27a6 /[ ]@##/ /rgya gar skad du/ bar ma'i shwa sA d+ha naM/ bod skad du/ rta mchog gi sgrub thabs so/ de kho na bzhin du nyi ma dang yi ge hUM mthing nag las byung ba'i rta mchog dmar po zhal bzhi phyag brgyad pa/ zhabs bzhi pa ste/ zhal dang po
27a7 ni khro bo'i sgeg bag dang ldan pa'i spyan gsum pa'o//g.yas pa ni drag dang ldan pa'o/ /g.yon pa ni tshangs pa'i zhal lo/ /spyi bo na ni 'gying bag dang ldan zhing so tshigs kyi ma ko bsdams pa'i rta'i zhal ljang gu'o/ /g.yas pa'i phyag gcig gis ni sna tshogs rdo rje dang bcas pas
27b1 ba dan rtse gsum pa bsnams nas bslang ba'i stang stabs mdzad pa'o//g.yon pa'i phyag bsnyal ba gcig gis ni sna tshogs pad+ma bsnams par mdzad pa'o/ /yang g.yas pas ba dan rtse gsum pa'i rnam par bslang ba'i stang stabs mdzad pa'o/ /yang phyag g.yon pas 'khor lo bsnams pa'o/ /
27b2 yang phyag g.yas pa gnyis kyis ni ral gri dang mda'o/ /g.yon pa'i phyag lhag ma gnyis kyis ni dbyug to dang gzhu bsnams pa'o/ /zhabs g.yas pa brkyang bskum du mdzad pa gcig gis ni dbang mo dang dpal mo mnan nas gnas pa'o/ /g.yas kyi zhabs gnyis pas ni dga' ma dang
27b3 sdug ma'o//g.yon pa'i zhabs dang po gcig gis ni dbang po dang mngar byed kyang ngo / /g.yon pa'i zhabs gnyis pas ni rgyal byed dang gnas ldan yang ngo / /de ltar bdag nyid bsgom par bya ba yin no/ /phyag rgya ni sna tshogs rdo rje dang / ba dan rtse gsum pa slong ba ni rta mchog gi phyag rgya'o/ /