217a5 /gdams ngag gi khyad par ab+ha ya las tshul khrims rgyal mtshan gyis bsgyur ba'o//[ ]@##/ /rgya gar skad du/ ku ru kul+la sA d+ha naM/ bod skad du/ ku ru kul+le'i sgrub thabs/ ku ru kul+le la phyag 'tshal lo/ /dang por sngags pas gdong ba'i phyi byad
217a6 la sogs pa byas te/bde ba'i stan la gnas pas yi ge a las byung ba'i rang gi snying ga'i zla ba la yi ge hrIHshin tu dmar ba'i 'od zer gyi lha mo ku ru kul+le yang dag par spyan drangs shing / snying ga'i sa bon las kun nas byung ba'i mchod pa'i khyad par gyis legs par mchod la phyag
217a7 'tshal ba dang /sdig pa bshags pa dang / bsod nams rjes su yi rang ba dang / bsngo ba dang / gsum la skyabs su 'gro ba dang / byang chub tu sems bskyed pa dang / gnas bzhi bsgom par bya ba rnams kyang byas te/ stong pa nyid kyang rnam par bsgom zhing sngags kyis
217b1 kyang byin gyis brlabs la/snying ga'i sa bon las nges par grub pa'i ut+pal dmar po las skyes pa'i zla ba'i dkyil 'khor la sa bon de nyid bsgom par bya ba'o/ /de dag thams cad yongs su gyur pa las bcom ldan 'das ma ste/ sku mdog dmar mo pad+ma dang zla ba dmar po'i
217b2 gdan la na bza' dmar po dang dbu rgyan dang ldan pa/phyag bzhi g.yas pas mi 'jigs pa rab tu sbyin pa/ gzhan gyis ni legs par bkang ba'i mda'o/ /g.yon pa'i gcig gis ni rin po che'i gzhu bsnams pa/ gzhan gyis ni ut+pal dmar po bsnams pa dbu rgyan
217b3 la snang ba mtha' yas ku ru kul+le'i khong na bzhugs par gyur pa'i sgeg pa'i nyams dang ldan zhing mchog tu 'bar bar gyur pa'i gzhon nu lang tshol bab pa'i ku ru kul+le ji srid du skyo bar ma gyur pa de srid du bsgom par bya ba'o//skyo bar ni sngags bzlas par bya ba'o/ /de la
217b4 sngags ni 'di yin te/oM ku ru kul+le hrIHswA hA/ bsgrub bya dbang du bya bar 'dod pas ni shing mya ngan med dmar po'i rtsa bar le brgyan rtsis dkyil 'khor gru gsum pa byas la/ de la me tog dmar pos lha mo yang dag par mchod cing / bdag nyid kyang gos dmar pos
217b5 bsgrub bya skra grol ba gcer bur gyur cing /myos pa rdog pas mnan te/ snying ut+pal dmar po'i mdas 'bigs bzhin pas sngags bzlas par bya ba'o/ /de la sngags ni 'di yin te/ oM ku ru kul+le hrIHche ge mo bdag gi dbang du gyis swA hA zhes bya ba'o/ /ku ru kul+le'i
sgrub thabs so/