CLOSE WINDOW

D3198
བོད་ཡིག

/[ ]@##/ /rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ sgrol ma la phyag 'tshal lo/ /de nas sbyin sreg las mchog gis/ /'dod pa'i don kun sgrub byed phyir/ /rdo rje sgrol ma'i sgrub thabs ni/ /bdag gis yang dag rab tu bshad/ / de la sngags kyi tshig tu gyur pa ni 'di dag ste/ 'di ltar thugs rje chen po dang ldan pa byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /tad+ya thA/ oM tA re tut+tA re tu re ma ma kri te/ sarba duSh+TA na dzaM b+ha ya staM b+ha ya/ mo ha ya ban+d+ha ya hUM hUM hUM phaT phaT phaT sarba duSh+TA staM b+ha ni tA re swA hA/de la re zhig dang por rang gi snying gar zla ba'i dkyil 'khor gyi sa bon gyi yi ge tA~M bsgoms la/ de'i 'od zer gyis yang dag par spyan drangs pa'i bla ma dang sangs rgyas dang byang chub sems dpa' rnams rnam pa sna tshogs pa'i mchod pa la sogs pas legs par mchod cing / gsum la skyabs su 'gro ba'i tshigs su bcad pa brjod pas sdig pa bshags pa la sogs pa byas la/ de nas yang tshangs pa'i gnas bzhi po rnams bsgoms te/ stong pa nyid kyi ye shes kyi rdo rje'i bdag nyid kyi rang bzhin ni nga yin no/ /bya ba'i sngags brjod par bya ba'o/ /de nas yi ge pa~M las byung ba'i pad+ma la zla ba'i dkyil 'khor gyi steng du yi ge tA~M gi sa bon gzhan yang bsgom par bya zhing de dag yongs su gyur pa las/ma mo'i dkyil 'khor dbus gnas par/ /lha mo sgrol ma rnam par bsgom/ /zhal bzhi ma la phyag brgyad ma/ /rgyan rnams kun gyis brgyan pa nyid/ /gser gyi kha dog dang mtshungs pa'i//gzhon nu skal ldan mtshan mchog 'bar/ /sna tshogs pad+mar legs bzhugs shing / /zla ba'i gdan la yang dag bzhugs/ /ser nag dkar dang dmar ba ni/ /g.yas nas skor ba'i zhal bzhi yin/ /zhal re zhing la spyan gsum ma/ /rdo rje skyil mo krung gis bzhugs//'od zer dmar po dang ldan pa/ /sangs rgyas bzhi yis dbu brgyan pa/ /g.yas kyi phyag rnams na ni/ rdo rje dang mda' dang / dung bsnams pa dang / mchog sbyin par mdzad pa'o/ /g.yon pa'i phyag rnams na ut+pal dang gzhu dang rdo rje lcags kyu dang / rdo rje zhags pa sdigs mdzub dang bcas pa bsnams pa'o//rdo rje skyil krung sbyor ba yis/ /sa gsum sgrub par byed pa yin/ /de mdun me tog sgrol ma ni/ /yi ge oM yig nges rdzogs las/ /kha dog dkar mo yid 'ong ma/ /me tog phreng gis phyag gang zhing / /zhal gcig pa la phyag gnyis ma//rgyan rnams kun gyis brgyan pa'o/ /lho phyogs bdug pa'i sgrol ma yang / /kha dog nag mo gzugs legs ma/ /spos phor gyis ni phyag sbrel zhing / /rgyan rnams kun gyis mdzes pa nyid/ /nub kyi mar me sgrol ma yang / /kha dog ser mo yid 'phrog ma/ /lha rdzas mar me'i snod bsnams shing //gser gyi rna gdub g.yo ba'o/ /byang gi dri yi sgrol ma ni/ /dri yi dung phor phyag na bsnams/ /lha mo kha dog dmar mo mdog /dkyil 'khor lte bar bsgom par bya/ /de dag rnams ni zhal gcig ma phyag gnyis ma/ rgyan rnams thams cad kyis brgyan pa dang / rdo rje skyil mo krung gis bzhugs pa'o//de nas shar sgor bsgom bya ba/ /'od dkar rdo rje lcags kyu ma/ /rdo rje lcags kyu dam pa yi/ /phyag mtshan bdag nyid yid 'phrog ma/ /lho sgo'i rdo rje zhags pa ma/ /nag mo shin tu dga' mgu ma/ /lha rdzas rgyan gyis brgyan pa'i sku/ /gos ldan rdo rje zhags pa bsnams//rdo rje lcags thag sku mdog ser/ /rdo rje lcags thag phyag na bsnams/ /sna tshogs rgyan gyis brgyan pa nyid/ /nub kyi sgor ni bsam par bya/ /byang sgor rdo rje dril bu ma/ /rdo rje'i dril bu dang ldan ma/ /'on kyang mdog dmar dge ba yis/ /dkar dang gzugs gnyis lha skur ba lta//de nas sngags pas steng du ni/ /gtsug tor rnam rgyal 'khor lo 'dzin/ /gzugs legs kha dog ser ba ste/ /rdzogs pa'i byang chub 'bras 'byin bsgom/ /de nas dkyil 'khor lte 'og tu/ /phyag na klu zhags bsnams pa yi/ /sum+b+ha 'od 'bar dam pa'i sku//kha dog nag po bsgom par bya/ /zhal gcig ma la phyag gnyis ma/ /thams cad shes bya yid 'ong mar/ /lha mo drug po dag rnams ni cung zad mche ba rnam par gtsigs pa dang bskyod pa'i skyil krung gis legs par bzhugs pa yin no/ /dkyil 'khor gyi 'khor lo de dag thams cad bsgoms la snying ga'i sa bon gyi 'od zer gyis yang dag par spyan drangs pa'i ye shes kyi 'khor lo dzaHhUMHbaM hoHzhes bya ba 'dis spyan drangs pa la sogs pa rnams bya ba'o//lha bcu po de dag kyang / yi ge bcu yi sprul pa yin/ /pha rol phyin bcu rnam dag pas//las rnams thams cad rab sgrub byed/ /de la yi ge bcu po rnams ni/ oM tA re tut+tA re tu re swA hA/ de bzhin du lus dang ngag dang yid byin gyis brlab pa dbang bskur ba dang / thig le dang phra mo'i rnal 'byor dang / bzlas pa la sogs pa rnams kyang rtogs par bya ba yin no//sangs rgyas kun gyis phyag byas shing / /bklags pa tsam gyis grub byed pa'i/ /sngags kyi gtso bo mchog 'di ni/ /lha rdzas rdo rje gur las bshad/ /bya ba yin no/ /'di la yang las ni 'di dag yin te/ sngags 'dis ni stod g.yogs kyi grwa nas bzung la lan bdun mngon par bsngags te/mdud pa bsdams la phyin par gyur na yang 'ga' zhig gis kyang 'jigs par mi 'gyur ro/ /stag dang / chom rkun dang / chu srin na kra dang / seng ge dang / sbrul dang / mche ba can dang / ma hi Sha dang / dom dang / ba men dang / rta la sogs pa rnams kyang brlag par byed cing 'jig par 'gyur ro//de bzhin du sngags 'dis ut+pal rnams brgya rtsa brgyad tsam ji srid du/ oM tA re tut+tA re tu re che ge mo bdag gi dbang du gyis shig swA hA bya bas sbyin sreg byas pas gang 'dod pa de dbang du 'ong ngo / /de nas yang sngags 'dis khwa ta'i gshog pa'i sgro la lan sum cu rtsa gnyis yongs su bsngags te/dgra bo'i khyim du spas pas nyi ma bdun na skrod par 'gyur ro/ /oM tA re tut+tA re tu re bskyod cing rab tu bskyod pas lhas byin myur du 'gro bar skrod cig hUM phaT ces bya ba 'di bskrad pa'i cho ga'o/ /de nas sbyor ba gzhan la/ oM tA re tut+tA re tu re che ge mor mngon par brjod pa'i ku mA rI madz+ya mud bA he na ta s+yA pi te pra yats+tsha tu swA hA/myos byed gtum po'i sa bon dang / /de bzhin smyon pa'i 'bras bu dang / /lo 'dab me tog mya ngan med/ /stong phrag lngar ni bsreg par bya/ /mar dang sbrang rtsi bu ram gyi/ /sbyin sreg bu mo sgrub la bsngags//de nas rnal 'byor nyin bdun na/ /bu mo rang nyid 'dod pa thob/ /de nas sbyor ba gzhan yang / oM tA re tut+tA re tu re che ge mor mngon par brjod pa rang gi gnas nas bdag gi drung du khug cig dzaHzhes bya ba'i sngags 'dis 'bras bu ba Da ri kaN+Da kA rang byung gi me tog gis byugs la stong phrag sbyin sreg bya ba'o//des ni rgyal po'i bu mo yang 'gugs par byed do/ /de nas yang sbyor bar gyur pa gzhan la ra dza sa lA'i ras la bcom ldan 'das ma zhal gcig phyag gnyis ma lcags kyu dang zhags pa dang ut+pal phyag na bsnams pa rnam par bris la/ de'i spyan sngar lha rdzas kyi me tog mchog 'di dag ces bya ba la sogs pas mchod pa byas te/sgom pa dang ldan pas sngags bzlas par bya ba ni/ oM tA re tut+tA re tu re che ge mo 'di dag 'dod pa'i rmi lam ston pa hUM phaT/ stong phrag lnga na 'ong bar 'gyur te/ zhags pas mgul pa bcings shing lcags kyus rnam par phug nas/ rkang pa ut+pal nyid kyis bkyigs pas nye 'khor kun nas drangs pa'i bsgrub bya rkang pa'i 'og tu bsgoms la/ khol mo'i ngo bos longs spyad par bya ba'o/ /de nas sbyor ba gzhan la sgrol ma'i gzungs kyis lan bdun du mngon par bsngags la bdag nyid kyi mig gnyis bsrub par bya ba'o/ /de rgyal po'i pho brang 'khor du zhugs par gyur na rgyal po gus pa la sogs pa byed par 'gyur zhing /gcig tu dbang du 'du bar 'gyur ro/ /de nas sbyor ba gzhan yang sgrol ma'i gzungs brgya phrag tsam bgrangs la sbrul dug can gdong gnyis pa thal bar bya ba'o/ /ba kha dog dmar mo'i mar la shing nyi ma'i shing bal gyis sdong bu byas te/legs par sbar la mig rtsi dbab par bya ba'o/ /mig rtsi de rdo rje nyi ma dang legs par mnyes la rta mchog gis bdug par bya ba'o/ /de dag thal ba dang lhan cig tu mig la byugs par bya ste/ rdo rje'i mig gis gang mthong ba de gal te pad+ma gar gyi dbang phyug yin yang 'dzag par ma gyur na ni de'i tshe nga sgrol ma ma yin zhing sangs rgyas bcom ldan 'das rnams kyis bslus par 'gyur ro//de nas sbyor ba gzhan la gsus pa'i srin bu la gzungs lan bdun mngon par bsngags te rdo rje chos dang lhan cig gcig tu byas la tAm+bu la dang sbyin par bya ba'o//mid pa na rnal 'byor gyi mchog 'dis mi 'bral ba dang rang gi khyim thabs dang yang spyod par mi byed do/ /de nas sbyor ba gzhan yang yod pa ni bu chung so med pa'i lce blangs la sgrol ma'i gzungs kyis lan bdun du mngon par bsngags la b+h+r-ing+ga rA dza dang gi baM dang gcig tu byas te/dpral bar thig le byas pas ni gang gis mthong ba de dbang du byed do/ /de nas sbyor ba gzhan yang snum chen pos bdag nyid kun du byugs te/ bsgom pa dang ldan pas sgrol ma'i gzungs khri phrag gcig bzlas par bya ba'o/ /bzlas pa dang 'bras shA li phye mar byas pa'i 'di gus dri ma dril phyis byas pas gang la sbyin par gyur pa de nyi ma lngar yang mi phyed do//sbyor ba gzhan yang zla ba gzas bzung ba'i dus tshod du sgrol ma'i gzungs bzlas pa dang sngon du 'gro ba yang byas pas de las byur ba'i 'jig rten dbang phyug dang dung gi 'de gu dang ldan pa de gang la byin pa ni nyi ma lnga nyid du rjes su 'jug par 'gyur ro//sbyor ba gzhan la sgrol ma'i gzungs kyis myos pa'i 'bras bu lan brgya rtsa brgyad yongs su bsngags la/ 'bras bu de dang rta mgrin dang lhan cig tu byas pa gang la byugs pa de dbang du 'gyur ro/ /sbyor ba gzhan yang yod de/oM tA re tut+tA re tu re che ge mo'i 'ching ba grol bar mdzod swA hA/ sngags 'dis bsgrub bya'i ming bar du bcug pa shing nyi ma'i yal ga la legs par bris pa ku lI ra ga ra ta la sbas par gyur na/ bcings pa las grol bar 'gyur ro/ /'dis ni rdo rje sgrol ma'i sgrub thabs rdzogs pa yin no/