| བོད་ཡིག |
199a6 mkhas pa a b+ha ya las tshul khrims rgyal mtshan gyis bsgyur ba'o//[ ]@##/ /rgya gar skad du/ a li man+ma sA d+ha naM/ bod skad du/ khor yug mngar ba'i sgrub thabs zhes bya ba/ khor yug mngar ba'i sgrub pa la phyag 'tshal lo/ /ston pa longs spyod rdzogs
199a7 pa'i sku//kun dga' mtshar ba rgyu mthun pa/ /btud nas bung ba'i lus kyi ni/ /sgrub thabs mdor bsdus bshad par bya/ /dang por re zhig me tog pad+ma dmar po dang mtshungs pa'i dpal he ru ka'i skur bdag nyid bskyed la/ khams gsum ma lus pa rnam par shes pa tsam du yang brtags
199b1 te/yang rang gi snying gar shin tu dmar ba/ 'dab ma bcu drug gi phyed pa'i ut+pal chen po'i lte ba la a'i sde dang / ka'i sde mdor bsdus pa'i gzugs su gyur pa/ sangs rgyas kyi yon tan mtha' dag rjes su chags par byed pa'i yi ge hUM gnyis yid kyis mngon par bri bar bya'o/ /de nas yi
199b2 ge a dang /hUM de dag las mchog tu dmar zhing shin tu mdzes pa'i 'od zer gyi tshogs spros la/ gur gum gyi khu ba dang 'dra bar gyur pa'i 'od zer gyi tshogs de nyid kyis kyang sems can dang / snod kyi 'jig rten du bcas pa rnam par sbyangs nas de rnams kyi yang sku dang gsung dang thugs lhan cig
199b3 gcig tu byas shing bkug la/a'i yi ge dang hUM gi yi ge de dag gnyis nyid dang / thig le la legs par gzhug par bya ba'o/ /de nas a yig dang / hUM yig yongs su gyur pa las sgra snyan pa sgrogs pa'i bung bzung gcig ste/ rin po che dang mtshungs pa'i bum pa mchog tu snying rje dang
199b4 ldan pas ze'u 'bru'i rtsi 'thung bar byed pa/shin tu dga' ba dang ldan pa'i sku/ hUM gi sgra ring po snyan par sgrogs pa'i bdag med ma dag/ he ru ka'i rang bzhin du rnam par bsam par bya ba'o/ /de nas 'di dag gi snying gar me tog ku sum+b+ha dmar po bskus pa'i khu ba'i thigs pa 'dra zhing / yungs
199b5 kar phra mo tsam pa'i a dang hUM blta bar bya ba'o//de'i rjes la zung de dag dbugs 'byung ba'i rlung gi shing rta la zhon te/ sna bug gi bug pa nas 'phur nas khams gsum kun na gnas pa'i sems can rnams kyi lus dang ngag dang yid rnam par khrid nas slar yang dbugs rngub pa'i rlung la
199b6 zhon pas/snying ga'i pad+ma'i lte ba ji lta ba de nyid la legs par gzhug go/ /bcug la yang drangs pa'i lus dang / ngag dang yid nas rang gi lus dang ngag dang yid mnyam pa nyid du lhag par mos par bya ba'o/ /yang ji srid du skad cig la yang shin tu gsal bar rtogs pa'i ngo bo skye bar
199b7 'gyur ba de ltar bsgom par bya ba'o//phyi nas ni bsgrub bya'am bsgrub bya mo'i snying gar skad cig gis pad+ma dmar po 'dab ma brgyad pa bsgoms la/ bdag nyid kyi snying ga'i pad+ma'i lte ba la bung ba zung de dag dbugs 'byung ba'i rlung la legs par zhon nas/ sna bug gi bu ga las 'phur
200a1 bas/bsgrub bya sna bug gi bu ga nas nyid kyi lus dang ngag dang yid kyi rang bzhin gyi snying ga'i pad+ma la rab tu zhugs so/ /zhugs nas kyang de'i snying gi rtsibs phug nas lus kyi rang bzhin gyi 'dab ma'i bdag nyid rnams 'jib par byed do/ /ngag gi rang bzhin du gyur pa'i
200a2 ze'u 'bru 'jib par byed do//sems kyi rang bzhin lte ba la yang za bar byed do/ /de'i rjes la sgrub pa po nyid kyi dbugs rngub pa'i rlung gis drangs nas bsgrub bya'i sna bug gi bu ga nas byung ste/ bdag nyid kyi sna bug gi bu ga nas/ snying ga'i ut+pal chen po'i lte ba la rab tu zhugs shing /
200a3 babs pas 'gul bar byas shing / lus kyi rang bzhin 'dab ma btang nas/ ngag gi rang bzhin gyi ze'u 'bru dang / sems kyi rang bzhin gyi snying po yang mchog tu g.yo bar byed par bsam par bya ba'o/ /yang de kho na bzhin du song zhing / de kho na bzhin du rab tu zhugs te de kho na bzhin du
200a4 bzung nas/de bzhin du phyir 'ongs pas/ de kho na bzhin du mchog tu g.yo bar byed par yang bsam par bya ba'o/ /ji srid du rjes su chags pa ston par mi byed kyi bar du de ltar yang dang yang du bya ba'o/ /rjes su chags pas ston pas ni dbang du gyur pa nyid du rtogs par bya ba'o/ /
200a5 rtogs nas kyang ji ltar mngon par 'dod pa'i don grub par bya ba'i phyir 'bad par bya ba'o/ /de la bsgom pa 'dis kyang lam ma log pa dri ma med pa/ zhen par gyur pas lus kun rgyags par myos nas/ sgrub pa po rnams la 'khyud pa dang / dam tshig gi rgyun chags pa nyid du dga'
200a6 bar bya ba la brtson par byed pa nyid du 'gyur ro//gal te skyon mthong bas dga' bar mi byed na/ de'i tshe lha chen po sun 'byin par zhugs pa yin pas de dag rtogs par bya ste/ phyin ci log gi yul legs par khong du chud par bya zhing khong du chud par byas nas kyang bsgoms pas dbang
200a7 du bya ba yin no//khor yug mngar byed bsgrub pa'i thabs/ /rnam bkod las 'byung bsod nams gang / /des ni skye dgu mthong 'gyur zhing / /snying rje'i stobs ldan dpal du shog /khor yug mngar ba'i sgrub thabs/ slob dpon chen po pad+ma 'byung gnas kyis mdzad pa/ a b+ha ya'i
zhal snga nas tshul khrims rgyal mtshan gyis bsgyur ba'o/