210b5 a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ sI ta tA ra sA d+ha naM/ bod skad du/ sgrol ma dkar mo'i sgrub thabs/ sngar bzhin du stong pa nyid la sogs pa'i rjes thogs la/ su~M gyi yi ge yongs su gyur pa las/
210b6 rin po che sna tshogs pa'i rang bzhin gyi ri rab lhun po/ /de'i steng du yi ge pa~M las pad+ma dkar po/ de'i steng du yi ge a las zla ba'i dkyil 'khor ro/ /de'i dbus su yi ge hU~M dkar po yongs su rdzogs pa las/ bcom ldan 'das ma sgrol ma dkar mo ste/ spyan
210b7 gsum ma/phyag bzhi ma/ de bzhin gshegs pa lnga dbu rgyan la bzhugs pa/ sna tshogs pa'i rgyan mnga' ba/ phyag gnyis kyis ut+pala'i phyag rgya mdzad pa/ phyag g.yas pa na yid bzhin gyi nor bu rin po che legs par bsnams nas mchog sbyin par mdzad pas
211a1 ni sems can thams cad kyi bsam pa yongs su rdzogs par mdzad do//g.yon pa na ut+pala'i sdong po rnam par 'tsher ba bsnams par bsgom par bya ba'o/ /de'i g.yas kyi zur du 'od zer can ser mo zla ba'i gdan la gnas pa/ na bza' sngo
211a2 ba phyag gnyis kyi g.yon pas shing mya ngan med dmar po'i yal ga bsnams pa/g.yas pas rnga yab dkar po bsnams pa/ stod shag dmar po dang rgyan dang ldan pa'o/ /g.yon gyi zur na rma bya chen mo pri yang ku'i mdog ltar sngon mo phyag gnyis ma g.yon pas rma bya'i mjug
211a3 sgro 'dzin pa g.yas pas rnga yab 'dzin pa'o//de ltar rnam par bsams la/ oM bcom ldan 'das ma sgrol ma bdag gi snying la legs par zhugs swA hA zhes bya ba 'dis bdag nyid byin gyis brlab par bya'o/ /de nas sngags bzlas par bya ste/ oM sgrol ma la phyag 'tshal lo/ /