193b3 /[ ]@##/ /rgya gar skad du/ badzra naM ka many+dzu shrI sA d+ha naM/ bod skad du/ 'jam dpal rdo rje lus med kyi sgrub thabs/ sdig pa bshags pa la sogs pa sngar bzhin du byas la/ stong pa nyid bsgoms pa'i rjes su yi ge haM las byung ba'i mda' ltongs pa dang ldan
193b4 pa'i gzhu yi ge haM chang zungs kyi dkyil na gnas par bsgom par bya'o//de dag yongs su gyur pa las ni rdo rje lus med ces bya ba'i 'jam pa'i dbyangs te/ mdog ser po phyag drug pa/ rtsa ba'i phyag gnyis kyis ni ut+pal dmar po las byas pa'i rna ba'i rtsar khengs par 'gengs pa'i gzhu
193b5 mda' dang bcas nas bsnams pa'o//g.yas pa gnyis kyis ni ral gri dang me long bsnams pa'o/ /g.yon pa gnyis kyis ni ut+pala'i mchog me tog 'dab ma dang ldan pa'i mya ngan med dmar po bsnams pa'o/ /ral pa dang ldan pa'i cod pan la mi bskyod pas byin gyis brlabs pa'o/ /
193b6 zhabs g.yas bskum pa/ lo bcu drug pa'i tshod ka 'jo sgeg chen po dang ldan pa'i skur blta bar bya'o/ /yang na me long dang mya ngan med kyi yal ga bsnams pa'i phyag gnyis dang bral ba'i phyag bzhi pa bsgom par bya'o/ /de nas ye shes sems dpa' dang gcig tu byas la/ oM many+dzu g+ho Sha
193b7 pri shrI dzaHbya ba'i sngags 'di bzlas par bya ste/'bum gyis sa gsum na gnas pa yang ci bgyi ba nyid du byed do/ /gal te yang 'ga' zhig dgug par 'dod na de'i tshe 'das ma thag tu bshad pa'i bsgom pa byas la/ de'i nga rgyal gyis brtan par gyur pa'i yid kyis rang gi snying gar pad+ma
194a1 dmar po 'dab ma bcu drug pa lte bar yu ba babs pa dang bcas shing rtsa ba dang ldan pa dmigs par bya ba'o//de'i yang yu ba'i rtsa ba yi ge hUM dmar por bltas la/ de'i 'dab ma rnams la ni g.yas skor du dbyangs yig dmar po bcu drug rnam par bsgom par
194a2 bya'o/de'i ze'u 'bru'i steng du ni ji ltar rigs par nyi ma zla ba 'di dag gi dkyil 'khor kha dog dmar po ste/ de dag gi dbus su hrIHdmar po gnyis kyi snying por byas pa'i 'chad par 'gyur ba'i rang gi sngags blta bar bya'o/ /de nas dbugs de dag las shin tu dga' zhing rgyas pa'i bung
194a3 ba dmar po rnams rnam par bsgoms la/rang gi sngags las spro ba dang bsdu ba'i tshogs kyis phyogs bcu dgang bar bya zhing ji srid du 'jigs par bya ba'i bud med kyi gnas su song la/ de rlung gi dkyil 'khor gyi steng du bskyon la 'od zer gyi rang bzhin nyid kyi zhags pas rke legs par bcings/
194a4 shing chos 'byung lcags kyus dam par phig ste/ mdun du thal mo sbyar bar byas pas yang dag par dgug par bya zhing / me'i zo chun gyi dbus su phyung la yi ge hUM dmar pos khyab par byas pa'i mig dang snying dang yan lag rnams thams cad rnam par bsgom par bya ba'o/ /de nas yang
194a5 de'i snying gar dbyangs yig bcu drug dang bcas shing yi ge hUM dang ldan pa'i yu ba can 'dab ma bcu drug pa blta bar bya ste/'on kyang mdog ngan par ro/ /de'i dkyil du yi ge hrIH'i dbus su chud pa'i ming gi yi ge bsgom par bya'o/ /de nas rang gi sngags kyi yi ge spros pa'i gzi brjid
194a6 kyis shin tu dmar zhing rno la phra ba'i lcags kyu pad+ma'i yu ba la gnas pa'i yi ge hUM gi 'od zer gyi steng du bskyod nas 'phen par byed pa bung ba'i tshogs kyis phyi bzhin rjes su 'brang bar gyur pas rang nyid kyi sna bug g.yas pa dang cig shos kyi bu ga nas nges par byung nas bsgrub
194a7 bya ma yin pa bsgrub bya'i sna bug gi bu ga nas de'i snying la rab tu zhugs te/lcags kyu de ni de'i ming gi yi ge kun nas 'dren par byed cing gnas so/ /bung ba des kyang pad+ma'i rdzing bu de rtsa ba nas bshig cing rnyings par byas nas rang dbang du gyur pas cung zad skem par byed pa yin no/ /'di ni yun shin tu brtan par
194b1 blta bar bya ba'o//de nas de kho na bzhin du dbugs des bskyod pa'i lcags kyu dang bung ba de dag kyang rang nyid kyi dbugs kyis de'i sna bug g.yas pa'i bu ga'i lam du zhugs par bltas la/ slar yang dbugs kyi rlung gis dgug par bya zhing lcags kyu dang bung bas yang dag par drangs la rang
194b2 nyid kyi sna bug g.yon par legs par bcug ste/de'i ming gi yi ge rang gi snying gi sngags kyis dam par mnan zhing / de'i dbyangs yig rnams kyang btab la so so la bung ba'i mchog rnams kyis dbang du byas par rnam par bsam par bya ba'o/ /rim pa 'di nyid kyis rang gi rnam par shes pa
194b3 dang /de'i rnam par shes pa gcig tu byas par yang blta ba'o/ /de nas de'i nu ma ut+pal dmar po las byas pa'i mda' rnon pos phug cing chags pas brgyal bar gyur par yang bltas shing / lcags kyi lu gu rgyud kyi gzhus de'i rkang pa gnyis dam por bcings la/ rang nyid kyis
194b4 bzung ba'i ut+pala'i rtsa ba'i bdag nyid kyi zhags pas ske bcings shing nges par drangs te/rang nyid kyi rkang pa'i drung du bskyel la mya ngan med kyis snying btsog par bya zhing mngon pa'i nga rgyal med par byas nas ral gris bsdigs shing skyabs gzhan med par byas la/ yang skra zhig cing gos
194b5 med pa shin tu chags pas brgyal ba'i bdag nyid kyi gnas skabs ni me long gis so//shin tu 'jigs par gyur bar bral bar byas la shin tu dad par bstan te/ rang gis rig par bdag nyid rjes su chags par bya'o/ /oM che ge mo khug cig many+dzu g+ho Sha shrI dzAHzhes bya ba'i rang nyid
194b6 kyi sngags ming dang bcas pa rtse gcig pa'i yid kyis bzlas par bya ba'o//bshad ma thag pa'i rim pa de ltar gyis dkar po'i tshes gcig nas brtsams te ji srid du bcu bzhi'i bar khri phrag tsam bzlas par bya'o/ /yang zla ba nya la ni mchod pa chen po byas la nam yol ga bzlas par bya'o/ /
194b7 de nas nam mkha' byung ba dang de nges par 'ong bar 'gyur ro/ /'ong nas kyang phyag rgya chen po la sogs pa grub pa don du gnyer ba dang rang nyid kyi lha mchod pa'i bsam pas de ji ltar bde bar nye bar longs spyod par bya ba'o/ /'jam dpal rdo rje lus med kyi sgrub thabs rdzogs so// //