212a4 /[ ]@##/ /rgya gar skad du/ d+ha na dA tA ra sA d+ha naM/ bod skad du/ sgrol ma nor sbyin ma'i sgrub thabs/ sgrol ma la phyag 'tshal lo/ /sgrol ma ljang gu zhal gcig phyag bzhi ma/ /spyan gnyis dang ldan kun du dga' mdzad ma/ /ngag gi dkyil 'khor gyi ni
212a5 'khor lo'i yang //lha mo bcu gnyis kyang ni spyan gnyis ma/ /khyad par 'phags dang rnyed par dka' ba yi/ /bcom ldan 'das ma 'phags ma sgrol ma yi/ /nor sbyin ma yi rim pa'i sgrub pa'i thabs/ /mdor bsdus pa ni legs par bdag gis bshad/ /rnal 'byor
212a6 pas nang par snga mor byang chub tu sems bskyed la/rang gi snying gar yi ge tA~M sngon po blta ste/ gdong bkru ba la sogs pa byas nas/ oM rang bzhin gyis rnam par dag pas chos thams cad rang bzhin gyis rnam par dag pa ni bdag yin no zhes brjod la/ oM a mr-i te hUM phaT
212a7 ces bya ba 'di dang /se gol gyis phyogs bcu'i bgegs rnams tshar bcad la/ rang gi snying gar yi ge paM las byung ba'i pad+ma dmar po'i steng du yi ge aM gis bskyed pa'i zla ba la gnas par rang nyid kyi sa bon rnam par bsgoms te/ de las spros pas spyan drangs pa'i bla ma
212b1 dang /sangs rgyas dang byang chub sems dpa' nam mkha' la gnas pa rnams legs par mchod cing / sdig pa bshags pa la sogs pa rnams kyang cho ga bzhin du byas shing / stong pa nyid kyang bsgoms te/ byin gyis kyang brlabs la/ mdun du yi ge ra dmar po yongs su gyur
212b2 pa las nyi ma la gnas pa'i yi ge hUM nag po las byung ba'i sna tshogs rdo rje rnam par bltas te/de las rdo rje 'phros pas rdo rje'i sa gzhi dang / rdo rje'i ra ba dang / rdo rje'i gur bsgom par bya ba'o/ /de nas sna tshogs rdo rje'i lte ba la yi ge paM dmar po las byung ba'i pad+ma'i
212b3 steng du yi ge a las byung ba'i zla ba la gnas pa'i b+h+rU~M dkar po dang ba yongs su gyur pa las 'khor lo dkar po dbus na yi ge b+h+rU~M gnas pa dmigs la/pad+ma dang zla ba dang 'khor lo dang sa bon rnams yongs su gyur pas bskyed pa'i gzhal yas khang ste/ thams cad kyang rin
212b4 po che las gyur pa gru bzhi pa la sogs pa'i yon tan rnams dang ldan pa/rim pa gnyis pa nang rim gyi lte ba la gnas pa'i pad+ma 'dab ma brgyad pa'i snying po la zla ba tshes pas nye bar mdzes par byas pa/ sgo bzhi na gnas pa'i nyi ma bzhi shin tu 'od 'phro bar blta bar bya'o/ /de
212b5 nas dbus kyi zla ba'i steng du sa bon gyi yi ge de nyid do//de nas 'od spro ba dang bsdu ba'o/ /de nas sa bon de las bcom ldan 'das ma sgrol mar bdag nyid bsgom par bya ste/ zla ba'i gdan dang 'od zer dang ldan zhing zhi ba sems dpa'i skyil mo krung gis bzhugs pa/ sku mdog
212b6 ljang sngon zhal gcig ma/spyan gnyis phyag bzhi ma/ phreng ba dang / mchog sbyin pa dang / ut+pal dang / po ti bsnams pa/ sna tshogs pa'i rgyan dang na bza' dang ldan pa'o/ /de nas oM ni mgo la'o/ /tA ni dpral bar ro/ /re ni mig gnyis la'o/ /tu ni mgul
212b7 par ro//t+tA ni ngag la'o/ /re ni snying la'o/ /tu ni lte bar ro/ /re ni gsang bar ro/ /swA ni pus mo gnyis la'o/ /hA ni rkang pa gnyis la dgod par bya'o/ /snying gar zla ba dang pad+ma la gnas pa'i sa bon gyi 'od zer gyis legs par bskul ba la sogs pa'i
213a1 spyan ma la sogs pa'i lha mo rnams kyis dbang bskur bar gyur pas don yod grub pa cod pan la bsgom par bya ba'o//de nas phyi rim la gnas pa'i zla ba la rdo rje sgrol ma la sogs pa'i lha mo rnams skad cig gis bltas pas/ phyi nas rnam par bsgom par
213a2 bya ba las shar du rdo rje sgrol ma nag mo rdo rje phyag na bsnams pa'o//lho na rin chen sgrol ma ser mo rin po che phyag na bsnams pa'o/ /nub na pad+ma'i sgrol ma dmar po pad+ma dmar po phyag na bsnams pa'o/ /byang na sangs rgyas sgrol ma dkar mo 'khor lo bsnams pa'o/ /me
213a3 mtshams na me tog sgrol ma dkar mo me tog gi phreng ba bsnams pa'o//bden bral gyi mtshams na bdug pa'i sgrol ma nag mo phyag na spos phor bsnams pa'o/ /rlung mtshams na mar me'i sgrol ma ser mo mar me'i snod bsnams pa'o/ /dbang ldan gyi mtshams na dri'i sgrol ma
213a4 dmar mo dri'i dung chos bsnams pa'o//'di dag rnams ni sna tshogs pad+ma'i 'dab ma'i zla ba la ste/ brgyad ka yang zla ba'i 'od dang ldan zhing sems dpa'i skyil krung gis bzhugs pa g.yon pas ut+pal bsnams pa/ zhal 'dzum pa sna tshogs pa'i rgyan dang na bza' dang ldan
213a5 pa'o//shar gyi sgor ni rdo rje lcags kyu ma ste nag mo phyag na rdo rje lcags kyu bsnams pa'o/ /lho na ni rdo rje zhags pa ma ste ser mo rdo rje'i zhags pa phyag na bsnams pa'o/ /nub na ni rdo rje lcags thag ma ste dmar mo rdo rje'i lcags thag bsnams pa'o/ /byang na ni rdo rje dril
213a6 bu ma ste dkar mo rdo rje dril bu phyag na bsnams pa'o//de dag rnams ni sgo bzhir nyi ma la blta bar bya ste/ nyi ma'i gzi brjid dang ldan pa/ skra ser po gyen du 'bar ba/ /g.yon bskum pa'i zhabs kyis gnas pa/ sbrul gyis brgyan cing bzhin rnam par bsgyur ba stag
213a7 gi pags pa'i sham thabs bsnams pa/phyag g.yon pa rnams kyis ut+pal bsnams pa yin no/ /de nas ye shes sems dpa' dang lhan cig tu byas la/ rang gi snying ga'i pad+ma la gnas pa'i rang gi sa bon shin tu phra ba mi g.yo ba'i yid kyis bsgoms la sngags
213b1 bzlas par bya ba'o//oM tA re tut+tA re tu re d+ha na m+me da da swA hA/ de las langs pa'i dus su ni/ oM a kA ro mu khaM zhes bya ba la sogs pa'i sngags dang ut+pala'i phyag rgyas gtor ma btang la/ smon lam yang btab ste/ lha'i 'khor lo rang gi sa bon gyi nang du bsdus nas/ rang nyid
213b2 kyi lha'i rnam pa dang ldan pas ji ltar bde bar rgyu bar bya'o//nyi ma phyed kyi dus dang phyi dro'i dus kyi thun dag la ni rang gi snying ga'i sa bon las skad cig gis lha'i 'khor lo kun du spros la sngar bzhin du bsgom pa dang bzlas pa la sogs pa bya ba'o/ /phyi dro'i dus dang gung gi dus
213b3 kyi thun la ni 'di dag khyad par yin te/me tog la sogs pas ye shes kyi dkyil 'khor legs par mchod la/ oM tA re tut+na re tu re muHzhes bya ba 'dis gshegs su gsol bar bya ba yin no/ /sgol ma nor sbyin ma'i sgrub thabs so /paN+Di ta chen po a b+ha
ya'i zhal snga nas dge slong tshul khrims rgyal mtshan gyis bsgyur ba'o/