14a1 /[ ]@##/ /rgya gar skad du/ a pa rA dzi ta sA d+ha naM/ bod skad du/ gzhan gyis mi thub ma'i sgrub thabs/ /sngar bshad pa'i cho ga'i rim pas snying ga'i zla ba'i dkyil 'khor la yi ge oM dkar po las grub pa'i
14a2 bcom ldan 'das ma gzhan gyis mi thub ma dkar mo a ta pa tra zhal gsum phyag drug ma ste/zhal re re la spyan gsum gsum ma/ dkar ba dang mthing nag dang / skye rengs ni g.yas pa dang g.yon pa'i zhal lo/ /'khor lo dang lcags kyu dang gzhu ni g.yas pa'i phyag gsum gyis
14a3 bsnams pa'o//rdo rje dkar po dang mda' dang zhags pa bsnams shing sdigs mdzub mdzad pa ni g.yon pa'i phyag go/ /khros pa'i spyan gyis gzigs pa dang ldan pa/ gdon thams cad rlag par mdzad pa/ lha rdzas kyi rgyan dang na bza' dang ldan pa/ rnam par snang mdzad gtso bor gyur pa
14a4 bsgoms la phyag rgya bcing bar bya ste/lag pa g.yas pa khu tshur bcangs pa'i sdigs mdzub snying gar legs par bzhag la lag pa g.yon pas khu tshur bcangs pa gdeng bar bya ba'o/ /bzlas pa ni oM si tA ta pa trA pa rA dzi te sarba gra hA na trA sa ya/ han han druMdruMhUM hUM phaT phaT swA hA/