de nas zhal bsil dang tsan+dan la sogs pa'i phye ma dang so rtsi rnams kyang phul nas/ oM hUM trAM hr-IH AH zhes pas dam tshig bsgrag par bya'o/ /de nas snang ba mtha' yas shes rab dang bcas pa/ glegs bam gyi yi ge rnams la bcug nas yi ge'i gzugs dang / rnam par snang mdzad rig ma dang bcas pa gtsug lag khang ngam mchod rten rnams la bcug nas gtsug lag khang gi gzugs ni rdzogs pa'i sangs rgyas dang de'i chos dang /byang chub sems dpa' dang / nyan thos la sogs pa'i rten dang / ting nge 'dzin sna tshogs pa'i gzhi dang / mchod rten gyi phyi gzugs ni 'khor ba ji srid du 'gro ba'i don bya ba'i phyir rdo rje sems dpa' la sogs pas byin gyis brlabs par bsam par bya'o//de nas me tog la sogs pa phul te thal mo sbyar nas/ ji ltar rdzogs pa'i sangs rgyas kun/ /dga' ldan du ni rab bzhugs nas/ /lha mo sgyu 'phrul lhums zhugs ltar//de bzhin sku gzugs 'dir bzhugs mdzod/ /'dir ni mgon po rtag bzhugs nas/ /me tog la sogs mchod pa 'di/ /byang chub sems ni rnam spel phyir/ /che ge'i don du bzhes su gsol/ /zhes pa 'dis yun ring du gnas pa'i don du gsol ba btab nas 'khyil ba'i sngags bzlas shing sku gzugs la sogs pa'i 'og dang bar dang steng gi cha rnams la lag pa g.yas pas rdo rje gsor ba lan gsum bskor nas brtan par bya ste/mi bskyod rdo rje ye shes che/ /rdo rje dbyings ni mkhas chen po/ /rdo rje gsum mchog dkyil 'khor gsum/ /rdo rje dbyings khyod phyag 'tshal lo//rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi mchog/ /ston pa rdo rje khyod phyag 'tshal/ /rin chen rgyal po rab tu zab/ /rdo rje nam mkha' dri med mkha'/ /rang bzhin dag pa gos pa med/ /rdo rje sku khyod phyag 'tshal lo//rdo rje dpag med rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje'i gsung khyod phyag 'tshal lo/ /don yod rdo rje rdzogs sangs rgyas/ /bsam pa thams cad yongs rdzogs mdzad/ /dag pa ngo bo nyid las byung / /rdo rje sems dpa' khyod phyag 'tshal//zhes bya ba'i tshigs su bcad pa rnams kyis bstod pa bya'o/ /cho ga ma tshang ba la sogs pa'i nyes pa zhi bar bya ba'i don du/ oM badzra sa twa sa ma ya ma nu pA la ya zhes pa la sogs pa'i yi ge brgya pa'i sngags lan gsum brjod nas/ ma rnyed yongs su ma shes dang / / ma nus pa yis chad pa dang / /gzhan yang nongs pa gang bgyis pa/ /de kun thugs rjes bzod mdzad rigs/ /zhes pas bzod par gsol te/ /rdzogs sangs rgyas dang lha mo dang / /de sras rnams dang tshangs la sogs/ /lha klu rnams kyi cho ga gang / /ma tshang la sogs bzod mdzad rigs//me chu sa dang rlung rnams dang / /sku gzugs yun ring bsrung du gsol/ /sbyin bdag rnams dang de sras sogs/ /slob ma rnams dang bdag la yang / /de rnams mnyes nas thams cad du/ /zhi rgyas bde legs mdzad du gsol/ /sangs rgyas yul du gshegs nas kyang //slar yang 'byon par mdzad du gsol/ /zhes pas lan gsum gsol ba gdab cing phyogs kyi gtor ma rnams dang / 'byung po thams cad pa'i gtor ma yang dbul bar bya'o/ /sbyin pa'i bdag pos kyang sku gzugs la sogs pa la bskor ba dang mchod pa dang phyag byas nas/slob dpon yang dag pa'i yon rnams kyis yongs su mnyes par bya'o/ /'dir ni snang ba mtha' yas gtso bo'i dkyil 'khor du glegs bam rab tu gnas par bya ste/ rnam par snang mdzad gtso bo la ni gtsug lag khang la sogs pa'o/ /mi bskyod pa gtso bo 'am rdo rje sems dpa' gtso bo la ni sku gzugs thams cad dang rigs mi shes pa rnams kyang rab tu gnas par bya'o//yang na lha gang gi rigs gang yin pa shes na ni/ rigs de'i de bzhin gshegs pa gtso bo'i dkyil 'khor du'o/ /'ga' zhig tu ni sku gang rab tu gnas bya bar/ /rgyud gang las ni rnam gzhag pa//der ni de yi dkyil 'khor bya/ /yang na rang gi lhag pa'i lha/ /slob dpon rang gi gang yin pa/ /de la dbye ba mthong bar bya/ /zhes so/ /'dir de yi zhes pa ni sku gzugs kyi ste de nyid dkyil 'khor gyi bdag po nyid kyis so/ /rang gi lhag pa'i lha ni sku de'i rigs kyi bdag po de bzhin gshegs pa ste 'dir ni de'i dkyil 'khor bya'o//yang na slob dpon rang gis ni bdag nyid kyi dkyil 'khor bya ste 'dis gang bsgom pa de nyid 'di'o zhes pa phyogs gsum du brjod do/ /'dis ni rgyud gzhan gang yang rung bar gsungs pa'i cho ga de lta bu'i dkyil 'khor du yang / rgyud gzhan du gsungs pa'i lha rnams kyi rab tu gnas pa rigs te/ji ltar gsungs pa'i gtso bo'i dkyil 'khor nyid kyis de'i rigs kyi dkyil 'khor rnams bsdus pa'i phyir ro/ /mdor bsdus pa rab tu gnas pa ni/ sku gzugs la sogs pa stong pa nyid kyi rjes su skad cig gis de dang de'i dam tshig sems dpa'i spyan dang sku la sogs pa byin gyis brlab pa bskyed nas/de la de'i ye shes sems dpa' rang gi snying ga'i sa bon gyi 'od zer gyis bkug pa bcug la/ rang gi snying ga'i sa bon gyi 'od zer gyis bkug pa'i de bzhin gshegs pa la sogs pas dbang bskur zhing rang gis kyang bum pa'i chus mngon par dbang bskur te mchod nas de'i sngags brgya rtsa brgyad bzlas par bya'o zhes pas/sku gzugs la sogs pa rab tu gnas par 'gyur ro/ /gang gi tshe de bzhin gshegs pa'i gdung la bkur sti'i khyad par bya bar 'dod na de'i tshe sgrub pa'i dus nyid du sku gzugs dbu 'am rgyab tu mchod rten gyi nang stong pa byas te/ grub na gro ga la gur kum dang gi wang dag gis/ na mo b+ha ga wa te shAkya mu na ye ta thA ga ta ya ar+ha te sa myak+saM bud+d+hA ya/ tad+ya thA/ oM mu ni mu ni mu hA mu na ye swA hA/ ye d+harmA he tu pra b+ha bA he tun+te ShAn+ta thA ga to h+ya ba data/ te ShAny+tsa yo ni ro d+ha e baM bA dI ma hA shra ma NaH/ zhes pa'i gzungs kyi khyad par bris nas de khrus byas pa'i gdung la dkris te/oM man+t+ra d+hA tu gar+b+hA ya swA hA/ zhes brjod cing stong par gzhug go/ /oM badzra d+hA tu gar+b+hA ya swA hA/ zhes brjod cing rdo rje'i dgag pas stong pa'i sgo bkag nas snga ma bzhin du rab tu gnas par bya'o/ /gzhan dag tu ni kye'i rdo rje dang bde mchog la sogs pa'i sku gzugs la yang 'dus pa'i dam tshig bskyed pa dang /ye shes pa'i dkyil 'khor gzhug pa dang mngon par dbang bskur ba byas pas rab tu gnas par 'gyur ba nyid de/ 'dus pa ni bla na med pa'i phyir ro/ /de'i rjes la de ma thag tu 'dus pa'i dam tshig pa dang ye shes pa'i dkyil 'khor gyi dbang phyug ni bde mchog la sogs pa'i gzugs su gsal bar bsgom par bya ste/de'i sku gzugs kyang de'i gzugs nyid du ci ltar 'gal zhes gsungs so/ /rig ma rab tu gnas pa ni slob dpon rdo rje 'chang gi gzugs sam/ rig ma bdag po'i gzugs su byas te rig ma la rig ma'i bdag po dang de'i ye shes sems dpa' gzhug pa la sogs pa cho ga ji lta ba bzhin du bsgom par bya'o//de bzhin du ji ltar rigs par bsgrub bya'i khyad par rnams kyang ngo / /de nas rig ma'i bdag po ni sngags rnams dang / bsgrub bya rnams ni rang gi ming la bcug nas rig ma'i spyi bo'i bu ga 'am kha nas bcug ste rdo rje'i lam nas phyung ba lha mo'i pad+mar zhugs pa la snying ga'i 'od zer gyis bkug pa'i de bzhin gshegs pa de ltar zhugs pa rnams kyis dbang bskur zhing phyir phyung ba rnams kyis phyir phyung ba rnams la dbang bskur ba'i tshe bum pa'i chus mngon par dbang bskur bar bya ste/yang dag par mchod nas rig ma'i bdag po'i snying po brgya rtsa brgyad bzlas par bya'o zhes pa rig ma rab tu gnas pa'i cho ga'o// //slob dpon rdo rje 'chang gi gzugs kyis lag pa g.yas pa'i sor mo rnams rdo rje rtse lnga pa'i ngo bor skad cig gis bsgom pa la aH yig las skyes pa'i nyi ma aH yig gis byin gyis brlabs pa dang /lag pa g.yon pa'i sor mo rnams pad+ma'i 'dab ma skad cig gis bsam pa la a yig las skyes pa'i zla ba des byin gyis brlabs par rnam par bsgoms nas/ de dag gi bar du gzung ba'i phreng thag gi skud pa dbus ma rdo rje sems dpa'i rang bzhin dang /phyogs dang phyogs bral gyi skud pa rnams phyag na pad+ma dang byams pa dang nam mkha'i mdzod dang kun du bzang po dang phyag na rdo rje dang 'jam dpal dang sgrib pa thams cad rnam par sel ba dang sa'i snying po rnams kyi rang bzhin dang / phreng rdog rnams rnam par snang mdzad la sogs pa'i de bzhin gshegs pa'i rang bzhin dang /mdo 'dzin ni stobs dang mi 'jigs pa la sogs pa'i chos kyi mchod rten gyi rang bzhin du skad cig gis lhag par mos nas snying ga'i sa bon gyi 'od zer gyis bkug pa'i rdo rje sems dpa' la sogs pa rnams rang nyid ji lta ba la bcug ste/ak+kha ru kA ra Na rU a so hi a man+ta bi sA ru ga Ni a/ a saM kha a lik+ka sirdza u tat+ta bi sA ru/ oM pa de pa de ma hA dz+nyA naM sarba bud+d+ha ma haM b+ha we hUM hUM ho ho a khaM swA hA/ zhes pa'i sngags kyis byin gyis brlab cing / bum pa'i chus mngon par dbang bskur nas mchod par bya'o zhes pa phreng ba rab tu gnas pa'o//mdor bsdus pa ni bgrang phreng gsung rdo rjer rnam par bsgoms nas ye shes sems dpa' dang gcig tu byas te/ de yongs su gyur pa las bgrang phreng gi rnam par bsams la bum pa'i chus mngon par dbang bskur zhing mchod nas gsung rdo rje'i snying po brgya rtsa brgyad bzlas so zhes pa/mdor bsdus pas bgrang phreng rab tu gnas pa'i cho ga'o// //da ni rdo rje mkha' 'gro'i rgyud las gsungs pa'i bgrang phreng gi cho ga bri bar bya ste/ zhi rgyas de bzhin dbang dang ni/ /mngon spyod dang ni las kun la/ /rdo rje 'dzin pas mnyam bshad pa/ /bo d+hi tsi ni rab tu bstan//shel dang nya phyis dag dang ni/ /mu tig dang ni khams kun skyes/ /de bzhin dung gi mi dag rnams/ /tshe dang lang tsho 'phel bar byed/ /gser dang de bzhin dngul dang ni/ /pad+ma'i sa bon de bzhin mchog /'di yi sbyor ba'i sngags kyis ni/ /dbang phyug lhag par 'gro bar 'gyur//gur gum la sogs dri bzangs dang / /khyad par du ni byi ru dang / /tsan+dan dmar po dag dang ni/ /de bzhin dmar po gzhan la yang / /sgrub pa po yis ril bu bya/ /sngags kyi rgyal po'i sbyor ba yis/ /dbang dang rjes su chags pa mchog /sgrub pa po la 'bras rab ster//ru trAk+Sha dang de bzhin du/ /lung tang sa bon mi rus te/ /'di yi bzlas pas drag po dang / /mngon spyod la ni 'bras rab ster/ /zhi ba la ni brgya phrag gcig /rgyas la de bzhin lhag pa brgyad/ /dbang la nyi shu rtsa lnga ste/ /sngags bsgrub pa la brgya phrag phyed/ /ril bu drug cu'i sbyor ba yi//drag po mngon spyod las la'o/ /sngags kyi nus pas 'grub 'gyur te/ /snying rje'i bdag nyid sngags pas so/ /ril bu thams cad dgra bcom ste/ /steng du mchod rten yongs su brtag /mchod rten chos kyi spang po'i phyir/ /chos kyi dbyings ni dbus su'o/ /dngos grub kun byed zhi ba la/ / gser gyi skud pas brgyu bar bya/ /yang na ras ba la skud pa ni/ /gzhon nu ma yis bkal bas so/ /bya rog sgro yi skud pa yis/ /bskrad pa'o bong bu rnams dang ni/ /de bzhin rnga mo'i skra yis kyang / /mkhas pa yis ni bskrad par bya/ /ma he'i skra yi skud pa yis/ /rnam par btang pa'o rta yi kyang / / dur khrod skra yi skud pa dang / /khyi yi spu ni bsres pa yis/ /ril bu brgyus nas yang dag par/ /khro ba'i las ni mnyam par spyad/ /las gang la ni skud pa gang / /bshad pa yang ni mdor bsdus pa'o/ /zhi ba dang ni rgyas pa dang / /dbang dang mngon spyod las la yang / /sor mo sogs la mnyam gzhag nas//mkhas pas rim pa ji bzhin bya/ /de bzhin mthe bong mnyam sbyar nas/ /thams cad 'gugs pa'i rang bzhin du/ /mnyam par gzhag ste gnas byas nas/ /'grub 'gyur 'di la the tshom med/ /zhes pa sna tshogs pa'i las kyi bgrang phreng gi cho ga'o// //legs par grub pa lha yi gnas dang spos khang dang //gtsug lag khang dang khang bzangs khang mig 'dun khang rnams/ /mnyam par bltas nas dam pa'i sgo yi dbus kyi rtser/ /rgyal mtshan rnams ni nges par rab tu gzugs par bya/ /gser dang nor bu nyi ma'i shel dang dngul dang ni/ /'jim pa mchog dang shing las byas pa nyid kyang ste//legs par gnas pa drang zhing brtan pa rab 'bar ba/ /cha gsum mnyam pa legs par dgod par bya/ /rgyal ba'i dbang po'i khang brtsegs rnams dang khang mig dang / /'dun khang rnams kyi tshad la sgo ni ring ba'i tshad/ /de phyed tshad ni spong khang rnams dang khang chen la//legs par 'jug ste rgyal la yang ni de bzhin nyid/ /rgyal mtshan ji snyed bum pa dang ni mtshungs pa ste/ /thub pa'i dbang po'i ye shes bdud rtsis gang ba nyid/ /bdud rtsi'i 'od can dam pa'i dkyil 'khor rang bzhin gyis/ /legs par bkrus nas gtsug lag khang gi lus su'o//de bslang ba ni b+h+rUM las byung ba'i mchod rten gzugs/ /rnam par bsams nas gdugs dang gos dang rgyan gyis brgyan/ /me tog gos dang skud pa lngas bcings bzlas bya ste/ /mnyam par gzugs bya rdo rje dang ni bcas pas so/ /shar du gnas pas rgyal ba'i dbang po'i gsang sngags dang //lho ru gnas pas rgyal mtshan rtse mo'i gsang sngags ni/ /nub tu gnas byas 'od dpag med pa'i gsang sngags dang / /byang nas kyang ni thub pa'i rgyan gyi yid kyis te/ /g.yas skor du ni kun nas rab tu bskor 'gro zhing / /me tog gos dang skud par byas pa'i lag pa yis//rab tu gnas bya me tog mchod yon 'bras sogs kyi/ /bum pas mngon par dbang bskur bya ste 'bad pas so/ /rol mo dang bcas dung dang zangs dung rnams kyi ni/ /sgra dang bcas shing bum pa rnams dang mnyam ldan pas/ /bud med rnams kyi bkra shis glu dbyangs dang //lhan cig pa yi rdo rje slob dpon rnams kyis so/ /rgyal ba rnam par snang mdzad kyi sngags ni/ /oM suk+Sh+me suk+Sh+me sa me sa ma ye shAn+te shAn+te/ dAn+te dAn+te/ a sa mA ro pe/ ni rA laM b+he ni rA ku le ni rbA ne/ ya sho ba ti/ ma hA te dze sarba bud+d+hA d+hiSh+ThA na a d+hiSh+Thi te swA hA/ shar nas lan nyi shu rtsa gcig go//rgyal mtshan rtse mo'i dpung rgyan gyi sngags chen po ni/ oM d+h+wa dza a gra ke yU ri dza ya dza ya/ bi dza ya bi dza ya/ dza ya bA hi ni/ shang+ka ri pra b+hany+dza ni/ b+hany+dza b+hany+dza/ mo ha ya mo ya/ b+ha ga wa ti dza ya bA hi ni/ dza yo ta ri/ ma tha ma tha/ pra ma tha pra ma tha/ ha sa ha sa/ gra sa gra sa/ hUM hUM/ hai hai/ lam+bo da ri/ dri ni dre/ tsa tur wA k+k+re/ tsa tu ra daMSh+Te/ tsa tur b+hu dze/ a si mu kha la tsakra tri shU la badzra ka ba tsa d+hA ri Ni/ rak+Sha rak+Sha mAM/ b+ha ga wa ti/ ha na ha na/ da ha da ha/ pa tsa pa tsa/ d+hu na d+hu na/ bi d+hu na bi d+hu na/ s+pho Ta ya s+pho Ta ya/ hUM hUM phaT/ d+hany+dza b+hany+dza/ bid+hAn+sa ya/ bid+h+wan+sa ya/ sarba sha trUM tru Ta tru Ta/ trU Ta trU Ta/ u pa ka mu khi/ ulka d+hA ri NI/ trai lo kya ma tha ni/ rak+Sha rak+Sha maM/ tsa la tsa la/ tsi li tsi li/ tsu lu tsu lu/ ka la ka la/ ki li ki li/ ku lu ku lu/ b+hany+dza b+hany+dza/ a Ta Da hA saM b+h+ra ma ya saM b+h+ra ma ya/ trA sha ya bu d+d+hA sa t+ya na d+harma sa t+ya na saM g+ha sa t+ya na/sa t+ya bA di naM/ sa t+ya na bud+d+ha sa t+yaM na mA ti kra ma sat+ya bA dI naM sat+ya mA ti kra ma lam+bo da ri/ ku Ta ku Ta/ ru Ta ya ku Ta ya/ ru Ta mA na ya/ biSh+Nu mA na ya tsan+d+ha sU R+Ya mA na ya trai lo kya a d+hi pa ti mA na ya/ sarba yak+Sha rak+Sha sa kuM b+hAN+Da ma ho ra ga a dI nAM ma na ya mAM/ rak+Sha rak+Sha/ rak+Sha sa ya rak+Sha sa ya/ tsu lu tsu lu puSh+pa mI li ni/ run+d+ha run+d+ha/ ru ni ru ni/ dz+ha Ti dz+ha Ti/ tsi Ti tsi Ti/ b+h+r-i ku Ti mu khi pa ra sai n+ye ku lo ts+tsha da na ka ri/ ha la ha la/ hi li hi li/ hu lu hu lu/ d+h+waM d+h+waM/ krU na ma ti dzam+bu d+h+wa dze bud+d+ha a pa lo ki ti/ rak+Sha rak+Sha saM sarba ta thA ga ta a ba lo ki te swA hA/gu Na rA dzi pra b+hA sa u t+ta me swA hA/ tsan+d+ra arka pi mi ne swA hA/ sarba gra ha na k+Sha tra d+hA mi ka ra Ni swA hA/ rak+Sha rak+Sha i maM s+tha naM sarba b+ha ye b+h+yaHswA hA/ lho nas lan cig go/ /'od dpag med kyi sngags kyi rgyal po ni/ oM a mi te a mi ta a mi to d+b+ha we/ a mi ta saM b+ha we a mi ta bi kra'+n+te gA mi ni a mi ta A yurd te d+harma d+hA tudz+nyA na ga ga na pa ri kIrta te sar+b+ba karma kle sha k+Sha yaM ka rI ye swA hA/nub nas lan bdun no/ /rdo rje snying po brgyan gyi gzungs kyi sngags ni/ oM bo d+hi bo d+hi sar+b+ba bo d+hi sar+b+ba ta thA ga ta go tsa ri d+ha ra tsa ri d+ha ra/ ha ra ha ra/ pra ha ra phra ha ra ma hA bo d+hi tsit+ta d+ha ra/tsu lu tsu lu rasmi sany+tso di te sarba ta thA ga ta a b+hi Shi k+te gu Na ga ga ne shud+d+ha/ gu Na a ba b+hA se mi li mi li/ ga ga na ta la pra tiSh+Thi te sha ma sha ma/ pra sha ma pra sha ma/ sarba pA pa pra sha ma ne sarba pA pa bi sho d+ha ni hu lu hu lu/ ma hA bo d+hi mA rga saM pras+thi te/ sarba ta thA ga ta mu dre swA hA/byang nas lan bdun no/ /oM sarba ta thA ga ta ma ni shap+ta dip+te dz+wA la dz+wA la d+harma d+hA tu gar+b+he swA hA/ ye d+harmA he tu pra b+ha bA he tun+te ShAn+ta thA ga to h+ye ba da ta/ te ShAny+tsa yo ni ro d+ha e baM bA dI ma hA shra ma NaH shar nyid nas so zhes pa rgyal mtshan gzugs pa'o/ / rdo rje a ba d+hu tI brtan pa'i yu bar gnas/ sum cu rtsa gnyis 'dab ma nges par 'ching byed pa/ /haM yig las skyes pad+ma rnam par dag pa'i gdugs/ /kun nas mdzes pa 'bar ba'i mtha' dang ldan pa nyid/ /dpal ldan chos kyi dbyings kyis mtshan zhing mdzes pa'i gzugs/ / rin chen dra ba phyed pa'i phreng ba skyes pas mdzes/ /sems kyi mthon po 'phrog par byed pa'i rgyal bas mtshan/ /gdugs la gnas zhes sbyor ba rig pa yin/ /oM na maHsaman+ta bud+d+ha bo d+hi satwA nAM A tsan+d+ra ts+tsha tra A ba li swA hA/ brgya dang rtsa brgyad bzlas par bya'o zhes pa gdugs kyi'o/ /ye shes me long chen po rab 'bar zhing //rdo rje'i bdag nyid mdzes pa'i yu bar gnas/ /ri rab pad+ma'i gdan dang seng ge la/ /sogs pa'i rgyal mtshan chen po dga' ba che/ /a ga ma ga sa yi sa bon las byung ba'i/ /gzhan gyis mi thub bum pa mkha' lding chu srin sogs/ /nya dang rma bya ri dwags nor bu seng ges mtshan//zla ba'i thig le pad+ma'i gzugs dang ldan pa nyid/ /oM AHbadzra d+h+wa dza ba ti tsa yo t+ta ri swA hA/ zhes pas te rgyal mtshan gyi'o/ /shes rab las byung dam pa'i grags dang yon tan mchog gi phun tshogs can/ /paM gyi sa bon las byung rnam pa sna tshogs ldan pa'i ba dan rnams//oM AHbadzra ke tu badzra pa tA ke a d+hi tiSh+Tha paM swA hA/ zhes pa ste ba dan gyi'o/ /dam pa'i gser dang rin po che dang mu tig 'bar ba sna tshogs pa'i/ /yu bar sgeg cing bkra shis chen po 'byung ba'i rnga yab rnams kyang ngo / /tsaM gyi sa bon las rnga yab rnams su ste/oM tsu ru tsA ma ri swA hA/ zhes pa ni rnga yab kyi'o/ /gtor ma sbyin sreg la sogs cho ga yis/ /rgyas pa'i yid kyis mtha' dag lha yi tshogs/ /grong khyer gnas sogs nor las skyes rnams kyis/ /mnyes par bya ste bsod nams don du'o/ /rgyal mtshan la sogs pa gzugs pa'i rab tu gnas pa'i cho ga'o// //sbyin pa'i bdag po la nus pa yod na chu'i 'gram du rnam par snang mdzad gtso bor gyur pa'i dkyil 'khor bzhengs pa ste 'khor lo'i dbang phyug gi rnal 'byor dang ldan pas rdzing la sogs pa'i phyogs su gtor ma btang nas chu stong par gyur par bsams la/ b+h+rUM las skyes pa'i 'khor lo dang b+h+rUM las rdzogs shing spyan ma dang snyoms par 'jug pa'i rnam par snang mdzad yongs su gyur pa las rdo rje chu lha dkar po mi'i gdong pa la gdengs ka bdun dang ldan pa/ phyag g.yon pa klu'i zhags pa 'dzin pa mdzes ma la 'khyud cing snyoms par zhugs pa/ g.yas pa 'gying ba dang bcas pas ut+pal sngon po 'dzin pa/ lte ba'i 'og nas sprul gyi rnam pa can gyi dam tshig sems dpa' rnam par bsgoms nas/ de la rang gi snying ga'i sa bon gyi 'od zer gyis spyan drangs pa'i rnam par snang mdzad la mchod yon la sogs pa dbul ba sngon du 'gro bas oM badzra sa ma ya s+t+waM zhes brjod pas rab tu bcug ste/mngon par dbang bskur ba la me tog la sogs pas yang dag par mchod cing de yongs su gyur pa'i gzugs brnyan dang ldan pas ye shes bdud rtsi'i rang bzhin dri bzang ba dang ro zhim pa dang yang ba dang dri ma med pa dang 'jam pa dang bsil ba dang mgrin pa dang lto ba la mi gnod pa ste yan lag brgyad dang ldan pa'i chu dbang chen gyi mthil la thug par klu rigs brgyad kyi gnas dang rlabs kyi phreng ba dang ldan par kun nas bsgom par bya'o//de la yang chu'i mthil du bzo byas pa'i klu brgyad 'chad par 'gyur ba'i gzugs can skad cig gis dam tshig sems dpa'i gzugs su byas pa snying ga'i sa bon gyi 'od zer gyis bkug pa'i ye shes sems dpa' dang dbyer med pa rnams gzhag par bya zhing /de yang ku mu da dang ut+pal dang pad+ma dang ldan pa'i rdzing ngam 'bab chu 'am khron pa la sogs pa rnams su ni/ de yi zabs su nyis 'gyur du ni bslang ba yi/ /zlum por gyur ba chu lha'i bdag nyid can gyi shing //gdengs ka bdun gyis mtshan pa'i rtse mo dang ldan pa/ /chu yi dbus su gzhag par bya ste shing chen po/ /phyogs dang phyogs bral rnams su yang naM klu rnams te/ /gdengs ka dgu dang ldan pa rnams ni rim pas so/ /shing gi dngos po med na dbus su shel las ni//legs par byas pa'i chu lha yi ni rgyal po ste/ /de yi chu ni dkar po'i mdog can zhim pa yi/ /ro dang ldan zhing bsil la dri ma med pa'o/ /de yi phyi rol shar du mtha' yas gser gyi ni/ /rang bzhin pad+ma'i mtshan ma spyi bor ldan pa ste/ /chu ni mig sman phye ma'i mdog can tshab dang //kha zhing dug dang mtshungs pa 'jigs su rung ba'o/ /lho ru ra gan mnyam pa'i rang bzhin pad+ma ni/ /dpal gyi be'u mtshan ma spyi bor ldan pa ste/ /de yi chu ni kun+da zla ba pad rtsa dang / /mtshungs shing mngar la kha ba dang yang ldan pa'o/ /nub tu zangs kyi rang bzhin 'jog po 'jigs rung ba//spyi bor dga' ba 'khyil pa dang ni ldan pa ste/ /de yi chu ni gur gum dang mtshungs bska ba dang / /tsha ba shin tu kha ba dang yang ldan pa'o/ /nor sbyin phyogs su dngul las sprul pa klu yi ni/ /mnga' bdag nor rgyas gdengs ka'i spyi bor ut+pal/ /sngon pos mtshan pa'o de yi chu ni ljang gu dang //ser po tsha zhing kha ba dang yang ldan pa'o/ /dbang ldan du ni zha nye dkar po las byas pa'i/ /pad+ma chen po spyi bor rtse gsum mtshan pa ste/ /de yi chu ni gser gyi 'od can rlabs med pa/ /zhim pa dang ni tsha zhing dro bar gyur pa'o/ /me yi mtshams su zha nye nag po las byung ba'i/ / klu dbang dung skyong spyi bor bkra shis kyis mtshan pa/ /chu ni gur gum yung ba dag dang mtshungs pa ste/ /dmar ba dang ni bska ba'i ro can tshim byed pa'o/ /bden bral du ni 'khar ba dag las byas pa yi/ /klu yi dbang po stobs kyi rgyu ni mgrin pa la/ /ri mo rnam pa gsum gyis gyen du mtshan pa ste//chu ni dkar po zhim zhing bsil la dga' ba'o/ /rlung gi phyogs su lcags las sprul pa'i rigs ldan che/ /mgrin par zla ba'i cha shas rnams kyis mtshan pa ste/ /chu ni dmar zhing ser po'i mdog can ro mngar zhing / /bska ba dang ldan bsil zhing dri ma med pa'o/ /chu ni kha dog dbye ba dag dang ro yi ni//dbye ba'i khyad par rtags las rjes su shes bya ste/ /klu rnams kyi ni rigs rnams dag dang gnas rnams la/ /kun nas bya ba'i don rnams yang dag 'grub pa'o/ /gang yang thang sogs gnas rnams la ni dbang byed pa/ /klu yi mnga' bdag rnams ni ji ltar 'dod bzhin gsungs//zhing rnams su ni chu mig la gnas mtha' yas te/ /lha yi gnas la klu yi rgyal po nor rgyas so/ /sangs rgyas gnas kyi rdzing dang rdzing bur dga' bo dang / /nyer dga' bo ste yur ba yi ni chu rnams la/ /ri yi rtse dang ri shod rnams su dung skyong ste/ /stobs kyi rgyu ni rgya mtsho rnams dang 'bab chu la'o//gling gi chu klung ldeng ka'i sa la rab gnas shing / /byas pa'i nags tshal dga' ba la gnas 'jog po'i dbang / /skyes tshal me tog rgyas pas dga' ba'i cha dang ni/ /mtsho rnams dang ni mtsho la klu rgyal nag po ste/ /pad+ma chen po chu skyes dum bu la shes bya/ / khron pa dang ni khron chu rnams la rigs ldan klu/ /chu mig mnyam pa'i chu yi ro yi khyad par la'o/ /klu rgyal pad+ma ut+pal nags tshal sogs la ste/ /'o ma mar dang ka ra rnams dang sbrang rtsi dang / /dngul chu chu rgyun rnams kyis yang dag mngon par mchod/ /dUr ba rnams dang kun+da dang ni til sogs kyis//chu yi 'gram du sbyin sreg la sogs bya ba nyid/ /bdud rtsi lnga rnams sbrang rtsi dang ni ldan pa dang / /'o ma mar gyi chang dang bral ba'i gtor ma sbyin/ /'di dag rnams kyi sngags rnams kyi ni cho ga yis/ /slob dpon dbang po rnams kyis mtha' yas yang dag 'phags/ / oM AH ba ru NA ya hUM swA hA/ oM AH a nan+tA ya swA hA/ oM AH pad+mA ya hUM swA hA/ oM AH tak+Sha kA ya hUM swA hA/ oM AH bA su ki ye hUM swA hA/ oM AH ma hA pad+mA ya hUM swA hA/ oM AH shaM kha pA lA ya hUM swA hA/ oM AH karko Ta kA ya hUM swA hA/ oM AH ku li kA ya hUM swA hA/ zhes pa snying po'i sngags rnams so//me tog dkar pos yang dag par mchod de/ lag pa g.yon pa gdengs ka'i tshul bya zhing / g.yas pa mchog sbyin gyi tshul du brkyang la/ oM A nan+ta bA su ki tak+Sha ka karko Ta ka/ pad+ma ma hA pad+ma shad+kha pA la ku li ka/ ba ru Na pA la de be ti ma hA de ba ti/so ma shi kha ma hA shi khi daN+Da d+ha ra ma hA daN+Da d+ha ra/ a pa lA la hu lu hu lu nan+to pa nan+ta/ sA ga ra ma hA sA ga ra a na tap+ta ma hA tap+ta/ shrI kan+ti ma hA kan+ti/ su rU pa ma hA su rU pa/ b+ha dra hi ka/ ma ho da ra/ si li ma hA si li A gats+tsha ta A gats+tsha ta ma hA nA ga a d+hi pa ta ye b+hu r+b+hu wa hUM phaT swA hA/zhes pa klu'i gtor ma'i sngags brjod cing 'o ma'i gtor ma byin gyis brlab par bya'o/ /de nas yun ring du gnas par bya ba'i don du gsol ba btab la/ yi ge brgya pa brjod nas bzod par gsol te byin gyis brlabs pa'i 'o ma'i gtor ma de rnams phyogs brgyad rnams su dbul zhing de'i phyi rol du'ang gtor bar bya'o//gzhon nu ma rnams kyang tshim par bya'o zhes pa rdzing dang chu mig dang khron pa rab tu gnas pa'i cho ga'o// //a mra'i skyed mos tshal la sogs pa'i rab tu gnas pa'i cho ga ni/ phyogs kyi gtor ma phul nas rnam par snang mdzad kyi bdag nyid kyis shing gi gtso bo stong pa nyid kyi rjes la rnam par snang mdzad kyi gzugs su bsams te/de las ye shes sems dpa' rnam par snang mdzad mchod yon la sogs pa sngon du 'gro bas gzhug cing / bum pa'i chus mngon par dbang bskur la de yongs su gyur pa'i shing de dang / de nyid kyi tshe shing gzhan rnams kyang de yongs su gyur par lhag par mos par bya'o//shing gi gtso bo de dang de dag la byin gyis brlabs pa'i lha'i me tog la sogs pas yang dag par mchod de/ 'bras bu la sogs pa rnams kyis gzhan gyi don byed pa'i skyed mos tshal la sogs pa yun ring du gnas par gsol ba btab nas phyogs kyi gtor ma rnams dbul bar bya'o zhes pa nags tshal la sogs pa rab tu gnas pa'i cho ga'o// //brjod pa'i cho ga 'di rnams thams cad la las gang la sngags ma brjod pa der ni las thams cad pa'i sngags bzlas so zhes yongs su bshad par bya'o/ /bcom ldan 'das kyis gang gsungs pa//gal te bde gshegs bstan pa la/ /dad pa'i rigs kyi bu yod na/ /dang por gsum la skyabs 'gro sbyin/ /phyi nas byang chub kyi ni sems/ /de nas bslab pa'i gnas lnga dang / /gso sbyong la sogs mnyam par ldan/ /mi dge bcu ni yongs spong ba/ / byin nas dge bsnyen du ni bya/ /'di'i sngon du 'gro ba brjod par bya ste/ de la dang por rim pa 'dis bla ma'i maN+Dal bya'o/ /oM baM badzra u da ke hUM swA hA/ zhes pas chu sbyang ba'o/ /ji ltar bltams pa tsam gyis ni/ /de bzhin gshegs kun khrus gsol ltar/ /lha yi chu ni dag pa yis/ / de bzhin bdag gis khrus gsol lo/ /oM sarba ta thA ga ta a b+hi She ka sa ma ya shri ye hUM/ 'dis khrus bya'o/ /oM hrIH swA hA/ lag pa dang rkang pa bkru ba dang zhabs bsil ba'i sngags so/ /na mo b+ha ga wa te puSh+pa ke tu rA dzA ya/ ta thA ga tA ya/ ad+ha te samyak+sa m+bu d+d+hA ya/ tad+ya thA/ oM puSh+pe puSh+pe ma hA puSh+pe su puSh+pe puSh+pa ud+b+ha we/ puSh+pa sam+b+ha we/ puSh+pa a wa kI r+Ne swA hA/ zhes pas me tog sbyang bar bya'o/ /oM badzra b+hU mi hUM phaT/ 'dis sa la chus mngon par gtor bar bya'o/ /oM badzra satwa sarba big+h+nA nut+pA ra ya hUM phaT/ 'dis sa sbyang bar bya'o/ /sbyin pa lci ba chu dang bcas pa tshul khrims yang dag byug pa yin//bzod pa grog sbur phra mo sel ba brtson 'grus bya ba legs gnas pa/ /bsam gtan 'phral du rtse gcig sems pa shes rab ri mo legs 'bar ba/ /pha rol phyin drug 'di rnams thub pa'i maN+Dal byas pas thob par 'gyur/ /bde gshegs pho brang mchog 'dir lus kyi las rnams byas pa yis//nad rnams kun las rnam par grol zhing gser gyi mdog tu 'gyur/ /lha mi khyad 'phags zla ba bzhin du gsal zhing mdzes pa dang / /nor dang gser sogs phun tshogs rgyal po'i rigs su skye bar 'gyur/ /zhes pas maN+Dal byed do/ /oM su re khe badzra khe/ a d+hi tiSh+Tha n+tu sarba ta thA ga tAH swA hA/'dis maN+Dal gyi dbus su pad+ma 'dab ma brgyad pa bri'o/ /oM tsaN+Da a rka bi ma le swA hA/ 'dis maN+Dal gyi dbus su me tog gcig dbul bar bya'o/ /oM AH hUM 'di yis sku dang gsung dang thugs byin gyis brlab pa lan gsum bya'o/ /oM ma Ni d+ha ri badzra Ni ma hA phra ti sA re rak+Sha rak+Sha maM hUM hUM phaT phaT swA hA/'dis me tog gcig spyi bor sbyin no/ /oM A sa na badzre hUM/ 'dis gdan la me tog gcig sbyin no/ /oM suM su me ra wa na maH 'dis maN+Dal gyi dbus su me tog gcig dbul lo/ /oM hUM ut+ta me ra we na maH oM hUM ma d+h+ye me ra we na maH oM haM a d+ho me ra we na maH 'dis ri rab kyi steng dang dbus dang 'og tu me tog dbul lo//oM yaM pUrba bi de ha ya na maH 'dis ri rab kyi shar du me tog dbul lo/ /oM raM dzam+bu dwi pA ya na maH lho ru'o/ /oM laM a pa ra go dA ni yA ya na maH nub tu'o/ /oM waM ut+ta ra ku ra we na maH byang du'o/ /oM yA u pa dwI pA ya na maH oM rAH u pa dwI pA ya na maH oM lAH u pa dwI pA ya na maH oM waM/u pa dwI pA ya na maH 'dis me la sogs pa'i zur rnams su me tog dbul lo/ /oM yaM ga dza rat+nA yan maH oM raM a shwo rat+nA yan maH oM laM pu ru Sha rat+nA yan maH oM waM s+t+rI rat+nA yan maHshar lus 'phags po la sogs pa'i nang du me tog dbul lo//oM yaH tsa kra rat+nA ya na maH oM yaH khaD+ga rat+nA ya na maH oM lAH ma Ni rat+nA ya na maH oM wAH sarba ni d+ha ne b+h+yo na maH me la sogs pa'i zur rnams kyi nang du me tog dbul lo/ /oM AH badzra gu ra we i daM badzra puSh+paM pra tI ts+tsha hUM swA hA/ 'dis ri rab kyi dbus kyi khang pa brtsegs pa'i nang sna tshogs chu skyes dang zla ba'i steng du bla ma rdo rje sems dpar bsams pa la me tog snyim pa gsum spyi bor dbul bar bya'o//oM AH badzra gu ra we badzra d+hU pe hUM oM AH badzra gu ra we badzra dI pa hUM/ oM AH badzra gur we badzra gan+d+he hUM/ oM AH badzra gur we badzra nai wi t+ya hUM/oM AH badzra gu ra we badzrA daR+sha na phA lA ya hUM/ rim pa 'di nyid kyis gzhan du yang gang cung zad de thams cad cho ga 'dis dbul bar bya'o/ /zhes so/ /slar yang me tog gi snyim pas phul te/ /sangs rgyas gtso la phyag 'tshal lo/ /skyob pa chos la phyag 'tshal lo/ /dge 'dun che la phyag 'tshal lo//gsum rnams la yang rtag phyag 'tshal/ /dkon mchog gsum la bdag skyabs 'chi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang tshogs mchog la//byang chub bar du skyabs su mchi/ /rang gzhan don ni rab bsgrub phyir/ /byang chub tu ni sems bskyed bgyi'o/ /byang chub mchog gi sems ni bskyed bgyis nas/ /sems can thams cad bdag gis mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'gyur bar shog//sdig pa thams cad bshags par bgyi/ /bsod nams la yang rjes yi rang / /byas nas bsnyen gnas spyad par bgyi/ /'phags pa'i yan lag brgyad gso sbyong / /zhes pa'i tshigs su bcad pa 'dis dkon mchog gsum gyi ngo bo bla ma la bstod pa bya'o//de nas/ bla ma byang chub sems rnams la/ /rin chen maN+Dal yongs rdzogs pas/ /dngos po thams cad dbul bgyi ste/ /'gro bas kun mkhyen thob phyed du'o/ /lcog brgyad ldan pa'i ri rab ni/ /gling dang nye gling mdzes pa dang / /rin chen brgyad dang yang dag ldan/ /bla med ster ba po la dbul//zhes pas dbul bar bya'o/ /gang gi bka' drin 'od kyis gsal byas bdag nyid kyi/ /de nyid rin chen 'od kyi tshogs kyis mun bcom ste/ /mig skyon med rnams rol bar bcas te steng du ni/ /lta gyur bla ma nyi ma de la phyag 'di bgyid/ /ces pas me tog rab tu gtor ste phyag 'tshal bar bya'o//zhes pa bla ma'i maN+Dal lo/ /de nas sbyin ba lci ba zhes pa'i tshigs su bcad pa brjod nas sngar gyi maN+Dal gsum bya ste/ de la rnam par snang mdzad dang rin chen 'byung ldan dang snang ba mtha' yas dang don yod grub pa rnams 'khor dang mi bskyod pa gtsor byas pa'i maN+Dal ni sangs rgyas kyi maN+Dal lo//bya ba dang spyod pa dang rnal 'byor dang rnal 'byor ma'i rgyud rnams 'khor dang / rnal 'byor bla na med pa'i rgyud gtso bor byas pa'i maN+Dal chos kyi'o/ /byams pa dang / nam mkha' mdzod dang / kun du bzang po dang / phyag na rdo rje dang / 'jam dbyangs dang sgrib pa rnam par sel ba dang sa'i snying po dang ye shes bla ma rnams 'khor dang /'jig rten dbang phyug gtsor byas pa ni dge 'dun gyi maN+Dal lo/ /maN+Dal gsum po 'di rnams su shar la sogs pa nas g.yas skor gyis te/ oM gyi yi ge dang po dang / na maH'i sgra mthar bcug nas so so rang rang gi mtshan brjod nas sngar gyi maN+Dal du me tog dbul bar bya'o//de ltar brjod pa'i rim pas maN+Dal bzhi po byas nas/ dad pas rigs kyi bu'am rigs kyi bu mo dge ba'i tshes dang gza' dang dus sbyor la sogs pa la/ gtsang zhing gtsang ba'i gos bgos te/ yid du 'ong ba rab tu ston pa de bzhin gshegs pa'i gzugs la mchod pa de'i mchog ji lta bar rnam par bsgoms la/me tog la sogs pa dbul ba sngon du 'gro bas dkon mchog gsum la phyag 'tshal pa sngon du 'gro bar bya'o/ /de bzhin du ji ltar nus pa'i mchod pa dang yon phul nas/ thugs rje dang rnam mkhyen dang ldan pa'i bla ma la me tog gi snyim pa sngon du 'gro bas zhabs dag la phyag bya zhing /pus mo'i lha nga sa la btsugs pa'am/ tsog tsog por 'dug la thal mo sbyar te gnas pas 'di skad ces gsol ba gdab pa lan gsum bya'o/ /dge ba'i bshes gnyen bdag la sdig pa bshags pa dang skyabs su 'gro ba'i byang chub tu sems bskyed pa stsal du gsol zhes pas so//de nas bla mas lhag pa'i bsam pa rab tu 'phel bas slob ma bltas te ji ltar nus pa sbyin par bya'o zhes khas blang ba sngon du 'gro bas 'di ltar sbyin par bya'o/ /tshe dang ldan pa khyod 'di skad ces smros shig /phyogs bcu'i 'jig rten gyi khams thams cad na yang dag par bzhugs pa'i sangs rgyas bcom ldan 'das rnams dang / byang chub sems dpa' chen po bdag la dgongs su gsol/ slob dpon dgongs su gsol/ bdag ming 'di zhes bgyi bas gang cung zad lus dang ngag dang yid kyis/sangs rgyas dang byang chub sems dpa' rnams dang / ma dang pha dang / de las gzhan pa'i sems can yang dag par 'ongs pa rnams la skye ba 'di'am skye ba gzhan mtha' yas pa rnams su bdag gis sdig pa'i las bgyis pa'am/ bgyid du stsal ba'am/ bgyid pa la rjes su yid rang ba de thams cad gcig tu bsdus shing bsdoms te bzlums la mnyam par byas nas/ sangs rgyas dang byang chub sems dpa' rnams dang / slob dpon gyi spyan sngar ma lus pa rab tu bshags shing so sor bshags par bgyi'o/ /shes pa dang dran pa rnams la 'chab par mi bgyid do//de bzhin du lan gsum mo/ /de nas bdag ming 'di zhes bgyi ba de ltar sdig pa bshags te nyi ma 'di nas nye bar bzung nas ji srid byang chub snying po la mchis kyi bar du/ sangs rgyas bcom ldan 'das thugs rje chen po thams cad mkhyen pa thams cad gzigs pa/thams cad du dgra'i 'jigs pa med pa/ skyes bu chen po/ /mi phyed pa'i sku/ bla na med pa'i sku/ chos kyi sku/ rkang gnyis rnams kyi mchog la skyabs su mchi'o/ /de nas bdag ming 'di zhes bya ba de ltar sdig pa bshags te/ nyi ma 'di nas nye bar bzung nas ji srid byang chub snying po la mchis kyi bar du/chos rnams kyi rab mchog bla na med pa theg pa chen po'i chos la skyabs su mchi'o/ /de nas bdag ming 'di zhes bgyi ba de ltar sdig pa bshags te nyi ma 'di nas nye bar gzung nas ji srid byang chub snying po la mchis kyi bar du/ dul ba'i tshogs rnams kyi mchog phyir mi ldog pa byang chub sems dpa'i dge 'dun rnams la skyabs su mchi'o/ /de bzhin du lan gsum mo/ /de nas bdag ming 'di zhes bgyi ba 'di ltar bstan pa las ma 'das par nyi ma 'di nas nye bar bzung ste ji srid byang chub snying po la mchis kyi bar du/ gsum la skyabs su 'gro bas mtha' yas pa'i sems can gyi khams rnams nges par bsgral ba'i phyir dang / mngon par bsgral ba'i phyir dang / 'khor ba'i sdug bsngal las yongs su bskyab pa'i phyir dang / thams cad mkhyen pa'i ye shes la so sor dgod pa'i phyir du/ ji ltar 'das pa dang ma byon pa dang da ltar byung ba'i sangs rgyas bcom ldan 'das rnams dang /byang chub sems dpa' chen po rnams kyis byang chub tu thugs bskyed pa dang / sangs rgyas kyi don du lhag par gshegs par gyur pa dang / lhag par gshegs pa dang / lhag par gshegs par 'gyur ba dang /ji ltar rdzogs pa'i sangs rgyas de rnams thams cad kyis sgrib pa med pa'i sangs rgyas kyi ye shes dang / sangs rgyas kyi spyan gyis mkhyen pas gzigs pa dang / ji ltar chos rnams kyi chos nyid mkhyen nas mngon par rjes su mkhyen pa ltar cho ga de nyid kyis bdag ming 'di zhes bgyi ba slob dpon gyi drung dang /sangs rgyas dang byang chub sems dpa' thams cad kyi spyan sngar bla na med pa yang dag par rdzogs pa'i byang chub tu sems bskyed par bgyi'o/ /de bzhin du lan gsum mo/ /de ring bdag byang chub sems dpar sangs rgyas dang byang chub sems dpa' thams cad dang slob dpon gyis gzung du gsol zhes pa/dkon mchog gsum la skyabs su 'gro bas sngon du byang chub sems bskyed pa'o/ /bslab pa'i gnas lnga 'dzin pa'i dge bsnyen gyi sdom pa de yang gsol ba 'debs par gyur na slob ma'i ched du 'di ltar sbyin par bya'o/ / tshe dang ldan pa khyod 'di skad smros shig /slob dpon dgongs su gsol/ /ji ltar 'phags pa dgra bcom pa de dag gis ji srid 'tsho'i bar du srog gcod pa spangs te srog gcod pa las slar log pa de bzhin du/ bdag che ge mo zhes bgyi bas kyang dus 'di nas nye bar bzung ste ji srid 'tsho'i bar du srog gcod pa spangs te srog gcod pa las slar log par bgyi'o//yan lag dang po 'dis/ bdag 'phags pa dgra bcom pa de dag gi bslab pa la rjes su bslab po/ /rjes su bsgrub po/ /rjes su bgyid do/ /gzhan yang slob dpon dgongs su gsol/ji ltar 'phags pa dgra bcom pa de dag gis ji srid 'tsho'i bar du ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos bar 'gyur ba bag med pa'i gnas spangs te ma byin par len pa dang /'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas las slar log pa de bzhin du/ bdag che ge mo zhes bgyi bas kyang nyin par 'di nas nye bar bzung ste/ji srid 'tsho'i bar du ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas las slar ldog par bgyi'o/ / yan lag lnga pa 'dis bdag 'phags pa dgra bcom pa de dag gi bslab pa la rjes su slob bo/ /rjes su bsgrub po/ /rjes su bgyid do/ /dge bsnyen du yang bdag slob dpon gyis gzung du gsol/ de bzhin du lan gnyis dang gsum du yang ngo / / 'phags pa'i yan lag brgyad dang ldan pa'i gso sbyong bya bar 'dod pas de'i tshe sngar bzhin du gsol ba btab bar gyur ba dang / slob ma'i ched du gsum la skyabs su 'gro ba byin gyis brlabs pa'i gnas brgyad po 'di ltar sbyin par bya'o/ /tshe dang ldan pa khyod 'di smros shig /slob dpon dgongs su gsol/ bdag che ge mo zhes bgyi ba dus 'di nas nye bar bzung ste/ ji srid mtshan mo song ba dang ji srid nyi ma shar ba'i mthar thug par srog gcod pa thams cad dang / gzhan gyi nor 'phrog pa dang / mi tshangs par spyod pa dang / ngag gi dbye ba las brdzun du smra ba dang / myos par 'gyur ba'i btung ba dang / dus ma yin pa'i kha zas dang / phreng ba dang / kha dog 'chang ba dang / gar dang glu dang rol sgeg dang mal stan mthon po rnams la de ring nas bdag dga' ba dang bral bar bgyi ste dgra bcom pa'i yon tan brgyad la 'jug pas so//de bzhin du lan gsum ste bdag gis gso sbyong gi tshul khrims kyi sdom pa yang dag par blangs pa 'di ni sems kyi rgyan dang / sems kyi yo byad dang / sems can thams cad kyis bla na med pa'i ye shes kyi 'bras bu thob par bya ba'i ched du'o zhes pa'o//de nas bla mas thabs yin no zhes brjod par bya zhing slob mas legs so zhes so/ /gang phyir dge ba ma lus gso ba dang / /bsags pa'i sdig pa 'dir ni sbyong byed pa/ /de bzhin gso dang rnam par sbyong byed pa//de bzhin gshegs pas gso sbyong zhes su gsungs/ /zhes pa gso sbyong gi cho ga'o// //'di nyid kyi sdom pa go mi'o zhes so/ /de nas rdul tshon gyi dkyil 'khor ram dkyil 'khor gzhan du yang rung ste sngar brjod pa'i cho gas dang por bum pa lhag par gnas pa dang dgod pa dang nye bar spyod pa lnga la sogs pa'i mchod pa byas nas/legs par yongs su brtags pa'i slob ma nga rgyal la sogs pa'i skyon dang bral ba/ dge bsnyen la sogs pa'i bslab pa la gnas pa yongs su thob pa la sogs pa legs par yongs su byang zhing gus pa dang ldan pa/rdo rje sems dpa'i sdom pa gzung ba'i nus pa dang ldan na/ rigs gzugs kyi yon tan dang bral ba rnams kyang lhag par gnas par bya ste/ gal te de dag kyang dad pas rdo rje sems dpa'i sdom pa shin tu don du gnyer zhing /rdo rje theg pa la ston pa gzhan mi tshol bar gyur na'o/ /de ni bcom ldan 'das kyis phyed dang bzhi brgya pa las gsungs te/ gzugs ngan yon tan med pa dang / /dman pa'ang lhag par gnas par bya/ / 'khor ni bzhi po rnams la yang / /dkyil 'khor dag tu cho ga gnang / /rang rang bslab pa legs par ldan/ /theg chen la dga'i bsam pa can/ /zhes so/ /'khor bzhi ni dge slong dang / dge slong ma dang / dge bsnyen dang / dge bsnyen ma'o/ /cho ga ni gzhug pa la sogs pa'o//ldan ni lhur byed pa'o/ /theg chen la dga' ba'i bsam pa can 'dis ni theg pa 'di la yid kyi las gtso bor ston par byed do/ 'gal ba spang ba'i don du'o/ /bcom ldan 'das kyis rang bzhin gyis kha na ma tho ba'i las nyid la yang kun slong gi khyad par las lhung bar mi 'gyur ba mang po rab tu bstan to//de ltar yang / gdol pa smig ma mkhan la sogs/ gsod don don du sems pa po/ /de rnams kye rdo rje shes nas/ /'grub 'gyur 'di la the tshom med/ /ces pa dang / gzhan du yang / sems dge ba la ltung med de/ /snying rjer ldan zhing byams phyir ro//zhes pa dang / snying rje ldan zhing don mthong la/ /bkag pa yang ni gnang ba yin/ /zhes pa ltar gang zhig slar yang bsod nams nye bar bsags pa mang du thos pa la sogs pa'o/ /chos thams cad sgyu ma rmi lam lta bu dang stong pa nyid du ro gcig par shin tu brtan par mos pa byed pa de la ni dge slong rdo rje 'dzin pa'i sdom pa dag la 'gal ba'i dri ma ga la yod/de nyid kyi phyir bcom ldan 'das kyis/ dge slong rdo rje 'dzin zhes bya/ /zhes gsungs so/ /de ni nges par khas blang dgos te/ gzhan du na dus mtshungs par gnyi ga ci ltar 'gyur/ bag chags rab tu sad pa las dge slong gis nyams su myong ba'i bde ba de'i sbyor ba'i bde ba rmi lam du mthong na rmi lam du mthong ba'i phyi rol gyi yan lag dbang po gnyis kyi bde ba'i mthar thug pa nyams su myong na yang ltung ba med do zhes/ de 'dul bar bstan pa rtogs par bya'o/ /gal te yang skye ba ngan pa'i spyod yul du rab tu bstan par gyur na ni/de'i tshe de la yang ye shes kyi phyag rgyas gsang ba dang / shes rab ye shes kyi mngon par dbang bskur ba sbyin par bya ste/ skye bo ngan pa med na ni/ /las kyi phyag rgya nyid kyis so/ /de kho na nyid la lhag par mos pa mi brtan pa'i dge slong la ni dad pa dang ldan yang phyi'i shes rab ma'i dbang gzung ba bkag ste/gzhan du sdom pa snga ma nyams pas don med pa chen por 'gyur ro/ /gal te yang bla ma bsgom pa la brtan par gyur na ni/ de'i tshe de la yang des gtad pa'i ye shes kyi phyag rgyas shes rab ye shes kyi dbang bskur ba sbyin par bya'o//de blangs pa la yang tshangs par spyod pa dang bral ba'i dogs pa ni med de lus kyi las med pa'i phyir ro/ /de yang sngar khyim na gnas pa yin na ni nyams su myong ba'i bde ba dran du bcug la dga' ba la sogs pa'i dbye ba so sor brtan par bya'o/ /bla ma la dge slong du gyur pa nyid na ni gsang ba'i dbang mngon par dbang bskur ba la sogs pa ster ba na/thams cad brjod pas mtshams sbyar bar bya'o/ /ha cang spros pas chog ste skabs su bab pa brjod par bya'o/ /de'i rjes su slob mas maN+Dal byas nas/ me tog bzung ba'i thal mo sbyar zhing pus mo sa la btsugs pa rnams la/sngags kyi tshul gyi skal ba dang ldan pa rnams la ni 'jig rten 'di nyid kyi mngon par mtho ba don du gnyer bas ma yin/ 'jig rten pha rol gyi mngon par mtho ba'i ched du yang ma yin gyi/ 'on kyang de bzhin gshegs pa'i sku gsum gyi phun sum tshogs pa thob par bya ba'i phyir dkyil 'khor du 'jug par bya'o//de lta na ni mngon par mtho ba gnyis kyang thob par 'gyur ro zhes bsgrags nas/ slob ma rnams rang gi lus la kha nas bcug ste/ rang gi rdo rje'i lam nas 'thon pa rang 'od kyi shes rab ma'i pad+mar gnas pa rnams la snying ga'i sa bon gyi 'od zer gyis bkug pa'i de bzhin gshegs pa shes rab dang bcas pa kha nas zhugs shing zhu bar gyur pa rnams kyis mngon par dbang bskur bar bsams nas/dkyil 'khor gyi shar sgor bzhag ste 'jug par gsol ba 'debs su gzhug go/ /skye rga 'chi ba na kra yi//chu srin la sogs 'jigs rung ba/ /srid pa'i mtsho las bdag grol mdzod/ /dga' chen ston pa khyod gcig pu/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ / sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong khyer du/ /mgon po bdag ni gzhug tu gsol/ /zhes brjod pas de'i rjes su slob ma gcig gtso bor byas te/ bu tshur shog cig theg chen po'o/ /gsang sngags spyod tshul cho ga rnams//khyod la yang dag bstan par bya/ /khyod ni tshul chen snod yin gyi/ /sku gsung thugs kyi rdo rje can/ /dus gsum 'byung ba'i sangs rgyas rnams/ /rdo rje sngags kyi mthu yis ni/ /ye shes mnyam med yang dag brnyes/ /gsang sngags sbyor ba mnyam med pa/ /gang gis shAkya seng ge sogs//mchog rnams kyis ni bdud kyi sde/ /mi bzad chen po'i stobs chen bcom/ /'jig rten rjes 'jug rtogs nas ni/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /ces rang gis brjod la/ dkon mchog gsum la bdag skyabs 'chi//sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /zhes lan gsum brjod du gzhug go/ /de ltar thun mong gi sdom pa can gyis slob dpon gyi sdom pa gzung ba'i phyir/ 'khor lo phyir mi ldog pa'i dbang //dam pa bdag la mgon pos stsol/ /'khor lo lha yi de nyid dang / /slob dpon gyi ni phrin las dang / /sangs rgyas kun gyi dam tshig dang / /sdom pa gsang mchog bshad du gsol/ /sems can kun gyi don gyi phyir/ /rtag tu bdag ni slob dpon bgyid/ / ces khyad par du gsol ba 'debs su bcug nas/ byang chub tu sems bskyed pa bya ste/ sangs rgyas dang byang chub sems dpa' thams cad bdag la dgongs su gsol/ slob dpon bdag la dgongs su gsol/ bdag che ge mo zhes bgyi ba dus 'di nas nye bar bzung ste/ ji srid byang chub snying po la mchis kyi bar du/ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum//so sor brtan por bdag gis gzung / /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor las skyes pa'i/ /sdom pa deng nas brtan por gzung / /rdo rje rin chen bsdus pa la/ /rdo rje dril bu phyag rgya yang / / de nyid kyis ni rab tu gzung / /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re zhing yang dus drug tu/ /sbyin pa rnam bzhi so sor sbyin/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba theg pa gsum//dam pa'i chos rnams so sor gzung / /las kyi rigs mchog bsdus pa la/ /sdom pa thams cad yang dag ldan/ /de nyid so sor gzung bar bgyi/ /mchod pa'i las kyang ci nus bgyi/ /sems can kun gyi don bgyid phyir/ /byang chub sems ni bla na med/ / dam pa yang dag bskyed bgyis shing / /sdom pa ma lus gzung bgyis nas/ /ma brgal ba rnams bsgral bar bgyi/ /ma grol ba rnams bdag gis dgrol/ /dbugs ma phyin pa dbugs dbyung zhing / /sems can mya ngan 'das la dgod/ /ces lan gsum brjod du bcug pas so/ /de'i rjes su bdud rtsi 'khyil ba'i sngags kyis bsrungs nas/de rnams kyi snying ga dang mgrin pa dang spyi bo rnams la rdo rje dang pad+ma dang 'khor lo'i steng du/ nyi ma dang pad+ma dang zla ba la gnas pa'i hUM AH oM gyi yi ge nag po dang dmar po dang dkar po rnams bsams te/ de nas brjod cing snying ga dang mgrin pa dang spyi bo rnams su dri'i chu rdo rje dang bcas pas yang dag par reg nas/mgo bor me tog dang mdun du bdug sbos dang mar me dang snying gar slar yang dri sbyin par bya'o/ /a shwa d+tha la sogs pas so shing sor bcu gnyis pa drang po srog chags med cing ma gas pa rma med pa dri bzangs kyi chus bsgos pa/rtse mor me tog bcings pa slob ma rnams la sbyin zhing / de rnams kyis kyang khru bzhi pa gru bzhi'i dkyil 'khor ba'i lci ba la sogs pas byugs par shar ram byang du phyogs pas so shing / oM badzra hA sa haM zhes brjod nas rtse mo 'chos te ma gas pa steng du blta bas ltos pa med par mdun du dor bar bya'o//de rnams la so shing lhung ba'i rjes su 'brangs nas 'byung bar 'gyur ba'i dngos grub brjod par bya ste/ shar dang byang dang nub dang lho dang steng dang 'og tu phyogs par gyur na rim pa ji lta ba bzhin du zhi ba dang rgyas pa dang dbang dang mngon spyod dang rig pa 'dzin pa dang sa 'og gi dngos grub rnams so//dkyil 'khor gyi pha rol du lhung na ni dngos grub med do/ /de'i rjes su baM yig las skyes shing de bzlas pa'i chu kha bkru ba'i phyir byin nas/ 'khyil pa lan bdun bzlas pa'i dri chu khyor ba gsum/ oM hrIH bi shud+d+ha sar+b+ba d+har+m+mAHsar+b+ba pA paM ni tsas+ya shod+ha ya sar+b+ba bi kalpA na a pa na ya hUM zhes brjod cing 'thung du gzhug go//de nas de rnams phyi rol du bzhag la hUM las skyes shing de bzlas pa'am 'khyil pa bzlas pa'i ku sha sngas kyi don du/ oM badzra tI k+Sh+Na baM zhes brjod pa'i sngags kyis sbyin no/ /de'i rjes su gzhon nu mas bkal ba'i skud pa lus kyi tshad sum lta ba la bdud rtsi 'khyil pa'i sngags kyis mdud pa gsum byas pa de rnams kyi dpung pa g.yas pa'am bud med kyi g.yon par oM bud+d+ha mai tri rak+Sha rak+Sha sarbA na swA hA/zhes brjod cing rang nyid kyis bcings nas yang dag par bsrungs la spro ba bskyed par bya ste/ bskal pa bye ba du ma ru/ / sngon du sdig pa gang byas pa/ /dkyil 'khor 'di 'dra mthong ba yis/ /de dag thams cad zad par 'gyur/ /spyod mchog 'di la gang rnams kyis/ /blo gros shin tu dri med pa/ /de dag rnams kyi sdug bsngal kun/ /'byung ba'i ngan 'gro yang dag zhi/ /bdag nyid chen po khyed rnams kyis//rnyed pa mnyam med de ring rnyed/ /gang gis khyed rnams rgyal ba kun/ /bdag nyid chen po sras bcas kyi/ /bstan pa 'di la khyed rnams kun/ /yongs su gzung ste skye 'gyur ni/ /de yis khyed rnams theg chen la/ /legs par skye ba nyid du 'gyur/ /theg pa chen po cher 'byung ba'i//lam mchog 'di ni dpal dang ldan/ /gang gis khyed rnams 'gro 'gyur ba/ /de bzhin gshegs par 'gyur ba yin/ /zhes nyan du bcug nas de nas de rnams 'khyil pa'i sngags kyis bsrungs nas/ /bzlas pa'i don du 'khyil pa'i sngags brjod du bcug ste/gang cung zad rmi lam du mthong ba de thams cad nang par nga la smros shig ces mngon par brjod nas/ dkyil 'khor gyi khang pa'i nang ngam/ yol ba la sogs pas bcad pa'am gzhan du yang rung ste seng ge'i nyal stabs kyis nyal du gzhug go/ /rang nyid kyang dkyil 'khor gyi khang par zhugs nas bsrung ba'i don du 'khyil pa'i sngags bzlas par bya'o//'dir sdom pa gang slob dpon du mi byed pa la byed pa la yang ster ba de ni thun mong ba ste/ skyabs su 'gro ba dang byang chub tu sems bskyed pa tsam gyi mtshan nyid do/ /gang yang slob dpon byed pa la ster ba de ni slob dpon gyi sdom pa ste/rigs lngas yang dag par bsdus pa'o/ /de bas na 'di ni sdom pa gnyis sbyin pa sngon du 'gro ba can gyi slob ma lhag par gnas pa'i cho ga'o// //de'i rjes su bla mas nang par gtor ma phul te dkyil 'khor gyi khang pa nas 'thon la/ slob ma rnams la rmi lam dri zhing ri las lhung ba la sogs pas mtshon pa mi dge ba'i rmi lam ni 'khyil pa'i sngags kyis bsrung bar bya'o//slar yang dkyil 'khor gyi khang par 'jug pa'i dus su slob ma rnams kyis oM bra bi sha b+ha ga wA na ma hA su kha mok+Sha su raM sarba bi d+d+ha pra daM par ma su khot+ta ma sid+ng+h+ya dzaH hUM baM hoHpra sid+d+h+ya swA hA/ zhes yang dag par spro bar bya'o//de nas langs nas rnal 'byor gyi/ /dbang phyug rab rgyas spyan 'bar ba/ /g.yas skor byas nas 'khor lo yi/ /sgo dbye bdud rnams gzhom par bya/ /nub kyi sgo ru gnas byas nas/ /g.yon brkyang stabs kyis spro ba yis/ /shar sgro dbye phyir 'di brjod cing / rdo rje hUM mdzad phyag rgya bya/ /oM badzro d+g+hA Ta sa ma ya bra be sha ya hUM/ de bzhin byang phyogs yang dag gnas/ /khro bo'i lta bas de ltar brjod/ /lho yi sgo ni nges par dbye/ /khro bo'i phyag rgya'i rnam thar bya/ /shar gyi phyogs su yang dag gnas/ /de bzhin rnal 'byor nub tu phyogs/ / chu yi sgo ni nges par dbye/ /khro bo'i phyag rgya'i rnam thar bya/ /de bzhin lho phyogs yang dag gnas/ /g.yas skor gyis ni snga ma bzhin/ /nor sbyin gnas pa'i sgo dbye zhing / /de ltar slar yang 'jug par bya/ /me tog gi phreng ba/ oM pa ram su kha sha ya su la li ta bi lA san maM te/na ma mi b+ha ga wA n+taM dzaH hUM baM hoH hi hi hi hi hI pra tI ts+tsha ku su mAny+dza li nA tha hoHzhes pa'i sngags kyis dkyil 'khor du dor nas/ /slar yang bzung ste phreng ba'i dbang bskur ba'i bsam pas mgo bor bcing bar bya'o/ /'khor lo'i dbang phyug ni bla ma la mngon sum du gyur par lhag par mos par bya zhing /de las ster bzhin pa phreng ba'i dbang gzung ba la sogs pa 'chad par 'gyur ba'i dbang bskur ba mtha' dag dang / cho ga ji lta ba bzhin du slob dpon gyi las thams cad la rjes su gnang ba thob par byas slob ma gzhug pa'i ched du/ bde ba chen po'i bdag nyid shes rab dang thabs kyi rang bzhin de kho na nyid kyi bstod pa sngon du 'gro bas dkyil 'khor gyi dngos grub zhu zhing bden pa'i byin brlab bya ste/nam mkha' skye ba mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /mi bskyod rdo rjer deng bdag sgrubs//kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag bsgrub mdzod/ /nyes pa mi mnga' rtag pa khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis grub mdzod//shin tu rnam dag chos kyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpar bdag bsgrub mdzod/ /dngos grub chen po kun gyi mchog /dbang phyug mchog gi phyag rgya can/ /grub pa'i rdo rje cher gsal ba//rdo rje snyems dag bdag bsgrub mdzod/ /sems can kun gyi yid khyab pa/ /sems can kun gyi snying la gnas/ /sems can kun gyi yab kyang nyid/ /'dod pa mchog gi dam tshig mchog /shes rab thabs bdag dkyil 'khor gyi/ /bden pa de yis mgon po khyod/ / bdag la 'dod pa yongs rdzogs mdzod/ /chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las yang dag byung / /bden pa de yis dkyil 'khor ni/ /gzugs brnyan gsal bar slob ma rnams/ /kun gyis sgrib bral mthong bar shog /ces brjod pas so/ /'di ni slob dpon 'jug pa'o// //de nas lhag par gnas pa byas shing sdom pa gnyis dang ldan pa'i slob ma shar gyi sgor yol bas bcad par bzhag nas/ dri zhim po la sogs pas yang dag par byas pa rnam par snang mdzad kyi gzugs sam 'khor lo'i dbang phyug gi gzugs su dmigs te/oM sar+b+ba ta thA ga ta a nut+ta ra bod+hi a lang+kA ra wasnra pU dza me g+ha sa mu dra s+phar Na sa ma ye hUM/ zhes pa'i sngags kyis gos dmar po'am gzhan yang rung bas smad g.yogs byas la/ oM badzra rak+Sha haM zhes pas stod g.yogs bya zhing / oM badzra uSh+NI Sha hUM phaT ces pas gtsug tor bya'o//oM tsa k+Shu bad+ha bar mA na ya hUM zhes pa'i sngags kyis mig bcing zhing / A khaM bI ra hUM zhes pas me tog gi phreng ba bzung nas yon phul ba/ las thams cad pa'i sngags chus bsangs te/ rnal 'byor ma'am las kyi rdo rje can gyis bzung la/de nas rang gi slob ma la dri bar bya ste/ dga' ba la dga' khyod su kye/ /slob ma de dag rnams kyis kyang / /skal bzang bdag ni bde chen la'o/ /de nas des/ oM sarba yo ga tsit+ta ud+mA da yA mi/ zhes brjod cing byang chub tu sems bskyed la/ snying gar rdo rje me tog dang bcas pa bzung nas/oM su ra ta sa ma ya s+t+waM hoH sid+d+h+ya badzra ya thA su khaM/ zhes brjod de/ deng khyod la de bzhin gshegs pa thams cad kyis byin gyis rlob par 'gyur gyi khyod kyis kyang de bzhin gshegs pa thams cad kyi mchog tu gsang ba'i dkyil 'khor 'di dkyil 'khor du ma zhugs pa rnams la smra bar mi bya zhing ma dad par yang mi bya'o zhes brjod par bya'o//oM ya mAn+ta kr-i ta hUM zhes brjod cing khrid la/ A khaM bI ra hUM zhes pa 'dis yol ba'i nang du bcug nas/ ma hA ra ta su dr-i D+h+ya su toSh+ya su su kho badzra satwa A d+ya sid+d+h+ya maM zhes brjod pas g.yas skor bya zhing thal mo sbyar la dkyil 'khor gyi shar sgo'i phyi rol du phyin nas phyag 'tshal bar bya ste/sngags 'di rnams 'don bzhin pas so/ /oM sarba ta thA ga ta pU dzo pas+thA nA ya/ At+ma nAM nI R+Ya ta yA mi sarba ta thA ga ta badzra satwa a d+hi tiSh+Tha swa mAM/ oM sarba ta thA ga ta pU dza u pas+thA nA ya At+ma nAM nI R+Ya ta yA mi/sarba ta thA ga ta badzra bai ro tsa na a d+hi tiSh+Tha maM/ lhor snying gar thal mo sbyar te/ oM sarba ta thA ga ta pU dza a b+hi She ka ya At+ma nAM nI R+Ya ta ya mi/ sarba ta thA ga ta badzra rat+na a b+hi Shiny+tsa mAM/ nub tu dpral bar thal mo sbyar te/ oM sarba ta thA ga ta pU dza pra wa rta nA ya At+ma nAM nI R+Ya ta yA mi/ sarba ta thA ga ta badzra d+harmA bra warta ya mAM/ byang du snying gar thal mo sbyar te/ oM sarba ta thA ga ta pU dza karma Ne At+ma Ne At+ma nAM nI R+Ya ta yA mi/ sarba ta thA ga ta badzra karma ku ru mAM/ zhes pa'i rigs lngas mi bskyod pa la sogs pa'i de bzhin gshegs pa rnams la phyag byed du bcug ste/ slar yang shar sgo'i phyi rol nas rab tu dang bas/oM gu ru tsa ra No pa s+tha nA ya At+ma nAM ni R+ya ta yA mi/ oM sarba satwa pa ri dra Nar+thA ya At+ma nAM nI R+Ya ta yA mi/ zhes pa rnams don go ba sngon du 'gro bas 'don du gzhug par bya'o/ /de nas deng khyod de bzhin gshegs pa thams cad kyi rigs su zhugs kyi/ de'i phyir ngas khyod la rdo rje ye shes bskyed par bya ste/ye shes gang gis khyod de bzhin gshegs pa thams cad kyi dngos grub kyang thob par 'grub na dngos grub gzhan lta smos kyang ci dgos/ khyod kyis 'di dkyil 'khor ma mthong ba rnams kyi mdun du smra bar mi bya ste khyod dam tshig nyams par gyur te re zhes brjod nas mgo bor rdo rje gzung zhing dril bu dkrol nas/khyod kyi dam tshig rdo rje 'dis/ /gal te khyod kyis 'ga' zhig la/ /'di smras na ni mgo bo 'gems/ /zhes brjod par bya'o/ /slar yang snying gar rdo rje gzung ste/ de ring rdo rje sems dpa' ni/ /khyod kyi snying la yang dag gnas/ /gal te tshul 'di smras na ni//de ma thag tu dral te gshegs/ /zhes pa 'dis mna' byas nas/ bdud rtsi lnga pad+ma'i snod du gnas pa la yi ge gsum gyis bsngags pa rnam rgyal bum pa'i steng du bzhag pa/ oM badzra a mr-i ta u da ka ThaH zhes pa bdun bzlas te ming med dang mthe bong gis bzung ba'i snod kyi kha nas de'i khar sbyin zhing /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ste/ /rdo rje bdud rtsi'i chu 'thung shig /ces brjod pas mna'i btung ba byed du bcug la/ deng nas brtsams te khyod kyi phyag na rdo rje nga yin gyi/ /ngas 'di gyis shig ces gang bsgo ba de khyod kyis bya dgos so//khyod kyis nga la brnyas par yang mi bya ste/ khyod ya nga ba ma spangs par dus byas nas dmyal bar ltung bar gyur ta re zhes brjod par bya'o zhes pa dam tshig gi chu sbyin pa'o/ /de rjes slob mas 'di brjod de/ rang nyid mnyam par gzhag pas dbab/ slob dpon gyis bskul tshig gis ni/dngos grub thams cad rab bsgrub phyir/ /de bzhin gshegs pa thams cad kyis byin gyis brlab tu gsol/ rdo rje sems dpa' bdag la 'bab par gyur cig ces so/ /de nas/ rkang pa'i mthil nas steng kun du/ /lus la bug pa rnams bsam zhing / /de yi rkang pa'i 'og tu ni//'bar bcas me yi dkyil 'khor bsgom/ /de yi steng du dz+haiM yig ni/ /dmar mo'i mdog can rnam bsams te/ /de las byung ba'i me 'od kyis/ /brtul zhugs can gyis lus rnams sbyang / /de bzhin 'od ni gsal bya zhing / /mkhas pas blang ba byas nas slar/ /slob ma'i snying mgrin mgo bo la//hUM haH AH zhes rnam par dgod/ /dril bu sgra ni sgrogs ldan pa/ /'dzin pa yis ni dbab par bya/ /de bzhin gshegs rnams dbab pa yi/ /don du sngags 'di brjod par bya/ /'di de dam tshig rdo rje ste/ /rdo rje sems dpa' zhes su brjod/ /rdo rje ye shes bla med 'di/ /de ring nyid du 'bab par shog//oM badzra A be sha aH aH aH aH/ gal te phebs pa nyid min na/ /sngags 'di yang ni brtan par brjod/ /de nas AH yig 'od zer gyis/ /ye shes sems dpa' rab bskul bya/ /A be sha ya stam+b+ha ya ra ra ra ra tsa la ya tsal ya hUM haH AH dz+haiM/ 'dar ba'am ba spu ldang bar byed/ / brgyal ba'am gang gis gar byed pa/ /de dag steng du 'phar ba yang / /phebs pa'i mtshan nyid rig par bya/ /dga' zhing lta bas zhugs pa yi/ /slob ma'i lce la aH yig dgod/ /yi ge brgya pas brtan byas te/ /mkhas pas dge dang mi dge dri/ /phebs pa gtong bar byed pa ni/ / sngags kyi rim pa 'di yis rig /nges par zhugs pa'i lha rnams snying ga'i sa bon gyi 'od zer gyis bkug nas rang gi snying ga'i sa bon la bstim zhing slob ma'i mgo bor rdo rje gzung la/ oM khyod kyis sems can don kun mdzad/ /ces pa la sogs pa sngon du 'gro ba'i hUM haH aH dz+haiM muM zhes pas gshegs su gsol bar bya ste/'di ni dbab pa'i cho ga'o// //de nas slob ma dkyil 'khor du mngon par phyogs pa la khyod kyi mig gis bltas pa la ji ltar snang zhes dris te/ de na re dkar po dang ser po dang dmar po dang ljang gu dang nag por snang ngo zhes zer na/ rim pa ji lta ba bzhin du zhi ba dang /rgyas pa dang / dbang dang / mngon spyod kyi dngos grub la skal ba dang ldan par go bar bya zhing / 'di'i mthe bong gnyis rdo rje dang bcas pa'i lag pa g.yas pas gzung la/ rdo rje'i rkang stabs kyi gar gyi tshul gyis 'khyil pa'i sngags brjod cing skor ba gsum byed du bcug nas bden pa'i byin gyis brlab pa 'di bya ste/yang dag pa yi dkyil 'khor 'dir/ /bdag gis slob ma gzhug pa 'di/ /lha rnams rigs kyi rim pa ni/ /bsod nams rim pa de bzhin shog /'di yi dngos grub ci 'drar 'gyur/ /rigs ni gang gi snod du rung / /bsod nams mthu yang ci 'dra ba//de 'drar dkyil 'khor du gyur cig /ces pa 'di brjod pas so/ /de nas sngar bzung ba'i me tog gi phreng ba yi ge traM gis bsngags pa las yang zhing ma rnying pa'i me tog cig bton la/ de'i lag pa thal mo sbyar bar sbyin par bya zhing des de'i tshe me tog gi phreng bar lhag par mos te/ bdag nyid kyang yi ge gsum gyis 'od gsal zhing sdig pa dang bral bar mos la/ bla mas de ltar byin gyis brlabs pa dang gus pa sngon du 'gro bas dkyil 'khor ba dang bcas pa'i dkyil 'khor gyi dbang phyug mdun na gnas bzhin par dmigs pa'i dkyil 'khor der yid kyis zhugs nas de'i dbu la me tog dor bar bya ste/oM tiSh+Tha badzra dr-i D+ho me b+ha wa/ shA shwa to me b+ha wa/ hr-i da yaM me/ a d+hi tiSh+Tha sarba sid+d+hi me pra yats+tsha hUM ha ha ha ha hoH A khaM bIr hUM pra tI ts+tsha ku su mA ny+dza li nA tha hoH zhes pa'i sngags brjod pas so/ /re khA lnga'i nang du me tog lhung ba dang rjes su mthun par 'di'i rigs la sogs pa bstan par bya zhing /de'i rnal 'byor kyang sbyin no/ /dngos grub mtshon par bya ste/ gal te sangs rgyas kyi dbu'am gtsug tor ram/ mdzod spu la me tog lhung na de'i tshe phyag rgya chen po'i dngos grub bo/ /spyan nam zhal la lhung na de'i tshe sngags kyi dngos grub bo/ / sku'i stod la ni mchog ste/ bar la ni 'bring dang / 'og gi cha la ni dman pa'o/ /sku las shin tu ring bar gyur pa la ni yun ring pos te/ nye ba la ni myur bar rab tu 'grub bo/ /lha rnams kyi rang gi gnas ni re'u mig la sogs pas rnam par bcad pa las shes par bya ste/ gal te lha gnyis kyi bar du lhung na de'i tshe me tog gang la nye bar gyur pa de'i rigs su 'gyur ro//mnyam pa nyid la ni gnyi ga'i cho ga 'grub ste de'i tshe de rnams gang dad pa de'i rigs su 'gyur ro/ /re khA lnga'i phyi rol du lhung na slar yang lan gsum gyi bar du dor bar bya ste/ de la yang phyi rol du lhung na ni dngos grub phra mo'o//phyi'i re khA zlum po rnams dang rdo rje phreng ba'i phyi rol du lhung na ni dngos grub med de 'di la dkyil 'khor yang bstan par mi bya'o/ /sngags bzlas pa la sogs pas skal ba dang ldan pa nyid du bsgrubs nas skabs gzhan du de gzhug par bya'o/ /de nas me tog de bzung nas oM pra ti gr-ih+Na s+t+waM i maM satwa ma hA ba la/zhes brjod de slob ma'i mgo bo la bcing / 'di ni phreng ba'i mngon par dbang bskur ba'i cho ga'o// //'dir phebs par gyur pa na dge ba la sogs pa smras pa'i mthar oM tiSh+Tha badzra zhes pa 'dis phebs pa brtan par bya zhing mig gi snang ba dri ba la sogs pa nas mgo bor bcing ba'i mthar thug par te/nges par zhugs pa'i lha gshegs su gsol bar bya'o/ /mi nus pas ni 'bebs pa'i cho ga ma byas par dam tshig gi chu byin pa'i mjug thogs su mig ni snang ba dri ba la sogs pa bya'o zhes 'chad do/ /de'i rjes su slob ma'i mig gnyis la 'bar ba dang bcas pa'i oM gnyis rnam par bsgoms te/de ring rdo rje sems dpa' rang / /khyod kyi mig ni 'byed par brtson/ /rdo rje mig ni bla na med/ /thams cad mig ni dbye bar mdzod/ /oM dz+nyA na tsak+Shu hUM aH zhes brjod cing gdod g.yogs bsal bar bya'o/ /de nas kye rdo rje ltos shig ces smras nas/da ni dad pa'i shugs kyis su/ /dkyil 'khor 'di de nyid la ltos/ /khyod ni sangs rgyas rigs su skyes/ /gsang sngags rnams la bsgrub par bgyis/ /zhes brjod do/ /de nas rim bzhin dkyil 'khor gyi/ /de nyid rab tu bsal bar bya/ /lha rnams de dag thams cad kyi//ngo bo'ang nye bar bstan par bya/ /'phags pa'i bden pas gru bzhir 'gyur/ /tshangs pa'i gnas pas zur rnams te/ /sgo rnams bsdu ba'i dngos por brjod/ /so sor bzhir ni yang dag shes/ /dad dbang la sogs sems gang yin/ /ra ba lngar ni yang dag byung //rdzu 'phrul rkang pa bzhi po ni/ /sgo khyud rnam bzhi de rnams so/ /de yi dbus su 'khor lo gang / /dkyil 'khor brgyad la mtshungs pa ste/ /rnam par thar pa brgyad po 'dis/ /dngos grub thams cad rab tu bsgrub/ /dngos grub chen po'i phung po kun/ /ka ba lta bur rtag tu 'gyur//'phags lam yan lag brgyad po 'di/ /ka ba brgyad ces bya bar bshad/ /chos kyi dbyings kyi don gyi brdar/ /'khor lo'i nang du dkyil 'khor te/ /thugs kyi dkyil 'khor 'di nyid ni/ /thar pa chen po'i grong khyer mchog/ /bsam gtan rnams ni rta babs 'dir//ba dan rang bzhin de bzhin te/ /byang chub 'bras bu ra ba ni/ /sgo rnams su ni dpag bsam shing / /phung po lnga yi rang bzhin gyis/ /sangs rgyas lnga ni rab tu bstan/ /spyan ma la sogs lha mo bzhi/ /sa la sogs pa'i rang bzhin nyid/ /'dod pa lnga yi rang bzhin gyis//gzugs kyi rdo rje sogs de bzhin/ /mig la sogs pa'i rang bzhin yang / /sa yi snying po la sogs so/ /lag sogs ngo bo khro bo'i dbang / /gshin rje'i dgra sogs rab bstan te/ /sku yi 'khor lor gnas sangs rgyas/ /rim bzhin mi bskyod la sogs mgon//phyi yi 'khor lor slob ma la/ /gsal bya snying rje'i bdag nyid can/ /zhes pa'o/ /rdo rje'i dkyil 'khor dkyil 'khor chen por bdag zhugs so/ /rnal 'byor dkyil 'khor dkyil 'khor chen po bdag gis mthong / /gsang ba'i dkyil 'khor dkyil 'khor chen por bdag dbang bskur//zhes brjod du bcug nas dam tshig bsgrags par bya ste/ hoHhoHhoHzhes pa'o/ /slob ma gzhug pa'i cho ga'o// //de'i rjes la chu'i dbang gi don du bla ma la ji ltar 'byor pa'i yon phul nas/ pus mo sa la btsugs shing thal mo sbyar te/ byang chub rdo rje sangs rgyas la/ /mchod chen ji ltar stsal ba ltar//bdag kyang bskyab ba'i don gyi phyir/ /nam mkha'i rdo rje deng bdag stsol/ /zhes brjod cing gsol ba gdab par bya'o/ /de nas dkyil 'khor phyi rol du/ /shar gyi phyogs su dkyil 'khor te/ /yang na dbang ldan sngags pas bri/ /gru bzhi pa la sgo bzhi pa/ / khru do rim pa gnyis pa nyid/ /de dbus sna tshogs 'dam skyes te/ /dkar dmar de bzhin nag po yi/ /ra ba gsum ni de la bri/ /ra ba'i rdul tshon ldan byas nas/ /phyag rgya bzhi ni dgod bya ste/ /shar du 'khor lo lhor rin chen/ /nub tu chu skyes ge sar bcas/ /nor sbyin sna tshogs rdo rje gzhag//bum pa yang ni dgod par bya/ /zhes pa khrus kyi dkyil 'khor gyi cho ga'o// //phreng ba'i dbang bskur byas nas ni/ /slob ma bzung nas maN+Dal gyi/ /da bus su pad+mar yang dag gzhag /lha yi nga rgyal 'dzin pas so/ /slob dpon tshogs dang bcas rnams kyis/ /shis brjod tshigs bcad sngon 'gro bas//bum pa las byung rnams kyis ni/ /rdo rje slob ma bkru bar bya/ /til gyi gang bu ltar gang ba'i/ /bum pa 'dzin pa'i rgyal ba rnams/ /de ring khyod la dbang bskur gyi/ /shes nas yid ni bde bar gyis/ /zhes brjod nas slob ma rdo rje 'chang gi gzugs su bsgoms te sngar brjod pa'i cho gas sbyang bar bya'o//de nas gzhan yang snying ga'i sa bon gyi 'od zer rnams kyis phyogs mtha' yas pa na bzhugs pa'i de bzhin gshegs pa dang rig pa'i lha mo rnams kyang spyan drangs nas yang dag par mchod de/ slob ma dbang bskur ba'i don du/ / rdo rje can gyis sangs rgyas la/ /'gro ba bskyab pa'i ched du dbang / /ji ltar yon tan 'byung gnas stsal/ /de ltar 'di la stsal du gsol/ /zhes pa'i tshigs su bcad pas gsol ba btab pa dang / de bzhin gshegs pa de rnams shes rab dang snyoms par zhugs pas 'dod chags chen pos zhu bar gyur pa/rnam par snang mdzad kyi sgo nas zhugs te rdo rje'i lam nas byung ba'i khu ba de rnams kyi kha nas lha mo'i pad+mar zhugs pa'i slob ma skad cig gis stong pa nyid kyi rjes la hUM dang rdo rje las skyes pa'i mi bskyod pa shes rab dang bcas pa'i gzugs ye shes sems dpa' dang dbyer med pa la mngon par dbang bskur nas/slar yang phyag dang zhal la sogs pa'i sku rnams kyi pad+ma las byung sten ma mkha' gang bar gnas pa'i spyan ma la sogs pa'i rig ma rnams dang lhan cig pas gdugs dang rgyal mtshan dang ba dan dang na bza' dang rol mo'i sgra dang /glu dang gar dang me tog dang bdug spos dang gur gum gyi char rnams dang / phyag gis cung zad yo bar bzung ba'i bum pa dkar po cung zad yo ba byang chub kyi sems kyis gang ba rnams pad+ma nas phyung ba'i slob ma de rnams la mngon par dbang bskur bzhin pa dang / gzugs rdo rje la sogs pa'i lha mo rnams kyis/bkra shis gang zhig sems can kun gyi snying la gnas/ /kun gyi bdag nyid rigs kun gyi ni bdag po mchog/ /sems can ma lus skyed mdzad bde ba chen po ste/ /des ni deng khyod dbang bskur mchog la zhi byed shog/ /bkra shis gang zhig mtha' dag rdo rje'i rigs dang ldan//zhe sdang zil gnon skye bo yongs su sbyong ba po/ /de ni mi bskyod mgon po zhes bya'i mtshan 'chang ba/ /des ni deng khyod dbang bskur mchog la bkra shis shog/ /bkra shis gang zhig mtha' dag gti mug rigs dang ldan/ /rnam par snang mdzad rtag tu srid pa'i sdug bsngal 'phrog//gti mug zil gnon skye bo yongs su sbyong ba po/ /des ni deng khyod dbang bskur mchog la bkra shis shog/ /bkra shis gang zhig mtha' dag rin chen rigs dang ldan/ /dbul ba'i sdug bsngal yongs su grol ba'i ched du brtson/ /nga rgyal zil gnon skye bo yongs su sbyong ba bo//des ni deng khyod dbang bskur mchog la bkra shis shog /bkra shis gang zhig mtha' dag pad+ma'i rigs dang ldan/ /'jig rten dbang phyug srid pa'i dra ba rnams 'joms shing / /'dod chags zil gnon skye bo yongs su sbyong ba po/ /des ni deng khyod dbang bskur mchog la bkra shis shog//bkra shis gang zhig mtha' dag las kyi rigs dang ldan/ /brdzun smrar dga' ba rnams la snying rje'i bdag nyid can/ /de rnams phrag dog sdig las grol ba'i gnyen po ste/ des ni deng khyod dbang bskur mchog la bkra shis shog/ /phun sum tshogs pa mnga' ba gser gyi ri bo 'dra//'jig rten gsum gyi mgon po dri ma gsum spangs pa/ /sangs rgyas pad+ma rnam rgyas 'dab 'dra'i spyan mnga' ba/ /des ni de ring khyod la zhi byed bkra shis shog /de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa//chos kyi dam pa skye dgu rnams la zhi byed pa/ /des ni de ring khyod la zhi byed bkra shis shog /dge 'dun dam pa'i chos ldan thos pa'i bkra shis phyug /mi dang lha dang lha ma yin gyi yon gyi gnas/ /tshogs kyi mchog rab ngo tsha shes dang dpal gyi gzhi//des ni de ring khyod la zhi byed bkra shis shog /ces pa la sogs pa'i bkra shis kyi glu rnams kyis bkra shis nye bar sbyor bzhin pa la/ rang gis kyang de rnams kyi glu nye bar blang zhing / /dang por rnam par rgyal ba'i bum pa dang / de bzhin gshegs pa bzhi'i bum pa dang / de nas lha mo bzhi'i bum pa dang /de nas ji ltar rigs par dkyil 'khor pa'i bum pa'i chu byang chub kyi sems kyi bdud rtsi'i ngo bo rnams yal 'dab dang bcas rdo rje lag pa g.yas pa'i khu tshur gyis bzung ba'i rdo rje rtse mo las blugs te oM ma hA su kha badzra sa twa a b+hi She ke Na s+t+waM a b+hi Shiny+tsA mi sarba ta thA ga ta a d+hi pa ti tre na dri d+ho b+ha wa zhes brjod cing /dbang bskur chen po rdo rje ni/ /khams gsum pa yis phyag byas pa/ /rdo rje'i gsang gsum yang dag byung / /sangs rgyas kun gyis sbyin par bya/ /oM AH badzra u da ka a b+hi Shiny+tsa hUM su ra te a haM zhes brjod pas mngon par dbang bskur bar bya'o//yang khrus kyi dkyil 'khor med na dkyil 'khor gyi shar gyi sgor slob ma nye bar gzhag pa la rnam par rgyal ba la sogs pa'i bum pa rnams las chu nyung zad pa bsdus te pad+ma'i snod dam dung chos su bzung ba rnams blugs shing dbang bskur bar bya'o/ /rdul tshon gyi dkyil 'khor ma 'byor na yang ras la sogs pa la gnas pa'i dkyil 'khor 'ba' zhig tu rnam par rgyal ba'i bum pa'i chu nyid mi bskyod pa'i bdag nyid byang chub kyi sems kyi ngo bos mngon par dbang bskur bar bya'o//de'i tshe de rnams bde ba chen po la mnyam par 'gyur ro/ / zhes bsam par bya'o zhes pa ni chu'i dbang bskur ba ste me long lta bu'i ye shes so/ /'ga' zhig ni shin tu rnam par dag pa chos kyi dbyings kyi ye shes so zhes so/ /khrus kyi dkyil 'khor rim pa las/ /chu yi dbang bskur yang dag thob/ /rgyan rnams rab 'dzin gang yin pa//dkyil 'khor chen po'i ngos su'o/ /dmar po'i gos ni 'dzin gyur pa/ /rgyal ba'i rgyan rnams kyis ni brgyan/ /cod pan dkar po yang dag 'dzin/ /glu 'di yis ni dga' bar bya/ /bde ba chen po chags pa che/ /rdo rje chen po nor chen po/ /shes rab chen po ye shes che//rdo rje sems dpar deng bdag bsgrub/ /sangs rgyas kun gyi rdo rje che/ /rdo rje'i dbang phyug bla na med/ /dbang bskur thams cad kun don du/ /dngos grub thams cad bde rab stsol/ /ji bzhin dang po'i sangs rgyas don dam bde ba ster ba po/ /ji bzhin 'dod pa thar pa nor dang chos rnams ster ba po//ji bzhin ye shes lnga dang shin tu dga' ba'i grogs byed pa/ /ji bzhin phyag na rdo rje bde ba chen po'i mgon po nyid/ /dza a A i bud+d+hA sa ra ma the de ha o/ /dza a kA mo mok+kha d+ha Na d+harma dA a o/ /dza a pany+dza nya Na su ra a sa hA a o/ /dza a badzra bA Ni ma hA su ha Na o//slar yang 'dir ni bla ma yi/ /dkyil 'khor bskor ba gsum byas te/ /de nas shar du gnas pa yis/ /sgo phye nas ni rnam par gzhug/ /sangs rgyas kun gyi dbang bskur gyis/ /bla mas slob ma bsdu bya ste/ /mgo bo'i dbus su dpral ba dang / /logs gnyis de bzhin spyi po dang //rgyab tu 'ang phyag rgya yang dag gzhag /sngags 'di rjes su brjod par bya/ /oM badzra d+hA tI shwa ri a b+hi Shiny+tsa hUM/ oM satwa badzri a b+hi Shiny+tsa b+h+rUM/ oM rat+na badzri a b+hi Shi ny+tsa trI/ oM d+harma badzri a b+hi Shiny+tsa hrIH/ oM karma badzri a b+hi Shiny+tsa trAM/ dbang bskur chen po zhes pa la sogs pa'i tshigs su bcad pa dang /oM AHbadzra mu ku Ta a b+hi Shiny+tsa hUM/ su ra ta s+t+waM a haM/ zhes brjod cing / slar yang / oM hUM hrAM hrIHaH zhes pa'i sngags kyis dpral bar dar dpyangs bcings la/ badzra tu Sh+ya hoH zhes brjod pas mnyam pa nyid du dgyes par bya'o zhes pa ni cod pan gyi dbang bskur ba ste/mnyam pa nyid kyi ye shes so/ /de nas slob ma hrIH dang pad+ma yongs su gyur pa las/ /snang ba mtha' yas kyi gzugs ye shes sems dpa' dang dbyer med pa la rdo rje snang ba mtha' yas kyi bdag nyid de/ slob ma'i snying gar bzung nas/ sangs rgyas rnams kyi rdo rje'i dbang //de ring khyod la bskur bar bya/ /'di de sangs rgyas thams cad kyi/ /rab tu grub phyir rdo rje gzung / /zhes brjod cing slob ma'i snying ga dang mgrin pa dang mgo bo rnams la rdo rje reg nas lag pa g.yas par rdo rje sbyin par bya'o zhes pa ni rdo rje'i dbang bskur ba ste so sor rtog pa'i ye shes so//de nas slob ma khaM dang ral gri las skyes pa'i don yod grub pa'i gzugs ye shes sems dpa' dang dbyer med pa la dril bu'ang don yod grub pa yongs su gyur pa ste lag pa g.yon par byin pa la/ rdo rje dang dril bur ldan pa'i lag pa dag gis phyag rgya la 'khyud pa'i tshul byed du bcug nas/oM badzra a d+hi pa ti s+t+waM a b+hi Shiny+tsA mi tiSh+Tha badzra sa ma ya s+t+waM zhes brjod cing / oM badzra g+haN+De aH aH/ bcom ldan 'das gzung ngo bdag la ni/ /yang dag nye bar gyur par mdzod/ /ces kyang 'don du gzhug go zhes pa ni/ dril bu'i dbang bskur ba ste bya ba grub pa'i ye shes so/ /de'i rjes su oM dang 'khor lo las byung ba'i rnam par snang mdzad kyi gzugs ye shes sems dpa' dang ro gcig par bsams la mgo bor rdo rje dang dril bu mnyam par gzung ste/oM badzra satwa s+t+waM a b+hi Shiny+tsA mi badzra nA ma a b+hi She ka ta kye dpal che ge mo rdo rje zhes bya ba'i de bzhin gshegs pa sid+d+hi sa ma ya s+t+waM b+hur+b+hu wa swaH zhes pas me tog lhung ba'i rjes su 'brangs nas rang gi rigs kyi ming gi rnam par snang mdzad kyi bdag nyid can gyis mngon par dbang bskur bar bya'o//de la rdo rje sems dpa'i ming rnams ni mchog gi dang po dang / dpe med pa dang / shin tu dga' ba dang /ro mnyam pa dang / rnam par rgyal ba dang / a la la dang / sems dpa' dang / bde ba chen po dang / yan lag med pa dang / ye shes dang / lhan cig skyes pa'i rdo rje rnams so/ /re re la yang rdo rje'i sgra mngon par sbyar bar bya ste/ de bzhin gshegs pa drug gi ming rnams kho na'o//mi bskyod pa'i bzhad pa dang / rnam par sgeg pa dang / dga' ba dang / sgeg pa dang / rol pa dang / rang byung dang / zhe sdang dang / he dang / snying rje dang / thugs dang / hUM mdzad dang / ming rdo rje rnams so/ /rnam par snang mdzad kyi/ oM mdzad dang / rtag pa dang / de bzhin gshegs pa dang / gti mug dang / sgyu ma dang / sangs rgyas dang / gzugs dang / sku dang / rnam par snang mdzad dang / rdo rje rnams so/ /rin chen 'byung ldan gyi yid bzhin nor bu dang / mkha' dang / nam mkha' dang / gzi brjid dang / bdud las rgyal ba dang / 'od ces dang / nga rgyal dang / rin chen rdo rje rnams so/ /snang ba mtha' yas kyi 'dod chags dang / spyan ras gzigs dang / chos dang / pad+ma dang / rdo rje myu gu dang / shin tu dga' ba'i myu gu dang / dpag med dang / pad+ma'i myu gu dang / mchog gi dga' ba dang / shin tu dga' ba'i dga' ba dang / snying rje'i myu gu dang /gsung dang / snang ba mtha' yas rdo rje rnams so/ /don yod grub pa'i rta mchog dang / dam tshig dang / mchog dang / pha rol tu phyin pa dang / las dang / rlung dang / /reg bya dang / phrag dog dang / don yod rdo rje rnams so/ /bud med rnams la rdo rje sems dpa'i rdo rje shugs ma dang /rdo rje rol ma dang / rdo rje myos ma dang / rdo rje kong+ka Na dang / rdo rje bzhin ma dang / rdo rje phreng ba ma dang / rdo rje 'char ma zhes pa'o/ /mi bskyod pa'i rdo rje bdag med ma dang / rdo rje phyag ma dang / rdo rje phreng ma dang / rdo rje mA ma kI dang / zhe sdang dga' ma zhes pa'o/ /rnam par snang mdzad kyi rdo rje mkha' 'gro ma dang /rdo rje gau rI dang / sangs rgyas mkha' 'gro ma dang / rdo rje rnam snang ma dang / rdo rje sgeg mo dang / rdo rje spyan ma dang / gti mug dga' zhes pa'o/ /rin chen 'byung ldan gyi rdo rje sgrol ma dang / rdo rje do shal ma dang / rdo rje dbugs 'byin ma dang / rdo rje 'bar ma dang / rdo rje nga rgyal ma dang / nga rgyal ma rdo rje dang / rdo rje nam mkha' ma dang / nam mkha' rdo rje ma dang / nam mkha' dga' ma zhes bya ba'o/ /snang ba mtha' yas kyi 'dod chags ma dang / 'dod chags rdo rje ma dang / rdo rje glu ma dang / rdo rje e ma bde dang / rdo rje ro langs ma dang / rdo rje blo gros ma dang /rdo rje bzhad ma dang / rdo rje gos dkar mo dang / 'dod chags dga' ma zhes pa'o/ /don yod grub pa'i rdo rje snyems ma dang / rdo rje sgyu ma dang / rdo rje rgod ma dang / rdo rje gar gyi dbang phyug ma dang / dam tshig rdo rje ma dang / rdo rje dga' ma zhes pa'o/ /ming gi dbang bskur ba ste/ shin tu rnam par dag pa chos kyi dbyings kyi ye shes so//sngar bshad pa'i dbang bskur ba 'di rnams la so sor/ byang chub rdo rje sangs rgyas la/ /zhes pa la sogs pa'i tshigs su bcad pas gsol ba gdab cing / dbang bskur chen po rdo rje ni/ /zhes pa la sogs pa'i tshigs su bcad pas kyang bkru bar bya'o/ / phreng ba dang chu la sogs pa'i dbang bskur drug po 'di rnams ni/ ma rig pa'i gnyen po nus pa nyid du sgrub par byed pa'i rig pa'i dbang bskur ba zhes brjod do/ /dbang 'di rnams bskur ba'i rim pa ni/ bya ba dang spyod pa'i rgyud nyan pa dang 'chad pa dang sngags bsgrub pa la dbang bskur bar 'gyur ro/ / slar yang rnal 'byor ba dang rnal 'byor ma'i rgyud kyang ngo zhes/ slob dpon gyi dbang du rlom pa 'dod pa ni lung dang mi ldan te/ lhan cig skyes dbang dang sdom pa bral ba rnams la de'i rang gi ngo bo mngon par brjod par bcom ldan 'das kyis rgyud gang du yang ma bstan cing rigs pa yang ma yin no/ /dbang 'di rnams slob dpon gyi dbang don du mi gnyer ba la ni thun mong gi sdom pa sbyin pa sngon du 'gro bas bskur bar bya'o//don du gnyer ba la ni gnyis ka'i sdom pa sbyin pa sngon du 'gro bas so/ /de nas slob mas yon phul la thal mo sbyar te/ gang gis bdag ni khyod drin las/ /rang dang gzhan don nus gyur pa//rdo rje slob dpon gyi ni dbang / /thugs rje'i gter gyis bdag la stsol du gsol/ /zhes brjod cing bla ma la gsol ba btab pa de la/ rdo rje hUM las skyes pa'i rdo rje sems dpa'i gzugs su bsams nas/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid//rdo rje sems dpa' bdag po'i bdag/ /bcom ldan 'das mchog gi dang po'i skyes bu zhes brjod cing lag pa g.yas par rdo rje sbyin par bya ste rdo rje'i dam tshig go/ /de nas dril bu a las skyes par bsams nas/ /'di de sangs rgyas thams cad kyi/ /shes rab dbyangs kyi rjes 'gror bshad//khyod kyis kyang ni rtag tu gzung / /byang chub mchog tu rgyal ba bzhed/ /ces brjod cing lag pa g.yon par dril bu sbyin par bya ste dril bu'i dam tshig go/ /slob mas kyang dril bu de/ srid pa ngo bo nyid kyis dag /ngo bo nyid kyis srid bral byas/ / rang bzhin dag mchog sems dpa' yi/ /dam pa'i srid pa byed par 'gyur/ /zhes brjod cing dkrol bar bya'o/ /de nas gzhan yang phyag rgya'i dam tshig gsungs pa/ yid kyi lus ni brtan pa nyid/ /phyag rgya'i dam tshig rab tu brjod/ /gang gis lus 'di thams cad brtan/ /des na phyag rgyar rab tu bsgrags//'dis ni lhag pa'i bdag nyid ye shes kyi phyag rgyar byin gyis brlabs pa la lag pas 'khyud pa'i tshul bya'o zhes pa phyag rgya'i dam tshig go/ /mchog gi dang po las gang gsungs pa/ rdo rje de nyid kyis ni gzung / /dril bu chos kyis dkrol nas ni/ /dam tshig gi ni phyag rgya che/ / byin gyis brlabs nas snying po bzlas/ zhes so dam tshig gsum sbyin pa'i cho ga'o// //de nas dam tshig gsum gzung ba ni/ slob ma rdo rje sems dpa'i gzugs su bsgoms te/ snying ga'i sa bon gyis bskul ba'i lha mo rnams dang de bzhin gshegs pa nam mkhar bzhugs pa rnams kyis mngon par dbang bskur bzhin par rnam par bsams la/dbang bskur rdo rje chen po ni/ /khams gsum pa yis phyag byas pa/ /gsang gsum yang dag 'byung ba'i gnas/ /sangs rgyas kun gyis sbyin par bya/ /oM AH sarba ta thA ga ta a b+hi She ka ta sa ma ya shri ye hUM/ zhes brjod pas dbang bskur bar bya'o/ /de nas mi bskyod pa cod pan du bsams te/ gzhan de bzhin gshegs pa rnams dang lha mo rnams ye shes sems dpa'i ngo bos bcug la/ oM su pra tiSh+Tha badzre swA hA/ zhes pa'i sngags kyis byin gyis brlab cing / de rnams la me tog la sogs pa dbul bar bya'o//gang gsungs pa/ shes rab bcu drug lon pa la/ /lag pa dag gis yang dag 'khyud/ /rdo rje dril bu mnyam sbyor bas/ /slob dpon gyi ni dbang du 'dod/ /ces so/ /de'i rjes su mdor bsdus pas dkyil 'khor gyi de kho na nyid dkyil 'khor gyi rnam par dag pa yang brjod par bya'o//phung po dri med nyid ni dkyil 'khor te/ /mtha' dag lha mo'i tshogs kyi rnam par nges/ /he ru ka dang dpa' bo de bzhin gshegs/ /der yang lus dang ro yi rgyun las rtogs/ /zhes pa phyir mi ldog pa'i dbang bskur ba ste/ /ming gzhan slob dpon gyi dbang gi cho ga'o// //de nas rdo rje sems dpa'i rnam par bltas nas/ me tog la sogs pa rnams kyis yang dag par mchod cing bstod de/ sgeg pa dang bcas pa'i me tog gcig gis slob ma la bsnun nas 'di rnams brjod par bya'o/ /deng nas brtsams te rdzogs sangs rgyas/ /srog dang bcas pa rnam rol phyir/ / rdo rje bsnyems ma'i rnal 'byor gyis/ /dga' mchog bde ba'i mchod pa gyis/ /AH/ sgeg dang bcas pas phreng ba 'phang / /sangs rgyas thams cad mchod par bya/ /'di rnam 'bral bar mi 'gyur te/ /phreng ba 'di ni rgyan yin no/ /oM/ /lus can kun la dam chos kyi/ /glu ni khyod kyis blang par gyis/ /de yis bde gshegs dngos grub ni//shin tu bde ba thob par 'gyur/ /gI/ de nyid thal mo'i gar gyis ni/ /rdzogs sangs rgyas la rjes chags pa'i/ /sangs rgyas 'dul ba'i phrin las kyis/ /gar mkhan tshul du bsgyur bar gyis/ /ho/ /rdzogs sangs rgyas la spos phul bas/ /dam tshig brtul zhugs legs bsgos pa'i//lus can bde gshegs cha lugs su/ /ye shes kyi ni tshul du bgyis/ /AH/ sangs rgyas rnams la me tog dor/ /byang chub yan lag tshogs gyur pas/ /mtshan dang dpe byad ldan pa yi/ /bde gshegs sku ni thob par gyis/ /b+h+rUM/ chos kyi me ni legs spar bas/ /rdo rje chos dang 'dra bar rang //sems can ma rig ldongs rnams las/ ye shes snang bas gsal bar gyis/ /pra/ rgyal ba rnams la dri phul bas/ /tshul khrims ting 'dzin shes rab dang / /rnam grol ye shes gzigs pa yis/ /byang chub lus can rnams la bskor/ /gaH/ de nas rang gi snying po la sogs pa'i sngags brgya rtsa brgyad dam lan gsum du bzlas te/bcom ldan 'das kyis gzungs sbyin lags kyis/ /'di la nye bar mdzad du gsol/ /zhes brjod cing slob ma la sbyin par bya'o/ /slob mas kyang / bcom ldan bdag gis bzung lags kyis/ /bdag la nye bar mdzad du gsol//zhes 'dis gzungs lan gsum bzlas so/ /sngags gtad pa'i cho ga'o// //'di'i rjes su gser ram dngul gyi snod du bzhag pa'i sbrang rtsi dang mig sman thur mas blangs nas de dag nyid kyis bsku zhing sngags kyi de kho na nyid rig pas/ oM badzra nai tra a pa ha ra pa Ta laM hrIH/thur ldan sman pa'i rgyal po yis/ /ji ltar 'jig rten rab rib bzhin/ /bu khyod kyis ni mi shes pa'i/ /rab rib rgyal ba rnams kyis bsal/ /zhes brjod par bya ste mig sman gyi cho ga'o// //de nas me long blangs la/ aHyig gis mngon par bsngags nas slob ma'i gdong la bstan zhing tshigs su bcad pa 'di brjod par bya ste/chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las yang dag byung / /rdo rje sems dpa' me long bzhin/ /de ni dag gos la rnyog pa med//sangs rgyas kun bdag bdag nyid ni/ /bu khyod kyi ni snying la zhugs/ /rang bzhin med cing gnas med par/ /chos rnams de ltar shes nas khyod/ /sems can don ni mnyam med byos/ /skyob pa rnams kyi sras su skye/ /zhes pa'o/ /me long bstan pa'i cho ga'o// //de nas hoH yig las byung ba'i gzhu hoHzhes brjod cing /sarba ta thA ga ta a nu rA ga ya swa zhes pas byin nas mnga' 'phang ba'i tshe yang slob mas/ oM sarba ta thA ga ta a nu rA ga ya nas/ bgegs la 'bigs pa'i bsam pas phyogs bzhir mda' 'phang bar bya ste steng du gcig dang 'og tu gzhan no zhes pa mda' 'phang ba'i cho ga'o// //dbang bskur ba 'di rnams thams cad du/ oM sarba ta thA ga ga a b+hi She ka ta sa ma ya shri ye hUM swA hA/ zhes brjod pas dbang bskur bar bya'o zhes slob dpon gyi dbang bskur te lus rnam par sbyong ba'o/ /de nas 'chad par 'gyur ba'i dam tshig 'khor lo'i tshogs dam tshig byas nas yol bas bcad pa la sogs pa dben par byas nas slob ma la rab tu bstan pa'i ched du gzugs dang lang tsho la sogs pas brgyan cing /dam tshig dang sdom pa dang skal bar ldan pa'am ma rnyed na gzhan yang rung ba'i shes rab ma bla ma la gsang ba'i don du dbul bar bya'o//de la bla ma rdo rje sems dpa'i ngo bor lhag par mos pas thal mo sbyar te/ khyod kyi zhabs kyi bka' drin las/ /bdag gis bla med bya ba thob/ /de phyir gsang ba'i dbang gis ni/ /mgon po rjes su gzung bar mdzod//ces pa lan gsum gyis gsol ba gdab par bya'o/ /de nas rim pas dam tshig la nye bar bzhag ste/ de la ting nge 'dzin gsum gyis dge ba'i bla mas/ tha mal ba'i bud med kyi gzugs stong pa nyid kyi rjes la lha mo'i gzugs su bskyed pa de dang / rdo rje dang pad+ma 'du bya ba sngon du 'gro bas snyoms par 'jug par bya zhing /oM sarba ta thA ga ta a nu rA ga Na badzra swa b+hA wa At+makou0f85haM/ zhes brjod nas snying ga'i sa bon gyi 'od zer gyis rnam par snang mdzad la sogs pa'i de bzhin gshegs pas spyan ma la sogs pa dang snyoms par 'jug pa bkug ste/ rnam par snang mdzad kyi sgo n as bdag nyid la bcug pa rnams 'dod chags chen pos zhu bar gyur pa a wa d+hU tI nas 'gro bar bsams la/rdo rje nor bur lhan cig skyes pa bstan par bya zhing / mthe bong dang ming med dag gis rdo rje nor bu btsir nas pad+ma las byung ba'i de bzhin gshegs pa zhu ba de rnams rang gi byang chub kyi sems dang dbyer med par mos par bya ste/gsung rdo rje'i ngo bos slob ma rnams la'o/ /thabs dang shes rab sbyor ba mthong nas ma dad par dogs par gdong g.yogs bcings la/ der 'jug pa rnams rnal 'byor ma'i las kyi rdo rje can gyis bzung nas gzhug par bya/ pus mo btsugs nas me tog dang bcas pa'i thal mo sbyar zhing /bcom ldan zhi ba chen po kye/ /rdo rje rnal 'byor gcig bzhed pa/ /mi phyed phyag rgya sgrub pa po/ /rdo rje'i sbyor las yang dag byung / /ji ltar khyod ni bdag nyid che/ /khyab bdag bdag kyang de 'drar mdzod/ /'khor ba 'dam gyi tshogs nang du/ /bying ba skyabs med bdag la skyobs//zhes pas bla ma la bstod pa bya'o/ /de nas bla mas langs te/ 'das pa'i rdo rje 'chang sogs kyis/ /ji ltar sangs rgyas sras dbang bskur/ /byang chub sems ni bzang po yis/ /de bzhin bu khyod dbang bskur bgyi/ zhes pa'i tshigs bcad brjod pa sngon du 'gro bas/oM AHbadzra d+h+r-i ka hUM zhes pa la sogs pa dkyil 'khor gyi dbang phyug gi sngags rnams ji lta ba bzhin du brjod pas slob ma'i khar dbab par bya'o/ /des kyang rnam par snang mdzad la sogs pa de bzhin gshegs pa thams cad 'dus pa'i slob ma aM ho ma hA su khaM zhes brjod cing btung bar bya'o//shes rab kyis kyang langs nas gos med pa nyid du lhung ba'i chu skyes na gnas pa de bzhin gshegs pa'i bdud rtsi'i thig le rnams de'i khar gzhug par bya ste/ des kyang de bzhin du btung bar bya'o zhes pa/ gsang ba'i mngon par dbang bskur ba ste ngag rnam par sbyong ba'o/ /de'i rjes la de'am gzhan yang rung ba'i shes rab ma dam tshig dang sdom pa la gnas pa'am/gzhan yang rung ste gzugs dang lang tsho can la sogs pa dang ldan zhing / khyod kyi zhabs kyi bka' drin las/ gsang ba'i dbang bskur bla med thob/ /shes rab ye shes dbang bskur gyis/ /mgon po rjes su gzung bar mdzod//ces pa'i tshigs su bcad pas gsol ba btab pa can gyis slob ma la/ gzungs ma yid 'ong 'di khyod kyis/ /bstan byar sangs rgyas rnams kyis bstan/ /'khor lo'i rim pa sbyor ba yis/ /dam pa'i bde ba myong bar gyis/ /dga' sbyin gnas sbyin lha mo 'di/ / sna tshogs gzugs can yid 'ong ma/ /zung zhig zung zhig sems dpa' che/ /zhes go bar byas nas gtad par bya'o/ /de nas rig mas kyang 'dod lha bzhin du sgrub pa po la rnam par blta zhing / gos dang bral ba la me tog gi rgyan rnams kyis brgyan te langs nas g.yon brkyang la sogs pa rnams kyis sgeg par byas la g.yas brkyang gi rkang stabs kyi tshul dang /zlum po'i rkang stabs dang / tsog pu rnams kyang bya zhing / bzhi mnyam la sogs pa rnams kyis dri zhim par byas te/ chu skyes gsal por nye bar bstan nas dga' bas 'di nyid brjod par bya'o/ /e ma nga yi pad+ma 'di//bde ba thams cad kyi ni gnas/ /gang zhig cho gas sten byed pa/ /de yi mdun na nga gnas so/ /sangs rgyas bstan pa la sogs pa/ /bya ba pad+mar ji bzhin gyis/ /bde chen rgyal po rang nyid kyang / /'di nyid du ni rtag tu zhugs/ /b+hany+dza mok+Sha hoHzhes 'don pas so//des kyang langs nas 'o byas la yang dag par 'khyud de gnas par bya'o/ /de la bla mas dga' ba la sogs pa'i dbye ba bshad par bya ste/ rdo rje pad+mar rab bzhag nas/ /byang chub sems ni spro mi bya/ /bskyod byas de ni dga' ba yi/ /sems ni bskyed cing bsgom par bya/ /rnal 'byor can gyis byang chub sems//ji srid gshegs par mi bya bar/ /gang yang dga' bde skyes thob pa/ /de srid rgyun mi 'chad par bsten/ /dngos grub kun gyi bsten gyur pa/ /byang chub sems ni lhung ba na/ /rnam shes phung po brgyal 'gyur bas/ /ma smad dngos grub ga la yod/ / mkha' dbyings rdo rje sbyor ba yis/ /reg pa rmad byung chen po ste/ /bde ba skyes pa gang de ni/ /mchog tu dga' ba'i byed pa po/ /zhes pa dang / nam mkha' nor bu pad+ma yi/ /ze'u 'bru bltams pa'i gnas dag la/ /rdo rje skyil krung gis ni sems/ /nor bu'i nang du gnas par blta/ / nges par skyes pa'i ye shes gang / /ye shes de ni dri med gzugs/ /mchog dang dga' bral dag pa'i dbus/ /mtshan nyid bltas te brtan par bya/ /zhes pas bla ma'i bka' drin las dga' ba so so'i dbye ba dang ldan par rang nyid lha'i sku dang shes rab ma lha mo'i gzugs su bskyed nas/ hrIHdang hUM dag las skyes pa'i pad+ma dang rdo rje dag gi ze'u 'bru dang nor bu dag aHdang oM dag las skyes pa dang / /rdo rje'i khar phaT yig ser po rnam par bsgoms la g.yon gyi char gnas pa'i rtsa dang mdzub mo dang lce rnams kyi rtse mor yang hrIHyig dmar po gnas shing / shIta yig sngon du 'gro bas yang dag par bskul ste/oM shI shI shI shI ha ha ha swA hA/ zhes pa dang / oM sarba ta thA ga ta a nu rA ga Na badzra swa b+hA wa At+ma kou0f85to/ zhes pa'i sngags bzlas shing / rang gi snying ga'i sa bon gyi 'od zer gyis spyan drangs pa'i de bzhin gshegs pa la sogs pa lus la bcug ste/ bla mas kyang rnam par snang mdzad dang spyan ma la sogs pa dpag tu med pa bcug pa dang ro gcig tu gyur pas dga' ba brtsam par bya'o/ /gang tshe rnal 'byor ye shes mthong / /bde bas gnas te 'gyur ba med/ /thun tshod yang na nyin zhag gam/ phyogs dang zla ba lo yis sam/ / bskal pa 'am bskal pa stong phrag tu/ /ye shes mngon sbyor gnas par bya/ /zhes pa dang / slob mas de yi cha gzung ste/ /pad+ma'i nang du spro bar bya/ /de nas bcud len sems kyis ni/ /byang chub sngon du gzung bar bya/ /zhes pa shes rab ye shes kyi mngon par dbang bskur ba ste thugs rdo rje rnam par spyod pa'o//de'i rjes su/ shes rab ye shes dbang bskur gyis/ /sems kyi rdo rje rnam par sbyangs/ /da ni bdag la bzhi pa yang / /'dren pas bka' drin mdzad du gsol/ /zhes pa gsol ba btab ba can gyi slob ma la/ sngar gyi don gyi yang dag pa'i de kho na nyid tshig gis bstan par bya ste/ji skad gsungs pa'i tshigs mngon sum du gzung ba'i shes rab ye shes kyi dbang bskur ba de bzhin du bzhi par mngon par brjod cing 'bras bur gyur pa'i dbang bskur ba rin po che bshad par bya'o/ /ma yin par gzhan du na dam tshig zad pa'i 'jigs pa de ni bcom ldan 'das kyis gsungs te/ji ltar gsungs pa'i cho gas dbang bskur sbyin/ /slob ma'i mos pa'i yid ni yang dag brtag /rgya chen zab mo'i tshul la lhag mos na/ /dbang bskur rin chen de nyi tshig gis sbyin/ /zhes pa dag slar yang / dbang bskur med na rnal 'byor ba/ / rnal 'byor nyid la slu bar byed/ /mkha' la khu tshur bsnun pa dang / /ri dgas skom ni 'thung ba'o/ /byang chub sems dpa'i 'dul ba la yang sdom pa med na ni thar ba 'dzin pa ma yin no zhes so/ /'o na 'di ni rgya chen po la lhag par mos pa'o zhes bya bar ji ltar khong du chud par bya zhe na/ de gsungs pa/ chu skyar las ni chu yod dang / /du ba las ni mer shes bzhin/ /byang chub sems dpa' blo ldan gyi/ /rigs ni mtshan ma dag las shes/ shin tu rab dang chu skyes gdong / /dga' ba rab rgyas lus las skyes/ /de nyid bltas na mkhas pa yis/ /dam pa'i slob ma rjes su gzung //zhes so/ /de nyid kye'i rdo rjer yang gsungs pa/ /dbang bskur rnam gsum dbyer med pa/ /rgyud 'di las ni rnam par gnas/ /slob dpon gsang ba shes rab dang / /bzhi pa de yang de bzhin no/ /skad cig dgod dang lag pas thob/ /de yang 'khyud pa rgyud las te//dgod pa dag la slob dpon nyid/ /lta ba gsang ba de bzhin te/ /lag bcangs las ni shes rab nyid/ /gnyis gnyis 'khyud la de yang ngo / /dga' ba dang ni mchog dga' nyid/ /dga' bral lhan skyes de bzhin te/ /sna tshogs dang ni rnam smin dang / /rnam nyed de bzhin mtshan nyid bral//dbang gi rim pa'i cho ga kun/ /shes rab yan lag chags las skyes/ /dga' ba'i bde ba cung zad skye/ /mchog tu dga' ba de bas lhag /dga' bral dga' ba chags bral yin/ /lhag ma lhan cig skyes dgar 'gyur/ /dang po reg par 'dod pa ste/ /gnyis pa bde bar 'dod pa yin/ / gsum pa 'dod chags 'jigs pa nyid/ /de nas bzhi pa bsgom par bya/ /sna tshogs dang po'i dga' ba ste/ /rnam smin la ni mchog dga' ba/ /rnam nyed dga' bral dga' ba yin/ /mtshan bral lhan cig skyes dga' nyid/ /'khyud dang 'o byed la sogs pa/ /sna tshogs rnam pa sna tshogs brjod//rnam smin de las bzlog pa ste/ /yang dag bde ba'i ye shes spyod/ /rang nyid bde ba spyad pa yi/ /gos ni rnam par nyed par gsungs/ /mtshan nyid bral ba gsum las gzhan/ /chags dang chags bral rnam par spangs/ /de nyid kyi phyir gsungs pa/ 'dod chags ma yin chags bral min//dbu mar dmigs par mi 'gyur ro/ /gsum po spangs pa nyid kyi phyir/ /lhan cig skyes pa byang chub brjod/ /de nyid nag po zhabs kyis gsungs/ /reg pa la sogs sna tshogs yin te pad+mar rdo rje gnas pa gang yin de ni rnam smin no/ /phyi nas bsrubs pa las skyes chags pa'i me yis bsregs nas mgron la zhen pa'i phung po rnam nyed yin//de la yid ni 'dzin pas rlung dag lhan cig spyod cing chu skyes la ni lhag par gyur pa'i me/ /de 'dir rdzogs pa'i byang chub lam ste mtha' dag rgyal ba'i sku ni rnal 'byor bgrod bya mtshan bral lo/ /dA ri ka pa'i zhabs kyis kyang gsungs pa/nor bu'i rtsa bar rab tu gnas pa sna tshogs dga' ba tsam yin te/ /slar yang nor bu'i dbus su lhag ma'o rnam rtog dang bcas g.yo ba dang / /de las steng du spyi bo'i thur ni 'dzag cing 'pho ba med pa'i gzugs/ /lhan cig skyes pa 'dam skyes la gnas sangs rgyas las ni gzhan pa ci//bi rU pa zhes bya ba'i zhabs kyis kyang gsungs pa/ ji snyed rang bzhin 'od gsal bsil zer can gyi sgo las khu ba lhung ba ma yin par/ /lha mo'i pad+ma'i 'dab ma'i nang du ro mnyam gyur pa rgyal ba'i tshogs rnams kyis/ /rdo rje'i spyi bo'i rtse mor spro zhing snying rjes mi phyed 'gro la mdzad pa can//ji snyed dpal ldan snying rje'i stobs ni lhan cig skyes par shes bya khyab bdag gzugs/ /in+d+ra b+hu tI zhabs kyis kyang gsungs pa/ ji srid rdo rje nor bur rdo rje gsum ni bsreg cing g.yo ba'i zla ba rlung gis ni/ /chu skyes gnas kyi lte ba'i nang du 'gro bar 'dod pa'i skad ces 'di la brtan gyur pa//gang du rang dang gzhan la sogs pa'i rnam rtog bral gyur bya ba rnams ni dman pa'i yid/ /shes par bya ste lhan cig skyes pa'i de bzhin nyid ni slar yang rig par 'gro ba gsal/ /gzhan yang / de yi rtsa bar ma yin po la'i snying por min/ /pad+ma'i sbyor ba med pa yang ni ma yin te//ji snyed rdo rje'i rtse las 'pho ba med gyur pa/ /de snyed mtshan nyid bral bas lhan skyes mtshan nyid do/ /zhes pa la sogs pa'o/ /don 'di nyid dpal gsang ba 'dus pa las kyang gsungs pa/ bsgrub bya sgrub byed yang dag sbyor/ /gang de bsnyen par gsungs pa de/ /rdo rje pad+ma mnyam sbyor ba/ / nye bar sgrub pa zhes brjod do/ /hUM phaT yi ge yang dag ldan/ /sgrub pa la ni g.yo bar gsungs/ /ngo bo nyid kyis gang bde zhing / /sgrub pa chen po zhes brjod do/ /bsgrub bya ni shes rab dang / sgrub byed ni thabs te de dag yang dag par sbyor ba ni bsnyen pa'o/ /pad+mar rdo rje rab tu zhugs pa ni nye bar sgrub pa'o//g.yo ba ni sgrub pa'o/ /ngo bo nyid kyis rang nyid bde zhing zhi ba ni sgrub pa chen por gsungs so/ /bsgrub bya dang ni sgrub byed dag/ rdo rje rab zhugs mthar dga' ba/ /shin tu bskyod pa'i byang sems kyi/ /mthar ni mchog tu dga' ba po/ /'pho ba la ni dga' bral gyi dga' ba ste/gang gi tshe 'di dag gi dbus su rang bde zhing zhi bar gyur pa de rjes lhan cig skyes pa'i dga' ba zhes pa'o/ /de nyid dpal kyai'i rdo rjer yang gsungs pa/ da ni thog ma dbus mtha' min/ /srid min mya ngan 'das pa 'ang min/ /'di ni mchog gi bde chen te/ /gzhan min gzhan pa min pa'ang min//mchog tu dga' ba srid par brjod/ /dga' bral las ni mya ngan 'das/ /dbu ma dga' ba tsam nyid de/ /'dis ni lhan cig skyes pa'ang spangs/ /mchog tu dga' bas yang dag thob/ /sna tshogs spangs pa'i skad cig la/ /ston pas gsungs pa sems dpa' che/ / bde ba chen po gzung bar gyis/ /ji srid byang chub mthar thug par/ /sems can don gyi rdo rje 'dzin/ /zhes pa la sogs pa rgya cher ro/ /'o na ji ltar rnam pa gsum po de dag dbyer med par gsungs she na/ 'bras bu rgyu las gzhan min phyir/ /rnam gsum mngon du rab grag ste/ / dga' bral dga' ba'i dbus dag tu/ /bzhi pa rnam par bsal phyir ro/ /'o na ji ltar 'di dag gi dbus nyid du rab tu gsal bar bshad ce na/ /mchog gi mtha' dang dga' bral dbus/ /stong dang stong min he ru ka/ /zhes pa'i gsung las so/ /stong dang stong min zhes pa ji ltar zhe na/thog ma tha ma med zhi ba/ /dngos dang dngos med bdag nyid gtso/ /rang nyid snying rje dbyer med pa/ /byang chub sems zhes brjod par bya/ /zhes pa grub pa'i mtha' las so/ /'di nyid thabs gang gis bskyed par bya zhe na/ dkyil 'khor 'khor lo'i thabs dang ni/ /rang byin brlab pa'i rim pa yis//byang chub sems ni bskyed par bya/ /kun rdzob don dam gzugs can no/ /'di dag ni gang gis brjod par mi nus te/ gang dang gang gi phyir zhe na/ so so rang rig ye shes 'di/ /ngag gi las 'das spyod yul te/ /rang byin brlab pa'i rim pa 'dis/ /kun mkhyen ye shes de rang bzhin//gzhan gyis brjod min lhan cig skyes/ /gang du yang ni mi rnyed de/ /bla ma'i rim pa nyer bsten dang / /bdag nyid bsod nams las shes bya/ /bla ma'i zhal gyi bka' drin dang / /rang nyid bsod nams che ldan pa/ /'dzin pa las kyi ye shes ni/ /ngag gi lam 'das spyod yul lo//de gsungs pa/ gang gis 'di ni rjod par byed pa'i tshe/ /thams cad mkhyen pa'ang tshig gis phongs gyur pa/ /byed pa dang bral 'gro la rtag tu shar/ /bde ba'i rgyal po gcig nyid rgyal gyur cig /sa ra ha pa'i zhabs kyis kyang gsungs pa/ /de yi de nyid bla ma yi/ / gsung las bla mas rtogs par 'gyur/ /lhan skyes gnas skabs bdud rtsi'i ro/ /gang du smra zhing ci ltar shes/ /slar yang / 'di ni blo yi spyod yul ma yin tshig gi spyod pa las/ /ring du gyur cing bla ma dngos po'i gtam gyi 'jug pas stong / /rgyud kyi rim pas snying rje la sogs yon tan 'jug 'gyur pa//rang nyid dad dang ldan pa'i snying la go 'phang ster bar byed/ /'on byang chub sems kyi sa'i mtshan nyid ci zhe na/ de gsungs pa/ dbang po rnams ni rang nyid bzhin/ /yid ni nang du zhugs pa bzhin/ /tshig ni nyams pa bzhin du 'jug /lus ni bde bas yang dag rgyas//dbang po'i tshogs ni nyams shing 'jug pa med/ /rnam rtog ma rdzogs srid pa'i sa bon te/ /dga' ba'i rang bzhin 'di ni nam mkha' yi/ /me tog bsil ba'i ro la myang ba'o/ /dbang po'i lam ni rnam par zhi gyur cing / /nyams par gyur pa'i rang bzhin gang yin pa/ /de yi 'bras bu lan cig skyes dga' ste//lus kyi me tog bla ma'i zhal las dris/ /de nyid gsungs pa/ gang zhig shar bas dus rnams nyams zhing spyi bor gnas/ /yul dang dbang po mtshungs pa de la phyag 'tshal lo/ /gang yang mngon dga' rgyal pa'i mdzes sku gcig pu nyid/ /sad gyur de yang mkhas pa'i snying la bcang bar gyis//slar yang / blo yi rnam rtog rnam par bcom na ni/ /gang 'dir dam pa'i bde ba stobs byed do/ /bya ba de yang mkhas pa rnams kyis bya/ /gzhan yang / phun tshogs bsam pa dang ldan nyid/ /ces pa la sogs pa rgya cher ro/ /de'i phyir yang dag pa'i bla ma dam pa la slob ma dam pas gus par bya zhing gsum la 'jug pa'i bde ba chen po rang gis rig par bya'o zhes pa'o//de'i rjes thogs nyid la shes rab ma de'i lag pa slob ma'i lag par gtad cing / me tog gi phreng ba bcings nas/ de gnyis rang gi lag pa g.yon pas bzung ste/ rdo rje dang bcas pa'i lag pa g.yas pa slob ma'i mgo bor bzhag la dkyil 'khor gyi mdun du/ 'dir ni khyed rnams dbang po lags/ /bdag gis 'di la 'di gtad do/ /zhes de bzhin gshegs pa rnams dbang por bcug ste/ thabs gzhan gyis ni sangs rgyas min/ /'gro gsum 'di yang dag pa min//de phyir 'di dang bral bar ni/ /khyod kyis nam yang ma byed cig /'di de sangs rgyas thams cad kyi/ /rig ma'i brtul zhugs bla na med/ /rmongs pa gang zhig 'da' byed pa/ /de la mchog gi dngos grub med/ /ces brjod cing rig ma'i brtul zhugs gzung bar bya ste/ 'di ni rig ma'i brtul zhugs sbyin pa'i cho ga'o// //de nas slob ma rdo rje sems dpa'i gzugs su rnam par bsgoms la/ 'di de sangs rgyas thams cad nyid/ /rdo rje sems dpa'i phyag na gnas/ /khyod kyis kyang ni rtag tu zung / /phyag na rdo rje'i brtul zhugs brtan/ /zhes brjod nas rdo rje lag pa g.yas par sbyin zhing des kyang /oM sarba ta thA ga ta sid+d+hi badzra sa ma ye tiSh+Tha e Sha satwaM d+ha ra ya mi badzra satwa hi/ hi hi hi hi hUM zhes brjod de gzung bar bya'o/ /zhes pa rdo rje'i brtul zhugs sbyin pa'i cho ga'o// //de nas sangs rgyas thod pa dang bde mchog dang / kye'i rdo rje la sogs pa gang yang rung ba'i snying po'i sngags kyis kha T+wAM ga dang Da ma ru dang pad+ma'i snod rnams la lan gsum bzlas la/rdo rje sems dpa'i phyag rgya 'di/ /phyi dang nang du yang dag gnas/ /de nas kha T+wAM cang te'u/ /snod sbyin dpa' bos gzung bar bgyi/ /zhes pa'i tshigs su bcad pa brjod cing 'dzin du gzhug go/ kha T+wAM ga la sogs pa las gzhan spyod pa'i yan lag rgyud du gsungs pa rnams kyang / deng de'i 'khor lo'i dbang phyug gi snying po'i sngags kyis bzlas la/ /rdo rje sems dpa' zhes pa la sogs pas 'dzin du bzhug go/ /de ltar yang dpal gsang ba 'dus pa las/ /thor tshugs cod pan 'dzin pa gzugs//kha dog dkar po lta bu che/ /thams cad cho ga bzhin du bya/ /sngags kyi sdom pas yang dag bsdam/ /sdong bu rtsa ba 'bras bu ste/ /longs spyod kun la mnyam par spyad/ /ces pa la sogs pas rig ma'i brtul zhugs yang dag par blangs te spyod pa'i brtul zhugs bya bar gsungs so//gang yang btsun mo'am skyes pa spyod pa'i brtul zhugs ni/ /de rnams rdo rje phag mo'i gzugs sam bdag med ma'i gzugs sam me tog lhung ba dang rjes su mthun pa'i rigs kyi lha'i gzugs dang / skyes pa rnams bde mchog dang kye'i rdo rje la sogs pa gang yang rung ba'i gzugs su rnam par bsams la/de dang de la snying ga'i sa bon gyi 'od zer gyis bkug pa'i ye shes kyi lha rnams gzhug cing / 'khor lo'i gzugs kyis mi bskyod pa/ rna cha'i bdag nyid 'od dpag med/ /mgul gyi phreng ba rin chen dbang / / lag pa rnam par snang mdzad dran/ /ska rags la ni don yod gnas/ /yan lag kun la rdo rje 'dzin/ /zhes gsungs pas rim pa ji lta ba bzhin du 'khor lo dang / rna cha dang / mgul rgyan dang / gdu bu dang / ska rags dang / thal ba rnams la mi bskyod pa dang / 'od dpag med dang / rin chen 'byung ldan dang /rnam par snang mdzad dang don yod grub pa dang rdo rje sems dpa'i gzugs su skad cig gis bsams te/ de dang de'i ye shes sems dpa' de bzhin du spyan drangs pa bcug nas/ mi bskyod pa la sogs pa yongs su gyur pa las 'khor lo la sogs pa'i phyag mtshan rnams mi bskyod pa la sogs pa'i rang bzhin nyid do zhes bya ba la sogs par lhag par mos la/oM d+ha ra d+ha ra d+hA ra ya d+hA ra ya ma rda ma rda badzra d+h+r-i ka phaT swA hA/ zhes pas lan gsum bzlas pa'i 'khor lo de dang de'i mgor rdo rje sems dpa' zhes pa la sogs pa'i tshigs su bcad pas te/bud med kyi phyogs la ni dpa' bo zhes pa'i tshab tu lha mo zhes pa bcug cing brjod pas gzhag par bya'o/ /oM badzra d+harma sa ma ya s+t+waM hu lu hu lu A ro l-ika phaT swA hA/ zhes pa lan gsum bzlas pa'i rna rgyan gnyis ni rna ba dag la'o/ /oM badzra sUR+Ya ta mo bud+d+ha ma na sa ma ya s+t+waM a rat+na d+h+r-i ka phaT swA hA/zhes pa lan gsum bzlas pa'i mgul rgyan gyi ni mgrin par ro/ /oM shA shwa ta par ma shA shwa ta e h+ye hi dzi na dzikaphaT swA hA/ zhes pa lan gsum bzlas pa'i lag gdub gnyis ni lag pa dag la gdu bu bzhin no/ /oM phuHphuHhi hi hi pradz+nyA d+h+r-i ka phaT swA hA/ zhes pa lan gsum bzlas pa'i ska rags ni sked pa la'o/ /yang dag gnas zhes pa'i rjes la/ rim pa ji lta ba bzhin du/ 'khor lo mi bskyod pa yi gzugs/ /zhes pa dang / rna rgyan gnyis ni gsung rdo rje/ /zhes pa dang / mgul rgyan phreng ba rin 'byung ldan/ /zhes pa dang / lag gdub rtag pa'i bdag nyid do//zhes pa dang / ska rags don yod grub pa ni/ /zhes bcug ste/ rdo rje sems dpa' zhes pa la sogs pa brjod par bya'o/ /oM badzra satwa hUM zhes pa lan gsum bzlas pa'i thal ba ni yan lag thams cad la dgod par bya'o/ /bud med rnams kyis ni thal ba dang bral ba'i phyag rgya gzung bar bya ste/skyes pa rnams kyis ni thal ba lhan cig phyag rgya drug go/ /gang yang bud med skyes pa lta stangs la sogs pa'i nus pa thob pas gzhan don du dpa' bo'i brtul zhugs blang bar 'dod na/ de rnams rdo rje phag mo'i gzugs dang bde mchog gi gzugs ye shes sems dpa' dang ro gcig tu rnam par bsams la/'khor lo la sogs pa sngar bzhin du mos pa bya zhing / mgo bo'i phreng ba la sogs pa rnams rang rang gi sngags kyis lha'i rang bzhin du mos te/ oM badzra bai ro tsa nI ye hUM hUM phaT swA hA/ zhes pa lan gsum bzlas nas 'khor lo la sogs pa de bzhin du bsgom par bya'o//sangs rgyas lnga'i bdag nyid kyi thod pa yang ste/ bai ro tsa na'i sngags gang yin/ mgo bor thod pas brgyan pa'o/ /zhes gang gsungs pa'o/ /thod pa ni 'dir 'khor lo'i gzugs kyang ngo / /oM hr-IHha ha hUM hUM phaT/ ces lan gsum bzlas pa'i rna rgyan gnyis te/yi ge bdun pa'i gsang sngags kyis/ /rna rgyan gyis ni rna bar mdzes/ /zhes gang gsungs pa'o/ /rdo rje phag mo'i rtsa ba'i sngags sam/ oM sarba bud+d+ha zhes pa la sogs pa'i sngags kyis lan gsum bzlas pa'i mgul rgyan te/ rdo rje phag mo'i sngags gang yin/ mgrin par mgul rgyan rnam par brgyan/ /zhes gang gsungs pa'o/ /oM haH/ na ma hi/ swA hA hu/ bau Sha Da he/ hUM hUM ho phaT haM/ zhes pa lan gsum bzlas pa'i gdu bu gnyis te/ dpa' bo'i go cha drug gis ni/ phyag rgya 'di ni lus la mdzes/ / zhes gang gsungs pa'o/ /oM baM hoM yaM hriM hUM hUM phaT phaT/ ces pa lan gsum bzlas pa'i ska rags te/ rnal 'byor ma drug ces pa yi/ /sngags kyis ska rags rgyan du bya/ /zhes gang gsungs pa'o/ /oM shrI badzra he he ru ru kaM hUM phaT DA ki nI dz+wa la sam+ba raM swA hA/ zhes pa lan gsum bzlas pa'i mi mgo lnga bcu'i phreng ba ni mgrin pa la ste/lha yi snying po'i sngags kyis ni/ /brgya phyed phreng bas rnam par brgyan/ /zhes gang gsungs pa'o/ /oM sarba bud+d+ha DA ki nI ye badzra bar+Na nI ye hUM hUM phaT phaT swA hA/ zhes pa lan gsum bzlas pa'i stag gi pags pa ni sham thabs kyi ched du ste/sangs rgyas kun gyi mkha' 'gro mas/ /pags pa'i gos ni 'dzin pa mchog /ces gang gsungs pa'o/ /oM pra tsaN+De hUM hUM phaT/ ces pa la sogs pa nas/ oM rU pi nI ye hUM hUM phaT/ ces pa'i bar sngags sum cu rtsa drug gis lan gsum bzlas shing / 'chad par 'gyur ba'i mtshan nyid can gyi sngags kyis/gang ba'i snod ni lag par te/ /'khor lo kun gyi rnal 'byor ma'i/ /sngags kyis btung ba'i thod pa'o/ /zhes gang gsungs pa'o/ /kha T+wAM ga dang Da ma ru/ /na mo b+ha ga wa te bA re sha ya zhes pa bcom ldan 'das kyi rtsa ba'i sngags kyis lan gsum mngon par bsngags te/rdo rje sems dpa' la sogs pa'i tshigs su bcad pas so/ /slar yang sngags de nyid kyis lan gsum bzlas pa'i tshangs skud dang / mgrin par 'phyang ba'i do shal dang / rdo rje'i rgyan dang / rkun ma'i skra las byas pa'i cod pan dang / skor gnyis pa'i ska rags dang /thal ba dang / dpung rgyan dang / rkang gdub dang / g.yer kha rnams ni rang rang gi gnas su ste/ dpa' bo'i rtsa ba'i sngags kyis kyang / /tshangs skud la sogs gnas su gdags/ /zhes gang gsungs pa'o/ /de la phreng gcig gis tshangs skud bya'o/ /phreng brgyad kyis ni ska rags te/de nyid bud med kyi rked par bcu drug gis te/ nyi shu rtsa lngas ni do shal lo/ /gang yang / skud pa gcig gis tshangs skud de/ /skud pa brgyad kyis ska rags nyid/ /bud med bcu drug shes par bya/ /nyi shu rtsa lnga'i phreng ba can/ /zhes gsungs pa'o/ /yang na mi'i rgyus pa las byas pa'am/skra las byas pa'i tshangs skud do/ /'dir 'khor lo la sogs pa dang rdo rje'i rgyan rnams ni ji ltar rigs par mi'i rus pa las byas pa'o/ /de la gcig ni spyi bor te/ de skad du/ thod pa'i dum bu so lnga par/ /byas pa'i cod pan 'dzin par byed/ / ces gsungs so/ /dpa' bo'i spyod pa'i brtul zhugs nyid la/ rgyal bu gzhon nu'i brtul zhugs kyi spyod pa dang / rdo rje thod pa'i spyod pa'i brtul zhugs zhes kyang dpal sam+bu Ta'i rgyud du gsungs so/ /de'i rjes su phyag rgya lnga la sogs pa rtag tu mchod pa bya'o zhes pa spyod pa'i brtul zhugs sbyin pa'i cho ga'o// //de nas mchog sbyin bla ma yis/ /phyag rgya yang dag lung bstan bya/ /de nyid de bzhin gshegs gyur nas/ /slob ma rdo rje 'dzin bdag nyid/ /g.yon pas chos gos 'dzin pa dang / g.yas pas mchog sbyin phyag ldan pas/ de bzhin gshegs kun lhan gcig tu/ /tshigs bcad 'di nyid brjod par bya//srid pa'i ngan 'gro las bton pas/ /srid mtha' shin tu grub bya'i phyir/ /rdo rje sems dpa' de bzhin gshegs/ /bdag gis khyod 'dri lung bstan bgyi/ /kye'i che ge mo rdo rje zhes bya ba'i de bzhin gshegs pa sid+d+h+ya sa ma ya s+t+waM b+hu r+b+h+ya wa swaHzhes pa'i sngags brjod cing slob ma lung bstan par bya ste/gang yang 'di ltar bstan pa la de bzhin gshegs pa thams cad kyis dbyangs gcig tu bla na med pa yang dag par rdzogs pa'i byang chub tu lung ston par mdzad do zhes pa lung bstan pa'i cho ga'o// //rig ma dang rdo rje dang spyod pa'i brtul zhugs dang / lung bstan pa 'di rnams la rgyud la sogs pa kha cig tu ni dbang bskur pa nyid kyi tha snyad byas so//de'i rjes su slob ma rnam par snang mdzad la sogs pa'i gzugs bsam gtan gyi mdun/ 'khor lo rin chen de bzhin du/ /pad+ma dang ni rdo rje ste/ /rjes su gnang ba de rnams sbyin/ /tshigs su bcad pa 'di rnams sbyin//sems can kun la phan don du/ /sems can kun la thams cad nas/ /ji ltar sna tshogs 'dul ba yi/ /chos kyi 'khor lo rab tu bskor/ /dzA ya dzA ya sarba ta thA ga ta a d+hi pa ti pra wa rta ya d+harma tsakraM sems can kun la phan don du/ /ji ltar sna tshogs 'dul ba yi//sangs rgyas rin chen rab tu ston/ /oM badzra rat+na d+harma bi shud+d+ha dz+nyA na a b+hi zhe ka pA ta oM oM oM/ /sems can kun la phan don du/ /'jig rten kun la thams cad nas/ /ji ltar sna tshogs 'dul ba yi/ /'dod chags dag pa rab tu ston/ /oM badzra d+harmA bi shud+d+ha dz+nyA na rA ga pad+ma dal swa b+hA wa badzri AH/sems can kun la phan don du/ /'jig rten kun la thams cad nas/ /ji ltar sna tshogs 'dul ba yi/ /rdo rje'i mchod pa rab tu bskor/ /badzra karma bi shud+d+ha dz+nyA na sarba pU dza swA b+hA wa AHTha/ slar yang khyad par gyi rjes su gnang ba sbyin par bya ste/ oM badzra b+ha Sha raM zhes brjod cing a yig las skyes pa'i dung dang /g.yon par dbyangs tha ma las skyes pa'i dril bu dbyangs tha ma brjod cing byin la/ slob ma dril bu 'khrol du gzhug cing / thams cad nam mkha'i mtshan nyid de/ /nam mkha' la yang mtshan nyid med/ /nam mkha' mnyam par sbyor ba yis//kun mchog mnyam pa nyid du gsal/ /deng nas brtsams te dang bcas pa'i/ /sems ni bskyed pa tsam gyis ni/ /chos kyi 'khor lo rab tu bskor/ /chos kyi dung ni bla med pa/ /kun nas yongs su gang bar gyis/ /zhes pas so/ /slar yang / rnam pa sna tshogs las byas pa'i/ /rin chen bdun ni gtad par bya//gri gug dang ni kha twAM ga /bgrang phreng glegs bam sa bor/ /gyo mo rnal 'byor dbyug pa dang / /zhes brjod pa'i mthar/ pad+ma'i lag pas lham dang ni/ /rnal 'byor pa yi sgom thag rnams/ /legs par dga' ba'i bsam pa yis/ /sngags chen de yis sbyin par bya//the tshom med pa'i bsam pa yis/ /khyod 'dir blo gros ngan mi bya/ gsang sngags spyod pa'i tshul mchog ni/ /mnyam med rang gis rang gsal bya/ /de ltar byas na sangs rgyas la/ /phan btags byas pa gzo ba yin/ /rdo rje 'dzin pa de kun yang / /khyad la rtag tu kun srung mdzad//shes rab las kyi rang bzhin bdag /yid bzhin nor bu ltar mtho bas/ /skye med dogs dang bral ba yis/ /de ltar sems can don gyis shig /ces brjod do/ /des phyag byas la/ gtso bos ji ltar bka' bsgo ba/ /de bzhin du ni bdag gis bgyi/ / zhes brjod par bya ste rjes su gnang ba sbyin pa'i cho ga'o// //de'i rjes su/ spyi bo ru ni gdugs bzung nas/ /skor ba byed du bcug nas ni/ /dkyil 'khor sgor ni thal sbyor ba/ /gdugs pa bcas dbab cing 'di brjod bya/ /rgyud rnams 'dzin par gyur pa yi/ slob ma 'di ni phul ba lags//zhes brjod pas de ltar dkyil 'khor gyi dbang phyug la gsol ba btab la/ gdugs gzhan du gzhag nas slob ma'i snying la 'bab pa'i tshig brjod par bya ste/ da ni khyed rnams dkyil 'khor gyi/ /slob dpon sngags dang rgyud 'dzin par/ /sangs rgyas byang chub sems dpa' dang / / lha rnams kyis kyang dgongs par 'gyur/ /sems can rnams la brtse don du/ /khyed kyis dkyil 'khor cho ga bzhin/ /rab tu 'bad pas bri bar bya/ /sgrub pa po rnams sngags la sbyor/ /mchog tu gsang ba dam pa yi/ /dkyil 'khor mthong bzhin rab zhugs pas/ /sdig pa kun las rnam par grol//de ring khyod rnams bde bar gnas/ /bde chen thog pa 'di la ni/ /phyin chad 'chi ba yod med de/ /srid pa'i sdug bsngal las khyod 'das/ /srid pa shin tu mtha' grub po/ /sangs rgyas rdo rje can kun gyis/ /de ring tshe ldan dbang bskur te/ /khams gsum gyi ni rgyal srid che//rje bo nyid du khyod nges so/ /'dod chags bral ba lta bu'i sdig /khams gsum na ni gzhan med de/ /de bas 'dod la chags bral nyid/ /khyod kyis nam yang mi bya'o/ /'dod pa kun la spyod pas khyod/ /gang la 'jigs pa med par gyis/ /sha lnga bdud rtsi lnga bza' bya//de las gzhan yang dam tshig bsrung / /srog chags gsad par mi bya zhing / /bud med rin chen spang mi bya/ /slob dpon spang bar mi bya ste/ /sdom pa las ni 'da' mi bya/ /shes rab thabs kyi bsam pa yis/ /mi bya cung zad yod ma yin/ /ma 'jigs khyod la sdig pa med/ / rdo rje sems dpa'i gsung ji bzhin/ /zhes pa'o/ /dbugs dbyung ba sbyin pa'i cho ga'o// //dbyugs dbyung sbyin nas slob ma la/ /bla mas dam tshig spyod rigs bya/ /rigs lnga las ni yang dag byung / /dam tshig lnga ni mnyan par gyis/ /sangs rgyas chos dang dge 'dun te/ /dkon mchog gsum la skyabs su song //'di ni sangs rgyas rigs dge ba'i/ /dam tshig sdom pa yin par 'dod/ /rdo rje dril bu'i phyag rgya yang / /blo chen khyod kyis gzung bar bya/ /byang chub sems gang de rdo rje/ /shes rab dril bu zhes byar brjod/ /slob dpon brnyas par mi bya ste/ / bla ma sangs rgyas kun dang mnyam/ /'di ni rdo rje'i rigs dag pa'i/ /dam tshig sdom pa yin par gsungs/ /rin chen rigs la de bzhin du/ /nyin dang mtshan mo lan gsum du/ /zang zing chos dang mi 'jigs byams/ /sbyin pa rnam bzhi rab tu sbyin/ /phyi dang gsang ba theg pa gsum/dam chos khyod kyis gzung bar bya/ /'di ni pad+ma'i rigs dag pa'i/ /dam tshig sdom pa mchog yin no/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bya/ /mchod pa'i las kyang ci nus bgyis/ /'di las gzhan du'ang bcu bzhi ni//rdo rje'i theg la pham par bshad/ /nyin lan gsum dang mtshan lan gsum/ /nyin re zhing ni bzlas par bya/ /bshes gnyen rdo rje'i spun zla dang / /rnal 'byor ma rnams bsnyen bkur bya/ /spang bar mi bya dor mi bya/ /ji ltar nus bzhin yang dag spyad/ /theg pa dman pa 'dod mi bya//sems can don la rgyab phyogs min/ /'khor ba yongs su mi spong zhing / /mya ngan 'das la rtag dga' min/ /lha rnams dang ni gsang ba pa/ /khyod kyis brnyas par mi bya zhing / /phyag rgya bzhon pa mtshon cha dang / /mtshan ma 'gom par mi bya 'o/ /khyod kyis srog chags gsad mi bya//ma byin par yang mo blang ngo / /'dod pa log par mi spyad cing / /brdzun du smra bar mi bya'o/ /sems can gdul phyir ma gtogs pa/ /bya ba ma yin pa thams cad spangs/ /dam pa nye bar bsten bya zhing / /rnal 'byor ma kun bsnyen bkur bya/ /lus kyi las ni rnam gsum dang //ngag gi rnam pa bzhi rnams dang / /yid kyi rnam pa gsum dag ni/ /ci nus par ni rjes su skyongs/ /'di dag dam tshig yin par gsungs/ /da ni khyod kyis bsrung bar bya/ /de bzhin des kyang brjod par bya/ /slob dpon bdag nyid chen po ste/ / gtso bos ji ltar bka' stsal pa/ /de bzhin du ni bdag gis bgyi/ /de ltar yid ni rab dang rdo rje nyid du gyis/ /rang gi dam tshig mi zad bde ster snod du gyis/ /'gro ba bde ba nyung las rdo rje sems dpa' dang / /mtshungs pa'i rtag pa nyid du phyin par 'gyur/ / gzhan yang gang dag cho ga ji lta ba bzhin du mngon par dbang bskur ba la dge ba nyid kyi phyir/ sangs rgyas dang byang chub sems dpa' thams cad kyis sdug pa'i bu dang 'dra bar thugs dang bas gsang sngags par dgongs par mdzad pa 'di ni chos rnams kyi chos nyid yin no zhes so/ /dam tshig bsgrag pa'i cho ga'o// //de ltar mngon par dbang bskur ba thob cing dbugs phyung bas dga' ba'i slob mas kyang / de bzhin du bgyi'o zhes pa dang / deng bdag skye ba 'bras bur bcas/ /bdag gi gson pa'ang 'bras bur bcas/ /de ring sangs rgyas rigs su skyes/ /sangs rgyas sras su dang bdag gyur//zhes brjod par bya'o/ /de nas rjes su mthun pa'i yin/ /slob ma las ni blang bya ste/ /des kyang dkyil 'khor de nyid ni/ mngon du byas nas slar yang dbul/ /rgyal srid sa gzhi chung ma dga' ba'i bu dang bran mo de ni de bzhin bran bzang dang / /glang po rta dang nor dang so ba gser dang shing rta gos dang mtshon cha de bzhin du//phun tshogs ma he rnams dang khyim sogs mchog de rnams dang dam pa rnams kyang bsten pa ste/ /bdag nyid kyang ni nges par shes bya gzhan ci'ang slob ma rnams kyis rig pa'i bla ma la'o/ /de ma byas na bsod nams ci/ /smyung gnas dang ni dka' thub gang //bla na med mdzad slob dpon ni/ /rdo rje sems dpa' mchod par bya/ /de la phul bas sangs rgyas rnams/ /kun la rtag tu phul bar 'gyur/ /de la byin pas bsod nams tshogs/ /tshogs las dngos grub bla na med/ /mdor na de 'dra'i bya ba rnams/ /bla ma dam pa mnyes bzhin bya//bla ma mnyes na dngos grub las/ /gzhan min zhes ni thub pas gsungs/ /zhes pa la sogs pa'o/ /da ni dbang gi dag pa bshad de/ /'dir me tog lhung bas nye bar mtshon pa'i de bzhin gshegs pa'i rang bzhin gyis yongs su dag pa nges par gsal bar bya ba'i phyir/mgo bo'i phreng ba'i dbang bskur ba'am/ /ma rig pa'i dri ma 'khrud par nus pa nyid du bsgrub pa'i phyir chu'i mngon par dbang bskur ba'o/ /rgyas 'debs kyi de bzhin gshegs pa 'dus bya ba bskyed pa dang / gtsug tor bskyed par nus pa nyid kyi chen du cod pan gyi mngon par dbang bskur ba'o//nyon mongs pa la sogs pa'i dgra rtsa ba nas 'don pa nyid kyi phyir dpa' bo'i dar dpyangs 'ching ba ni cod pan gyi dbang gi 'khor yin te/ kha cig tu ni dbang bskur ba tha dad par brjod do/ /dbyer med pa'i ye shes skye bar 'gyur bar nus pa nyid du bsgrub pa'i phyir rdo rje'i mngon par dbang bskur ba'o//stong pa nyid dang snying rje dbyer med pa bla na med pa'i ye shes 'byung ba'i mnga' bdag chos 'byung rtogs par bya ba'i ched du chos 'byung mtshon par byed pa dril bu sgra dang bcas pas mngon par dbang bskur ba'o/ /bdag po'i ched du mngon par dbang bskur ba ni bdag po'i dbang du yang brjod do//'byung bar 'gyur ba na thub pa'i dbang po'i go 'phang gi ming du 'os pa'i sa bon bsgrub pa'i ched du ming gi mngon par dbang bskur ba'o/ /'di nas brtsams te rnam par dag pa zung 'jug gi byang chub rtogs par bya ba'i ched du brtson par gyis shig ces nges par bya bar dgongs nas de'i rang bzhin gyi rdo rje 'dzin pa la sbyor ba ni rdo rje'i dam tshig go//chos kyi phung po brgyad khri bzhi stong ston pa'i nges pa ster ba'i de bzhin nyid rtogs pa la sbyar ba'i ched du sgra dang bcas pa'i dril bu'i dam tshig go /shes rab dang thabs kyi rang bzhin bde ba chen po'i bdag nyid rdzogs pa'i sangs rgyas kyi rang bzhin shin tu brtan par nus pa nyid du bsgrub pa'i phyir phyag rgya'i dam tshig go//de nyid kyi phyir mkha' 'gro ma rdo rje gur las/ dam tshig gnyis kyi 'khor can phyag rgya'i dam tshig kho na rdzogs pa'i sangs rgyas kyi dbang du gsungs so//rgyud gzhan du ni dam tshig gsum slob dpon gyi dbang gi don du gsungs te/ de ltar yang sngar shes rab bcu drug ces pa la sogs pa gsungs so/ /dri ma 'khrud par nus pa nyid ni dam tshig gsum gyi rnam par gzhag ba gnyi ga la mi 'gal lo//ji ltar sa bcu pa la phyir mi ldog pa'i byang chub sems dpa' chen po rnams phyogs bcu'i de bzhin gshegs pa rnams kyis mngon par dbang bskur ba de bzhin du/ dam tshig gsum dang bcas pa 'di yang de rnams dang bla mas dpag tu med pa'i sems can gyi phung po la gzhal du med pa'i chos ston pa la sogs pa'i slob dpon du bya ba'i ched du khams gsum gyi chos kyi rgyal srid la dbang bas na/slob dpon gyi dbang bskur ba ni phyir mi ldog pa rnams dang 'dra bas na phyir mi ldog pa'i dbang ste phyir mi ldog pa nyid kyi sa bon nyid kyang bskrun par byed pa'o//de'i phyir de la ltos nas phyir mi ldog par bya ba'i ched du dbang bskur ba dang / phyir mi ldog par bye dpa'i dbang bskur ba ni/ phyir mi ldog pa dang ldan pa'i dbang dang phyir mi ldog pa'i dbang du brjod do/ /de nyid kyi phyir/ rdo rje gsang ba ye shes kyis/ /slob dpon zhes bya gsum du 'dod//ces pa'i lugs ni blo gros ngan pa rnams kho na'i yin no/ /'di dag la sogs pas ni nyan thos kyi dam tshig gis rtse ba spang bar bya'o zhes pa'i nges pa'i ched du/ rdzogs pa'i sangs rgyas rdo rje 'dzin pas rdo rje lhan cig rab tu sbyor bas rtse bar bya ba'i don du gang gis me tog 'thor ba'o//rdzogs pa'i sangs rgyas rdo rje 'dzin pas rtag tu rang gi dam tshig la mchod par bya'o zhes pa ni/ phreng ba kun nas 'phang ba'o/ /sems can thams cad kyi bsam pa ji lta ba bzhin du dam pa'i chos yang dag par brjod pa'i don du oM gyi yi ge dang swA'i yi ge klog pa'o/ / sangs rgyas kyi gar rab tu bskor zhing gar gyi rjes su chags pas skye bo rnams gdul ba'i ched du ting ting shags 'dzin pa'o/ /sems can thams cad la sangs rgyas kyi ye shes 'jug pa'i don du spos kyi kun du bskyod pa'o/ /byang chub kyi yan lag bdun gyis yang dag par 'byor zhing / /mtshan sum cu so gnyis dang dpe byad brgyad cus rnam par mdzes pa'i de bzhin gshegs pa'i sku thob pa'i ched du me tog nges par 'grems pa'o//ma rig pa'i mun par mun pa'i sems can rnams ye shes kyi sgron mes yang dag par snang bar bya ba'i ched du snang gsal dbul ba'o/ /'byung bar 'gyur ba na thub pa'i dbang po'i sems dang tshul khrims dang ting nge 'dzin dang shes rab dang rnam par grol ba dang rnam par grol ba'i ye shes thob par bya ba'i ched du dril bu dbul ba'o//bgegs med pa nyid dang zhi ba la sogs pa'i dngos grub kyi sa bon dgod pa dang / don dam pa'i sngags kyis dngos grub kyi zhing dag par bya ba'i ched du sngags brjod pa'o//mi shes pa'i rab rib bsal nas lha'i mig mngon par shes pa bskyed pa'i ched du mig sman no/ /de bzhin du yang gzugs brnyan dang 'dra bar sna tshogs par lta ba 'du bya ba'i ched du me long gi dbang ngo / /bdud bzhi las rnam par rgyal nas/shin tu phra pa'i chos kyi dbyings kyi 'ben la sleb pa'i sa bon dgod pa'i ched du mda' 'phang ba'o/ /dad pa dang shes rab kyi zhing du bya ba'i don dang / dam tshig bsrung ba'i don dang / ngag dag pa'i don du gsang ba'i mngon par dbang bskur pa'o/ /phul du phyin pa'i ye shes 'di la yod pas shes rab ni phyi rol gyi gzhon nu ma yin la/de las ye shes ni sems rnam par rtog pa dang bral ba ste/ rnam par dag pa dang lhan cig skyes pa'i dga' ba ni shes rab ye shes kyi mngon par dbang bskur ba'o/ /ye shes de nyid dri ma dang bral zhing yongs su dag par rtogs pa ni bzhi pa'i mngon par dbang bskur pa'o//'di dag ni bde ba chen po'i ros yid 'khrud par byed pa'i phyir na dbang ngo / /'di dang 'brel ba kho nar shes rab nyid zag pa med pa'i bde ba dam pa 'phel zhing mngon sum du byed pa'i thabs yin pa'i phyir/ las dang po la sogs pa'i gnas skabs su yang spang bar mi bya'o zhes pa ni rig ma'i brtul zhugs so//gang tshe rnam par mi rtog pas/ /las kun thabs dang bcas par spyod/ /rnam par mi rtog sgom pa ni/ /brtul zhugs rnams kyi bla ma'i bla/ /zhes sogs rdo rje mkha' 'gro mas gsungs pa'i phyir brtul zhugs can gyis ci bya/des na ye shes lnga'i rang bzhin gyi byang chub kyi sems kyi brtul zhugs kho na la sbyin du sbyor ba'i phyir rdo rje'i brtul zhugs so/ /spyod pa dang bral na yang byang chub kyi sems mi rtog go zhes bslab pa'i don du spyod pa'i brtul zhugs te de ni rnam pa gsum mo/ /de la dang po nang gi bdag nyid kyi phyag rgya gsum dang sbyor ba ni mchog ste/de ltar yang / kha T+wAM ga ni lha yi sku/ /cang te'u shes rab dang ni rtags/ /zhes pa dang / sngags ni thod pa'i btung ba'o/ /zhes gsungs so/ /lha'i sku dang gzhom du med pa'i gtum mo sgra tsam dang gnyis su med pa'i bde ba chen po nyams su myong pa'i rten ni kun rdzob byang chub kyi sems te/de ltar gsum ni mtshon par byed pa'o/ /gnyis pa ni/ de bzhin gshegs pa lnga rnam par dag pa chos kyi dbyings kyi ye shes la sogs pa bskyed pa la sbyor ba lhur byed pa ste rnal 'byor ma dang spyod pa'i rtul zhugs so/ / gsum pa ni lta stangs bzhi dang mngon par shes pa lnga la sogs pa'i nus pa thob par gyur pa na sems can gyi don sgrub pa lhur pa ste/ 'jig rten las phyir rol pa'i rnal 'byor pa'am rnal 'byor ma nang gi bdag nyid kyi rgyan ma lus pa'i don gyi mthu mchog tu byed pa stong pa nyid dang snying rje dbyer med pa'i rang bzhin byang chub kyi sems 'byung ba la nges par sbyor ba'o//de ltar yang rnal 'byor ma kun du spyod pa'i rgyud las/ dang po mnyam gzhag rnal 'byor pas/ /'bad de nus pa bskyed par bya/ /nus pa bskyed pa'i rjes la ni/ /brtul zhugs spyod pa yid 'ong ba/ /rigs lnga mnyam par kun spyod pa//rigs gcig tu ni yang dag brtag /mi rtog sems gcig bdag nyid kyis/ /'dod pa lnga la spyad par bya/ /de ltar dpal ldan he ru ka'i/ /ye shes bsam pa kun rdzogs mdzad/ /shes rab che ldan de yi ni/ /gnyis med ye shes brtul zhugs bzung / / spyod pa'i brtul zhugs la zhugs pa'i/ /rnal 'byor rab nges shes par bya/ /zhes gsungs so/ /'byung bar 'gyur ba na thub pa'i dbang po'i go 'phang du 'os pa 'jig rten dang 'jig rten las 'das pa'i dbang phyug thob pa'i ched du glegs bam dang thod lo kor dang sam bo ra 'dzin pa'o/ / rgyal srid la sogs pa'i bde ba la ltos pa med par bya ba'i ched du bsod snyoms la brten par gyur pa'o/ /mi chod pa'i bsam gtan dang bzlas pa bya ba'i ched du gyo mo'i snod dang rnal 'byor ma'i dbyug pa 'dzin pa'o/ /ma rig pa thams cad gcad par bya ba'i ched du gri gug 'dzin pa'o//'di dag thams cad kyang spyod pa'i brtul zhugs nyid kyi 'khor yin no/ /khams gsum dang dbyer med pa'i chos nyid rtogs pa'i rim pa'i rnal 'byor dang ldan pa 'di khyod yin no zhes gzengs bstod pa'i don du lung bstan pa'o/ /de ltar yang b+hur zhes pa steng gi 'jig rten no//b+hu wa zhes pa rlung gi dkyil 'khor la sogs pa 'khor dang bcas pa'i sa 'og go/ /swAH zhes pa ni mtho ris te 'du shes med min skye mched kyi mthar thug pa'o/ /de gsum char yang khyod yin te/ gang gi phyir de rnams kyi rang bzhin te de kho na nyid kyi dam tshig ste rab tu dga' ba'i sa la sogs pa rim gyis rtogs par nus pa nyid kyi phyir ro zhes pa ni/sa ma ya s+t+waM b+hu r+g+hu wa swaH zhes pa 'di'i don to/ /cho ga ji lta ba bzhin du dngos grub bsgrubs te chos bstan pa la sogs pa rnams kyis sems can gyi don gyis shig ces pa ni rjes su gnang ba'o//khyod kyis 'dod pa rnams la nye bar longs spyod kyang sgrib pa thams cad las nges par grol pa'i sangs rgyas nyid de rang ngo zhes dkyil 'khor du 'jug pa la sogs pa byas pas rgyas par 'os pa la mngon par sbyor ba rtogs par bya ba'i ched du dbugs dbyung ba'o/ /phyi dang gsang ba dang de [(]kho [,]kho na [)] nyid kyi dam tshig gsum bsrung ba'i don du dam tshig bsgrag pa'i cho ga'o//rdo rje'i brtul zhugs la sogs pa lnga po 'di rnams kyang slob dpon gyi dbang gi rjes dang / rig pa'i dbang gi rjes la de dang de tsam gyis tshim pa rnams la shes par bya'o zhes pa ni kha cig tu'o/ /sngags dang mig sman dang me long dang mda' 'phang pa rnams ni rig pa'i dbang gi rjes la'o//rig ma'i brtul zhugs ni shes rab dang ye shes kyi dbang bskur ba'i rjes la yang kha cig tu'o/ /kha cig tu ni slar yang sngags la sogs pa dang spyod pa'i brtul zhugs dang / spyir rjes su gnang ba dang dam tshig gsum ni skal ba dang ldan pa rnams la'ang ma bshad de/ji ltar rigs par dbang gzhan rnams su de dang de'i don yod pa rnams la dgongs pas so/ /kha cig rjes su gnang ba dang dbugs dbyung ba dag gi phyir mi ldog pa'i dbang du bsdus te/ 'dir ni thams cad tha dad du brjod do/ /gang yang mkha' 'gro ma rdo rje'i gur las/dang po chu yi dbang yin te/ /gnyis pa cod ban gyi ni dbang / /gsum pa rdo rje'i dbang yin te/ /bzhi pa rang gi bdag po yin/ /lnga pa ming gi dbang yin te/ /drug pa rdzogs pa'i sangs rgyas dbang / /bum pa'i dbang ni bdun pa ste/ /brgyad pa gsang ba'i dbang yin no//dgu pa shes rab dbang bskur te/ /de nyid rdo rje'i sbyor ba yis/ /kun du rdo rje'i brtul zhugs sbyin/ /rang nyid ston pas lung ston te/ /'di dag dbang mchog rim pa'o/ /zhes gsungs shing 'di nyid brtag pa'i rgyal po gnyis par yang / /slob dpon gsang ba shes rab dang //bzhi pa de yang de bzhin no/ /zhes gsungs so/ /de la chu dang cod pan dang rdo rje dang bdag po dang ming dang slob dpon gyi dbye ba drug ni bum pa'i dbang ste/ thams cad du de bzhin gshegs pa rnams dang spyan ma la sogs pa'i rim pa rnams kyis bum pas mngon par dbang bskur ba'i phyir ro//slob dpon gyi dbang ni mchog tu nye bar blang bar bya ba nyid kyis phul du byung ba dang bcas par dbang bskur pa'i phyir/ bum pa'i dbang ni bdun pa ste/ /zhes gsungs la/ slob dpon gyi dbang de 'byung ba'i rgyu yin pas chu'i dbang la sogs pa lnga yang slob dpon gyi dbang du brjod de/ des na thams cad la 'gal ba med do zhes pa 'di ni gzhan dbang bskur ba'i cho ga'o// //rang nyid kyang dam tshig nyams na 'di lta bu'i dbang bskur ba nyid ji ltar slob dpon 'jug pa'i cho gar gzung zhing bshad pa de bzhin du blang bar bya'o/ /'on kyang gal te bla ma dam pa dang shin tu ring ba dang lam bgrod dka' ba la sogs pa'i nye bar 'tsho bas bgrod mi nus pa'i phyogs na gnas pa ste gzhan du ma yin no//rtag tu yi dam byed pa ni shes rab dang thabs ro gcig par rang gi 'dod pa'i lha'i rnal 'byor gyi yid kyis rang bzhin gyi dkyil 'khor bsgoms nas dkyil 'khor gyi dbang phyug las chu'i dbang la sogs pa dang gsang ba dang shes rab ye shes dang bzhi pa'i mthar thugs pa rnams dang dbugs dbyung ba'i mthar thug pa blang bar bya'o zhes pa rang dbang bskur ba'i cho ga'o// //rdo rje sems dpa'i sdom pa dang ldan pa 'di'i yang ltung ba ni rigs rnam pa gnyis te/ rtsa ba'i ltung ba dang spom po'i ltung ba'o/ /de rnams ji ltar na/ /bla ma dam pa'i thugs dkrugs pa/ /rtsa ba'i ltung ba dang por gsungs/ /bde gshegs bka' las 'das pa ni/ /ltung ba gnyis par brjod pa yin/ /rdo rje spun la khros pa yis/ /nyes pa gsal byas gsum pa ste/sems can rnams la byams pa spong / /bzhi pa yin par rgyal bas gsungs/ /chos kyi rtsa ba byang chub sems/ /de spong ba ni lnga pa ste/ /rang dang gzhan gyi grub pa'i mtha'i/ /chos la smod pa drug pa yin/ /yongs su ma smin sems can la/ /gsang ba sgrogs pa bdun pa ste//phung po lnga bdag sangs rgyas nyid/ /de la smod pa brgyad pa'o/ /rang bzhin dag pa'i chos rnams la/ /som nyi za ba dgu pa ste/ /gdug la rtag tu byams ldan par/ /byed pa de ni bcu pa'o/ /thog mtha' bral ba'i chos rnams la/ /der rtog pa ni bcu gcig pa/ /sems can dad dang ldan pa yi//sems sun 'byin pa bcu gnyis pa/ /dam tshig rdzas ni ji bzhin rnyed/ /mi bsten pa ni bcu gsum pa/ /shes rab rang bzhin bud med la/ /smod par byed pa bcu bzhi pa/ /zhes pa ni rtsa ba'i ltung ba'o/ /rnal 'byor sdom ldan rnal 'byor mar/ /rnal 'byor pa gang stobs kyis gtse/sbom po'i ltung ba dang por bshad/ /de la mtho btsams pa yang ngo / /rgyud las gsungs pa'i rjes 'brangs nas/ /byin rlabs med pa'i bdud rtsi yang / /de yi sbom po'i ltung pa ni/ /gnyis pa rab tu skye bar byed/ /tshogs kyi 'khor lor rtsod pa dang / /dam tshig la ni dmod pa dag /rnal 'byor pa de'i sbom po yi/ /ltung ba gsum par bshad pa yin/ /gang tshe gsang ba'i chos mthong la/ /g.yo sgyu'i blo yis mi sbed par/ /rab tu gsal bar bya na de'i/ /sbom po'i ltung ba bzhi par 'gyur/ /gang zhig dad pa'i sems can ni/ /gsang ba'i chos la dga' ba yi//phyin ci log ni 'chad byed pa/ /sgom po'i ltung ba lnga par 'gyur/ /nyan thos theg pa dman pa rnams/ /zhag bdun lhan cig gnas pa dang / /de la sbom po'i ltung ba ni/ /shin tu lci ba drug pa skye/ /rnal 'byor nges par mi shes par/ /rnal 'byor mngon pa'i nga rgyal sems//de yi sgom po'i ltung ba ni/ /bdun par 'gyur bar the tshom med/ /snod du gyur pa'i sems can gang / /phyi yi chos la dga' ba la/ /gsang pa'i chos rnams yang dag 'chad/ /de yi sbom po'i ltung ba ni/ /brgyad pa nyid du 'gyur ba yin/ /zhes pa ni sbom po'i ltung ba'o//de'i phyir ltung ba gnyis kyis gzung bas dam tshig med na ji ltar nus pa'i ston mo sbyin pa sngon du 'gro ba'i 'bul ba byas nas bla ma dam pa'i ma dun du sdig pa bshags pa dang sngar gyi gsum la skyabs su 'gro ba la sogs pa brtsams te sngar bzhin du rdo rje 'dzin pa'i sdom pa gzung bar bya'o zhes pa/gdams pa dang bcas shing 'khor dang bcas pa'i dbang gi cho ga'o// //'dir zhi ba la sogs pa'i don du sbyin sreg bya'o zhes sngar gsungs te/ des na/ dkyil 'khor sbyin sreg dang bral ba'i/ /rab gnas 'dir ni bstan pa med/ /de'i phyir slob mar phan 'dod pas/ /sbyin sreg cho ga yang dag bya//sems can dbye bas mtha' yas te/ /rigs kyi dbye bas rnam pa lnga/ /las kyi dbye bas rnam pa bzhi/ /thab khung zhes bya'i mtshan nyid 'di/ /rnam mang brjod pa yongs sngangs nas/ /de ni bdag gis legs bsdus te/ /zhi ba la sogs rab dbye bas/ / thab khung mtshan nyid brjod par bya/ /zhi ba'i thab khung zlum pa ste/ /kha khyer 'dam skyes ge sar bcas/ /dbus su chu skyes 'dab brgyad dang / /sor brgyad pa yi 'khor lo dgod/ /rgyar ni kun nas khru gang ba/ /sor bzhi yang dag spangs ba'o/ /kha khyer la ni sor bzhi ste/ /rgya ni dpangs kyi tshad yin no//rgyas pa la ni gru bzhi 'am/ /gang yang zur brgyad khru do pa/ kun nas sor brgyad spangs par te/ /dbus su chu skyes 'dab brgyad la/ /sor drug pa yi rin po che/ /rgyar ni dpangs kyi tshad ldan pa'i/ /sor mo brgyad pa'i kha khyer gyis/ /kun nas yongs su 'khor ba'o//dbang la zhi rgyas thab de bzhin/ /cung zad kha ni rgyas pa'o/ /stegs bu la sogs zhi ba yi/ /thab khung bzhin du bshad par bya/ /dgug pa la yang de bzhin 'dod/ /pad+ma'i dbus su dbang la ni/ /b+ha ga lta bu 'dod pa ste/ /dgug pa'i dbus su lcags kyu dgod//rdo rje rtse gcig rnam pa can/ /mngon spyod la ni brjod par bya/ /rtsub cing gseg ma'i sa gzhi'i char/ /thab khung gru gsum rgya la ni/ /sor mo nyi shu ba yi tshad/ /sor mo gsum ni spangs pa ste/ /rgya dang dpangs ni tshad mnyam pa/ /phyi rol kha phyir gzhol gyur ba'i//kha khyer sor mo gsum pa'o/ /mthil dbus rtse gsum la gnas pa'i/ /rdo rje rnon po sor brgyad pa'i/ /rtse mo byang du phyogs pa ste/ /ro bsregs thal ba rnga mo'i brun/ /me tog dri ngan la sogs gtor/ /las kun pa yi thab khung ni//zhi ba'i thab dang mnyam pa ste/ /'on kyang rab rgyas pad+ma 'dra/ /kha khyer rdo rje phreng bas bskor/ /dbus su mnyam par gnas pa ni/ /rdo rje rin chen chu skyes dang / /sna tshogs rdo rje yongs bskor dag/ /'khor lo rtsibs brgyad mdzes pa'o/ /zhi dang dbang gi thab ni shar/ /rgyas pa byang gi phyogs su ste//lho phyogs su ni dgug pa bshad/ /gshin rje'i phyogs su mngon spyod do/ /zhi dang rgyas dang de bzhin du/ /dbang dang mngon spyod thab kyi sar/ /byug pa 'jim pa me tog dri/ /dkar ser dmar po nag po'o/ /rgya yi cha yi tshad gang yin/ /de yi phyed na zabs su 'dod//rang rang thab dbyibs kha khyer te/ /sa sogs ma lus dbang bzhin no/ /las kyi dbye bas thab rnams la/ /rdul tshon rang bzhin dgram par bya/ /slob dpon la yang de dang de'i/ /yol ba la gnas dus ldan 'gyur/ /zhes pa thab khung gi cho ga'o// //dgang gzar gser dang zangs las byas//de bzhin ni ma pa'i rang bzhin bstan/ /mchod sbyin shing las byas pa'ang rung / /de dag gi yang yu ba ni/ /sor mi nyi shu rtsa bzhi ba'i/ /tshad can zlum por 'dod pa ste/ /rdo rje la sogs khu tshur gyis/ /gzung du rung zhing sgom pa nyid/ /yu ba'i rtse mor 'dab ma ni//sor bzhi ba ste gru bzhi'o/ /zabs su sor gnyis gru bzhi yang / /dbus su rdo rjes mtshan pa nyid/ /gdang gzar rtse mor bug pa ni/ /sor gang tsam du rab bstan pa'o/ /chu skyes 'dab la sor bzhi pa'i/ /dbus su rtse gsum dgod par bya/ /yu pa'i rtsa bar sor drug pa'i//rdo rje rin chen gyis mtshan 'dod/ /blugs gzar yu ba dag gzar bzhin/ /rtsa bar rdo rje'i dbyug pa nyid/ /blugs gzar kun du khru gang tsam/ /rtse mor kun nas sor gnyis pa'i/ /chu skyes 'dab ma'i rnam pa ste/ /dbus su rdo rje dgod par bya//dgang gzar blugs gzar med gyur na/ /sor mo lnga dang gsum po yang / /rab tu sbyar ba dag gis ni/ /bde legs rdzogs par gzhan dag gsungs/ /zhes pa dgang gzar dang blugs gzar gyi cho ga'o// //a shwA dU dang p+la k+Sha sogs/ /'o ma can shing lo mar bcas/ /rtse mo mnyam bcad mtho gang tsam//rlan bcas rma med rtse mo dag /'o ma sbrang rtsi mar la bsnyugs/ /rtse gcig dkar po'i dri yis bran/ /zung dag mnyam par gyur pa yi/ /yam shing rnams kyis sbyin sreg bya/ /chags pa gas pa phra dang sbom/ /rtse mo nyams dang rtse gnyis pa/ /skam po sgur po mi 'dod par//shes bya bsreg bya gzhan bshad bya/ /zho dang 'o ma zas mchog dang / /dUr ba 'bras yos nas dang til/ /ku sha tsu ta'i 'dab ma dang / /me tog dkar po'i ge sar dang / /tsan+dan pri yang ku dang ni/ /me tog thang chu'i sreg rdzas gsungs/ /ji ltar rnyed pas sbyin sreg bya//sbrang dang mar bsres zhi ba la'o/ /rgyas par ya shing de rnams nyid/ /tshad ni gang zhig khru gang ste/ /'o ma zho dang mar bsres pa/ /lag gzungs ser po dri yis bran/ /zas mchog gong bu zho zan dang / /ka r+Ni ka ra ti la chen po/ /pad+ma dang ni dpal 'bras dang / /sA lu'i 'bras dang 'bru rnams dang //de bzhin nA ga ge sar dang / /me tog brgya pa lhan cig tu/ /kun nas mngar gsum bsres pa yi/ /sreg rdzas rgyas la ji bzhin 'dod/ /rtsam+ba ka dang a sho ka /ba ku la dang pri yang ku/ /la gu tsa dang a mra sogs/ /sor lnga'i nA ga ge sar gyi/ /ge sar rnams dang dmar po yi//'bras bu rnams dang me tog gi /sreg rdzas rnams ni dbang la'o/ /dgug pa la yang de bzhin nyid/ /'on kyang tsher ldan lcags kyu'i dbyibs/ /las kun pa la 'dab ldan pa'i/ /u du m+ba' ra bA la sha/ pA k+Sha a shwa d+Tha seng ldeng / /sa mA a ba marga dang / a karka ka Sh+ma a mra/ /bai kaM ka ta n+ya gro d+ha/ /gsar ba'i yam shing 'di rnams gzung / /mdzub gang rtse gcig sbyin sreg 'gyur/ /mngon spyod la ni yungs kar dang / /tsha ba'i til mar khrag dang ni/ /nim pa'i 'dab ma ke tshe dang / /rnga mo la sogs brun rnams dang / /bshang gci ro bsregs thal ba dang //skra dang tsher ma khwa sogs kyi/ /gshog pa rus pa rkang pa'i rdul/ /sha chen tshil bu la sogs pa'i/ /rdzas 'di rnams dang dgra yi lus/ /byas nas dum bur bcad pa la/ /re re dug dang khrag lan tshwa/ /mngon par bsreg pa'i sreg rdzas 'gyur/ /gang zhig zhi dang rgyas pa'i rdzas//gang yin bdag nyid bza' ba yang / /mar dang bsres pa'i gu gul dang / /sbos skar de kun rtag tu sbyar/ /swA hA'i bdag nyid sngags kyis ni/ /dbye bas sbyin sreg mang du bya/ /dri dang me tog nyer spyod rnams/ /las kyi sbyor bas bya ba nyid/ /ces pa sreg rdzas kyi cho ga'o// //zhi ba'i bud shing thab khung las/ /cung zad thung ba'i mchod sbyin shing / /'brog dgon pa lang lci ba dag /srog chags med pa lhan cig 'dod/ /rgyas pa'i bud shing 'brog dgon pa'i/ /ba lang lci ba ma gtogs pa/ /ji skad gsungs bzhin bstan pa ste/ rang gi thab mnyam 'bras bur bcas/ /dbang la nim pa skyur ba'i shing / me tog ldan pa'i bud shing ste/ /dgug par tsher ma can zhes bya/ /mngon spyod la ni skam po dang / /tsha ba tsher ldan dri ngan dang / /de bzhin dur khrod skyes pa'i shing / /bong bu rnga mo la sogs spangs/ /las kun la yang de rnams kun//zhes pa bud shing gi cho ga'o// //zhi bar dkar po'i tshes gcig nas/ /brtsams te dkar po'i gos sogs can/ /srod la shar du kha bltas nas/ /stan bzang pad+ma'i gdan gyis 'dug /las dang rjes mthun bsam gtan bsgrub/ /byams dang snying rje dang ldan pas/las dang mthun pa'i rnal 'byor gyis/ /zhi ba'i yid kyis yang dag spyad/ /rgyas par zla ba gang ba nas/ /brtsams te ser po'i gos sogs can/ /snga dro shar du kha bltas nas/ /bzang po'i 'dug stangs kyis gnas brtsams/ /dbang la dmar po'i gos sogs can/ / nub tu kha bltas mthon po yi/ gdan la rdo rje'i skyil krung gnas/ /bde zhing dga' bas bya bar gsungs/ /dgug pa la ni thams cad mtshungs/ /'on kyang steng du kha bltas 'dod/ /lha rnams mnyes par byed pa la'ang / /nub tu kha bltas yang dag spyad/ /mngon spyod sngon po'i gos sogs sam//gang yang khro zhing khrag ldan gos/ /kha ni gshin rjer bltas te 'dug /sra ba'i stan nam rtsub mo'i sa/ /bsgrub bya'i gzugs brnyan brang la ni/ /brtan par kun nas gnas pa 'am/ /yang na stan ni med par yang / /rkang bas rkang ba mnan te bsdad/ /nag po yi ni tshes gcig gi//nyi ma gung ngam mtshan phyed la/ /so rnams 'cha' zhing smin ma dag/ khro gnyer bsdus te spyad par bya/ /rengs dang rmongs pa dbang ldan blta/ /de bzhin rdo rje skyil krung ste/ /pau ShaT sngags kyi mthar ldan pas/ /thab khung gru bzhir byas pa la/ /ser dang dkar ba'i rgyan gyis spras//rgyas mtshungs cho gas gang dag gnas/ /bskrad la de bzhin mer phyogs te/ /rnga mo la sogs sngangs kyis byug /dkar gnag gis brgyan dug gis bri/ /rdzas dang sngags ni 'di dag ste/ /khwa ta la sogs gshog pa mchog /spel tshig dang ni yang dag ldan/ /'dir ni khwa sogs gshog pa dang //che ge mo u ts+tsha Ta ya/ /hUM phaT ces pa'i sngags rnams ni/ /bris pa dag dang ldan pa'o/ /dbye ba de bzhin bden bral du/ /phyogs der rkang pa bzlog pas 'dug /ser po nag pos rnam par brgyan/ /tsha ba'i til mar dug gis bri/ /thams cad du phyogs dang phyogs bral gang du kha bltas pa'i thad ka'i phyogs dang phyogs bral du gnas pas so//yang don dam par phyogs rang rgyud pa ma yin pa'i phyir ji lta ba bzhin du nges par gnas pa de'i nga rgyal chen po'i yid kyis ting nge 'dzin dang ldan pas de kho na bzhin thams cad bya'o/ /gser dngul rdo dang zangs dang shing //sas byas nya phyis dung dang ni/ 'dab ma'i kyong bu zhabs bsil dang / /bsang gtor zhal bsil mchod yon snod/ /zhi bar der gnas 'o ma dang / /dkar po'i dri sogs 'dus byas te/ /sngags rig bdag nyid sngags pa yis/ /chu la swA hA'i mtha' can bzlas//rgyas par der ni til zho bsre/ /ser po'i dri sogs 'dus byas te/ /chu la oM yig mtha' can te/ /rang gi sngags kyi bzlas pa bya/ /dbang la dmar po'i dri la sogs/ /'dus bya chu la hoH yig gi/ mtha' can sngags kyi bzlas pa bya/ /dgug par dzaH yig mtha' can bdun//mngon spyod la ni khrag dang bcas/ /ba lang chu dang ko Ta ba/ /nag dang ngan pa'i dri sogs ldan/ /chu la phaT mtha'i sngags bzlas bya/ /kun du dri dang me tog dang / /ku sha 'bras yos til dang ldan/ /las dang rjes mthun chu la ni/ /ji ltar rnyed pa rab tu gzhug /mchod yon snod dang de bzhin du//las kun pa yi chu yi snod/ /las kun pa yi chu sngags ni/ /rang gi sngags kyis bsngags par bya/ /pad+ma'i snod gnyis g.yon logs su/ /rnam par bkod par gyur pa'i chu/ /lag pa g.yas pas bzung ba yis/ /yam shing sogs la bsang gtor bya/ / bsreg par bya ba'i rdzas rnams gzhan/ /rang gi g.yas su gzhag bya ste/ /bsad dang bskrad dang dgug pa la/ /bsang gtor dgod pa bzlog ste bya/ /zhi bar 'o ma can gyi shing / /gtsubs pa'am gang yang dgon pa'i me/ /rgyas par nags chen tshig pa 'am/ /rgyal po la sogs khyim byung ste//dbang la smad 'tshong rje'u rigs khyim/ /dgug par gar mkhan 'gron sogs las/ /drag por ro bsregs rus pa'am rdo/ /gdol ba'i khyim nas byung ba'i me/ /drag po'i dgug par yang 'di nyid/ /ji bzhin rang rang las kun la'o/ /zhes pa me'i mtshan nyid kyi cho ga'o// //de nas me rnams blang bya ste/ / gtsang ma'i snod du yang dag gzhag /gtor ma sbyin zhing bsrung ba bya/ /sngon du dril bu dkrol ba nyid/ /bgegs mthar byed pa'i sngags dang ni/ /de nas slar yang yi ge gsum/ /mchod yon zhabs bsil la sogs dbul/ /de dag dang ni bzlas pa'i chu/ /ku sha'i rtse mos bzung ba yis//lan gsum g.yas skor gtor bar bya/ /mngon spyod la ni g.yon pa yis/ /mchod yon la sogs thams cad bya/ /skam po'i rtswa dang lhan cig me/ /thab khung du ni rab tu gzhug /oM dz+wa la dz+wa la hUM brjod de/ /rlung yab las byung rlung dang ni/ /rigs kyi snying po bdun bzlas pa'i//blugs gzar gnas pa'i mar gyis sbar/ /de yis yang dag 'bar ba'i mer/ /gsang la tsha ba'i til mar ro/ /ku sha gsar pa ma grugs pa/ /ljang gu ba lang rna ba tsam/ /oM badzra satwa AH zhes pa/ /sngags kyis yongs su bzlas pa rnams/ / sgrub pos dang por ku sha gnyis/ /g.yon nas so sor kha khyer la/ /rtse mo shar du bstan pa dang / /gshin rjer phyogs dang nub tu bstan/ /rtse mo byang dang de nas shar/ /thab la ku shas g.yogs par bya/ /rgyas dang dbang dang mngon spyod kyi/ /thab la rim pa ji bzhin du/ /rtse mo byang dang rtse mo nub//rtse mo lho ru de bzhin nyid/ /dang por ku sha gnyis g.yon nas/ /de ltar kha khyer la yang dgod/ /'dir yang sgrub pa po gang du mngon par phyogs pa de la ltos nas shar la sogs pa'i phyogs kyi tha snyad byas te/ don dam par na phyogs dngos por med pa'i phyir ro/ /de nas/sngags rig rang gi lhag pa'i lha'i/ /sa bon las ni thab khung bskyed/ /me rnams 'bar ba shes gyur nas/ /de dbus bdag med bsgom par bya/ /de nas raM yig las skyes pa'i/ /gru gsum me ni bskyed pa'i dbus/ /pad+ma nyi ma la gnas pa'i/ /raM yig sa bon las byung ba'i//bong thung lto ba 'phyang sha rgyas/ /zhal gsum phyag drug 'bar ba ste/ /spyan gsum ral pa'i cod pan can/ /sma ra mchod phyir thogs dang ldan/ /las dang rjes mthun sku mdog dang / /gos dang rgyan rnams dag gis brgyan/ /dang po'i phyag gnyis rol pa yis/ /rang 'od la ni yang dag 'khyud//g.yon na dbyug pa spyi blugs te/ /g.yas na bgrang phreng mi 'jigs sbyin/ /de bzhin du rnam par shes pa'i 'od zer gyi phreng ba dang rgyas 'debs kyi dbang po dang yang dag par ldan pa me'i dkyil 'khor la gnas pa'i sa bon raM de nyid dang snying gar me lha rnam par bsgoms la/dam tshig sems dpa'i snying ga'i sa bon gyi 'od zer gyi lcags kyus nam mkhar dam tshig sems dpa' dang 'dra ba'i me lha ye shes sems dpa' me'i mtshams nas byon pa drang srong gi tshogs kyis yongs su bskor ba rtsa ba'i zhal ni sku mdog dang mthun pa ste/ de nyid dkar po yin na g.yas pa dang g.yon pa'i zhal nag po dang dmar po dag dang /ser po dang dmar po dang ljang gu nyid la ni sngon po dang dkar po dag dang / sngon po nyid la ni dkar po dang dmar po dag rnam par bltas nas g.yas pa'i mthe bo mi 'jigs pas bskyod pa dang sngags 'dis spyan drang bar bya'o//oM e h+ye hi mahA b+hU ta de ba r-i Shi dwi dza sa ta ma/ gr-i hi tA hu ti/ ma hA ra a smin san+ni hi twa b+ha wa/ zhes pas spyan drangs pa de dang lhan cig 'ongs pa'i bgegs gshin rje gshed la sogs pas bskrad nas de nyid dzaH hUM baM hoH/ zhes brjod pas rim pa ji lta ba bzhin du dgug pa dang gzhug pa dang bcing ba dang mnyes par bya'o//de nas oM AH hUM ar+g+haM pra tI ts+tsha hUM zhes pa 'dis mchod yon dbul zhing ar+g+haM gyi sgra'i gnas su pA t+yaM zhes pa la sogs pa bcug pas zhabs bsil dang zhal bsil dang bsang gtor rnams kyang phul nas las dang rjes su mthun pa'i me tog la sogs pa rnams dang gsang ba'i mchod pas kyang mchod par bya'o//de la 'di'i mchod yon la sogs pa'i rim pa ni/ ku sha yi ni chun po yis/ /dang po'i snod du bsang gtor gsum/ /kun du bzlas byas chu yis ni/ /de nyid du ni zhabs bsil dbul/ / khu tshur 'og tu phyogs pa yi/ /mdzub mos me tog gzung byas nas/ /mthe chung ming med gung mo dang / /mdzub mo rim gyis bkrol bas so/ /gnyis pa dung gi mchod yon te/ /gnyis pa nyid du so sor dbul/ /rdo rje snyim pa phye bas so/ /gsum par zhal bsil dbul bya ste//khu tshur mdzub mo mthe bong gi/ /skam pas gzung ba'i me tog rnams/ /sangs rgyas rnams kyi spyan snga ru/ /sor mo rim gyis lan gsum bskor/ /mdzub mo gung mo ming med dang / /mthe chung rnams ni bkrol bas so/ /zhes pa ni man ngag go/ /de nas/oM badzra a na la ma hA b+hU ta dz+wa la ya sarba b+hasmi ku ru sarba duSh+TA na hUM phaT dr-i sh+ya dzaH hUM sa ma ya s+t+waM sa ma you0f85haM zhes pa gsum gyis dam tshig bsgrag par bya'o/ /de nas/ /dril bu yongs gyur dgang gzar te/ /blugs gzar rdo rje las byung 'dod/ /ces bsams gsang sngags rig pa y is//rim pa 'dis ni sbyin sreg bya/ /lag pa g.yon pa gan rkyal du/ /mar gyis gang ba'i dgang gzar gzung / /g.yas pa'i khu tshur kha sbub kyis/ /blugs gzar gan rgyal mar gyis dgang / /kun nas dgang gzar la gnas pa/ /byang chub mchog gis de dag gzung //lag pa pus mo'i nang byas nas/ /ting 'dzin mchog ni bsam bya ste/ /slar yang rdo rje me lha'i khar/ /lce la hUM yig dgod par bya/ /dgang gzar g.yas skor byas nas ni/ sreg blugs rdzogs par dbul bar bya/ /de la sngags ni 'di yin te/ oM ag+na ye di pyA di pya a bi Sha a bi Sha ma hA shri ye ha bya ka bya bA hA na ya swA hA/zhes pas sbyin bdag nus pa'i dbang gis sreg blugs rdzogs pa gsum mam bdun nam nyi shu rtsa gcig dbul bar bya'o/ /oM ag+na ye swA hA/ zhes pa ni mar gyi sreg blugs kyi sngags so//zhi rgyas la sogs sngags rnams la/ /byang chub mchog dang nor bu dang / /pad+ma khro bo'i khu tshur bzhis/ /dgang gzar blugs gzer gzung ba bstan/ /mngon spyod tsha ba'i til mar dang / /dug dang bcas pas sbyin sreg bya/ /khro bo yi ni g.yon skor te/ /lag pa pus mo'i phyi nas so//'dam skyes 'dab ma so gnyis snod/ /mar gang bu ga cung zad gnas/ /ku sha'i rtse mo las 'dzag pa/ /thab kyi steng der dgod par bya/ /ye shes kyi ni rgyun rab tu/ /thab khung lte bar 'bab par bya/ /drag por tsha ba'i til mar dang / /dug dang bcas pa 'bab pa'o//dgang gzar blugs gzar gyi khal yi ge gsum dgod par bya zhing rang gi lha'i sa bon las byung ba bsgom par bya'o/ /zhi ba dang rgyas pa dang dbang du bya ba dang dbang du byas pa'i dgug pa rnams la swA hA dang oM dang hoH dang dzaH ste drag po la ni hUM hUM phaT ces pa sngags kyi mthar brjod par bya zhing /zhal cung zad gdangs pa dang drag po dang drag po'i dgug pa ni zhal shin tu gdangs pa'o/ /de nas 'bar ba'i mtshan ma ni/ /bgegs dang bral ba mtshon bya ste/ /'od zer dang bcas g.yas skor dang / /snum zhing de bzhin du ba med/ /gser dang dngul dang byi ru sogs//'dra zhing rnga yab dbyibs can dang / /rtse gsum rdo rje dung dang ni/ /chu skyes nya dang dpal be'u 'dra/ /bum pa bkra shis gdugs dang ni/ /rgyal mtshan ral gri blugs gzar dbyibs/ /rnga sgra zab mo dri zhim ldan/ /shin tu dri ma med pa dang / /me tog bai DUR+ya 'dra dang //dbang po'i gzhu dang mtshungs rnams dge/ /zhes pa thun mong bstan pa ste/ /da ni khyad par brjod par bya/ /zhi bar kha dog dkar por snang / /rgyas pa la ni ser por mtshungs/ /dbang la dmar zhing rtse mo mchog /mngon spyod la ni sngo nag go/ /rtse mo gcig pa mchog tu bstan//rtse mo gnyis pa 'bring du 'dod/ /rtse mo 'bar ba dman pa yin/ /sgrub pos mdor bsdus shes par bya/ /rnam par chad cing 'bar bar dka'/ /rtsub mo'i sgra ldan de mi 'dod/ /me stag 'phro dang de bzhin du/ /'od zer dman dang du ba mang / /ro yi dri dang rul pa'i dri//kha dog mi snum rtse mo gug /de bzhin g.yon du 'khor ba dang / /bsreg phor me yis ldag pa'i dbyibs/ /drag po'i las la shis pa ste/ /de ltar mi dge'i las la'o/ /de bzhin gshegs pas bgegs bsal te/ /las rnams thams cad rang gis byas/ /yan lag de dag nyid kyis ni//mar gyi sreg blugs bdun dbul lo/ /slar yang mar sogs sngags rnams kyis/ /sngar bzhin dgang gzar gyis gang / /sreg blugs rdzogs pa gsum mam bdun/ /yang na gcig rnams dbul bar bya/ /de la dang por sngags 'di rnams kyis yam shing la sogs pa sbyang bar bya ste/oM AH hUM swA hA/ yam shing sbyang ba'o/ /oM shriM swA hA/ mar gyi'o/ /oM swA swA hA/ rdzas rnams bkru ba'o/ /oM dzr-iM swA hA/ 'bru rnams sbyang ba'o/ /oM ku ru ku ru swA hA/ rdzas gzhan rnams sbyang ba'i sngags so/ /'dir ni rim pas yam shing dag//bsregs nas yam shing me la mar/ /til dang dUr ba 'bras zho zan/ /ku sha la sogs bsreg par bya/ /de la yam shing rnams rim pas bzung ste 'chad par 'gyur ba'i rang rang gi sngags kyis yam shing dang dUr ba dang ku sha rnams ming med dang mthe bong gis blangs nas so//rtsa ba dang ni rtse mo yis/ /zhi gyur rgyas la de bzhin no/ /rtse mos dbang ste de bzhin dgug/ /rengs dang rmongs pa dag la'ang de/ /rtsa ba'i cha yis 'chi bar 'gyur/ /dbus kyis bskrad par 'dod pa yin/ /snying rje ldan pas de shes nas/ /sbyin sreg cho ga ji bzhin bya//oM badzra brah+ma ne swA hA/ pa lA sha'i'o/ /oM badzra yadz+nyA ya swA hA/ u du m+WA ra'i'o/ /oM sa ha ka rA ya swA hA/ a mra'i'o/ /oM ka dam+pA ya swA hA/ ka dam+pI'o/ /oM sarba to b+ha drA ya swA hA/ gam+b+ha ri'i'o/ /oM bo d+hi pr-i k+Sha ya swA hA/ a shwad+tha'i'o/ /oM badzra lA tA ya swA hA/ p+lak+Sha'i'o/ /oM badzra shI bA swA hA/ sa mI'i'o/ /oM badzra ku be rA ya swA hA/ n+ya gro d+ha'i'o/ /oM ga trA ya swA hA/ seng ldeng gi'o/ /oM badzra a sho kA ya swA hA/ mya ngan med pa'i'o/ /oM badzra la ku tsA ya swA hA/ la ku tsA'o/ /oM badzra arka ya swA hA/ arkI'i'o/ /oM badzra sru bA ya swA hA/ be kang+ka'i'o/ /oM badzra bi lo D+ha kA ya swA hA/ bi lo D+ha ka'i'o/ /oM badzra ma da nA ya swA hA/ myos byed tsher ma can gyi'o/ /oM badzra shi kha rA ya swA hA/ a pa marga'i'o/ /oM badzra ang+gu shA ya swA hA/ 'di ni tsher ma can gyi shing thams cad kyi'o/ /oM ag+na ye swA hA/ mar gyi'o/ /oM sarba pA paM da ha na badzra ya swA hA/til gyi'o/ /oM badzra A yu She swA hA/ dUr pa kun da'i'o/ /oM badzra puSh+Ta ye swA hA/ 'bras ma chag pa rnams kyi'o/ /oM sarba saM pa de swA hA/ zho zan dang bur zan dang zas mchog gi'o/ /oM a pra ti ha ta ya swA hA/ til mar gyis byugs pa'i ku sha rnams kyi'o/ / oM badzra bi dzA ya swA hA/ so ba'i'o/ /oM badzra bi gA ya swA hA/ nas kyi'o/ /oM badzra g+hasma rI ya swA hA/ gro'i 'o/ /oM badzra ma hA ba lA ya swA hA/ sran ma sha'i'o/ /oM badzra lA dzA ya swA hA/ 'bras yos kyi'o/ /yang na tshim par bya ba'i ched du so ba la sogs pa rnams lha'i sngags kyis so//pri yang ku dang tsan+dan dang gu gul gyi ril bu la sogs pa'i rdzas kyi khyad par rnams lha'i sngags kho nas bsreg par bya'o/ /bsreg bya'i rdzas thams cad kyang bshad pa la sogs pa'i bdud rtsi lngas bran zhing bdud rtsi'i dngos por bsgoms pas sreg blugs bya'o zhes man ngag rig cing mang du mkhyen pa rnams gsung ngo //thams cad du khu ba'i rdzas rnams ni zhal du'o/ /yam shing dang mi rus kyi phye ma rnams ni 'od kyi dkyil 'khor la'o/ /zho zan dang bza' ba dang zhal bsil dang til dang dUr ba dang chu rnams ni phyag tu'o/ /dri ni thugs kar ro/ / me tog ni dbu la'o/ /bdug spos ni shangs la'o/ /zhabs bsil ni zhabs dag la'o/ /mar me dang mchod yon ni mdun du ste mchod yon gyi chu ni snod du blugs par bya'o/ /de'i rjes su zhabs bsil dang bsang gtor byas nas/ /me lha ni 'bar ba'i rnam pas thab tu'ang rang gi gzugs kyis me'i phyogs su gzhag par bya'o zhes pa me lha mnyes par byed pa'i cho ga'o// //sbyin sreg la ni nyer mkho kun/ /ji ltar gsungs bzhin sngags pa yis/ /cho ga bzhin bya bsang gtor bya/ /slar yang mnyam bzhag me dbus su/ /rtag pa la sogs cho ga bzhin/ /las dang rjes mthun bsam byas nas//bsreg bya gang sogs snga ma bzhin/ /phyi yi rdzas sogs dbul bar bya/ /kun gyi mthar yang bdag po yi/ /snying po nyi shu rtsa gcig gam/ /bdun nam de bzhin gsum bzlas pa'i/ /mar gyi sreg blugs rnams kyis sbar/ /slar yang bdag po'i snying po'i sngags//bzlas pas sreg blugs gang ba bya/ /shin tu mnyam gzhag de nyid bzlas/ /brtul zhugs can gyis mchod yon dbul/ /de nas bsang gtor dang zhal bsil dang gos gsar pa dang rdo thal med pa'i so rtsi dang / drag po'i las la ni rdo thal dang bcas pa'i so rtsi phul nas sngar bzhin du yang dag par mchod cing bstod de phyag byas nas yon dbul zhing me tog dang bcas pa'i thal mo snying gar sbyar la bcom ldan 'das la bzod par gsol ba'i ched du 'di skad ces brjod par bya ste/gang yang bdag rmongs blo yis ni/ /nyes byas cung zad gang bgyis pa/ /gang phyir lus can skyabs yin phyir//de kun mgon khyod bzod par mdzod/ /ma rnyed yongs su ma shes dang / /gang yang nus pa ma mchis las/ /'dir ni bya ba gang bgyis pa/ /de kun gtso bos bzod mdzad rigs/ /zhes pas bzod par gsol nas mngon par 'dod pa grub pa'i ched du gsol ba gdab cing chad pa dang lhag pa'i nyes pa zhi bar bya ba'i ched du thar pa'i bsam pas/oM badzra satwa aH zhes mang du brjod nas yi ge brgya pa bklag par bya'o/ /oM badzra satwa sa ma ya ma nu pA la ya/ badzra satwa twe no pa tiSh+Tha dr-i b+ho me b+ha wa/ su to Sh+yo me b+ha wa/ su po Sh+yo me b+ha wa/ a nu rak+to me b+ha wa/sarba sid+d+hi m+me pra yats+tsha sar+b+ba karma su tsa me tsit+taM shre yaH ku ru hUM ha ha ha ha ho b+ha ga wAn sar+b+ba ta thA ga ta badzra mA me muny+tsa badzrI b+ha wa ma hA sa ma ya satwa AH// de'i rjes la/ khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang //slar yang 'byon par mdzad du gsol/ /zhes pas yang dag par bskul nas rang gi sngags yi ge gsum gyi nang du bcug pa'i mthar muHzhes pa'i yi ge brjod cing rang gi bdag po'i mgon po yid kyis cho ga bzhin du gshegs su gsol bar bya'o/ /de nas me lha thab khung du spyan drangs te/slar yang dag par mchod nas bsang gtor dang zhal bsil dang rdo thal med pa'i so rtsi dang / drag po la ni rdo thal dang bcas pa'i so rtsi dang / gos gsar pa yang phul la yo byad lhag ma rnams kyis sbyin sreg byas nas dril bu dkrol zhing / mi bskyod rdo rje zhes pa la sogs pa'i tshigs su bcad pa rnams kyis bstod par bya'o//cho ga 'di ni phal cher rang gi mngon par 'dod pa'i dngos grub bsgrub pa'i ched du'o/ /rab tu gnas pa la sogs pa gzhan gyi don 'dod pa rnams kyi khyad par ni 'di yin te/ yon phul ba'i slob ma'i mthe bong g.yon pa'i mthe chung gis bzung nas/thab khung la g.yas skor gsum byas la blugs gzar gyis mgo la g.yas skor gyis byugs pas lan bdun du sreg blugs byas te sreg blugs gang ba 'bul du gzhug par bya'o/ /'khyil pas bzlas pa'i srung skud de'i lag pa la bcings te bsang gtor bya'o//yod par gyur na rgyal po la sogs pa'i dge ba la dmigs nas kyang sreg blugs rdzogs pa dbul bar bya ste/ de ltar yang rgyal po dang 'jig rten skyong ba rnams dang sems can thams cad dang gang la mngon par 'dod pa rnams kyi yang so sor sreg blugs lan gsum bya zhing cho ga bzhin du yon yang dbul du gzhug par bya'o zhes gsungs so//de'i rjes su zhal bsil phul nas bsang gtor bya zhing yang dag par mchod de mchod yon phul la bzod par gsol zhing mngon par 'dod pa'i dngos grub zhus nas oM badzra satwa AH zhes brjod pas snga ma bzhin du gshegs par yang dag par bskul la/oM muHzhes brjod cing cho ga bzhin du gshegs su gsol bar bya'o/ /de ltar nyi ma re re zhing ngam/ bshad pa'i dus sam/ thun gsum mam thun bzhir bya'o/ /sor mo yang dag par brkyang zhing sbyar bas de nas 'o ma dang 'bras ma chag pa dang /mar dang sbrang rtsi dang ka ra rnams dgang gzar dang blugs gzar gyis blugs shing de dag med na i p+pa la'i 'dab ma 'am ser mo yang dag par brkyang zhing sbyar bas man rje'i steng du gnas pa'i zangs la sogs par tsA ru'i bza' ba blugs la las dang rjes su mthun pa'i dris byugs te mgul par me tog gi phreng ba bcings nas g.yon pa'i dril bu dang lhan cig phreng ba bzung la g.yas pa'i bgrang phreng dang rdo rje yongs su gyur pa las bdud rtsir byas par bsgom zhing sngags bzlas par bya'o//bdud rtsi'i rang bzhin du 'o thug rdzogs par byas nas thab khung gi me la ji lta ba bzhin du rang nyid rnal 'byor la mnyam par bzhag pas lha dang 'jig rten skyong ba dang bdag nyid dang sbyin bdag rnams kyang tshim par bya ste/'di ni de bzhin gshegs pa yi/ /lhag ma'o sdig pa nyams byed zo/ /zhes slob dpon gyis brjod cing lhag ma don du gnyer ba rnams la yang bgo bsha' bya'o//me gzhil ba ni zhi ba la/ /'o ma'o rgyas pa bsgrub pa la/ /ser po'i chu yis dbang drag la/ /'o ma dmar dang nag pos so/ /zhes pa lha mnyes par bya ba'i ched du phyi rol gyi sbyin sreg gi cho ga'o// //'di rnams thams cad chad pa dang lhag pa med par yid kyis bsgom par byas na nges par mngon par 'dod pa rnams rdzogs par 'gyur ro zhes pas/phyi rol gyi dngos po rnams la ltos pa med par ni yid kyi sbyin sreg go/ /rang gi 'dod pa'i lha'i rnal 'byor dang ldan pas de'i ngo bo'am/ rdo rje sems dpa'i gzugs sam rim pa ji lta ba bzhin du rang rang gi rang bzhin rnam par dag pa rnam par snang mdzad la sogs pa'i ngo bos gzugs la sogs pa'i 'dod pa lnga ji ltar rnyed pa the tshom med par longs spyod par bya ste/ za ba'i dus su ni rang gi bza' ba thams cad mnyam pa nyid du rnam par dag pa'i bdud rtsir byas nas lte ba'i thab khung gi mes 'khyud cing snying gar gnas pa'i rnag gi 'dod pa'i lha'i 'khor lo lag pa'i dgang gzar la sogs pas cho ga bzhin du yang dag par mnyes par bya'o zhes pa phyi'i rdzas kyis nang gi sbyin sreg gi cho ga'o// //de nas cho ga ji lta ba bzhin du zhi ba dang rgyas pa'i sbyin sreg byas te rang nyid kyis dkyil 'khor yang dag par mchod nas thams cad du ji ltar nus pas de bzhin gshegs pa la sogs pa rnams la mchod pa gyis shig ces slob ma la sogs pa rnams mchod pa byed du bcug la der zhugs pa rnams kyang dam tshig gi kun du spyod pas tshim par bya'o//de la 'di ni dam tshig gi cho ga ste/ dang por rdo rje sems dpa' dang / chos ston de bzhin dpa' bo dang / /dpa' mo'i dbang phyug la btud nas/ /tshogs kyi ston mo bdag gis bshad/ /ston mo de bzhin ston mo che/ /tshogs kyi 'khor lo 'khor lo che//mtshan mo'i 'khor lo mtshan mor bshad/ /de bzhin phyogs phreng 'khor lo'o/ /dge 'dun ston mo ston mo che/ /gaN+DI brdungs pa ston mo che/ /tshogs pa lhan cig 'khor lo ste/ /de bas lhag pa 'khor lo che/ /nyin re'am zla ba so so 'am/ /de bzhin du ni lo re'am//brgyad dang bcu bzhi gzhan yang 'dir/ /rgyas pa yi ni tshes rnams la/ /mchod rten rnams ni nges par ya/ /dam tshig bsrung ba'i don du ste/ /'dus ston mtshan mo'i 'khor lo yang / /byang chub 'grub pa'i ched du bya/ /bza' bca' de bzhin 'gam bya dang / / gzhi ba dang bldag pa myang bya rnams/ /btung ba la sogs mnyam ldan pa'i/ /ro drug ldan pa ston mor 'dod/ /yo byad thams cad bsgrubs nas ni/ /khyad par dus la spyan drang bya/ /dang por maN+Dal byas nas ni/ /me tog rnams dag so rtsi sbyin/ /sangs rgyas dge 'dun yo byad rnams//snga mor nye bar dbul bya ste/ /glu gar de bzhin rol mo yis/ /de bzhin gshegs pa bsnyen bkur bya/ /der yang smon lam byas nas ni/ /dge 'dun ston mo brtsam par bya/ /ba byung byugs pa'i sa yi char/ /me tog de bzhin bdug spos ldan/ /gyo mo gseg ma rnams bsal nas//gdan rnams rab tu brtag par bya/ /sangs rgyas rjes su rim pa yis/ /kun la phyag sogs byas nas kyang / /ji bzhin gdan la yang dag 'dug /lus ngag sems ni yang dag bsdam/ /nag po chen por gtor ma sbyin/ /de bzhin du yang gong bu'i zas//khang par za bar 'dod rnams kyang / /de ltar 'dod bzhin yang dag gzhag /so rtsi de bzhin snod rnams dang / /'dag chal dang ni so shing dang / /dri yi chu rnams de bzhin sbyin/ /sbyin pa 'dus pas longs spyod de/ /slar yang zhal bsil la sogs dbul/ /'dus pa rnams la yon phul te//de kun bsod nams thun mong du/ /blo ldan mkhas pa rnams kyis bya/ /phyag 'tshal bzod par gsol nas ni/ /dge 'dun ston mo gshegs su gsol/ /zhes pa ni ston mo'o// //chos sgrogs nyid dang de bzhin du/ /gnas brtan nye bar spyan 'dren dang / /khyad par dus kyi spyan 'dren la'ang //gaN+DI kun nas brdung bar bya/ /sngar bzhin bde gshegs spyan drangs te/ /bla na med pa'i mchod pa dang / /nyer spyod lnga yi mchod pa rnams/ /de nyid yid kyis mchod par bya/ /lhag ma'i rdo rje 'khor lo dang bcas pa spyan drangs te zhi ba la sogs pa'i gzugs kyis btung ba'i don du lag pa gnyis rab tu brkyang bar bltas la 'khor lo bskor ba'i mdun du bzlas pa'i khyad par rnams blangs nas der gzhug par bya zhing dam tshig gi spos la sogs pa sbyin par bya'o//de nas sngags brjod cing lag pa gnyis kha dang nye bar rab tu brkyang ste/ kha bdud rtsis gang bas gtor na lhag ma'i rdo rje 'khor dang bcas pa des mgu bar 'gyur ro//'khor dang bcas pa rmi lam du mthong zhing bya ba yang byed par 'gyur ro/ /de la sngags ni 'di yin te/ /oM ku ru ku ru bat+ta li bat+ta li ma hA bat+ta li sid+d+hi mu khe/ sma shA na bA si ni pre ta mu khe/ sma shA na bA si ni pre ta mu khe/ tsaN+Da kA ra li ru d+hi ra pr-i ye/sa ma yA rak+Shi/ yo gAM ba ri/ ki la ki la/ rA be pi tri ba na ma d+h+yer/ b+hu dza ha b+ha ka kha ha/ sa ha ga na rU d+he/ d+hU mAM ga ri/ tsaN+Da kA ra li/ tiSh+Tha swi ku ru ku ru hUM/ gr-ih+Na gr-ih+Na sarba duSh+TA na b+hak+Sha b+hak+Sha hoHpaiM phaiM che ge mo'i sarba big+h+nA na shIn+taM ku ru ku ru phaT swA hA/ zhes pa ni thams cad du lhag ma'i gtor ma'i sngags so// //de nas der ni dri bzangs chu/ /zhal bsil rnams ni sbyin par bya/ /dri dang me tog so rtsi rnams/ /byin nas slob dpon sngon 'gro bas/ /sbyin pa'i tshigs su bcad pa brjod/ /de yi 'bras bu yongs su bsngo/ /nus pa yis ni yon phul nas/ /tshogs kyi 'khor lo gshegs su gsol//de la sbyin pa'i tshigs su bcad pa ni/ dud 'gro'i skye gnas rnams la yon ni brgya 'gyur sdig pa can gyi mi la'ang stong phrag ste/ /tshul khrims ldan pa rnams la stong phrag brgya 'gyur du ni gsung gi dbang phyug gis rab gsungs/ /phyi rol 'dod pa rnams la chags bral nye bar gnas pa la ni bye ba brgya phrag brgya//lam la gnas pa rnams la slar yang tshad med 'bras bu ster bar yon las yang dag 'byung / /bsod nams 'di yis thams cad gzigs pa yi/ /go 'phang thob nas skyon gyi dgra bcom ste/ /rga nad 'chi ba'i rlabs chen 'khrugs pa yi//srid pa'i mtsho las 'gro ba 'don par shog /ces pas bsod nams yongs su bsngo bar bya'o zhes pa ni tshogs kyi 'khor lo'o// //'di nyid phyi rol du song nas/ /dur khrod du ni byed pa na/ /skal ba dang ldan slob dpon gyis/ /'khor lo chen por de brjod bya//me tog bdug spos snang gsal dang / /de bzhin dri dang phreng ba spos/ /ji ltar yod bzhin btung ba dang / /bza' ba rnams kyang rig par bya/ /dbus su btung ba yi ni snod/ /der ni g.yo ba med par gzhag/ /lhag ma'i 'khor lo spyan drangs la/ / bsnyen bkur byas te rab tu gzhag /de yi steng du thod pa ni/ /mtshan nyid dang ldan dgod par bya/ /me tog spos sogs mchod pa rnams/ /las kyi rdo rje can gyis dbul/ /bdud rtsi lnga dang sha lnga rnams/ /sngags kyi byin gyis brlabs nas slar/ /yo byad thams cad rab tu gzhug /lha yi rnam pa'i rnal 'byor gyis/ /sna tshogs bshes gnyen sogs thod par/ /btung ba'i snod rnams rab tu brtag /bza' dang btung ba la sogs kun/ /ji ltar sngar gyi de bzhin 'dir/ /sngags kyi khu ba'i rang bzhin phyir/ /sngags kyi btung ba zhes par dran//sngags kyi lha yi rnal 'byor bdag/ /sngags kyi btung ba yang dag spyod/ /tshogs kyi 'khor lo gshegs gsol bya/ /go yu la sogs 'bras bu dbul/ /bla mar gus pas phyag byas nas/ /gnas ji lta bar byon par gsol/ /zhes pa ni 'khor lo chen po'o// // ri yi phug dang sman ljongs dang / /rgya mtsho'i 'gram dang skyed mos tshal/ /nags tshal dag gam rdzing bur yang / /mtshan mo'i 'khor lo yang dag brtsam/ /bdud rtsi lnga dang sha lnga rnams/ /sangs rgyas lnga yi rang bzhin dge /stan lnga la ni mnyam par 'dug/ /rigs lnga dag tu rnam par gnas/brda dang dgongs par nan tan bya/ /rnal 'byor pa nyid 'ongs gyur na/ /de la sngon du gdan byin te/ /mtshan mo'i 'khor lo kun nas brtsam/ /sgo bzhi rnams su khro bo bzhi/ /gnod mdzes gtsug tor las byed pa/ /gzugs kyi rdo rje ma la sogs/ /rnal 'byor ma rnams rang sar dgod//slob dpon mi yi pags pa la/ /ba lang sogs la gzhan rnams kyang / /mtshan mo dag pa'i blo yis ni/ /sangs rgyas lnga rnams mchod par bya/ /khri la sogs par mnyam gnas pa'i/ /dpa' bo dpa' mo'i dbang phyug mnyam/ /de nas 'khor lo byin gyis brlab//mnyam par snying rje brtan pas so/ /tshigs bcad lan gsum brjod pa yis/ /steng du me tog sogs gtor te/ /de tshe lha rnams spyan drang bya/ /yang dang yang du phyag rgya'o/ /mtshan mo'i 'khor lo gsal byas nas/ /ye shes 'khor lo rab tu gzhug /'jam pa'i rdo rje bdag nyid kyi/ /rnal 'byor pa yi dkyil 'khor mchod/ /mchod nas rnal 'byor ma 'khor lo/ /ji ltar dga' ba mi spang ste/ /g.yas dang g.yas min sbyor ba yis/ /kun spyod der ni brtag par bya/ /rnal 'byor rnal 'byor ma rgyud du/ /gang gsungs tshogs kyi 'dus pa rnams//tshogs de mchod cing dam tshig gi /kun spyod rig pa'i bla mas so/ /rnam pa lnga ni rnam dag pa'i/ /de bzhin gshegs rnams mchod par bya/ /snying rjer zhugs pa'i rnal 'byor pas/ /sems can don byed nges par ro/ /rdo rje pad+mar rang gnas pas//byang chub sems ni spro mi bya/ /der ni dga' ba sogs dbye ba'i/ /de bzhin nyid las de bzhin rtogs/ /bsam pa thams cad yongs spangs te/ /lha yi gzugs su sems pa'am/ /rnam par mi rtog rang bzhin las/ /der ni rnal 'byor pas gnas bya/ /mtshan mo'i 'khor lo'i cho ga las//'ga' yang dor ba nyid min te/ /ma ma sring mo nyid dang ni/ /bu mo dang ni tsha mo dang / /bdag can de bzhin chung ma dang / /sgyug mo dang ni de bzhin yang / /pha yi sring mo ma rnams te/ /shes rab brgyad rnams grub mchog ster/ /de rnams mchod pa'i bya ba ni//bo la kak+ko la sbyar nas/ /sangs rgyas nyid ni sangs rgyas kun/ /rang gis yang yang rtogs par bya/ /sngags kyi bzlas med dka' thub med cing sbyin sreg med/ /dkyil 'khor can yang med cing dkyil 'khor yang ni med/ /de ni sngags bzlas dka' thub de sbyin sreg/ / de ni dkyil 'khor can dang dkyil 'khor yang / /mdor bsdus nas ni sems ni 'dus pa'i gzugs can nyid/ /yid ni brtan nam g.yo 'am ci/ /rang gi sems la so sor brtag/ /gang bshad 'jigs pa'i gzugs can gyi/ /spyod pa longs spyod phyi ram gsungs/ /de lta'i cho gas mtshan mo yi//'khor lor blo bzang dbang bskur slar/ /bsgoms pa'i stobs kyis dngos grub ni/ /'di nyid kyi ni srid par skye/ /bsgom pa la sogs de bzhin 'dir/ /nyung ba'am byas pa med na yang / /gal te ltung ba med gyur na/ /bdun par de yi dngos grub 'gyur//e ma thabs dang nus pa yis/ /theg pa chen por legs 'ongs nas/ /'dod ldan ma la brtan 'khyud de/ /'dod pa'i lha ni bsten par bya/ /sngar bzhin gtor ma mchod pa sogs/ /byas nas 'khor lo gshegs su gsol/ /'khor lo'i dbang po'i phyag byas nas//ji ltar bde bar gnas par bya/ /zhes pa ni mtshan mo'i 'khor lo'o// //'thung gcod kyi ni dam tshig bya/ /de yang grong gi dbus rnams sam/ /dkyil 'khor khang pa'i phyi rol du'ang / /mkhas pas phyogs phreng sbyin par bya/ /gdong ni 'ga' yang mi blta ste/ / yongs su dri nyid 'ga' yang min/ /sna tshogs gzugs kyis sems can rnams/ /nges par der ni 'ongs gyur na/ /byon nas byon la legs shes bya/ /'dab ma'am snod rnams rab tu brtag /gza' btung la sogs de rnams sbyin/ /thams cad ji ltar 'dod bzhin bya//dang po bar dang mtha' rnams su/ /gtor ma gsum ni mkhas pas sbyin/ /so rtsi dri dang me tog sogs/ /phul nas 'khor lo gshegs su gsol/ /zhes pa ni phyogs phreng 'khor lo'o// //dam tshig gang la thams cad rnal 'byor mar gyur cing bde ba'i don du 'khor lo'i dbang phyug ma'i g.yon phyogs su thabs gcig yod par gyur na ni dpa' mo'i dbang phyug ma'i 'khor lo'o//gang du thams cad dpa' bor gyur cing bde ba'i don du 'khor lo'i dbang phyug gi g.yon du rnal 'byor ma gcig yod par gyur pa ni dpa' bo'i 'khor lo'o/ /'khor lo 'di gnyis nyin par yang dga' ba na bug pa med pa'i khang par thun gnyis yan chad bya bar shes par bya'o//de'i phyir dpa' bo dang dpa' mo'i dbang phyug gi 'khor lo dag la gal te shes rab gcig dang thabs gcig kyang med par gyur na de'i tshe sbyin pa'i bdag po'i bsod nams las bzlog par 'gyur ro/ /shes rab thabs kyi bde ba dag//med na 'khor lo thabs mi 'gyur/ /gang zhig shes rab kyis dman pa'i/ /'khor lo de ni rtsod med dang / /lhan cig pa yi 'khor lo'o/ /zhes pa 'di bcom ldan 'das kyi gsung ngo / /tshogs kyi 'khor lo'i cho ga'o// //de gsungs pa tshogs kyi 'khor lo'i cho gas dkyil 'khor gyi khang par bza' ba dang btung ba la sogs pa rnams 'khor lo la phul te//der zhugs pa rnams yang dag par tshim par bya'o/ /de rnam dang lhan cig mtshan mo mi nyal bar gar dang glu la sogs pa dang byang chub sems kyi rtog pas yang dag par mchod nas khyed rnams kyis 'jug pa 'di su la'ang smra bar mi bya'o zhes brjod par bya'o//de nas slob ma rnams gzhag ste phyi rol du phyogs kyi gtor ma dang mchod pa la sogs pa byas la nang du zhugs nas 'khor lo la phyag 'tshal te/ mchod yon la sogs pa 'khor lo'i dbang po la phul nas dge ba rnams yongs su bsngos te/dkyil 'khor la lan gsum g.yas skor byas la/ bcom ldan 'das la mngon par phyogs pas shar sgor 'dug ste yi ge brgya pa lan gsum brjod nas ma rnyed pa zhes pa la sogs pas bzod par gsol zhing / khyed kyis sems can don kun mdzad/ /ces pa la sogs pa dang /oM AHhUM badzra muHzhes pas ye shes kyi dkyil 'khor gshegs su gsol nas/ rang gi sprul pa'i dkyil 'khor bdag nyid la bstim ste/ oM a kA ro mu khaM sarba d+harmA NAM a d+ya nut+pan+na t+r+wA ta oM AHhUM phaT swA hA/ oM AHhUM muHzhes 'don cing chos thams cad skye ba med par mos pas dril bu dkrol zhing lag par gnas pa'i rdo rjes shar gyi sgo nas brtsams te tshangs pa'i thig gi lam nas gtso bo'i gnas kyi bar du dbye zhing mgo bo la rdul tshon cung zad blugs nas pad+ma la sogs pa dbyi bar bya'o//de nas sgo rnams dang zur rnams kyang lag pa na gnas pa'i rdo rje'i rtse mos mngon par gzhig par bya'o//de'i rjes su oM badzra kI la ut+kI la ya sarba kI lan badzra d+har A dz+nyA ya hUM hUM hUM phaT hoHzhes pa hUM bzhi pas g.yon brkyang dang skam pa'i phyag rgyas phur bu rnams bton la/ oM ru ru s+phu ru dz+wa la tiSh+Tha sid+d+hi lo tsa ne sarba ar+tha sA d+ha ne swA hA/ zhes pa brgya rtsa brgyad bzlas pa'i 'o mas bkru bar bya'o//phur bu'i lha rnams kyang gshegs su gsol zhing phur bu'i khung bu rnams kyang dgang bar bya'o/ /zhi ba la sogs pa don du gnyer ba rnams la rdul tshon cung zad sbyin par bya'o/ /de bzhin dkyil 'khor khang pa nyid du skye bo med par byas nas rdul tshon yang dag bsdus//phyi nas ba las byung ba rnams kyis 'di ltar mtha' dag 'khor lo la ni mkhas pas gtor/ /de nas ba byung rnams kyis byug pa rab tu bya ste ri mo rnams kyang byug par bya/ /me tog rnams ni nges par dgram zhing phyag byas nas ni sa yi lha mo mnyes par bya/ /phyi nas dpal ldan rnam rgyal rdul tshon rnams kyis rab tu bkang ste thab kyi thal ba sogs//bgegs dgra'i bum par de bzhin nyid de cho gas dam pa'i gos rnams 'di dag mgrin pa la'o/ /rnal 'byor ma yis bzung nas glang chen steng du de ltar mthon por spro bas khyer nas ni/ /klu yi gtor ma byas nas chu klung rnams sam mtsho rnams su ni blugs par bya//cho ga 'di ni sbyin bdag gis byin pa'i ras kyis brgyan pa'i rnal 'byor ma rnams kyis bzung la 'do li la gnas pa'i slob dpon nam slob mas dril bu'i sgra dang bkra shis kyi glu dang rol mo'i sgra dang gdugs dang rgyal mtshan dang ba dan la sogs pa'i mchod pa rnams dang ldan pas khyer nas chu klung chen po dang mtsho chen po dang chu zab mo'i 'gram tu 'dug la ba byung gis byugs pa'i sa'i char dkar po'i dris maN+Dal byas te/de'i dbus su pad+ma 'dab ma brgyad bris te/ lte bar rdo rje sems dpa' dang 'dab ma brgyad la klu rnams snga ma bzhin du mchod cing klu gtor gyi sngags kyis 'o thug gi gtor ma phul nas mchod de klu rnams la byin gyis brlabs pa'i rdul tshon gtor nas chu la bskur bar bya'o//klu rnams kyis bkur sti chen pos sa 'og gi gzhi la khyer bar bsam par bya'o/ /gang rdul tshon khyer ba'i bum pa de dag chus bkang nas de kho na nyid du khyer te de dag gis zhi ba'i don du dkyil 'khor khang pa la sogs par gtor bar bya'o//phyi nas de yi chen po'i bsam pa yis ni mtha' dag gnyen dang bcas pa'i rigs rnams kyis/ /spro ba chen pos cho ga bzhin du gzhon nu ma yi ston mo bde ba chen po bya//sdug bsngal can la'ang 'byor ba'i rjes su mthun pa'i sbyin pa dri med mkhas pas sbyin par bya/ /dge 'dun rnams la yang ni ston mo gos dang bcas shing yon dang bcas pa gus pas so/ /de la 'di ni gzhon nu ma mchod pa'i cho ga ste/ gzhon nu ma rnams lha mo'i gzugs//yang dag gnas pa cho gas mchod/ /dkyil 'khor yang dag byas nas ni/ /sa der nus pas spyad par bya/ /dkyil 'khor gang du lha mo ji snyed yod pa de snyed kyi gzhon nu ma rnams nyi ma sngon ma la maN+Dal la sogs pa sngon du 'gro bas snyan gsan dbab par bya zhing / de nas gcig gam gnyis sam gsum mam bzhi la sogs pa sbyin bdag gi nus pa'i dbang gis mchod par bya'o//de yang rdul tshon dor ba'i rjes su dri bzangs la sogs pas khrus bya zhing gos dmar pos brgyan par byas nas gus pa dang bcas te spyan drangs pa rnams bcom ldan 'das ma bzhin du yongs su brtags la/zhabs bsil dang / zhal bsil la sogs pa phul nas dkyil 'khor gyi khang par gzhug par bya'o/ /shar du mngon par phyogs par byas nas ku sha'i chun po rnams gdan gyi 'og tu byin la de'i steng du 'dug par bya'o/ /de'i rjes su slob dpon gyis ji lta bar dkyil 'khor du sa bon dang mtshan ma yongs su gyur pa las skad cig gis dkyil 'khor dbang phyug rnam par bsgoms te/ye shes sems dpa' dang dbyer med pa la mchod yon la sogs pa phul nas mgo bor sin+d+hu ra dang mgrin par skud pa'i phreng ba dang mig la thur mas mig sman dang me tog dmar po'i rgyan rnams kyang sbyin par bya'o//de nas bzhi mnyam la sogs pa ji ltar rnyed pa'am dri bzangs kyis dpral ba dang snying ga dang lag pa dang rkang pa dag la byug par bya'o/ /gtor ma byin te de nas ni/ /sngags pas bza' ba de dag dbul/ /bza' dang bca' dang de bzhin 'gam//myang dang gzhib dang bldag pa dang / /tsA ru sgron ma chang bcas kun/ /yang dag sbyangs te dbul bar bya/ /bstod dang mchod pa yang dag ldan/ /sngags kyi bzlas par rtag tu brtson/ /phyag rgya chen po mngon 'dod pa'o/ /mkhas pas gzhon nu ma rnams mchod/ /de ltar yang /chang dang sha rnams kyis kyang rdo rje'i lha mo rnams/ /myur bar rab tu 'bad pas so sor mchod byed na/ /gus dang ldan pas de rnams mchod sbyin skye bo ni/ /dpal ldan rdo rje'i theg par gnas dgar gnas de la/ /yang dag tshim par sems la mchog ni ster bar 'gyur/ /de yi lag par mchog rnams nges par gnas pa'o//zhes bcom ldan 'das kyis dpal sdom pa 'byung ba las gsungs so/ /dge dang mi dge'i mtshan ma rnams/ /rgyas par de nyid shes bya ste/ /yang dag bsdus phyir 'dir ma brjod/ /bdag ni mangs pas 'jigs phyir ro/ /de nas zhabs bsil phul nas ni//dri bzangs rnams kyis lag pa byug /so rtsi rnams dang yon phul nas/ /lag par me tog rab tu dbul/ /shis pa brjod pa de thob nas/ /bsod nams yongs su bsngo bar bya/ /thams cad gshegs gsol byas nas ni/ /phyag bya rang khyim byon par gsol/ / zhes pas dkyil 'khor du gzhon nu ma'i mchod pa byas nas/ de yi rjes su bza' dang bca' dang 'gam pa rnams dang sna tshogs ro mchog rnams dang btung ba dang / /gzhi ba dang bldag dang me tog so rtsi rnams dang de'i gos rnams dang g.yon rnams rab tu dbul bya ste/ /'khor lo'i khang par 'khor lo 'o de rjes 'byor pas bzo bo 'dus pa rnams kyang tshim par bya//phyi nas rab tu gnas pa'i lha dang de rjes ljongs kyi skye bo mchod par bya zhing tshim par bya/ /khang pa rnams dang sgo dang stegs bu lhag par gnas pa'i cho ga dang ni thab khung khri rnams las/ /gang gang dngos po rab phul de dang de rnams mtha' dag 'dir ni slob dpon rgyal po nyid kyis te//'di rnams slob dpon las ni gzhan gyis ma yin de bzhin bzo rnams la yang cung zad nyid mi 'gyur/ /de rnams thams cad sbyin pa dang ni bsod nams la yang bla ma'i rang nyid 'dod pas sbyar bar bya/ /sbyin bdag rnams kyis rab tu gnas pa byas pas sku gzugs la sogs skyed du rung ba rnams//rol mo la sogs pa yi mchod pas rang gi gnas su khyer la mchod pa bya'o/ /man ngag rnams kyis yongs su sbyangs pa'i dge ba mchod sbyin rnams kyis 'bras bur gyur pa ni/ gnyis kas sangs rgyas rnams kyi 'bras bu thob cing phan par byed pa'i sbyin pas sbyin bdag bde//slob dpon gyis kyang sems can kun la bde ba sbyin pa thob cing rab gnas bdag nyid kyi/ /rgyal po gnas kyi bdag po rnams dang skye bo rnams la nges par kun du dge ba ste/ /zhes pa dkyil 'khor nye bar bsdu ba'i cho ga'o// //de ltar 'di ni bris pa'i dkyil 'khor gyi cho ga ste//yid kyis rjes su bsgrub pa'i cho ga nyid 'bras bu dang ldan no zhes pa yid kyi cho ga kho na mchog yin no/ /de'i phyir dkyil 'khor gyi mnga' bdag gi gzugs kyis sa yongs su gzung ba la sogs pa dang sku gzugs la sogs pa'i rab gnas dang / slob ma la mngon par dbang bskur ba dang gshegs su gsol ba dang zhi ba'i sbyin sreg gi mthar thug pa thams cad yid kyis bya'o//de nyid kyi phyir 'di ltar gang gi tshe 'di dag thams cad yo byad 'ga' zhig dang bral bas bya bar mi nus pa'am/ /mi rigs pa'am ma rnyed pa de'i tshe bsam pas thams cad bya'o/ / phyi rol gyi dngos po yod pa la yang bsam gtan kho na gtso bo yin no/ /'jig rten pas mthong bas na sbyin pa la mngon par dad pa la sogs pas bsod nams 'phel bar bya ba'i chad 'ba' zhig tu phyi'i cho ga 'dod do/ /yo byad dang bral bas ni bsam pa kho nas cho ga thams cad bsgrub par bya'o/ / de'ang / dngos po thams cad med gyur na/ /bsam pa nyid kyis yongs su brtag /ces gsungs so/ /de'i phyir las dang po pas kyang sems brtan pos yid kyis sprul pa'i dkyil 'khor du rab tu gnas pa la sogs pa bya zhing skal ba dang ldan pa'i skye bo rnams kyang mngon par dbang bskur bar bya'o/ / de ltar dpal ldan sangs rgyas thod pa'i rgyud du/ shes rab pad+ma'i nang du ni/ /dpag tshad bye ba'i dkyil 'khor la/ /rigs gsum dkyil 'khor de dbus su/ /mkhas pas slob ma dbang bskur bya/ /zhes gsungs shing gzhan du'ang / yid kyis 'ga' zhig nyid du ni/ /rgyal bas dkyil 'khor bya bar bzhed//zhes gsungs te yid kyi dkyil 'khor gyi cho ga'o// //'dir brjod pa'i cho ga rnams kyang bya ba gzhan rnams la yang dang po dang mthar bgegs thams cad nye bar zhi ba'i ched du gtor ma sbyin par bya'o/ /de la 'di ni cho ga ste re zhig dang por slob dpon ji ltar rnyed pa'i cod pan la sogs pas rnam par brgyan pa dpal rdo rje sems dpa'i mdun du sha ka Ta dang pi Ta ka la sogs pa'i snod chen po rnams su zan dang khur ba dang la du dang dzam+bu ti la sogs pa dang nya sha dang btsong dang sgog skya dang chang dang chu dang 'o ma la sogs pa dang me tog dang ldan pa/bla re la sogs pas brgyan cing rol mo mkhan gyi mdun du bstar ba 'am zan dang chu la sogs pa tsam yang rung ji ltar rnyed pa yang dag par bkod nas bza' ba dang bca' ba dang bldag pa dang btung ba la sogs pa rnams sngar tshogs kyi 'khor lor bshad pa'i bdud rtsi bsgrub pa'i cho gas bdud rtsir bskyed par bya'o//de nas bsdus pa'i rim pa'i cho ga'am yan lag bzhi pa'i cho ga 'am sa bon la sogs pa las sam skad cig gis kyang rdo rje sems dpa'i gzugs kyi mdun du dri bzangs la sogs pas maN+Dal byas par rang gi 'khor lo'i dbang phyug la sogs pa'i de bzhin gshegs pa la sogs pa thams cad yang dag par mchod nas/mi bskyod rdo rje zhes pa la sogs pa'i tshigs su bcad pa dril bu 'khrol ba sngon du 'gro bas bstod de/ rang gi snying ga'i sa bon gyi 'od zer gyis khro bo dang bcas pa'i srung ba'i 'khor lo rtsibs bcu pa'i lte ba la gnas pa'i gzhal yas khang gi nang na bzhugs pa'i dkyil 'khor dang dbang po la sogs pa 'khor dang bcas pa dang klu rnams dang sems can thams cad kyang bkug nas dbang po la sogs pa skad cig gis 'od gsal bar rab tu zhugs pa'i rjes la 'dus pa'i lha shes rab dang bcas pa'i ngo bor rnam par bsams te/mdun du zhabs bsil la sogs pa sngon du 'gro bas dril bu dkrol zhing rdo rje gsor te stong pa nyid dang snying rje dbyer med pa'i byang chub kyi sems su lhag par mos pa dang 'khor gsum yongs su dag pas gtor ma rnams/oM AHhUM che ge mo badzra zhes rang gi 'khor lo'i dbang po la sogs pa nas gnod mdzes kyi bar gyi lha rnams re re nas ming nas spros shing de dag gi sa bon yang brjod de/sarba du Sh+Ta sa ma ya mu dra pra b+ha ny+dza ka ma ma shAn+tiM rak+Shany+tsa ku ru swA hA hUM/ oM sarba t+ya d+h+wa dza da sha di ka/ lo ka d+hA twa nan+tag ga na/ sa mu dra me g+ha byU ha pra sa ra/ pa ra mA nu ra dzo maN+Da la/ pa raM pa ra a nan+ta rga ta/ sa mA pat+t+ya pa s+thi tA/ d+harma d+hA tu sa ma ba sa ra NA/ A kA sha d+hA tu paR+Ya ba sA naM/ sarba t+ya d+h+wa dza da sha di ka /lo ka d+hA tu a nan+ta me g+ha b+h+yU ha/ pra sa ra ga ga na sa mA/ sarba lo ka pA lAHsarba satwany+tsa/ tad+ya thA/ badzra yu d+ha mA ya badzra/ badzrA na la badzra kA la badzra mu sa la nA ga badzra/ badzrA ni la/ badzra b+hai ra wa/ badzra shauN+Da badzra kro d+ha/ badzra kuN+Da li badzra pra b+hA/mon badzra be ma tsi tri/ /pr-i thi bI de wa tA sa pa ri wA rAH/ i maM pu Sh+paM d+hU pa dI pa gan+d+ha nai wi d+yaM A di saM yu k+ta ba li u pa ha ra/ pra tI ts+tsha u pa b+hu dz+ya/ ma ma hi ra N+ya su wa r+Na/ d+ha na d+h+ya na A yuHyau waN a ro gya sat+su kha/ prA hA ra kA na sarba bi g+h+nAM bi nA ya kA na/ sarba du Sh+TA na pra du Sh+TA na/ ma nu Sh+ya a ma nu Sh+yA/dzam+b+ha ya stam+b+ha ya ban+d+ha ya bi d+h+wan+sa ya/ ma ma hi ra N+ya sU war+Na d+ha na d+hA nya A yuHyau ba na/ a ro gya sat+su khA ni/ ma hA su kha pra br-id+d+ha ye/ bA yad A bo d+ha maN+Da paR+Ya n+taM/ D+hau ka ya ti sa dA sa hA yi ka sha' n+tiM ra k+Sha ny+tsa ku ru hUM/ zhes pa'i sngags rnams dang klu gtor gyi sngags kyis kyang dbul bar bya'o//de rnams kyang rang gi dkyil 'khor gyi bdag po nas brtsams te gnod mdzes kyi mthar thug pa rnams dang / de nas dbang po la sogs pa 'khor dang bcas pa rnams dang de'i rjes su klu rnams dang / de nas sems can thams cad kyi lce hUM las byung ba'i rdo rje rtse gcig pa dmar po rnams kyi 'od zer gyi sbu gus sam/yid kyis bdud rtsi bkug pa rnams nye bar gsol bas bde ba chen po'i rang bzhin stong pa nyid dang ro gcig pa ji srid 'dod kyi bar du bsam par bya'o/ /zhal bsil dang dri bzang po can gyi tsan+dan dang so rtsi la sogs pa rnams phul nas yang dag par mchod de/ bya ba bsgrub pa lhur byed pa rnams la bzod par gsol zhing sngar bshad pa'i yi ge brgya pa'i sngags bzlas la/oM yo ga shud+d+haHsarba d+harmAHyo ga shud+d+hou0f85haM/ zhes brjod nas pad kor dang 'khyud pa'i phyag rgya byas te rang gi lha'i 'khor lo bdag nyid la rab tu gzhug go/ /bsrung ba'i 'khor lo la g nas pa'i khro bo bcu dang /dbang po la sogs pa bsrung zhing 'dod pa bsgrub pa la mkhas pa rnams dkyil 'khor gyi khang pa'i phyi rol gyi phyogs bcur rnam par dgod par bya ste/ dkyil 'khor gyi las rtsom pa nas gzung ste ji srid mthar thug pa'i bar ro/ /rdul tshon gyi dkyil 'khor gshegs su gsol ba'i rjes su ni gtor ma sbyin pa la sogs pa byas nas khro bo rnams bdag nyid la rab tu gzhug cing se gol gsum byas nas dbang po la sogs pa rnams gnas ji lta bar gshegs su gsol/gzhan yang nyi ma so so la gtor ma dbul ba ni de lta nyid do/ /'di ni gshegs su gsol ba'i sngags te//khyed kyis sems can don kun mdzad/ /rjes su mthun pa'i dngos grub gnang / /sangs rgyas yul du gshegs nas kyang / /slar yang 'byon par mdzad du gsol/ oM AHhUM a kA ro mu khaM sarba d+ha rmA NAM a d+yA nu t+pan+na twA ta hUM muHzhes pa'am/ oM AHhUM badzra muHzhes brjod pas gshegs su gsol lo/ /'dir zhi ba la sogs pa'i bya ba gtso che ba'i dbye ba dus dang phyogs dang kha dog gi dbye ba rtogs par bya'o/ /dkyil 'khor gyi khang pa'i phyi rol shar la sogs pa'i phyogs rnams su khro bo bcu'i gong bu rnams dang nye bar zan la sogs pa'i gtor mas sen thi la sogs pa bkang ba 'am kham phor rnams sam snyim pas dbul bar bya'o//sa'i gong bu rnams las phyi rol du sa'i gong bu bco lnga dang / de dag med na maN+Dal rnams kyi steng du dbang po la sogs pa bco lnga po rnams la sbyin par bya'o/ / dbang po'i g.yas phyogs su sgyu ma rdo rje ste khyab 'jug dang rdo rje 'jigs byed ni lus ngan te/ de'i g.yas phyogs su log 'dren dang / rdo rje khro bo ni dbang ldan te dbang ldan dang nye ba'i dbang ldan dag gi dbus su nyi ma dang zla ba dang tshangs pa rnams dang chu lha dang bden bral gyi bar du thag bzangs ris dang sa'i lha mo dag la'o//de ltar dbang po la sogs pa'i ba dan bco lnga ni rang rang gi phyogs su'o/ /dbang po la sogs pa'i gong bu las phyi rol du sa'i gong bu brgyad dam ba byung gi maN+Dal byas pa rnams su klu rnams la kham phor du'o thug la sogs pa sbyin par bya'o/ /phyi rol du gtor ma'i zan la sogs pa la mar dang sbrang rtsi dang chu dang chang dang 'o ma ste rgyun pa lngas g.yas skor du gtor bar bya'o//gzhan gyi don du gtor ma sbyin pa na yang sngags la ji ltar yod pa'i bdag gam la 'am bdag gi zhes pa ni ji ltar gnas pa bzhin du bklag par bya ste/ de yang bdag nyid du lhag par mos par bya'o//'di la phan btags pa na bdag nyid la phan btags par 'gyur te/ bar dag tu yang don rnam par shes par bya'o zhes pa 'dus pa'i 'byung po thams cad pa'i gtor ma'i cho ga'o// //d+harma d+ha tu sa ma ba sa ra NA zhes pa ni stong pa nyid dang snying rje ro gcig pa dang stong pa nyid kyi mthar thug pa zhes pa'i don to//gtor ma'i cho ga la khro bo bcu po rnams kyi gtor ma rnams so so'i sngags rgyud du gsungs pa rnams kyis 'bul ba ni shin tu khyad par du sngags par 'gyur te/ sngags de rnams kyang mang bas 'jigs nas 'dir ma brjod do/ /gang yang dpal 'khor lo sdom pa'i rnal 'byor dang ldan pas dri bzangs la sogs pa'i maN+Dal byas par rang gi 'khor lo yang dag par mchod cing rkang pa brgyad pa'i sngags kyis bstod de rang gi snying gar gnas pa'i hUM yig gi 'od zer rnams kyis khro bo dang bcas pa'i srung ba'i 'khor lo rtsibs bcu pa'i lte bar chud pa'i gzhal yas khang gi nang na gnas pa'i dkyil 'khor dang srung ba'i 'khor lo'i phyi rol gyi phyi phyogs rnams su dbang po la sogs pa 'khor dang bcas pa dang sems can dpag tu med pa rnams kyang nang du bkug nas dpral ba'i dbyings su 'bar ba'i phyag rgya bcings te 'gying ba dang bcas pas pheM zhes pa lan gsum brjod cing mdun du dkyil 'khor spyan drang ngo //oM k+kaka D+ha na/ ban+d+ha na kha ka khA dan sarba du Sh+TA nAM/ ha na ha na g+ha g+ha g+ha ta ya che ge mo'i shI n+taM ku ru hUM hUM phaT phaT dzaHswA hA/ zhes pa 'dis dbang po la sogs pa bkug nas skad cig gis stong pa nyid la rab tu zhugs pa'i rjes la rig pa dang bcas pa'i bde mchog gi lha'i skur rnam par bsgoms te zhal bsil la sogs pa dbul ba sngon du 'gro zhing snga ma bzhin du 'khor gsum yongs su dag pas lag pa g.yon pa'i mthil du zla ba la gnas pa'i hUM las skyes pa'i sna tshogs rdo rje'i lte bar bdud rtsi'i snod bkod pa'am bsgom pa lag pa g.yas pa rdo rje khu tshur byas pa'i sdigs mdzub brkyang pas de ston cing /bcom ldan 'das dang de'i shes rab ma dang mkha' 'gro ma la sogs pa dang khwa gdong ma la sogs pa la ji ltar rigs par phyogs su g.yon skor dang me'i zur nas brtsams te phyogs bral rnams su g.yas skor gyis te/oM badzra DA ka i maM ba liM gr-i h+Na gr-i h+Na hUM phaT/ oM dzaH hUM baM hoH sa ma ya s+t+waM dri sh+ya hoH zhes pa'i sngags lan gcig dang gnyis dang gsum dang bzhi dang lnga brjod pas phul nas 'khor lo gsum gyi lha rnams la/ oM ka ra ka ra ku ru ku ru ban+d+ha ban+d+ha trA sa ya trA sa ya k+Sho b+ha ya k+Sho b+ha ya hrauM hrauM hraHhra phaiM phaiM phaT phaT da ha da ha pa tsa ba tsa b+hak+Sha b+hak+Sha ba sa ru d+hi ra an+ta mA la ba la m+bi ne gr-ih+Na gr-ih+Na sap+ta pA tA la ga ta b+hu dzang+ga~X sarbaM bA tardza ya ta rdza ya A ka D+D+h+ya A kaD+D+h+ya hriM hriM dz+NauM dz+NauM k+Sh+maM k+Sh+maM h+'aM h+'aM hiM hiM hUM hUM ki li ki li si li si li hi li hi li d+hi li d+hi li hUM hUM phaT swa hA/zhes pa'i sngags lan cig brjod pas dbul bar bya'o//de'i rjes su srung ba'i 'khor lo'i rtsibs la gnas pa'i khro bo bcu po rnams la oM khaH badzra d+h+rika badzra hUM ka ra badzra hUM phaT/ oM badzra daN+Da badzra hUM phaT/ oM badzra a nA lArka badzra hUM phaT/ oM badzra kuN+Da li badzra hUM phaT/ oM badzra yak+Sha badzra hUM phaT/oM badzra kA la badzra hUM phaT/ oM badzra ma hA ba la badzra hUM phaT/ oM badzra b+hi Sha Na badzra hUM phaT/ oM badzra uSh+NI Sha tsa kra brti badzra hUM phaT/ oM badzra pA ta la badzra hUM phaT/ ces ba'i sngags bcu'i hUM phaT ces pa'i sngon du i maM ba liM gr-i h+Na gr-ih+Na gr-ih+Na che ge mo'i shAn+tiM ku ru rak+Sha ku ru zhes pa bcug la/lan re brjod pa rnams kyis g.yon dang g.yas su bskor ba dag dang steng dang 'og tu dbul bar bya/ /phyi rol du dbang po la sogs pa rnams la oM kha kha khA hi khA sarba de ba nA ga yak+Sha rak+Sha sa b+hU ta pre ta pi shA tsa un+ma da a pa smA ra DA ka DA ki nya dA ya i maM ba liM gr-ih+Na n+tu sa ma ya rak+Shan+tu/sarba sid+d+hi m+me pra ya ts+tshan+tu ya thai baM/ ya thaiSh+TaM/ b+huny+dza tha/ pi pa tha/ dzi g+ha tha/ mA ti kra ma tha/ ma ma sarbA kA rta yA sa tshu khaM bi br-id+d+ha ye/ sa hA yi kA b+ha wan+tu hUM hUM phaT phaT swA hA/ zhes pa 'di lan bzhi brjod pas bskor phyogs gnyis dang steng 'og tu dbul bar bya'o/ /'dir yang de rnams dang dkyil 'khor gyi bdag bo nas brtsams te gnod mdzes kyi mthar thug pa zhes pa la sogs pa dang sngags gzhan rnams kyang shes par bya'o//yi ge brgya pa ni 'dir gzhan yin te/ oM badzra hi ru ka sa ma ya ma nu pA la ya/ he ru ka twe no pa tiSh+tha dr-i D+ho me b+ha wa/ su to Sh+yo me b+ha wa/ a nu rak+to me b+ha wa/ su po Sh+yo me b+ha wa/ sarba sid+d+hi m+me pra yats+tsha sarba karma su tsa me tsit+taM shre yaH ku ru hUM ha ha ha ha hoH b+ha ga wAn badzra he ru ka mA me muny+tsa he ru ka b+ha wa ma hA sa ma ya satwa AH hUM phaT swA hA/ zhes pa'o/ /'dir brjod pa'i khro bo bcu mngon par brjod pa bla mar gsungs pa rnams kyi sku mdog dang phyag mtshan la sogs pa ni yang dag par bsdus te sngar brjod pa'i dpal bde mchog gi dkyil 'khor du shes par bya'o//bde mchog gi 'byung po thams cad pa'i gtor ma'o// //yang na dpal kye'i rdo rje'i gzugs kyis snying gar gnas pa'i hUM yig gi 'od zer rnams kyis khro bo dang bcas pa'i srung ba'i 'khor lo rtsibs bcu pa'i lte bar chud pa'i gzhal yas khang na bzhugs pa'i dkyil 'khor dang srung ba'i 'khor lo'i phyi rol gyi phyogs rnams su dbang po la sogs pa 'khor dang bcas pa dang /sems can dpag tu med pa rnams kyang bkug nas dbang po la sogs pa 'od gsal bar rab tu zhugs pa rnams shes rab dang bcas pa'i he ru ka'i gzugs su gyur par rnam par bsams la/zhabs bsil la sogs pa dbul ba sngon du 'gro bas snga ma bzhin du sbyangs pa'i gtor ma rnams/ /oM de ba pi tsu badzra i maM ba liM gr-i h+Na gr-i h+Na che ge mo'i shAn+tiM rak+Shany+tsa ku ru ku ru hUM hUM hUM phaT swA hA/zhes pa'i sngags kyis bcom ldan 'das la dbul bar bya ste/ oM AH nai rAt+ma zhes pa la sogs pas mtshan pa brjod cing sa bon yang smos nas i maM ba liM gr-i h+Na grih+Na che ge mo'i shIn+taM rak+Sha ny+tsa ku ru swAhA/ zhes pa 'dis bdag med ma la sogs pa rnams la'o//na maH sa man+ta bu d+d+he b+h+yo/ na mo badzra mung+ga ra ha stA ya/ tsan+t+ra lAk+She pa kA rA ya hUM phaT/ na maHsa man+ta bud+d+he b+h+yo/ ma hA daN+Da d+hA ra bi bi d+ha su ra a su ra mr-ita na b+hU tan+ni ra ma than hUM phaT/ namaH sa m+n+ta bu d+d+he b+h+yo/ hu lu hu lu ma hA pad+ma a mr-i tI ku ru ma hA bi Sh+'aM aH na maH sa m+n+ta bu d+d+ho b+h+yo/ na mo badzra kro d+hA ya ma hA daM Sh+Tota ka Ta b+hai raM bA ya badzra saM do ha dar+pA ya a mr-i ta kuN+Da li hUM phaT/na maHsa man+ta bud+d+he b+h+yo/ na mo a tsa la kAny+tse ta mo Ta mo Ta tu Ta tu Ta g+ha g+ha g+hA ta ya g+hA ta ya hUM phaT/ na maH sa man+ta bud+d+he b+h+yo/ Tak+ki hUM dzaH na maH sa ma n+ta bu d+d+he b+h+yo/ oM ya ma daN+Da ya nI la da N+Da ya tu ru tu ru mu ru mu ru sarba du Sh+TA na mA ra ya hUM phaT/na maH sa man+ta bud+d+he b+h+yo/ na mo ma hA bA la u tsu Sh+ma kro d+ha rA dzA ya sarba nA ga nAM hr-i ya tA Da ya hUM phaT/ na maH sa man+ta bud+d+hA nAM/ na maH sa man+ta d+ha rmA NAM/ na maH sa man+ta saM g+hA nAM/ oM si tA ta pa tre/ oM bi ma la/ oM shang+kar/ oM pra d+yaM gi ra/ badzra uSh+NI Sha tsakra brti sarba yan+ta man+t+ra mU la karma ban+d+ha naM/ tA Da naM kI la na m+pa ma ma kr-i te/ye na ke na tsi ta kr-i taM/ sarban+tu tshin+da tshin+da b+hi n+b+ha b+hin+d+ha tsi ri tsi ri gi ri gi ri ma ra ma hUM hUM hUM hUM hUM hUM hUM hUM hUM hUM hUM hUM phaT phaT phaT/ oM sum+b+ha ni sum+b+ha hUM/ gr-ih+Na gr-i h+Na hUM/ gr-i h+NA pa ya gr-i h+NA pa ya hUM/ A na ya ho b+ha ga wa' na bi d+yA rA dza hUM phaT/ ces pa'i sngags bcus shar la sogs pa dang dbang ldan la sogs par g.yas skor dang steng dang 'og tu gshin rje gshed la sogs pa'i khro bo bcu mkha' 'gro ma rdo rje gur du gsungs pa rnams la'o//oM in+da dza ma dza la dzak+kha b+hUM ta bah+ni bA u rak+kha tsan+da sudz+dza/ mA da pab+pa ta la pa ta la aT+Ta sap+pa sA ta/ i daM ba liM b+huny+dza/ dzig+ha phul+la d+hU pa maM sa sing+g+ha aM b+ha kadz+dza sap+pa/sA da khan+ti khu Ni phe Da ga da/ oM a kA ro mu khaM sarba d+harmA NAM A d+yA nut+pan+na twA ta oM AH hUM phaT swA hA/ zhes pa'i sngags kyis dbang po la sogs pa rnams la'o/ /oM in+da zhes pa la sogs pa ming nas 'bod pa rnams ni rang rang gi phyogs kyi sems can dpag tu med pa mtshon par byed pa'o//gA dang zhes pa ni lus la'o/ /'di yang de rnams kyi mnga' bdag nas brtsams te gnod mdzes kyi mthar thug pa zhes pa la sogs pa ni 'dus pa'i gtor ma'i cho ga bzhin du shes par bya'o/ /'dir yang khro bo'i sngags rnams kyi hUM yig rnams dang / aH yig sngon du i maM ba liM gr-i h+Na gr-i h+Na zhes brjod par bya ste/ khro bo rnams kyi sku mdog dang phyag mtshan la sogs pa ni sngar bshad pa'i 'jam pa'i rdo rje'i dkyil 'khor bzhin no zhes pa ni/ kye'i rdo rje'i 'byung po thams cad pa'i gtor ma'i cho ga'o// //de bzhin du khyim dang gtsug lag khang la sogs pa bsrung ba dang bde legs su bya ba'i don du dpal ldan dpung pa bzang pos yongs su zhus pa rnal 'byor gyi rgyud chen por gsungs pa'i sngags kyi tshigs su bcad pa rnams kyis cho ga bzhin du gtor ma sbyin par bya'o//de la 'di ni cho ga ste/ zho dang 'o ma dang mar dang sbrang rtsi dang ka ra dang sha med pa'i tshod ma dang bza' ba dang dri bzang po'i chu dang dri bzang po can gyi me tog dkar po dang /rtse mor me tog gi phreng ba dang me tog sil ma dang / tsan+dan dkar po la sogs pa dri bzang po'i rdzas rnams dang / a ka ru dang gu gu la dang / yan lag bcu pa'i bdug spos dang snang gsal la sogs pa ji ltar rnyed pa dang ji ltar nus pas bde legs su 'gyur ba'i don rnams nye bar gsog par byed do//grong khyer la sogs pa'i bgegs zhi ba'i ched du sha ka Ta la sogs pa'i snod chen po zhes pa ni rnam par rgyas pa nyid de/ khur ba dang til dang 'bras yos dang / srita sin+da dang / dzam+bu ti ka dang / nges pa nyid du 'byor pa dang rjes su mthun pa rnams sbyin bdag las nye bar blang bar bya zhing 'di rnams thams cad cha gnyis su yongs su brtags pa dri bzang pos rnam par bsgos pa rnams chu shing gi 'dab ma 'am zhib ma sar pa la sogs par so sor gzhag par bya'o/ /slob dpon gyis khrus dang gtsang sbra dang yan lag dri zhim po dang ldan pas lus la gos gtsang ma bgos te ji ltar rnyed pa'i cod pan la sogs pas brgyan nas snying rje dang byams pa la yongs su gnas pa'i yid kyis pus mo g.yas pa'i lha nga sa'i gzhi la btsugs te lag pa thal mo sbyar ba byas la/shar ram byang du kha bltas nas cha gcig gis gdon rnams mchod pa'i ched du tshigs su bcad pa 'di rnams brjod par bya'o//lha dang lha min klu dang grub pa kun/ /'dab bzangs nam mkha' lding dang lus srul po/ /dri za gnod sbyin gdon gyi rigs rnams dang / /gang yang sa la gnas pa'i lha rnams ni/ / bu smad bcas shing g.yog 'khor bcas pa la/ /bdag gi pus mo sa la btsugs nas ni/ /thal mo sbyar te khyed la gsol 'debs kyis/ /gsan nas phan gdags slad du 'dir gshegs shig/ /'byung po gang dag ri rab steng gnas dang / /dga' ba'i tshal dang lha yi gnas khang dang //shar nub ri dang nyi zla'i khyim rnams dang / /ri bo kun la gang dag gnas pa dang / /chu bo kun dang chu bo 'dus rnams dang / /rin chen gnas na lhag par gang gnas dang / /mtsho dang rdzing bu lteng ka khron pa dang / /khrus kyi chu dang ri yi chu rnams dang / /grong dang phyugs lhas rnams dang bas mtha' dang //khang stong dag dang lha yi khyim rnams dang / /dka' thub gnas dang tshogs khang glang chen bres/ /'byung po sna tshogs phug gnas gang dag dang / /lam srang rnams dang tshong 'dus gzhi mdo dang / /gang dag shing gcig drung dang lam po che/ /dur khrod chen po nags tshal chen po dang / / seng ge dred dang glang chen gnas rnams dang / /'brog chen 'jigs su rung bar gang gnas dang / /gang dag gling mchog dag na gnas pa dang / /lhun po dur khrod dag na gnas pa rnams/ /de rnams rab tu dge bar gyur nas su/ /me tog dri dang phreng ba bdug spos dang / /gtor ma snang gsal cho gas gus 'bul gyis//'di rnams bzhes nas gsol zhing btung bar mdzod/ /'dir yang las kyi 'bras bu ldan par mdzod/ /de ltar gdon rnams la mchod pa byas nas phyogs kyi mchod pa gcig pa'i yid kyis rab tu bya'o zhes pa/ cha gzhan gyis phyogs kyi bdag po rnams mchod pa'i ched du tshigs su bcad pa 'di rnams brjod par bya'o//dbang po can gyi lha tshogs 'khor dang bcas/ /khyad 'phags gtor ma 'di ni bzhes su gsol/ /me dang gshin rje bden bral sa yi bdag/ /chu bdag rlung dang nor gyi bdag po dang / /dbang dang ldan pa 'byung po'i lha rnams dang //steng gi nyi zla tshangs pa chen po dang / /lha rnams kun dang gang dag sa steng klu/ /sa 'dzin lha dang gtsang ba'i tshogs bcas la/ /so so so sor re res phul ba rnams/ /tshim zhing thob pas bzhes par mdzad nas su/ /rang rang phyogs su legs par bzhugs nas kyang //rang rigs sde dang sras bcas grogs su bcas/ /spos dang gtor ma me tog zhal zas rnams/ /'di dag gsol zhing bsnams te btung mdzad nas/ /'dir yang las kyi 'bras bu ldan par mdzod/ /de nas khyim dang gtsug lag khang dang grong khyer la sogs pa'i dbang ldan gyi mtshams su yo byad de rnams thams cad nyid bzhag par bya'o//zho dang zan dang dzam+bu ti ka rnams snod gcig tu bsres nas pi Da ka la sogs par bya zhing / til dang 'bras yos ni snod so sor byas nas g.yas skor gyis khyim la sogs pa'i phyi rol nas zhugs te gtor ma sbyin par bya'o//snang gsal la sogs pa'i yo byad gzhan rnams ni dbang ldan gyi mtshams nyid du gzhag par bya zhing spos dang chu ni dor bar bya'o/ /de ltar yang gtor ma byin pa'i zan la sogs pa ji ltar dbang ldan gyi mtshams ji srid par ro zhes so/ snga dro'am dus khyad par can gyi dus su gtor ma dbul bar bya zhing snga dro'i nyi ma la gtor ma byin pa'i phyi nas slob dpon gyis kha na ma tho ba med pa'i bza' ba rnams chu tshod bdun na bza' bar bya ste/nyi ma nub pa na yang gtor ma mang du dbul ba nyid do/ /slob dpon la yang ji ltar nus pa'i yon dbul par bya ste/'di dag ni bgegs nye bar zhi ba'i don dang gzhan yang 'dod pa'i bya ba'i don dang bsod nams kyi don du yang rjes su gnas pa'o zhes pa ni dpung pa bzang pos yongs su zhus pa'i mdo rgyud chen por gsungs pa'i gtor ma'i cho ga'o// //gtor ma bzhi po 'di dag ni bskyed pa'i rim pa la'o//rdzogs pa'i rim pa la ni shes rab dang thabs las g.yo ba med pa'i sems kyis dgongs par gsol ba tsam gyis spyan drangs pa'i shes rab dang thabs kyi rang bzhin nyid dang 'dod pa'i dkyil 'khor gyi dbang phyug la sogs pa'i lha dang bcas pa'i dbang po la sogs pa rnams la ye shes kyi ro dang tha mi dad pa'i gtor ma dbul ba ni gtor ma'i cho ga'o// //gdon sogs nyes pa nye bar zhi ba'i ched nyid dang / /dbul ba'i sdug bsngal rab tu nyams par bya phyir dang / /tshe thung ba rnams tshe ni 'phel ba'i rgyu yi phyir/ /dkyil 'khor gsum gyis bde legs byed pa rab tu bstan/ / de phyir mi rnams rang la phan pa'i bsam pa yis/ /gdon gyi nyes pa nye bar zhi ba nyid bya ste/ /cho ga 'di ni shin tu rnam dag thugs ldan pa'i/ /sangs rgyas rnams kyis 'gro ba'i don gyi rgyur gsungs phyir ro/ /gza' yum gyi ni dkyil 'khor la/ /thig rnams bri bar bya ste slar/ /rtsa ba'i thig gi nang du ni//cha chung bzhi ni spangs byas nas/ /sngags pas der ni sbyin bya ste/ /zur thig gnyis kyi bar du'o/ /de yi nang du zlum po ni/ /de yi mthar thug bar du bya/ /cha chung gcig nas slar yang bskor/ /de la rdo rje phreng ba bya/ /lhag ma de yang cha gsum la/ /pad+ma 'dab ma brgyad pa bya//de la zur thig la sogs rnams/ /gsang sngags rig pas dbye bar bya/ /rtsa ba'i thig gi nang du ni/ /sgo yi bar ni spangs pa dang / /de yang nang du thig bya ste/ /cha chung bzhi yi bar de bzhin/ /lhag ma pad+ma 'dab brgyad tshang / /'di las lhag dang chad pa min/ /nor rgyun ma yi dkyil 'khor te//cho ga rig pa rnams kyis bya/ /tshangs las cha chung rig byed mthar/ /zlum po gcig ni bskor bar bya/ /de nas cha chung phyed spangs te/ /zlum po gnyis pa'i thig yin no/ /de nas cha chung bzhi spangs par/ /rtsibs kyi zlum po gsum pa ste/ /de nas cha chung yongs dor bar//mu khyud zlum po bzhi pa'o/ /de nas cha chung gnyis spangs nas/ /zlum po ge sar thig yin te/ /cha chung rig byed spangs nas ni/ /zlum po pad+ma'i 'dab ma'i yang / /de yi phyi rol zlum po gsum/ /cha chung gnyis par du'o slar/ /pad+ma 'dab brgyad bri bya ste/ /phyogs dang phyogs bral rnams su'o slar//rnam par rgyal ba'i 'khor lo ni/ /don kun grub par byed pa ste/ /sems can kun la phan bltas nas/ /'di ni ye shes rdo rjes bya// //de la dang por gza' yum gyi cho ga bri bar bya'o/ /dbus kyi lte bar pad+ma dkar po'i steng du gur gum gyi dri'i maN+Dal la lha nyi ma bsam par bya ste//dka' thub can gyi gzugs 'dzin pa sku mdog dmar po phyag dag gis chu skyes dkar po bsnams pa/ /nyi ma bye ba'i 'dod dang mtshungs pa'o/ /'di la ni 'o thug gi bza' ba dang / /kun du ru'i bdug spos kyang dbul bar bya ste/ oM AH me g+ha u la kA ya swA hA/zhes pa snying po'i sngags kyis mchod par bya'o/ /shar gyi 'dab mar chu skyes dmar po'i steng du pri yang ku'i dri'i maN+Dal la zla ba bram ze'i gzugs 'dzin pa sku mdog dkar po ral pa'i cod pan can/ /phyag gis bgrang phreng dang me tog ku mu dal gnas pa'i spyi blugs 'dzin pa'o/ / 'di la ni mar gyi bza' ba dang sih+la'i bdug spos dbul bar bya ste/ oM tsan+d+ra a mr-i ta bi kra mA ya shI ta aM sha be AH swA hA/ lho'i 'dab mar pad+ma dkar po'i steng du tsan+dan gyi dri'i maN+Dal la bkra shis ni dge slong gi gzugs 'dzin pa/ sku mdog dmar po gos dmar po dang cod pan can/ g.yon pas shak+ti 'dzin cing g.yas pas mchog sbyin mdzad pa'o//'di la ni sran ma nag po'i zan nam bu ram gyi zan gyi bza' ba dang / gu gul gyi bdug spos kyang dbul bar bya ste/ na mo rak+ta ad+ga ra dz+wa la ku mA rA ya swA hA/ nub kyi 'dab mar chu skyes dmar po'i steng du a ka ru nag po'i dri'i maN+Dal la gza' lhag tu grags pa ni tshangs par spyod pa'i gzugs can sku mdog ser po sma ra dmar po can/g.yas pa dang g.yon pa dag gis bgrang phreng dang spyi blugs 'dzin pa'o/ /'di la ni sran mung+ga dang rgya sran sbyar pa'i bza' ba dang gan+d+ha ra sa'i bdug spos te/ rA dza su tra bud+d+ha su pI ta war+Na ya namaH oM bud+d+hA ya swA hA/byang gi 'dab mar chu skyes dkar po'i lte bar de ba dA ru'i dri'i maN+Dal la phur bu dge slong gi rnam pa gser btso ma'i 'od can/ sma ra dmar po dang ldan pa bgrang phreng dang spyi blugs 'dzin pa'o/ /'di la ni zho zan nam 'o thug gi bza' ba dang sbang dang mar gyi bdug spos te/lo ti ta war+Na nir ga mA ya br-i ha sa pA da ye oM na mo b+ho ga spa dA ya swA hA/ me'i 'dab mar tsan+dan gyi dri'i maN+Dal pa sangs ni phyugs bdag gi brtul zhugs 'dzin pa sku mdog dkar po ral ba'i cod pan can/ bgrang phreng dang spyi blugs 'dzin pa'o/ /'di la ni 'o thug gi bza' ba dang ga bur gyi bdug spos kyang dbul bar bya ste/oM na maH shAkra a d+hi pa ta ye a su ra ut+ta mA ya shud+d+he bi ra dze swA hA/ bden bral gyi 'dab mar 'dam skyes dkar po'i steng du sngon po dang tsan+dan gyi dri'i maN+Dal la spen pa ni nag po phyogs kyi gos can du shes par bya ste/ ral pa seng skya'i cod pan can sma ra can bgrang phreng dang 'khar gsil 'dzin pa'o//'di la ni sran nag las sbyar ba'i zan gyi bza' ba dang gan+d+ha ra sa'i bdug spos dbul bar bya ste/ oM sha na nI la a pa su kr-iSh+NA ya kr-iSh+NA bar+Na b+hu ga swA hA/ rlung gi 'dab mar chu skyes dmar po'i steng du paN+Di ta ka ri'i dri'i maN+Dal la sgra gcan ni thod pa dang ldan pa lus phyed nyi ma'i shing rta la gnas shing 'jigs su rung ba'i spyan gnyis dang ldan pa/mche ba rnam par gtsigs shing smin ma'i khro gnyer dpral bar bsdus pa kha dog lnga pa'i sprin gyi gseb na gnas ba/ phyag gis nyi ma dang zla ba za ba'i tshul gyis gnas pa'o/ / 'di la ni nya dang sha 'am til las sbyar ba'i bza' ba dang bil ba'i bdug spos te/ oM na mo pi kr-i ta pa kwa ru d+hi ra rA ho b+hid+ga any+dza sin+nA b+hA ya a mr-i ta pr-i yA ya swA hA/ dbang ldan gyi 'dab mar pad+ma dmar po'i steng du sbyar spos kyi dri'i maN+Dal la gtum po'i gzugs can mjug rings ni du ba'i mdog can thal mo sbyar ba klu'i rnam pa can gyi mjug ma 'khyil ba'o//'di la ni snum khur gyi bza' ba dang spos dkar gyi bdug spos kyang dbul bar bya'o/ /oM na mo d+hU mra A b+ha wa r+Na san+ni b+hA ya dz+yo ti ka ta be swA hA/ dkyil 'khor gyi shar gyi sgor sangs rgyas bcom ldan 'das gser gyi mdog can ting nge 'dzin gyi phyag rgya mdzad pa'o//lho'i sgor phyag na rdo rje sngo bsangs phyag g.yas pas rdo rje thugs kar 'dzin zhing phyag g.yon pa sa la gnas pa'o/ /nub kyi sgor 'jig rten dbang phyug dmar po g.yas pas mchog sbyin dang g.yon pas mi 'jigs pa mdzad pa'o//byang gi sgor 'jam dpal gzhon nu gur gum gyi mdog can chos 'chad kyi phyag rgya mdzad pa'o/ /dbang ldan du ni gza' thams cad de sna tshogs pa'i mdog dang / sna tshogs pa'i dbyibs dang rnam pa sna tshogs pa'i gzugs can no/ /mer ni rgyu skar thams cad de rang rang gi bzhon pa la yang dag par gnas shing thams cad thal mo yang dag par sbyar ba'o//bden bral du ni nye bar 'tshe bar byed pa thams cad de 'jigs su rung ba'i gzugs can no/ /rlung du ni rdo rje btsun ma rig pa chen po ste dkar po dang sngon po dang dmar po'i zhal gsum ma rtsa ba'i phyag dag ni rnam par bshad pa'i phyag rgya 'dzin cing /g.yas pa dag na pad+ma dang rin po che 'bar ba dang g.yon pa dag na zhags pa dang shak+ti bsnams pa/ rin po che'i cod pan can zla ba'i gdan la rdo rje skyil krung gis bzhugs pa lo brgyad gnyis lon pa rgyan thams cad dang ldan pa'o/ /dkyil 'khor gyi sgo'i phyi rol du shar du yul 'khor skyong dang /lhor 'phags skyes po dang / nub tu spyan mi bzang dang / byang du lus ngan po ni ser po dang nag po dang dmar po dang ser po ste rang rang gi phyag mtshan dang ldan ba'o/ /de la sangs rgyas la sogs pa'i zhal zas ni sangs rgyas la'o thug dang / phyag na rdo rje la 'o ma dang / 'jig rten dbang phyug la bu ram gyi zan dang / 'jam dpal la zho'i zan dang / gza' thams cad la mar gyi zan dang / rgyu skar thams cad la zho'i zan dang / nyer 'tshe byed pa thams cad la sran nag gi zan dang / bcom ldan 'das ma la 'o ma dang dri bzang po'i bdug spos dang /thams cad la spos dkar gyi bdug spos dang rang rang gi mdog can gyi ba dan rnams rang rang gi mdog can gyi sdong bu rnams la mar gyi snang gsal dang / rang rang gi mdog can gyi ras bzang po rnams kyang dbul bar bya'o/ /sangs rgyas la sogs pa'i sngags kyi tshig rnams ni/oM na mo bud+d+hA ya swA hA/ oM badzra d+hA rA ya na maH swA hA/ oM pad+ma d+hA rA ya na maH swA hA/ oM ku mA rA ya na maH swA hA/ oM sarba gra ha nAM na maH swA hA/ oM sarba nak+Sha hrA NAM swA hA/ oM sarba u pa dra bA nAM swA hA/ oM ma hA bid+ye hUM hUM hUM phaT swA hA/ oM d+h+re ta raSh+TA ya swA hA/ oM bi rU D+ha kA ya swA hA/oM bi rU pa k+ShA ya swA hA/ oM ku bai rA ya swA hA/ 'di rnams thams cad la rang rang gi sngags de nyid kyis mchod yon dbul bar bya ste/ de'ang nyi ma la ni til dmar po dang zangs dang tsan+dan dmar pos so/ /zla ba la ni dngul dang til dkar po dang tsan+dan dkar pos so/ /bkra shis la ni zangs dang 'bras dmar po dang tsan+dan dmar pos so//gza' lhag la ni nas dang byi ru dang gur gum gyis so/ /phur bu la ni gser dang yungs kar dang gur gum gyis so/ /pa sangs la ni mu tig dang 'bras ma chag pa dang tsan+dan dkar pos so/ /spen pa la ni lcags dang sran nag dang gla rtsis so//sgra gcan la ni lcags dang til nag po dang dri thams cad kyis so/ /mjug rings la ni lcags dang sran mud+ga dang dri bzang pos so/ /lhag ma rnams la ni mar dang sbrang rtsis dung bkang ste rin po che lnga bcug nas mchod yon dbul lo/ /dzaH hUM baM hoH zhes pa'i sngags kyis dgug pa dang gzhug pa dang bcing ba dang mnyes pa'i cho gas ro mnyam par gyur par rnam par bsams te sngar bshad pa'i me tog dang bdug spos la sogs pas so so'i sngags kyis yang dag par mchod par bya'o//de la 'di dag gis rim pa ji lta bar 'di rnams thams cad mchod pa byas nas gza' thams cad kyi sngags rnams re re zhing lan brgya rtsa brgyad bzlas par bya'o//de'i rjes su gza' rnams kyi yum zhes bya ba'i gzungs lan bdun bklag par bya'o/ /de nas gza' yum gyi snying po'i sngags brgya rtsa brgyad dam stong ngam gzhan yang ji ltar nus pa yongs su bzlas te rang gi mngon par 'dod pa'i dngos grub zhus nas yi ge brgya pas brtan par bya zhing cho ga bzhin du gshegs su gsol la sngar bzhin du chu klung gi chu rnams la dor bar bya'o//phyi nas slob dpon la sogs pa rnams kha na ma tho pa med pa'i bza' ba la spyad par bya zhing yon la sogs pa ji ltar nus pa dbul bar bya'o zhes pa gza' yum gyis bde legs su byed pa'i cho ga'o// //nor rgyun ma'i cho ga bshad par bya ste/ stong pa nyid bsgoms pa'i mthar hrIH yig yongs su gyur pa las pad+ma ser po'i steng du a yig las zla ba'i dkyil 'khor dang /slar yang de'i steng du b+h+rUM yig yongs su gyur ba las rin po che'i ri bo dang de'i steng du b+hUM yig gi sa bon las nor rgyun ma bsgom par bya ste/ sku mdog ser po zhal gcig phyag drug ma rol pa'i 'dug stangs kyis bzhugs pa/ de bzhin gshegs pa'i cod pan can phyag g.yas kyi dang pos mchog sbyin gyi phyag rgyas gter ston par mdzad pa/gnyis pas rin po che'i char 'bebs par mdzad pa/ /gsum pas de bzhin gshegs pa rdo rje 'dzin pa rgya mtsho'i dbyangs la phyag mdzad pa/ phyag g.yon gyi dang pos bum pa bzang po dang /gnyis pas 'bras kyi snye ma dang / gsum pas shes rab kyi pha rol tu phyin pa'i glegs bam 'dzin pa rgyan thams cad dang ldan par bsam par bya'o/ /snam bu gnyis pa la nub kyi phyogs su de bzhin gshegs pa rdo rje 'dzin pa rgya mtsho'i nges par sgrogs pa ser po rdo rje'i skyil krung gi brla la phyag g.yon pa bzhag cing g.yas pas mchog sbyin mdzad pa'o//g.yas su 'phags pa spyan ras gzigs dbang phyug dang / g.yon du phyag na rdo rje ste de dag kyang dmar po dang ljang gu mchog sbyin dang rdo rje'i phyag can g.yon pa dag ni rgyal po rol pa'i tshul gyis gnas pa/rdo rje skyil krung gis bzhugs pa'o/ /shar du lha mo i lA nye bar mkho ba thams cad la dbang byed pa ser mo'o/ /de'i g.yon du chu bdag ro bcud la dbang byed pa dkar po'o/ /de'i g.yas su dzam+b+ha la sngon po'o/ /me mtshams su tsi pi kuN+Da li cung zad dmar po'o/ / bden bral du ki li mA li ma ra ka ta ltar ljang ba'o/ /rlung du sgo'i dbang po ser po'o/ /dbang ldan du spyod pa'i dbang po dkar ser ro/ /snam bu gsum pa la mer sbas pa'i lha mo ljang gu'o/ /bden bral du shin tu sbas pa'i lha mo dmar mo gdugs 'dzin pa'o/ /rlung du lha mo dbyangs can ma ser mo phyag na rgyal mtshan no//dbang ldan du zla ba chu shel gyi lha mo dkar mo ba dan gyi phyag rgya can no/ /shar du gang ba bzang po gur gum gyi mdog can ne'u le dang bi dza pa'u ra ka'i phyag rgya can no/ /lhor nor bu bzang po sngon mo 'od dang ldan pa rin po che dang bi dza pa'u ra ka'i phyag rgya can no/ /nub tu nor sbyin ma dmar mo bum pa bzang po dang bi dza pU ra ka'i phyag rgya can no//byang du rnam thos sras ser po rin po che'i myu gu dang pi dza pU ra ka'i phyag rgya can no/ /thams cad sems dpa'i skyil krung can te/ gang bshad pa de rnams ni g.yas pa bi dza pU ra ka'i phyag can dang / g.yon pa brla la brten pa'o//'di dag ni lha rnams dgod pa'i rim pa'o/ /bcom ldan 'das ma'i rtsa ba'i sngags ni/ oM ba su d+hU ra swA hA/ oM lak+Sh+mA b+hu ta la ni bA si nI ye swA hA/ nye ba'i snying po'o/ /thams cad la yang dang por oM yig dang mthar swA hA dang / rang rang gi ming spel ba'i sngags kyis mchod par bya'o//de nas gang su yang rung rigs kyi bu 'am rigs kyi bu mo mchog tu dad pa dang ldan pas nor rgyun ma'i sku gzugs sam bris sku rab tu bkod de ji ltar 'byor pa'i mchod pa byas nas nyi ma re re zhing mchod par mnyam par gzhag ste/ gzungs rnams ma chad par bklag par bya'o//de'i rim pas ni thams cad du phun sum tshogs par 'gyur ro/ /de nas nyin par snga mo nas rdul tshon ser po'i dkyil 'khor byas te brtul zhugs dang ldan pas mtshan mo 'das par byas nas/ slar yang snga mor dri bzang po'i chus khrus byas la gtsang zhing dri ma med pa'i gos gyon te tshangs par spyod par gyur pas dge ba'i gnas su sku gzugs sam bris sku rab tu bkod//tsan+dan gyi maN+Dal byas te the tshom med pas gzungs rnams bar ma chad par lan gsum bklag par bya'o/ /de lta na rigs kyi bu'am rigs kyi bu mo de'i khyim skyes bu chen po'i tshad tsam du nor gyi rgyun gyis gang bar 'gyur te nor thams cad dang /so ba dang / gser dang dngul dang nye bar mkho ba thams cad kyis so/ /nye bar 'tshe ba thams cad kyang med par 'gyur ro/ /gang yang de bzhin nyid du maN+Dal zlum po byas nas slar yang snga mor dri zhim po'i chus khrus byas pa gtsang zhing dri ma med pa'i gos gyon te/myos byed kyi btung ba la sogs dang bral zhing kha na ma tho ba dang lan tshwa med pa'i bza' ba dang tshangs par spyod pa dang ldan par gyur pas/ rgyas pa'i don du rang gi khyim mam gzhan gyi khyim mam dge ba'i gnas sam khang pa'i mdzod mig tu tsan+dan gyi maN+Dal gru bzhi pa byas la/bcom ldan 'das de bzhin gshegs pa dang 'phags pa spyan ras gzigs dbang phyug dang / sangs rgyas dang byang chub sems dpa' thams cad dang sngags kyi lha rnams kyi spyan sngar ji ltar 'byor pa'i mchod pa rgya chen po byas te/shin tu mnyam par gzhag pas bcom ldan 'das ma de nyid bsgom par bya zhing / sems rtse gcig pas sbyin bdag la phan pa dang bde ba'i bsams pa dang dad pa dang mchog tu the tshom med pas gzungs 'di nyin mtshan gcig gam nyin mtshan bdun du gzhan dang mi smra zhing rgyun ma chad par bklag par bya'o//slob dpon gyis de bzhin gyi brtul zhugs dang ldan pas mtshan mo gsum du bya zhing / nyin mo'ang gsum du byas nas mchod pa dang gtor ma dang nye bar mkho ba thams cad kyis mchod par bya'o/ /de bzhin du sbyin bdag gis kyang brtul zhugs dang ldan pas thams cad brtsam par bya zhing klog pa'i dus su yang ji ltar nus pas sems can rnams la gser la sogs pa'i sbyin pa gtang bar bya ste/de nas bklags pas 'grub par 'gyur ro/ /de la mig btsums pa tsam la nor rgyun mas skyes bu chen po dang 'tsham pa'i nor gyi rgyun gyis sbyin bdag gi khyim yongs su 'gengs par 'gyur te/nor thams cad dang so ba dang gser dang dngul dang nye bar mkho ba thams cad kyis so/ /nye bar 'tshe ba thams cad kyang med par 'gyur ro/ /de nas sngar bzhin du rdul tshon gyi dkyil 'khor gshegs su gsol la rdul tshon thams cad khang ba'i mdzod mig du bcug nas gzhag par bya ste/gang du rdul tshon bcug pa der ni thams cad zad pa med par 'gyur ro/ /rgyal mtshan dang ba dan la sogs pa gzhan dag ni chu klung gi chu la dor bar bya'o/ /slob dpon la sogs pa rnams kyang kha na ma tho ba med pa'i bza' ba dang yon la sogs pas mnyes par bya'o zhes pa nor rgyun ma'i gzungs bklag pa'i cho ga'o// //rigs kyi bu dag de bzhin gshegs pa thams cad kyi gtsug tor rnam par rgyal ma zhes pa'i gzungs 'di ni/ /'chi ba'i chad pa chen po 'dzin pa rnams dag par byed cing sdig pa sel bar byed pa ste gang su dag tshe ring bar 'dod pa rnams kyis 'chad par 'gyur ba'i rim pas de nyid bklag par bya'o//rnam par rgyas pa'i sa phyogs 'ga' zhig tu 'jim pa dang ba byung rnams kyis nye bar byugs te dri bzang po'i chus mngon par gtor la/rnam par bkra ba'i bla re bres nas rdul tshon dkar pos 'khor lo rtsibs brgyad pa rnam par bkod pas brgyan par byas pa de'i dbus su ni/ de bzhin gshegs pa rang bzhin nam rnam par rgyas pa'i gtsug tor te/ rim pa ji lta bar shar la sogs pa'i rtsibs rnams su nam mkha' dang mnyam pa las byung ba'i gtsug tor dang /sa'i snying po las byung ba'i gtsug tor dang / nor bu'i snying po las byung ba'i gtsug tor dang / ro'i snying po las byung ba'i gtsug tor dang / dpag tu med pa las byung ba'i gtsug tor dang / gzi brjid snying po las byung ba'i gtsug tor dang / rnga sgra'i dbyangs las byung ba'i gtsug tor dang /rlung gi snying po las byung ba'i gtsug tor rnams dgod par bya'o/ /de'i phyi rol du shin tu mdzes pa'i pad+ma 'dab ma bcu drug pa byas nas 'dab ma re re zhing rim pa ji lta bar so sor zla ba bcu drug la de bzhin gshegs pa bcu drug dgod par bya ste/ nang stong pa nyid las byung ba'i gtsug tor dang /phyi stong pa nyid las byung ba'i gtsug tor dang / phyi nang stong pa nyid las byung ba'i gtsug tor dang / stong pa nyid stong pa nyid las byung ba'i gtsug tor dang / 'dus byas stong pa nyid las byung ba'i gtsug tor dang / 'dus ma byas stong pa nyid las byung ba'i gtsug tor dang /mtha' las 'das pa stong pa nyid las byung ba'i gtsug tor dang / thog ma dang tha ma med pa stong pa nyid las byung ba'i gtsug tor dang / dor ba med pa stong pa nyid las byung ba'i gtsug tor dang / rang bzhin stong pa nyid las byung ba'i gtsug tor dang / chos thams cad stong pa nyid las byung ba'i gtsug tor dang /rang gi mtshan nyid stong pa nyid las byung ba'i gtsug tor dang / mi dmigs pa stong pa nyid las byung ba'i gtsug tor dang / dngos po med pa stong pa nyid las byung ba'i gtsug tor dang / ngo bo nyid stong pa nyid las byung ba'i gtsug tor dang / dngos po med pa'i ngo bo nyid stong pa nyid las byung ba'i gtsug tor rnams so/ /de bzhin gshegs pa 'di dag gis gdan gyi maN+Dal byas nas dus ji lta bar me tog gi tshom bu dgod par bya'o/ /'di'i steng du man ji'i khar chu'i snod du rnam par snang mdzad kyi snying po can gyi mchod rten gzhag cing /gser gyi byang bu la sngags dang spel ba'i bsgrub bya'i ming mngon par bris la gzhag ste bum pa chus dgang bar bya'o/ /pad+ma'i phyi rol phyogs bzhir chus gang ba'i bum pa bzhi gzhag par bya'o/ /yal 'dab dang bcas pa dang gdugs dang ba dan gyis nye bar mdzes par byas nas/ slar yang shar du bgegs rab tu zhi bar byed pa'i lha mo rnam par rgyal ma dang /lhor 'chi ba rab tu zhi bar byed pa'i lha mo rnam par rgyal ma dang / nub tu nyon mongs pa rab tu zhi bar byed pa'i lha mo rnam par rgyal ma dang / byang du phung po'i nang zhi bar byed pa'i lha mo rnam par rgyal ma dang / mer rdo rje'i phreng ba tshe sbyin ma dang /bden bral du sgyu 'phrul chen mo dang / rlung du gser gyi 'od can ma dang / dbang ldan du tshe ster bar byed pa gser gyi phreng ba ma rnams te/ snod bzhi chus yongs su bkang nas dri bzang po dang bsres te me tog gi phreng ba 'phyang ba bzhi dgod par bya'o/ /rdul tshon gyi ba'i re khA gsum gyi nang ma'i nang ma la sA lu'i zan nam 'jim pa las mchod rten stong bya'o//gal te ma 'byor na brgya gzhag par bya'o/ /phyogs bzhir bsnyen bkur ba'i phyir mchod pa rgya chen po bya ste/ dUr ba dang kun+da gzung ste chos klog pa pos gzungs 'di bklag par bya zhing / mchod rten so so'i dbu la mchod par byas la rab tu gnas par bya'o/ /'bras ma nyams pa dang dU ra ba dang kun+da stong gis dbus kyi mchod rten gyi dbu la dor nas mchod par bya zhing / /me tog dang bdug spos dang snang gsal dang dri dang gtor ma dang zhal zas dang gdugs dang ba dan la sogs pa'i mchod pa thams cad re re zhing nges par stong stong gi phreng ba byas nas yang dag par mchod par bya'o//yongs su rdzogs pa ji srid par mar me'i phreng ba ma chad par bya zhing / rtag tu mnyam par gzhag pas gtsang ma'i dngos por bya'o/ /chos ston pa po slob dpon dang las kyi rdo rje rnams kyis dri bzang po'i chus khrus byas te/dkar po'i rang bzhin gyi gos dang rgyan gyis brgyan te sdom pa dang ldan pas shar du mngon par phyogs te bklag par bya'o/ /de ltar byas na zhag bdun gyi tshe ni lo bdun gyi tsher 'gyur la/ lo bdun gyi tshe ni lo bdun cur 'tsho bar 'gyur la dus ma yin par 'chi ba'ang mi 'byung bar 'gyur ro//zhes pa gtsug tor rnam par rgyal ma bklag pa'i cho ga'o// //'dir rdul tshon gyi dkyil 'khor bris pa la sogs pa na gal te sa 'og nas chu rdol ba dang me dang rlung dang / sprin dang thog dang mi dang lha'i sde dang glang po la sogs pa bgegs kyi nye bar 'tshe ba lhas byas pa'am/mi la sogs pas byas pa 'byung ba srid de/ de'i tshe cho ga ji lta ba bzhin du rdo rje'i rang bzhin gyi sa gzhi dang / ra ba dang / gur dang mda'i dra ba dang / bla re rnams kyi nang gi bar snang la gnas pa'i rtsibs kyi rtse mo la brtan par bzhugs pa'i shin tu 'jigs su rung ba'i khro bo bcur byin gyis brlabs pa'i rtsibs bcu pa'i 'khor lo ser po g.yas su bskor ba'i lte ba'i dbus su gnas pa'i gzhal yas khang gi rnam par dkyil 'khor khang par shin tu brtan par skad cig gis lhag par mos par bya ste/rdo rje'i rang bzhin nyid la sogs pas bgegs thams cad bzlog par 'gyur ro zhes so/ /gang yang rgyun mi 'chad par snying rje chen po dang ro gcig pa'i stong pa nyid kyi ting nge 'dzin goms par byed pa de la ni dpag tu med pa'i bgegs rnams kyang rab tu zhi bar 'gyur te de'i phyed du ni rim pa 'di dag ma yin no zhes pa bgegs bzlog pa'i cho ga'o// //sangs rgyas rnam pa byas pa'i 'bras/ /bcom ldan 'das kyis gang gsungs te/ des na sangs rgyas rnams kyi sku'i/ /mtshan nyid 'dir yang bri bar bya/ /sku gzugs mtshan nyid thams cad ni//rab rdzogs bde ba ster ba'o/ /gang tshe de nyid rnam nyams 'gyur/ /de tshe sdug bsngal rab sbyin byed/ /bde ba ci zhe na de bshad pa/ /bcom ldan 'das kyi mchod rten rnams dang sku gzugs la yang phra rab rdul ni ji snyed pa/ /de snyed de dag byed pa po ni lha yi sa gzhir nges pa nyid du rgyal srid dang //gzugs dang gzugs med ting nge 'dzin gyi phun sum tshogs pa mtha' dag spyad par gyur nas kyang / /bde ba kun rdzogs mthar ni skye rgar lhung ba bral nas sangs rgyas go 'phang thob par 'gyur/ /de'i phyir gzugs kyi sku'i mtshan nyid bshad par bya'o//de la yang dag par rdzogs pa'i sangs rgyas rnams dang / rdo rje 'dzin pa rnams kyi sku'i ring bar dpung pa gnyis ngos su rab tu brkyang ba ste zheng du yang ngo / /tshad rnams ci zhe na/ rang gi sor gyi sor phyed dang bcas pa'i bcu gnyis ni mtho'o/ /mtho de nyid bcu la ni sor nyi shu rtsa lnga lhag pa'i brgya'o//spyan ma la sogs pa lha mo rnams kyi ni sor bcu gnyis la mtho'o/ /mtho de nyid dgu la sor brgya dang brgyad de zheng du yang ngo / /byang chub sems dpa' rnams kyi yang sor bcu gnyis pa'i mtho bcu pa nyid do/ /thung zhing lto ba 'phyang ba rnams dang /khro bo rnams kyi yang mtho brgyad pa ste sor dgu bcu rtsa drug go/ /rol pa'i khro bo rnams kyi ni mtho bcu pa dang / sor brgyad dang nyi shu pa ste dpangs dang zheng du yang ngo / /yan lag dang nye ba'i yan lag thams cad kyang shes par bya'o/ /ston pa chos 'chad pa la byon pa'i dus su//shA ri'i bus bcom ldan 'das la 'di skad ces gsol to/ /bcom ldan 'das mi bzhugs pa na dad pa'i rigs kyi bu'am rigs kyi bu mo rnams kyis ci ltar bsgrub par bgyi/ bcom ldan 'das kyis bka' stsal pa/ shA ri'i bu nga yongs su mya ngan las 'das par gshegs pa na'ang mchod pa dang bsnyen bkur bya ba'i don du sku gzugs bya'o//n+ya gro d+ha'i dkyil 'khor ni ji snyed pa'i zheng de snyed pa'i lus te/ ji snyed pa'i sku yang de snyed pa'i zheng ngo / /thams cad du yan lag dang nye ba'i yan lag ste lus kyi cha shas rnams sgom zhing snum pa dang /rol pa dang sgeg pa dang bdun mtho ba dang 'gram pa che ba nyid dang / spyi bo gdugs kyi rnam pa dang phrag pa legs par gnas pa dang / gtsug tor la sogs pa shin tu legs par gnas pa'o/ /de yang dpangs dang zheng dang mtho dang tshigs bskum pa dang / brkyang ba rnams kyi tshad ni sangs rgyas kyi sku rnams dang byang chub sems dpa' rnams kyi yang ngo zhes pa'i gsung las so//de la snum pa ni pags pa snum pa'o/ /rol pa ni yid 'phrog pa'o/ /sgeg pa ni gsum du 'khyog pa nyid la sogs pa'i yon tan gyis so/ /bdun mtho ba zhes pa la bdun ni lus kyi cha shas yin zhing mtho ba ni nges par mtho ba dang shin tu mtho ba zhes pa'i rnam grangs so//de dag gang zhe na/ zhabs gnyis dang / phyag gnyis dang / phrag pa gnyis dang / mgul pa rnams so/ /gzhan ni rab tu grags te cung zad mtho ba yang mtho ba zhes bya'o/ /de la gtsug tor ni sor bzhi ste skra'i gnas kyang ngo //de bzhin nyid du dpral ba dang shangs la'o/ /shangs kyi 'og nas ko sko'i mthar ni nas bzhi lhag pa'i sor bzhi'o/ /'di nyid ni cha chung phyed dang bcu gsum ste zhal gyi cha'o/ /ko sko ni sor gnyis su 'gyur pa dpangs la ste rgya la yang de bzhin du sor bzhir 'dod do//'gram pa dag la sor bzhi ste rna ba'i rtsa bar son pa la'o/ /spyan gyi 'og gi pags pa dag las 'og gi cha ni 'khur bar 'gyur ro/ /de dag ni sor gnyis su mtho ba dang rgyar yang de dag sor gnyis pa ste/ byang chub sems la ltos pa'i'o/ /lhag pa dang bcas shing yongs su rdzogs par gyur pas seng ge chen po'i 'gram pa ji lta ba ni sangs rgyas dang rdo rje 'dzin pa rnams kyi ste cung zad mtho ba'o zhes pa'i don to//khro bo rnams kyi ni leb mor rnam par rgyas shing lhag pa'o/ /ma mchu'i rgya la sor gnyis te dpangs la ni cha chung gsum mo/ /sor sum cha la ni cha chung zhes bya'o//mchu'i dbus su ni bim pa'i 'bras bu lta bu'o/ /sor gcig ni zhal gyi gru ste zhal gyi zheng la sor bzhi'o/ /ji lta bar skyes shing bkod pa'i tshems bzhi bcu ni rgyal po'i tshems la sogs pa'i rim pas so/ /ya mchu dag la sor phyed dang nas bzhi ni rgya dang dpangs dag la'o//shangs kyi rtse mo'i 'og tu mchu la sor sum cha pad 'dab kyi rnam pa bya ste sma ra'i dbus ni mchu'i sgros so/ /shangs kyi zheng la ni sor gnyis te de'i phyed sor ni dpangs la'o/ /sangs rgyas rnams kyi ni cung zad lhag pa'o/ /shin tu khros pa rnams kyi cung zad leb cing ngos su son pa'o//sor phyed par mnyam zhing zlum pa ni shangs kyi bug pa'o/ /de'i shangs kyi ka pa dang shangs kyi rtse mo'i 'khyog pa rgya la sor phyed do/ /spyan gyi sbubs la sor bzhi'o/ /de'i dbus la sor gcig gi rgya'o/ /smin ma'i 'og nas brtsams te/ 'og gi mthar thug pa la sor gsum mo/ /spyan dag gi bar du shangs kyi rtsa ba sor gcig go/ /smin ma ni sor bzhi ste de ni gzhu'i rnam pa'o/ /dbus kyi zheng la sor gnyis te rdo rje 'dzin pa rnams kyi'o/ /khro bo rnams kyi ni 'khyog po'o/ /sangs rgyas rnams kyi ting nge 'dzin gyi gzigs stangs la nas gnyis te rgyar sor gnyis dang nas drug lhag pa nya'i rnam pa'o//byang chub sems dpa' rnams kyi ni zheng la nas bzhi dang ring bar nas nyi shu ste ut+pala'i rnam pa'o/ /thams cad bud med sgeg mo rnams kyi ni ring bar nas bco brgyad dang zheng la nas drug ste nya'i lto ba'i rnam pa'o//shangs dang nye ba'i spyan gyi mtha' ste nang zur la nas bzhi'o/ /pha rol gyi mtha' ste phyi zur la nas bzhi'o/ /spyan gyi nor bu la sor gsum mo/ /'bur por nas gnyis su mtho ba'o/ /nag po la ni mnyam par nas lnga'i tshad de zhal grwa'i thig dang mnyam pa'o/ /spyan gyi dbus su pu ta li ga ni sor phyed dang gnyis kyi lnga cha'i zheng ste sor gcig ni spyan 'bras yin la/sor gsum gyi bzhi cha ni rab tu gsal pa spyan gyi bu'o/ /pad+ma'i 'dab ma'i rnam pa spyan gyi sbubs ni sor gsum mo/ /nang zur gyi cha ni shangs kyi bu ga'i thig dang mnyam pa'o/ /spyan 'bras dang mnyam par ko sko dang zhal gyi grwa zung yang de bzhin no//smin ma dag gi bar la ni sor phyed dang gnyis so/ /de nyid du mdzod spu ni sor gcig pa ste zla ba gang ba lta bu'o/ /shangs dang mdzod spu dang gtsug tor rnams kyi thig ni mtshungs pa'o/ /smin ma dag ni ri mo dang mnyam par snyan dag ste/dpangs su sor bzhi dang zheng du sor gnyis so/ /de'i 'dab ma ni nas bzhi'o/ /de dag gi steng gi 'dab ma'ang nas bzhi ste de'i dpangs su ni sor gcig go/ /bug pa ni nas bzhi'o/ /'gram pa dang snyan gyi bug pa'i bar du snyan gyi 'khyil pa ni gdengs ka'i rnam pa ste nas gnyis so//snyan shal dag ni sor bzhir ring ba ste sboms su ni ji ltar mdzes pa'o/ /sngar gyi gtsug tor la sogs pa nas mgrin pa'i mthar thug pa la ni nas bzhi lhag pa'i sor nyi shur bshad do/ /da ni mgrin pa la sogs pa nas long bu'i 'og gi mthar thug pa'i cha dbye bar bya ste mgrin pa la ni sor bzhi'o//mgrin pa nas thugs ka la sor phyed dang bcu gsum mo/ /thugs ka nas lte ba'i mthar thug pa la yang de bzhin no/ /lte ba nas gsang gnas kyi mthar thug pa la yang sor phyed dang bcu gsum mo/ /brla la ni sor nyi shu rtsa lnga ste byin pa la yang de bzhin no//pus mo la sor drug go/ /long bu la sor gnyis so/ /long bu'i 'og tu sor bzhi'o/ /yang dag par rdzogs pa'i sangs rgyas dang rdo rje 'dzin pa dang byang chub sems dpa' rnams mtho bcu par bshad pa'i rnam par dbye ba ste/ gzhan rnams ni ji ltar rigs par shes par bya'o/ /spyi'i nor bu ni ji ltar mdzes shing dri ma med pa bya'o/ /rdo rje 'dzin pa rnams kyi nor bu ni gtsug tor gyi dbus su ral pa'i cod pan sor bcu gnyis pa bya zhing / /dpa' bo rnams dang byang chub sems dpa' rnams kyi yang ral pa'i cod pan sor brgyad pa'o zhes pa khyad par te/sor bcu pa'o zhes pa ni 'ga' zhig gi'o/ /gtsug tor gyi 'og tu bskor ba la sor bcu gnyis so/ /dpral ba'i steng du ni gdugs kyi rnam pa ste sngon po g.yas su 'khyil pa ni steng du yang ngo / /spyi bo ni mtho ba ste snyan gyi mdun dang rgyab tu bskor ba la sor sum cu so gnyis ni spyi bo'i rgya'o//mgrin pa'i zheng la sor brgyad de de'i mtha' skor la sor nyi shu rtsa bzhi'o/ /mgrin pa'i sor brgyad spangs nas snyan dang nye ba'i sor bzhi dang bcas pa'i sor bcu gnyis ni phrag pa'i zlum po la 'gyur te mtshan nyid dang ldan pa rnams la'o//phra ba'i gnas dang bral ba'i phrag pa nas gru mo'i bar la sor nyi shu ni dpung pa'o/ /gru mo la ni sor gcig go/ /gru mo'i 'og nas nor bu 'ching ba'i steng ni phyag ngar te sor bcu drug go/ /nor bu 'ching ba la ni sor gcig go/ /nor bu 'ching ba'i 'og nas sor mo gung mo'i rtse mo'i mthar thug pa la ni sor bcu gnyis te phyag lag go//de ltar sor lnga bcu'o/ /dpung pa'i dbus nas bskor ba la sor nyi shu ste/ nye ba'i dpung pa'i dbus nas bskor ba la sor bcu drug go/ /nor bu 'ching ba'i mtha' skor la ni sor bcu gnyis te/nor bu 'ching ba nas phyag gi mthil la sor bdun no/ /sor mo gung mo la cha chung lnga'o/ /de'i tshigs phyed kyis thung ba ni mdzub mo ste ming med ni de dang mnyam pa'o/ /tshigs gcig gis thung ba ni mthe'u chung ste sor mo thams cad ni tshigs gsum pa'o/ /de rnams kyi tshigs phyed kyis sen mo'o//nor bu 'ching ba las sor bzhi spangs nas sen mo'i rtse mo ji srid pa la sor bzhi ni mthe bong ste tshig gnyis pa'o/ /nas phyed ni sor mo'i rtsa ba'o/ /mthe bong gi mtha' skor la ni sor bzhi'o/ /mthe bong nas mdzub mo la ni sor bzhi'am gsum mo/ /nor bu 'ching ba nas mthe chung gi rtsa ba'i mthar thug pa la ni sor lnga'o//phrag pa nas mchan khung gi mthar thug pa la sor dgu ste mchan khung nas nu ma ji srid pa la sor bcu drug go/ /brang nas rgyab dag gi mtha' skor la sor lnga bcu drug ste/ nu ma dag gi bar la sor phyed dang bcu gsum mo/ / nu ma nas lte ba'i bar la sor bcu drug go/ /lte ba nas brtsams te rgyab dang lhan cig lte ba ji srid pa la sor bzhi bcu drug go/ /lte ba'i khung bu la sor gcig ste mtha' skor la yang ngo / /de bzhin du rked pa'i rgya la sor bco brgyad do/ /tshang ra dag gi rgya dang dpangs la ni sor bzhi bzhi'o//brla'i rtsa ba dag gi dbus la sor bcu gnyis te mtha' skor du ni sum 'gyur ro/ /de dag gi bar gyi dpangs la sor lnga'o/ /rgya la sor lnga ni sgo nga'i shubs dag la'o/ /de'i steng du sor gnyis kyi zheng ni gsang ba la sta ring ba la nas gnyis dang bcas pa'i drug go//brla'i dbus kyi mtha' skor la sor sum cu rtsa gnyis so/ /pus mo'i mtha' skor la sor nyi shu rtsa brgyad do/ /byin pa'i dbus kyi mtha' skor la sor nyi shu rtsa bzhi ste/ byin pa'i 'og gi mtha' skor la ni sor nyi shu rtsa gcig go/ /zhabs kyi long bu'i 'og tu rting pa la sor bzhi ste 'og dang steng la sor drug go//zheng gi rgya yongs su bskor ba la ni sor bco brgyad de long bu las pha rol mthe bong gi sen mo'i ji srid pa la'o/ /zhabs dag la ni sor bcu gnyis te zheng la sor drug go/ /steng dang 'og tu sor gnyis te zhabs dag gi ngos kyi zheng la'o/ /zhabs kyi sor mo lnga ni tshigs gnyis gnyis pa'o//de rnams kyi rtse mor tshigs phyed kyis sen mo'o/ /zhabs kyi mthe bong gi zlum la sor lnga ste ring bar ni sor gsum mo/ /de dang mnyam pa'i mdzub mo'o/ /de las nas phyed kyis dman pa ni gung mo'o/ /de las brgyad chas dman pa ni ming med de/de las kyang brgyad chas dman pa ni mthe'u chung ngo / /sor mo rnams kyi dpangs la ni sor gcig ste sor mo'i rtse mo ni sor phyed kyis mtho ba'o/ /zhabs dag gi phyi rol gyi steng ni rus sbal gyi rgyab dang mtshungs pa ste/ /de dag gi 'og tu 'khor lo la sogs pas brgyan pa'o//bya gag gi sgo nga dang til gyi rnam pa dang gru bzhi dang zlum po rnams thams cad du mnyam pa'i rtags kyi zhal bya ste rnam pa bzhi'o/ /rdzogs pa'i sangs rgyas rnams dang rdo rje 'dzin pa rnams kyi zhal ni bya gag gi sgo nga'i rnam pa'o/ /spyan ma la sogs pa lha mo gzhon nu rnams kyi ni til gyi gzugs kyi rnam pa'o//byams pa la sogs pa byang chub sems dpa' rnams kyi zhal ni rdo rje 'dzin pa chen po rnams dang 'dra ba'o/ /rol pa'i khro bo rnams kyi ni byang chub sems dpa' rnams dang 'dra'o/ /thung zhing lto ba 'phyang ba'i khro bo rnams kyi zhal ni maN+Dal gyi rnam pa ste zlum po'o//gshin rje la sogs pa rnams kyi gdong ni gru bzhi ste bsnun pa'i lta ba can no/ /gru bzhi dang zlum po'i zhal gnyis ni rnam par 'gyur ba'i rnam pa can no/ /zhi ba'i zhal rnams ni mnyam par gzigs pa dang rab tu dang ba dang snum pa dang nges par gzigs pa na steng du ma yin pa dang mi rig pa dang 'og tu ma yin par thams cad mthong bar bya'o zhes pa'o//spyan ma la sogs pa rnal 'byor ma rnams kyi ni gtsug tor dang gsang ba dang brla dang rgyab kyi zlum pa las sor bcu dang bcas pa dang mkhregs shing stug pa'i nu ma dag go/ /lte pa'i zlum las bcu'i cha spangs nas rtsed pa'i gnas mdzes pa'o//byang chub sems dpa' rnams kyi tshad las brang gi bcu'i cha dang gsang ba'i cha yis kyang dpa' bo rnams kyi nu ma zung dag go/ /khwa gdong ma la sogs pa rnams kyi de dag gi mtho gnyis kyis nu ma dag ste mkhregs pa'o//bcom ldan 'das dpal bde mchog gi ni sngar byas pa'i mtshan nyid can gyi zhal gyi gnas las nas bzhi spangs nas cha bcu gnyis kyi zheng la 'og gi zur dag tu cha phyed dang gnyis dang gsum mdor ba'i zlum po ni bcom ldan 'das kyi rtsa ba dang g.yon pa dang g.yas pa dang rgyab kyi zhal rnams so//bcom ldan 'das kyi g.yas pa'i zhal ni bya gag gi sgo nga dang 'dra ba ste rdo rje phag mo dang dum skyes ma dang gzugs can ma dang lha mo gzhon nu ma rnams kyi yang ngo / /rgyab kyi zhal ni til gyi gzugs kyi rnam pa ste mkha' 'gro ma'i'o/ /rtsa ba'i zhal dang 'dra ba ni lA ma'i'o//g.yon pa'i zhal dang 'dra bar a mra lta bu ni dpa' bo dang dpa' mo'i dbang phyug ma rnams kyi yang ngo / /khwa gdong ma la sogs pa rnams kyi ni khwa la sogs pa'i gdong dang 'dra'o/ /bcom ldan 'das kyi g.yon pa dang g.yas pa dang rgyab kyi zhal rnams kyi spyan ni dgod pa dang 'jigs pa dang mi sdug pa dang 'dra ba'o zhes pa ni khyad par ro//dbang po dang dbang ldan dang rlung lha dang chu lha dang nye dbang dang tshangs pa rnams ni mtho dgu pa ste bya'i sgo nga'i zhal lo/ /thags bzangs ris dang bden bral dang gshin rje'i khro bo'i rang bzhin no/ /lus ngan po dang me lha ni rol pa thung du mtho brgyad pa ste bya'i sgo nga'i zhal lo//zhi ba'i gza' rnams dang nyi ma yang brgya byin gyi tshad dang 'dra bar 'dod do/ /drag po rnams ni khro bo'i rang bzhin no/ /sgra gcan ni lus phyed pa ste mjug rings ni lus phyed klu'i rnam pa'o/ /klu thams cad ni mtho dgu pa ste bya'i sgo nga'i zhal lo/ / ba Du dang mi'u thung dang tshogs bdag rnams ni mtho lnga pa bya'o/ /de la mtho gcig gis ni zhal lo/ /mgrin pa nas gsang ba ji srid pa la mtho gnyis so/ /gsang ba nas rkang mthil ji srid pa la mtho gnyis te de ltar mtho lnga'o/ /de la rdzogs pa'i sangs rgyas rnams kyi ni snying rje dang zhi ba'i nyams dang ldan pa'o//rdo rje 'dzin pa rnams kyi zhal dang sku thams cad ni nyams dgu'i nyams dang ldan pa'o/ /byang chub sems dpa' la sogs pa rnams kyi ni sgeg pa'i nyams lhag pa'o zhes pa rab tu brkyang ste brjod pa'o/ /de rnams kyi sku'i mtshan dang dpe byad rnams dang rjes su dpe byad rnams brjod par bya'o//'di lta ste/ phyag dang zhabs kyi mthil la 'khor lo rtsibs stong pas mtshan pa nyid dang / zhabs rus sbal dang 'dra bar legs par rab tu gnas pa nyid dang / phyag dang zhabs kyi sor mo rnams dang pa'i rgyal po bzhin du dra bas 'brel pa nyid dang /phyag dang zhabs 'jam zhing gzhon sha chags pa nyid dang / phyag gnyis dang zhabs gnyis dang phrag pa gnyis dang mgrin pa rnams yang dag par mtho bar rab tu bstan pas sku'i bdun mtho ba nyid dang / sor mo rnams ring ba nyid dang / rting pa yangs pa nyid dang / sku che zhing drang ba nyid dang /zhabs kyi long bu mi mngon pa nyid dang / sku'i spu rnams gyen du phyogs pa nyid dang / byin pa ri dwags e n+ya'i lta bu nyid dang / phyag ring ba nyid dang / mdoms kyi gsang ba sbubs su nub pa nyid dang / gser gyi kha dog nyid dang / pags pa srab pa nyid dang / ba spu rnams re re nas g.yas phyogs su 'khyil pa nyid dang /zhal mdzod spus brgyan pa nyid dang / sku stod seng ge lta bu nyid dang / dpung mgo shin tu zlum pa nyid dang / thal gong bar med pa nyid dang / ljags la ro bro ba'i mchog nyid dang / n+ya gro d+ha ltar chu zheng gab pa nyid dang / gtsug tor spyi bor gnas pa nyid dang / ljags ring zhing srab pa nyid dang / tshangs pa'i dbyangs dang ldan pa nyid dang / 'gram pa seng ge'i lta bu nyid dang / tshems dkar pa nyid dang / bdud bzhi mthar mdzad pa nyid kyi phyir mche ba bzhi po ma gtogs pa bcom ldan 'das kyi tshems mnyam pa nyid dang / tshems thags bzang ba nyid dang /tshems bzhi bcu tshang ba nyid dang / spyan mthen mthing nyid dang / spyan gyi rdzi ma ba'i lta bu nyid do zhes pa ni/ mtshan bzang po sum cu rtsa gnyis so// //dpe byad rnams brjod par bya ste/ sen mo zangs kyi mdog lta bu nyid dang / sen mo mdog snum pa nyid dang / sen mo mtho ba nyid dang / sor mo rnams zlum pa nyid dang / sor mo rnams rgyas pa nyid dang / sor mo rnams byin gyis phra ba nyid dang / rtsa shin tu mi mngon par gnas pa nyid dang / rtsa mdung med pa nyid dang / long bu mi mngon pa nyid dang / zhabs mi mnyam pa med pa nyid dang /seng ge'i stabs su gshegs pa nyid dang / glang po che'i stabs su gshegs pa nyid dang / ngang ba'i stabs su gshegs pa nyid dang / khyu mchog gi stabs su gshegs pa nyid dang / g.yas phyogs su gshegs pa nyid dang / mdzes par gshegs pa nyid dang / mi go bar gshegs pa nyid dang /sku 'khrul bag chags pa nyid dang / sku byi dor byas pa lta bu nyid dang / sku rim par 'tsham pa nyid dang / sku gtsang ba nyid dang / sku 'jam pa nyid dang / sku rnam par dag pa nyid dang / sku mtshan rnams yongs su rdzogs pa nyid dang / sku'i kho lag yangs shing bzang ba nyid dang / gom pa snyoms pa nyid dang / spyan rnam par dag pa nyid dang / sku shin tu gzhon sha can nyid dang / sku zhum pa med pa nyid dang / sku rgyas pa nyid dang / sku shin tu grims pa nyid dang / yan lag dang nying lag shin tu 'byes pa nyid dang / gzigs pa rab rib med cing rnam par dag pa nyid dang /dku zlum pa nyid dang / dku skabs phyin pa nyid dang / dku ma rnyong pa nyid dang / phyal phyang de ba nyid dang / lte ba zab pa nyid dang / lte ba g.yas phyogs su 'khyil pa nyid dang / kun nas blta na sdug pa nyid dang / kun du spyod pa gtsang ba nyid dang / sku la sme ba dang gnag bag med pa nyid dang /phyag shing bal ltar shin tu 'jam pa nyid dang / phyag gi ri mo mdangs yod pa nyid dang / phyag gi ri mo zab pa nyid dang / phyag gi ri mo ring ba nyid dang / ha cang mi ring ba nyid dang / mchu bim pa ltar dmar pa nyid dang / ljags mnyam pa dang / ljags srab pa nyid dang /ljags dmar pa nyid dang / 'brug gi sgra dang ldan pa nyid dang / gsung snyan cing mnyen la 'jam pa nyid dang / mche ba zlum po nyid dang / mche ba rno ba nyid dang / mche ba dkar pa nyid dang / mche ba bzhi po ma gtogs pa'i tshems rnams mnyam pa nyid dang / mche ba rnams byin gyis phra ba dang /shangs mtho ba nyid dang /shangs gtsang ba nyid dang / spyan yangs pa nyid dang / rdzi ma stug pa nyid dang / spyan dkar nag 'byes shing pad+ma'i 'dab ma lta bu nyid dang / phyag ring zhing rgyas pa nyid dang / smin tshugs ring ba nyid dang / smin ma 'jam pa nyid dang / smin ma snum pa nyid dang / smin ma'i spu mnyam pa nyid dang / phyag ring zhing rgyas pa nyid dang / snyan mnyam pa nyid dang / snyan gyi dbang po ma nyams pa nyid dang / dpral ba legs par dbyes pa nyid dang / dpral ba'i dbyes che ba nyid dang / dbu shin tu rgyas pa nyid dang / dbu skra bung ba ltar gnag pa nyid dang /dbu skra stug pa nyid dang / dbu skra 'jam pa nyid dang / dbu skra ma 'dzings pa nyid dang / dbu skra mi gshor ba nyid dang / dbu skra dri zhim pa nyid dang / phyag dang zhabs kyi mthil la dpal be'u dang bkra shis dang dga' ba 'khyil pas brgyan pa nyid kyang ngo // //sngon dang sngon gyi skye ba rnams su rnam pa mang po'i bsod nams nye bar bsags pa'i dge ba'i rtsa ba las bcom ldan 'das kyis dpe byad brgyad cu gsungs shing /chos kyi dung gi mdo sde las kyang bcom ldan 'das la ri mo brgyad cus rjes su mtshan par gsungs pa ni 'di lta ste/ gang yang 'jam dpal dpe byad brgyad cu rjes su grub pa'i bsod nams kyi phung po de nyid kyi bsod nams kyi phung po du ma bye ba 'bum brgya stong du bsgyur ba la ni de bzhin gshegs pa'i phyag dang zhabs kyi mthil la mtshan pa gcig bskyed par 'gyur ro//de bzhin du so sor ri mo rnams rjes su mtshon par 'gyur ro//ri mo brgyad cus rjes su mtshan pa de bzhin gshegs pa'i phyag dang zhabs kyi mthil la mngon par skye bar 'gyur ba ni 'di lta ste/ gdugs dang rgyal mtshan dang dpal be'u dang phreng ba dang lcags kyu dang cod pan dang ral gri dang bum pa dang glang po dang rta dang stag dang nam mkha' lding dang chu srin dang nya dang rus sbal dang rma bya dang ka la bing+ka dang shang shang dang tsa ko ra dang ngur pa dang ne tso dang ngang pa dang phug ron dang rdo rje dang chu gter chen po dang 'dod 'jo dang ba lang dang klu dang ra dang khyu mchog dang ri dang shing dang sa dang ri dwags nag po dang nor bu rin po che dang dung gi mchog dang 'khor lo dang gzhu dang mnga'o//sel gyi gzugs rnams rnam pa mang po 'dres pa mthong na chu la nges par dor bar bya/ /snying por yod cing gnas par gyur na rigs 'chad dngos grub med cing nad rnams skye bar 'gyur/ /de bzhin du yang / gos dang sgra la sogs pa rnams/ bsal nas rang byung me tog dang /'od dpag med pa yang dag bsres/ /byugs pa'i ras bris mchog yin no/ /shes rab thabs ni mnyam sbyor ba/ /snying la bzung nas sngags rig pas 'dri bar 'gyur ba'i lha'i sngags brgya dang bcas pa'i brgyad kyis nges par bsngags nas ras bris byas na phun sum tshogs pa dang bde ba thams cad thob par 'gyur ro zhes pa shing la sogs pa gnas pa'i sel dbyung ba'i cho ga'o// //mchod rten gyi bum pa ni gser dang 'bras kyi phung po dang 'khri shing du grags pa'i dbye bas grangs ji lta ba bzhin du tha yig gi dbyibs dang gtsug tor lta bu dang bya'i sgo nga lta bu dang til lta bu'o//gru bzhi pa'i sa cha la bcu gnyis su byas te phyed dang gnyis dang phyed dang gsum gyi cha zur gnyis su dor nas zlum pa la bum par 'gyur ro/ /bum pa'i phyed kyis ni bang rim du 'gyur zhing bum pa'i phyed kyis ni khri'o/ /de bzhin du bre dang rtse mo'i mthar te sku gzugs kyi dbang gis gdugs so//de yang gcig dang gsum dang lnga dang bcu gsum ni rdzogs pa'i sangs rgyas dang rdo rje 'dzin pa rnams kyi'o/ /dgu dang bdun ni nyan thos dang rang sangs rgyas kyi'o/ /'dod chags kyi khams dang ma bral ba rnams kyi mchod rten la ni pad+ma zlum pa lta bu ste gzhan du ma yin no//de ltar na sku gzugs kyi dbye bas srog shing gzugs par bya'o/ /sangs rgyas bzhi'i khri dang slar yang rnam par snang mdzad ni gtso bor bya zhing bum pa'i phyi rol bzang po bzhi las sangs rgyas bzhis rnam par mdzes pa'o/ /zur la ka bas bteg pa bya zhing byang chub sems dpa' la sogs pas brgyan pa'o//gdugs kyi rnam pa ni srog shing gi steng du ste char khebs kyi ming can no/ /do shal dang do shal phyed pa dang dril bu la sogs pa dang g.yer kha'i dra bas brgyan pa'o/ /de'i steng du nor bu bya ste pad+ma zlum pa ni mthar ro zhes pa ni kha cig gi'o/ /cho ga mtshan nyid dang ldan pa bya ste cho ga rim pa rnams kyis so zhes pa mchod rten gyi mtshan nyid kyi cho ga'o//da ni rdo rje dang dril bu la sogs pa phyag mtshan rnams kyi mtshan nyid brjod par bya'o/ /mtho gang gi dpangs dang zheng la cha chung gnyis pa'i sa ste de'i dpangs ni sum 'gyur ro/ /snga ma dang phyi ma'i cha dag gis zur bzhi po rnams su phyed dang bcas pa'i re'u mig bskor nas tshangs pa'i thig gi dbus kyi g.yon dang g.yas dag gi re'u mig gnyis yongs su dor te snga ma dang phyi ma'i re'u mig gi dbus kyi tshangs thig gi mthar thig bzhi btab pa las dbus kyi rtse mo'o//rtse mo'i gnyis ka'i ngos dag tu cha gnyis phyis pa las cha gnyis gnyis kyis rtse mo bzhi'o//cha gnyis kyi dpangs ni chu srin gyi kha nas byung ba'o/ /cha gnyis kyi rtsa ba ni seng ge'i sna shin tu mdzes pa'o/ /ngos su cha gnyis kyi dpangs dang cha bzhi pa'i dum bu ni zla ba phyed pa'i rnam pa'o/ /cha brgyad du mtho zhing 'khyog pa ni gsum du 'khyog pa ste 'od zer 'phro ba gsum gyis rnam par mdzes pa'o//dbus kyi chal ni tshangs thig gi dbus nas phyogs bzhir thig gnyis dor te zlum por bskor bas lte ba'o/ /de'i steng du cha phyed pa'i rked chings dor nas cha gnyis pa dag gis rnam par rgyas pa'i pad+ma'o/ /rked chings kyi khyud mo'i steng dang 'og tu khyud mo phra mo gnyis dang sbyar te bya'o//rked chings la ni rin po che'i phreng ba bya'o/ /cha phyed kyis ni ge sar ro/ /cha gcig gis ni zla ba rdzogs pa ste lhag ma rnams phyis pa na ni bcom ldan 'das kyi dam tshig gi rdo rjer 'gyur ro/ /sor bzhi nas brtsams te sor nyi shu'i bar gyis rdo rje byas te sor nyi shu la sogs su ni mi bya'o//zhes pa lung las so/ /khro bo'i ni zur rnams su cha re dor nas kha gyes pa'o/ /rtse mo gnyis dor ba las ni rtse gcig pa ste klu kun nas skyod par byed pa'o/ /rtse dgu pa ni zur rnams su rtse mo bzhi byas pa ste 'on kyang dbus kyi rtse mo ni zlum po'o/ / rtse mo bcu gnyis pa'i sna tshogs rdo rje ni lte ba'i phyogs bzhir rtse mo gsum byas pa'o/ /de nyid rtse mo lnga par byas pas rtse mo nyi shu pa'i sna tshogs rdo rje'o/ /slar yang de nyid la steng dang 'og tu rtse mo lnga lnga byin pa las rtse mo sum cu pa'i sna tshogs rdo rje'o zhes so/ /dril bu ni sngar gyi cha rnams sngar dang 'dra ba ste/dbus kyi cha phyed kyis zla ba'o/ /cha phyed kyis ge sar ro/ /chag cig gis pad+ma'o/ /cha bzhi las shes rab kyi zhal lo/ /cha bzhi pa bum pa'o/ /cha gnyis kyis bum pa'i gdan no/ /cha gzhan dag gi zur dag las cha bzhi spangs nas 'dab ma brgyad pa'i pad+ma ste lte ba dang ge sar dang ldan pa'o//lte ba'i steng gdan gyi 'og tu ri mo gsum pa mgrin pa'i gzugs can bya'o/ /cha phyed byas pa'i rked chings gnyis kyi dbus su rdo rje'i phreng ba rnam par mdzes pa cha gcig go/ /dbus su do shal dang do shal phyed pa rnam par gnas pa cha bzhi'o/ /snga ma bzhin du 'og tu rdo rje'i phreng ba rnam par mdzes pa cha gcig go//kun nas nges par song ba'i mu khyud la cha gcig ste rdo rje 'dzin pa chen po'i'o/ /mi bskyod pa'i ni cung zad kha gyes pa'o/ /do shal dang do shal phyed pas brgyan pa'i dbus su do shal gyi snying por phyogs su 'khor lo dang rin po che dang pad+ma dang sna tshogs rdo rje'o/ / yang na sna tshogs rdo rje'i gnas su ral gri ste rnam par snang mdzad la sogs pa rnams kyi'o/ /phyogs bral rnams su spyan dang rdo rje dang yu ba dang bcas pa'i pad+ma dang ut+pal rnams te spyan ma la sogs pa'i'o/ /'og dang steng du rdo rje phreng ba'i gnas la 'khor lo dang rin po che dang pad+ma dang sna tshogs rdo rje'i phreng ba'o zhes pa ni/de bzhin gshegs pa'i rigs kyi dbye bas rtogs par bya ste/ rnam par snang mdzad la sogs pa'i gnas su mi bskyod pa la sogs pa rnams kyi mtshan nyid do/ /'dir dril bu'i mgrin pa nas brtsam pa te 'khar ba dag pa'i rang bzhin no/ /de'i steng du cha gnyis ni gser la sogs pa'i rang bzhin gyi rdo rje yang ngo //dril bu kha cig ni chu skyes cung zad kha bye ba can no/ /kha cig ni ba lang gi gdong lta bu'o/ /kha cig ni pad+ma'i rnam pa yang ngo zhes pa ni khyad par ro/ /'dir rdo rje'i dbus dang shar la sogs pa'i rtse mo dang lte ba'i mthar thug pa rnams la mi bskyod pa dang rnam par snang mdzad la sogs pa bsam par bya'o//yang na dbus su rnam par snang mdzad de shar la sogs pa'i 'dab ma rnams la byams pa dang sa'i snying po dang phyag na rdo rje dang nam mkha' mdzod dang 'jig rten dbang phyug dang 'jam dpal dang sgrib pa thams cad rnam par sel ba dang kun du bzang po dang cha brgyad pa la rdo rje sems dpa'o//pad+ma gzhan gyi shar la sogs pa'i 'dab ma rnams la rdo rje lcags kyu ma dang rdo rje zhags pa ma dang rdo rje 'phro ba ma dang rdo rje 'bebs pa ma rnams te/ me la sogs pa rnams su skul byed ma dang rin chen skar mda' ma dang rdo rje lcags sgrog ma dang gzhan gyis mi thub ma rnams so//phyogs gzhan gyi rtse mo rnams la ni dbus su ye shes mkha' 'gro ma dang / shar du rdo rje mkha' 'gro ma dang / byang du rdo rje dag mo mkha' 'gro ma dang / nub tu ro langs ma dang / lhor gtum mo rnams so/ /dril bu de'i steng du kha 'og tu phyogs pa'i pad+ma rnams la g.yas skor gyis phyogs su spyan ma dang mA ma kI dang gos dkar mo dang sgrol ba rnams dang /phyogs bral du nor 'dzin ma dang skul byed ma dang khro gnyer can ma dang rdo rje phreng ba ma rnams so/ /bum pa'i steng gi zhal ni shes rab kyi pha rol tu phyin ma'i sku'o//de'i steng du pad+ma dang zla ba dang rdo rje rnams kyang snga ma bzhin no/ /mi bskyod pa la sogs pa lha 'di rnams kyi sku mdog la sogs pa ni sngar bshad pa'o/ /de nas dam tshig sems dpa'i lha rnams bskyed de snying ga'i sa bon gyi 'od zer gyis ye shes sems dpa' spyan drangs pa la mchod yon la sogs pa dbul ba sngon du 'gro bas de rnams la rab tu gzhug cing cho ga bzhin du rab gnas byas nas mchod pa la sogs pa byas la lha rnams yongs su gyur ba las rtse mo la sogs pa'i gzugs su yang dag par gnas pa'o//rdo rje thabs kyi rang bzhin dang dril bu shes rab kyi bdag nyid dang /gnyis ka yang don dam pa byang chub kyi sems kyi rang bzhin no zhes shin tu brtan par mos pa byas nas/ oM sarba ta thA ga ta sid+d+hi badzra sa ma ya tiSh+ThaH e Sha s+t+waM d+ha ra ya mi hIH hi hi hi hi hUM hUM phaT swA hA/ zhes brjod cing rdo rje g.yas pa'i rgan po ming med dag gis dang /oM badzra g+haN+Ta hUM zhes brjod cing dril bu yang g.yon pa dag gis bzung nas g.yon pa'i dkur bzhag ste/ rdo rje sems dpa' la sogs mnyes par bya'o zhes lhag par mos la/ /so hi i badz+dza mul+lA lu tA ri atwa bi mok+kha d+ha ram bi mo kweM bA dz+dza tu hUM bAdz+dza uts+tsha Da d+ha raM tu hUM hUM hUM hoH zhes brjod cing rdo rje gsor bar bya'o//de nas rdo rje g.yas pa'i dkur gnas pa 'am gsor zhing / oM badzra d+ha rma ra Ni ta pra ra Ni ta/ sam+p+ra ra N-i ta/ sarba bud+ng+ha k+She tra pra ts+tsha li te/ pradz+nya bA ra mi ta nA da sam+b+ha we/ badzra satwa hr-i da ya san+to Sha Ni hUM hUM hUM ho ho hoH swA hA/ zhes brjod la dpung pa'i dbyug pa bskyod pas dril bu dang por/ lte ba snying ga de nas mgrin/ /kha dang sna yi bu ga gnyis/ /rna ba dag dang mig dag dang / /de bzhi spyi bor dril bu dkrol/ /zhes so/ /slar yang rdo rje gsor ba sngon du 'gro bas rgyud las ji ltar gsungs pa'i sngags brjod cing dril bu dkrol bar bya'o zhes te/pad kor rnam pa gsum mam rnam pa lnga pus mo'i khongs su bya'o zhes pa rdo rje dang rdo rje dril bu'i mtshan nyid la sogs pa'i cho ga'o// //Da ma ru la ni kha'i tshad gru bzhi ba'i sa la cha bcu gnyis te tshangs thig gnyis btab nas tshangs pa'i thig nas bzung ste lte ba nas g.yas dang g.yon gyi zur ji srid par bskor zhing tshangs pa dang zur gyi thig gi mtha' rnams phyis pa las Da ma rur 'gyur ro//tshangs pas gzung bar ran pa'i sbom pa dang rna ba'i mthar thug par ring ba ni yu ba ste gdong gi tshad kyi gru bzhi'i sa la snga ma bzhin du rtse mo gsum pa'i rdo rje yul re rer steng du brkyang ba las rtse mo gsum du 'gyur ro//de nas kha T+wAM ga ni dam tshig gi rdo rje lta bu'i rdo rjes rtse mor rnam par mdzes pa ste de'i 'og tu mi mog skam po gsum gyis mdzes shing sna tshogs rdo rje dbus su brgyan pa/ rtse mo gcig pa'i rdo rje gcig ni rtsa ba'i gnas su'o zhes kha cig go//dbyug pa'i steng du skam po dang rlon pa'i mi mgo gnyis dang de'i spyi bor sna tshogs rdo rje dang / de'i lte bar bum pa zlum po 'dab ma la sogs pas kha brgyan pa dang / kha'i steng du dam tshig gi rdo rje ba dan ltar rab tu 'phyang ba'o zhes pa ni gnyis ba'o//gnyis ka yang yu ba'i steng sbom zhing dbus nas phra ba ste dril chung la sogs pas brgyan pa'o/ /mgo bo la sogs pa rnams ji ltar mdzes par bya'o zhes/ mtho'i tshad gru bzhi pa cha bcu gnyis kyis la chang gzungs cha bzhi ni dbus su'o/ /de bzhin du cha bzhi ni 'khyog pa ste rtse mo'i rnam pa'o//cha brgyad kyi zur nas cha dgu'i zur ji srid par 'khyog pa ni gri gug ste chang gzungs kyi steng du rdo rje phyed pas brgyan pa'o/ /thod pa ni/ gser gyi sgo dang yang dag ldan/ /rnam par shes bya mi yi mgo/ /bram ze la sogs las byas pa/ /re re'i thod pa 'phel ba'o/ / kha dog dman gyur thod pa dang / /rna ba'i steng du bug pa dang / /rgyab tu bug pa dum bu can/ /bud med rnams kyi rtag tu yang / /mkhas pas rnam shes dang ldan pa'i/ /sngags pas de bzhin mgo zhes bya/ /dpral ba rna ba'i dung dag la/ mu tig phreng 'dra'i ri mor gyur/ /gcig gnyis gsum bzhi'i dum bu dang /bcu drug bcu gnyis ri bong can/ ba lang gdong dang dkar dmar gyur/ /cung zad ring zhing mdzes pa dang / pad+ma'am pad+ma 'dra ba'i dbyibs/ /ser dmar dkar po de lta bu'i/ /thod pa rab tu bstan pa ste/ /lhag ma rnams ni rab tu spang / /zhes so/ /rang gi 'dod pas 'khyil pa byas te sor gnyis su sbom pa mtha' gnyis la rdo rjes brgyan pa ni zhags pa'o//mgrin pa gnas khrag 'dzag pa'i gdong bzhi pa ni tshangs pa'i mgo bo'o/ /dgra sta'i kha ni zhal gyi tshad de yu ba ni khru do pa mtha' skor du sor drug pa ste steng du rdo rjes brgyan pa'o/ /de dang 'dra pa la lcags kyu ni mtho gang pa'i rtse mo gug pa'o//glang po che'i pags pa ni rna ba'i bar du 'dzin pa'o/ /tho ba ni sna tshogs dang 'dra ste 'og kyang phyogs gcig gi rtse mo rnams gcig pa zlum po'i yu ba can no/ /gzhu ni mtho bcu pa ste zheng la sor bzhi pa chang gzungs kyi cha ring par sor bcu drug pa 'khyog po'i dbus la sor brgyad pa mtha' skor gyi zlum la sor dgu pa/mchog ma rnam par rgyas shing rgyud pa'i mtshan nyid dang ldan pa'o/ /phrag pa brtan par byas nas dpung pa g.yon pa brkyang ba'i khu tshur gyis dbus nas bzung ste/ g.yas pa'i mig mda' ji lta ba bzhin du blta ba'i dbang gis mde'u'i bar du rdo rje khu tshur gyis khru do ba'i mda' sna dang mchu'i thad nas rna ba'i bar ji srid par 'then nas cung zad g.yo ba dang bcas pas yongs su 'dzin pa'o//ring par sor sum cu so drug pa 'khrul 'khor gyi zheng la sor bzhi pa sor bzhir ring ba'i skam pas dbus nas bzung ba/sor bzhi bzhi ngos su gyes pa/ /klu'i gdengs ka'i rnam pas mdzes pa de dag gi dbus su ko sko lta bu sor gang du rnam pa rgyas pa/ dpangs kyi mthar sor bzhi ba'i yu ba mdzes pa dang ldan pa/ las dang rjes su mthun par sor brgyad pa'i tshad la sor gcig pa'i 'dab ma can gru bzhi dang gdugs dang zla ba phyed pa'i rnam pa can gyi sgo skyong byed dang ldan pa/sor gnyis pa'i snying pos rnam par mdzes par byas pa ni ral gri'o/ /'khor lo la ni cha gcig gis lte ba zlum po dang de'i phyi rol du cha phyed kyis snying po'i mu khyud zlum po dang /slar yang de'i phyi rol du rkang pa dang bcas pa'i cha gcig gis rtsibs kyi zlum po dang / de'i phyi rol du yang cha phyed kyis snying po'i mu khyud zlum po dang zhes pa ste rtsibs bzhi pa la sogs pa 'khor lo thams cad kyi tshad do/ /lcags sgrog gis rtse mor bcings pa'i lcags kyi bil ba can ni ka Na ya'o//mnga' lta bu sgro gsum dang ldan zhing gdong gi tshad can ni 'phang mdung ngo / /de dang 'dra ba la sgro dang ldan zhing ring ba kha T+wAM ga'i rnam pa can ni mda' bo che'o/ /mdung dang rdo rje la sogs pa rnams kyi tshad ni rab tu grags pa nyid kyi phyir ma bris so/ / mtshon cha thams cad 'dzin pa na rna ba'i steng du bstan to zhes pa mtshon cha'i mtshan nyid kyi cho ga'o// //mchod rten dang mgron khang dang gtsug lag khang la sogs pa rab tu brtsams pa yang dag par gnas pa la mchog tu 'bad pa na/ gaN+DI dang srog shing dang rtse mor gnas ba dang / sgo la sogs pa ka ba dang bskyed pa'i shing gi dpangs dang zheng dang kho lag dang zlum rnams dang gnas kyi bdag po dang thig 'dzin pa la sogs pa mtha' dag gis de dag gi tshad yongs su gros byas nas slob dpon dang shing mkhan rnams dang lhan cig nags tshal gyi ltad mo la 'gro bar bya'o//tshogs pa na phun sum tshogs pa'i skar ma dang gza' dang nyi ma bzang po brtags te sngags pas bgegs mthar byed kyi gzugs kyis dus yongs su brtags la shar dang byang gi phyogs su kha bltas nas so// //nags tshal dang ri dang dga' ba'i sa gzhi mchog gi cha la rab tu 'jug par bya'o//bzang po'i gnas su skyes la sdug cing snum pa/ sngo bsangs dang dmar po dang ser po'i mdog can 'bras bu zhim po dang ldan zhing dri bzang ba me tog dang 'o mas 'byor ba/ yal ga dang lo ma yongs su rdzogs shing yon tan dang rigs dang bzhon pa dang ldan pa drangs so/ /shing skyes nas lo brgya lhag cing nyis brgya'i bar dang ldan pa dar la bab pa rnams te/shing sU ma nA ga dang / nA ga ge sar dang / shrI ShI sa dang / a shwa d+ha dang / shing shang dang / mya ngan med pa dang / dzam+bu dang / pA la sha dang / tsan+dan dang / kiM shu ka dang / kaM ki l+li dang / tA la dang / sA la dang / a mra dang / tsam+ba ka dang / bil ba dang / tsan+dan dmar po dang / bai kad+ka ta dang / ba ku la dang / ro hi Ni dang / seng ldeng dang / srI par+Na dang / tin+tu dang / sha ra ka dang / sbrang gi shing dang / ardzu na dang / de ba da ru dang / pa TI rigs te khang bzangs la sogs pa'i las la 'os pa rnams so//gzhon pa dang rgas pa dang yan lag 'khyog pa rnam ni ma yin te/ gzhon pa ni lo brgya ma lon pa dang / rgas pa ni lo gnyis brgya lhag pa'o/ /skam po dang gcig tu dang yal ga chag pa dang tshig pa dang 'dab ma nyil ba dang / yan lag gas pa dang / dur khrod dang khung bu dang bya skyibs dang lha'i gnas dang lam du skyes pa dang tsha ba dang kha ba dang grong gi mi gtsang ba'i yul du gnas pa dang /mtshe 'u dang chu klung gi dogs su skyes pa la sogs pa rnams dang / bya dang lag 'gro'i tshang bcas pa dang / rdo rjes bsnun pas dum bur song ba rnams spangs te/ de rnams kyi nang nas rigs shing kun du bzang ba rnams 'dir brtag par bya'o//de la yang thun mtshams kyi dus su bzo bo dang bcas pa'i shing mkhan rnams yang dag par bsrung bar bya zhing bdud rtsi 'khyil ba'i rnal 'byor dang ldan zhing spro ba dang bcas pas bde bar gshegs pa sras dang bcas pa dang /phyogs kyi lha rnams dang nags tshal gyi shing gi lha rnams nye bar spyod pa lngas yang dag par mchod do/ /phyogs kyi gtor ma byas nas bzo bo dang bcas pa'i sngags pa rnams bza' ba dang btung bas yongs su tshim par byas la bde bar gshegs pa dang lha rnams la bcom ldan 'das zhes pa la sogs pa'i tshigs su bcad pa rnams kyis gsol ba gdab par bya'o//lhan cig tu rab tu dga' ba'i sems dang zhi ba'i yid dang gnyis su med pa'i rnal 'byor gyis nyal bar ste/ rmi lam bzang na yang dag par 'grub cing rmi lam ngan na las thams cad pa'i bzlas pa bya'o//nad par snga bar do ldan rnam par snang mdzad kyi rnal 'byor gyis mchod pa thams cad yang dag par ldan pas shing gi rgyal po de la gnas pa'i phyogs kyi lha'i gzugs can rnams yang dag par mchod par bya ste/ sA la dang thang shing dang til se'i shing rnams la yang dag par gnas pa'i lha mo ni 'jig rten gyi ma mo dang de la gnas pa'i zhing skyod ni ri rab chen po zhes bya ba 'di'o//sU ma nA ga dang nA ga ge sar dang tsam ba dang mya ngan med pa rnams kyi lha mo ni gsang ba ma dang / de rnams srung ba'i zhing skyod ni stobs po che zhes bya'o/ /a ru ra'i shing dang ha rI ti dang pa Ta'i shing la kar+Na mo ti ka dang he tu'o//tsu ta'i shing la am+bi ka dang pha na la'o/ /tA la'i shing la shan+ka ri ka dang skra gyen du brdzes pa'o/ /ka dam+pa'i shing la lha mo bzhin bzang mo dang / 'jam 'bras kyi shing la lha mo 'jam 'bras la gnas ma ste zhing gi bdag po dag ni dril bu chen po'o//sbrang gi shing la skyes bu'i dbang phyug dang sha shA'o/ /gser gyi shing la lha mo gtum mo dang zhing skyong skye ba bzang po'o/ /shal ma li'i shing la lha mo chen mo me zhal dang / star ka'i shing la 'dod ma ste zhing skyong dag ni 'jigs pa'o/ /shr-id+ga'i shing la phun tshogs chen mo dang zhing skyong mi gdong zhes bya ba rnams so//gnas la sogs pa'i dbye ba rigs pa 'di lta ste mangs pas 'jigs nas ma bshad pa'i phyag dag sku mdog dang mtshon cha dang sngags ni rgyud kyi nad nas 'bad pas nges par gzung bar bya'o/ /gtsug lag khang sogs rgyu ru ni/ / de ring shing gcod bdag spro bas/ khyed rnams da ni bzod mdzad nas/ /shing gzhan la ni gnas par mdzod/ /shing gzhan rgan po la song ba'i lha rnams mtha' dag la gtor ma dang mchod pa la sogs pa'i khyad par rnams kyis yang dag par mchod par bya'o/ /shing mkhan bgegs mthar byed kyi gzugs can btung ba dang bza' ba dang so rtsi dang phreng ba dang tsan+dan dang gos dang gser rnams kyis yang dag par mnyes par byas la sta re'i so la rdo rje'i sbrang rtsi yang dag par byugs nas lag pa g.yas pas bstod de/dge ba'i yid kyi shar dang byang du phyogs pas nyi ma la blta zhing gcad par bya'o//lhan cig pa'i gtso bo rnams bsrung ba'i ched du dpal ldan rma bya chen mo bklag par bya'o/ /mchog dang mchog ma yin pa'i mtshan ma rnams sngags pa chen pos kun nas blta bar bya ste/ mchog ma yin na ni de rnams spang bar bya zhing / mchog yin na mkhas pas thams cad yang dag par mchod par bya'o//byang gi phyogs su 'gyel na sbyin pa po la nor dang las 'grub pa la sogs pa ston pa'o/ /dbang ldan gyi phyogs su 'gyel na rig pa dang ye shes yang dag pa la sogs pa ston pa'o/ /dbang po'i phyogs su shing 'gyel na rgyal ba dang 'byor ba'i khyad par yang dag pa la sogs pa ston pa'o//gzhan gyi bar du ma reg par 'gyel ba na bde ba dang mchog go/ /me'i mtshams su ni me'i 'jigs pa'o/ /yi dwags kyi bdag po'i phyogs su song na 'chi ba ston no/ /bden bral du ni nad kyi 'jigs pa'o/ /chu dang rlung du song na chu dang rlung gi 'jigs pa'o//shing gzhan la nyed pa dang bcas shing song na rje'i 'jigs pa ston pa'o/ /'dar zhing du bas ring por lhung na sbyin pa po la sdug bsngal 'thob po/ /gcod pa'i dus su khyi dang / rnga mo dang / sprul dang / phag dang / ce spyang dang / bod bu dang / /bya rog dang /bya rgod de/ gdug pa can rnams mthong na/ 'ching ba'i 'jigs pa dang bgegs mang bar 'gyur ro/ /gal te bcad pa na shing las khrag 'dzag na sbyin pa po 'chi ba la sogs pa ston pa'o/ /zho dang mar dang sbrang dang 'o ma byung na gsod pa dang / 'ching ba'i 'jigs pa la sogs pa ston pa'o//mngar ba dang / bska ba'i ro la sogs pa dang / dag pa dang / gso bsangs dang / dri bzang po mnam pa dang / ro'i rgyun snum pa dang bcas pa 'bab pa ni rang bzhin par bsten to/ /gcod pa'i shing gang gzung ba'i kha dog gi rnam par dbye ba mthong ba gang yin pa de'i kha dog gi rnam pa'i dbye ba las snying po'i rnam pa rgyu mtshan shes pas bstan te/btsod ka dang / ser skya dang / ser po dang / phug ron gyi mdog dang / ral gri'i mdog dang / dmar po dang / sngo bsangs rnams las so/ /btsod kyi kha dog gi rtags las ni sbal pa rjes su shes par bya ste de ni med do//ser skya las ni nang na byi ba ste des ni chom rkun dang glo'i nad skyed par byed de/ ser po las ni dbyig ste des kyang nor nyams pa skyed par byed do/ /phug ron gyi mdog las ni khyim gyi dbyig ste des kyang rgyal po dbul por byed do/ /skya rings kyi mdog las ni rtsangs pa yod pa ste/ des ni 'dir sna tshogs pa'i nad du 'gyur ro//sngo bsangs las ni sprul 'byung ste des kyang sbyin bdag chen po'i nor zad pa'o/ /ral gri'i kha dog gi dbye ba las ni chu ste de'i 'jigs par 'gyur ro/ /dpal be'u dang 'phel ldan dang / dga' ba 'khyil ba dang / 'khor lo dang bkra shis dang / chu skyes dang gdugs dang /lcags kyu dang / bum pa dang / rgyal mtshan dang / rnga yab rnams ni chen po'i mtshan mar bstan to/ /de lta bu sogs dge dang mi dge ba/ /mtha' dag slob dpon chen pos legs brtags nas/ /bcad pa dang ni gshog pa de snyed pa/ /shing gi mchog la blo dang ldan pas bya//rtsa ba dang ni rtse mo dbus kyi char/ /mdzer pa can rnams kun du bltas la yang / /kun la bcu yi cha ni lhag pa ste/ /tshad la sogs pa thams cad du ni bya/ /de nas mchod rten la sogs pa bsgrub pa'i ched du rdo'i khyad par dam par gnas pa rnams yongs su shes par bya ste/ri'i shod dang chu klung gi 'gram dang / bzang po'i 'jug ngogs dang lha nye bar longs spyod pa'i shing dang / phug dang lha'i dbang po dang nor sbyin dang phyugs bdag dang tshangs pa rnams dang lhan cig 'grogs pa'i steng nas lhung ba dang shar dang byang dang steng gi phyogs su kha bltas pa'i rdo rnams ni bsngags so//shar du phyogs pa ni rang 'dod pa ster zhing / lus ngan du phyogs pas bu dang bu mo dang rigs skyed par byed do/ /dbang ldan du phyogs pas grol ba'i 'bras bu ster zhing / steng nas phyogs pas thams cad du mkha' la spyod pa 'grub bo/ /mchod rten gyi nye 'khor dang /dur khrod dang lam gyi bzhi mdo dang / dmar po dang myur du bros pa dang / grog ma'i shing dang 'byar ba dang / kha dog mang po dang gzhan gyi las byas pa'i rdo rnams dor bar bya'o/ /'khar ba dri ma med pa lta bus ni sbyin pa po la 'chi ba ster bar byed pa ste/ de ni gsod par 'gyur ro/ / dkar po dang / ser po dang / dmar po'i kha dog rnams las/ skyon byed pa ni ri mo nag po dang mnyam par ldan pa yin pas/ gang gis snying por mtshan ma mthong ba na spang bar bya ste skyon mang ba'i phyir ro/ /byis pa dang lang tsho dang / bar ma dang rgan po ste/ rnam pa bzhi ni rdo rje'i rigs rnams so//byis pa ni shin tu 'jam zhing / bzod bsnun pa dang lhan cig pha gu lta bur 'gyur ba'o/ /rgan po ni rtsub cing kha dog ngan pa dbyangs dang bral ba sbal pa lta bu ste dman pa'o/ /bar ma ni phra ba'i yon tan dang ldan zhing dri zhim pa dang / sgra zab pa dang bsil ba dang mkhregs pa'o/ / brtan pa dang mnyen pa dang shin tu snum pa ni lang tsho ste 'dod pa ster bas mchog go/ /dkar po dang ser po dang ljang gu dang dmar po dang sngo bsangs kyi kha dog dang 'od dang ldan pa yang lang tsho can no/ /rigs la sogs pa'i dbye bas phye ba shes par byas nas/ sngags la sogs pas kyang bsngags par bya'o//rdo ba bzang po nag po yin yang gal te ri mo dkar po phra mo dang thig le rnams dang yang dag par ldan na blo dang gnyen dang ldan par 'gyur ro zhes pa nags tshal gyi cho ga'o// //gaN+DI rnam pa bzhi ni sku'i mtshan nyid kyi rab tu dbye bas shes par bya'o/ /thams cad du bla na med pa'i dag pas nyi shu lhag pa'i cha brgya ni srid du ste 'jig tshogs la lta ba'i ri'i rtse mo nyi shu rnam par [(]brnyil [,]bsnyil [)]ba'i don du'o//rgyar ni bzhi lhag pa'i cha nyi shur yang dag par blta'o/ /bden pa'i rnam pa bcu drug gis de ni cha bcu drug par bshad do/ /dbus kyi cha lnga'i gcig ni kha zlum po'i cha ste/tshul khrims dang ting nge 'dzin dang shes rab dang rnam par grol ba dang rnam par grol ba'i ye shes gzigs pa'i phung po'o/ /'di dag ni 'jig tshogs rnam par dag pa ste des na 'dir cha shas lnga pa'i char bkod pa'o/ /ring bar sor brgya dang bcu pa ni rab tu sbyor ba'i rnam par shes pa'i rnam par dag pa'o//de'i rgyar ni nyi shu rtsa gnyis te sems bskyed pa nyi shu rtsa gnyis kyi rnam par dag pa'o/ /zur bcu gnyis dang mnyam par ldan pa ni rten cing 'brel bar 'byung ba'i chos nyid kyi rnam pa'o/ /nyon mongs pa dgu bcu rtsa brgyad rab tu nyams pa'i lam bsgoms pa'i rnam pas de'i tshad ni de snyed du ring ba'o//stong pa nyid kyi rnam pa nyi shu ni khor yug tu'o/ /rnam par thar pa brgyad rnam par dag pas zur brgyad kyis brgyan pa'i gaN+DI'o/ /sor mo bzhi dang mnyam ldan pa'i/ /sor mo brgyad cu srid du bstan/ /srid ni chos kyi phung po'o//ma 'dres chos kyi rnam pa yis/ /yongs su bskor ba bco brgyad de/ /lag pa'i 'dab mas de tshad shes/ /'di rnams kyi ni tshad bshad pa/ /rgya dang dpangs kyi rim pa'o/ /de nyid bcu drug rnam pa yis/ /de tshad zlum po gzhan ni dbus/ /bden pa bcu gnyis khyad par las//zlum pa'i bdag nyid gaN+DI'o/ /nor bu'i rtsa bar 'od zer gnas/ /khams gsum sems can dbyangs rnam pa/ /brtsam par bya zhes tshigs bcad gnyis/ /yongs su dag pa'i dril bu zung / /rtse mor sor bzhi sor gsum dang / /sor mo phyed dang gsum dang gnyis//sbal pa'i gdong dang 'dra ba ni/ /sangs rgyas ye shes rnam pa mchog /gsum gcig lnga dang bdun gyi nas/ /dman pa tshad rnams kun la bzang / /'dir ni tshad rnams bshad las gang / /yid la 'thad pa de rnams bya/ /sna tshogs tshon rnams kyis ni legs par byugs//gang yang tshad ldan tshon gyi phreng ba 'bar/ /dmar po'i tshon gyis 'bar zhing sa bzang skyes/ /brdungs na dbyangs bzang ba ni gaN+DI'o/ /rnam pa mang po'i yon tan tshogs dang ldan/ /khrus sogs cho ga rig pa'i sngags pa yis/ /dbang ldan zur gyi cha la gser dang ni/ /rin chen la sogs khri la chu skyes gnas//the'u dang legs par mnyam par ldan pa yi/ /gaN+DI dang por rab tu gnas pa ste/ /d+hIHyig gi sa bon las skyes pa'i gaN+DI chen po shes rab dang ye shes kyi bdag nyid la oM d+hIHshru ti smr-i ti zhes pa la sogs pa rtsa ba'i sngags lan brgya rtsa brgyad dang rgyud las skyes pa rnam par dag pa ye d+harmA'i tshigs su bcad pa lan gsum bzlas par bya'o//chung ba cha gsum phra zhing na ku la/ /'dra ba'i rnam pa zlum po'i rnam pa can/ /sdug cing sra ba'i shing las nges byas pa/ /gang yang dmar po yi ni tshon gyis byugs/ /mchog gi dang po'i sa bon las byung ba'i//the'u rdo rje'i rang bzhin rnam par dag /ring bar cha ni bcu gnyis pa yin te/ /yongs su zlum la sor mo drug pa'o/ /bcu gnyis cha ni gsung rab yan lag ste/ /drug kyang pha rol phyin pa dag pa nyid/ /chos kyi yan lag 'khor lo bskor ba na/ / lugs 'byung lugs las bzlog pa'i rnam pa las/ /spro dang sdud pa'i rnam pas lan gsum du/ /yan lag drug gi sbyor ba lta bur brdung / /sku gsum la ni rnam par thim pa dang / /dkon mchog gsum la phyag 'tshal tshul gyis so/ /gtsug lag khang du cho ga dran pa yis/ / rtag tu nyin bzhin lan gsum bzhi 'am lngar/ /zhi bsgom dmigs pas gaN+DI rdung byed na/ /gnas der yon tan tshogs kyis phun tshogs pa'i/ /dge sbyong rnams ni brtan par nges gnas 'gyur/ /gang yang sgra ni thos par gyur pa der/ /nor dang skye bo phun tshogs rgyun ldan 'gyur//byin gyis brlab pa'i sngags ni oM d+hIHshru ti smr-i ti ma ti ga ti bi dza ye pra dz+nya pra dz+nyA ba la d+hIHd+hA ra Ni swA hA/ zhes pa gaN+DI'i mtshan nyid kyi cho ga'o// //oM suk+Sh+me suk+Sh+me shAn+te shAn+te dAn+te dAn+te a pa ma ro pe ni ra lam+b+he/ ni rA ku le/ ni rba Ne/ ya sho ba ti/ ma hA te dza sarba bud+d+ha a d+hiSh+Sha na a d+hi Sh+thi te swA hA/zhes pa ni rnam par snang mdzad kyi gzungs te sngags 'dis mchod rten la sogs pa rnams la srog shing gzugs par bya'o/ /khang bzangs rnams kyi brgyad dang bcu'i cha shas kyi zheng ni sgo'i dbus kyi cha ste de'i tshad kyis yal 'dab dang / de'i nyis 'gyur ni sgo'i dpangs su bstan cing sgo khyud dang dpung pa dang re bzhi rnams ni de'i cha lnga par bshad do//legs par 'byor zhing mtshams rnams 'brel ba/ rin po che dang chu skyes rnam par phye ba'i gzugs yang dag par gnas pa'o/ /dri ma dang bral ba'i bsam gtan la gnas pas hUM yig la yang dag par bskyed pa ni sgo chen po ste dad pa'i dbang po la sogs pa dang /dag pa'i bsam gtan ni mdzes pa'i rta babs dang ldan pa'o/ /sngags pas snga ma bzhin du sgo rnams la so sor lan brgya dang rtsa brgyad kyis yang dag par bzlas pa ste/ shar la sogs pa'i phyogs su yang dag par gnas pa rnams gshin rje gshed kyi sngags dang /lho'i phyogs su yang dag par gnas pa ni dpa' bo'i rgyal po shes rab mthar byed kyi sngags dang / nub kyi phyogs kyi char gnas pa ni pad+ma mthar byed kyi snying po'i sngags dang / byang gi phyogs kyi char gnas pa ni dpa' po'i rgyal po bgegs mthar byed kyi sngags kyis so//legs par rnam par phye ba'i tshad du bslang ba'i sgo rnams cho ga bzhin du legs par mchod par bya'o zhes pa sgo glegs bslang ba'i cho ga'o// //rin chen dang bcas rdo rje'i steng du gnas/ /zlum dang srid kyi tshad rnams yang dag ldan//gru bzhi la sogs yon tan mang ldan zhing / /snying po brtan cing mi 'khyog legs gnas pa'i/ /ka ba thams cad rtse mnyam seng ge la/ /sogs pa'i ting 'dzin stegs bur yang dag gnas/ /stong nyid rnam par thar pa rnam dag pas/ hUM gi yi ge las skyes rdo rje ste//phyogs dang phyogs bral rnams su legs par gzugs/ /rang rang phyogs kyi khro rgyal snying po'i sngags/ /lan ni brgya dang rtsa brgyad rnams su yang / /so sor rim pas yang dag bzlas par bya/ /zhes pa ni ka ba gzugs pa'i cho ga'o// //gtsug lag khang sogs pa yi steng gnas par//myur ldan pas ni shing rnams mngon par gzung / /'dab ma ma rnying pa yi dus dag tu/ /skar ma mgo la sogs pa bsngags pa yin/ /gser dang dngul rnams dag gis pad+mar ni/ /rig byed ma yi gzugs ni mnyam par ldan/ /na mo rat+na tra yA ya/na mo bud+d+ha bo d+hi satwe b+h+yaH na mou0f85 Sh+tam hA AR+ya pung+galA ya/ na maHsap+ta b+h+yo pung+g+ha ko Ti b+h+yaHta d+ya thA/ oM hrIHhrIHhrIHsarba nA ga nAM/ a nan+ta ku lA nAM/ ba su ki ku lA nAM/ tak+Sha ka ku lA nAM/ shang+kha ka ku lA nAM/ shang+kha pA la ku lA nAM/ karko Ta ku lA nAM/ pad+ma ku lA nAM/ ma hA pad+ma ku lA nAM/ ba la hA ku lA nAM/ puN+Da rI ka ku lA nAM/ g+ha na ku lA nAM/ me g+ha ku lA nAM/ dza la d+ha rA ku lA nAM/ dzi mU ta ku lA nAM/ saM brta ku lA nAM/ e ra ba ku lA nAM/ ku mu da ku lA nAM/ kah+ma ha ra ku lA nAM/ sau gan+d+hi ka ku lA nAM/ ha na ha ne sha re Na/ ban+d+ha ban+d+ha tsA pe na/ hA Ta ya tA Ta ya/ u pa le na/ b+hi tA nAM/ a pa yaM de hi pra lA ya/ kA la i ba dza la d+ha raM a be ta ra ya baR+Sha na nA gA na ba shi ku ru ku ru phaHkA rA pa ya kA rA pa ya phuHphuH oM ku ru kul+le hUM phaT swA hA/ shin tu brtan pa'i bya 'dab rgyan dang bcas/ /bla re mang po'i tshogs kyis dkyil 'khor bkram/ /stegs bu'i tshad kyi nyis 'gyur rab 'phyang ba/ /tshad dang ldan pa bya 'dab chen po'o//lan ni brgya dang rtsa brgyad rnams su yang / /dpal ldan gtsug tor 'khor los sgyur ba'i sngags/ /yang dag bzlas shing mchod bya gtor ma dang / /sbyin sreg cho ga rgya chen ldan pas bya/ bum pa'i chu yis mngon par dbang bskur zhing / /gdugs dang gos dang 'dab mas brgyan par bya//zhes pa'i sngags ni/ na maHsa man+ta bud+d+he b+h+yaHoM pra h+yaM gi ra uSh+NI Sha tsa kra brti sarba yan+t+ra ban+d+ha/ in+d+ra b+hu ba naM ban+d+ha/ ma hA b+hu ba naM ban+d+ha/ ma hA br-iSh+Ti ban+d+ha/ br-ik+Sha de ba tAM ban+d+ha/ rA ya i hA bA si nAM ye na ke na tsi ta kr-i ta b+ha ya A d+hi kaM/ tshin+d+ha tshin+d+ha/ bin+d+ha bin+d+h+ya/ tsi ri tsi ri/ gi ri gi ri/ mi ri mi ri hUM hUM phaT phaT swA hA/gtsug lag khang la sogs pa'i steng du shing dgod pa'i cho ga'o// //da ni sku gzugs la sogs pa'i/ /lha rnams bzhugs pa'i ched du yang / /khang chung dang ni chen po yi/ /rtsig pa'i khang pa bya bar 'dod/ /'degs pa'i sa yi tshad kyis ni/ /chung ngu la sogs dbye ba las//mda' bzhi la sogs nas zhi mda'/ /sum cu rtsa drug par du bya/ /legs pa'i tshad ldan skyes bu yi/ /sor mo la sogs lhan cig tu/ /khru gcig byas pa khru shing ste/ /mda' shing zhes pa'ang brjod par bya/ /bcu gnyis khru yi mthar thug pa/ /de ni chung ngur grags pa ste//khru ni nyi shu rtsa bzhi yi/ /mthar thug pa ni bar ma yin/ /sum cu rtsa drug khru yi mtha'/ /de ni mchog tu grags pa'o/ /'di rnams dbye ba yis ni 'dir/ /'degs pa'i sa yi cha 'phel bas/ /tshogs par gyur pa 'ba' zhig der/ /khru shing bcu drug pa yang bya//snying por khang mig bzhi pa dang / /phyi rol re'u mig rtsig pa rnams/ /mang po rkang pa'i cha yis ni/ /rtsig pa rnams ni 'phel bar 'dod/ /gang la steng du khur che na/ /lhag pa yang ni bya ba ste/ /'degs pa'i 'khor sa med pa dang / /khang mig med pa mdzes ma yin//yod pa der ni cha lnga pa'i/ /dga' ba'i ska rags rked par bya/ /lha rnams 'gal ba med par ni/ /'od dang lhan cig mthong ba dang / /kun la rab tu grags bya'i phyir/ /de don sgo ni ring ba nyid/ /lha rnams gang du mi 'gal bar/ /bzhengs pa nyid kyang yang dag 'dod//sgo yi phyed kyi shing tshad gyur/ /nye bar gnas kyi lhag pa min/ /'gal ba med par lha yi phyir/ /ring ba'i sgo ni bshad pa yin/ /shin tu chung rnams mi 'gal bas/ /mchod bya rnams kyang bstan pa ste/ /cha yis rnam par rgyas pa yang / /rab mdzes don du kun la grags//'gro ba yi ni khang chung bzhi/ /snying po'i khang ba'i srid du bya/ /'degs pa'i rgya dang mnyam pa'i dpangs/ /'degs pa'i dpangs kyi tshad yin no/ /rnam rgyas gar ni yang dag bsdus/ /mdzes pa'i mdzes su mthun pa bya/ /sgo la sogs pa'i rnam 'jug pa/ /sngon sogs slob dpon rnams kyis gsungs//bzhi drug brgyad rnams cha shas kyis/ /chung ngu la sogs grags rnams la/ /shin tu chung dang rnam rgyas pa'i/ /rtsig par gsungs te rnam gzhan min/ /shin tu chung dang rab ches pa/ /de dag mdzes par 'gyur ba min/ /bzhi pa'i cha shas nyid kyis cha//sgo rnams kun tu mi 'dod de/ /grags pa bzhin du 'dab brgyad dang / /de bzhin nyid du sgo rnams 'dod/ /khru do gsungs pa'i gcig gi chas/ /mnyam pa cha gsum grags pa la/ /bcu la sogs pa'i sgo bya 'dir/ /cung zad lhag pa lhag pa'o//drug gi cha shas nyid kyis ni/ /bar mar ldan pa'i sgo sogs kyis/ /sgo ni nyi shu rtsa gnyis las/ /nyung min ji ltar mdzes par bya/ /so sor de rnams la ni slar/ /sgo dang 'gram logs la sogs bya/ /kun du mchog tu grags pa ni/ /brgyad kyi cha shas rnams kyis 'jug//rim par sgo la sogs pa rnams/ /shes ldan nyid la nges par bstan/ /'phel dang nyung ba'ang mdzes bya ste/ /nyung pa ma yin lhag pa min/ /'khor sa med pa'i 'degs byed ni/ /khang chung rnams las nyis 'gyur 'dod/ /nyis 'gyur slar yang de yi ni//drug dang bdun la sogs pa yang / /gru bzhi pa yi khang chung bsngags/ /ka ba mnyam pa'i sa la ste/ /man ngag gis ni khang chung yang / /gang zhig gcig pa slar yang 'dod/ /'degs pa de yi snying po nyid/ /cung zad stong par lha gnas gcig/ /'khor sar khang chung gcig pa gang //de yang de bzhin slar yang ngo / /rtsig par bcas pa'i 'khor sa 'dir/ /khang chung bgrod pa'i skabs dang ldan/ /khang pa'i ngos gnyis dag tu yang / /khang chung nang ni rdzogs pa can/ /phyogs bzhir khang chung rnams kyis kyang / /de ni rnam par mdzes pa'o//gang zhig 'degs pa gcig bcas pa'i/ /snying po der ni lha gnas bzhi/ /shin tu chen por grags pa ni/ /khang chung gnyis gnyis ldan par bya/ /nang gi 'khor sa dang bcas pa'i/ /so sor sgo ni phyogs phyogs su/ /de bar khang chung dang 'degs pas/ /mnyam par 'khor bas shin tu mdzes//'khor sa lam gyi rtsig pa rnams/ /lhan cig bar ma dag tu bya/ /'dir ni de nyid snying po'i steng / /dri yi gtsang khang brtan pa che/ /khang pa brtsegs ma'am de las gzhan/ /thams cad shin tu brtan par bya/ /'khor sa dang bcas 'degs pa dang / /khang chung ngos su rtsig pa ste//'degs pa'i rtsig pa mnyam par bya/ /las dang gnas la 'jug pas so/ /'khor sa rnams dang khang chung rnams/ /mtho dman rjes su mthun pa dag/ /'dir ni ji ltar rigs par bya/ /las rnams shes pa'i bzo bos so/ /brtan pa'i don du 'degs pa dang //rmang la sogs pa'i las la yang / /rtsig pa'i cha yi rkang pa yi/ /phyed kyis kyang ni 'phel ba'ang 'dod/ /'degs pa'i dpangs ni rnam gzung ba/ /'degs pa'i rgya yi tshad yin te/ /cha gnyis slar yang steng du ni/ /chung bar bzo bo yang dag 'dod//rdo ba'i las ni gnas don du/ /gnyis kyi cha yis gzhan dag slar/ /de ni mthong bar 'dod pa ste/ /'ga' zhig de yi steng du 'ang 'chad/ /dri gtsang khang de'i steng du yang / /brgyad kyi cha 'am bdun don 'dod/ /ji lta'i cha yi khang brtsegs ni/ /sngar bshad pa yang bstan pa'o//de lta'i rim pa bdag gis byas/ /mdzes pa rnam dpyod ji lta'i rim/ /'degs pa'i steng du dri gtsang khang / /lha yi khyad par gyis de brjod/ /steng du bdun gyi cha shas rnams/ /rnam brgyad cha ste slar yang gang / /bco brgyad steng gi rgya yin te/ /de yang bzhi bzhi'i cha shas can/ /phyi rol rnams su cha shas bzhi//re re'ang bdun pa brgyad pa ste/ /de dag cha shas rab bskor ba/ /ngos gnyis ri mo mdzes don du'o/ /bzhi yi cha shas ngos gnyis dang / /rab mtho gang gi dbus su gnas/ /de rnams cha bcus phung por 'dod/ /bA ren+d+ra yi bzo bo'i lugs/ /dri gtsang khang sogs sprul pa la/ /ngos gnyis der yang bzo bo yis//cha shas dgu pa'i rgyar ldan pa'i/ /dri gtsang khang yang nges par 'jug /sngar gsungs rjes su rim pa la'ang / /gnyis gnyis cha ni rab 'jug ste/ /dbus su gnas pa'i lnga yi cha/ /'di ni phung por rab tu grags/ /gzhan yang cha lnga'i cha shas rnams/ /der bya dpangs su gnyis slar yang //gsum gyi cha 'dir phung po dang / /dpung par bzo bo rnams kyis 'dod/ /rab 'jug lnga par thig la thig /bzung nas gzhan yang gsum pa dang / /gnyis par 'og gi zur dag ste/ /dri gtsang mar me'i rtse mo mtshungs/ /gal te rnam gsum zhes bshad rnams/ /dbye ba med de lta ba na'o//dbye ba med pa gang du 'byed/ /blo ldan mi 'gyur zhes mthong ngo / /dri yi gtsang khang gsum gyi cha/ /steng du rab 'jug shes bya ste/ /rtsa bar yang ni rab 'jug dang / /nas kyi snying po'ang mi 'dod do/ /zlum po'i dri gtsang khang gi las/ /yang na gru bzhi'i las can te/ /phung po'i rjes mthun dag pa nyid/ / gang zhig da ni cha rnams dbye/ /cha shas brgyad kyis yan lag brgyad/ /ji ltar mthong ba'i las rnams kyis/ /cha shas bcu gnyis par yang 'gyur/ /dri yi gtsang khang lhag par yang / /ji snyed sum cu rtsa drug pa'i/ /shin tu zlum po'i gzugs can bya/ /gang yang dri yi gtsang khang 'di/ /gru bzhi pa yang blta bar bya//de lta'i gzugs rnams mngon 'dod pas/ /de snyed cha shas rnams kyang bya/ /lha yi rigs las rnam sprul pa'i/ /rim pa nyid de gzhan du min/ /bar bar la sogs snam bu rnams/ /dri gtsang khang sogs lus la ni/ /'phel ba dang ni thung ba yang / /rkang pa ji ltar mdzes par bya/ /snam bu gzhung shing sogs pa rnams//nye bar bstan pa ji bzhin bya/ /gzhan dang gzhan gyi las rnams kyang / /ji lta ji ltar bzhin du bya/ /mgrin pa'i dpangs cha rkang pas dman/ /gzhan yang chung sogs grags rnams la/ /yongs su rdzogs pa'i cha nyid kyis/ /spyi bo'i dpangs su 'dod pa'o/ /phung por byas pa de nas lnga'i/ /cha 'di rnams kyi nang la gsum/ / de ni mgrin pa'i zlum la bya/ /mgrin pa nye ba'i mthar gnas pa'o/ /'di 'am thams cad kyi ni tshad/ /mgrin pa'i rgya la 'dod pa ste/ /phung po'i cha yis phyed kyi cha/ /sngon gyi bzo bo rnams kyi lugs/ /chen po yi ni phyed kyi chas/ /mgrin pa'i dpangs dag lhag pa min/ /rkang pas dman pa'am gzhan yang phyed/ /spyi bo yi ni dpangs la 'dod//spyi bor gang zhig 'chi med gnas// skyu ru ra gnas lta bur 'gyur/ /rgya dang phung po'i tshad kyis ni/ /cung zad de ni lhag pa yang / /spyi bo'i gsum gyi cha yis ni/ /steng gi spyi bor 'dod pa yin/ /dpangs 'dir ji ltar mdzes pa ste/ /mtho dang dma' ba de bzhin no/ /mchod rten rgya ni gcig gis dman/ /mchod rten dpangs ni gnyis kyi cha//zhes 'dir dpangs dang rgya la 'gyur/ /mchod rten spyi bo'i steng du'o/ /mgrin mtha' ji srid re re zhing / /bya ste de yi steng du'o/ /brtan pa'i gdugs dang snam bur bcas/ /gdugs la dril bu me long ngo / /zhes pa dri'i gtsang khang la sogs pa'i mtshan nyid kyi cho ga'o// //'degs pa lhan cig 'phel ba yis//der ni lnga yi cha ldan bya/ /'dir gang gsum gyi cha ldan pa/ /de yi dpangs can khang brtsegs so/ /steng du 'phel bcas 'degs pa'i dpangs/ /de bzhin du yang khang brtsegs 'gyur/ /legs par dpangs su gnas pa 'dir/ /mthong ba'ang gzhan dang ldan par 'gyur/ /sngar bzhin phung po rnam gnas pas/ / 'dir yang brtsegs mar rnam gnas nyid/ /gzhan dang gzhan gyi las rnams ni/ /shes pa rnams kyis mdzes par bya/ /khang brtsegs nyid ni ring ba dang / /phyogs 'dir thung ba'ang 'dod pa ste/ /gang du mgrin sogs rnam dbye ba/ /des slar 'dir yang snga ma bzhin/ /zhes pa khang pa brtsegs ma'i cho ga'o// // gsum gyi lha rnams gnas pa'i phyir/ /rgya phubs 'ga' yang blta bya ste/ /bA ren+d+rAm DA bi Da'i/ /nye bar bstan pa ji bzhin bya/ /lnga yi cha 'am drug gi cha/ /rgya phubs yang dag gnas par 'dod/ /'degs pa'i cha dad mnyam pa'i dpangs/ /bA ren+d+ra gnas steng du'o/ /rgya phubs dbus kyi lus la ni/ /DA bi Da ba dum bu gnyis//dum bu gcig pa'i rgya phubs ni/ /bA ren+d+ra dang gau Da'i lugs/ /rgyab kyi rtse mo yang dag bsdus/ /ngos rnams rnam rgyas mkhas pa yis/ /dbus su gzhung shing snam bu rnams/ /mthong na mdzes par 'gyur ba bya/ /rnga zlum mtshungs pa dbus kyi steng / /ngos gnyis gzhung shing mtho ba ste/ /DA bi Da ba gzhung phyed kyis//bum pa seng ge rab mdzes 'dod/ /bA ren+d+ra ba'i rgya phubs kyi/ /las ni yul rnams kun du mthong / /DA bi Da ba'i rgya phubs ni/ /gang du cha shas sogs la mthong / /slar yang khang bzangs chen po gzhan yang ste/ /ri rab man+da ra dang phun tshogs mthar/ /gnas khang bgrod pa'i khang brtsegs bzang po dang / / glang po seng ge ngang pa bu ldan mkha' lding rig byed gnas rnams la ni rgya phubs bshad/ /rig byed zhal gyi nyis 'gyur zhal rnams dang ni rgyal po'i khang pa rnams la'ang de nyid de/ /zlum po nyid dang drug dang bzhi yis dbye bas rgyan la'ang ji bzhin 'jug pa shes par bya/ /shes nas bzang po shin tu bzang po dga' ba pad+ma bzang po gsum dang lnga pa dang //dpal be'u phyed dang dum bu med cing bya ba ldan pa de ni 'phel ldan bdag nyid de/ khyim gang rgyal po'i bde ba ldan pa bshad cing gzhan yang khang pa brtsegs ma rnams la'ang dran/ /bum pa'i steng du zla ba dra go rnams kyi go yu'i shing las phun tshogs 'jug pa nyid/ /'di dag dbye bzhis brgyan pa rnams dang de la sogs pa rnams ni grong khyer te/lA DA k+Sha dang de nas par Da ka rab gsal zhes bya de bzhin DA bi Da/ /bsam pa'i dbang gis chung ngu'i gnas dang chen po'ang sems can rnams la rnam par bstan/ /ma bshad pa rnams thos las rnam par rgyas pa'ang cho ga shes pa rnams kyis de bzhin bya//gtsug lag khang rnams dang ni rkang pa'i dbye bas ming rnams shes par bya ba ste/ /rgya'i gnas kyi steng du ni mi bya'o zhes pa rgya phubs la sogs pa'i mtshan nyid kyi cho ga'o// //bsam gtan don dam lha rnams kyi/ /khang pa la ni thog gcig ste/ /sangs rgyas gnas pa'i don du yang / /sangs rgyas bzhi yi gdan rim bzhin//gnas pa 'am dga' ba bstan pa yi/ /rtag tu rnal 'byor rgyal po yis/ /yid sogs dang mthun khang pa nyid/ /bsam gtan la sogs bsgrub phyir bya/ /dkyil 'khor lta bu cha bzhi pa'i/ /khang pa brtsegs pa yang bya ste/ /khang brtsegs la ni khang chung 'gyur/ /de ni rta babs dang bcas bya/ /ji snyed pa la ka ba'i cha//slar yang rnam par gnas gyur pa/ /de snyed 'dun khang steng gi dpangs/ /nyung ba min pa gzhan yang 'dod/ /khang pa brtsegs ma la sogs cha/ /de rnams sngar bzhin rab tu grags/ /slar yang brjod par 'gyur ba rnams/ /'dir ni de rnams bya ba ste/ /de dag steng du mgrin pa dang / /dri med snying po mdzes pa ste/khang brtsegs la 'dod mchod rten dang / /'dun khang la yang slar de nyid/ /gtsug lag khang dang tshogs khang ngam/ /de bzhin khang pa gzhan la yang / /dra go rnams ni mi 'gal bar/ /bya ste de las gzhan du min/ /gzugs rnams ji lta ba yi gnas/ /mchog gi las kyi grogs po yis/ /bya ste slar yang khang pa nyid//ces 'di bya ba'i rim pa'o/ /khang pa bzhi dang bsam gtan gyi khang pa la sogs pa'i mtshan nyid kyi cho ga'o// //da ni rdo rje slob dpon rnams kyis yongs su 'das pa tha ma dga' bar byed pa'i cho ga brjod par bya ste/ gzhan don la dgyes shi ba 'tsho mdzad ma/ /spyan mar grags pa'i lha mo phyag 'tshal te//shi ba yang dag 'tsho byed sbyor ba yi/ /shi ba bde 'gror nges sbyor bshad par bya/ /shi ba'i khang pa shin tu dben par ni/ /nyer spyod kun dang ldan pas rnal 'byor pa/ /me tog dkar po'i phreng bas gtsug tor bcings/ /zhi zhing dkar po'i dri yis rnam par byugs/ /dkar po'i gos dang rgyan ldan shar du zhal/ / bltas pa'am yang na de ru mos pa yis/ /rdo rje dang ni rdo rje dril bu gzung / /'jam zhing yangs pa mtho ba'i stan la 'dug /tsan+dan dkar po la sogs dri rnams dang / /bdud rtsi lnga sbyar chu yis mdun du ni/ /maN+Dal nye bar byugs te dkar po yi/ /me tog rnams kyis nye bar mdzes pa bya/ /ar+g+ha la sogs rang gi sngags rnams na//swA hA'i mtha' can legs bzlas bskul tshig dang / /snying ga'i zla bar rang gi sa bon rnams/ /bltas nas gnas la sogs pa bsrung bar bya/ /de la gnas bdag rnal 'byor bsrung ba'i sngags/ /oM AHbig+h+nAM ta kr-ita hUM/ zhes pa'o/ /yang na/ na maHsa man+ta sogs so/ /cho ga bzhin du bsgrub shes rnal 'byor bas//spyan ma'i rnal 'byor rab tu rnam bsgrubs nas/ /snying ga'i sa bon rtse las legs grub 'dod/ /'khor los mtshan pa'i lcags kyu spro bar bya/ /de yis 'jig rten pha rol song ba'i sems/ /shin tu dmar zhing gsal ba dgug bya ste/ /chos kyi sgo yi gzugs sam yang na ni/ /rlung med mi g.yo'i mar me lta bu yis//shi ba de yi shes pa 'ongs nas ni/ /spyi bo nas ni snying gar gzhug par bya/ /de rjes de ni shes par ldan pa yis/ /yang dag langs nas 'dug par blta bar bya/ /de yi snying gar mo ha ra ti zhes/ /bkod nas de yi 'od zer phreng 'bar bas/ /de yi lus ni stong par byas nas su/ /lhag ma rnam par rig byed tsam du blta//de yi rjes su mo ha ra ti zhes/ /rab brjod de ni spyan ma'i gzugs su bsam/ /de yi mig dang lus la sogs pa rnams/ /thams cad du ni byin gyis brlab par bya/ /snying po ye shes lha yi thugs ka yi/ /zla ba la gnas rtsa sngags 'od zer dang / /lha mo'i sprin gyi bdud rtsi'i 'od can gyi//ro ldan bum pa rnams kyis dbang bskur bya/ /rang gi lus las nges par spros nas ni/ /nam mkha'i dkyil 'khor khyab par 'phros pa yi/ /'od zer gong bur gyur pa'i tshogs rnams kyis/ /de rjes spyan ma'i sprin gyis dbang bskur bya/ /de yi sngags bzlas chu yis gang ba yi/ /bum pa yis kyang de bzhin dbang bskur bya//mgo bo la ni cod pan sbyin bya ste/ /lag pa dag la rdo rje dril bu yang / /rdo rje'i sngags pas ku sha'i rtse mo la/ /rdo rje rtse gcig rnon po rnam bsgoms nas/ /de ni me dang mtshungs par bsam par bya/ /de rjes mnyam gzhag sems kyis de yi ni/ /snying gar bkod pa'i shes pa rnam 'phro ba/ /yang dag bskul nas 'bar bar gyur pa rnams//rdo rje'i rtse nas rlung gis bskyod par bya/ /me yi 'od zer rnams kyis reg pa yis/ /de ni dngul chu bzhin du 'bar bar bsam/ /steng gi lam nas rnam par dgrol ba'am/ /yang na rnam dag sangs rgyas zhing du'o/ /gal te shes pa lam gzhan nas thon na/ /'khor ba'i rgya mtsho ru ni ltung bar 'gyur/ /de yi phyir na steng gi lam nas su//de ni nges par 'pho ba bya ba yin/ /spyi bo nas ni gzugs med 'gro ba ste/ /mdzod spu nas ni gzugs kyi khams su grags/ /mig dag las ni mi yi 'gro ba nyid/ /rna ba dag nas grub pa'i lha ru 'gro/ /sna bug dag nas gnod sbyin nyid du ste/ /kha nas dri za nyid du nges par 'gro/ /lte ba nas ni 'dod pa'i lha ru ste/ / khu ba'i lam nas yi dwags 'gro bar ro/ /chu yi lam nas dud 'gro'i skye gnas te/ /bshang ba'i lam nas dmyal ba'i 'gro ba ru/ /nges par 'gro bar shes bya de yi phyir/ /lam de dag ni rnam par spang bar bya/ /de nas thar pa'i grong khyer du gzhug pa'i phyir mdun du zhi ba'i sbyin sreg gsungs pa las yongs su rdzogs pa'i cho ga 'am rdzas gcig pa'i sbyin sreg gi phyogs gsungs pa'i phyir sbyin sreg bya'o//de la ji srid de'i rus pa ma 'ongs pa de srid du de'i gos la de'i ming smos pa sngon du 'gro bas bya zhing / 'ongs nas ni de'i rus pa dang gos la yang bya ste nyin zhag brgyad ji srid par ro/ /yang na lho yi phyogs kyi cha la ni/ /khru gang tsam gyi stegs bu gru bzhi bya//ba yi lci ba sar ma lhung bas byug /ba yi rnam lnga mnyam bas mngon par gtor/ /der yang dkyil 'khor ma la ya yi ni/ /tsan+dan dkar pos byugs shing me tog gis/ /mdzes byas de steng bum pa rnam par dgod/ /mtshan nyid dang ldan sman dang yal ga dang / /nor bu dri bzangs 'bru lnga rnams dang ldan/ /gdugs dang ba dan rnams kyis nye bar mdzes//mgrin par sngon po'i gos kyis rnam par dkris/ /nye bar spyod pa lnga dang yang dag ldan/ /ku sha'i gdan la yang dag gzhag bya ste/ /rgya chen rigs bdag rang gi mtshan mas mtshan/ /yi ge gsum ldan rtsa ba'i sa bon gyis/ /de ni lhag par gnas par bya ba yin/ /sngags pas yang na khrus kyi sngags rnams ni//lan grangs brgya dang rtsa brgyad bzlas pas so/ /de nas mdun du dkar po'i rdul tshon gyis/ /lte bar bcas shing mu khyud 'bar bar bcas/ /'khor lo rtsibs brgyad bris nas me tog ni/ /dkar po mdzes pas rnam par spras byas nas/ /de yi steng du bum pa stong pa yi/ /steng du bug pa dang bcas kham skyogs gzhag /de rjes de yi rus bu kham skyogs der/ /lhag ma med par yang dag dgod bar bya/ /ting 'dzin gsum dang rnam par ldan pa yi/ /de yi phyir bzlog cho ga yang dag bya/ /yungs kar me tog snyoms par ldan pa rnams/ /rim pa bzhin du gsang sngags rab brjod pas/ /de yi rus pa'am yang na gos dag gam//de yi ming la yang dag bsnun par bya/ /de nas sngags kyi tshig tu 'gyur ba ni/ /oM sarba pA paM da ha na badzra hUM phaT/ oM sarba pA paM bi sho d+ha na badzra hUM phaT/ oM sarba karma A ba ra Na b+ha smi ku ru hUM phaT/ oM b+h+rUM bi nA sha ya A ba ra NA ni dzuM hUM phaT/ oMng+hUM bi sho d+ha ya A ba ra NA ni hUM phaT/ oM sarba karma A ba ra NA ni hUM phaT/oM dz+wa la dz+wa la d+ha d+ha ka ha na ha na A bar NA ni hUM phaT/ oM sruM sar sa ra bra sa ra pra sa ra A ba ra NA ni hUM phaT/ oM hUM ha ra ha ra sarba A ba ra NA ni hUM phaT/ oM hUM sarba A ba ra NA ni hUM phaT/ oM sarba A ba ra NA ni bi spo Ta ya hUM phaT/ oM pr-i ta pr-i ta sarba A ba ra NA ni hUM phaT/ oM trA Ta trA Ta sarba A ba raNA ni hUM phaT/oM tshin+d+ha tshin+da sarba A bar NA ni hUM phaT/ oM da ha da ha sarba na ra ka ga te he tu na hUM phaT/ oM pa tsa pa tsa sarba phre ta ga te he tun hUM phaT/ oM ma tha ma tha sarba ti R+Ya ka ga ti he tun hUM phaT/ ces pa ni rus pa la sogs pa la bsnun pa'i sngags so/ /de nas lhag par gnas pa byas pa'i chus de'i rus pa la sogs bkru bar bya ste sngags rnams brjod bzhin pas so//sngags ni/ oM na mo b+ha ga wa te/ sarba du rga ti pa ri sho d+ha ni rA dzA ya/ ta thA ga tA ya ar+ha te samyak+saM bud+d+hA ya/ tad+ya thA/ oM sho d+ha ne shod+ha ne/ sarba bA paM bi shod+ha ne shud+d+he ne shud+d+he bi shud+d+he sarba karma A ba ra Na bi sho d+ha ne swA hA/ zhes pa ni rus pa la sogs pa bkru ba'i sngags so/ /de nas me tog gtor zhing sngags bzlas pas lam yang dag par bstan par bya ste/sngags ni/ oM rat+ne rat+ne rat+na sam+b+ha we/ rat+na ki ra Ne rat+na mA la bi shud+d+ha/ shod+ha ya sarba pA paM hUM phaT/ 'gro ba bstan pa'i sngags so/ /de nas me tog de rnams chu la gtor zhing lam rnam par sbyang bar bya ste sngags ni/ oM pad+me pad+me pad+ma ud+b+ha we su kha ba tiM gats+tsha n+tu swA hA/zhes pa ni lam sbyang ba'i sngags so/ /sngags tshig de dang de rnams la/ /bskul ba'i tshig rnams spel bar bya/ /lam sbyang ba yi sngags rnams kyis/ /me tog char pa rab tu dbab/ /bkra shis tshigs bcad 'don pa la/ /mnyam gzhag don du gzhug par bya/ /thun gsum yang na thun gcig la/nyi ma so sor de bzhin bya/ /cho ga ji ltar bshad de ltar/ /yang dag mchod cing thams cad bsdu/ /de la bkra shis kyi tshigs su bcad pa ni/ bkra shis gang zhig sems can kun la phan par dgyes/ /sangs rgyas skyon bral rnam par dag pa'i blo ldan pa/ /shes rab yan lag 'dus pas mdzes pa bde ba'i bdag /des ni khyed rnams dbang bskur mchog la bkra shis shog//bkra shis gang zhig lha dang lha min mis mchod pa/ /chos ni de yi bstan pa bla na med pa nyid/ /'jig rten gsum du rab tu gsal zhing bdag med pa/ /des ni khyed rnams dbang bskur mchog la bkra shis shog /bkra shis gang zhig rab mchog chos rnams rtag tu 'dzin//dam pa'i sar zhugs rgyal ba'i sras po'i tshogs kyi mchog /sems can rnams la phan par mkhas shing shin tu mdzes/ /des ni khyed rnams dbang bskur mchog la bkra shis shog /ces pa'i bkra shis kyi tshigs su bcad pa de rnams kyang rus pa 'khrud pa'i dus su 'don nam 'don du gzhug par bya'o/ /de nas gshegs su gsol ba'i sngags ni//oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol/ /muHzhes pa'o/ /de nas mtshan mo tshogs kyi 'khor lo byas te thams cad yang dag par bsdu bar bya'o/ /'byor pa yod nang na song yongs su sbyong ba'i cho ga ji lta ba bzhin du bzhengs te/ji ltar gsungs pa'i cho ga rnams bsgrub par bya'o/ /slar yang rdo rje slob dpon gyis sbyin bdag las yon blang bar bya ste/ des kyang 'byor ba dang rjes su mthun par rab tu dbul bar bya zhing / bkrus pa'i gos kyang slob dpon nyid la dbul bar bya'o/ /yang gsungs pa/shi ba la dmigs gang yin rnams/ /rang gi gnyen gyis slob dpon dbul/ /da ni mtho ris lam chas su/ /de la byin zhes shes par bya/ /gang zhig cung zad zhi don gyis/ /sbyin pa des 'dir nges par ni/ /bde ba can gyi sar 'gro ba/ /zhag bdun snga bar rab sbyin byed/ /de ltar gang yin kun byas te/ / cho gas lus can steng byas na/ /sdig pa thams cad spangs nas ni/ /bde ba can du nges par 'gro/ /de rjes de rus rnam sbyang bya/ /zhib mor rdo bas btags nas ni/ /chu klung shin tu rgya chen la/ /mchod pa byas te dor bar bya/ /yang nas 'dzin chen po ni/ /mthon po'i rtse mo'i mthar 'dzegs nas/ /shin tu shugs drag rjes mthun pa'i//rlung la de ni bskur bar bya/ /shin tu drag po'i las kyi dbang du gyur pa yis/ /gal te bde ster bde ba can du ma song na/ /'di ni nges par dran pa'i 'gro ba spangs nas su/ /sum cu rtsa gsum pa yi gnas su 'gro bar 'gyur/ /zhes pa rdo rje slob dpon rnams kyis 'das pa tha ma dga' bar byed pa'i mtshan nyid kyi cho ga'o// //de ltar slob dpon rnams kyi bya ba bsdus pa dngos grub chen po'i rgyur ni rab tu 'bad pa las/ /sna tshogs gzhung las 'ongs pa la sogs mang po'i me tog tshul ni bdud rtsi'i gzugs can te/ /gang zhig byas las skyes pa'i bsod nams rgyal sras rnams kyi chen po'i sa yi tshogs gyur pa//de yis 'jig rten gsum gyi 'jig rten rgyal mchog kun dga' dang ldan khang bzangs rab 'jug shog/ /ces pa slob dpon gyi bya ba kun las btus pa rnam par grags pa'i dkyil 'khor gyi slob dpon chen po paN+Di ta a bad+hU tI pa dpal ldan 'gro ba'i me long gis mdzad pa rdzogs so// //rdo rje slob dpon rnams la nye bar mkho ba'i cho ga mtha' yas pa phyogs gcig tu bsdus pa'i bstan bcos chen po 'di nyid ni/ dpal ldan bla ma dam pa d+harma kIrti shrI b+ha dra'i thugs dgongs rnam par dag pa'i sgo nas/ bka' lung snyan pas bskul zhing mthun rkyen phun sum tshogs pa bsgrubs pa la brten nas/bi kra ma shI la'i paN+Di ta chen po many+dzu shrI dang / bod kyi lo tsA ba blo gros rgyal mtshan dpal bzang pos bsgyur cing zhus te gtan la phab pa'o// //bstan pa rin po che dang 'gro ba mang po la phan pa rgya chen po 'byung bar gyur cig /dpal d+harma kI rti'i gsung gi bdud rtsis bskul bar gyur pa las/'jig rten phan par nges par dga' ba'i paN+Di ta dang ma ti yis/ /cho ga kun las btus pa'i rin chen phung po rnam par gsal byas pa'i/ /dge bas 'jig rten rnams ni bde ba chen po nyid dang ldan gyur cig /phun sum tshogs pa kun nas 'bar zhing grags pa gsal bar ldan pas 'di ni rtag tu gnas gyur cig /nad dang mu ge las grol dgra mi lhag ma med pa'i sa skyong yun ring phyogs rnams srung gyur cig /tshul khrims sogs ldan yon gnas rnams ni gsung rab mdzod rnams kun nas 'phel ba nyid gyur cig /nyi ma zla ba ji bzhin nyid dang mtshan du dpal ldan d+harma kIrti dge zhing shis gyur cig /ces pa dag kyang paN+Di tas mdzad pa'i smon lam bsgyur ba ste ji lta ba bzhin du 'grub par gyur cig /slar yang dpal ldan byang chub rtse mo'i zhabs rdul spyi bos len zhing gsung gi bdud rtsi 'thungs pa dge slong badzra shrIs kyang cung zad bcos shing dag par bgyis so//de yis mtshon pa dge tshogs bdud rtsi'i 'od ldan pa/ /dpag yas phan pa de'i 'od dkar brgyad ldan pas/ /lus can snying la gnas pa'i mun bsal zhing / /thub bstan ku mud bzhad pa'i gnyen gyur cig/ //