24b1 / //dA las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ shrI dzam+b+ha la sA d+ha naM/ bod skad du/ dpal dzam+b+ha la'i sgrub thabs/ lhag ma ma lus pa'i phun sum tshogs pa sbyin par mdzad pa'i dpal dzam+b+ha
24b2 la la phyag 'tshal lo//dang por re zhig dngos po rnams thams cad dang rang nyid kyi lus kyang stong pa nyid du rnam par bsgoms la/ de'i rjes thogs su thabs dang shes rab kyi rang bzhin du gyur pa'i zla ba'i dkyil 'khor cung zad dmar ba ste de kho na nyid gnod sbyin gyi shing rta gru gsum yin zhing pad+ma
24b3 'dab ma brgyad pa'i rdzing bu'o//de'i dbus su yi ge baM las nor rgyun ma ste/ kha dog ser mo 'bras kyi snye ma mdzes pa'i grungs pa phyag na bsnams pa dang mchog sbyin par mdzad pa/ rgyan thams cad kyis brgyan cing gnod sbyin mo brgyad kyis yongs su bskor ba la 'di lta ste/ bzang mo dang
24b4 shin tu bzang mo dang /sbed ma dang / legs par sbed ma dang / lha mo dang / dbyangs can ma dang / 'phags ma dang / zla ba dga' ma rnams kyis te/ de dag rnams kyis yongs su bskor ba'i lha mo yin no/ /de'i b+ha ga'i dbus su yi ge dzaM las bdag nyid dpal mgon po dzam+b+ha la ste/
24b5 sku mdog ser po ut+pal sngon po'i phreng bas brgyan pa/ dbu rgyan la sangs rgyas lnga bzhugs pa/ phyag g.yas pas sa bon gyi shing thog g.yon pas ne'u le bsnams pa/ de bzhin gshegs pa lngas kyang rin po che la sogs pa'i char rab tu 'bebs par mdzad pa dang / zhabs gnyis
24b6 kyis dung gi kha rgyan can dang pad+ma'i kha rgyan can gyi gter chen po las kyang rin po che la sogs pa'i char rab tu 'bab par 'gyur bar rang gi khyim gyi sa phyogs su legs par bsam par bya ba'o//nor rgyun ma dang 'khril ba'i byang chub kyi sems rnam par 'thor ba las yang dag par byung ba'i rin po
24b7 che'i phung pos nam mkha' ma lus pa khyab par gyur par rnam par bsgom par bya ba'o//mgrin pa'i dus na ni gang ba bzang po kha dog mthing nag shar gyi phyogs su'o/ /rnam thos kha dog ser po ni lho phyogs su'o/ /nor sbyin kha dog dmar po ni nub phyogs su'o/ /nor bu bzang po
25a1 kha dog ser po ni byang phyogs su'o//me mtshams su rnam par bkra ba'i rna gdub can kha dog dmar po'o/ /bden bral du ni phreng ba can mthing nag go/ /rlung du ni dbang po'i mchog kha dog ser po'o/ /dbang ldan du ni kha'i dbang phyug ser po'o/ /de dag rnams thams cad kyang
25a2 gnod sbyin mo'i b+ha ga la gnas pa ste/rin po che'i char rab tu 'bebs par gyur pas dzam+b+ha la dang 'dra bar bsgom par bya ba yin no/ /shar gyi sgor ni nor sbyin gcer bu spa ba 'phyang bar gyur pa rin po che'i char 'bebs par byed pa'o/ /lho'i sgor ni pad+ma dang pad+ma chen po gnyis so/ /nub kyi sgor ni
25a3 bzhad gad pa dang bzhad gad chen po gnyis so//byang gi sgor ni gang ba dang legs par gang ba gnyis te/ de dag rnams kyang gcer bu sba ba 'phyang ba'o/ /mgon po dzam+b+ha la dang rjes su mthun pas sngags kyis yi ge dgod pa la sogs pa bya ste/ oM ni mtshog mar ro/ /dzaM ni khar ro/ /
25a4 b+ha dang la ni dpung pa gnyis la'o/ /dza ni snying la'o/ /len ni lte bar ro/ /drA dang ya ni brla gnyis la'o/ /swA dang hA ni pus mo gnyis la'o/ /nor bu bzang po spyi bor gnas/ /mig gnyis la ni rnam thos so/ /de bzhin kha dbang kha legs gnas/ /nu ma'i bar du gang ba bzang / /
25a5 gnod sbyin nor sbyin lte bar ro/ /bzhad gad phreng ldan brla gnyis la/ /rnam bkra rna gdub rkang gnyis la/ /dbang mchog yan lag kun la dgod/ /mgon po dzam+b+ha la rang gi bdag nyid kho na bsgom pa'i yi ge bzang po rnams dgod pa ni oM ni spyi bor ro/ /dz+luM ni dpral bar ro/ /ts+luM rna ba
25a6 gnyis la'o//sa mgo bo'i ltag par dgod par bya ba'o/ /lha dang yi ge rnams kyi lag pa'i yang dbang po rnams la bshad par bya ste/ /oM ni lag mgul du'o/ /dz+luM ni lag pa'i mthil du'o/ /ts+luM ni sor mo thams cad kyi rtse mo la'o/ /saM ni sor mo thams cad kyi rtsa ba
25a7 la'o//oM dzam+b+ha la dza len+d+ra ye swA hA/ zhes bya ba 'di rab tu gnas par bya ba'o/ /mdzub mo la ni nor bu bzang po'o/ /gang ba bzang po ni gung mo la'o/ /srin lag la ni nor sbyin no/ /mthe'u chung la ni rnam thos te/ de bzhin du kha'i dbang phyug ni lag pa'i mkhur ba la'o/ /
25b1 mkhrig mgul du bzhad gad kyi phreng ba can no/ /mthe bong la ni rnam par bkra ba'i rnag dub can no/ /mthe bong dang mdzub mo gnyis kyi bar du ni dbang po'i mchog go/ /lag pa'i mthil du ni dzam+b+ha la dza len+d+ra'o/ /rdo rje'i chu la sogs pa'i bdud rtsi lnga 'am/ /de dag med par gyur na rdo rje'i chus
25b2 kyang ste/chu dang bsres la khyor bas 'thungs te/ thun tshod gsum du khyor ba brgya rtsa brgyad dbul bar bya'o/ /dus mi ring ba nyid la 'di dzam+b+ha la dang 'dra bar 'gyur te/ nor dang gser phun sum tshogs par 'gyur ba dang / sa gzhi rdzas kyi gang bar byed par 'gyur ro/ /oM dz+luM ts+luM saHzhes
25b3 brjod la khyor bas dbul bar bya ba'o//grub par ma gyur na ni bdag nyid dpal rdo rje hUM mdzad du bsgoms te/ dzam+b+hu la'i sku gzugs dug dang skye tshe dang shing nim pa'i 'dab ma dang thang phrom dang dur khrod kyi sol bas legs par byugs la bsro zhing bskam par bya'o/ /phyi nas ni khros par gyur
pas dur khrod kyi me la 'de bar bya ste nges par 'grub par 'gyur ro/