29a2 a b+ha ya'i zhal snga nas dge slong tshul khrims rgyal mtshan gyis bsgyur ba'o/ /[ ]@##/ /rgya gar skad du/ kr-iSh+Na ya mA ri swA d+ha naM/ bod skad du/ gshin rje gshed nag po'i sgrub thabs/ gang gi thugs rdo rje'i dbang gis nang na dgyes pa nyid yin yang / /ma rungs gdul
29a3 bya'i skye bo rnams la drag por yang dag ston//sna tshogs nyer phan tshun gyis gshin rje gshed yod kyang / /gar mdzad pa yi sku de bdag gis rab tu dgod par bya/ /dang por sgrub pa po yi mchog des bde 'byung stan gnas la/ /bsam gtan gnas khang dri zhim dri yis yid
29a4 ni dgar gyur par//bsgom par bya ste mnyam gzhag yid kyis rang gi snying gar ni/ 'od zer gtum po'i gzugs kyi dkyil 'khor dmar po gzi ldan pa'o/ /de steng gnas pa'i hUM yig mdog sngon 'od zer dang ldan pa'i/ /'od zer brgya byung gshin rje gshed la sogs pa rnams la
29a5 ni//yid kyis sprul pa'i me tog bdug pa mar me la sogs pa/ /rnam pa mang pos legs par mchod bya gus pas phyag kyang btsal/ /sngon byas pa yi sdig pa bshags pa la sogs byas pas ni/ /stong par 'jig rten ma lus rab tu brtson par sngon bya ba/ /oM/ stong pa nyid la
29a6 sogs pa'i gsang sngags tshig mchog rnams kyis bya//bdag nyid ngo bo gus pa nyid kyis yongs su bsgom bya ba/ /bdug pa'i 'od zer gzi brjid dang ldan dkyil 'khor dmar gnas pa'i/ /hUM yig sngon po'i gzugs las rdo rjes mtshan pa'i dbyug sngon te/ /dbyug pa la gnas
29a7 hUM gzugs mchog las 'od zer dra ba rnams//'phros pas legs bskul ma lus rgyal ba spyan drangs rab bcug par/ /bltas la de dag nyid ni ma lus yongs su gyur pa las ni phyis/ /bdag nyid myur bar gshin rje gshed skur yongs su bsgom bya ba/ /mthing nag sku ste khro ba
29b1 dang ldan zhal gcig phyag gnyis pa//phyag g.yas na ni rdo rjes mtshan pa'i dbyug to sngon po ste/ /sdigs mdzub zhags pa dang ldan g.yon pa'i phyag ni thugs kar ro/ /sma ra smin ser 'bar bar gyur pa'i zhal gyi pad+ma'o/ /stag dang dzi na'i pags pa gsang ba'i phyogs su legs par bsnams/ /
29b2 kha nang rnam par 'gyur ba'i ro dang ldan par gyur pa'i sprul/ /'dab sna tshogs pa'i pad+ma dam pa'i steng na nyi ma yi/ /gdan la legs gnas ma hi R+Sha gtum rab tu brtson gnon pa'i/ /grod 'jol zhal sgyur mche ba rnam par gtsigs pa'i bong thung ngo / /nyi ma'i dkyil 'khor gdan bzhugs
29b3 sgyur bar mdzad pa'i spyan gnyis pa//khros pa'i klu brgyad dag gis spras pa'i rgyan ldan thod phreng gis/ /ser zhing sdug pa'i dbu skra spor ba'i 'khor lo legs par bcings/ /mi mgo las byas dam pa'i tshad ldan do shal 'chang ba can/ /ha ha cher dgod nyams kyis bdud dpung kun nas skrag
29b4 par mdzad//phyi nas bcom ldan thugs kar gnas pa'i nyi ma la gnas par/ /hUM dbyibs 'od kyis sna tshogs kun nas gsal byas rnam par bsam/ /de la legs gzhug dus mi ring bar yang ni spro bar bya/ /rim 'dis spro dang bsdu ba ji srid 'dod kyi bar byas la/ /yang na dam
29b5 tshig sngon du 'gro ba nyid kyis thams cad kyang //thun tshod bzhi ni 'di dag ma lus rnam par bsgom par bya/ /ngal na ji ltar brjod pa'i sngags ni rab tu bzlas par bya/ /bcom ldan gshin rje gshed kyi sgrub thabs yang mo byams pa'i dpal/ /bdag gis byas pa'i bsod nams grangs med
29b6 'dir ni gang skyes pa//des ni 'jig rten ma lus bcom ldan gshin rje gshed skur shog /bdag kyang ring min nyid nas gshin rje gshed du 'gyur bar shog/ /de la gsang sngags rgyal po ni 'di yin te/ oM hrIHSh+T-iHbi kr-i tA na na hUM hUM phaT phaT swA hA/ gshin rje gshed nag po'i
sgrub thabs so/