192a4 /des ni srid pa las grol shog /tshig lhug pa'i a ra pa tsa na'i sgrub thabs so/ /mkhas pa chen po a b+ha ya las dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ sa d+yo a nu b+ha ba a ra pa tsan sA d+ha naM/
192a5 bod skad du/ 'phral du nyams su myong ba'i spros pa med pa'i sgrub thabs/ shes rab rmongs dug gzhom pa'i phyir/ /shes don gnyer sogs skye bo la/ /'jam dpal 'phral du nyams myong ba'i/ /sgrub thabs legs pa nyid du bshad/ /dang por re zhig rnal 'byor pas
192a6 yid du 'ong bar 'gyur ba'i phyogs 'ga' zhig tu/dbyangs kyi yi ge a las byung ba'i zla ba la gnas pa'i sa bon gyi yi ge d+hIHlas rnam par byung ba'i 'od zer lcags kyu'i rnam pa lta bus spyan drangs pa'i a ra pa tsan la sogs pa rnams la mchod pa la sogs pa cho ga ltar byas
192a7 la/stong pa nyid bsgom par bya'o/ /de nas sems kyi snang ba yongs su gyur pa las ku mu da'i ze ba la gnas pa'i yi ge d+hIHste mngon par gyur nas ral gri langs pa cig blta bar bya'o/ /de'i rtse mo la dbyangs yig dang po yongs su gyur pas zla ba'i steng du sa bon no/ /de dag thams
192b1 cad yongs su gyur pa las ral gri dang po ti bsnams pa zur phud lnga legs par 'gril ba na bza' dmar po zung cig bsnams shing sgeg pa'i cha byad dang ldan pa zhal 'dzum pas rnam par rgyas pa zla ba'i 'tsher bag dang mtshungs par mdzes pas 'dab ma sna tshogs pa'i pad+ma la skyil krung phyed
192b2 pas bzhugs pa'i 'phral du nyams su myong ba'i a ra pa tsa na'i gzugs su bdag nyid legs par blta bar bya ba'o//de nas rang gi snying gar dbyangs yig dang po yongs su gyur pa las 'khor lo rtsibs brgyad pa ste ma reg par ro/ /de'i steng du nas kyi rtse mo tsam gyis ma reg
192b3 par dbyangs yig dang po la sogs pa las yang dag par byung ba'i zla ba'i dkyil 'khor ro//de la zla ba'i sa bon gyis bskyed pa'i ral gri'o/ /de nas 'khor lo dang ral gri dang sngar bshad pa'i ral gri la sogs pa yongs su gyur pa las kyang de kho na bzhin du 'jam pa'i dbyangs
192b4 rnam par bsgom par byas la/de'i mdun du yang yi ge ra las byung ba'i ral gri dbyangs yig dang po las bskyed pa'i zla ba la gnas par bsgom par bya'o/ /ral gri la sogs pa yongs su smin pa las gzhon nu dra ba bcom ldan 'das kyi gzugs su blta bar bya'o/ /de bzhin
192b5 du rgyab tu lnga pa'i yi ge dang po las de kho na las ltar zla ba'i 'od do//de kho na bzhin du yi ge tsa las skra can ma nu ma rgyas pas rnam par mdzes pa ni mgon po'i gzugs su ste g.yas su'o/ /g.yon du yang nye ba'i skra can ma ste/ yi ge na las de kho na bzhin du'o/ /thams cad
192b6 kyang rang gi snying ga'i zla ba la rang rang gi sa bon la gnas par rnam par bsam par bya'o//de nas gtso bo'i snying ga'i sa bon las rnam par gyur pas kyang spyan drangs pa dang ye shes sems dpa' dang lhan cig gcig tu bya ba dang / 'khor lo myur du 'khor ba dang zla ba la gnas pa'i lha
192b7 bzhi dang bcas pa nyid kyang brtan pa dang dag go//rang bzhin lhag ma ma lus pa spro ba dang bsdu ba yang bsgom par bya ba'o/ /bsam gtan gyis dub par gyur na ni sngags bzlas par bya ba'o/ /de la gsang sngags kyi rgyal po ni 'di yin te/ a ra pa tsa na d+hIHzhes bya ba'o/ /'jam
193a1 dpal 'phral du nyams myong ba'i//sgrub thabs gang byas bsod nams ni/ /bdag la byung des 'jig rten yang / /rtag tu 'jam dbyangs mtshungs par shog /'phral du nyams su myong ba'i spros pa med pa'i sgrub thabs so/ /a b+ha ya'i zhal snga nas dge slong
tshul khrims rgyal mtshan gyis bsgyur ba'o/