185a4 /[ ]@##/ /rgya gar skad du/ s+thir tsakra sA d+ha naM/ bod skad du/ brtan pa'i 'khor lo'i sgrub thabs/ oM brtan pa'i 'khor lo la phyag 'tshal lo/ /dpal ldan 'khrul ba ma
185a5 lus gtan nas spangs pa'i ri po 'tsher ba rgya cher 'bar//dri med dmar ser 'od ni rab tu 'phro ba rgan yang byis pa nyid kyi gzugs/ /byis rnams rnam par 'khrul byed pa yang mchog tu rtogs pa'i shes rab la ni dang bas 'dud/ /de yi 'khor lo rin chen 'di ni rang nyid rjes su
185a6 rtogs par bya phyir bdag gis bri//kun mkhyen ye shes rgya mtsho yis/ /mtha' yas phyogs kun legs dgongs nas/ /sems can chu bos kun skrag rnams/ /yongs su bskyab par brtson mdzad pa/ /yid bzhin nor bur grags sems kyi/ /de dag rnam sna
185a7 tshogs pas mchod//byas la 'jig rten bskyab don du/ /bdag nyid skur yang gsol ba gdab/ /de nas dge ba mngon par 'phel bar bya ba'i phyir sngags pas 'di dag bya ste/ 'jigs pa'i sdig pa rnams ni thams cad bshags par bgyi/ /dga' bas 'gro ba'i bsod
185b1 nams la ni rjes yi rang //dkon mchog gsum la bdag ni cis kyang skyabs su mchi/ /rdzogs sangs rgyas kyi byang chub sems ni rnam par blang / /yang de'i rjes la 'di brtsam par bya ste/ gzung 'dzin dag gis bcom pa'i 'gro ba 'di dag rnams ni rmi lam dang ni mig
185b2 'phrul mtshungs//rang bzhin gyis ni 'od gsal phyir na dga' ba nyid kyang nam mkha' mnyam par kun tu gnas/ /bdag nyid kyang ni yid 'ong zla ba nges par bsam bya mdor bsdu na ni yi ge muH/ /yang ni 'od zer dra ba 'khrigs shing 'phro ba de las yang dag byung ba bsgom par
185b3 bya//de gzhan gyur pa las kyang nyams pa med pa'i dkyil 'khor ni/ /gser 'od dang ldan gur kum dag gi 'dab bzhin ser gyur pa/ /dbyangs rnams kun na 'bar ba'i phreng ba yis ni dkrigs gyur las/ /phyogs kyi sgo rnams gsal bar byed pa'i 'od ni bsam
185b4 par bya//de nas gzhan yang muHgzugs sa bon las ni legs byung ba'i/ /'od zer dmar por gyur pa'i dkyil 'khor bsgom bya ste/ /ka kha la sogs yi ge ma lus kun gyis legs bskor ba/ /gur gum dmar rengs shin tu 'od 'bar ba ste de stong ngo / /sngags pa yis
185b5 ni der yang yi ge muHni blta byas la//de las legs par byung zhing 'od 'bar 'dab ma la ldan pa'i/ /ut+pal mchog gyur 'od zer dra bas ma lus rnam 'phro ba/ /muHdbyibs sa bon dbus ni gnas pa rnam par bsam par bya/ /de las legs byung 'od kun gyis ni sangs
185b6 rgyas spro bas 'jig rten kun bkang la//zla bas bskor ba'i sku ni shin tu 'od 'bar mchog tu gsal ldan zur phud can/ /'od zer dmar po'i dra bas mi bzad mun pa'i sgrib g.yogs gtan nas 'joms mdzad pa/ /rnam pa thams cad mchog rnams myur bar sbyin la
185b7 mkhas pa'i dpal ldan ri dbang phyug//rol cing sgeg pa'i nyams dang ldan pas mngon dgyes pa/ /chu skyes phun tshogs mnga' mdzad brjid pa'i 'gying bag ldan/ /dpa' bo gzhon nur gyur ba rgyan rnams kyis brgyan pa/ /de yi zhabs dang nye ba'i yid kyis bsgom par
186a1 bya//de ltar kun bsam ngag gi dbang / /snying gar yi ge muHbsgoms te/ /'bar ba kha dog dmar por snang / /'bar ba'i dkyil 'khor kun nas 'phro/ /de las skyes pa'i rtsibs brgyad pa'i/ /'khor lo 'od zer mun nyer 'joms/ /ma lus 'od kyis 'gengs
186a2 byed pa'i//ye shes rang bzhin rje bo blta/ /sprul pa'i 'khor lo phyogs rnams su/ /yid 'ong 'od zer tshogs bzhin te/ /me tog dmar pos gtams pa ltar/ /yi ge dmar pos kun 'khrigs pa'o/ /de la re zhig yi ge rnams bsam par bya ste/ 'khor lo'i rtsibs rnams kyi shar dang lho
186a3 dang nub dang byang rnams la ni rim pa ji lta ba bzhin du/a ra pa tsa rnams so/ /lte ba la ni yi ge na'o/ /me dang bden bral dang rlung dang dbang ldan gyi mtshams su yang sngar bzhin du niHpra pany+tsa'o/ /de kho na bzhin du bar dang bar rnams kyi ni a la sogs pa'i dbyangs yig gi tshogs rnams so/ /
186a4 phyi rol du ni yi ge ka la sogs pa'i gsal byed rnams so/ /'di dag g.yo ba med cing nges par yang byas la/ phyi nas 'khor lo'i yi ge'i tshogs dang 'od zer gyi tshogs kyi 'od kyis mun pa'i dkyil 'khor kun nas 'joms par byed pa rnams rang gi lus kyi ba spu'i khung bu rnams nas 'phros
186a5 pas/phyogs bcu 'jig rten gyi khams na rnam par bzhugs pa'i de bzhin gshegs pa rnams kyi thugs kyi ye shes kyi bdud rtsi dag dang lhan cig ro gcig tu gyur nas/ /slar yang de dag nyid phyir bsdus la ba spu'i khung bu de dag nyid du legs par bcug la/ rang gi lus kun du gsal
186a6 bar byed par ring du bsgom par bya ba'o//sems brtan pa dang phyi nas ni spro ba dang bsdu ba'i rim pas ji srid du mngon sum du gsal bar ma gyur pa de srid du bsgom par bya ba'o/ /'jam dpal nges rtogs nas skabs dag ni sbyin byed pa/ /yi ge dag ni lhan cig nyid du yid 'ong ba'o/ /
186a7 'khor lo gsal snang kho nar nye bar rtogs pa 'di/ /nyin mtshan bsam gtan la ni mngon par brtson las yin/ /sngar ma mthong ba'i ngag gi rang bzhin rnams dang ni/ /bzo dang rig pa'i gnas rnams ma lus pa la de'i/ /blo yi nor bu'i snang ba gsal byed ji lta bar/ /rab 'jug
186b1 'od kyis mun pa gtan nas 'joms pa yin//gang phyir 'khor lo 'di yang phan 'dod yid can gyis/ /ngo mtshar du yang zla ba phyed ni 'dir brtags na/ /ring po min pa nyid na khyed cag la yang ni/ /bder gshegs ngo bo nyid kyis rab tu sad byed 'gyur/ /'khor lo rnam bkod las byung bsod
186b2 nams gang yin 'dis ni gzhan ci smos//bdag yid las ni skyes kun gsal bar byed pa des ni 'khor lo nyid/ /gsar shar bzhin du 'dis ni gti mug mun nag mthangs ni 'byed byed cing / /shin tu gsal dang gsung gi mnga' bdag dpal dgyes 'dir ni skye bo shog /brtan
pa'i 'khor lo'i sgrub thabs rdzogs so/