CLOSE WINDOW

D3206
བོད་ཡིག

/[ ]@##/ /rgya gar skad du/ dzAM gu li tA ra sA d+ha naM/ bod skad du/ sgrol ma dug sel ba'i sgrub thabs/ sgrol ma dug sel ma la phyag 'tshal lo/ /dug sel ma yi gzugs 'dzin ma'i/ /bcom ldan sgrol ma la btud nas/ /sems can rnams la snying brtse bas//bri bya de rab sgrub byed thabs/ /dang por re zhig sngags pas gtsang mar khrus byas shing gos dang phreng ba dkar po dang ldan pas dben pa'i sa phyogs legs par byugs par dri dkar po shin tu zhim pas chag chag btab cing / me tog dkar po'i bye brag rnams kyis sil mar bkram par bde ba'i stan la nye bar gnas te/skye dgu la byams pa dang snying rje yang rnam par bsgoms la/ oM rang bzhin gyis rnam par dag pas chos thams cad rang bzhin gyis rnam par dag pa ni bdag yin no zhes brjod par bya'o/ /de nas stong pa nyid mngon du byas la/yi ge paM dkar po las byung ba'i pad+ma dkar po 'dab ma brgyad pa/ de'i steng du yi ge a las skyes pa'i dkyil 'khor gyi steng du yi ge hrIHdkar po 'od zer gyi tshogs du ma spro bar byed pa bsam par bya ba'o/ /de dag las byung ba'i bcom ldan 'das ma dug sel ma bsgom par bya ste/sku mdog dkar ba/ phyag bzhi ma ral pa dang dbu rgyan dang ldan pa 'od zer dkar po dang stod g.yogs dang ldan pa/ rin po che dkar po'i rgyan dang ldan pa/ sbrul dkar pos brgyan pa/ sems dpa'i skyil krung gis bzhugs pa'o/ / rtsa ba'i phyag gnyis kyis ni pi wang sbreng bar mdzad do/ /phyag g.yas pa dang g.yon pa gnyis kyis ni sbrul dkar po bsnams pas mi 'jigs pa'i phyag rgya mdzad pa ste/ zla ba'i 'od zer gyi phreng ba ldan pa bsgom par bya ba'o/ /mgo bo dang mgul ba dang nu ma'i bar du zla ba'i dkyil 'khor la gnas pa'i yi ge AHhrIHhUM rnams ji srid mi skyo ba'i bar du rnam par bsgom par bya ba'o//de'i rjes la sngags bzlas par bya ba ni hrIHste 'bum phrag bdun bzlas par bya ba'o/ /rgyan dkar po dang ldan pa dag gis me tog dkar po khri phrag bdun sbyin sreg bya'o//de nas bya khyung gi dbang phyug gi nus pa dang snyan dngags dang bstan bcos thams cad la mkhas par yang 'gyur ba yin no/ /'phags ma dug sel ma sgrol ma'i sgrub thabs yongs su rdzogs so// //a b+ha ya las tshul khrims rgyal mtshan gyis bsgyur ba'o/