7a3 /[ ]@##/ /rgya gar skad du/ mA rI ts+yai sA d+ha naM/ bod skad du/ 'od zer can gyi sgrub thabs/ dang por snying gar nyi ma'i gdan la yi ge hUM las 'od spros pas bcom ldan 'das ma spyan drangs la/ mchod pa'i rnam pa du
7a4 ma rnams dang sdig pa bshags pa la sogs pa byas te/stong pa nyid kyang bsgom pa'i rjes thogs la/ sna tshogs rdo rje'i rnam par sems kyis legs par bsam mo/ /de yongs su gyur pa las rdo rje'i sa gzhi dang rdo rje'i ra ba la sogs pa yongs su bsgoms la/ de'i dbus su dpal u D+yan
7a5 gyi gdan gru gsum pa shin tu dmar ba'o//de'i dbus su nyi ma la gnas pa'i rdo rje rtse lnga pa yi ge oM gyis lte ba la byin gyis brlab pa'o/ /de yongs su gyur ba las byang chub kyi sems kyi gzugs kyi dus mtha'i me ltar shin tu rnam par 'bar bar thub par mi nus pa/ gad mo'i sgra chen
7a6 sgrogs pa/bdud bzhi la brkyang bskum gyi zhabs kyis legs par gnas pa/ phyag bcu gnyis ma la zhal gsum spyan gsum ma/ sku mdog dmar mo ste/ dang po g.yas pa'i phyag drug po rnams kyis ni ral gri dang sna tshogs rdo rje rtse gcig pa dang / mdung dang mda' dang dbyug to
7a7 bsnams par mdzad pa'o//g.yon pa'i phyag rnams kyis ni sdigs mdzub dang bcas pa'i 'tshem byed dang mdung thung rtse gsum dang shing mya ngan med lo 'dab dang ldan pa dang gzhu dang zhags pa dang / tshangs pa'i mgo bo rnams bsnams pa'o/ /mi mgo'i phreng ba legs par 'phyang ba'i
7b1 sku'i yan lag thams cad mdzes pa/stag gi pags pa'i stod g.yogs dang sham thabs can/ rtsa ba'i zhal ni dmar mo'o/ /dkar mo dang nag mo ni g.yon pa'i zhal gnyis so/ /ser mo dang nag mo g.yas pa'i zhal gnyis so/ /nag mo steng zhal ni phag gi zhal lo/ /ljags 'dril bar
7b2 mdzad pa/skra kham ser gyen du 'bar bar gyur pa/ rnam par snang mdzad dbu rgyan la gnas pa/ sbrul dang rus pa'i rgyan gyis brgyan pa/ gnyug ma'i sa bon gyi 'od zer spros pas thams cad du bdud rnams 'joms par mdzad pa/ phyogs skyong ba bcu dang / gshin rje dang mkha' 'gro ma
7b3 dang /'byung po dang / za byed rnams la phe Ta kA rA/ ha ha zhes sgrogs pas 'jigs par mdzad pa/ dur khrod brgyad kyis yongs su bskor ba dang ldan pa'i dpal dang ldan ma u D+yan gyi 'od zer can du bdag nyid skad cig gis rdzogs par byas la/ mgo bo dang / mgrin pa dang /
7b4 snying ga rnams su oM AH hUM ngo / /yan lag thams cad la yang yi ge phaT bsam par bya ba'o/ /de nas lte ba'i steng du sna tshogs pad+ma la nyi ma dang zla ba kha sbyar ba'i dbus su pad+ma'i rtsa rgyun gyi rang bzhin gyi yi ge hUM kha dog sna tshogs pa'i yi ge bsam par bya ba'o/ /oM badzra satwa shwa rI sarba
7b5 duSh+TA na ha na ha na da ha da ha pa tsa pa tsa oM mA rI ts+yai maM hUM hUM phaT phaT swA hA snying po'i sngags so//oM AHhUM bsgom pa'i sngags so/ /oM badzra bat+tAli hUM phaT/ bzlas pa'i sngags so/ /oM mA rI ts+yai aMmaMhUM hUM phaT/ bzlas pa'i sngags gnyis pa'o/ /de'i rjes la thun bzhi la
7b6 gtor ma'i sngags ni oM A ra l+li hoHdzaHhUM baM hoHoM badzra Da' ki nI sa ma ya staM dr-i sh+ya ho kha kha khA hi khA hi gnod sbyin dang srin po dang /'byung po dang yi dwags dang sha za dang / smyo byed dang / brjed byed dang mkha' 'gro ma dang mkha' 'gro ma la sogs pa rnams thams cad gtor ma 'di
7b7 longs shig 'thungs shig 'da' bar ma byed cig /bde ba chen po rnam par 'phel ba'i don du bdag gi grogs su 'gyur bar gyis shig hUM hUM phaT swA hA/ zas la sogs pa rnams kyang yi ge hrIH'am yi ge hu'i la sogs pas legs par sbyangs la spyad par bya ba'o/ /u D+yan nas byung
ba'i bdag byin gyis rlob pa'i rim pa'i sgrub thabs so/