CLOSE WINDOW

D3262
བོད་ཡིག

zhes bya ba'o/ /don rnams thams cad sgrub par mdzad ma 'phags ma sgrol ma rab tu dang ba'i sgrub thabs rdzogs so// //a b+ha ya'i zhal snga nas tshul khrims rgyal mtshan gyis bsgyur ba'o//[ ]@##/ //rgya gar skad du/ tsaN+Da ma hA ro Sha Na sA d+ha naM/ bod skad du/ gtum po cher khros pa'i sgrub thabs/ sangs rgyas la phyag 'tshal lo/ /sku sha mthug cing tshags dam gdug pa 'od spro gtum pa'i spyan ldan zhing / /pus mo smad nas 'dzugs mdzad ral gri gcig ni g.yas pa'i phyag na ste/ /de las gzhan pa'i phyag ni khu tshur bcangs shing sdigs mdzub zhags par ldan//bgegs 'joms pa yi mi g.yo 'dis ni srid pa'i bgegs rnams zhi byed shog /sangs rgyas dang ni byang chub sems/ /'dren pa phyogs bcur bzhugs de dag /me tog la sogs rnam sna tshogs/ / mchod pas blo yis mchod byas la/ /kun skrag sdug bsngal can bltas la/ /bdag nyid skur yang gsol ba gdab/ /sngags pas dge ba spel don du/ /sdig pa rnams ni bshags par bya/ /de nas rdzogs sangs rgyas dang ni/ /byang chub sems dpa'i tshogs dang yang //slob mi slob sogs 'gro kun gyi/ /bsod nams dngos la rjes yi rang / /dkon mchog gsum skyabs brtson pa yi/ /rdzogs pa'i byang chub nges brtan bya/ /rim pa bzhin du tshangs pa yi/ /gnas bzhi po ni bsgom par bya/ /de yi mtshan nyid bral phyir stong / / rgyu med pas na mtshan ma med/ /smon pa dang ni rnam bral te/ /bsgom pa dngos bral rnam par bsgom/ /sna tshogs pad nyi'i dbus gnas par/ /hUM yig las byung bsgom bya ste/ /dpa' bo spyan gnyis rab dmar ba/ /rin chen dbu rgyan phyag gnyis pa/ /'phral du sdig pa 'joms mdzad mgon//bsam pa ji bzhin rdzogs mdzad pa/ /me tog a ta se mtshungs shing / /dri med sangs rgyas 'od zer spro/ /mche bas ma mchu gnon mdzad cing / /rgyan rnams kun gyis brgyan pa po/ /g.yon gyis sdigs mdzub zhags pa bsnams/ /pus mo sa la 'dzugs mdzad cing //drag po phyag na ral bsnams pa'i/ /dpal ldan khro chen gtum po ni/ /spyan g.yon 'jigs pa cher gyur pa'i/ /'jigs pa las kyang 'jigs mdzad pa'o/ /dam tshig sems dpa' lta bu yi/ /ye shes sems dpa' cher 'bar bsgom/ / sngags pas de nyid thugs kar ni/ /mtshan ma sa bon legs ldan bya/ /bsgom pas dub na gsang sngags ni/ /lha sku'i sbyor dang ldan pas bzlas/ /de las chad 'gyur dngos grub ni/ /'thob pa nyid la the tshom med/ /de la gsang sngags kyi rgyal po ni 'di yin te/ oM tsaN+Da ma hA ro Sha Na hUM phaT/sngags kyi rgyal po 'di lan gcig brjod pas kyang sdig pa thams cad gtan nas sreg par 'gyur ro/ /thams cad la yang srung bar yang 'gyur ro/ /mon sran sde'u la sogs pas brdegs par gyur na 'byung po la sogs pa'i 'jigs pa las thar bar 'gyur ro//kham phor la thod lo kor gyis mngon par bris te/ sgor dpyangs pas ni gsar du mngon par skyes pa las gyur pa'i bu chung rnams kyi srung bar 'gyur ro/ /sor bzhi tsam gyi tshad du pra tshil la gzugs brnyan byas te/ bsgrub bya'i ming dang bcas pa'i sngags gro ga la mngon par bris la de'i snying gar gzhug par bya ba'o//tsher mas kyang de'i kha la gzugs par bya ste/ phyir rgol ba'i kha btul bar 'gyur ro/ /snying la btsugs pas ni khro thub rengs par 'gyur ro/ /rkang pa la gtsugs pas ni 'gros rengs par 'gyur ro/ /mi'i rje ngar gyi rus pa'i phur pa'am lcags kyi phur pas ming bzung nas gang gi lus la btab par gyur pa de des brlag par 'gyur ro//dgra bo'i sgor brkos pas ni phung bar 'gyur ro/ /mngon par bsngags pa'i dur khrod kyi thal ba sgo 'phar la btab pas ni nges par skrod par 'gyur ro/ / ral gri la mngon par bsngags nas g.yul du zhugs par gyur pas rgyal ba sgrub par byed do/ /gang gi tshe dgos pa nye bar gnas pa na gtor ma btang bas ni de 'grub par 'gyur ro/ /dge ba'am mi dge ba'i las kyang rung ste sngags pa gang 'dod pa de dang de dag thams cad bzlas pa tsam gyis byed par 'gyur ro//bdag gis bris las gang thob pa'i/ /dge ba sems can don grub pa/ /des ni 'jig rten ma lus 'di/ /rdzogs pa'i byang chub snod gyur cig /gtum po cher khros pa yan lag dang bcas pa'i sgrub thabs legs par rdzogs so/