33b1 / //a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ he ru ka sA d+ha naM/ bod skad du/ he ru ka'i sgrub thabs/ dur khrod brgyad kyi dbus gnas pa'i/ /dogs bral dga' ba'i yid ldan pas/ /
33b2 thabs dang shes rab cho ga yis/ /nyi ma zla ba'i sbyor ldan pas/ /a tshan ka tshan sbyor ba las/ /nyi ma'i dkyil 'khor bsgom par bya/ /de la hUM yig las byung ba'i/ /rdo rje rtse mo legs ldan pas/ /mi lpags gtsang ma mnabs pa yis/ /skyil krung phyed pas ro la bzhugs/ /
33b3 thal ba'i rdul gyis lus byugs shing / /'phro ba'i rdo rje g.yas na ste/ /bskyod pa'i ba dan kha T+wAMg /khrag gi thod pa g.yon na'o/ /brgya phyed mgo bo'i phreng ba yis/ /yid 'phrog pa yi do shal byas/ /zhal gyi mche ba cung zad gtsigs/ /spyan mig dmar po
33b4 bgegs ldan pa//skra ser gyen 'phyur mi bskyod pa/ /dbu rgyan rna ba'i gdub skor ldan/ /rus pa'i rgyan rnams mdzes pa dang / /dbu la thod pa dang ldan pa'i/ /sangs rgyas nyid ni sbyin mdzad bsgom/ /skye dgu bdud rnams zlog mdzad yin/ /sngags ni oM hUM phaT swA hA zhes
bya ba'o/