| བོད་ཡིག |
39a3 shes rab kyi snang ba'i sgrub thabs kyi cho ga'o//[ ]@##/ /rgya gar skad du/ badzra bA rA hI ba sh+ya bi d+hiH bod skad du/ rdo rje phag mo la phyag 'tshal lo/ /sems can dbang du byas nas 'phags pa'i bden pa bzhi la 'jug pa rnams la dbang
39a4 du bya ba'i cho ga bshad par bya ba'o//de ni sngon bshad pa'i rim pas bcom ldan 'das ma yongs su rdzogs par bya ba las/ gzhan yang sa bon dang phyag mtshan dmar po yongs su gyur pa las sgu mdog dmar mor rnam par bsgoms shing legs par mchod de/ mi bskyod rdo rje zhes
39a5 bya ba la sogs pa'i tshigs su bcad pas bstod pa yang byas la/de kho na nyid gsum las nges par grub pa'i thod pa kha sbub pa gsum gyi steng du yi ge A dmar po las byung ba'i pad+ma'i snod kyi steng du dam tshig bcu dang / dbyangs bcu drug dang / ka la sogs pa'i gsal byed
39a6 sum cu rtsa bzhis kyang byin gyis brlabs par bltas pa'o//'og tu yaM dang raM yongs su gyur pa las rlung dang / me'i dkyil 'khor gnyis kyis sbar zhing bskol te/ dam tshig rnams dang sa bon de dag gi 'od zer gyis kyang bskul ba'i de bzhin gshegs pa'i tshogs spyan drangs la de'i
39a7 nang du bstim mo//dbyangs yig dang po las byung ba'i zla ba'i dkyil 'khor gyi steng du yi ge hUM las byung zhing / des byin gyis brlabs shing zla ba la gnas pa'i rdo rje dkar po rtse lnga pa 'od zer gyi dra ba 'phro ba dang ldan pa'o/ /rdo rje 'dzin pa yang zla ba dang rdo rje la legs par bzhugs
39b1 par bya ba'o//ma smin pa dang yid gnyis la sogs pa'i skyon dag par byed pa de'i steng du yi ge oM bsgom par bya ste/ de'i 'od spros pas bdud rtsi'i sku mnga' ba'i de bzhin gshegs pa rnams dang / 'jig rten gyi khams sna tshogs na gnas pa'i bdud rtsi yang de la gzhug par bya ba'o/ /
39b2 rang sngags kyang rab tu gzhug par bya ba'o/ /ji lta ba bzhin du bdud rtsi grub pa mthong ba dang / de kho na nyid gsum gyis byin gyis brlabs la/ cho ga bzhin du bdud rtsi myang bar bya ste/ ji srid 'dod pa'i bar du rnam par bsgom par bya zhing / rang gi ming gi yi ge yongs su gyur pa las bsgrub
39b3 bya mdun du mngon du phyogs par bltas la/sngags kyi phreng ba de dag las kun nas byung ba'i 'od zer gyis de bkug la de la bstim par bya ba'o/ /de'i sems kyis a yongs su gyur pa las shin tu dmar ba'i zla ba'i dkyil 'khor la a bsgoms la/ sngags kyi phreng ba de dag las
39b4 nges par byung ba'i lha mo mdog dmar mo phyag g.yon pas yi ge d+hIHlas byung ba'i zhags pa bsnams pa/phyag g.yas pas ut+pa la dmar po'i rig pa dang mtshungs pa'i rdo rje lcags kyu dang ldan pa bsgrub bya'i mdun du blta ste/ rnal 'byor pas oM AHbyeHche ge mo'i sems
39b5 khug cig hUM dzaHbya ba 'dis de la bka' bsgo bar bya ba'o//de nas lha mo de cho ga bzhin du legs par zhugs te/ zhags pas legs par bzung zhing lcags kyus bskul bar gyur pas ji lta ba bzhin du legs par bkug nas rang gi sems la legs par bcug pa dang / lha mo yang sngags kyi
39b6 phreng ba la nang du thim par blta bar bya ba'o//de nas de skra zhig pa myos shing lus rang dbang med par dga' bar bya 'dod pas gcig tu mchog tu dbang du gyur par byas pas lag pa thal mo sbyar ba dang ldan pas ci bgyi ba nyid du sgrub pa po la mngon du phyogs par bya ba'o/ /rdo rje phag mo'i
sgrub thabs rdzogs so/