188b3 /[ ]@##/ /rgya gar skad du/ wA gI rA Ta sA d+ha naM/ bod skad du/ gsung gi mnga' bdag gi sgrub thabs/ sngags pas re zhig thog ma nyid du sa gzhi'i cha dri zhim pos nye bar byugs pa dang / me tog sna tshogs
188b4 kyis kyang legs par bkang la/de'i dbus su stan bde ba la legs par gnas te/ gsum la skyabs su 'gro ba'i tshigs su bcad pa brjod par bya'o/ /de'i phyi nas ni rang gi snying gar yi ge a blta bar bya'o/ /de yongs su gyur pa las zla ba'i dkyil 'khor ro/ /de'i dbus su yi ge muH
188b5 rnam par bsam par bya'o//yi ge muHde las byung ba'i kha dog lnga dang ldan pa'i 'od zer gyi tshogs rnams rang gi ba spu'i bug rnams nas spro bar bya ste/ 'od zer de dag rnams kyis kyang 'jam pa'i dbyangs kyi skus nam mkha' gang bar blta bar bya'o/ /de nas de dag rnams me tog la sogs pas
188b6 mchod par bya ba'o//de nas de'i rjes la sdig pa bshags pa dang bsod nams la rjes su yi rang ba dang / smon lam la sogs pa rnams bya ba'o/ /de nas tshangs pa'i gnas bzhi bsgom par bya ba'o/ /phyis de dag rnams thams cad kyang stong pa nyid du bsgoms te/ oM stong pa nyid kyi ye shes kyi
188b7 rdo rje'i rang bzhin gyi bdag nyid ni nga yin no zhes sngags brjod par bya'o//de nas yang rang gi snying gar yi ge a blta bar bya'o/ /de yongs su smin pas zla ba'i dkyil 'khor ro/ /de'i dbus na yi ge muH'o/ /de dag yongs su gyur pa las 'jam pa'i dbyangs kyi skur bdag nyid blta bar bya ste/
189a1 seng ge la bzhugs pa/ /gser gyi mdog tu ser ba'i sku rgyan thams cad kyis brgyan pa phyag chos bshad pa'i phyag rgyas brel cing g.yon ngos na ut+pal 'dzin pa mi bskyod pas dbu brgyan cing / g.yas phyogs na gzhon nu nor bzangs/ g.yon du ni gshin rje'i gshed blta
bar bya ba yin no/