| བོད་ཡིག |
179a7 / //[ ]@##/ /rgya gar skad du/ hA la hA la sA d+ha naM/ bod skad du/ snying rje khros pa'i sgrub thabs/ bsam pa thams cad rdzogs mdzad pa'i/ /snying rjes khros la gus pas 'dud/ /thugs rje'i bdag nyid de
179b1 yi ni//mdor bsdus sgrub thabs brjod par bya/ /dang por yid 'ong gnas su ni/ /tsan+dan sogs kyis legs byugs la/ /thang ka bkram sogs la bzhugs pa'i/ /bcom ldan mchod par bya ba yin/ /me tog la sogs pa dbul ba'i sngags ni/ oM rdo rje'i me tog
179b2 hU~M/oM rdo rje'i bdug pa hU~M/ oM rdo rje'i mar me hU~M zhes bya ba la sogs pas so/ /oM de bzhin gshegs pa rnams thams cad la bdag gi mchod pa'i sprin tshogs 'dis khyab nas nam mkha'i dbyings kun du 'phro bar hU~M/ mchod pa thams cad dbul ba'i sngags so/ /
179b3 rab tu mchod nas de mdun du/ /bde ba'i stan la gnas nas kyang / /byams pa skye dgu rnams la bsgom/ /brtse chen gyis ni rdo rje yang / /snying gar zla ba'i steng du ni/ /sngags yig hrIHni rnam bkod la/ /sangs rgyas dang bcas de sras rnams/ /gsal bar
179b4 nam mkha' gang bar blta//hrIHyig 'od zer mchod pa yis/ /de dag legs mchod 'khrul bral bar/ /bsod nams 'phel ba sgrub don du/ /dang po sdig pa bshags sogs bya/ /dkon mchog gsum mdun skyabs song la/ /chos rnams thams cad
179b5 mchog bdag med//gsal byed snying rje dri med pas/ /sngags 'di nges par brjod par bya/ /chos thams cad rang bzhin gyis rnam par dag pa ni bdag rang bzhin rnam par dag pa'o zhes so/ /sngags don mngon du byed pas na/ /gzung 'dzin dag las nges grol
179b6 ba'i//dngos kun bdag nyid chen po ba/ /shes pa tsam du bsgom par bya/ /hrIHyig zla ba legs gnas pa/ /so so rang rig de bltas la/ /de skyes pad dkar bsgom bya ste/ /lte ba hrIHyig dang ldan pa'o/ /de las sangs rgyas tshogs spro dang / /'gro ba sangs
179b7 rgyas la yang dgod//slar yang de nyid la bsdus la/ /phyis ni snying rjes khros rang nyid/ /rin chen ri bo'i phug rten pa'i/ /zhal gsum phyag drug zhir gyur pa/ /pad+ma dmar gnas zla ba la/ /g.yas brkyang bskyod pas legs bzhugs par/ /rtsa ba g.yon
180a1 pa gzhan gyi zhal//dkar dang ser dang sngon po dang / /spyan gsum stag gi sham thabs mnabs/ /rgyan rnams kun ldan rab tu mdzes/ /g.yas na mchog sbyin mda' dang phreng / /g.yon pa sgeg pa'i dkur brten pa/ /pad dkar dang ni gzhu
180a2 nyid kyang //'gyur ba'i phyag gis bskor bar mdzad/ /thod pa g.yon na bzhag pa na/ /me tog sna tshogs kyis rab bkang / /g.yas na dug can gyis dkris pa'i/ /rtse gsum de bzhin pad+ma yang / /snang mtha' gtsug tor dam pa ste/ /thod pa yis ni thod du byas/ /zla
180a3 ba phyed pa dang ldan mthor//ral pa dbu rgyan legs par brtsegs/ /rtog pa'i dra ba rnam bsal ba'i/ /sangs rgyas 'od zer tshogs rnams 'phro/ /snying rje khros pa 'dir gyur nas/ /rang snying mgrin pa spyi rnams su/ /zla ba sngo dmar dkar rim bzhin/ /hU~MHA oM
180a4 rnams bsgom par bya//de bzhin snying ga bar dag tu/ /zla la legs gnas hrIHbsgom bya/ /de nas gnas g.yo'i dngos gyur pa/ /de dag de yi gzugs su bsgom/ /dam min rnam rtog las grol ba'i/ /mnyam par gzhag pas sngags bzlas te/ oM ha lA ha la hrIH
180a5 myur min bul bar ma yin zhing //shin tu gsal bar mang du bzlas/ /bzlas pa byas nas ci bde bar/ /gshegs su gsol zhing legs mchod dang / /legs par bstod dang brtan byas la/ /yi ge brgya pa gdon par bya/ /oM rdo rje sems dpa' dam tshig rjes
180a6 su bskyang du gsol//bdag rdo rje sems dpa' nyid du nye bar gnas pa brtan par dgongs/ /bdag la shin tu dgyes par dgongs/ /bdag la rgyas par mdzad du gsol/ /bdag la rjes su chags par mdzad du gsol/ /dngos grub thams cad bdag la legs
180a7 par stsol//bdag gi las thams cad grub par mdzod/ /sems nges pa legs par mdzad du gsol/ hU~M ha ha ha ha hoHbcom ldan 'das de bzhin gshegs pa rnams thams cad kyi rdo rje'i rang bzhin las bdag la grol bar mdzod/ /rdo rje'i ngo bo'i dam tshig sems dpa'
180b1 chen po AHoM bdag dang sems can kun don mdzad//dngos grub stsal nas ji bzhin gshegs/ /sangs rgyas yul du gshegs su gsol/ /slar yang 'byon par gsol ba 'debs/ /'di yis legs par bskul byas la/ /oM A yig sgor ni chos rnams kun/ /
180b2 gdod nas ma skyes med phyir ro/ /muHzhes bya ba'o/ /bsam gtan legs blangs rnal 'byor pas/ /rang gi nus pa'i sbyin pa gtang / /gzugs sogs 'dod pa spyod pa na/ /ma lus rtog pa gtan nas spangs/ /bla med byang chub ring min par/ /sgrub pa po ni dam
pas thob/