175a6 / //tshul khrims rgyal mtshan gyis bsgyur ba'o//[ ]@##/ /rgya gar skad du/ khaR+sa pa Na sA d+ha naM/ bod skad du/ bde ba 'byung ba'i sgrub thabs/ khaR+sa pa Ni la phyag 'tshal lo/ /re zhig dang por sngags
175a7 pas bde ba'i stan la nye bar gnas shing gdong pa'i gtsang sbra la sogs pa byas pas/gtsang zhing dben pa'i phyogs su rang gi snying gar yi ge a las zla ba'i dkyil 'khor rnam par bsgom par bya ba'o/ /de'i steng du yi ge hrIHdkar po'o/ /de'i 'od zer gyis bskul la mdun
175b1 gyi nam mkha' la bla ma dang /sangs rgyas dang / byang chub sems dpa' la sogs pa spyan drangs la/ snying ga'i sa bon gyi 'od zer las byung ba'i mchod pa'i sprin gyis legs par mchod cing sdig pa bshags pa la sogs pa dang / tshangs pa'i gnas bzhi bsgom pa yang bya ste/
175b2 de nas stong pa nyid bsgom par bya zhing / oM stong pa nyid kyi ye shes rdo rje'i rang bzhin gyi bdag nyid ni nga yin no zhes bya ba 'dis byin gyis brlab par bya ba'o/ /de'i rjes la sngar bzhin du yi ge hrIHrnam par bsgoms la nam mkha'i dkyil na spros shing bsdu bar yang byas la/
175b3 de las nges par byung ba'i 'jig rten dbang phyug tu bdag nyid bsgom par bya ste/ dkar po 'od zer bye ba 'phro ba ral pa dang / dbu rgyan dang ldan pa/ snang ba mtha' yas kyis spyi bor mtshan pa/ rgyan thams cad kyis brgyan pa/ bzhin 'dzum pa/ skyil krung phyed pas pad+ma
175b4 dang zla ba'i gdan la bzhugs pa/g.yas pas mchog sbyin pa/ g.yon pas pad+ma bsnams pa'o/ /g.yas kyi phyogs na 'phags ma sgrol ma dang / gzhon nu nor bzangs gnyis so/ /g.yon gyi phyogs na khro gnyer can dang / rta mgrin gnyis so/ /de nas mgo bo
175b5 la yi ge oM/mgrin par yi ge AHsnying gar yi ge hU~M 'di dag rnams legs par bsams la/ ji srid du skyo bar ma gyur gyi bar du gnas par bya'o/ /skyo ba dang sngags bzlas par bya'o/ /de la sngags ni 'di yin te/ oM hrIHswA hA bya ba'o/ /khaR+sa pa Ni'i sgrub thabs rdzogs
so/