22a6 dngos grub chen po brgyad kyang ster bar 'gyur ro zhes bya ba ni dzam+b+ha la'i sgrub thabs so// //a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ dzam+b+ha la sA d+ha naM/ bod
22a7 skad du/dzam+b+ha la'i sgrub thabs/ stong pa nyid bsgoms pa'i rjes thogs la zla ba'i dkyil 'khor cung zad dmar ba/ gru gsum dang pad+ma 'dab ma brgyad pa'i rdzing bu'o/ /de'i dbus su yi ge baM las nor rgyun ma ste kha dog ser mo 'bras kyi grungs pa'i snye ma mdzes pa bsnams pa dang /
22b1 phyag gis mchog sbyin par mdzad pa/ rgyan rnams thams cad kyis brgyan cing gnod sbyin mo brgyad kyis yongs su skor ba la 'di lta ste/ bzang mo dang shin tu bzang mo dang / dga' ma dang shin tu dga' ma dang / sped ma dang dbyangs can ma dang 'phags ma dang zla ba dga' ma rnams so/ /
22b2 de dag rnams kyis yongs su bskor ba'i lha mo chen mo de'i b+ha ga'i dbus su yi ge dze+e las byung ba'i dzam+b+ha la nor rgyun ma la 'khyud pas legs par kha sbyor ba'i byang chub kyi sems las nges par byung ba'i rin po che phyag nas yang dag par 'bab pa rab tu gsal bar bsgom par bya ba'o/ /
22b3 'bab pa'i dus su ni bcom ldan 'das kyi shar phyogs su ni nor bu bzang po kha dog mthing nag go/ /lho phyogs su ni gang ba bzang po kha dog ser po'o/ /nub phyogs su ni rnam thos dmar po'o/ /byang phyogs su ni nor sbyin dmar po'o/ /me dang bden bral dang rlung dang dbang ldan gyi
22b4 mtshams rnams la ni gang ba dang legs par gang ba ni mthing nag go//gzhad gad kyi phreng ba can dang / gzhad gad kyi phreng ba can chen po ni ser po'o/ /kha'i dbang phyug ni dmar ba'o/ /dbang po'i mchog ni ljang gu'o/ /gser mdog zangs kyi dbu rgyan rtse lnga pa dang ldan pa dang
22b5 g.yas pa na sa bon gyi thum po ste/phyag g.yon pas rin po che'i char 'bebs pa'i ne'u le bsnams pa/ de bzhin gshegs pa lnga spro bar mdzad pa pad+ma dang dung ni mgo bo'i gter chen po las rang gi khyim gyi rkang pa'i then kor du rin po che la sogs pa'i char 'bebs par bsam
22b6 par bya ba'o//mgon po dzam+b+ha la ni sku mdog ser po ut+pal sngon po'i phreng ba dang ldan pa'o/ /de dag rnams thams cad kyang gnod sbyin mo brgyad kyi b+ha ga'i dbus na gnas pa dang / rin po che'i char 'bebs par mdzad pa dzam+b+ha la dang 'dra bar bsgom par bya ba'o/ /shar gyi
22b7 sgor ni nor sbyin dang nor sbyin chen po dag go//lho'i sgor ni gnod sbyin dang gnod sbyin chen po dag go/ /nub kyi sgor ni bzhad gad pa dang bzhad gad chen po dag go/ /byang gi sgor ni gang ba dang legs par gang ba dag go/ /de dag rnams ni gcer bu sba ba 'phyang ba gsus pa 'jol
23a1 ba/rin po che'i char rab tu 'bebs par byed pa'o/ /de nas spyi bor ni nor bu bzang po/ /mig gnyis la ni rnam thos so/ /kha la ni kha'i dbang phyug go/ /nu ma gnyis kyi bar du ni gang ba bzang po/ /lte bar ni nor sbyin no/ /pus mo gnyis la ni bzhad gad kyi
23a2 phreng ba can dag go//rnam par bkra ba'i rna gdub can dag ni rkang pa gnyis la ste 'di ni lha dgod pa'o/ /yi ge dgod pa yang spyi bor ni oM mo/ /dpral bar ni dz+luM ngo / /rna ba gnyis la ni ts+luM ngo / /mgo bo'i steng du ni hA'o/ /lag mgul du ni dz+luM ngo / /lag pa'i mthil du ni p+luM ngo / /
23a3 sor mo thams cad kyi rtse mo dang / sor mo rnams la ni oM dzam+b+ha la dza len+d+ra ye swA hA'o/ /oM dz+luM ts+luM swA hA/ zhes bya ba ni chu'i sngags so/ /de bzhin du mdzub mo la ni nor bu bzang po'o/ /gung mo la gang ba bzang po'o/ /srin lag la ni nor sbyin no/ /mthe'u chung la ni rnam
23a4 thos so//rnam par bkra ba'i rna gdub can ni mthe bong la'o/ /lag mgul du ni bzhad gad kyi phreng ba can no/ /yi ge'i bkod pa de dag rnams lag pa la byas pa rdo rje'i chu la sogs pa bdud rtsi lnga'am/ de dag med na rdo rje'i chus kyang ste/ chu dang bsres la khyor bas 'thungs
23a5 la lag pas sbyin par bya ste/nang par snga mor khyor ba brgya rtsa brgyad sbyin par bya ba'o/ /thun tshod gsum du byas pas ni dus ring po mi thogs par 'grub par 'gyur ro/ /oM dz+luM ts+luM sluM saM zhes brjod la chu khyor bas dbul bar bya ba'o/ /de ltar byas kyang gal te grub par
23a6 ma gyur na de'i bdag nyid dpal rdo rje hUM mdzad kyi skur bsgoms la/dzam+b+ha la'i sku gzugs dug dang skye tshe dang tshwa dang thang phrom gyi 'dab ma'i khu ba dang dur khrod kyi sol bas byugs te khros par gyur pas dur khrod kyi me la 'de par bya ste/ /nges par 'grub par bya'o/ /dzam+b+ha
la'i sgrub thabs rdzogs so/