23b4 @##/ /rgya gar skad du/ shrI dzam+b+ha la sA d+ha naM/ bod skad du/ dpal dzam+b+ha ya'i sgrub thabs/ sngar bshad pa'i cho ga'i rim pas snying ga'i zla ba'i dbus su sa bon gsum pa'i gsum pa kha dog ser po stong pa'i lhas mnan par gyur pa zla ba tshes pas mgo bo brgyan pa'o/ /de dag
23b5 nyid las grub pa'i dzam+b+ha la sku mdog ser po phyag gnyis pa/phyag g.yas pas sa bon gyi snying po ste/ phyag g.yon pas ni rin po che'i char rab tu 'bebs par gyur pa'i ne'i le bsnams pa/ dbu rgyan la sangs rgyas lnga dang ldan pa/ zhabs gnyis kyis dung gi kha rgyan dang ldan pa dang / pad+ma'i
23b6 kha rgyan dang ldan pa'i gter chen po kun nas mnan pa/ut+pal sngon po'i phreng bas brgyan pa/ rgyan rnams thams cad kyis brgyan par gyur pa'i dzam+b+ha la'i skur bdag nyid bsgom par bya'o/ /rin po che sna tshogs la sogs pa'i char rab tu 'bab par byed pas rang gi khyim du yang legs par
23b7 'jug par bdag nyid kyis bsam par bya ba'o//de nas ni phyag rgya bcing bar bya ste/ lag pa gnyis kyis khu tshur bcangs la gung mo'i tshigs gsum pa dgug par bya ba'o/ /'di ni dzam+b+ha la'i phyag rgya'o/ /oM dzam+b+ha la dza len+d+ra ye swA hA/ sngags 'dis rje btsun la chu khyod ba brgya rtsa
24a1 brgyad dbul bar bya ba'o//phyi nas ni mchod pa byas la sngags bzlas par bya ba'o/ /de nas ni grub nas nor gyi bdag po chen por 'gyur ba la the tshom med do// //dpal dzam+b+ha la'i sgrub thabs mdor bsdus pa dA chen po las dge slong tshul khrims rgyal mtshan
gyis bsgyur ba'o/