| བོད་ཡིག |
178a6 / //dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ siM ha nA da sA d+ha naM/ bod skad du/ seng ge sgra'i sgrub thabs/ dang por re zhig sngags pas bzhin gyi gtsang sbra la sogs pa byas pa bde ba'i stan la
178a7 gnas te/rang gi snying gar zla ba'i dkyil 'khor la yi ge hrIHdkar po dmigs la/ de'i 'od zer gyis legs par spyan drangs pa'i bla ma dang sangs rgyas dang byang chub sems dpa' rnams mdun du bsgom par bya ba'o/ /de'i rjes su mchod pa dang sdig pa bshags pa la sogs
178b1 byas la/stong pa nyid legs par bsgom par bya zhing / oM stong pa nyid kyi ye shes rdo rje'i rang bzhin gyi bdag nyid ni nga yin no zhes bya ba 'dis byin gyis brlab par yang bya ba'o/ /de nas de ma thag tu yi ge paM yongs su gyur pas pad+ma dkar po'o/ /de'i steng du yi ge si
178b2 yongs su gyur pa las seng ge dkar po'o//de'i rgyab tu zla ba la yi ge hrIHlas kun nas 'byung ba'i 'jig rten dbang phyug seng ge sgra'i skur bdag nyid bsgom par bya ba'o/ /dkar po phyag gnyis pa snang ba mtha' yas dang ral pa dang dbu rgyan can/ spyan gsum pa
178b3 dka' thub kyi cha byad 'dzin pa rgyal po chen po'i 'gying bag gis bzhugs pa/phyag g.yon na pad+ma langs pa'i steng na ral gri langs pa'o/ /g.yas na rtse gsum dkar po la sbrul dkar po gdengs ka dang ldan pas dkris pa'o/ /g.yon na me tog dri zhim po sna tshogs kyis yongs
178b4 su bkang ba'i thod pa dkar po'o//de bzhin gshegs pa lnga 'phro bar mdzad pa/ mya ngan las 'das pa chen po'i skur bsgom par bya ba'o/ /bzlas pa'i sngags ni/ oM AHhrIHsiM ha nA da hU~M phaT/ de'i rjes thogs la ni gzungs yin te/ dkon mchog gsum la phyag 'tshal
178b5 lo//thugs rje chen po dang ldan pa'i byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /'di lta ste/ oM a ka Te bi ka Te ni ka Te ka TaM ka Te ka ro Ta bIr ye swA hA/ /bya ba 'di'i rim pa ni ba'i lci ba ma lhung bar nang par shin
178b6 tu snga bar bcom ldan 'das kyi spyan sngar maN+Dal brgyad bya ste/maN+Dal re re zhing lan bcu gsum rjes su brjod par bya ba'o/ /ba'i lci ba'i lhag ma lan bdun du mngon par bsngags la/ nad pa la nye bar byug par bya ste/ nad rnams thams cad nye bar zhi bar byed pa yin no/ /gal
178b7 te mtshams med pa lnga byas pa rnams kyis kyang nyi ma bdun nam nyi ma bcu gsum mam nyi ma nyi shu rtsa gcig na yang 'di grub par ma gyur na ni/de'i tshe nga nyid mtshams med pa lnga byed par 'gyur ba yin no/ /seng ge sgra'i sgrub thabs so// //paN+Di ta rat+na A ka ra'i zhal snga nas/ dge slong
tshul khrims rgyal mtshan gyis bsgyur ba'o/