208a6 / //mkhas pa chen po byang chub sems dpa' dang a b+ha ya la sogs pa las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ Ar+ya tA ra sA d+ha naM/ bod skad du/ 'phags ma sgrol ma'i sgrub
208a7 thabs/sngar bshad pa'i cho gas stong pa nyid bsgoms pa'i rjes la/ yi ge AHdmar po las byung ba'i pad+ma dmar po'i steng du yi ge hUM dkar po las skyes pa'i pad+ma'i snod du nyi ma la gnas pa'i yi ge hU~M mthing nag las byung ba'i gri gug sa bon dang bcas pa yongs su gyur pa las
208b1 rje btsun ma 'phags ma sgrol ma nag mo ste zhal gcig ma spyan gsum mnga' ba/phyag bzhi ma/ gsus pa 'phyang ba zhal mche ba gtsigs pa/ g.yas bskums pa'i zhabs kyis ro mnan pa/ klu brgyad kyis brgyan pa/ stag gi pags pa'i sham thabs can/ mgo bo'i phreng ba
208b2 'phyang bar gyur pa/phyag rgya lngas rnam par brgyan pa/ phyag g.yas pa dag gis ral gri dang gri gug bsnams pa/ phyag g.yon pa dag gis ut+pa la dang thod pa bsnams pa/ mi bskyod pa'i dbu gnon dang ldan zhing ral pa ser po dang ldan pa/ shin tu skrag par byed pa'i gad mo
208b3 cher sgrogs pa/'jigs su rung ba'i gzugs su rdzogs par byas la/ hriM hriM hA~M phaT ces bya ba'i sngags 'di dug dang / shes rab kyi dbang du byas la bzlas par bya ba'o/ /ral gri'i gnas su sgren po yis/ /mi rus phreng ba bsgom byas la/ /spro dang bsdu ba'i sbyor ba yis/ /