320a5 /cho ga bzang po tshul bzhin du/ /rab tu 'bad nas bshad pa yin/ /rten cing 'brel par 'byung ba'i snying po'i cho ga zhib mo/ /mkhan po ne+erban rak+Shi tas mdzad pa rdzogs so//[ ]@#/ /rgya gar skad du/ pra tiSh+Tha bi byeH/ bod skad du/
320a6 rab tu gnas pa'i cho ga /thams cad mkhyen pa la phyag 'tshal lo/ /de la re zhig pha rol tu phyin pa'i theg pa'i sgor byang chub mchog tu sems bskyed thob pa'i dge bsnyen nam/ dge tshul lam/ dge slong gi dge 'dun nam/ gang zag gi mchod rten nam/ bris
320a7 sku la sogs pa rab tu gnas pa byed pas gang rab tu gnas par bya ba mtshan nyid dang ldan pa de'i nye 'khor skyang nul byas te/mthar tsan+dan la sogs pa'i dri zhim po'i chus byugs nas/ mdun du maN+Dal gru bzhi pa khru gang yan chod nas ji tsam nus par byugs nas/
320b1 der pad+ma bdab ma brgyad pa tshon gyis bri bar bya'o/ /de'i steng du mtshan nyid dang ldan pa'i bum pa gser la sogs pa'i rgyu las byas pa kha rgyan dang / mgul dkris dang bcas par rin po che dang / sman dang / 'bru rnams gzhug cing tsan+dan dang / ga bur la sogs pa
320b2 dri zhim po dang sbyor ba'i chu klung gi chu gtsang mas dgang zhing /grangs kyang gcig nas brtsams te ji snyed 'byor pa gzhag par bya'o/ /me tog la sogs pa'i yo byad ci 'byor pa rnams kyang mdun du sta gon du byas la/ nang par snga dro'i dus su yid du 'ong ba'i bla re bres
320b3 pas mdzes pa'i gnas su sgrub pa pos stan bde ba la skyil mo krung la sogs pa mnyam par gzhag pa'i spyod lam gyis gnas te/'jig rten skyong ba rnams la gtor ma byin la/ gser ram dngul gyi gzhi'am gro ga la'ang rung / tsan+dan dkar pos/ ye d+harmA he tu
320b4 pra b+ha bA tud+he ShAn+ta thA ga to h+ya ba data/de ShAny+tsa yo ni ro d+ha e waM bA dI ma hA shra ma NaH zhes pa tshar bdun du bris la/ tshar re re zhing lan bdun bdun bklags te/ bum pa'i chus bkrus la bum pa de nyid du bzhugs par bya'o/ /de nas bum pa'i steng du zla ba la sngags
320b5 kyi phreng ba dkar po 'od dang bcas pa skad cig gis bsams te/de'i 'od zer gyis 'jig rten gyi khams thams cad nas lha'i bdud rtsi'i rgyun rnams bkug la bum pa'i chu de sngags kyi phreng ba zhu ba dang lhan cig ro gcig tu gyur pas bum pa gang bar dmigs nas/ de lag pas
320b6 reg nas brgya rtsa brgyad bzlas par bya'o//de'i rjes la mchod rten la sogs pa'i nang ngam snying gar zla ba la snga ma ltar sngags kyi phreng ba dmigs la/ de'i 'od kyis 'jig rten khyab par bltas te/ des sangs rgyas dang byang chub sems dpa' thams cad bskul nas/ gang zhig
320b7 rab tu gnas par bya ba mchod rten la sogs pa de'i gzugs kyis byon nas de dang de la thim pa dang /sngags la sogs pa thams cad ro gcig tu gyur par bsams nas/ lugs su blugs pa rnams la ni dngos su khrus bya'o/ /glegs bam la sogs pa rnams la ni me
321a1 long la bkra shis kyi tshigs su bcad pa dang /glu dang / sgra dang bcas pas sngags bzlas bzhin du sngar gyi bum pa'i chus khrus gsol bar bya'o/ /de nas dri zhim pos bsgos pa'i gos kyis sku phyi ba byas pa'i rjes la ci 'byor pa'i na bza' dang
321a2 rgyan rnams dbul bar bya'o//de nas me tog la sogs pa'i mchod pa ci 'byor pa rnams dbul lo/ /de'i rjes la lag pas reg nas snying po brgya rtsa brgyad bzlas par bya'o/ /de nas mchod rten nam lugs sku'i nang du gro ga la snying po bris te gzhug go/ /glegs
321a3 bam bris sku'i ni mtha' mar bri'o//de ltar byas nas slar yang me tog la sogs pa'i mchod pa rnams kyis mchod cing rol mo'i sgra yang bsgrags te/ 'byung po gang dag 'dir ni lhags gyur cing / /sa 'am 'on te bar snang 'khod pa dag /skye dgu kun la rtag tu
321a4 byams byed cing //nyin dang mtshan du chos kyang spyod gyur cig /rgyal ba dgra rgyal bden pa'i byin gang gis/ /bden 'di gsungs pa 'di la sdig med cing / /lhar bcas lha min gyis rtag mchod 'os pa'i/ /bden pa des ni deng 'dir bde legs shog /dam chos bdud rtsi
321a5 thams cad mkhyen pa yis//zhal nas gsungs pa bsil ba'i ro 'di yi/ /nyon mongs 'bar ba'i me yis gdungs pa yi/ /'gro kun sdug bsngal rtag tu zhi byed shog /ces brjod cing sngar gyi bum pa'i chu'i lhag mas rab tu gnas pa'i sa gzhi dang / gnas khang dag tu nyung
321a6 zad gtor bar bya'o//bya ba rnams rdzogs pa na rdul tshon la sogs pa rnams chu bo chen po'am/ khron pa rnying par dor nas sa gzhi lci ba sar pas byugs te/ rab gnas byed pa'i slob dpon dang / dge slong la mchod ston dang / yon dbul ba la sogs pa bya'o/ /de nas rten de la mchod
321a7 pa phul te/yon bdag 'di'i ched du bzhugs la sems can gyi don mdzad par gsol ba gdab po/ /rab tu gnas pa'i cho ga thun mong pa paN+Di ta dpal su ma ti kIrtis mdzad pa rdzogs so// //mkhas pa de nyid dang lo tsA ba pradz+nyA kIrtis bsgyur ba'o//