CLOSE WINDOW

D3154
བོད་ཡིག

/ //paN+Di ta chen po rat+na A ka ra gup+ta'i zhal snga nas/ dge slong tshul khrims rgyal mtshan gyis bsgyur ba'o/ /[ ]@##/ /rgya gar skad du/ khaR+sa pa Na sA d+ha naM/ bod skad du/ bde ba 'byung ba'i sgrub thabs/ bcom ldan 'das bde ba thams cad 'byung bar mdzad pa la phyag 'tshal lo//mngon 'dod 'bras ster dpag bsam ljon shing dpal ni kun nas nyer rgyas pa'i/ /bde bar gshegs tshul lam chen rnams ni shin tu bde mdzad ded dpon pa/ /srid zhi mnyam par dgongs pa dngos po'i rang bzhin ma lus thams cad kyi/ / skye dgu'i chad pa 'di ni phyag na pad+mo 'di yis zhi gyur cig /snga mor gdong sogs legs bkrus la/ /dben pa'i gnas su cho ga yi/ /snying ga'i sa bon spro bya ba/ /pad+ma'i stan la legs gnas pa'i/ /zla rgyas steng du rab 'bar ba/ /sa bon rang gi snying gar bsgom//'od des legs par bskul byas la/ /yang dag spyan drangs mkha' dbyings mdun/ /dpal ldan khaR+sa pa Na mgon/ /bla ma sangs rgyas rgya mtsho sras/ /mchod sprin rnam pa sna tshogs pa/ /sa bon de las byung bas mchod/ /de nas mngon par phyag byas la/ / sdig pa bshags la sogs pa'o/ /blo 'khor ba thog ma med pa nas 'khor ba gang yin par bdag gis mi dge ba bgyis pa'am/ bgyid du stsal ba'am/ gzhan bgyid par gyur pa la rjes su yi rang bar bgyis pa/ de dag thams cad bcom ldan 'das kyi spyan sngar bdag gis bshags par bgyi'o//rdzogs pa'i sangs rgyas dang / sangs rgyas kyi sras dang / 'phags pa rnams dang gzhan dag rnams kyis byas pa'i dge ba gang yin pa la yang rjes su yi rang ngo / /bdag gis de dag ma lus rdzogs pa'i byang chub tu yang dag par yongs su skyang bar bgyi'o//thugs rje'i bdag bzhin bla med pa'o/ /sangs rgyas la ni bdag skyabs mchi/ /chos kyi rang bzhin gos med pa'i/ /chos rnams thams cad ro gcig pa'o/ /rab dga' la sogs sar zhugs pa'i/ /byang chub sems tshogs la de bzhin//mya ngan las 'das par bzhed pa'i sangs rgyas la yang gzhan la phan pa'i don du ring bar bzhugs par bdag gsol ba 'debs so/ /sgrib pa thams cad rtsad nas gcod par byed pa'i rgyur gyur ba byang chub kyi sems bdag gis bskyed par bgyi'o/ /sras dang bcas pa'i bde bar gshegs pa'i lam la bdag gis bsam pa rnam par dag pas legs par bstan par bgyi'o//de nas gcig dang bral ba'i phyir na/ g.yo ba dang / mi g.yo ba'i 'jig rten 'di dag nyid ma lus pa yang stong pa'o zhes rnam par bsams la/ oM stong pa nyid kyi ye shes kyi rdo rje'i rang bzhin bdag nyid ni nga yin no zhes bya bas stong pa nyid byin gyis brlab par bya'o//byin gyis brlabs la chos 'di dag thams cad ni rang bzhin gyis rnam par dag pa yin la de bzhin dung yang yin no zhes kun du bltas la/ oM chos thams cad rang bzhin gyis rnam par dag pas bdag kyang rang bzhin gyis dag pa'o zhes brjod par bya'o//de nas ni bsgom pa'o/ /rnam par shes pa'i bdag nyid tsam du gyur pa las sngon gyi smon lam gyis legs par bskul bas yi ge paM las yongs su gyur pa las kha dog sna tshogs pa'i pad+ma'o/ /a las skyes pa'i zla ba'i dkyil 'khor rgyas shing dri ma med pa'o//de'i steng du shin tu 'od 'bar bar gyur pa'i yi ge hrIHnam mkha'i dkyil gang ba dang / spro ba'i tshogs kyis khyab par rnam par bsgoms la/ de dag yongs su gyur pa las rang gi sa bon gyi yu ba'i snying po la rgyan du byas shing kha bye ba'i pad+ma sngon du blta'o//de nas de dag kun yongs su gyur nas bdag nyid bcom ldan 'das su bsgom par bya ste/ gong ltar 'od bye ba kun nas 'phro bas sku shin tu dkar ba dbu rgyan dang ldan zhing ral pa ni brang khar te/ snang ba mtha' yas kyis dbu brgyan pa/ sna tshogs pad+ma las byung ba'i zla ba'i dkyil 'khor la phyed krung gis bzhugs pa/sku rgyan thams cad dang ldan zhing zhal 'dzum pa lo brgyad gnyis kyi tshod du gyur pa ste/ phyag g.yas pas mchog sbyin pa/ phyag g.yon pas yu pa dang ldan pa'i pad+ma bsnams shing / phyag smad pa de'i 'og na bdud rtsi'i rgyun mdog shin tu dkar ba 'thung bar byed pas tshim pa med par kha gyen du gdangs shing gsus pa che ba shin tu ring bar gyur pa nye bar gnas pa'i yi dwags lta bu'i kha tshim par mdzad do//ri bo po Ta la'i nang na bzhugs pa dpal dang ldan pa thugs rjes brlan par gyur pa'i kun du gzigs pas sgeg pa'i nyams dang ldan pas kun nas legs par bsten par byed pa/shin tu gzhon pa sna tshogs pa'i mtshan rnams kyis brgyan pa'o/ /de'i mdun na sgrol ma'o/ /g.yas zur na gzhon nu nor bzangs so/ /de la sgrol ma ni ljang gu phyag g.yon pas yu ba dang bcas pa'i ut+pa la bzung nas phyag g.yas pas kha 'byed par mdzad pa/rgyan sna tshogs dang ldan pa/ shin tu gzhon shing lang tshol babs pa lta zur legs par bsten pa'o/ /nor bzangs gzhon nu yang mchan khung g.yon pa na po ti bcug cing thal mo kha sbyar ba gser gyi 'od kun du snang ba/gzhon nu'i gzugs su gnas pa rgyan rnams thams cad dang ldan pa'o/ /nub tu ni khro gnyer can no/ /byang du ni rta mgrin no/ /de la khro gnyer can ni phyag bzhi ma gser gyi 'od dang ldan pa ral pa'i thor tshugs can/ phyag g.yas pa dag gis phyag 'tshal ba'i stangs dang phreng ba 'dzin pa spyan gsum ma'o//rta mgrin mdog dmar ba bong thung gsus pa che ba skra ser po gyen du 'bar ba sbrul gyi ga sha can/ sma ra shin tu ser ba kha'i sgo nas khrag yongs su 'dzag pa spyan gsum dmar zhing zlum pa khro gnyer dang smin ma shin tu bsdus pa stag gi pags pa'i sham thabs can dbyug tho dang ldan pa phyag g.yas pa phyag 'tshal ba'i stangs thabs so//de dag nyid thams cad kyang rang gi gtso bo'i zhal la spyan lta bar byed pa/ ji ltar mdzes par gnas par 'od bsam par bya'o/ /'od zer de dag slar yang sa bon yi ge de nyid la legs par zhugs par bya ba'o//de nas rang gi snying gar zla ba'i dkyil 'khor gyi steng du yi ge hrIHrnam par bsams la de las kyang rnam pa sna tshogs pa'i 'od zer kun du spros shing khams gsum yongs su bkang bas sems can rnams thams cad kyang 'jig rten dbang phyug gi go 'phang la rab tu bkod de slar yang de dag spros pa nyid kyis ye shes sems dpa' spyan drangs la dam tshig sems dpa' dang chu dang 'o ma bzhin du lhan cig gcig tu gyur pa'i ngo bor bsgom par bya'o//de nas sku dang gsung dang thugs rnam par dag pa ni rim pa ji lta ba bzhin du mgo bo la yi ge oM dkar po mgrin par yi ge AHdmar po/snying gar yi ge hU~M nag po rnams bsam par bya ba'o/ /'di dag gis kyang sems can gyi phung po ma lus pa'i nyon mongs pa'i tshogs thog ma med pa nas 'byung ba rnams rnam par 'jigs par byed pa mtha' yas pa'i bsgom pa 'di ni nus pa ji lta ba bzhin du gsal bar bya ba'o//gsal dang 'dzin dang shes rab dang / /skal bzangs nad med phun tshogs rnams/ /bsgom pa'i sbyor bas thob pa yin/ /rtsod ldan la ni mngon du yang / /bsgom pas skyon sngags sems rtse gcig pas bzlas so/ /de la sngags ni 'di yin te/ oM hrIHswA hA/ yi ge 'di dag rnams kyang ston ka'i zla ba dri ma med pa'i phreng ba nyid kyis 'od 'bar zhing 'od zer du ma 'phro bar byed pa'o/ /bzlas pas skyon yang bsod nams yongs su bsngos la langs te lha'i nga rgyal gyis bgrod pas ji bde ba'i bgyi ba bya ba'o/ /dpal ldan 'jig rten dbang phyug gi//sgrub thabs cho ga bzhin byas pas/ /bsod nams bdag la legs byung gang / /des de'i go 'phang skyes thob shog/ /khaR+sa pa Na zhes bya ba'i sgrub thabs rdzogs so// //pad+ma 'byung gnas blo gros kyi zhal snga nas mdzad pa'o// //paN+Di ta a b+ha yA ka ra'i zhal snga nas/