203a6 /[ ]@##/ /rgya gar skad du/ tA ra sA d+ha naM/ bod skad du/ sgrol ma'i sgrub thabs/ sgrol ma la phyag 'tshal lo/ /snga ma dag bzhin du stong pa nyid kyi bar du bsgoms la/ ba~M gyi yi ge las skyes pa'i sna tshogs pad+ma'i dbus su yi ge oM
203a7 las byung ba'i zla ba la tA~M gi yi ge sngon pos bskyed pa'i sgrol ma sku mdog sngon mo rgyan thams cad dang ldan pa ste/g.yon na ut+pal sngon po dang ldan pa g.yas kyis mchog sbyin par mdzad pa skyil krung phyed pas bzhugs pa g.yas kyi phyogs na ni mya ngan med pa la dga' ma ser mo rin po che
203b1 sna tshogs kyis dbu rgyan dang ldan zhing g.yas dang g.yon gyi phyag gnyis na rdo rje dang mya ngan med kyi yal ga bsnams pa'o//de bzhin du rma bya chen mo ser mo g.yon dang cig shos kyi phyag gnyis na rma bya'i mjug sgro dang rnga yab bsnams pa'o/ /g.yon gyi phyogs na ral gcig ma bong
203b2 thung ba nag mo stag dang dzi na'i pags pa bsnams pa/spyan gsum ma/ zhal mche ba rnam par gtsigs ma/ skra kham pa gyen du brdzes pa/ gri gug dang thod pa bsnams pa'o/ /de bzhin du 'phags ma dug sel ma ljang gu phyag g.yas pa dang g.yon pa gnyis na rnga yab dang sbrul
203b3 nag po bsnams par bsgom par bya ba'o//yang de ltar bsgoms pas skyo na gsang sngags bzlas par bya ste/ oM tA re tut+tA re tu re swA hA zhes bya ba'o/ /sgrol ma'i sgrub thabs rdzogs so// //a g+ha ya'i zhal snga nas dge slong tshul khrims rgyal mtshan gyis bsgyur ba'o//