CLOSE WINDOW

D3229
བོད་ཡིག

/rtog pa nas gsungs pa'i 'od zer can gyi sgrub thabs so/ /paN+Di ta chen po a b+ha ya'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ mA rI ts+yai sA d+ha naM/ bod skad du/ 'od zer can gyi sgrub thabs/ 'od zer can ma la phyag 'tshal lo//oM AHhrI swA hA/ zhes bya ba rnams bdag nyid kyi mgo bo dang dpral ba dang / mgrin pa dang / snying ga dang / pus mo gnyis po rnams la rnam par bsgoms la/ yi ge oM las nges par grub pa'i rdo rje dbyings kyi dbang phyug ma'i 'od zer can sku mdog dmar mo ste/zhal drug ma phyag bcu gnyis ma/ gsus pa 'jol ba/dbu skra ser po gyen du 'bar bar gyur pa/ thod pa'i phreng ba 'phyang ba/ sbrul gyi smad ka dang ldan pa/ stag gi pags pa'i sham thabs can/ zhabs gnyis kyis bgegs kyi tshogs du ma kun nas mnan pa/ mchod rten gyi nang na nyi ma'i dkyil 'khor la g.yas bskum pas bzhugs pa/ rnam par snang mdzad dbu rgyan dang ldan pa/ phag sna tshogs kyis 'dren pa'i shing rta la'o/ /dmar mo dang / nag mo dang / ljang gu dang ser mo dang / dkar mo ni dang po la sogs pa'i zhal lnga pa'o/ / zhal gcig ni steng na ste phag gi zhal nag mo/ /g.yas kyi rnams na ni ral gri dang dbyug to dang mda' dang lcags kyu dang rdo rje rtse gcig pa dang mdung rnams so/ /g.yon gyi rnams na ni zhags pa dang bcas pa'i sdigs mdzub dang thod pa dang / shing mya ngan med lo 'dab dang bcas pa dang / tshangs pa'i mgo bo dang / gzhu dang / mdung thung rtse gsum pa rnams bsnams par mdzad do/ /spyan gsum ma ljags 'dril bar mdzad pa/ zhal mche ba rnam par gtsigs pa/ shin tu 'jigs pa chen por mdzad par bsam par bya ba'o/ /shing rta'i nang du phyag gnyis ma sdigs mdzub dang shing mya ngan med lo 'dab dang ldan pa phyag na bsnams shing shing rta bskyod par mdzad pa/gdan la zhabs g.yas bskum pas gnas pa/ 'jigs su rung bar mdzad par bsam par bya'o/ /spro ba la sogs pa sngon du 'gro bas ma rungs pa'i sems can rnams rengs par gyis shig rmongs par gyis shig choms shig /oM rdo rje dbyings kyi dbang phyug ma/ sems can ma rungs pa thams cad ha na ha na da ha da ha pa tsa pa tsa oM 'od zer can oM hUM phaT swA hA/ zhes bya ba'i sngags 'di bzlas par bya ba'o/ /'od zer can gyi sgrub thabs so/ /a b+ha ya'i zhal snga nas dge slong tshul khrims rgyal mtshan gyis bsgyur ba'o/