170a1 dam tshig gsum gyi rgyal po'i rtog pa nas gsungs pa/ /rdo rje 'dzin pas legs par gsungs pa'i bstod pa'o/ /dge slong tshul khrims rgyal mtshan gyis bsgyur ba'o//[ ]@##/ /rgya gar skad du/ stu ti a nu shaM sa/
170a2 bod skad du/ bstod pa'i phan yon/ /'di dag sangs rgyas thams cad kyi/ /yang dag yon tan rgya chen yin/ /de dag lan cig brjod pas kyang / /gang phyir sngags pas thams cad 'grub/ /bstod pa'i rgyal po 'di dag gis/ /de bzhin gshegs pa mnyes byed de/ /
170a3 bskal par gnas dang lhag pa dang / /dngos grub rgya chen ster bar gsungs/ /blta bas chog mi shes pa yi/ /bdag nyid sku yang ston par mdzad/ /rnam par snang mdzad mgon po che/ /mi bskyod pa dang rin chen 'byung / /dag pa'i rgyal ba snang mtha' yas/ /don
170a4 yod grub rgyal thams cad kyis//gser 'gyur dang ni bcud kyis len/ /de nyid mchog kyang rab tu sbyin/ /dngos grub dgar gyur rnams yangs shing / /ma lus don rnams phun tshogs pa/ /bsam pa kun yang rdzogs byed pa'i/ /yid la sems pa ster bar mdzad/ /
170a5 shes rab che dang stobs shugs rnams/ /mchog tu dge ba snang bar mdzad/ /ces pa bstod pa'i phan yon dang bcas pa 'di nyid ni rnal 'byor chen po'i rgyud rdo rje'i dkyil 'khor gyi rgyan las gsungs pa yin no/ /dge slong tshul khrims rgyal mtshan gyis bsgyur ba'o// //