27b4 sngags ni/ oM sum+b+ha ni sum+b+ha hUM/ zhes bya ba'o/ /rta mchog gi sgrub thabs so// //mkhas pa a b+hA ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ AR+Ya rak+ta ya mA ri sA d+ha naM/ bod skad du/ 'phags pa gshin rje gshed dmar
27b5 po'i sgrub thabs/gshin rje'i mgor bzhugs pa la phyag 'tshal lo/ /dang por re zhig sngags pas bde ba'i stan la nye bar gnas te/ sgrub pa pos rang gi snying gar yi ge aM dmar po las nges par grub pa'i nyi ma'i dkyil 'khor rnam par bsgom par bya ba'o/ /de'i steng du
27b6 yi ge hUM dmar po rnam par bkod pas gshin rje gshed dmar po dang /bla ma dang sangs rgyas dang byang chub sems dpa' rnams mdun du dmigs la/ me tog la sogs pas legs par mchod cing phyag kyang 'tshal zhing gsum la skyabs su 'gro ba la sogs pa byas la stong pa nyid
27b7 bsgom par bya ste/oM stong pa nyid kyi ye shes kyi rdo rje'i rang bzhin gyi bdag nyid ni nga yin no bar ro/ /de'i rjes la yi ge aM dmar po las skyes pa'i nyi ma'i dkyil 'khor gyi steng du yi ge hUM ngo / /de yongs su gyur pa las 'dzag pa dang ldan pa'i mgo bos mtshan pa'i
28a1 dbyug to dkar po yi ge hUM gis byin gyis brlabs pa rnam par bsgom par bya ba'o//de dag rnams thams cad yongs su gyur pa las bdag nyid gshin rje gshed du rnam par bsam par bya ste/ sku mdog dmar po g.yas bskum pa'i zhabs kyis gnas pa/ zhal gcig pa phyag
28a2 gnyis pa'o//phyag g.yon pa na khrag gis yongs su gang bar gyur pa'i thod pa ste/ phyag g.yas pas ni mgo bos mtshan pa'i dbyug to bsnams pa'o/ /sbrul gyi rgyan gyis brgyan pa 'jigs su rung ba/ dbu skra kham ser gyen du 'khyil ba 'dzag par gyur pa'i stag gi pags pa'i
28a3 sham thabs dang ldan pa//rang ltar snang ba'i shes rab ma rnam pa sna tshogs pa'i rgyan dang ldan pa/ brkyang bskum gyi zhabs kyis gnas pa la 'khyud pa'i bdag nyid du bsgom par bya ba'o/ /phyi nas bcom ldan 'das kyi thugs kar nyi ma'i dkyil 'khor la yi ge hUM gis byin gyis
28a4 brlabs pa ste/de yongs su gyur pa las 'dzag par gyur pa'i mgo bos mtshan pa'i dbyug to dkar pos mi g.yo bar rnam par bsgoms la/ de'i dbus su nyi ma'i dkyil 'khor dmar po la gnas pa'i yi ge hUM kha dog dmar po rnam par bsgom par bya ba'o/ /de nas gsang bar
28a5 rdo rje dang yi ge hUM yongs su gyur pa las bcom ldan 'das kyi gsang bar pad+ma 'dab ma brgyad pa la yi ge AH dmar po'o//de'i rjes la sngags brjod par bya ste/ oM de bzhin gshegs pa rnams thams cad kyi rjes su chags pa'i rdo rje'i rang bzhin gyi bdag nyid ni nga yin no/ /de'i rjes
28a6 la lte ba'i lkog tu cung zad dmar ba'i pad+ma 'dab ma brgyad pa'i steng du yi ge hUMH dmar po 'bar bar gyur par bsam par bya ba'o//shes rab ma ni rgyags pas myos pa 'od 'dzag par dang ldan pa zhal gcig phyag gnyis ma bcom ldan 'das dang lhan cig mnyam par sbyar ba'i sbyor bas
28a7 kun nas gnas pa'o//de lta bur gyur pa'i gshin rje gshed dmar po ma hi R+Sha'i steng na sna tshogs pad+ma la bzhugs par bsgom par bya ba'o/ /de ltar dam tshig la sogs pa rnams cho ga bzhin du 'gro bas thun tshod gnyis sam gsum mam bzhir bsgom par bya ba'o/ /oM AM drIM kham hUM ni
28b1 dam tshig byin gyis rlob pa'i sngags so//oM hrIH bi kr-i tA na na hUM hUM phaT phaT swA hA/ rtsa ba'i sngags so/ /oM ya mA n+ta ka hUM/ snying po'i sngags so/ /'phags pa gshin rje gshed dmar po'i sgrub thabs rdzogs so// //paN+Di ta a b+ha ya'i zhal snga nas dge slong tshul
khrims rgyal mtshan gyis bsgyur ba'o/