182b2 /seng ge bya khyung khyab 'jug la bzhugs pa las 'byung ba'i 'jig rten dbang phyug gi sgrub thabs so/ /mkhas pa chen po a b+ha ya las tshul khrims rgyal mtshan gyis bsgyur ba'o//[ ]@##/ /rgya gar skad du/
182b3 trai lokya ba sh+yaM kar lo ke shwa ra sA d+ha naM/ bod skad du/ 'jig rten gsum dbang du byed pa'i 'jig rten dbang phyug gi sgrub thabs/ dang por re zhig yid dang rjes su mthun pa'i gnas su thang ka dgram par bya'o/ /de'i mdun du sa'i dkyil 'khor gyi dbus su gur gum gyis zla ba'i
182b4 dkyil 'khor bya ste/rdo rje'i ri mo hU~M/ zhes bya ba'i sngags kyis so/ /de'i rjes la dzaHhU~M baM pad+ma la bzhugs su gsol hoHzhes bya ba'i sngags kyis spyan drangs la maN+Dal gyi dbus su 'jig rten gsum dbang du mdzad pa'i rje btsun 'jig rten dbang phyug mchod pa bya ba'o/ /
182b5 sngags 'di dag gis bya ba yin te/ oM 'jig rten gsum dbang du mdzad pa'i rdo rje me tog hU~M bzhes su gsol swA hA/ de nas oM rdo rje thub pa muHzhes bya bas gshegs su gsol la/ rang gi snying gar yi ge oM dmar po rnam par bsams la de yongs su gyur pa las nyi
182b6 ma'o//de'i steng du yi ge hrIHdmar po'o/ /de'i 'od zer gyis de bzhin gshegs pa snang ba mtha' yas legs par spyan drangs la yang dag par mchod de/ sdig pa bshags pa la sogs pa byas shing 'jig rten gsum dbang du bya ba'i thabs rnams kyang 'od kyis rang gi
182b7 sa bon la legs par 'jug par bya ste/de dag yongs su gyur pa las skad cig gis sku thams cad dmar po chen pos dmar bar gyur ba'i 'jig rten dbang phyug zhal gcig pa phyag gnyis pa spyan gsum pa ral ba dang dbu rgyan dang ldan pa/ rdo rjes mtshon pa'i
183a1 zhags pa dang lcags kyu phyag na bsnams pas gsum po lug gnyis kyi zhags pas bcing ba'i steng na/pad+ma dmar po la rdo rje skyil mo krung gis bzhugs shing lha rdzas kyi rgyan dang na bzas rnam par brgyan par bdag nyid bsams la/ rdzu 'phrul sna tshogs dang ldan
183a2 pa'i sangs rgyas dang byang chub sems dpa' rnams dang /rdo rje rnal 'byor ma dang lha rnams kyis kyang dbang skur bar byed par rnam par bsams te/ mgo bo la snang ba mtha' yas bsgom par bya'o/ /de nas snying ga'i nyi ma la hrIHhU~M yaM zhes bya ba bzlas pas sngags yi ge gsum po
183a3 'di bsgoms la/oM stong pa nyid kyi ye shes rdo rje'i rang bzhin gyi bdag nyid ni nga yin no/ /chos thams cad rdo rje'i bdag nyid kyi rdo rje'i bdag nyid ni nga yin no zhes bya ba rdo rje'i bdag nyid kyi sngags gnyis brjod par bya ba'o/ /de ltar goms par byas pa la g.yo ba 'phar ba la
183a4 sogs pa'i yon tan 'byung bar 'gyur ro//de'i rjes la/ oM hrIHAHhU~M 'phrog ma gnod sbyin gyi dbang phyug ma swA hA/ zhes bya ba 'dis chang bu sbyin no/ /oM aM koM hrIM dpa' bo dang dpa' mo'i dbang phyug ma'i tshogs 'khor dang bcas pa ma lus pa rnams a a a ba ta ra a ba ta ra phyogs
183a5 bcu nas gshegs su gsol ba yang /'jig rten skyong ba rnams kyis kyang gtor ma 'di gr-ih+Na gr-ih+Na hU~M swA hA/ zhes bya bas gtor ma btang la/ lha'i rnal 'byor gyis rnam par rgyu bar bya ba yin no/ oM D+yan nas 'byung ba'i rim pa 'jig rten gsum dbang du byed pa'i 'jig rten dbang phyug gi
sgrub thabs/