28b2 /[ ]@##/ /rgya gar skad du/ kr-i Sh+Na ya mA ri sA d+ha naM/ bod skad du/ gshin rje gshed nag po'i sgrub thabs/ dang po re zhig bde ba'i stan la nye bar gnas par gyur ba'i sgrub pa pos yi ge aM dmar po las nges par grub pa'i nyi ma'i dkyil
28b3 'khor rang gi snying la rnam par bsgoms la/de'i steng du yi ge hUM mthing nag rnam par bkod de/ hUM gi 'od zer gyis gshin rje mthar byed la sogs pa'i bla ma dang / sangs rgyas dang / byang chub sems dpa' rnams dmigs la/ me tog la sogs pas yang dag par mchod cing
28b4 phyag kyang 'tshal la/gsum la skyabs su 'gro ba la sogs pa rnams byas te stong pa nyid bsgom par bya bas na/ oM stong pa nyid ye shes kyi rdo rje'i bdag nyid kyi rang bzhin ni nga yin no bar ro/ /de'i rjes la yi ge oM dmar po las byung ba'i nyi ma'i dkyil 'khor gyi steng du yi ge
28b5 hUM ngo //de yongs su gyur pa las rdo rjes mtshan pa'i dbyug to sngon po yi ge hUM legs par gnas pa rnam par bsgom par byas la/ /yi ge hUM gi 'od zer gyis bskul ba'i de bzhin gshegs pa thams cad bzhugs pa sngon du 'gro ba can gyis de dag thams cad yongs su gyur pa las
28b6 brkyang bskum gyis gyur pa'i gshin rje gshed spro ba dang bsdu ba'i gzugs kyis pad+ma 'dab ma brgyad sna tshogs pa'i steng na nyi ma la bzhugs nas ma hi R+Sha la bcibs pa bsgom par bya ba'o//de nas bcom ldan 'das kyi thugs kar nyi ma'i dkyil 'khor la yi ge hUM yongs su gyur pa
28b7 las hUM gis byin gyis brlabs pa'i dbyug to sngon po ste/yi ge hUM las kun nas byung ba'i 'od zer gyis skye dgu rnams kun du snang bar byas nas slar yang de nyid la legs par gzhug go/ /rim pa de lta bu dag gis ji srid 'dod kyi bar du spro ba dang bsdu bar yang bya ba'o/ /dam
29a1 tshig la sogs pa cho ga bzhin du byas pa sngon du 'gro bas thun tshod gnyis sam gsum mas bzhir de ltar bsgom par bya ba'o//oM hrIHSh+T+r-iHbi kr-i tAn na hUM hUM phaT phaT swA hA/ zhes bya ba'i sngags 'di bzla bar bya ba'o/ /gshin rje gshed nag po'i sgrub thabs so// //