211a4 yid 'phrog ma hUM hA ra swA hA/ sgrol ma dkar mo'i sgrub thabs so/ /a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ shukla tA ra sA d+ha naM/ bod skad du/ sgrol ma dkar mo'i sgrub thabs/ de kho na bzhin du stong pa nyid bsgoms pa'i
211a5 rjes thogs la/ra yongs su gyur pa'i nyi ma la gnas pa'i hU~M las grub pa'i sna tshogs rdo rje yongs su gyur pa las/ rdo rje'i rab la sogs pa rnam par bsams pa de'i dbus su yi ge pa~M las byung ba'i pad+ma'i steng du yi ge pa~M las byung ba'i zla ba la yi ge hUM dkar po las skyes pa'i
211a6 sa bon dang bcas pa'i ut+pal bltas te/de nas spro ba la sogs sngon du btang ba'i de dag yongs su gyur pa las sgrol ma dkar mo zhal gsum phyag drug ma/ ser po dang mthing nag ni g.yas pa dang cig shos kyi zhal te zhal so so zhing spyan gsum gsum mo/ /mchog sbyin
211a7 pa dang /phreng ba dang / mda' bsnams pa ni g.yas kyi phyag gsum mo/ /ut+pal dang / pad+ma dang / gzhu bsnams pa ni g.yon gyi phyag gsum ste/ zla ba'i gdan la skyil krung phyed pas bzhugs pa zla ba'i 'od dang ldan pa ral pa dang cod pan la don yod grub pa gnas pa/
211b1 dbu la mgo bo lngas rnam par brgyan cing / zla ba phyed pas spyi bor brgyan pa/ sna tshogs pa'i rgyan mnga' ba/ lo brgyad phrag gnyis kyi tshad/ dur khrod brgyad kyi dbus na gnas pa dang rang bzhin gyi sa bon snying ga'i zla ba la gnas pa'i bdag nyid du yang rnam par bsams la sngags
211b2 bzlas par byas te/oM tsa le a ni mit+ta tsA le hUM hUM phaT phaT swA hA/ bsnyen gnas kyi mchod pa sngon du btang la thun bzhir zla ba gcig bzlas pas zhi ba la sogs par 'gyur ro/ /sgrol ma dkar mo'i sgrub thabs so/ /a b+ha ya las dge slong tshul khrims rgyal mtshan
gyis bsgyur ba'o/