CLOSE WINDOW

D3295
བོད་ཡིག

/ //a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ badzra bA rA hI sA d+ha naM/ bod skad du/ rdo rje phag mo'i sgrub thabs/ rje btsun ma rdo rje phag mo la phyag 'tshal lo/ /blo dman 'jigs par mdzad la mkhas shing tshig ngan dag gi phyogs 'jigs pa//dug 'joms skye bo'i tshogs kyi rtse dgas brnyes par gyur pa'i thar pa yis/ /rang bzhin bde ba phun sum tshogs pa lha mo rdo rje phag mo ste/ /ko ka tat+tos bdud la 'di ni rab tu mdzes par bri bar bya/ de la thun phyed lhag pa'i mtshan mo cho ga bzhin du langs la/ dur khrod la sogs pa yid kyi rjes su mthun pa'i gnas 'ga' zhig tu tsan+dan dang bcas pa la sogs pas nye bar byugs shing / me tog gi bye brag sna tshogs pa rnams kyis nye bar mdzes par byas te/ dngos su ro'i stan nam ji lta ba bzhin du nye bar gnas la/byams pa la sogs la bsgom pa sngon du 'gro bas rang gi snying gar yi ge aM las byung ba'i nyi ma'i dkyil 'khor la yi ge hrIH dkar po'i 'od zer gyi dra bas rdo rje phag mos dbu drangs pa'i bla ma dang / rnal 'byor ma dang / de bzhin gshegs pa dang /byang chub sems dpa' rnams gnas ji lta ba bzhin rab tu gsal bar byas la/ yang snying ga'i sa bon las kun nas byung ba'i rab tu gtum pa'i mig can ma dang / 'od ldan ma dang / sna chen ma dang / dpa' bo'i blo gros ma dang / bong thung ma dang / lang ka'i dbang phyug ma dang /shing grib ma ste/ thugs kyi 'khor lo'i brgyad dang / sa skyong ma dang / 'jigs byed chen mo dang / rlung gi shugs can ma dang / chang 'thung ma dang / lha mo sngo ba sangs dang / shin tu bzang mo dang / rta rna ma dang / kha khwa'i zhal te/ gsung gi 'khor lo'i brgyad dang /'khor lo'i shugs dang / dum skyes ma dang / chang 'tshong ma dang / 'khor lo'i go cha ma dang / shin tu dpa' mo dang / stobs chen mo dang / 'khor lo'i go cha ma dang / brtson 'grus chen mo ste/ sku'i 'khor lo'i lha mo brgyad de/ kha dog mthing nag dang / dmar mo dang / dkar mo rnams dang / mi bskyod pa dang / snang ba mtha' yas dang / rnam par snang mdzad rnams dbu la bzhugs pa dang / spyan gsum phyag rgya lnga dang ldan zhing zla ba'i gdan dang / rdo rje dang / pad+ma dang / 'khor lo dang / thod pa'i phreng bas legs par bcings pas dbu'i zur phud gsum brgyan pa dang /gri gug dang / thod pa dang / kha T+wAM ga dang ldan zhing / mchod pas brel ba'i phyag lim log dang ldan par legs par bltas la/ mchod pa'i yon la sogs pa sngon du 'gro bas mchod cing phyag 'tshal ba dang / sdig pa bshags pa dang / phyin chad mi byed par legs par bsdoms pa dang bsod nams la rjes su yi rang ba dang /gsum la skyabs su 'gro ba dang / byang chub tu sems bskyed pa dang / lam la legs par brten pa dang / bdag nyid kyi dngos po yongs su gtang ba dang / gsol ba dang / skul ba rnams kyang cho ga bzhin du rnam par bsgrubs la/bsod nams kyang yongs su bsngos te/ stong pa nyid kyi ye shes bsgrub par bya ba las/ mgo thog tu thal mo legs par kha sbyar la/ tshigs su brjod pa'i dbyangs brjod pa sngon du 'gro bas de bzhin gshegs pa rnams la gsol ba gdab par bya ba'o//de la tshigs su bcad pa ni 'di yin te/ oM de bzhin gshegs kun gyis ni dbang bskur bas/ /sems can thams cad la ni dngos grub kun/ /phun tshogs 'gyur bas de bzhin gshegs pa ni/ /thams cad kyis kyang byin gyis brlab tu gsol/ /oM chos sku rang bzhin dag pa ni//bdag gi rang bzhin dag pa yin/ /zhes bya ba'o/ /de'i rjes thogs la mchod par bya ba dang / mchod pa dang / mchod pa po rnams dang / chos thams cad kyang stong pa nyid dang / mtshan ma med pa dang / smon pa med pa'i rnam pas rmi lam gyi rkyen bzhin du ste/so so rang gis rig par bya bar lhag par mos par byas la/ snying ga'i sngags kyi 'od zer sbar ba'i 'bar bas/ kun nas snang ba med par byas te/ oM stong pa nyid kyi ye shes kyi rdo rje'i rang bzhin gyi bdag nyid ni nga yin no zhes bya ba'i nga rgyal 'di bskyed do/ / de nas rang gi sems yi ge paM dmar po'i ngo bor gyur par yongs su grub pa'o/ /de yongs su gyur pa las pad+ma dmar po'i steng du yi ge aM las byung ba'i nyi ma'i dkyil 'khor la yi ge hUM dkar po las nyi ma'o/ /nyi ma la gnas pa'i rdo rje rtse lnga pa 'od zer dang ldan pa/ yi ge hrIH dkar pos byin gyis brlabs pa/spro ba dang bsdu ba sngon du 'gro bas bsgom par bya ba'o/ /de dag yongs su gyur pas lo bcu drug ma'i skur gyur pa'i/ ston ka'i zla ba ltar dkar ba/ spyan gsum dmar la zlum pa/ zhal mche ba cung zad rnam par gtsigs pa/dbu skra lhug pa me tog sna tshogs kyis mdzes par byas shing / phyed bcings pas kyang rnam par mdzes pa/ rdo rje nag po'i phreng ba gnyis kyi bar du bcug pa'i thod pa'i phreng bas bcings pa'i zur phud gsum ma/ 'khor lo dang / rna gdub dang / mgul rgyan dang /smad kas brgyan pa/ rnam par dag pa'i ba dan rtse gsum pa mchog tu 'bar ba phyag g.yas pa bskyod pa na gnas pa dang / sngar bshad pa'i rdo rjes ye shes kyi skyes bu 'jigs pa rjes su bsgrub par mdzad pa/ phyag g.yon pas ni 'og rtse gcig pa la steng nag po rtse lnga pa'i dbyug pa dkar po dang rjes su 'grogs pa'i skam po 'dzag pa dang /bcas pa'i mgo bo dang / sna tshogs rdo rje dang / gser gyi bum pa'i zhabs nas dang 'brel ba'i dril bu chung ngu sgra 'khrol ba dang ldan pa/ ba dan khra bo rnam par mdzes pa'i dbyu gu dpung pa la kha twAM ga dang /dkris pa dang / bdud bzhi'i khrag dang zhag gis legs par gang ba'i pad+ma'i snod bsnams par mdzad pa'o/ /'dzag pa dang ldan pa'i rgyu mas brgyus pa'i mgo bo khrag 'dzag par gyur pa lnga bcu'i phreng ba rab tu 'phyang ba/ pad+ma dmar po'i steng na nyi ma la gnas pa'i ye shes kyi skyes bu ma/g.yon bskum pa'i zhabs kyis bzhugs pa/ gos med par rab tu gdug pa'i nyi ma'i 'od dang ldan pa/ ba spu'i tshogs rnams las 'od zer spro bar mdzad ma/ gzugs rgyan dang mtshungs par gyur pa/ sgeg pa la sogs pa'i nyams dang ldan pa/ sna tshogs pa'i sprul pa sna tshogs kyis phyogs bcur skye dgu rnams kyi don ched cher mdzad pa/nyi ma la gnas pa'i yi ge hrIH byin gyis brlabs pa'i nyi ma la gnas pa'i rdo rje dang / thugs ka na ldan pa'i rdo rje phag mor bdag nyid bsgom par bya ba'o/ /de nas snying ga'i sa bon gyi 'od zer gyi dra bas sems can thams cad sku de dang ldan par nges par bsgrubs la/bdag nyid la legs par bcug ste/ nga rang kho na bcom ldan 'das ma rdo rje phag mo yin no zhes nga rgyal bskyed par bya ba'o/ /de'i rjes la rang gi lte bar sna tshogs pad+ma la 'od zer dkar po dang ldan pa'i nyi ma'i dkyil 'khor du yi ge hrIH dkar po bltas la/der sngags kyi phreng ba bgrang ba'i phreng ba'i rnam par te/ dkar po 'khor lo 'khor ba'i sbyor bas kha'i sgo nas nges par byung nas/ sangs rgyas kyi yon tan gyi tshogs dang / nor bu dang / sngags dang / sman dang / zla ba dang / skar ma dang / yi ge dang /bstan bcos dang / rig pa la sogs pa rnams kyi gzi brjid kun nas blangs te/ lte ba'i bu gar legs par zhugs pas bdag dang gzhan gyi gti mug thams cad skrag par byed pa'i bdag nyid can du bsgom par bya ba'o/ /de nas snying ga'i sa bon gyi 'od zer gyis bskul bas nam mkha' la gnas pa'i ye shes kyi lha mo mdun du bltas la//sngar brjod pa'i lha mo'i tshogs kyis mchod yon la sogs pa sngon du brdar bas mchod cing / /yi ge pheM gyi sngags brjod pa sngon du 'gro bas/ 'bar ba'i phyag rgya bcings te/ dpral bar g.yon skor du bskor bas de spyan drangs par bya ba'o//de dang cig tu gyur pas sngags kyi nga rgyal bskyed par bya ba'o/ /de la sngags ni 'di yin te/ oM rnal 'byor ba dag pas chos thams cad kyi rnal 'byor dag pa ni nga yin no/ /snying ga'i sa bon des yang dag par bskul bar gyur pas/ nam mkha' la gnas pa'i mi bskyod pa la sogs pa'i de bzhin gshegs pa rnams spyan drangs te/de dag gis de bzhin gshegs pa lnga'i bdag nyid kyi bdud rtsi lngas gang ba'i bum pa bsnams shing / de rgyu mtshan gyi rnga sgra dang / dung dang / rdza rnga dang / 'khar rnga dang / pi wang dang / gling bu dang / glu dbyangs sna tshogs pa rnams dang / lha dang lha ma yin rnams kyis kyang rgyal bar gyur cig/ /rgyal bar gyur cig ces ched cher byed pa dang / gur gum dang / ga bur dang / gla rtsi dang / me tog dri zhim po'i char rab tu 'bebs pas kyang / ji ltar bltams pa tsam gyis ni//de bzhin gshegs kun khrus mdzad pa/ /lha yi chu ni dag pa yis/ /de bzhin bdag kyang khrus bgyi'o/ /bya ba'i tshigs su bcad pa brjod pas bdag nyid la dbang bskur ro/ /oM de bzhin gshegs pa thams cad kyis dbang bskur ba'i dam tshig gi dpal gyi hUM bya ba 'dis byin gyis kyang brlab par bya ba'o//de dag las sna tshogs pad+ma dang nyi ma la gnas pa'i mi bskyod pas mgo la byin gyis brlabs par bsam par bya ba'o/ /de nas de'i rgyu mtshan du rab tu gtum pa'i mig can la sogs pa'i lha mo rnams kyis de'i rgyu mtshan gyis mchod pa rnam pa sna tshogs pas bdag nyid la mngon par mchod pa dang /'chad par 'gyur ba'i rim pas bdud rtsi myang ba yang bya ste/ spro ba dang bsdu pa sngon du 'gro ba can gyis ji srid kyi bar du bsgom par bya ba'o/ /myur ba la sogs pa'i skyon dang bral bas sngags bzlas par bya ba'o/ / de la sngags ni 'di yin te/ hrIH/ gang gi tshe langs par 'dod pa de'i tshe sngags kyi phreng ba lte ba la gnas pa'i yi ge hrIH nang du bsdus la/ mchod pa sngon du btang bas smon lam rnam par dag pa btab cing / bsod nams kyang yongs su bsngos te/ yi ge brgya pa yang lan bdun brjod la/ lha mo'i nga rgyal kun du khyer bas chos rnams thams cad kyang de'i gzugs dang ldan par blta bar gyur pas ji ltar bde ba'i spyod lam bya ba'o/ /de la yi ge brgya pa'i sngags ni 'di yin te/ oM AH oM badzra satwa sa ma ya/ ma nu pA la ya/ badzra satwa twe no pa tiSh+Tha/ dr-i D+ho me b+ha ba/ su to Sh+yo me b+ha ba/su po Sh+yo me b+ha ba/ a nu rak+to me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre aM ku ru hUM/ ha ha ha ha hoH b+ha ga bAn/ sarba ta thA ga ta badzra mA me muny+tsa badzrI b+ha ba ma hA sa ma ya satwa AH hUM zhes bya ba'o/ /thun tshod gzhan la yang skad cig gis lha mo'i rnam pa sngon du byas la/mchod pa la sogs pa sngon du btang bas ji srid 'dod kyi bar du rnam par bsgoms shing / sngar bzhin sngags kyang bzlas te/ sngar gyi bzhin du thams cad bya ba'o/ /nam phyed kyi thun la yang thams cad sngar bzhin du byas la/ nyal ba'i dus su mgo'i phyogs su bla ma dang /sangs rgyas dang / byang chub sems dpa' rnams bltas te legs par mchod cing / yan lag brgyad gtugs pas phyag 'tshal ba'i bsam pas seng ge'i nyal stangs kyis nyal bar bya ba'o/ /de nas nam mkha' 'byung ba'i tshod la ni lha mo langs par gyur pas sngar bzhin du thams cad bya ba'o//gang yang rim pa bzhin du sa phyogs 'ga' zhig tu sems dpa'i skyil krung gis bde ba'i stan la nye bar gnas la/ sems can rnams thams cad la yang snying rjes dmigs te/ sdig pa bshags pa nas brtsams nas/ ji srid du byang chub tu sems bskyed pa yang sngon du btang bas yi ge AH yongs su gyur pa las rang nyid kyi lce pad+ma'i 'dab ma'i rnam pa la/yi ge hrIH'i rnam pa 'bar bas shin tu gsal bar gyur pa ji srid 'dod kyi bar du bsgom zhing brtan par yang byas te/ brgya phrag phyed kyi ri lu'i phreng ba'i bgrang phreng gi thun tshod gsum mam/thun tshod bzhir yang rung ste/ rnal 'byor pas bzlas par bya ba'o/ /legs par nyal ba yang sngar gyi cho gas nyal bar bya ba'o/ /de ltar bzlas pa dang / bsgom pa'i bdag nyid can cho ga bzhin du rjes su gnang ba thob pa/ 'jig rten gyi chos brgyad las rnam par grol ba dad pa dang ldan zhing dam tshig dang sdom pa la gnas pa/snying rje dang ldan zhing dge ba'i bshes gnyen mnyes par byed pa la/ ched cher 'dzin pa'i rnal 'byor pas ni 'bum phrag bdun bzlas pas bzo dang rig pa dang / bstan bcos thams cad la mkhas par 'gyur ro/ / yid gzhungs pa dang / dpa' ba dang / 'jigs pa med pa 'khor rnams kyis zil gyis mi non pa dang / rtsod pa por yang 'gyur ro/ /tsha ba dang bad kan dang / dug dang / mkha' 'gro ma la sogs pa rnams kyis kyang nye bar 'tshe bar mi 'gyur ro/ /gang dag zos pa dag kyang bdud rtsir 'gyur ro//sngags 'di'i bzlas pa grub par gyur pa na/ sngags des bsngags pa'i thod lo kor gang gi lag tu byin par gyur pa de lkugs pa yin yang snyan dang gas mkhan du 'gyur ro/ /de'i dri tsam gyis gang dag klu la sogs pa rnams nye bar yang mi 'gyur ro/ / nye bar 'tshe ba 'di dag gis nye bar 'tshe bar byed pa 'khor rnams dang / gzhan dag dang thams cad kyang nye bar phan 'dogs pa'i nus pa dang ldan par 'gyur ro/ /mang du smras la ci bya/ bstan bcos la dka' ba ma spyad cing / sems rnam par g.yeng ba dang bcas pa'i blo gros blun po dag gis kyang /sngags 'di 'bum phrag gnyis bzlas pas/ shes rab kyi snang ba'i sgrub thabs 'di byas pa yin na/ gang yang sems brtan pa dang ldan zhing bshad ma thag gi yon tan dang ldan par gyur pa de dag la dngos grub ches myur ba nyid du 'gyur ro/ /