30b3 gshin rje gshed nag po'i sgrub thabs rdzogs so// //paN+Di ta a b+ha ya'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ ya mAn+ta ka sA d+ha naM/ bod skad du/ gshin rje mthar mdzad kyi sgrub
30b4 thabs/gshin rje mthar mdzad la phyag 'tshal lo/ /dpa' bo thod pa'i phreng ba can/ /klu sogs kyis brgyan bzhin bsgyur ba'o/ /gshin rje mthar mdzad mgon btung nas/ /de yi sgrub thabs bri bar bya/ /bde ba'i stan la legs gnas la/ /snying gar hUM dbyibs mthing
30b5 nag dgod//de byung mchod pa'i khyad par gyis/ /rje bo mdun du legs par mchod/ /de yi sngon phyogs yul du ni/ /sdig bshags la sogs rnams byas la/ /'gro kun rang bzhin med par ni/ /thams cad nas blta skad cig gis/ /sa bon snying bskyed phyag mtshan las/ /
30b6 byung ba pad+mar brkyang bskum zhabs/ /khro gnyer bsnyer ba'i 'jigs pa'i zhal/ /smar smin ser po gyen la skyes/ /zhal gsum ljags ni 'dril bar mdzad/ /'jigs pa'i mche ba rnam par gtsigs/ /spyan mig dmar zhing gsus pa che/ /mthing nag gzhon nu'i stug po'i 'od/ /
30b7 nyi ma'i dkyil 'khor la bzhugs shing / /mgo rus kyis ni rnam par brgyan/ /bong thung stag lpags sham thabs can/ /dregs pa thams cad 'joms par mdzad/ /gzi brjid chen po nyi 'od can/ /phyogs rnams ma lus rgyas par mdzad/ /'bar zhing 'bar ba'i phreng gdug pa/ /
31a1 dus mtha'i me dang mtshungs par 'bar/ /'khor lo ral gri dbyug to 'bar/ /chu gri mdung dang zhags pa dang / /rnam gsal bskor ba'i lha rdzas drug/ /g.yas dang g.yon gyi phyag na bsnams/ /'jigs pa'i gzugs ldan shin tu drag/ /bdud rnams 'joms
31a2 mdzad gshin rje gshed//hUM sgras gre ba rgyas par ni/ /'jigs rnams spangs la bsgom par bya/ /nyi shu phyed dang stong phrag gis/ /sngags rnams rtag par sngags rig pas/ /sems ma yengs par bzlas na ni/ /'dir brjod dngos grub 'thob par 'gyur/ /sngon 'gro
31a3 chogs kyang 'dir ni//sngags pa rnams kyis sngags 'grub 'gyur/ /las rjes mthun par mdog brjod de/ /shin tu rgyas par 'dir ma brjod/ /bsam pa'i 'dod pa de yang ni/ /bla ma'i gdams ngag las grub 'gyur/ /mkhas pas brtson par shes bya ba/ /btsong bya dang
31a4 gzhan bsten par bya//gtor ma bya ba'i sbyor ldan pas/ /thun tshod bzhir ni 'bad de bya/ /bzlas pa'i sngags ni/ oM hrIH Sh+T+r-iH bi kr-i tA na na hUM hUM phaT phaT swA hA/ gshin rje mthar mdzad kyi sgrub thabs rdzogs so// //mkhas pa a b+ha ya las dge slong tshul khrims rgyal
mtshan gyis bsgyur ba'o/