12a6 / //byang chub sems dpa'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ tsun+da sA d+ha naM/ bod skad du/ skul byed ma'i sgrub thabs/ skul byed ma la phyag 'tshal lo/ /dang po ni snying
12a7 ga'i zla ba'i dbus na gnas pa'i sa bon tsUM las rnam par 'phros pa'i 'od zer sna tshogs pa las nges par grub pa'i bla ma dang sangs rgyas dang byang chub sems dpa' rnams mdun du bltas la/mchod pa la sogs pa rnams bya ste/ oM rdo rje'i me tog hUM bya ba la sogs pa'i sngags kyis so/ /
12b1 de nas gsum la skyabs su 'gro ba'i tshigs su bcad pa brjod par bya'o/ /de'i rjes thogs la stong pa nyid rnam par bsgom par bya zhing / oM stong pa nyid kyi ye shes kyi rdo rje'i rang bzhin gyi bdag nyid ni nga yin no/ /zhes brjod par bya ba'o/ /de nas tsuM las nges par grub pa'i tsun+da ste/ ston ka'i
12b2 zla ba'i 'od zer dang mtshungs ma/phyag bzhi ma/ rgyan rnams thams cad kyis brgyan pa'o/ /g.yas pas ni mchog sbyin pa/ g.yon pas ni po ti dang bcas pa'i pad+ma bsnams pa/ phyag lhag ma gnyis kyis ni lhung bzed bsnams pa'o/ /pad+ma dang zla ba la sems dpa'i skyil mo krung gis
12b3 bzhugs pa bsgoms la/phyi nas ni phyag rgya snying ga dang / mgrin pa dang / smin mtshams dang / spyi bo rnams su reg pas srung ba byas la bzlas pa bya ba'o/ /oM tsa le tsu le tsun+de swAhA/ de la phyag rgya ni 'di yin te/ lag pa gnyis kyis snyim pa byas la mdzub mo gnyis dang gung mo
gnyis dbus su gzhong bu'i rnam pa lta bur byas pa la glor mthe bong gnyis kyis sbyar bas gnas pa'o/