219a6 / //'di ni in+d+ra b+hU ti ba'i zhal snga nas mdzad pa yin no/ /a b+ha ya las tshul khrims rgyal mtshan gyis bsgyur ba'o//[ ]@##/ /rgya gar skad du/ ku ru kul+lA sA d+ha naM/ bod skad du/ ku ru kul+le'i sgrub thabs/ de nas sngags pa skyes pa dang bud med dag
219a7 dbang du bya bar 'dod pas dkar po'i tshes gcig nas brtsams te nyi ma re re zhing thun gsum du khri phrag re bzlas par bya ste/bcom ldan 'das ma la dmigs shing smad g.yogs dmar po bcings te/ lus la yang legs par gon pa'o/ /de la rim pa ni 'di yin te/ rang gi snying
219b1 gar nyi ma la gnas pa'i yi ge hrIHdmar pos bskyed pa'i pad+ma dmar po 'dab ma brgyad pa rtsa ba skye gnas kyi bar du zug pa rnam par bsams la/de'i 'dab ma brgyad la ni A I U r-I l-I ai au AHbya ba dbyangs yig 'di brgyad yongs su gyur pa las bung ba brgyad de/ dga' zhing
219b2 rgyas la khro bar gyur pa kha dog dmar ba rim gyis gnas pa rnams rang gi sna bug gi rlung gis bskul nas rang gi sna bug g.yon pa nas phyung ste/bsgrub bya'i sna bug gi bu ga g.yas pa nas rab tu zhugs te rtsa ba nas rnam par nyams par byad par bltas la/ a i u r-i l-i e
219b3 oaM bya ba'i dbyangs yig thung ngu na brgyad po 'di yongs su gyur pa las de dag bsgoms la rna ba'i drung du bkang ba'i ut+pal dmar po'i mda' gzhu'i tshogs kyis bsgrub bya'i ze'u 'bru phug nas de dag yongs su smin pa las mdas drangs nas de'i sna bug g.yon pa'i bu ga nas
219b4 nges par 'ongs pas rnal 'byor pa'i sna bug g.yas pa nas de rang gi snying la rab tu zhugs pa rnam par bsam mo//phyi nas ni ut+pala'i yu bas mgrin pa bcings shing skye gnas kyang lcags kyus phug pas lhang kyog bskyod nas 'od zer 'bar bas mchog tu dbang du
219b5 byas shing de la zhon la dga' ba dang ldan pas sngags bzlas par bya ba'o//oM ku ru kul+le hrIHche ge mo bdag gi dbang du gyis swA hA/ nyi ma bdun na 'grub par 'gyur ba yin no/ /bung ba'i rnal 'byor gyi ku ru kul+le'i sgrub thabs so/ /a b+ha ya las dge
slong tshul khrims rgyal mtshan gyis bsgyur ba'o/