| བོད་ཡིག |
223b4 @##/ /rgya gar skad du/ pradz+nyA pa ra mi tA sA d+ha naM/ bod skad du/ shes rab kyi pha rol tu phyin ma'i sgrub thabs/ 'phags ma shes rab kyi pha rol tu phyin pa la phyag 'tshal lo/ /de nas gang zhig bsgoms tsam gyis/ rgol ba thams cad tshar gcod par/ /shes rab pha rol phyin 'byung ba/ /de phyir bdag gis rab bshad bya/ /zhal gcig
223b5 phyag ni gnyis ma ste//kha dog dkar mo yid 'ong ma/ /dbu skra phyed phyed 'khyil ba dang / /pad dkar la ni legs bzhugs pa'ang / /rdo rje skyil mo krung gis bzhugs/ /pad+ma g.yas pa'i phyag na dang / /shes rab pha rol phyin ma'i g.yon/ /kha dog dmar mo rnam par bsgom/ /rgyan rnams thams cad yongs rdzogs nas/ /
223b6 lte ba'i dkyil 'khor du bsgom bya/ /aM yig ye shes las legs byang / /mchog tu mtha' yas dga' byed ma'o/ /dam tshig sems dpa' rdzogs byas la/ /ye shes sems dpa' bsgom par bya/ /zla drug sbyor ba goms pa yis/ /shes rab pha rol phyin mar 'gyur/ /zhag bdun na ni rab sbyor bas/ /bstan bcos kun
223b7 la 'jigs med 'gyur//'bum phrag bzlas pa'i sbyor ba yis/ /nyin re tshigs bcad brgyad brgya byed/ /rab tu brtson pa dag gis kyang / /gzhung ni brgya yang 'dzin par byed/ /'di la sngags kyi tshig tu gyur pa rnams ni/ oM pi tsu pi cu pra dz+nyA bar+d+ha ni dz+wa la dz+wa la me d+ha bar+d+ha ni d+hi ri d+hi ri bud+hi bar+d+ha ni swA hA sngags 'dis ma stsal ba'i sbrang rtsi la
224a1 lan bdun mngon par bsngags nas ji srid zla ba drug gi bar du sbu gus 'thungs pas shes rab chen por 'gyur ro//oM pi swA hA sngags 'di la yang mi bskyod pas rgyas gdab par bya ba yin no/ /shes rab kyi pha rol tu phyin pa'i sgrub thabs so/ /paN+Di ta chen po ma la ba zhes bya ba d+ha byang chub sems dpa'i zhal snga nas dge
slong tshul khrims rgyal mtshan gyis bsgyur ba'o/