170a6 @##/ /rgya gar skad du/ tri sa ma yaM sa ma ya sA d+ha naM/ bod skad du/ dam tshig gsum gyi dam tshig gi sgrub thabs/ sangs rgyas la phyag 'tshal lo/ /dam chos gshe bar mi bya zhing / /spang bar nam yang ma yin no/ /rdzogs sangs rgyas dang byang chub sems/ /de
170a7 dag kun min bya ba min//bla ma dbang bya brnyas mi bya/ /lus can rnams ni brdeg mi bya/ /sngags dang phyag rgya rang mi bya/ /chud kyang nges par mi gsan no/ /ser sna dang ni chang btung bar/ /nam yang bya ba ma yin no/ /rdo rje'i gzugs ni mi 'gong zhing / /bza' bar bya ba
170b1 nyid kyang min//nyal khri stan du mi bya zhing / /phyag rgya sogs la ma gus spang / /bla ma dag gam lha la yang / /byis pa'i chos nyid mi bya'o/ /rang bzhin bzang dang nyes byed la'ang / /mngon spyod bya ba ma yin no/ /nyon mongs bya min byed gzhug dang / /yid rang bar yang mi
170b2 bya'o//mdor na bdag gzhan rjes mi mthun/ /gang yin de dag spang bar bya/ /dam tshig 'di ni rtog chen dpal/ /dam tshig gsum gsungs dam tshig yin/ /g.yo sgyu dang ni log 'tsho dang / /dri ma la dga' tshogs par 'du/ /yid gnyis za bar byed pa dang / /yo
170b3 byad phal cher yongs su 'dzin//snyom las zhum pa'i sems nyid dang / /bdag bstod la sogs de bzhin te/ /bar chad byed par gyur pa'i chos/ /rtog pa'i rgyal po las 'di gsungs/ /skyon 'di rnams las nges grol zhing / /sngar bshad dam tshig la gnas na/ /
170b4 'du 'dzi kun spangs dang bar ldan/ /rdzogs pa'i byang chub la yid brtan/ /lus ngag yid kyi 'jug pa kun/ /skye dgu skyob phyir phan brtson pas/ /dngos grub dam tshig gsum gsungs pa/ /'dod pas cho ga bzhin du bsgrubs/ /paN+Di ta chen po rin chen 'byung gnas
sbas pas mdzad pa'i dam tshig gi sgrub thabs rdzogs so/