CLOSE WINDOW

D3138
བོད་ཡིག

de don gzhan du bstan byas nas/ /sdug bsngal chen po myong bar 'gyur/ /slob dpon chen po rat+na kIrtis mdzad pa sgrub thabs thams cad kyi las ka gsal byed ces bya ba rdzogs so//[ ]@##/ /rgya gar skad du/ pra tI t+ya sa mut+pA da hr-i da ya ka lpaM/bod skad du/ rten cing 'brel par 'byung ba'i snying po'i cho ga zhib mo/ sangs rgyas dang byang chub sems dpa' thams cad la phyag 'tshal lo/ /chos gang rgyus 'byung de dag gi /rgyu dang de 'gog gang yin pa/ /de bzhin gshegs pas bka' stsal te//de skad gsungs pa dge sbyong che/ /tshigs bcad 'di yi cho ga ni/ /sems can rnams la phan byed pa/ /las kun 'grub par bya ba'i phyir/ /cho ga bzhin du bshad par bya/ /de la re zhig sgrub pa po'i skyes bus dang por sangs rgyas bcom ldan 'das la sems rab tu dang ba chen pos bskyed par bya'o//'di snyam du yang sems bskyed par bya ste/ bcom ldan 'das kyis tshigs su bcad pa 'dis sems can rnams kyi rten cing 'brel bar 'byung ba lugs dang mthun pa dang / lugs dang mi mthun pa'i sgo nas 'jug pa dang / ldog pa gsungs te 'di ltar las dang nyon mongs pa yod na ni sems can rnams 'khor bar 'jug par 'gyur la/las dang nyon mongs pa med na ni sems can rnams 'khor ba las ldog go zhes bya ba'i bden pa'i tshig 'dis bdag gi cho ga zhib mo zhig grub par gyur cig ces sems bskyed par bya'o/ /de'i 'og tu 'di skad ces tshig brjod par bya'o//sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /yang dag par rdzogs pa'i sangs rgyas gang+gA'i klung gi bye ma snyed nyan thos kyi dge 'dun dang bcas pa la phyag 'tshal lo/ /rang sangs rgyas rnams la phyag 'tshal lo//dgra bcom pa rnams la phyag 'tshal lo/ /phyir mi 'ong ba rnams la phyag 'tshal lo/ /lan cig phyir 'ong ba rnams la phyag 'tshal lo/ /nor bu grub pa rnams la phyag 'tshal lo zhes brjod par bya'o/ /rim pa 'dis de dag gi las thams cad tshigs su bcad pa 'di'i cho ga bzhin du sbyar bar bya ste/de lta bu ni cho ga zhib mo dang po yin no/ /de nas rang gi lag mthil lam lus la sangs rgyas bcom ldan 'das kyi sku skyes bu chen po'i mtshan sum cu rtsa gnyis kyis brgyan pa/ dpe byad bzang po brgyad cus spras pa me'i khams la snyoms par bzhugs par bsam par bya ste/de lta bu ni lha rjes su dran pa'i cho ga yin no/ /da ni sbyor ba bri bar bya ste/ rims kyis btab pa dang / klad pa na ba dang mig na ba la sogs pa ji ltar 'dod pa tshigs su bcad pa 'dis lag pa g.yas pa'i khu tshur gyis dbyung ba'i tshul du byab par bya'o//rims nyin gsum pa dang / nyin bzhi pa dang / rtag pa dang / rims mi bzad pas thebs pa rnams la bu mo gzhon nus bkal ba'i skud pa la bzlas brjod brgya byas pa gdags par bya'o/ /de bzhin du rims sel ba'i bdug pa'i ri lu dag ji ltar 'dod par bzlas brjod byas nas bdug par bya'o//snying nad dang rtsib logs na bas thebs pa rnams la chu la bzlas brjod bcu'am bcu gnyis bzlas nas blud par bya'o/ /yang na nad de la phan pa'i sman dang bcas la bzlas brjod byas la blud do/ /g.yen pa dang / rdo dang / 'brum bu dang / phol mig la sogs pa dang / rma red pa la grog tshang gi sa la snga ma bzhin du bzlas brjod byas nas bsku bar bya'o/ /gzhang 'brum mam pho mtshan 'brum bus thebs pa rnams la skyer khaN+Da'i ri lu'am byang chub sems dpa'i ri lu la bzlas brjod byas nas bsku bar bya'o//mdor na nad kyi rnam pa gang gis thebs pa de la bdag nyid kyis tshab che chung shes par byas la tshigs su bcad pa 'dis bzlas brjod mang ba'am nyung du nyi shu sum cu bzlas pas byug pa'am bsku bar bya'o/ /'khru bas thabs pa rnams la sman khu'am ri lu'i rdzas kyi rigs gzhan la bzlas brjod lnga'am drug bzlas nas zar gzhug ste/de lta bu'i nad gso ba'i cho ga yin no/ /de nas lo tog nas dang / gro dang / 'bras dang / sran mung+ga dang / mon sran dre'u dang / ras bal gyi shing dang / rgun 'brum dang / a ru ra la sogs pa la za pa'i srin bu dang sbyar ba dang /phye ma leb dang / byi ba dang / ne tso dang / ri skegs la sogs pa kha bcing ba'i phyir zhing gi khyon shes par byas nas bye ma'am thal ba bye gang ngam/ de las lhag tsam la bzlas brjod brgya rtsa brgyad byas nas zhing la gtong bar bya'o//de lta bu ni lo thog la phan pa'i cho ga yin no/ /de bzhin du ha cang char ches na bcom ldan 'das la phul ba'i me tog dman ma re re la bzlas brjod nyi shu rtsa gcig byas nas/ bla gab med pa'i phyogs su ba lang gi lci bas dkyil 'khor gru bzhi pa zhig byas la/dbus su bum pa bzhag nas steng du kham phor gzhag par bya'o/ /kham phor gyi nang du me tog dman pa bzlas brjod byas pa bsregs pas 'chad par 'gyur te/ 'di ni char bcad pa'i cho ga'o/ /de bzhin du ser ba bzlog pa la se'u'i lcug ma'am nya phyis lcug ma la bzlas brjod brgya rtsa brgyad byas nas sprin bzlog par bya'o//yang na yungs kar la bzlas brjod brgya rtsa brgyad byas nas thum por byas te/ se'u'i lcug ma'i thor tho la bcings nas bla gab med par gzugs te/ de lta bu ni sprin bzlog pa'i cho ga yin no/ /de bzhin du 'byung po dang /sha za dang / brjed byed kyi gdon gyis zin pa rnams bum pa'am zangs kyi ril bar yungs kar yang blugs/ dri'i rdzas ga pur dang / tsan+dan dang / gla rtsi la sogs pa yang bcu gnas bzlas brjod brgya rtsa brgyad byas te/ sku gdung dang bcas pa'i mchod rten nam/dri gtsang khang ngam/ sa phyogs bde ba zhig tu bzhag la/ phyis sa phyogs gzhan par ba lang gi lci bas dkyil 'khor gru bzhi pa byas te/ me tog gis gtor la phyogs bzhir bum pa gang ba bzhag ste/ gu gul gyi bdugs pas bdug par bya'o/ /de nas bkru bar bya ba de gos dkar po bskon nas dkyil 'khor gyi nang du bzhag la/bum par sa bon thams cad dang rin po che thams cad bcug la/ rje btsun sangs rgyas la reg par byas pa'i chu'i rgyun gyis bkrus na/ nad thams cad las thar bar 'gyur ro/ /nad 'go ba thams cad dang 'tshe ba thams cad thag ring por 'gyur ro//rim pa de ltar byas na 'byung po'i gdon dang / brjed byed dang / sha za la sogs pas kyang glags rnyed par mi 'gyur te/ de lta bu ni bum pa'i cho ga yin no/ /de bzhin du sbyor ba gzhan yang byis pas 'jigs pa rnams la gi wang la bzlas brjod lan nyi shu rtsa gcig byas pas/'phags pa stobs po che bris la gtsang sbra byas la mgul bar gdags so/ /de bzhin du yungs kar la bzlas brjod byas nas mgul du gdags so/ /gu gul gyi bdug pa la yang dag par bzlas brjod gnyis sam gsum byas nas bdug go//mkha' 'gro mas zin pa la yungs kar dang gu gul gyi bdug pa la de bzhin du bzlas brjod byas pas bdug par bya'o/ /yang na skud pa la snga ma de bzhin du bzlas brjod byas nas mgul du gdags te/de lta bu ni byis pa gso ba'i cho ga yin no/ /de bzhin du bud med bu thogs pa la chu la bzlas brjod lnga'am drug byas nas blud na legs par btsa' bar 'gyur ro/ /de bzhin du bud med mo gsham la rje btsun sangs rgyas kyi sku bsil ba'i chu la bzlas brjod nyi shu rtsa gcig byas te/khrus byas pas lus gtsang mar gyur pa la blud na bu tsha byung zhing phan par 'gyur te/ de lta bu ni rigs rgyud spel ba'i cho ga yin no/ /lam du zhugs pa rnams kyis skud pa la bzlas brjod lan bdun byas nas re re bzhin mdud pa dor bar bya'o/ / yang na gos kyi mtha' la lan gnyis sam gsum bzlas brjod byas te/ mdud pa bor na bde bar 'gro bar 'gyur te/ de lta bu ni lam du nyes pa mi 'byung ba'i cho ga yin no/ /shu dag tshon gang tsam lo gcig gi nyi ma'i grangs dang mnyam pa blangs nas grangs de tsam du bzlas brjod byas la/mar yang srang de tsam zhig la bzlas brjod byas nas bum pa gcig tu blugs te/ bkrus nas nyi ma re re zhing shu dag gi dum bu dang / mar srang gcig la bzlas brjod byas nas zos na yid gzhungs pa'i mchog tu 'gyur ro/ /de bzhin du ba ser skya'i 'o ma dang mar dang bzlas brjod brgya rtsa brgyad byas pa'i 'o thug sna ma'i mgo lcogs kyis dkrugs te zos na yid gzhungs pa'i mchog tu 'gyur te/de lta bu ni yid gzhungs pa'i cho ga yin no/ /de bzhin du me tog dang / 'bras bu'am/ rtswa'am/ shing ngam 'jim pa lag pa g.yas pa'i chang par bcug la lan nyi shu rtsa gcig chang par bcug pa byin pa de dang mdza' bar 'gyur ro//de ni mdza' bar 'gyur ba'i cho ga yin no/ /de bzhin du ba lang dang rta la sogs pa phyugs 'chi bar nye bar gnas pa'i tshe chu yungs kar dang bcas pa la brgya rtsa brgyad bzlas brjod byas pa'i thum po gdags so//de bzhin du mi rnams 'chi ba'i gnod pa 'byung ba la/ yungs kar la de bzhin du bzlas brjod byas pa'i thum po mgo skyob kyi thog tu gdags par bya ste/ 'di lta bu ni re zhig mi ngas dang phyugs ngas gso ba'i cho ga yin no//re zhig ne rban rak+Shi ta/ bdag gis rang gi bla ma las tshigs su bcad pa mthu bsam gyis mi khyab pa'i sbyor ba brgya thos so/ /de yang yun rings pas kha cig ni brjod de/ che long kun bsdus pa yin no/ /'di thams cad 'grub pa la the tshom mi bya'o//nangs na yang gang la yid ches pas dad pa yod pa de la lhag par 'grub par 'gyur ro zhes bya bar nges so/ /bzlas brjod 'bum byas nas dgos pa ci yang mi 'grub pa med do/ /tho gar yul nas skyes gyur pa/ /dge slong ne rban rak+Shi tas/