8a1 /paN+Di ta chen po a b+ha ya'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ a shwa ka kA na tA mA rI ts+yai sA d+ha naM/ bod skad du/ mya ngan med la dga'
8a2 ba'i 'od zer can gyi sgrub thabs/rang gi snying gar sna tshogs pad+ma zla ba'i steng du yi ge maM ser po rnam par bkod la de kho na bzhin du thams cad dang bdag nyid kyang so sor snang ba tsam du bsdus te/ oM rang bzhin gyis rnam par dag pas chos thams cad rang bzhin gyis rnam par dag pa ni bdag
8a3 yin no zhes brjod par bya'o//de nas yi ge maM de yongs su gyur pa shing mya ngan med kyi phung po'o/ /yang yi ge maM mo/ de dag thams cad yongs su gyur pas kyang bcom ldan 'das ma sku mdog ser mo zhal gcig phyag gnyis ma ste/ rnam par snang mdzad kyis nye bar mdzes par byas pa'i
8a4 rin po che'i dbu rgyan dang ldan pa/lhag par gsal bar byed pa'i gser gyi mdog can/ sna tshogs pad+ma dang zla ba la g.yon bskum pas gnas pa'i phag la bcibs pa/ gzhon pa lang tshol ba bcing dregs pa dang ldan pa/ mthor bteg pa'i phyag g.yon pas ni shing ljon pa mya ngan med
8a5 kyi yal ga bsgril te bsnams pa/g.yas pas ni mchog sbyin pa'o/ /do shal la sogs pas sku brgyan par gyur pa/ na bza' dkar po smad g.yogs su bsnams pa/ rang gi snying ga'i yi ge maM las phag gi gzugs kyi 'od zer du ma spros pas ma rungs pa rnams 'joms par byed par
8a6 bsam par bya ba'o//oM mA rI ts+yai swA hA/ de nas ji lta ba bzhin du gshegs su gsol bar ji ltar ba de bar rgyu bar bya ba'o/ /yul gzhan du 'jug na lam du 'gro bar gyur na ni/ bdag nyid kyis stod g.yogs kyi grwa nas bzung la sngags 'di lan bdun gyi bar du yongs su bsngags shing /
8a7 bzlas pa'i gos kyi tha ma bzung ste ji lta ba bzhin du mdud pa byas la 'gro bar bya ste/ chom rkun la sogs pas 'tshe bar mi 'gyur ro/ /mngon par 'dod pa'i yul du phyin nas ni mdud pa 'grol bar bya ba'o/ /'di ni gdams ngag go/ /mya ngan med la dga' ba'i 'od zer can gyi sgrub
thabs rdzogs so/