184b4 /'jig rten dbang phyug dmar po'i sgrub thabs so// //dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ Ar+ya a
184b5 ba lo ke te shwa ra sA d+ha naM/bod skad du/ 'phags pa spyan ras gzigs dbang phyug gi sgrub thabs/ sngar bshad pa'i tshul gyis stong pa nyid bsgoms pa'i rjes thogs la nam mkhar ra las nges par byung ba'i nyi ma la gnas pa'i yi ge hU~M las byung ba'i sna tshogs rdo rje yongs su
184b6 gyur pa las/rdo rje'i ra ba dang rdo rje'i gur rnam par bsgom par bya ba'o/ de'i dbus su shin tu 'jigs pa dur khrod do/ /de'i yang dbus su pad+ma dmar po 'dab ma brgyad pa'o/ /de'i dbus su yang yi ge hrIHsngon po las yang dag par byung ba bcom ldan 'das 'phags pa spyan
184b7 ras gzigs dbang phyug ste/sku mdog nag po g.yas brkyang ba'i gnas pas nyi ma'i dkyil 'khor la bzhugs pa/ zhal lnga pa spyan gsum pa phyag bcu gnyis pa g.yas kyi zhal gnyis ni dkar ba dang dmar ba'o/ /de bzhin du g.yon gyi zhal gnyis ni ser po dang
185a1 ljang gu'o//g.yas kyi phyag rnams na ni Da ma ru dang kha T+wAM ga dang lcags kyu dang zhags pa dang rdo rje dang mda' bsnams pa'o/ /g.yon gyi phyag rnams na ni sdigs mdzub dang thod pa dang pad+ma dmar po dang nor bu dang 'khor lo dang gzhu bsnams pa'o/ /zhal
185a2 thams cad kyang mche ba rnam par gtsigs pa'o//phyag rgya drug dang ldan pa 'dzag pa dang ldan pa'i mgo bo phreng bas sku la rgyan du byas pa gcer bu sku thams cad kyang shin tu mdzes par bdag nyid skad cig gis rtogs par byas la/ dus phyis snying gar zla ba la yi ge hrIHdbus su chud par oM
185a3 AHhU~M zhes bya ba'o//mu ni ba ra badzre hU~M dzaHzhes bya ba'i sngags 'di phreng ba byas la bzlas pa bya ba'o/ /mtshams med pa lnga byas pa rnams kyis kyang 'bum bzlas na 'grub bo/ /sgyu 'phrul gyi dra ba'i lugs kyis 'phags pa spyan ras gzigs dbang phyug gi sgrub thabs/ paN+Di ta chen po
shAn+ta a ka ra'i zhal snga nas dge slong tshul khrims rgyal mtshan gyis bsgyur ba'o/