24a2 /[ ]@##/ /rgya gar skad du/ saM k+Ship+ta dzam+b+ha la sA d+ha naM/ bod skad du/ mdor bsdus pa'i dzam+b+ha la'i sgrub thabs/ sngar bshad pa'i cho ga'i rim pas snying ga'i sna tshogs pad+ma dang zla ba la gnas pa'i yi ge dzaM ser po las gyur par spros pa'i 'od zer gyis sangs
24a3 rgyas la sogs pa rnams legs par mchod cing sdig pa bshags pa la sogs pa byas te/dus phyis stong pa nyid mngon du byas la/ gnas de nyid du sna tshogs pad+ma dang zla ba la dzaM las byung ba'i shing thog sa bon gyi thum po ste sa bon gyi snying po dang ldan pa'o/ /de dag gi 'od zer gyis sems
24a4 can gyi don rnam pa du ma rnams byas nas/de dag yongs su gyur pa las dzam+b+ha la 'tsher ba'i gser gyi mdog lta bu ste/ sangs rgyas lnga'i rin po che'i dbu rgyan can/ /zhal gcig phyag gnyis pa/ lha rdzas kyi gos dang rgyan dang ldan pa/ phyag g.yas pas sa bon gyi rdog ma bsnams shing /
24a5 g.yon pas ni kha nas rin po che sna tshogs skyug pa'i ne'u le'o/ /ut+pal sngon po'i phreng ba dang ldan pa/ rin po che'i snye ma grungs pa mdzes pa phyogs gnyis ka na legs par gnas pa las ni phyogs gnyis kar char 'bab par gyur pa/ rin po che'i snye ma mdzes pa dang bum pa du ma 'od zer
24a6 kun nas 'bar bas dkrigs pa zhabs kyi 'og na gnas par gyur par bdag nyid la so sor rnam par bsam par bya ba'o//oM dzam+b+ha la dza len+d+ra ye swA hA/ bya ba'i sngags 'di bzlas par bya ba yin no/ /lag pa gnyis kyi khu tshur bcings la gung mo tshigs gsum pa bkug par gyur
24a7 pa'i phyag rgyas snying ga dang /mgul ba dang / smin mtshams dang / spyi bo rnams su gtug par bya ba'o/ /nang par snga mor de ltar skad cig gis bsgoms la snyim pa'i tshad kyis chu lan brgya rtsa brgyad dbul bar bya ba'o/ /oM dzam+b+ha la dza len+d+rA ya d+ha naM me de hi swA hA/ mdor bsdus
pa'i dzam+b+ha la'i sgrub thabs so/