225a7 /oM bi tsu pi tsu pradz+nyA bar+d+ha ni dz+wa la dz+wa la me d+ha bar+d+ha ni d+hi ri d+hi ri bu d+hi bar+d+ha ni swA hA/ zhes bya ba'i sngags 'di bzlas par bya ba'o/ /rdo rje dbyangs can ma'i sgrub thabs so/ /ma la ba zhes bya ba d+ha'i zhal snga nas dge slong tshul khrims rgyal mtshan gyis bsgyur ba'o//[ ]@##/ /rgya gar skad du/
225b1 sa ra swa twi swa d+ha naM/ bod skad du/ dbyangs can ma'i sgrub thabs/ rdzogs sangs rgyas rnams gsung mnga'i 'od zer spro mdzad ngag ni mtshar ba'i ro dbyangs dang ldan pas/ /myang ba rnams la phan mdzad rgal dka' mi zad gti mug mun pa nye bar 'joms mdzad ma/ /yon tan rang bzhin rdo rje dbyangs can ma khyod la 'dud 'dir de'i
225b2 yan lag mnyes byed pa//blo gros rtogs dka'i dbang du byas nas 'gro la phan phyir bde bar gshegs lugs bshad par bya/ /dang po nyid du gdong sogs dag par byas la rab tu snga bar brtse ldan bzod pa can/ /byams pa mgu bas rangs pa'i dga' ba dang ldan gang yin sngags pas gtsang ma'i gos dang ni/ /
225b3 gnas kyang yid 'phrog par ni nyin yang rung ste rang gi snying gar pad+ma blta bar bya/ /der ni dri med a las nges par byung ba'i zla ba legs par bsgom bya de la yang / /doHyig 'od zer gyis ni dgang bar bya dang phyogs mtha' kun du khyab bya de las ni/ /mdun du sangs rgyas tshogs rnams blta bya me tog la
225b4 sogs mchod la 'di dag bsgom par bya//de nas phyag 'tshal yang ni 'di yis sdig pa so sor bshags bya de bzhin bsod nams la/ /rjes su yi rang gsum la skyabs 'gro yang dag par ni brjod par bya ba'o sngags rig pas/ /zhes sogs bsngo byas par ni legs byas yang dag bdag nyid kyang
225b5 ste rtog pa'i dra ba ni//thams cad de yis stong par dmigs bya de nas sna tshogs 'di dag ma lus bsgom bya ba/ /gcig dang du bral dang ldan tshig ni brjod bya dag pa dam pa'i ye shes kyis rig bya/ /oM stong pa nyid kyi ye shes kyi rdo rje'i rang bzhin gyi bdag nyid ni nga yin no/ /stong nyid las
225b6 ni nges byung pad+ma zla ba dag la nyer gnas doHyig dmar po'o//yang ni sna tshogs 'od zer tshogs kyis shin tu mdzes gyur de las pad+ma 'dab brgyad pa/ /de las dmar mo 'od zer cher 'bar bcom ldan 'das ma dam pa'i rgyan rnams kyis brgyan ma/ /g.yas bskum pa yi zhabs kyis
225b7 gnas shing zhal gsum ma ste phyag drug dag gis brgyan pa mo//zhal g.yas mthing nag dang ni pad+ma ral gri gri gug rnams ni bsnams pas phyag rgyas shing / /g.yon zhal dkar po dang ni de bzhin thod bcas rin chen dam pa dang ni 'khor lo bsnams/ /snying gi pad+ma la gnas zla ba'i dbus su
226a1 nyer gnas der yang doHni 'bar gyur pas//sna tshogs pa yi gti mug nye bar bcom par byas shing spros pa yis ni 'jig rten dag byas te/ /nye bar bsdus la rang snying zla ba sa bon la ni bzhag par blta bya yang ni spro/ /de nyid 'dir ni yud tsam yud tsam nyi ma re rer bsgom bya rtag tu
226a2 de lta ba'i//bsgoms byas skyon 'di yis 'dir ni sa bon tshogs pa legs par btang la 'di yi sngags/ /phreng ba brgyud pa mar me'i rnam pa'i rim pas snying por gyur pa'i sngags 'di 'dra ba bzlas/ /oM pi tsu pi tsu pradz+nyA bar+d+ha ni dz+wa la dz+wa la me d+ha bar+d+ha ni d+hi ri d+hi ri bud+hi bar+d+ha ni swA hA/ lha mo'i sku ni yid la
226a3 brtag bya rab tu dga' bas thun tshod rnams ni thams cad la//sngags ni legs bzla bde gshegs lugs kyis sems can don phyir 'di dag yongs su bsngo ba dang / /dgos pa sgrub pa'i dbang gis bsam gtan la ni rtse gcig gnas par bya ba'o ji srid du/ /'bum phrag dag na ma rdzogs
226a4 pas te rdzogs par gyur pa dang ni las kyi rim pa yin//mi mthun phyogs kyi rnam pa thams cad nye bar bcom pa'i bsam gtan byas pa nyid na de/ /dkar po'i tshes gcig nas ni ji srid zla tshes gnas par gyur par rang gi yid dang ni/ /de srid nub re bzhin du legs par sbyar ba nyid bya ji srid
226a5 zla ba nya yi bar//mtshan mo de nyid la yang 'di ni grub thob rgyal bar dka' dang snyan dngags pa nyid 'gyur/ /bcom ldan 'das ma dpal ldan rdo rje dbyangs can ma de yang dag mnyes byed gang yin pa/ /dpal ldan nag po'i rgyal pos dpal ldan gshin rje gshed kyi rgyud nas nye bar bton
226a6 byas nas//sems can rnams ni don phyir mdzes bkod las byung bsod nams bdag gis thog mar thog gyur pa/ /des ni 'gro rnams nag po dang ni cha 'dra bzlog par dka' ba'i grub thob snyan dngags shog /dpal 'dzin gyis byas sgrub thabs 'di/ /gal te sangs rgyas rnal 'byor pa/ /dpal
226a7 ldan rdo rje dbyangs can gyi//'jo byed nang gi khyad par yin/ /'phags ma rdo rje dbyangs can ma'i sgrub thabs so// //paN+Di ta chen po dA dang a b+ha ya dang a ma ra la sogs pa las dge slong tshul khrims rgyal mtshan gyis bsgyur ba'o// //