CLOSE WINDOW

D3232
བོད་ཡིག

/[ ]@##/ /rgya gar skad du/ mA rI ts+yai sA d+ha naM/ bod skad du/ 'od zer can gyi sgrub thabs/ sngar bshad pa'i rim pas sdig pa bshags pa la sogs pa byas pa'i rjes thogs su stong pa nyid rnam par bsgoms la/ sna tshogs pad+ma dang nyi ma la sa bon gyi yi ge maM dmar po yongs su gyur pa las au Di ya nas byung ba'i 'od zer can te sku mdog dmar mo zhal drug ma/phyag bcu gnyis ma zhal re re zhing spyan gsum gsum ma dmar mo dang nag mo dang dkar mo dang ljang gu dang ser mo ni g.yas nas bskor ba'i zhal lnga yin no/ / steng ma ni nag mo ste phag gi zhal yin no/ /dang po nas rim pa ji lta bar g.yas kyi phyag drug po rnams na ral gri dang 'khor lo dang dbyug to dang mda' dang mdung dang rdo rje rtse gcig pa rnams so/ /sdigs mdzub dang / zhags pa dang / kha T+wAM ga dang thod pa dang shing mya ngan med 'dab ma dang ldan pa dang /tshangs pa'i mgo bo dang / gzhu dang mdung rtse gsum pa rnams ni g.yon gyi phyag rnams na'o/ /klu'i rgyal po brgyad kyis sku la brgyan par gyur pa/ dbu skra kham ser gyen du 'phur ba/ zhal mche ba rnam par gtsigs pa/ mgo thod skam po lnga'i phreng ba'i cod pan dang ldan pa/ rnam par 'dzag par gyur pa'i mgo bo'i phreng ba rab tu 'phyang ba'i do shal can/rin po che du mas spras pa'i shing rta 'og na rnam par bkra ba'i phag bdun dang ldan pa bcibs pa ste/ phyi rol dur khrod brgyad kyis yongs su bskor ba'i mchod rten gyi nang na bzhugs pa'o/ /shing rta'i dbus na skyil krung gis bzhugs pa'o//rdo rje dang khab dang mya ngan med bsnams shing sdigs mdzub dang / 'od zer can kha dog dmar mo ste/ stod shag ser po bsnams pa/ rgyan sna tshogs dang ldan pa/ stag gi pags pa'i sham thabs can/ 'od zer dmar pos brgyan pa/ de bzhin gshegs pa lnga spro bar mdzad pa skad cig gis bsgoms la/de'i thugs kar nyi ma la sa bon maM las kun nas nges par spro ba'i 'od zer brgya phrag gis yang dag par spyan drangs pa'i sangs rgyas dang byang chub sems dpa' rnams las dbang blangs pas rnam par snang mdzad dbu rgyan la gnas par bdag nyid la rnam par bsam mo//de nas gnyug ma'i sa bon gyis rab tu bsgrubs pa'i dam tshig gi rdzas ji ltar rnyed pa bsnyen pa sngon du btang ba'i sngags pas sa bon de nas kun nas nges par byung ba'i yi ge rnams phreng ba'i rnam pas snying ga nas byung nas lte bar lte ba nas slar yang snying gar te/ de ltar 'khor lo 'khor ba'i sbyor bas sngags bzlas par bya ba ni/oM mA rI ts+yai maM hUM hUM phaT phaT swA hA/ dus phyis ni ting nge 'dzin nye bar btang la bzlas pa dang / de'i sbyor ba nyid kyis ji ltar bde bar rgyu bar bya'o/ /u D+yan nas byung ba'i 'od zer can gyi sgrub thabs so/ /a b+ha ya'i zhal snga nas dge slong tshul khrims rgyal mtshan gyis bsgyur ba'o/