14b3 /de nas sngags bzlas par bya ste/ oM badzra tsartsi ka hUM swA hA/ 'dis ni rdo rje tsartsi ka'i sgrub thabs so// //a b+ha ya las dge slong tshul khrims rgyal mtshan gyis bsgyur ba'o/ /[ ]@##/ /rgya gar skad du/ ma hA pra ti sa rA sA d+ha na/ bod skad du/
14b4 so sor 'brang ma chen mo'i sgrub thabs/ se sor 'brang ma chen mo la phyag 'tshal lo/ /sngar bshad pa'i bya ba'i rim pas stong pa nyid bsgoms pa'i mjug thogs su yi ge a las byung ba'i zla ba'i dkyil 'khor la yi ge praM ser po'i 'od zer rnam pa sna tshogs pas gzhan gyi don byas nas
14b5 yongs su gyur pa las bcom ldan 'das ma so sor 'brang ba chen mor skad cig gis bdag nyid yongs su rdzogs par bya ste/sku mdog ser mo zhal bzhi ma/ spyan gsum ma/ phyag brgyad ma/ zhal dang po ni ser ba'o/ /g.yas pa ni dkar ba'o/ /nub kyi ni mthing nag
14b6 go//g.yon gyi ni dmar ba'o/ /g.yas pa'i phyag rnams kyis ni ral gri dang mdung rtse gsum pa dang mda' bsnams pa'o/ /g.yon pa'i phyag rnams kyis ni mdung dang gzhu dang zhags pa dang rdo rje'o/ /sna tshogs pad+ma dang zla ba'i gdan la rol cing bskyod pas legs
14b7 par bzhugs pa 'od zer dmar po'i khor yug gis bskor ba/rgyan rnams thams cad kyis brgyan pa/ na bza' rnam pa sna tshogs kyi stod g.yogs dang smad g.yogs dang 'od kyi stod shag mnabs pa/ rin po che sna tshogs pa'i dbu rgyan dang ldan pa ste de lta bur rnam par
15a1 bsam la de nas sku dang gsung dang thugs kyi zla ba la oM dang AHdang hUM gi yi ge gsum dkar po dang ser po dang mthing nag tu bsam par bya ba'o//de nas nu ma gnyis kyi bar du zla ba la gnas pa'i yi ge praM rnam par bsam par bya zhing lha rnam pa sna tshogs pa rnams kyis bdag
15a2 nyid mchod par yang bltas la/ji srid du skyo bar ma gyur pa de srid du bsgom par bya ba'o/ /skyo bar gyur na ni rang gi snying ga'i zla ba la phreng ba dmar po lta bur sngags blta zhing bzlas par bya ste/ oM ma Ni d+ha ri badzra Ni mahA pra ti sA re hUM hUM phaT phaT swA hA/ so sor 'brang ma chen mo'i sgrub thabs
so/