CLOSE WINDOW

D3145
བོད་ཡིག

/[ ]@##/ /rgya gar skad du/ badzra d+ha ra saM gI ti stu ti/ bod skad du/ rdo rje 'dzin pas legs par gsungs pa'i bstod pa/ sangs rgyas dang byang chub sems dpa' thams cad la phyag 'tshal lo/ /mtshums med stobs ldan mnyam nyid snying por gyur pa'i chos mnga' ba//thugs rje'i bdag can 'gro ba rnams kyi sdug bsngal 'joms mdzad pa/ /yon tan lus kun ldan dngos grub thams cad sbyin mdzad cing / /dri med stobs ldan mnyam med mchog gi chos rab dang ldan pa/ /nam mkha' mnyam pa dag gi yon tan rdul phran zer mi yod//dpe ni mtshams kyi pha rol 'ga' zhig na yang dmigs pa min/ /dpe las rnam par 'das pa'i dngos grub ma lus dam pa rnams/ /mtha' yas sems can khams la mchog gi dngos grub sbyin par mdzad/ /rtag tu dri med thugs rje'i shugs kyis bzhengs pa'i smon lam can//dngos grub ji srid 'gog pa med pa'i chos nyid dang ldan pa/ /ma lus mchog tu sgrub par mdzad pa skye dgu rnams kyi don/ /rtag tu rnam par bzhed pa thugs rje chen po'i bdag nyid rnams/ /'gag pa med pa nyid du thugs rjes kun nas spyod ldan la//mi g.yo rab gsal 'jig rten gsum na dngos grub mchog rnams gnang / /dpag med gzhal du med la legs pa nyid du snyoms zhugs pa'i/ /rtogs shing mkhyen pa'i chos nyid shin tu ngo mtshar rmad du byung / /dam tshig gsum gyi dngos grub mchog gi mchog sbyin mdzad pas bdag /mchog stsol stsol na rtag tu mchog gi rtogs pa'i rtogs dang ldan/ /'jig rten gsum na mchog sbyin mchog rnams mtha' dag grub pa po/ /dus gsum gshegs pa'i mgon po sgrib pa kun nas mi mnga' ba'o/ /